syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
الدولار يصل إلى 100 ليرة سورية في السوق السوداء
الاخبار المحلية

لامس سعر صرف الدولار مقابل الليرة السورية في السوق السوداء حاجز 100 ليرة اليوم الخميس, فيما لم يصدر المصرف المركزي اليوم نشرة تحدد أسعار الصرف بسبب عطلة رسمية.


وأفاد متعاملون لسيريانيوز أن "سعر صرف الدولار في السوق السوداء اليوم الخميس وصل إلى 100 ليرة سورية", فيما أشار بعض المتعاملين أن "الدولار تجاوز حاجز 100 ليرة بعد منتصف ليل الأربعاء- الخميس".

وأشار بعض المتعاملين الى ان "هناك جمود في حركة بيع وشراء الدولار".

وتراوح سعر صرف الدولار في اليومين الماضيين في السوق السوداء بين الـ 90 و100 ليرة, فيما حدد مصرف سورية المركزي يوم الاربعاء سعر صرف الدولار مقابل الليرة  شراء وحوالات بـ 36. 59 ليرة بارتفاع 11 قرشا عما كان عليه الثلاثاء، بينما وصل المبيع إلى 72. 59 ليرة.

وبوصول سعر صرفه بالسوق السوداء الى حاجز الـ 100 ليرة يكون الدولار قد ارتفع باكثر من 52 ليرة مقارنة بسعره قبل نحو عام.

وأشار حاكم مصرف سورية المركزي أديب ميالة في وقت سابق، إلى أن المركزي سوف يتدخل بشكل إيجابي في السوق لحماية الليرة السورية، مبينا أن المصرف سيقوم بضخ قطع أجنبي في السوق لحماية الليرة ولتغطية النقص في الموارد ولمساعدة المصارف على تمويل المستوردات بالأسعار الطبيعية، واصفا سعر صرف الدولار في السوق الموازية بأنه "وهمي"، وهدفه إثارة الخوف والهلع لدى المواطنين.

وتظهر البيانات الرسمية خلال عام 2011 إن الليرة السورية خسرت أكثر من 16% من قيمتها أمام الدولار، وذلك بارتفاع وسطي سعر صرف في كانون الأول 2011 إلى 54.69 ليرة سورية، مقارنة بـ47.11 ليرة وسطي كانون الثاني 2011.

يشار إلى أن الاقتصاد السوري تأثر في الآونة الأخيرة بالأحداث التي تتعرض لها سورية من احتجاجات اندلعت في عدة مدن سورية منذ 15 آذار الماضي، والتي أسفرت عن سقوط مئات الشهداء، إضافة إلى جملة من العقوبات الاقتصادية غربية وعربية طالت عدد من الشخصيات الاقتصادية والسياسية والكيانات الاقتصادية.

 

سيريانيوز


2012-03-08 14:38:43
شاركنا على مواقع التواصل الاجتماعي:



شارك بالتعليق
حسون مغرد2012-03-09 16:03:40
عجيب
عجيب كيف موفيه معهم حاولت أعمل 100 ليرة أصلية كلفت 2 دولار بين ورق وأجرة طباعه
-سوريا
فيصل2012-03-09 09:40:28
دولار
لك المواطن راتبو ما بيكفيه ياكل هوا مو يبدلو دولارات اما اصحاب الملايين فمعروفين مع مين كانو يتغدو ويتعشو وشو كانو يشتغلو
-سوريا
سوري ذكي جداً2012-03-09 03:36:26
زغيري ومحلولة
هلاء كل واحد يروح على اقرب مركز سيرتيل او mtn ويحول لخطو 2600 ليرة ويبلش يحكي مع رفقاتو من ايام الدراسة ويستعيد ذكريات ويحكي مع رفيقتو حتى يخلصو ويرجع يحول 2600 ليرة ويفتح نيت ويحمل افلام وهيك اذا راحو اليرات ما يستخسرهم هاي اذا ما بكرا سيرتيل تغلي سعر التحويل (ويستمر الذكاء )
سوريا
ابو جاسم2012-03-09 00:15:02
تحويل اليورو الى دولار
انا هندي 10 الاف يورو بدي احولها لدولار
سوريا
علي الدعبلي2012-03-08 21:05:57
الى جزراوي
انت قلتها وصار لي عشرة شهور اقولها ولا من يسمع، هذا هو لب الموضوع وجوهر القضية والحل الوحيد ، ولكن الالاف القتلى والخراب وهبوط الليرة السورية ، لايهم طالما الذين في الحكم مرتاحين واموالهم خارج البلد با الدولار واليورو والين، وفخار يكسر بعضه ، طالما الشعارات السخيفة شغالة ، وبالروح ب
-سوريا
أنا دوخان2012-03-08 20:59:34
لسه يلي جاي اعظم
ياشباب الان الساعه ال9 مساء اغلق السوق على سعر الدولار 105 ليرات هي اخر الاخبار عن اللعين الدولار
-سوريا
George2012-03-08 20:44:33
منحبكجي ذكي
الليرة السورية مازالت محافظة على قيمتها ولكن الدولار سجل إرتفاعاً حاداً مقابل الليرة السورية
-سوريا
مصرفي2012-03-08 20:11:47
لازم تتدخل الدولة
وصل الدولار لـ 105 اليوم الخميس وهاد اقتباس لكلام مصرفي من شي (( شهرين )) (الانهيار قد تزداد وتيرته بالاسابيع القليلة القادمة مع فقدان الثقة بالليرة تدريجيا وارى اننا في طريقنا كهدف اولي 80 بعدها اتجاه نحو 100 وبعدها لمستويات اعلى قد تصل الى 150 ليرة مقابل الدولار خلال مدة لا تتجاوز ال 6 اشهر )
-سوريا
ابن حلب الشهباء2012-03-08 19:52:47
ميالة الان بروسيا
الدولار الان ب84 وهناك مفاجئات تنتظر تجار الدولار
-سوريا
fabrice2012-03-08 18:59:15
سوريا بخير
مو المهم سعر صرف الليرة المهم إحباط المؤامرة الكونيةعلى السلطة ؟؟
سوريا
الى صلاة دعم الدولار2012-03-08 18:44:21
صلاة دعم الحزب القائد
ماتخافوا ياسوريين بكرا المنحبكجيةبيعملو يوم سبت وبتسميه سبت احياء الحزب وبعد الصلاة بيصيروا يكبرواويتظاهروا ضد الرجعية والرأسمالية وبعدها بيطالبوا باسقاط الليرة التركية وحكومة ممانعة وتصدي وهيك بتنحل كل مشاكلنا
-سوريا
رامي2012-03-08 18:40:41
الى بدو يرجع لسعرو
الف مبروك يعني بفهم منك ان سعر الدولار عندك صار ب 85 الى الامام الى الامام على قولة باقي جماعة
-سوريا
---2012-03-08 18:24:50
صلاة دعم الدولار
ماتخافوا ياسوريين بكرا المعارضة بتعمل يوم جمعة وبتسميه جمعة خفض الدولار وبعد الصلاة بيصيروا يكبرواويتظاهروا ضد الدولار وبعدها بيطالبوا باسقاط الدولار وهيك بتنحل كل مشاكلنا
-سوريا
سوري حمصي مو عاجبكم2012-03-08 18:24:28
المهم النظام يبقي
ما مهم الدولار ولا اليورو المهم الحكم ما يطلع لبره انشاء بيصير بألف ليره سوريا دوله الصمود والمقاومه
-سوريا
ابن العادلية الحر2012-03-08 18:18:33
خلصت
أكتر كلمة منبوذة ومثيرة للإشمئزاز هذه الكلمة بيطلع مسؤل كبير أو صغير وبيقولها أو حدا مع السلطة بينما الناس عم تموت من الرصاص والجوع والبرد والتعذيب والقهر والبلد صارت بالهاوية اقتصاديا وأمنيا و و و وبيقولوا خلصت بس شايف رح نقولها نحن عن قريب الله كريم
-سوريا
pan2012-03-08 18:18:20
prapal
اليوم ب 106 مالقيت بثلاث مدن
-سوريا
خبير مالي2012-03-08 18:10:50
الواضح
الواضح يا اخوان حتى انو النظام مستخصر يضخ من الاحتياطي اذا بقيان منو شي علشان يدعم الليره لانو اكيد تحول احتياطي العمله خارج الدوله بتقوليلي دستور واصلاحات ؟؟ قبل ان يستلم حزب البعث السلطه كان الدولا ب3،67 ليره سوري وشكل اللي حكم بعباية حزب البعث ما رح يترك البلد الا يوصل الدولا ل3600 ليره، عام 1952 زار مهاتير محمد دمشق وتمنى انو تصير بلاده كدمشق والان انظرو اين اصبحت دمشق واين اصبحت ماليزيا . انشرو علشان سمعة الاصلاحات وحلوان الدستور الجديد ^-^
سوريا
سوري2012-03-08 17:53:19
ليرة سورية
كذابين صار ب79وانا ببيعك
-سوريا
l----2012-03-08 17:51:16
----
يالطيف على وقاحة المعارضين من المعلقين بعد كل شي صار بيجيك واحد معارض تافه وبيصير يبيعنا وطنيات وكل همو المسخرة وانو يعمل حالو فهمان وهوي اغبى ماعليها
-سوريا
جزراويfm2012-03-08 17:34:58
متابع و مؤيد
الاخوة الاعزاء تحملون شعب كامل سبب الازمات و لا تملكون الشجاعة بمطالبة شخص واحد بجملة واحدة لأنهائها؟ اذا كان الوطن اهم من الجميع فلماذا لا نبدء بأنتخابات رآسية خاصة انهالشارع شارعكم متل ماتحكوا؟
-سوريا
مواطن وطني 2012-03-08 17:25:32
لعبة قذرة تحبط الفقراء ؟أبطالها تجار العملة والأزم
الساعة الثانية عشرة من صباح يوم الخميس عاد سعر الدولار بين 90 الى 92 ل.س بينما كان الاربعاء مساء حوالي 107 ل.س . وصباح الاربعاء كان حوالي 84 وظهرا 90 ومساء كما ذكرت رجاء فسرولي كيف تحدث هذه التغيرات المفاجئة ؟ ومن ورائها ؟؟
-سوريا
وحيد2012-03-08 17:22:13
جددوا أخباركم
المصرف المركزي تدخل وسعر الدولار اليوم 88
-سوريا
جورج2012-03-08 17:15:40
مقهور
عندي شوية مصاري بالبنك عم فكر اسحبهن واستخدمهن ورق العب قاسم والمزرعة أو مونوبلي لأنو غير هيك ماعاد ينفعوا. يعني العملة السورية ماعادت تساوي ثمن الورق. شكرا للسادة المسؤوليين. صارلي عم جمع بهالنص مليون شي 3 سنين. يعني راح سنة ونص من شغلي كرام عيون الشبيحة ياخدوا رواتب ويعبوا الدبابات مازوت ويشتروا ذخيرة. ياحرام على هالبلد.على كلن الله يعين اللي فقد شخص أكيد لسا أصعب بكتير. انشر لو سمحت راح موت من القهر
-سوريا
salah2012-03-08 17:15:20
free
انا اليوم اشتريت الدولار ب 109والله مع الترجي وذلك لاجل السفر....لااعرف سوريا الى اين النهاية...خلصتتتتت
سوريا
غير مؤيد اطلاقا و دوما2012-03-08 17:13:13
الى مـــؤيــــد
خيو انا معك فيما تقوله تماما و لكنك ياريتك حددت من هم الذين تقصدهم هل تقصد بعض رجالات الخير و البر الذين يرفضون التنازل عن ماسرقوه من البلد عبر عشرات السنين ام تقصد بعض رؤوس الفساد الذين نهبوا البلد يهربون اموالهم خارج سورية و يتم يوميا تفريغ الخزينة لتهريبها الى الخارج و لكني لا اعتقد انك تنتقد مرسوم صدر منذ ايام يسمح لشركات الصيرفة بنقل ما يقارب 30% و لا يتجاوزه خارج القطر و هو ايضا اعطى دفعا للشركات لنقل الاموال خارج القطر انت تقصد مواطنا كان لديه عشرات الالاف فعلا هذا الرجل لص نصاب يجب قتله
-سوريا
مواطن وطني 2012-03-08 17:07:58
ويلكم ياأثرياء الحروب من الله ؟
اخوتي والله ان اللعب بالدولار لهي أخطر من الرصاصة وكل من يستأثر بالدولار بغية رفع سعرة مثله مثل المسلح الذي يقتل البرئ , لأن المتأثر الوحيد هوالمواطن الفقير وماأكثرهم؟على الدولة التدخل وخوزقة كل من يلفظ كلمة دولار؟ وبالتالي دعم التجار بالدولار الرسمي بهدف اعطاء درسا لاينسى لتجار الأزمات واعتبار المتاجرة بالعملة حكمه حكم الأرهابي .كما ان الفكرة التي طرحها الصارجي(شيخ الصاغة) بتبديل العملة تدريجيا فكرة جيدة الآن لحرمان دول الخليج من اللعب بهابغية هبوط قيمتها. والمتأثر الوحيد هو المواطن ؟
-سوريا
bassam2012-03-08 17:04:09
where are we going??
سقوط الكبير بدات من يوم الاثنين 27 شباط عند تنفيذ العقوبات الاوروبية على البنك المركزي الذي بدوره توقف عن تمويل الاعتمادات باليورو ل 60 مادة ضرورية بما فيها الادوية مما دفع الكل الى سوق السوداء . كان الافضل للبنك المركزي ان يبيع الدولار كاش للمواد الاولية الضرورية وبذلك تخف الطلب على الدولار . حان الان لترشيد الاستيراد ووضع قيود عليها وحصرها على المواد الضرورية والمواد الاولية الداخلة بالصناعة ولكن بكميات محدودة مثلا منحها اجازات استيراد بنصف مستوردات السنوية و مجزأة على ثلاث مراحل قد تكون اح
-سوريا
بدو يرجه لسعرو2012-03-08 16:58:58
عاجل
هبوط حاد بالدولار الساعة الخامسة مساء حتى سعر 85 ويمكن التأكد من موقع الاقتصادي
-سوريا
عبير العمري2012-03-08 16:57:40
رحلة الدولار الى المئتان
اذا استمر الوضع الحالي و أقصد هنا العقوبات و المقاطعة العربية و الغربية فسيبدأ الدولار رحلته الى المئتان خلال الستة شهور القادمة. رصدي الحكومة من القطع الأجنبي يستنذف و ثقة الناس بالليرة تنهار مما سيؤدي الى انهيلر الليرة الى عتبة ال200 سريعا.
سوريا
عبير العمري2012-03-08 16:56:37
رحلة الدولار الى المئتان
يمكن للحكومة ان تحد من انهيار الليرة وذلك بالقيام بعرض الدولار لمن يريد وبالسعر المعلن عند البنوك و لكن عدم قيامها بذلك يطرح تساؤلات خطيرة فاذا كانت الحكومة لا تثق لالليرة فكيف تطلب من المواطن المسكي ان يحتفظ بها و يثق فيها. يجب الكف عن معاتبة المواطن هذا قانون العرض و الطلب و كفى لعب على العواطف.
سوريا
الف مبروك 2012-03-08 16:49:34
ياحوينة هل البلد
مبروك لكل سوري خرب هل البلد هي الحرية الي بدكن ياها خربتو البلد وخربتو الاقتصاد والعالم جاعت لك الله لايسامح كل شخص الو علاقة بلاحداث الي صارت بلبلد وشارك بتخريبها والله وسوريا وبشار وبس وبس وبس
-سوريا
alber2012-03-08 16:39:46
إلى مؤيد و متابع
و ليش عم توجهو هالحكي للشعب؟ لا يكون الشعب هو المتمسك بالسلطة و ما بدو يفلتها؟ ليش مصر أو تونس ما انهارت عملتهم متل الليرة السورية؟ ومين كان السبب بالعقوبات الاقتصادية عند اختياره الحل الأمني لقمع الشعب و استخدامه أموال الدولة لتمويل هالحل ؟... جاوب قبل ما تعلّك .... عجبي
-سوريا
anosios2012-03-08 16:37:55
بايتة !!!!
يا جماعة في خبر انتشر هلأ و صحيح 100% الدولار هبط هبوط صاروخي خلال 10 ساعات و نزل 20 ليرة واصبح ب 83 ليرة و الخير لقدام !!!!!! و يلي عم يشتري دولار رح ياكلها
سوريا
سوري2012-03-08 16:38:51
81
صار ب81 والمشافي مليانة مجلوطين من نزلتو
-سوريا
معي 10000 دولار2012-03-08 16:37:29
الله يديم علينا هالأزمة
رح افتح عليهون مزاد ... عيني الله ... الله يديم هالأزمة شي 5 سنين بركي بصير مليونير
-سوريا
فهمان2012-03-08 16:30:08
السعر الوهمي هو سعر المركزي
بس بدي أفهم شلون سعر الصرف بالسوق الموازية وهمي ؟؟؟؟ ليش ما يكون سعر المركزي هو الوهمي لأن فعلياً إذا بدي اشتري دولار فالسعر هو السعر الرائج وليس سعر البنك المركزي ... فأي سعر وهمي يا ترى يا ميالة
-سوريا
System is Down2012-03-08 16:09:18
خلصت
يا سعادة الوزير سعر الصرف بالسوق \"وهمي\" , يعني انا اشتريت الدولر ب 122 بالمنام , وسوريا بخير و الازمة خلصت .
-سوريا
متابع2012-03-08 16:04:10
يلله ما بقى غير 4 سنين وتخلص الازمه
مبروك عليكم ياسوريين انهيار عملتكم واقتصادكم وهجر السياح لكم وفقدان الامان والحصار وووووووووووووو لا اعرف ماذا جنيتم وماذا ستجنون
-إيطاليا
مؤيد 2012-03-08 15:50:48
مبروك عليكم خراب بلدكم
يا أيها المنافقون ، هنا تظهر الوطنية ، لا بالشعارات و لا بالتصريحات و لا حتى بالصلوات ، الوطنية تظهر عندما تبدّي مصلحة الأمة عن مصالحك الشخصية ، أقول لكل من بدّل ليراته دولارات سأقف يوم القيامة و أحاجك أمام الله و لتقل أنك كنت مضطراً او أنك فعلت مثل ما فعل كل الناس ، يا حسرتاه على وطن يذبحه أبناؤه في أول امتحان خوفاً من الفقر "و رحمة ربك خير مما يجمعون " ، تصبحون على دولار .
-سوريا
MimO2012-03-08 15:54:14
سوريا بخيررررر
لسا طولو بالكون بدو يصير شي 10000 ليرة مقابل الدولار
-الجزائر
مواطن حزين2012-03-08 15:46:58
يا حرام على هالبلد
مية شو ليوم بمية وخمس ليرات ما لقيت بقى حاجة لسا بتقولولي محافظة ومدري شو
-سوريا
محلل2012-03-08 15:39:20
بيانات
حسب مصادر سورية , وصل الدولار إلى 105 ليرة و بعد حملة الأمن الجنائي على الصرافين إنخفض السعر إلى 95 ليرة. طالما أن تدخل الأمن الجنائي خفض السعر 10 ليرات , فإني أقترح تدخل المخابرات الجوية الذي يفترض أن يخفض السعر بمقدار 20 ليرة ليصبح 75 ليرة, ومن بعده الأمن العسكري بدوره سيخفض السعر 10 ليرات ليصبح 65 ليرة , وكذلك أمن الدولة 10 ليرات و الأمن السياسي 10 ليرات ليستقر عند 45 ليرة و هكذانكون قد عدنا إلى السعر الطبيعي و انتهت المشكلة, ولا زال يدعي البعض أن أجهزة الأمن مهمتها الوحيدة قمع المواطن.
-سوريا
رامي2012-03-08 15:28:13
قال رسمية
وتظهر البيانات الرسمية خلال عام 2011 إن الليرة السورية خسرت أكثر من 16% من قيمتها أمام الدولار، أهلين بيانات رسمية
-سوريا
لادئاني أصيل2012-03-08 15:27:45
الدولار اليوم بـ 107 ل.س
اليوم تصريف الدولار في السوق السوداء بـ 107 ل.س, ويُتوقع أن يصل الى 200 ل.س في نهاية هذا الشهر. الحكومة أفلست وصرفت كل ماتمكله من احتياطي النفد الأجنبي.
-سوريا
عامرر2012-03-08 15:25:26
حسبنا الله
احنا المغتريبين الطلاب يعني اكلنا هوى ما عاد فينا نكمل اهالينا ما بقى يقدرو يشترو الدلار هي ازا لقو بلسوق حسبنا الله ونعم الوكيل
سوريا
الهدهد الشامي 2012-03-08 15:24:44
عووووجه
إذا أردت معرفة(( مصداقية قناة الدنيا)) ... أنظر الى السعر الحقيقي للدولار ...وراقب سعر الدولار في الشريط الأخباري لقناة الدنيا
-سوريا
سورية الحرة2012-03-08 15:17:14
سورية وبس
الى ميالة واتباعه مافي حدا وهمي غير سعر الصرف الخاص ببنكم المركزي الي مانو عرفان الله وين حاطو
-سوريا