انا بنصحك نصيحة مجرب اذا امها منيحة وابوها رجل مسيطر بالبيت اتكل على الله وخليك معها ولاتنسى انو موضوع الزواج بدو يكون بنوايا صافية 100%

هلأ أنا إلت شي إنو البنات أو الصبايا حقل تجارب ؟؟!!   أنا إلي إلتو إنو الواحد مهما كان عندو علاقات (صداقة , رفقة ..) مابيصير يتجوز إلا إلي حبها عقلو (موقلبو) لأنو حب العقل بيبقى وبينضج لأنو عن قناعة أما حب القلب فسطحي ماتم التعمق فيه لباقي الجهات فهو حب لشخص أو شكل أو تصرف أو خلق وصدقوني هاد مابيكفي بالجواز .. بالجواز بيلزم حب العقل يلي هوه القناعة بكل ماسبق وبيتضمنو حب القلب زااااائد الأسرة ومجتمع وترباية وأهل البنت ورفقاتا وكل مابيتعلق بأمورالتفاهم والتناسب المادي والمعنوي . بعد الإستخاا

ياأخي في شي لازم تعرفو الحب مو أنك تقول لوحدة حبيبتي وتاخدها بدون علم أهلها وتخطبها وتكون مفرجيها الملاك و هية مفرجيتك الملاك الحب الصادق قليل أذا الله جمعك ببنت حلال وآدمية لا تقلي ماعم حس بشي لا تتطلع ع بنات الشارع لأن البنت الآدمية مابتقدر تتمثل بدور بنت شارع بتحبها لأنها زوجتك و عيش ألها لأنها آدمية و صاينة شرفك و سمعتك لا تفكر فيها متل بنت الشارع فكر تخلي الأدب تاج ع راسها لأن تأكد أدبها راحة ألك مع الأيام

أي أبو الشباب ..قتلي ما حسيت بشي خلا ل ال8شهور طيب ولا حتى بمغص .. معقول مافي إحساس .. حبيب بنت الناس مو لعبة شو 8 شهور وعي مفتكرة إنه خلص إنت إلها وهي إلك وشو مشان كل العالم بتعرف إنه صارت مخطوبة وأكيد حضرتك (خارجة -داخلة ) ع البيت لعندن..أخي الكريم إنت ما بينخاف عليك فيك دبر حالك بس جرام تخلي البنت ناطرة ويمكن بعدين تتركها ... قتلي والله يامهند إزا عم دور ع لميس .. صعب كتير .. بس إزا البنت آدمية وحبابة وشايف إنها بتريحك بحياتك إتكل ع الله .. وإنت أدرى بوضعك

أنا برأيي انو انت صرلك خاطب 8 شهور يعني فترة كافية انك تحدد مشاعرك فإذا كان عندك مشاعر استلطاف لخطيبتك حتى لو ماكان حب فكمل معها بس مابنصحك تكمل بدون نسبة ولو قليلة من الانجذاب لانك رح تندم

آآسفَــــهْ لآنـيْ آعطيتَـگْ آگثر ب گِثَيرررررررررر من آللي آنت تْستَآهْلهْ ............. !! گُلْ شئ في حَيَآتي رَبطةْ بْ عَلآقَتنْآ .. حَتْى مُستَقبَليْ منْ ( زوآجْ , ووظِيفهْ ) گُنتْ آفَگْر آنْي غِيرْ عَنْ آلگُل بْ آلنْسبَه لگْ !! طِلعتْ زَيي زَي غِيْريْ حَسبْي آلله ونَعمَ آلْوگيلْ ( گِرهْتگْ )

بدي اسالك يا خبير - انتو الشباب ليش ما بتشوفو البنت ابعد من مستوى تسلايه او تقضيه وقت -بعدين موالحب الفاشل الناس بتفشل وبتحط الحق ع الزمن او الحب او شي حجه بتلاقوها مناسبه

[إنسجام الطرفين] جملة مطاطة، قدتستطيل فتطيح بعذريتها أوتقصر فتذهب بسمعتها.. أناأدعم جملةبديلةوهي:[الزواج أولا] أناطبقتهاونجحت، ولاأرى مسوغالأغيرقناعتي. وجواب سؤالك: لاتنهضم معه! الحق موعليه، بل على اللي خطب هيك شب مايع مستهتر. وشكرا.

فعلاالحب يأتي بدون أن تطلبه.بس من الممكن ان تكون في البنت مواصفات لا تجعلك تنجذب لها ولاتحبا.وفعلاالحب لا يأتي بعد الزواج وورطةكبيرة ان نتزوج وهناك احتمال نجاح واحتمال فشل.يجب ان تقدم على الزواج بكل جوارحك.اناكنت خاطب بنت صرلي سنةوماكان في حب قوي بس كان ضميري واخلاقي تمنعي اتركابعدما تعلقت فيني.وصارموضوع وماكنت قاصدو خلاها تفكرانو مابحباوعيني على غيرا وانوانا بعتابسهولة.قامت هي تركت حفاظا على كرامتا.ومع ذلك ضميري بأنبني لانوفي مودة خرج تتحول لحب قوي!نصيحة الك استمر معا!

توكمانوف كيف ضبطت عنطزة ومنيحة يعني العنطزة=تكبر ومنيحة=حسن خلق ضدان لايلتقيان في قالب واحد وبعدين قد ماكان الطرف التاني منيح انسجام الطرفين شرط اساسي لاستقرار العلاقة مستقبلا اما في حالة السائل فالعلاقة تقع ضمن احتمالات تحكمها الظروف وطالما اشتكى فهي ماعم تنهضم معه فليش يكمل مشواره متننكد من اولها؟

8 أشهر ?!!? ماشاءالله، بتعرف أناتزوجت بأقل من 8 أيام من وحدة غريبة كليا عن أسرتي، قالولك بيجي الحب بعد الزواج وليس بعد الخطبة، ولايحق لك /أخلاقيا/ أن تترك البنت بعد سنة خطبة! إذا حسيت إنو هيي بتحبك وملهوفة عليك خدها هاي لاتقدر بثمن أو ذهب، أماإذاكانت معنطزة وفوقية /لأنوهيي منيحة كتير!/ خلياعندأهلا لأناممتازة.

ضروري العلاقات كلا تكون نزوات أو تجارب يعني ؟؟! مافي علاقات صداقة, زماله, رفقة ؟ ولا إنتي كنتي بزمناتك فارة أو عايشة الحالة؟؟؟!! وإن شاء الله ماتزعلي على غالي. .. بس يا أخي قد ماالواحد جرب ورافق وصادق وناقش وحس. .. مااافي نتيجة إيجابية إلا لحب العقل والقناعه والمعشر الطيب. .. طبعا بعد الإستخارة الأساسية لله تعالى. لأنو متل متل ماقلت الطيبون للطيبات والفيران للفارات.

زعلت عليك لما قريت انك انغشيت بحب القلب بعد تجاربك الكتيرة وتهاني القلبية بعد مارميت فارات المخابر وفزت بالاميرة اسمح لي استفيد من تجاربك واسألك ليش كنت تجرب كتير تسلية واثبات رجولة ام بحث حقيقي عن بنت الحلال اللي تناسبك

انا بنصحك لفترة اسبوع تجرب تحبا واذا ما لاقيت الحب احسن الك والها انو تنفصلو

أنا من الشباب إلي عملوا كتير علاقات بحياتون , وتجوزت أول مرة عن حب وطلقت وإنغشيت بحب القلب , والمرة التانية تجوزت خطبة أهل بعد السؤال عن عيلة العروس وأهلها وتربايتهم وطباعهم ومجتمعهم وعن الأم والأب خصيصاً وتوكلت على الله وتزوجتها دون حب ولكن صدقني ياصديقي حب العقل هو الأقوى هو الذي أتى بعد المعاملة الحسنة والمعشرانيّة ... بعدين صدقني الفرس من الفارس والأساس يكون المرة تربيتها وبزرتها طيبة وحضرتك تكون طيب .. لأن الطيبون للطيبات :)

وشو ما كانت المخلوقة اهم شي اتكون صاحبة دين وخلق وان لقيت فيها عيوب لا تنظر لها من زاوية واحد ولا بعين واحدة انظر لها من عدة جوانب ان رأيت اي شيء سلبي منها قابله بإيجابية لها وهكذا تستمر الحياة الزوجية الناجحة والحب مافي شي اسمه حب هذا كله معبى بمخيلتك من ورى المسلسلات التركية في شي اسمه مودة ورحمة ارجو ان تعذرني يمكن اوجعتك بالكلام شوي لكن بجد موضوعك محلول وليس بمشكلة انما انت تخترعها من مخيلتك او ذاكرتك المليئة بالالعاب والمسلسلات والافلام . تحياتي واحترامي لكم جميع

قال عليه الصلاة والسلام : الارواح جنود مجندة ما تعارف منها أئتلف وما تنافر منها اختلف. اولا الزواج مو لعبة وشكلك ماعندك شخصية من الاساس كيف بدك اتكون رب اسرة ؟؟ ثانيا من الحديث الشريف الكل بيفهم انه التعارف من اول نظرة في إلفة او نفرة ثالثا والاهم اقرأ تعليق المايسترو بالفعل من خلال قراءتي لمشكلتك و تعليقه باين انه نيتك مزغزغة وما بدك غير طلعات وسهرات وهيك شي بدك نصيحتي روح العاب مع اولاد الجيران اريح لك لانك شخص غير كفؤ للزواج من الاخر اعطيك الحل

أنا صار معي نفس الشي تعرفت عليهامن شي أربع سنين بس مشان إنسى الحب القديم و بعد فترة سنتين بلشت حس بحب إلها و حالياً بموووت فيها وعندي ياها من بعد الله .. أسمع نصيحتي و لا تتركها إذا كانت فعلاً محترمة و منيحة لأن الحب الذي يتولد من العقل هو الأنجح صدقني أنا حبيت كتير .. و وجعني راسي و طلع كلو علاك

Appretiate Your kind compliment....I have been asked this quistion many times,but here is the answer for 1-st time : I'm A High qualified Neuro-psychiatric doctor and searcher,but I'm not working in sphere...Thanks and God bless You

تركها احسن لك ولها, ياأخي انا اتزوجت من وحدها من غيرماشوفها او اعرفها عن طريق امي, واول ماشفتها في مطار تورنتوا , وبعد ١٢ من الزواج اصبحت اكره امي كره لايطاق وقاطع الاتصال معهم لاجل هذه الزواجة, انا اعرف ان مصيري لجهنم وبئسى المصير, لهك لا تجعل مصيرك زي مصيري.

كلمتين هنن خلاصة تجربتي الشخصية....والله انصحك لوجه الله....بعد سبع سنين زواج و ولد اتطلقنا....خود العبرة واتعلم من كيس غيرك

ما دام الموضوع لسا خطبة ليش ما تفك الخطبة وتمدح فيا للناس وحتى إذا بتعرف حدا عم يدور عبنت محترمة من معارفك قلو هليها ومداح فيا واشرحلو الوضع.

تركها أحسن, أنت عم تخاطر, بكرا بتعض أصابعك ندم, سألني أنا, إذا ما حبيتها رح تصير تتحس من كل تصرف بتتصرفو, إذا سمعت أنو شخصين بيحبو بعض رح تزعل على حالك وتقول ليش أنا مو حاسس بالحب؟ السبب أنك ما بتحبها لأنو شكلها مو عاجبك, الحب بيجي من النظر, البنت إذا شكلها ما خلا قلبك ينفض نفض ما رح تحبها بعمرك, ممكن تتعود عليها وتتعلق فيها شوي, بس أنو تحبها وتشتقلها وتفرح فيها ما رح يصير إلا شي بسيط, حاجة تخدع نفسك وتخدعها, هي أصلاً ما رح ترضا تاخدها إذا ما بتحبها, فهمها هالحكي

اذا بعد 8 شهور و لسا ما حبيتها معناتها بحياتك ما رح تحبها . لا تظلمها و تظلم نفسك . صحيح الحياة الزوجية قائمة عالاحترام بس كمان الحب شي أساسي و مشان هيك بيضل الرجال بعد الجواز حاسس بنقص عاطفي مو عرفان كيف بدو يعوضو. تركها الله بيبعتلها مين يحبها

الاول اظفر بذات الدين تربت يداك تريحلك راسك لأنها مأمورة بالطاعة والاحترام والثاني انظر اليها مرة او2 او3 ليتأكد الطرفين من امكانية بناء مودة وانسجام فاذا حصل نفور الترك افضل وانت بعد 8اشهر ولسه تسأل ممكن احبها او لأ برأيي استنى 8 اشهر تانية وتالتة

ما أجهل الناس الذين يتوهّمون أن المحبة تتولد بالمعاشرة الطويلة والمرافقة المستمرة. إن المحبة الحقيقية هي ابنة التفاهم الروحي وإن لم يتم هذا التفاهم الروحي بلحظة واحدة لا يتم بعام ولا بجيل كامل. جبران خليل جبران

اخي الكريم حأنصحك نصيحة وابقى لا تسمعها اذا صرلك ثمانية اشهر معها وما حبيتها معناها انت ما لك حتقدر تنسجم معها مشن هيك صارحها بواقعية بعدين يا بتحاولوا تقربو من بعض اكتر وتشاركوا اهتماماتكم لبعض وتوجدوا جو بيناتكم يعني فترة تتعرفوا على قلوب بعضكم بعدين يا بتفسخ الخطبة يا بتكمل لكن نصيحتي الك الزواج مو لعبة وبحاجة لألفة و مودة وكل شي من اولو حلو افضل ما تجني عليا وعلى ولد معها.

سيدي الكريم انا عشت متل قصتك تماما و آخر شي وقع الطلاق بوقت سريع جدا !!! لأسباب ظهرت لاحقاً .. المهم إذا كنت بتحب تروح لعندها على البيت و بتستنى الوقت لهل الشي فكمل موضوعك وإلا مشان ما تدوق من نفس الطاسة اعتذر منها و دور على حدا ترتاح معو و تحس بشي تجاهه أحسن إلك و إلها المشاعر ضرورية مع الضرورات التانية يلي بتعرفها

يا عيني حالتك من حالتي تماماً تابعت و اتزوجت وصارلي 11 سنة بشعر نفسي عايش مع حيط حبيبي استفيد من الكلام إذا ما حبيتها من أول لقاء واشتغلت الكيميا جواتك بعمرك ما بتركز حياتك لو كانت البنت من أولياء الله الصالحين

أشكر قراءتك لتعليقي ولكن هناك تعليق سبقه موجه لصاحب المسألة،أما الثاني الذي أشرت إليه جنابك فهو تعليق على كلمة وردت في مشاركة لأحد السادة المعلقين استغربت وجهة نظره ونظرته..وتقبل تحيتي.

أنا فتاة في السابعة عشر من عمري وأخشى من الارتباط بأشخاص لا يحبونني لشخصي بل لجمالي فقط وهذا الأمر سوف يفشل العلاقة الزوجية المستقبلية.

مان ان حياة الشعوب لا تقاس بالدقائق والثواني والساعات بل بانجازات هذه الشعوب. فأنت يا أخي الكريم يجب أن لا تقيس مدة الثمانية أشهر زمنيا بل قس ما قد ضاع من عمرك وانت متخبط لا تعرف الصواب من الخطأ."يسقط". الحب ممكن أن يأتي هذا كلام العقلاء ولكن ايضامن الممكن أن لا يأتي وهنا نكون قد وقعنا بالأعظم فانتبه وتنبه واستشر واستخر واستفت قلبك. فانه العمر الذي يمنح لك مرة واحدة "النظام".

لا تبحث عن الحب لان الحب سيبحث عنك وياتيك على قدمين .

أنا مررت بتجربتك رأيتها واعجبتني وتقدمت لها وخطبتها .. لكن مرحلة الخطوبة هي تحدد هل ستحبها هل ستستطيع العيش معها .. لا يكفي أن تكون جيدة فقط لكي تعيش معها .. يجب أن تكون مقتنع بها كزوجة وأنك تحبهاوأنها أم لأولادك وهل سيشكرك أولادك عليها .. وأيضا هي هل سعت أن تجعلك تحبها وأنها سعيدة معك .. اما كلمة فقط جيدة لا تكفي لاستمرار الحياة .. فالجيدون كثر .. أما انا فعملت كل شيء حتى لا افقدها لكن كان شعارها أنا مثل ما أنا ولن اتغير .. وهذا كان سبب فراقنا .. والله يعوضها ويعوضني ..

لا تعمل الا ياللي براسك احسن ماتندم طول العمر وتقول كلو من اهلي هنن اللي بلوني وتحملهن ذنب

انا بكل تاكيد مع اقتراح دمشقية مالك الا الاستخارة ورب العالمين اكيد مابريد للناس الا الخير

always your comments and never reflect the human mature, balanced and broad views of culture and allowed the question if wht is your achievement of scientific thank,s

بدي أسألك سؤال انت كان في بحياتك بنت بتحبا او لا من هون فيك تعرف حياتك المستقبلية كيف رح تكون انا عم احكيلك من تجربة اذا بتحب وحدة تانية لا تتزوجها لانو رح تضل تتذكر الحبيبة وتعمل مقارنة مع زوجتك لو كانت منيحةورح تكبر اكتر بداخلك اما اذا ما بتحب فممكن ان يأتي الحب بعد وقت لان الحب هو ارتياح وشعور بالامان وإذا تشعر بهذه الاحاسيس اتجاهها فلا تتركها واما اذا كان العكس فالعكس

ما هو رأي واحساس وحب خطيبتك لك؟ مجتمعنا ذكوري ولكن لاتنسى أن الخطيبة ستكون زوجة وبالتالي لها ما لك ليكون الإرتباط ناجحاً. بالنسبة للحب وتحرك مشاعرك اتجاهها فأنا المس ذلك من كلامك أنها جيدة وإلا لم تستمروا ٨ أشهر. الحب ليس فقط شعور ورهفة و(كيمياء) بل له عدة مرتكزات. هل أصبحت تبحث عن أشياء أخرى عندما كفلت تعلق أو قناعة الفتاة بك؟ بما أن الفتاة جيدة بمفهومك فإن ارتباطكم سيكون ناجحاً إذا أنت كنت كذلك وسعيت له. لا أتردد في الإرتباط بفتاة جيدة حيث يقع على كاهل الشاب المسؤولية الأكبر لنجاح الزواج

يا عزيزي الزواج يقضي على الحب ولا ياتي به والافضل لتجنب المفاجئة انك تتزوج من شخص لاتحبه

ذكرتني حالتك بغوار الطوشة رحش ما رحش يعني روح ولا ما ورح بمسرحيه غربة وقت بدو يجيب الميتور من البلدية هههه لانك حيرتنا كيف ما شعرت فيها بشي وكيف ما فيك تتركها لانها جيده اي يا فهمان هاد هو الحب بعينو انت بتحس باعجاب ناحها ومن نواحي معينة وجوانب بشخصيتها انا برايي هي الي رح تستمر وتبقى وتاكد انو عشق الجسد فاني وعشق الروح هو الباقي والاهم من هيك تكونبتعرف قيمتك وقدرك لاني هدول نوعهم نادر جدا ولتجبها اكتر فكر بلجوانب الحلوة فيهاوانا معع راي ريم انو خدو موقف من هلا لا تتورط معك بنت الناس

ما هو إلى رأي،احساس وحب خطيبتك لك! مجتمعنا ذكوري ولكن لاتنسى أن الخطيبة ستكون زوجة وبالتالي لها ما لك ليكون الإرتباط ناجحاً. بالنسبة للحب وتحرك مشاعرك اتجاهها فأنا المس ذلك من كلامك أنها جيدة وإلا لا تستمروا ٨ أشهر. الحب ليس فقط شعور ورهفة و(كيمياء) بل له عدة مرتكزات. هل أصبحت تبحث عن أشياء أخرى عندما كفلت تعلق أو قناعة الفتاة بك؟ بما أن الفتاة جيدة بمفهومك فإن ارتباطكم سيكون ناجحاً إذا أنت كنت كذلك وسعيت له. لا أتردد في الإرتباط بفتاة جيدة حيث يقع على كاهل الشاب المسؤولية الأكبر لنجاح الز

بعرفلك قصة شبيهة لقصتك بس الفرق ما خطبا وهي من كل عقلا مصدقتو بس هو كان عم يتضحك عليهاووضعها ماوساي جدا لدرجة من اثر الصدمة فقدت صوتهابتمنى يكون عم يقرا بركي الله بيهديه يبدو انك ابن امك مافيك تختار انتا انفرضت عليك حيرتونا يعني لا عن حب ماشي معكون ولا تقليدي ماشي حالو شو بدكون فكرو وبعدين حطمو قلوب ومشاعر عراحتكون وعم يضحك عحالو كل واحد مفكر انه عبقري وقال الحب بيجي بعد الزواج مقولة خاطئة اهم شي في اي علاقة الاحساس والاحترام والتفاهم يعني سكن ورحمةاقل شي التوافق والانسجام منيحة اليوم بكرة غير

للأسف لازم تكون خلال فترة ال8 شهور عالاقل تعلقت فيها ولازم تكونوا بهالمرحلة كتير تعرفوا بعض ...,في احتمال يكون شكلها مو عاجبك او هي عاقلة ومالها حكي كتير فيمكن ماعم بنتجذب الها متل ,اذا ماحبيتها او حتى تعلقت فيها ..فيفضل انو ماتنظلم معك بعد الزواج .واذا عم بتقارنها بوحدة تانية كنت تحبا بزمانك فتزوجها .وتوكل على الله .....بالنهاية اقرا ردي اذا ماعجبك .وحاولت تلاقي مبررات غير حكيي فمعناها انت بتحبا او في نسبة انجذاب اذا ..بعد ماقريتو الت حكيي صح ..معناها ...تركها .

وحاول انت تكتشف فيها تفاصيل تخليك تحبها والمهم يكون بينكم مودة ورحمة لتقدرو تعيشو.. وصدقني موكلشي بدكياه بتلاقيه بسهولة والمهم تأكد من انها بتريدك وانت اختيارها. وصدقني خطبة الاهل والتوافق بينهم وبينكم مهم كتير. عكل حال استخير ربك وادعي على نية التيسير.. وبلحظة بتلاقي ربك طرح الحب بقلوبكم..

في فرق بين الحب و الإنجذاب , في ناس بيقدروا يعيشو من دون حب و بيعتبروا شي إضافي أو شي غير موجودة حتى . أما أي إنسان مستحيل يقدر يعيش مع شخص من دون الإنجذاب له و الإ رتياح معه , أغلب العلاقات زوجية ناجحة بتبدأ بارتياح مع شخص يلي اخترنا ئم يأتي حب بمرحلة الخطبة أو بعد الزواج , وتذكر أنو إذا كان إنسان جيد مو يعني أنو بيناسبنا وتذكر إنك إنتي رح تزوجها مو أهلك و إذا بترتاح و تنبسط لما تحكي أو تجلس معها هاد شي بكفي حتى تكون زوجة لك وسلام

اخي في معادلة الهية علمنا هي الرسول صلى عليه وسلم مفاده بحديثين متممين لبعض الاول للرجل فأظفر بذات الدين والتاني للمرأة اذا جاءكم من ترضون دينه وخلقه فزوجوه والعبرة انه اصحاب الدين والخلق اهم للزواج وبناءالاسرةالسليمة بينما شفنا قصص حب وانتهت بزواج فاشل والعكس صحيح.. انا بنصحك تعمل جدول من خمسة لعشر اشياء بتخطط تلاقيها بشريكة حياتك بترتيب الاهمية وتشوف اذا موجودين فيها. الشي المهم تكون انت مقتنع فيها ومتأكد من انك قد المسؤوليةواسعادها وانت تستحقها لهالانسانة الجيدة!!

الحب الحقيقي هو الذي يأتي من الاحترام والالفة والمودة والإخلاص فقققققققققققط . اترك باب قلبك مفتوح ولا تغلقة في وجه انسانة جيدة اختارها عقلك . فالبيت الذي يبنيه العقل بعون الله لن يتهدم . اترك باب قلبك مفتوح فهي حتما لو كانت تحترم مشاعرك وتقدر وجودك في حياتها وتحبك فستدخل قلبك وتتربع عرشه بجدارة . لاتبحث عن الحب لان الحب سيبحث عنك .

اخي المحتاروالسائل اول شي بقلك لاترتبط فيا لاسباب اولا انت مو حابة بمعنى ما دخلت قلبك ع الاقل فمن الصعب بعدا تصيير الامور تانيا لو منيحة واخلاقا وتصرفاتا رائعة بس برايي الرجل احيانا بياخد انسانة نصف مواصفاتا لخطيبتك وبموت عليها لانو بصراحة حباوبصير بشوف السلبي ايجابي يمكن تجوزتا وتصير تنظر لغيرك كيف حابين بعضن وانت لا وهيك بتظلما معك فاتركا مشان الله يبعتلك وحدة ترضي شعورك وهي نفس الشي يجيا شخص يرغبها وتكون البنت اللي رايدا الله يوفقك

واحد سأل عالم دين كيف اختار المرأة فاجابه اذا كانت المرأة على خلق ودين فانها تساوي رقم واحد واذا كانت غنية فزد على الرقم واحد صفرا فتصبح تقييمها 10 واذا كانت ذات حسب ونسب فرد صفرا اخر فتصبح تقييمها 100 لكن اذا ذهب الدين والاخلاق اي ذهب رقم واحد لم يبقى الا اصغار بلا معني اي اذا تزوجت وحدة عندها اخلاق احسن ماتتزوج وحدة جميلة وتحبها من اول نظرة بس ممكن تعوفك حباتك بعد الزواج

بعد التفكير العميق شفت انو مالح يمشي الحل هيك يابدك تحبها من كل قلبك يااما بتتركا فوراً وبدون نقاش

اياك ثم اياك ثم اياك تتزوج وحدةة مابتحبها لانك رح تعيش معها حياة فارغة ومملة وباردة

إلى Maestro صاحب المشكلة لم يتزوج بعد !!!هو خاطب من 7-8 أشهر ...فكيف تطلب منه الزواج مرة أخرى؟؟؟؟!!!

سماع نصيحتي انا مجربة صرلي متزوجة سنين و لهلأ ما حبيت زوجي بس عايشة و ماشي الحال بالخلاصة الحب ازا ما اجا بايام الخطبة ما بيجي بعد الزواج لزلك يا اما تزوجا و مو لازم تحبا او فك الخطبة

الزواج مو متل اي شي تاني بعد ما ناخده اذا ما عجبنا اما منرجعه او منبدله ... هي حياة عمر و تكوين اسرة من المفترض انها تكون مترابطة ... انا برايي حدد موقفك معها اما بدك ياها او لا من البداية لانو بعد الزواج بصير القرار صعب جدا ... موفق

(إذا قلبك ما دقلها تركها للأولاد وروح تزوج وحدة تانية..إنتهى)..نعم عزيزي(الرجل)إبحث وجرب وتزوج وأنجب واترك إذا لم تجد توافقا فما النساء إلا إماء خلقن لإرضائك وإشباعك وإمتاعك وماالأبناء إلا حاصل علاقة سرير وبعدها(اللي خلقه مابينساه).ماالضير في سحق مشاعرها وتركها(خادمة)للأولاد طالما شرع لك التعدد لأسباب أصبحت(أنت)من تقررها وتحددها كيفما تشاء لمجرد أنه شرع..ولكن مهلا،تذكر أن من شرع التعدد كان آخر كلامه قبل أن يرحل عن عالمنا:إن للموت لسكرات وبعدها قال:إستوصوا بالنساء خيرا،الله الله بالنساء..

أشكر إطرائك ومساهماتك الملفتة وأتمنى أن نكون كلنا معا نسعى لعمل الخير..لك التحية.

اعتقد انك يجب ان تجد اشياء تربطك بها و تتفق بها معك غير (العلئنة و الولدنة) و تتحمل مسؤولية الامر برجولة فأنت الرجل في النهاية و البداية و المسؤولية هي ان تكون رجــــلا مسؤولا و الرجل المسؤول هو ( اخلاق و تصرفات و احترام ) و الله أعلم و يوفقك و يهديك و يسعدك

صديقي المايسترو عطاك الحل و فكري انا اضيف ان اقول ان ماتبحث عنه يحدث بعد الزواج و ليس قبل و اعتقد اني استنتجت ان خطيبتك محافظة و انت لهذا السبب اعجبت بها يبدو لي ان بعض احلام الخطوبة لم تحدث مثل الخروج و الدخول و روحة و جية اللي بنشوفها بالتلفزيون اسمحلي اقول لك كلمتين كوالد: الزواج هو عبارة عن مؤسسة مسؤوليتها الكاملة تقع عليك و انهيارها انت المسؤول الاول عنه بغض النظر عن السبب المباشر وقتهابرأيي لا يأتي الحب عن طريقة جلسة على قهوة مع اركيلة فكر في اشياء تثمر اكثر من هذا، عليك ايجاد الروابط و ت

هناك شيء أساسي و هو أنه بعد ثمانية أشهر ربما تكون هذه الفتاة قد تعلقت بك و أحبتك و أنا براي أنك إذا كنت تحمل لها الود الذي يمكن أن يتحول إلى حب فلا تتركها !!!! و هناك شيء أساسي في الحياة الزوجية أن نجاحها يأتي بجهود من الطرفين و ليس بكل سهولة لذلك إذا قررت الاستمرار يجب أن تحاول التقرب إليها أكثر و تسمعها عبارات الاعجاب و الغزل و حول أن تجعلها تتفاعل معك فأنت بادر بأن تدخل الرومانسية و الحب في علاقتكم و تأكد من أنها إذا كانت إنسانة جيدة مثلما تقول فسوف تكون الحياة بينكم سعيدة بإذن الله

شكرا على هذا الراي الرائع و الصحيح 100% يا ريت جميع الاراء التي تكتب هنا تكون على نفس المستوى من الرقي و النظرة الصحيحة

الحب الحقيقي هو حجر الزاوية التي تقوم عليه الحياة الزوجية وان عرف طريقه الى قلب الرجل اتجاه زوجته فلن يتدبل ويتغير معا مرور الزمن بلحب فقط تسطيع تحمل صعوبات الحياة وهوالشفيع الوحيد لغض النظر عن عيوب وتبقلها برضى ,قد يأتي الحب وقد لا يأتي بعد الزواج ولكان الحياة تستمر ان كانت الزوجة على خلق وطيبة وسلوكها رزين محبب ,أن لم تكون مقتنع وشعرت بعدم التوافق فسخ الخطبة الحل الافضل..اسأل روحك ماذا تقصد بي (لا استطيع)ليس لديك الشجاعة الكافية للمصارحة؟او حب صامت بحاجة لملهمة اكثر حيوية لتيقظه؟الحب اولا

إلى mam , sam والله الحكي صح 100% وكفى

اخي الكريم، اولا انا برأيي لازم تتصارح مع نفسك مليأ ولمدة زمنية جيدة لتعرف ماذا تريد من أية قتاة ومن هذه الفتاة تحيديأ ولماذا لم يتم الانجذاب معها واين تكمن المشكلة؟ هل هي من الفتاة ام لعدم اقتناعك بفترة الزواج أساسا أم لمشكلة ما تلم بك.. وبناء عليه تحسم قرارك..وأنا مع دمشقية ومغتربة بضرورة الاتكال على الله والقيام بصلاة الاستخارة...وكل شي من أوله يامحلاه..وبالتوفيق

ولك يا زلمة لا تصدق انو الحب قبل الزواج بيحقق الشراكة والتوافق مع الشريك بلعكس احيانا كتير بيكون سبب للفشل في الشراكة انا انصحك نصيحة مجرب كنت حب وحدة وكنت راح اخطبها بس واحد نصحني وقال هل تصلح لتكون شريكة حياتك هالبنت وبالفعل الجواب كان لا وبعدها صرت دور عاوحدة منيحة وهيك لقيتها وبقيت اكتر من سنة خاطب وما تحركن مشاعري اتجاهها هيك لبعد سنتين من الزواج بس هلا بعبدها عبادة وما بقدر اتنفس بلاها والسبب لانها جيدة والجيدة نادرة واكيد انا محظوظ كتير ونصيحتي تزوج ولا تردد

صراحة انا مستغرب من انو القسم كلو يدور حول المشاكل العاطفية واكل هوا انا ما انكر انو في مشاكل عاطفية واجتماعية بالمجتمع بس مو لدرجة انو نعطي المشكلة اكبر من حجمها وخاصة المشاكل الاجتماعية ما فيها نصايح او خبرات او تجارب لانو كل شخص يختلف عن الاخر ولذلك المشاكل العاطفية لازم الانسان يحلها لوحدو واذا بدو يستشير حدا يستشير اقاربو يلي بيعرفو وضعو وظروفو فلذلك اتمنى من تقنين المشاكل العاطفية ولانتباه الى مشاكل فينو الانسان يستفيد من خبرات الاخرين

اتركها لأنك ما بتستاهلها...الزواج مو بس حب و أفلام هندية و عربية..الزواج مشاركة و عيشة عمر ..المهم انسانة تفهم عليك و تعرف تتصرف و تربي ولادك

عزيزي،ربما لو نظرت إلى الموضوع بهدوء وروية وقليل من التفكير استطعت أن ترى وتشعر بما تقدمه لك هذه الفتاة التي لأنها جيدة لاتستطيع تركها.إذا هناك شيئ ما تجذبك به وأنت تحاول أن تتملص لتعيش قصة حب كما تتمنى.ليس لأحد سلطان على القلب،نعم،وليس لك أن تتحكم فيه،ولكن لنعد إلى المرة الأولى ونحاول التفكير فيما دفعك لاتخاذ هذا القرار من أول نظرة.كل هذا مرتبط بالتفكير بهدوووء،بمعنى أن تخفض صوت الموال الذي(بدأ)يؤرقك بعد ثمانية شهور.إن لم تستطع فاتركها قبل أن تظلمها أكثر فبكل الأحوال هي من ستدفع الثمن لأنك(رجل)

ما رح اعمللك محاضرة بحكي عن تجربتي خطبت وتزوجت 36ساعة والله عمري ما شفتها ولا شافتني بس بنت اصل صراحة؟وصار لنا 18 سنة عايشين انا بسافر كتير تزوجت ببلد خليجي 4 سنوات وحصلت ظروف باعدت بيننا ومن 7 سنوات تزوجت والحمد لله كل شي تمام وعندي اولاد من التنتين ؟القصد انو اذا بنت اصيلة وخرج تصير ام اولادك تزوجها وبعدين ما قلبك دقلها خليها للاولاد وتزوج ؟ قصص الحب وهاد الحكي لا تصدقه موجود بس في المسلسلات ؟هاد رايي المهم تكون شريفة وشيك وذكية وتحبك ومثقفة هاد بالمنام بس تلاقي شي بتضحي بشي؟

اقرأ المشاكل المرافقة لمشكلتك في سيريا نيوز اعتقد انها ستساعدك في فهم او عدم فهم الوضع ههههه لان الانسان تركيبة معقدة والاهم هو توكلك على الله والاستخارة لعدة مرات لان مع التوكل والاستخارة لن تخسر ابدا والله يوفقك لما فيه الخير

الكل لامني على تصرفي هاد بس هي عيشة عمر مو يوم اويومين..كيف بدك تعيش مع انسانة مابتحس تجاههابأي شي..هي منيحة ومحترمة ماختلفنا بس هاد الشي مابيكفي لتقدرو تعيشو حياة هادئة...لاتظلمهاوتخليها تعيش معك أحلام بيجوز ماتتحقق بعدين اتركها هلأ باسلوب لطيف احسن ماتعيشها بعد الزواج حياة كلها نكد بنكد..يعني 8شهور كافيين لتعرف اذا ممكن يصير بقلبك حب الها بس انت ماتغير بقلبك شي ولهلأ ماعم تحس تجاهها بأي شي ...بعتذر على الاطالة بس فكر منيح هي حياتك انت ولاتنسى انك رح تفيق كل يوم وتلاقيها جنبك

بهاد الزمن الزمن اذا الانسان بيحصل على نسبة 55% مما يتمناه فهو محظوظ بس المشكلة بترتيبنا للاولويات يعني كل شخص عندو اشياء اهم من اخرى فانت رتب اولوياتك بشريكة حياتك فاذا كان الحب بالمركز الاول فانك ستعاني ولكنك بالنهاية ستتاقلم وتعتاد على اي حالة بخلاف امور اخرى من المستحيل تغييرهاوالتاقلم معه كالاخلاق والطباع والتربية والبيئة السيئة وغيرها فان كانت البنت جيدة كما قلت ولاتعاني معها غير مشكلة الحب فاعتقد انك يجب ان تحافظ عليها لانها نادرة وحاول ان تجعل من حسناتها مفتاحا لقلبك

من فترة كنت مخطوبة لشخص وكنت لأول مرة بشوفو..كانت حالتي نفس حالتك هي وماكنت حس تجاهو بأي شي مع انو كان انسان محترم وكان بيحبني كتير وبيعمل أي شي كرمالي وكل يوم كان يتعلق فيني أكتر من يلي قبلو ... الكل بيقلي الحب بيجي بعد الزواج وأنا كنت حاول اقنع حالي بهاد الشي...بس ماقدرت ابقى معو لاكتر من شهرين لان مابدي اظلمو ومابدي يزداد تعلقو فيني اكتر لهيك تركتو..بيجوز انجرح بس بيبقى الجرح اخف من بعدين..

ياجماعه هو خطبا بشان اهلو مو بشانو هو وشكلو حابب حدا ثاني ومانو قدران ينسا البنت يلي بيحبا يترك من هلى احسن مابعد يتزوج يتركا او يصاحب عليا خلص خلينا واقعين وعملين والحقيقه تكون واضحه

اخي الكريم لاحظت انه موضوعك يجاب عليه عن الى حد ما الموضوع الذه قبله( الاخت التي تزوجت بعد قصة حب رهيبه) ثم شعرت بخطئها من اول معا لذلك اخي الكريم نحن في وقت نحتاج للفتاة التي تصون زوجها وبيتها ككل...مع الإعتراف ان الشعور في الحب لا غنى عنه وضعي كوضعك حتى نفس الفترة تقريبا ولكنني اتخذت القرار ان اقضي باقي عمري معها بإذن الله واصونهاواحسن معاملتها رغم بعض الاخطاء الصغيره لسبب خبرتها القليله في الحياه لكن بصدق لو توكلت على الله بنية صافية فلا تخف صدقني والله سيبارك لكم إن شاءالله

يا عزيزي اذا حبيت وتزوجت رح تكتشف عيوب يلي حبيتها وهاد امر طبيعي بعد الزواج وطبيعي لكل انسان عيوب واذا اتزوجت وماحبيت رح اضل حاسس بفراغ طول حياتك لانو الحياة بدون حب شي مخيف (طبعا هاد حسب طبيعتك انت)الانجذاب للطرف الاخر شي مهم جدا انا اتزوجت من انسان يمتلك مواصفات جيدة بكل شي بس ماحست بالانجزاب لهل شخص والنتيجة حياتي مملة وفارغة وخاصة اني بالغربة اعميل استخارة احسن ويلي كاتبو ربك رح يصير

نصيحه لا تصدق كلام الافلام والحب وما بعرف شو الحب هو المعامله الطيبه والاحترام المتبادل ما زال البنت منيحه لا تضيعها مشان افكار او معتقدات اسمها الحب اصلا اغلب مشان ما نعمم اللي عم يتزوجو عن حب زواجهن وحياتهن فاشله

الك خاطب 8 شهور وعم تقول موقادر تحبا طيب ليش يقيان معها لهلأ اكيد في مشاعر اتجاهها بس انت مو حاسس لانك حاطط ببالك انو انت ما بتحبا جرب تحبا وشيل هلفكرة من راسك اتذكر لما شفتا اول مرة شو حسيت وخليك عند هلاحساس اكيد في مشاعر حب جواتك بس بعدك ماحسيت فيا حرام تترك البنت المنيحة بهلزمن عملة نادرة هي الي حتحافظ على بيتك واسمك وولادك

سيدي الكريم لا داعي للحيرة، يعني اذا عم تقول البنت جيدة فلا تخلي وساويس الشيطان تأثر فيك ولا تكون أناني لأنو يمكن البنت تكون بتحبك ومتعلقة فيك، وفعلاً المودة والحب بيجو مع العشرة ومع الوقت، وكما يقال عصفور باليد أحسن من عشرة عل شجرة؟؟؟ ارضى بما كتبه الله لك مع تمنياتي لك بكل التوفيق.

انتبه وقد ذكرت انها منيحة والحب سيأتي صدقني لدي الكثير من الصدقات مع فتيات وتعرفت على الكثيرات وكل العلاقات انتهت بدون زواج وانا الان لا اعلم متى ارتبط لانني قد صنفت معظم الفتيات بخانة واحدة وهي عدم الاقتناع بشريك واحد للاسف انا اقولها مع احترامي للاخوا ت الفاضلات فانتبه ولا تفرط بها

على ما يبدو أنك لم تشعر بانجذاب نحوها وهذا خطير جدا، أنصحك بأن لا تظلمها وصارحها بالأمر وأخبرها أن عقلك معها ولكن قلبك لا يشعر بها فعلى الأقل لن تؤذي مشاعرها ، عزيزي إن الزواج ليس نزهه وفي حال لم تكن مقدما على الزواج بكل جوارحك فلا تفعل لأنه في حال استمر نفس الوضع بعد الزواج فستبدأ قصص الخيانه أو الزواج الثاني وأنت في غنى عن كل ذلك.

ما ضل حب دور ع بنت يلي بتناسبك ولا توجع راسك الدنيا ما بقي فيها حب

عالاقل تعامل معها على انها حبك حتى لو ماكنت بتحبها لانو اللي حبو من قبلك ما كسبو كتير احسن ماتروح تتجوز عن حب و بعدين متل غيرك تقول انو الحب شغلة سخيفة شعار بيخبي وراه كتير من العيوب عاملها بالحسنى و لا تفكر تتركها وفكر كتير بالايجابيات اللي عندها وبدعيلك بالتوفيق

أكم من زواج عن حب كانت نهايته الفشل؟؟؟ ملايين ــ قبلت مع أهلك لا تخونهم وهذا صحيح أن الحب يأتي ولكن إذا كنت إيجابي ـ وإنتبه المرأة تخطيء بكل لحظه عندماتكون جديده

الا الاخ شو متوقع تشعر الحقيقة انا صار فيي متلك خطبت بس مو تناقايتي والبنت فيا كل المواصفات الي بيحلم فيا اي شب بس لاني ما حسيت بالبداية معا بشي قمت فقست وانا من وقتا عم عض اصابيعي ندم لانو عنجد اكتشفت انا كتير انسانة مميزة بس بعد فوات الاوان حتى اني اكتشفت اني بحبا منشان هيك فكر مجددا بالموضوع اذا شعرت بانجذاب بالبداية نحوا فهدا شي ايجابي وتمسك في طالما البنت متل ما عم تقول منيحة

والله لو اجتمعوا نسوان العالم ليفهموا رجال واحد ما في مجال عبث أنا متأكدة لو خطبتها بعد قصة حب عنيفة رح تصير تشك فيها وبكل تصرفاتها بينما هلاء من ملك الشيء زهد فيه عم تقول أنها كتير منيحة سماع مني تركها مو مشانك مشانها حرام بكرا كل مشكلة معها بدك تخلي طريقة زواجك منها شماعة لمشاكلكون وع قولت أهلي جنو علي وهي مالها ذنب وكل ما بتشوف وحدة رح تدخل لقلبك فورا ورح تقول يا الله كلو من أهلي وكل هاد رح يصير معك لأنك حاطت ببالك أنو ماعم حبها ومو أنا لي خترتها وأنا انظلمت معها تركها وخليهاتاخوديلي بيستاهلة

ما هو مفهومك للحب اولا ..؟؟ تانيا والاهم امنح عقلك الايجابيه ...من كلامك هي مناسبه لك .. اذا امن بذلك واعطها الحب من قلبك .. تزوج بعقلك يا صديقي وسيتحرك قلبك بالتاكيد دعك من كلام الاحلام والمنى ..؟ّ

يااخي كل شي بئلك الحب بيجي بعد الزواج كزاب بس انتي مو عرفان حالك شو بدك ساعة ما عم تشعر انك بتحبا وساعة ما فيك تتركا يعني رسالك على شي بر - بعدين بنصحك تصلي صلاة الاستخارة والله يحسن الاختيار

انا من راي مادام انو البنت جيدة وممتازة لحتى تصير ام لاولادك ماشرط تكون بتحبها بكفي المودة بعد الزواج رح تشعر تجاهها وبعدين يااخي ليه ماتسوي استخارة وتوكل على الله والله يقدم اللي فيه الخير  

نصيحة اتركها نصيحة صرلي متزوج ٥ اشهر لذلك رح تحس بفراغ كبير وعدم انجذاب استنتجت انه الزواج عالاقل لازم اله الاعجاب او الحب

والله كاني انا كاتب الموضوع بس اخذت براي البنت اللي بتخلصلك وبتحبك افضل من اللي بنت اللي بتحبها هي اللي بتناسبك لانو على الاغلب الي بتحبها لا بتدلل عليك لا بتخونك