syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
في مشهد غاب منذ عقود.. الثلوج تغطي مدينة حلب
الاخبار المحلية

غطت الثلوج اليوم حلب منذ الصباح الباكر في مشهد غاب عن المدينة منذ عقود.


وبينت مديرية الأرصاد الجوية أن "المنطقة الشمالية الغربية من سوريا تأثرت بمنخفض جوي أدت إلى تساقط الثلوج بسماكات متفاوتة بحيث بلغت سماكته في إدلب 9سم، وحلب 7سم، في حين تجاوزت السماكة في مدينة كسب التابعة لمحافظة اللاذقية 35سم".

وأضافت المديرية "أن المناطق الأخرى من القطر قد شهدت هطولات مطرية متفاوتة، كانت أغزرها في اللاذقية حيث بلغت 104ملم حتى الساعة 8:00 صباحاً".

وحسب المديرية فإن "المنخفض الجوي مستمر خلال الساعات الـ 24 القادمة، مترافقة بهطولات مطرية في كافة أرجاء القطر، ضمنها المنطقة الجنوبية، مترافقة بهطولات ثلجية في المناطق التي تتجاوز ارتفاعها عن 700متر."

من جهته, أكد فرع المرور في حلب على أن "كافة الطرق في المحافظة سالكة"، منبيهاً على "ضرورة الحذر واتخاذ الأخوة السائقين للاحتياطات الضرورية لمواجهة حالة تساقط الثلوج".

في حين بين عدد من الأهالي أن "معظم المدارس في المحافظة أغلقت أبوابها اليوم حفاظاً على صحة الأطفال، ولصعوبة الوصول إلى عدد منها، بسبب تراكم الثلوج في الشوارع الفرعية وأمام مداخلها وباحاتها"، علماً أنه لم يصدر قرار رسمي من مديرية التربية بإيقاف الدوام اليوم.

سيريانيوز-حلب


2012-01-22 12:17:38
شاركنا على مواقع التواصل الاجتماعي:



شارك بالتعليق
Mohammed 2012-02-05 17:58:09
Abu dhabi
الى حلب الشهباء قولا وفعلا اشتقنا لك ولايام الدراسة الخوالي ايام جميلة اتمنى ان اعود اليها لزيارتها وااله يحمي سوريا واهلها من الشرور والنوائب وان شاءالله تمر الازمة على خير وتبقى سورية بالف خير ان شاءالله وكما قال الرسول الاعظم بارك الله في شامنا ويمننا صدق رسول الله ومن اليمن لك ياحلب المحبة كل اشواقي ورجائي من االه ان تنتهي الامور على خير ..لك كل الحب يا حلب طالب عربي يمني عاشق لسوريا -سابقا في كلية الطب جامعة حلب - ابوس روحك يا حلب وش وقفا
-اليمن
حلبي اصيل ومقهور2012-02-04 13:26:18
عيد باي حال عدت ياعيد
والله كانت الكهربا مقطوعة ولا غاز ولا مازوت وبانزين مافي وصارلي 15 سنة منذ ان تزوجت وانا احلم ان اري اولادي التلج وعندما نظرت من الشباك ورأيته قلتلو ماحبلك تجي الا هلق وشلون بدي اطالع الاولاد والعبن بالتلج والدماء بكل مكان قلتلو (الله لا كان جابك) وسكرت الشباك ودخلت بالفرشة
-سوريا
شدوان2012-01-31 10:50:54
ماأحلاك
ما أحلاك ياحلب الغالية
-سوريا
سوري وافتخر 2012-01-29 06:36:32
سبحانك ربي
حمى الله سوريا وأجمع أهلها على الخير والبركات ويسر لهم أمرهم يا رب ونقي قلوبهم كماهذا الثلج الأبيض سبحانك ربي أعمي عيون الأعادي عن هذا البلد وأحميه ربي من كل مكروه ، رسالة الى جميع أخواني في سوريا أرجوكم أرجوكم أرجوكم حبوا بعضكم البعض وحبوا سوريا وشعبها وكفانا قتل كفانا أجرام بأسم الحرية كفانا من يؤمن بالحياة والموت لا يقتل ولا يخرب أرجوكم حبوا بعضكم هذه سوريا ليست أفغانستان.
السعودية
gaith2012-01-27 11:26:24
دام عزك يا سوريا الاسد
سوريا جنة الله على الارض .. دام عزك يا سوريا ... اللهم اجمع اهل سوريا على الخير
الأردن
حسام 2012-01-26 12:13:20
الله يعين المغفلين
يلي عم يمدح اردوغان..غريب كيف بتمرق عليك تمثيلية شتم الاسرائيليين .. وهو فاتحلن سفارة ببلده وعشرات المشاريع الاستثمارية بملايين الدولارات .. استغرب سذاجة البعض وضعف تفكيرهم ... الشكلة شعبنا ما بيقرأ وما بيشوف أكتر من شبر قدامه نحن قوم سريعين بابداء الرأي واتخاذ القرارات بدون تفكير ومنفكر حالنا أنو نحنا الصح... الله يكون بعون هالبلد يلي متحملتنا
سوريا
Mohammed2012-01-26 08:45:09
حلب بحبك؟؟؟؟؟
بحبك حلب الغالية , وبتمنا من أهل حلب يحبو أهلهم بسوريا.
-الإمارات
?????2012-01-25 22:42:11
ايييييييييييييه
ايييه دنيا بكرة بيطلعوا أهل حلب الشهباء ليشكروا ربهن عالتلج!!!! ايه بكرة بدوب التلج وببان المرج
-سوريا
حمشي2012-01-25 15:17:41
ايام حلوة
الله الله على حلب ؟هذا الثلج هيج ذكريات دفنت تحت ركام السنين ؟أيام الجامعة بالثمانينيات بحلب؟ ورغم اني من محافظة بعيدة عن حلب إلا أني تزوجت في حلب كانت ايام جميلة؟ والآن بعد مرور خمسة عشر عام على مغادرة حلب وسوريا ؟وهذه الاخبار الموحشة ؟دائماً تدمع عيوني والاخبار صدعت رأسي أجد نفسي وحيداً في غربتي أسترجع أحزاني؟وليس لي أي حيلة؟ أسأل الله رب العرش العظيم أن يفرج كرب الشعب السوري وأن يختار له الخير أين ما كان؟
-سوريا
lama2012-01-25 13:52:12
تلج دامي
ما اجملها حلب بكل ما فيها ولكن الاجمل رجالها الذين ورغم الثلج رغم المطر رغم الرصاص خرجوا ثائرين على الظلام حماك الله يا حلب يا درعا يا حمص يا دمشق.........
سوريا
جورج2012-01-24 21:27:13
أرضى يا تاجر لأرضى معك
طبعا بحلب متلجة, لأنه الله والنظام رضيانين عليها..مطيعة ومرضية هالضرسانة.
-سوريا
محمد2012-01-24 16:19:10
الى سورية وافتخر
اقول لك لافض فوك لان كلامك علمي وصحيح ولكن كما يقال قد اسمعت لو ناديت حيا ولكن لاحياة لمن تنادي
-سوريا
نابليون2012-01-24 16:02:01
عاجل
برهان سبيستون بتصريح يقول ان النظام السوري قام بارسال طائرات فوق الغيوم لرش مواد تساعد على هطول الثلوج لمنع التظاهر
-سوريا
سورية وافتخر2012-01-24 11:54:18
الى مواطن سوري
يا فهمان انا ماذكرت الحديث الشريف بسبب خسوف القمراوكسوف الشمس..ذكرته لأبين للبعض انه السماء هي ايه من ايات الله عزوجل مثلها مثل الشمس و القمر باختصار ما بتشتي لترضى على سلوك احدمتل تركيا وسلوك حكومة تركياواذا كانت هيك؟؟ كانت شتت على اهل مكة ومدينة و هون ما قصدت الجغرافيا ابدا"لأني ادرى بالجغرافيا"ياجاهل بلغتك العربية؟؟
-سوريا
مواطن سوري2012-01-24 07:44:45
إلى سورية وافتخري
لا تلامي لأنك جاهلة في بجغرافية مكة والمدينة لأنك بالأصل جاهلة بجغرافية سوريا فسوريا وحلب خصوصاً تقع في المنطقة الباردة من العالم ومناخها يوازي لمناخ أوربا أما عن ما تقولين فالحديث الذي رويتيه عن رسول الله لم يكن بمكانة وفقد خسفت القمر في سوم وفاة نجل رسول الله ابراهيم وقيل وقتها أن القمر خسف لموت ابراهيم فقال وقتها هذا الحديث أما عن المطر فهذه خيرات الله يؤتيها من يشاء
-سوريا
sham2012-01-24 01:11:44
تلج تلج
ما بدن يطلع اهل حلب يشكرو الله ع نعمه التلج - ههههههههههههههههههههههه
سوريا
عزيزه2012-01-23 11:19:11
تلج ولكن
تلج تلج تلج---بدون مازوت ولاغاز ولاكهرباء حاولت كتير تصورها ولكن لم استطع
-فرنسا
عبدالرزاق2012-01-23 09:59:33
الله يحفظ سوريا وشعبها من كل حاقد
الله يبعت الخير ويجعلها سنة بيضاء على سوريا الحب والجمال والشعب الطيب الحنون الله يؤلف بين قلوب السوريين ويوحدهم ويلم شملهم على الخير ولما فيه أستقرار وأمن سوريا وشعبها , وأن تعود الأبتسامة لكل طفل سوري
سوريا
سورية وافتخر2012-01-23 09:47:13
غباء اسود
الى كل الفورجية و المندسين اصحاب الحقد الدفين فلنتذكر قول الرسول الاعظم عليه السلام"ان الشمس و القمر ايتان من ايات الله لا تحزنا على موت احد"و ايضاالسماء اية من ايات الله ما بتنزل تلج لترضى على احد..اذا كان هيك كان لازم نشوف الثلوج بمكة و المدينة مو بتركيا..بس الله يجيرنا من غبائكم..والله يحمي سورية ..
-سوريا
حلبي مغترب مشتاق2012-01-23 07:24:42
رسالة شوق ... لكن
كم اشتاق لهذا البلد الحبيب رغم انه اعطاني القليل وأخذ مني الكثير، فكم اشتاق لموظف الحكومة المسكين الذي كالمنشار ... وكم اشتاق لباصات الجامعة اللي دايماً متروسة بالناس... وكم اشتاق لابتسامة شرطي المرور البريئة ... وكم اشتاق لمدارسنا الناجحة عالمياً ... وكم اشتاق للسيارات الصينية والايرانية ذات الاشكال الرائعة ... وكم اشتاق للكلام الجميل الذي يخرج من افواه الضباط ... وكم اشتاق لطابور الحصول ع شيك المازوت بكل عزة وكرامة ... ..... لكن رغم كل هاذا الشوق قررت ألا أعود حتى يتغير الن
-سوريا
from Aleppo2012-01-23 01:10:38
اللهم لك الحمد ترضى
.......يا رب لك الحمد حتى ترضى ....... والله يا أخوتي في كل سورية الحبيبة ......يقال : إن الله إذا أحب عباده ابتلاهم........ وذلك لينظر ماذا هم فاعلون .....يعني فرحنا بالثلج كرحمة من رب العالمين ....ليكمل المشهد الحزين على ما يجري في البلد وانعدام الدفء بالبيوت الا بالقطارة من الأزمات التي أصابتنا ... بسبب هالحرية الزائفة ....صبرا آل سورية إن موعدكم الجنة إن شاء الله ....لا قبل الثورة مرتاحين ولا بعد الثورة مرتاحين .....السوريين معتريين وين ما كان...يا الله مالنا غيرك يا الله
-سوريا
سورية بفخر2012-01-22 23:54:08
يا قلبببببببببببببببي
يا قلبببببببببببببببي ما احلى التلج , ما شاء الله لا قوة إلا بالله ,, تتهنى حلب واهل حلب , فعلا ناس طيبين ومدينة رائعة بمكانها و قوتها و ضخامتها ,, الله يبعت الخير على كل سوريا يارب :)
-سوريا
أبوماجد ابن الأسد2012-01-22 22:01:23
دام عزك يا وطن
الله يبعت الخير ويديم ترابك ألنا يا حلب الشهباء يا قلعة الصمود ورمز التحدي
السعودية
الثلوج في تركيا2012-01-22 20:56:57
رضا الله
بموازاة العقول المنحبكجية المريضة نقول أن الثلوج في تركيا تعم كل تركيا وهذا دليل رضا الله عن تركيا وسياسة تركيا ورضا الله عن رجب طيب أردوغان البطل المقاوم الذي شتم رئيس اسرائيل ، ورضا الله عن داوود أوغلو وعن عبدالله غول ، رضي الله عنهم أجمعين ، إن الله يحب السياسة التركية تجاه سوريا كما يحب حلب لأنها انضمت إلى الثورة السورية وخاصة أريافها القريبة ، فهمتو فوفو؟
سوريا
إلى عصام وغيره 2012-01-22 20:57:03
شو مشان التلج ؟
ياجماعة الخير حلب كل سنة بصير فيها هطول ثلجي بس صرلا شي 4 سنين ماهطل الثلج وتراكم عادة كل سنة لازم ينزل مرة ويتراكم بالشوارع بس من 4 سنين لهلأ ماعبتراكم بنوب ... هالسنة تراكم وكان تراكمه كتير من عشر سنين ماتراكم هيك بهالسماكة يعني يامسيو شو مشان انه محسب حلب واقعة على خط الاستواء ؟؟؟
سوريا
عصام من الشام2012-01-22 20:23:25
هي مكافأة اللي بوقف مع الحق
هي مكافأة المدينة الرائعة اللي كانت سند لاستقرار و امان البلد في ضوء المؤامرة الخبيثة مع انو بحياتها ما شافت الثلج شافتو هلأ هذا دليل رضا عنها فليعتبر المعتبرون و كل شي بوقف مع الحق الله يبيض وشو
-سوريا
الموزاييك السوري2012-01-22 19:21:06
الله يحمي حلب وأهل حلب الشرفاء
الله مبيض وجوهكم ياأهل حلب يوم تسود وجوه المجرمين المتأمرين على سوريا العز, سوريا المقاومة, قلب العروبة, قلب الإسلام, قلب المسيحية, الله يسود وجه من لا يحب حلب الشهباء, اليوم كلنا أصبحنا حلبيية
الولايات المتحدة
دنيا أسعد سعيد2012-01-22 18:56:57
حرام
الله يعين سائق الغواصة الألمانية بيكون مات من البرد بهالجو وكمان محبوس بالغواصة لا طلعة ولا فوتة
-سوريا
شام2012-01-22 18:55:06
--
السنة الماضي بتذكر حلبي عم يقلي نيالكم بالشام في تلج حاليا العكس صحيحح
-سوريا
و2012-01-22 18:34:02
غ..ء
في ناس عم تقول انو التلج نزل بحلب لا المندسين ما طلعوا مظاهرات وما نجرت وراء الفتنة وهالحكي الفاضي.. يعني مثلا التلج نزل بناء على مرسوم جمهوري مثلا؟؟؟؟؟؟
-سوريا
ابن البلد2012-01-22 18:04:11
ما شاء الله
اخر مرة نزل فيها هيك تلج بحلب كان بال 1991 الله يبعت الخير
-سوريا
م. حكيم2012-01-22 17:42:19
حيرتونا
إذا ما نزل أي هطولات مطرية بتقولو الله غضبان عليكم يا أهل حلب. وإذا الله بعت الخير على شكل ثلج بتقولو الله معاقبكن لانو بدو ياكن تبردو. الحقد أعمى قلوبكن. والله يبعت الخير.
-سوريا
جزراويfm2012-01-22 17:32:00
يارب احمي البلد
هاي نتائج التقارب مع الروس ..)..الله يحمي حلب و اهل حلب ويحمي سوريا من البوكمال للساحل ..الله يهدي النفوس ويرد الفتنة
-سوريا
بنت الأسد2012-01-22 17:08:08
أحلى سوريا وأحلى صباح بالعالم
يارب يكون بياض هالتلج بييض قلب هالمندسين والإرهابيين والله يحميك يابشار منحبك
-سوريا
عابر سبيل 2012-01-22 17:04:28
الثلوج
ندعو الله ان تعمل الثلوج البضاء على تنظيف القلوب والضمائر والنوايا السوداء
-سوريا
مراقب 12012-01-22 16:56:39
سبحان الله
يعني ما في مازوت و نزل تلج؟ سبحان الله, يعني فوق الموتة عصة قبر
-سوريا
أحمد 2012-01-22 16:30:07
يا ترى بتستاهل ؟!!
بمفهوم الفورجية ما بستاهل ، بمفهوم المنحبكجية بستاهل ، حتى الخير من السماء ضاقت عيون البشر عليه !! اللهم أعصمنا من الفتن ما ظهر منها و ما بطن .
-سوريا
ابن اللاذقية بالسعودية2012-01-22 16:22:19
يارب اجعل قلوبنا بيضاء كالثلج
يالله شو منظر حلو ويارب نصفي قلوبنا تجاه بعض ونحب بعض زالله لازم نخلي قلوبنا بيضا متل هالتلج الحلو كتير لان الوضع ما عاد يتحمل وكان الله بعون اهلنا بسوريا اللهم اجعله خيرا يارب يارب يارب حماكي الله ياسوريا بكل ما فيكي ولاتنسونا من الدعاء ونحن بالغربة قلوبنا معكم يا كل اهلي واحبائي بسوريا الحبيبة والغالية على قلوبنا احبكم في الله....
سوريا
أبو بشار اللحلبي2012-01-22 16:04:20
منحبك يا سوريا
صباح الخير يا وطن صباح الخير يا معشوقنا الأكبر ......و راياتك بالعالي يا سورياعطول الزمان ....سمائي و أرضي و مائي أبية أبية أبية ..... منحبك ياسوريا يا حلب و الشام و حمص و حماه و ادلب و الرقة و دير الزور و كل المحافظات السورية الحبيبة و لازم نضل نحنا السورين نحب بعضنا لأننا كلنا ابناء وطن واحد .. انشاء الله ايامنا كلها بيضاء بالمحبة و المودة و الأخوة
-سوريا
حنكش2012-01-22 16:04:27
احلى سنوات عمري
هي والله اجمل سني سوريا..بيضاء نقية لا اثم فيها ولا ظلم ولا حقد..هذا ما تحدنا به الثلوج عن غد سوري ابيض باذن الله...انها احمل الايام رغم قسوتها
-سوريا
لبيبة العجيبة2012-01-22 16:03:15
الحمد لله
نسأل تلفزيون الدنيا هل سيخرج الناس في حلب لشكر الله على نعمة الثلج كما خرجوا لشكر الله على نعمة المطر في الميدان الشتاء الماضي؟؟؟؟؟؟؟؟؟؟؟
-سوريا
محمد السوري2012-01-22 15:53:30
سوريا البيضاء
الله يصفي قلوب الناس و يجعلها بيضا متل التلج... قولو امين
-سوريا
عاشقة حلب2012-01-22 15:41:54
حلب بالتلج غييييييييير شكل
شكراً كتييييييير يا سيريانيوز على الصور الرائعة لمدينتنا الرائعة .. بس يا ريت تكترون شوي .. و الله حلب بتستاهل .. في كتير صور حلوة للتلج بحلب .. ياريت تنزلولنا اكتر .. و عنجد شكرا كتير :)
-سوريا
أبو مروان 2012-01-22 15:10:46
اي ياحلب الشهبا
لك والله بعد مافي ياحلب ياأم الدنيا
-سوريا
عاشقة سوريا 2012-01-22 14:45:27
ياريت قلوبنا تصير نقيه متل هالتلج
الللللله ما أحلاكي يا بلدي. التلج عنوان السلام . انشا الله يارب تكون سنة خير و سلام ع بلدنا الغالي .
-سوريا
علياء2012-01-22 14:30:46
لم تندسي يا حلب
حلب المدينة السورية التي لم تندس بنار الفتنة فكان البرد الابيض غطاء لها
-سوريا
ابو عمار2012-01-22 14:17:38
حلب الشهباء في ثوبها الابيض
- كم انت ياحلب مهجة القلوب والعقول بياضها من بياض قلوب ابنائها وشموخها ينعكس في سلوك ابنائها هي الملاذ الامن لكل الاحباب ملكت عشاق من كل الاصقاع والاديان -مدرسة في العراقه والحضاره والمدنيه
-سوريا
الطهقان 2012-01-22 14:14:47
ذكريات طالب جامعي في حلب
ذابت سنين العمر وانا بحلب انتظر .... وطفت حلب قناديل الفرح بالقلب ...آآآه ياحلب يا ارض الجذب ..اترك حلب؟؟؟..يوم المنى اترك حلب وانسى حلب ..حتى حبيبي اللي من حلب انساه وما ظنتي ارجعلك حلب
-سوريا
حماك الله يا سورية2012-01-22 14:05:17
سورية الله حاميها
الله يبعت الخير لكل سورية والسوريين حماكي الله يا سورية، وأبعد عنك كل شر وأعداء، سورية الله حاميها، أرض الأنبياء والحضارة والأبجدية والشعب الحضاري المثقف، نحبك يا سورية ونحبكم يا سوريين، حماكم الله
-سوريا
حمصية2012-01-22 13:56:41
والله اشتقنا للثلج
الله يبعت الخير يارب والله مناظر كتير حلوة ألنا زمان ما شفنا تلج هيك ...والله يساعد الناس بهالبرد وبهيك ظروف انشالله يكون هالتلج بشرة خير
-سوريا
حلبي2012-01-22 13:53:04
تعليق
يا سيريانيوز عنا صور كتير أحلى من صورك وكمان ما ذكرت انو الوكالات تبعك قالت انو النظام قام بانزال الثلوج لمنع المتظاهرين من الخروج في حلب او لحظة نسيت لاتهام المسلحين بذلك عفواً عفواً الجيش القتل او الحر نسيت
-سوريا
صبوح خوام2012-01-22 13:52:08
حلب الشهباء
والله اشتقتلك يا حلب ....... الله يعم الخير ع كل سوريا ان شاء الله
-سوريا