syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
الإمارات تلغي اقامات ناشطين سوريين بعد مشاركتهم في تظاهرات مناهضة للسلطات السورية
الاخبار المحلية

افادت وكالة الانباء الفرنسية (ا ف ب ) نقلا عن ناشطين سوريين قولهم اليوم الأحد، أن "الإمارات ألغت اقامات عشرات السوريين المقيمين على أراضيها بسبب مشاركتهم في تظاهرات مناهضة للنظام السوري في دبي".


واضافت الوكالة نقلا عن الناشطين إن "اثنين من السوريين الذين ألغيت أقاماتهم وصلا إلى القاهرة السبت بعد فشل كل الجهود لإقناع السلطات بإعادة النظر في قرارها"، مشيرة إلى أن "الإمارات أبقت على قرار إلغاء الاقامات للناشطين بالرغم من وعود بإعادة النظر في القرار".

كما أوضحت الوكالة الفرنسية أن "السلطات الإماراتية استدعت العشرات من المتظاهرين وطلبت منهم التوقيع على تعهد بعدم التظاهر مجددا، إلا أن السلطات الخاصة بالاقامات استدعت هؤلاء مجددا بعد أيام وألغت تأشيرات الإقامة الخاصة بهم".

ومنحت السلطات الإماراتية هؤلاء مهلة عشرة أيام لمغادرة البلاد، فيما قامت باحتجاز جوازات سفر وبطاقات آخرين دون إلغاء إقامتهم، وذلك لأن التظاهر ممنوع في البلاد.

وكان وزير الخارجية الإماراتي عبد الله بن زايد آل نهيان أعرب، مؤخرا، عن استعداد بلاده لاستئناف الاتصال مع القيادة السورية في حال توقف العنف في البلاد، مبينا في الوقت نفسه أن قرار الجامعة العربية يدعو إلى ضرورة تعزيز التواصل مع المعارضة السورية.

وكانت دول مجلس التعاون الخليجي استدعت مؤخرا سفرائها من سورية، جراء الأحداث التي تشهدها, وطلبت من سفراء سورية لديها مغادرة أراضيها.

وتشهد عدة مدن سورية منذ 11 شهرا تظاهرات، مناهضة للسلطات، ترافقت بسقوط شهداء من المدنيين والجيش وقوى الأمن، حيث تقدر الأمم المتحدة عدد ضحايا الاحتجاجات في سورية بنحو 5000 شخصا، فيما تقول مصادر رسمية سورية أن عدد ضحايا الجيش والأمن تجاوز 2000 شخص، وتحمل "جماعات مسلحة" مسؤولية ذلك.

سيريانيوز

اقرأ أيضا:

وكالة صينية رسمية: الولايات المتحدة والدول الأوروبية تخفي نوايا للهيمنة على سوريا


2012-02-26 20:04:02
شاركنا على مواقع التواصل الاجتماعي:



شارك بالتعليق
مسلم ولله الحمد 2012-03-03 08:39:14
الى سوري للدم
نحن في دول الخليج في السعودية يحكمنا كتاب الله وسنة الحبيب المصطفى صلى الله عليه وسلم (( انشرررو يا سيريا )))
-سوريا
مواطن سوري2012-02-27 19:48:38
بؤساء
للمعلومية من يقوم بهذه المظاهرات والتحريض للأسف هم من أخوتنا بالوطن الذين يريدو تقسيم سوريا وسلخ جزء منها ؟ والفلسطيين المقيمين بالأمارات والمسمايين نفسسهم سوري فلسطين وبعض الأخوان والمرتزقة الفاسدين الذين معروفين بنفاقهم أحي الشرفاء المدجافعين عن وطنهم بالغربه والمحبين الصادقين للوطن والخائفين عليه من أي تشويه أو أستهداف غاشم , والغمة ستززول وستعود المحبة والصفاء للوطن وينحر الحاقدين والناقمين على بلد جميل مثل سوريا فتح صدره للجميع بدون تحفظ تحية حب للمحبين لسوريا الجمال
سوريا
سوري للدم2012-02-27 13:16:23
حزين
دول الخليج دول يحكمها الغباء والجهل والتسرع في الامور حزني التام لان في المستقبل عندما تصح العلاقات بين سوريا وهذة الدول ستقوم بترحيل كل من ساهم ضد الحكم في سوريا وترحيلهم الى سوريا وعلى نفخ تنفيس فيهون
سوريا
العكيدأبوشهاب وابوالنارباب الحارة\2\يتبع2012-02-27 11:59:43
الإمارات تلغي إقامات ناشطين سوريين
تطالب دول التعاون الخليجي الشعب السوري بالتظاهرضدالسلطةوالنظام هل المسألةمحرمةعلى شعبي ومحللةعلى غيري أين الديمقراطيةنأمل من دولةالإمارات تذكيرالتعاون الخليجي بترك السوريين وشأنهم الداخلي يحلونه فيمابينهم وبطريقتهم السوريةلابالصهيومريكيةوالقبلبيةوالعشائريةوالتعاون الخليجي حبذالويضع دستوره وقوانينه الجديدةمثل سوريةليرقى لمصافي الراقيين وشكرا
سوريا
العكيدابوشهاب وابوالنارباب الحارة2012-02-27 11:34:42
الإمارات تلغي إقامات ناشطين سوريين
أولاتحيةلروح القائدين العربيين الأصيلين الرئيس حافظ الأسدوالأميرالشيخ زايدبن سلطان آل نهيان لمواقفهم الشجاعةثانيامظاهرات السوريين بدبي المثل يقول:على الغريب أن يكون أديب ودارهم مادمت في دارهم..وعيب على هالكم مولدن أن يقوموبتظاهرةتعيسةمثلهم خارج بلدهم.ونشكرالإمارات على تصرفهم وترحيلهم للزعران.ولكن نسأل هناهل دستورالإمارات يسمح بالتظاهرالسلمي لأبناءالإمارات أم كان ترحيل الزعران السوريين وبترهم من أولها خوفاعلى أن يتعلم الإماراتيون طريقةالتظاهرويقوموعلى حكامهم اسوةبالبحرين ويطالبون السورين
سوريا
traveler2012-02-27 11:25:04
please learned???
well I agree with what they did ,there is a law and the law said no demonstration,,please earn things like this destroy country,,like what is happning in our country syria..what is the benefit from all this,,what we will get?look now the country is destroyed,,and we hear voices supporting the demonstraters,,this is not a reveloution this is a conspiricy to destroy the Syrian,,look the US the EU what are they doing?nothing and will not do any thing..stop ot now and go 2dialoge
سوريا
محمد2012-02-27 11:10:26
الله يحفظ سورياوالعرب جميعا"
الدول الخليجية دول مسالمة لاتتدخل بشؤون الغير ولا تحب الفتن ولا المؤمرات كما يصورها أعلامنا ويستجدي بحريفه بالشتم لينال من تلك الدول والحقيقة ونحن مقيمين ومن مختلف الأتجاهات بالسعودية لم يمارس قمع ضد المعارض ولا المؤيد طالما أنهم يلتزمو بالقوانين وعدم التظاهر وعدم التناحر , أنا في السعودية أن الناس تحت ضغط أعلامي فظيع من خلال الجزيرة والعربية والألتباس أن الناس تظن أن العربية سعودية والحق ممولة من أكراد العراق والمالكي ؟؟أتمنى أن تعود العلاقات السورية السعودية وأن يتم أيقاف جميع الأعمال القتل
سوريا
فلسطيني سوري2012-02-27 10:57:28
الإمارات
الإمارات العربية المتحدة منعت دخول الفلسطنين المسجلين في سوريا بعد مقتل البحبوح فكافئت بذلك الإسرائلين و عاقبت الفلسطنين فما عليها حرج بما تفعله الأن
-سوريا
صابرينا2012-02-27 10:09:26
جاييهم الدور
دول الخليج من الأول وهي مع النظام السوري، بس الفظائع اللي عم يرتكبها بشعبه واللي انفضحت بالإعلام هي اللي أحرجتهم قدام شعوبهم وخلتهم يتصرفوا بشكل ظاهري بالقرارات اللي اتخذوها إعلاميا. ولا تفكروا إنو في بالإمارات ديمقراطية هي كمان استبدادية بس مبررة بعقلية القبلية ضمن المجتمع، والحاكم الفعلي (كتشريع) هم خبراء أجانب بينظموا القوانين المختلفة بالبلد بمراعات حاجات الشيوخ حكامها. بتمنى نفهم إنو اللي بدو يتظاهر ويعبر عن رأيو (حتى مع التصريح) ممكن يدفع الثمن.
سوريا
شبيح الكتروني2012-02-27 10:01:16
دروس الديمقراطية النا بس
غريب مو على أساس دول الخليج عم تدعم ربيع العرب خارج اراضيها وعم تعلمنا على الديمقراطية والدستور وحقوق الانسان . ثورة الزعران في سوريا في طريقها لنهايتها المحتومة , ويلي ساوتو الامارات صح لأنو مابدهون فوضى وتخريب ببلدهم بس عنا بيدعموا الزعران بالمصاري والسلاح .
-سوريا
شامي2012-02-27 09:50:29
و الله بفهموا
التظاهر يهدم الاوطان و الامارات تريد ان تبقى عامرة فمنعتهم من التظاهر حتى لو كان تظاهرهم مؤيد لموقف الامارات السياسي اتمنى ان يفهم المتظاهرين في سوريا هذه الحقيقة المظاهرات دمار و ليست شطارة
-سوريا
فداء2012-02-27 09:48:42
فتوى خليجية
التظاهر حرام في الخليج حلال في سوريا
-سوريا
نوار2012-02-27 09:40:15
شبيح و افتخر
يعني و الله فضحتونا جوات البلد متل **و برات البلد اذا ما بتحترمو بلدكون احترمو البلاد الي مستضيفتكون .شايف ما عم تحكو شي .لانو اي مظاهرة بالدنيا بها موافقة تحد مكانها و عد المشاركين و الهتافات المطروحة و ما بصير ينطلع عنها هيك الحضاريين يا دون فهمتو و لا شكلكون بتحبو البهدلة .و خلي دول الخليج الي طلعو فتوى بحرمة المظاهرات تفيدكون.و موتو بغيظكم انتصر الاسد و جيشو البطل و شعبو العظيم
سوريا
سوري بالامارات2012-02-27 09:38:47
ههههههههههههههههه الله حيو
حمدلله يا رب انا سمعت هالخبر من يومين بس هلق تاكدت و انشالله عقبال بقية المندسين كمان . بكل بساطة الامارات قالتلون بدكون تتمرجلوا و انتوا برا بلادكون و تعملوا مشاكل !!! تفضلوا ورجونا رجولتكم و عرض كتافكون لشوف يا حريمات.
الإمارات
سامر2012-02-27 09:26:10
توضيح
بس للتوضيح يلي تظاهروا فوق الـ500 ويلي انطلب منهن المغادرة 60 واحد بس الباقيين بس وقعوا على تعهدات وبس وحتى يلي طلبوا منهن المغادرة ما حيرجعوهن ع البلد عطوهن مهلة ليسافروا لأي بلد تاني ليش اختاروهن بصراحة ما بعرف
-سوريا
شامي معتق2012-02-27 08:49:57
سوريا ياحبيبتي
بغض النظر عن المعارض أو المؤيد ... لكن ماقامت به دولة الإمارات سليم وصحيح، لأن هؤلاء الناس هم ضيوف ويجب أن يحترموا أنفسهم ويحترموا البلد التي تستضيفهم إن كانوا مؤيدين أم معارضين.
-سوريا
مهندس مقيم بدبي2012-02-27 08:22:59
كلام غير صحيح بتاتا
انا مقيم بدبي وكتير من اصدقائي كانو بالمظاهرة امام السفارة والسلطات الاماراتية تعاملت معهم بمنتهى الاحترام كعادة السلطات هناك وليكهم عم يداومو بعملهم وعين الله عليهم,اذا كم واحد ازعر عامل مشاكل او ناصب على حدا غيرو لا يعملها حجة انو بسبب المظاهرة تم ترحيلو, اهل الامارات اكبر من هيك بكتييييير .
-سوريا
دلع كرشك2012-02-27 07:53:15
أقامات دبي
ألى الأخ مقيم في دبي دبي ماعندا مواطنين أماراتيين في دبي لحتى يوظفو سوري بالجوازات .. ملعوبة سالفتك لعاب غيرا وأنا شخصيا بشك بوجودك بالأمارات كلا لأن لو تعرف شو نظام العمل بالأمارات كنت بتستحي تحكي هاللحكي وللتذذذذذذذكير جوازات دبي وعمل عمال دبي حصرا بأبناء دولة الأمارات فقط بشان ماحدا يسولف عالمرتكي
-سوريا
نضال 2012-02-27 07:48:12
الى جميع المغتربين
اللي بريد يتظاهر ويعمل زلمي يتظاهر ببلدو مو بالغربة وببلاد العالم يعمل فوضى يالله بقول للشباب اللي تسفرو وخسرو كل شيء عوضكم على الله برزقكم وشغلكم وبيوتكم اللي نخربت شو جاكم من التظاهر غير وجع الراس والقتل والخراب ان كان بسوريا او براتها.
-سوريا
زعلان2012-02-27 06:53:58
شو الواحد يحكي
لما صارت الدعوة للمظاهرة قالولي الشباب امشي معنا قلتلهم لأ ما بصير نحن لازم نحترم قوانين البلد اللي عم تشغلنا خدو اذن و هيك مافيها شي بس والله تخرقو قوانين البلد فهاد لا يجوز اطلاقاً. البعض نظرلي اني عم اهرب و هلق بجد زعلت على هالكلام لأنه أي دولة ما بتحترم قانونها أكيد رح تعاقبك و حسبي الله و نعم الوكيل
-سوريا
JouJou2012-02-27 06:45:00
They are very worried
In the gulf countries, TALEMRON are very worried to have the Arab demonstrations effect their citizens, and these citizens start to call for freedom and reform. Unbelievable how these countries are, in one day they decide to kick out people. TALEMRO is the law
-سوريا
مغترب2012-02-27 05:29:48
الامارات
من تظاهر في دبي هم من درعا قاموا بتكسير السيارات واعمل شغب وشتم السلطات السورية ...يعني حتى ببلاد برا ماحترموا القانون؟
-سوريا
متابع 2012-02-27 02:46:56
الى المقيم بدبي ؟؟
"افادت وكالة الانباء الفرنسية (ا ف ب ) نقلا عن ناشطين سوريين " فيا اما وكالة الانباء الفرنسية كذابة وهادا الشي اكبر دليل على مصداقية الاعلام !! او الناشطين كذابين وهادا دليل على مصداقية الثوار !! وبكلتى الحالتين يا شحارك ويا سواد وجهك مع انو سؤال بيطرح حاله (سوري وعم يشتغل بجوازات دبي ) تخيني شوي؟؟؟؟؟؟
-سوريا
علاء2012-02-27 00:56:19
؟؟؟؟؟؟
اذا البنغالي بدو يتظاهر ضد رئيستو والباكستاني ضد الهند واللبناني ضد جعجع والمصري ضد ما بعرف شو يعني مع احترامي لئلن بس هاد غباء ناس مستضيفينك يعني ببلدك بدك تخربا فهمنا بلد غيرك لشو عم تتفهمن
-سوريا
تكملة رد لنزار قباني2012-02-27 00:47:54
تكملة رد لنزار قباني
يا اخي مؤيدين او معارضين لازم شو ما كان بدون يتظاهرو شو بدهون يعملو يتصرفو باسلوب راقي حضاري الشعب السوري مو هيك همجي بالعكس العلم والحضارة نحنا عملناها
سوريا
رد لنزار قباني2012-02-27 00:36:19
رد لنزار قباني
معك حق يمكن كنت منفعل وانا عم اكتب لان يا اخي هذا مو اسلوب الي عم شوفو وانا اهلي حاليا مو قادرين يطلعو برة البيت بسببهم لان لم عم يطلعو برة البيت يهربو عم يقوسون ما بدهم الناس الامنة تطلع بدون يحتمو فيهم للناس الامنة بحيث ما يصير ضرب قوي عليهم وهذا الشي شفتو بعيني عم يحتمو روح شوف بعينك وتعال انا لا مؤيد ولا معارض انا مع الناس الي متل حالتي رحت فيها وانا ما دخلني لا بالخميرة ولا بالفطيرة
سوريا
مقيم بدبي2012-02-27 00:29:55
سوري دوامه بجوازات دبي
للعلم هذا الكلام كذب وليس له اي شيئ من الصحة انا كلمت مدير الجوازات شخصيا بالموضوع وقال انه التعهد يكفي وتم الافراج عنهم جميعا بأمر صاحب السمو محمدبن راشد حاكم دبي اطال الله في عمره بعدما تدخلو كفلاء الناس بطلبات استرحام كون الشبيحة عم يستنوهم ويلي شمتانين حنو *** قال سوريين قال
-الإمارات
زعتر 2012-02-26 23:56:16
بدون زيت
الى كل الحالمين بسقوط النظام اقول لهم عوضكن على الله الى اللقاء في الثورة القادمة مع تحيات زيت بدون زعتر ....
-سوريا
مغترب2012-02-26 23:46:36
ما قصرو فيهن
الناس عم تتغرب هون لتشتغل والامارات فيها 202 جنسية اذا كل مين هب ودب بدو يتظاهر على كيفو البلد بتصير فوضى. انت بالامارات بدك تحترم القوانين. لو تتقدم بطلب وتاخد موافقة اعمل مظاهرة او اعتصام بس مو كل واحد يضرب من راسو
-سوريا
نزار قباني2012-02-26 23:41:47
رد الى مراقب للأحداث
واضح من كلامك دعس على راسون وراس اهاليهم انو حضرتك قمة في التحضر والانسانية .. وياهيك الشبيحة يابلا ..
-سوريا
امجد2012-02-26 23:37:35
المظاهرات محظورة في الخليج
المظاهرات محظورة في دول الخليج
-سوريا
ناصح أمين2012-02-26 23:32:41
تحية لدولة الإمارات
ونسأل الله الهداية لآل سعود وأن يعودوا إلى رشدهم ودينهم.
-سوريا
yassin2012-02-26 22:55:24
عمل غير إنساني
عمل غير إنساني وغير مسبوق وعمل مدان بكل المقاييس كان الأجدر بحكومة الإمارات توجيه إنذارات وإذا خالف الشخص مرة أخرى ممكن أن نتفهم اي إجراء لكن التصرف بااللا إنسانية أمر مرفوض ومدان
سوريا
مغترب 222012-02-26 21:47:38
معن حق
جماعة بتفهم متلون متل كاميرون من البداية بتفرجي العين الحمرا مو بعد 10 شهور بعد ما خربت البلد.... حكينا كتير ولا حياة لمن تنادي... واسا الحدود مفتوحة للعربان يعني انو شو ناطرين ليصير الدخول لعنا بفيزا بس حتى نعرف مين في بالبلد.. يا اخي سكر الحدود و خلينا نخبط ببعضناعلى الاقل ما بموت ع ايد ليبي او سعودي او ايراني
-سوريا
سوري2012-02-26 21:42:33
خوفاً من امتداد الربيع
بالتأكيد كل دول الخليج رح تمنع أي مظاهرات مو حباً بسورية بس خوفاً انو تصير عادة عند ناسون الون و يا حزركون ساعتها شو بيصير؟؟ يمكن مستوى معيشة نسبة كبيرة من الناس مرتفعة بالخليج بس الفروق الطبقية بتخلي الناس تحس انها عايشة بحد الكفاف شيلك عن الفقر اللي نسبتو عالية بأكبر دولة خليجية و نصيحتي للسوريين بأكبر دولةخليجيجة لا عاد تتظاهروا لأنو متل ما منعرف الإمارات أرحم بمليون مرة
-سوريا
مراقب للاحداث2012-02-26 21:38:16
عرب
الامارات دولة عربية صح بحي كل الامراء فيها وشيوخها لانهم بيعرفو كيف يتصرفو مو متل الدول الباقية الي عم تبوس رجل امريكا واسرائيل الامارات عرب من اجدادهم لليوم لكن ان كانو الناشطين سلمينين ومتحضرين في التظاهر فلا يجب التصؤف معهم بالاسلوب ام ان كانو قد تصرفو بهمجية فاليدعسو على راسهم وراس اهلون لان سواء كانو مؤيدين او معارضين البتفاهم بصير كل شي بالاسلوب المتحضر الانساني مو بالحيونة والهمجية وترويع الناس بس يظهر انو امور المعارضة نكشفت وراقها كل معارض بدو مصلحتو جيبتو وبس
سوريا