syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

سأرزق بمولود جديد وأنا أكبر أخوتي ولكنني لا أرغب بتسمية ابني باسم أبي وأخاف أن يحاربني أهلي وأقاربي ..أنصحوني ؟
اسأل مجرب

تحكمنا أحياناً أمور اجتماعية وعادات وموروثات قديمة يصعب التحرر منها  ولكن هناك من يرد أن لا ينصدم معها وأن يتحرر منها  التحرر


يقول صاحب الرسالة " الحمد لله رب العالمين سأرزق بمولود جديد وأنا أكبر أخوتي ولكنني لا أرغب بتسمية ابني باسم أبي لأن اسمه قديم جدا ولا يناسب هذا الزمان وأريد تسمية ابني باسم خفيف و مختلف "

يتابع " ولكنني ألاحظ أن جميع أقاربي سيلومونني على هذا الأمر وأنا مقتنع بما سأقوم بعمله ولكن لا أريد أن يحاربني المجتمع والناس أو أهلي حتى ......أنصحوني ماذا أفعل "


2011-10-27 07:21:17
شاركنا على مواقع التواصل الاجتماعي:



شارك بالتعليق
اخت كبيرة2011-11-01 20:43:48
احسن شي الكلمة الطيبة
احكي مع ابوك بكلمة طيبة و لا تجرحو اكيد رح يقتنع منك بالنسبة لام سلوى عبتقولي اسم بنتك قديم ااااه قريبي سما بنتو على اسم امو اكتمال
-سوريا
خخخخخخخخخ2011-11-01 14:50:45
محمد ابن الأثير
والله تعليقك أحلى تعليق قرأتو بهنيك على هالمخ خخخخخخخخخخخخخخخ
-سوريا
توكماكوف2011-11-01 10:16:55
..
بنصحك تسميه عإسم أبوك، هادرأيي.. أناكل عمري مافكرت بس آخريوم فجأةسميتوعإسم أبي.. وربك حميد...لوماسميتوبالحظ عإسموكنت ندمت كتييير.
-الإمارات
الطهقان2011-11-01 09:16:49
مكشوفة
اذا كام اسم الأب من الأسماء الشائعة وليس غريب مو انت المقتنع الظاهر مافي ضوء اخضر من المدام العبها علمكشوف
-سوريا
غادة2011-11-01 07:33:05
فكرة مهمة
أخي الكريم الشغلة كمان مو بالاسم اذا كان قديم و لا جديد بس تخيل بكرة وقت بتعصب من ابنك و بدك تسبو ( و احيانا بتصير اللاشعور ) شولن بدا تطلع معك المسبة و خاصة اذا كان الوالد الله يطولك بعمرو موجود قدامك يعني احسبامن هالمبدأ بالعكس انت بس ما تسمي على اسم الوالد بتكون عم تحبو اكتر و عم تخاف على مشاعرو اكتر
-سوريا
بلا اسم 2011-11-01 02:34:53
لاتعذب حالك وتسميه لانوبكرة بس يتعرف على بنات بيعط
علم جرحك يا حبيبي وعلمني ما احن بحياتي يوم للي ظالمني ,,, !!! رد الجرح الي جرحتووو بجرحين بكره جااااااي الييييييييوم وتتألم من اغلاطك يا حبيبي وتتعلممم والله بخجل يا حبيبي ومالي عين رد الجرح الي جرحني بجرحين يكرة جايه يوم وتتألم ...............خنت العشرة والوفى منك لله الله لا يسامحك ياكذاب ومحتال لك في بني ادام بيكذب باسمو لك اخ منك يالقهر لو اطولك والله لامسح فيك الارض واعمل منك كباب وحبوب هلوسة ...............
-سوريا
محمد ابن الأثير2011-10-31 23:12:21
ibn.alathir@gmail.com
اسمع هالنصيحة من أخ نصوح : إن كنت مسلم سمي الولد محمد ما حدا بيسترجي يحكي معك وإن كنت مسيحي سميه عيسى . وإن كنت موالي للنظام السوري سميه بشار وإن حكى أبوك معك اتصل بالأمن يدبروه، والسلام .
-سوريا
firas2011-10-31 21:27:54
سميه
سميه على أسم أمك
-سوريا
المنتصر بالله2011-10-31 20:12:42
الرضى مطلوب
السلام عليكم حبيب اذا كان اسم ابوك ما بيشكي من شي فبرأيي سمي الولد على اسمه منه اسم كويس ومنه بتنال الرضا وبحب قلك الرضى بيبقى والواحد بشوف بركته أماالاسم ما لح ياثر لأنو شو ما كان الاسم اذا كان الولد مسخرة لح يتمسخر عليه الكل بغض النظر عن الاسم وبس يكبر بعيطلو بابو فلان الله يسلملك ياه ويربى بعزك ويطلع من اللي قال رب العالمين فيهم رجال صدقوا ما عاهدوا الله عليه
-سوريا
الماوي2011-10-31 19:56:29
مو نصيحة
ترى يا أبو الشباب مو نصيحة. يعني أنا اسم جدي باللغة التركية وحصلت عليه ولحد الآن بكرهوا وبتمنى لو كان الاسم مختلف. سمي على كيفك وخلص
-سوريا
سوري مغترب 2011-10-31 14:51:04
مافي مشكلة
السلام عليكم ورحمة الله اخي الكريم صاحب المشكلة بنظري هذه ليست مشكلة ويعود ذلك الى علاقتك بأبيك وليس لا للمجتمع او الاهل او الناس اي ملامة عليك اهم شيء ان تختار لابنك اسم جميل يليق به ويليق بالدين بغض النظر عن ديانتك شو هي, مبروك ان شاء الله يتربى بعزك
قطر
حمصي مغترب2011-10-31 13:24:46
توكل ع الله واعمل متل ما أنا عملت
ياسيدي انا كنت واقع بنفس الحيرة .. القصة انو انا الولد الوحيد لوالدي رحمه الله .. فقررت بالنهاية سمي ع اسم والدي وفاءا له وماحسيت انو القصة بتستاهل مخالفة العرف .. بصراحة الاسم ماكتير مهم بالنهاية (هادا رأيي) ... بس ان شاء الله مارح خلي ابني يسمي ع اسمي وخليه يسمي الاسم يلي بيعجبو ..
-سوريا
أم سلوى2011-10-31 11:21:42
والله حرام
ياريت توقف المشكلة على اسم الصبي لما يكون اسم البنت على اسم جدتها بكون الموضوع أصعب تخيلوا اسم ابنتي سلوى وهو أقدم من اسمي أنا امها بس الله يهدي هالآباء ويتركوا لأولادهم حرية الاختيار يعني بتستغرب انه الوحدة بتاخد واحد بشهادة عالية وبيطلعلك أهله بهي العقلية بس ما بزعل غير على بنتي والله حسرة بقلبي اسمها وهي بغاية الجمال شو بصير لو كان اسمها كمان حلو
-سوريا
ابو فراس2011-10-31 11:02:47
عادات بالية
شوف اخي الكريم اذا كان ابوك مفضل يعني هو اللي جوزك وهو اللي اشترالك بيتك وهو اللي فتحلك عمل وصرت محترم بالمجتمع بفضلو فاعذرني عيب ما تسمي ابنك غير على اسمو لأنو شخصية ناجحة بالحياة تتوسم خير باسمو اما اذا كان متل ابي فأوعك تكرر المأساة لأكثر من جيل يعني سميه اي اسم غير اسم ابوك لأنو اناابي دايما مديون وبخاف بكرة يطالبو ابني لتشابه الأسماء .
-سوريا
لولو2011-10-31 08:49:19
حسب طبع الأب
أنا ابي ماسمى أخي الكبير على اسم جدي، بقي جدي لنهاية حياتو كل فترة يقول: ماسميته على اسمي! مو عاجبك اسمي! وهي الكلمات عم جد بتحرق القلب
-سوريا
صاحب السؤال2011-10-31 08:11:05
شكرا لكل من ساهم بالتعليق
شكرا لكل من ساهم بالتعليق على السؤال، انا فقد اردت ان أرى النظرة العامة للمجتمع، أسأل الله أن يرزقنا وإياكم ما نحب، والأن الأمر المهم أن يرزقنا الله الولد بصحة وعافية وإن شاء الله سأسمي الولد بالأسم الذي أريده وشكراً
-سوريا
أحمد2011-10-31 01:11:47
شاور
1-كما قال أخ عزيز أن النبي صلى الله عليه وسلم لم يسمي ولد من أولاده على إسم أبيه 2-شاور واحد من أخواتك بالموضوع و صارحو بالأمر بلكي بيساعدك وبتطرحو الفكرة سوا أدام الاقارب والأرايبين و اهم شي اتوكل على الله
سوريا
كريم2011-10-30 23:34:00
نصيحة بعد قراءة كل التعليقات
والدي لديه نزعة كبيرة أن يسمى طفل باسمه وهو مصر على هذا الموضوع .. ومن شهر فقط رزقني الله بمولدود وأنا لست بأكبر اخوتي ولكن للأسف أخي الكبير تخلف عن تسمية ابنه باسم والدي (نصوح) بكل الأحوال قمت قبل شهر بالتمهيد لاسم ابني الجديد ووصلني الخبر أن والدي (بدو يزعل) ان لم أقم بتسميته على اسمه .. يومها ذهبت اليه مع كيلو كنافة نابلسية قبلت يداه ورأسه وقلت له احترمك واحبك ارجوك دعني اسمه كما اشاء ووضحت له أن الاسم لايعبر عن محبتي له ولايخلد ذكراه الذي هو في قلبي أصلاً .. افعل مثلي :) بالكلمة الطيبة حلها
سوريا
البابا 2011-10-30 17:58:35
حسب
والله هو انو حسب شو اسم والدك حلو والا بشع قديم واللا جديد هل والدك متوفي واللا طيب انا بالنسبة الي والدي متوفي وقبل ماتحمل زوجتي جائني والدي في المنام وبشرني ان زمجتي راح تحمل وذكر وانا احب والدي فلذلك سميته على اسمه فافعل وسمي ماهو بقلبك
سوريا
نور الدين حسن ابو زين العابدين2011-10-30 17:24:00
%%انا اتكلام هندي %%
اين الموضوع الطائفبة فيها؟؟؟؟؟؟؟؟؟؟؟؟ اقرا مرتين وجواب مرة وحدة !!!!! ؟؟؟؟؟؟ او لاجواب افضل .
-سوريا
إنسانة 2011-10-30 14:19:49
اتكل على ربك واالله يبارلك فيه
أخي اسمحلي قلك أنت قلت أنك مقتنع بما ستفعل ولكن بمجرد طرحك للمشكلة فهذا يعني أنك غير مقتنع لأن الذي يريد شيء يفعله ولايهمه لا المجتمع المتخلف ولا الناس ولا القرايب. فكر بابنك يلي رح يجي على الدنيا ويتعقد من اسمه ويعيش طول حياتو لايمك على ضعفك لأنو الأب والأم لهم الرضا في الأشياء التي تخضهم فقط وليس بالأشياء التي تخصك وإذا استسلمت لهم تكون ضعيف الشخصية، بعدين الدين ماقال يجب تسمية الابن الأول على الاسم الأب والأم فهذا يعني أن فعلك ليس حرام وهذا ما يجب أن يهمك رضا الله فقط
-سوريا
ميدو2011-10-30 14:04:16
هذه غير سُنّة ولكن محببة
أولاً النبي عليه السلام لم يسمي أي من أولاده بعبد الله بل كان له ابراهيم والقاسم ولكنه بالمقابل أسمى ابنته بفاطمة عرفاناً منه بجميل زوجة عمه أبو طالب التي ربته .. فإذا رأيت أن أباك قد رباك وأحسن تربيتك فمن برك له أن تسمي ابنك باسمه وعلى أي حال انظر هل سيدخل هذا السرور لقلب أبيك .. فإن كنت تراه يحب أن تسمي اسمه فافعل واطلب الجزاء من الله .. وتذكر أنه كلما نادوه باسمه فإن الحسنات ستصب في ميزانك .. ولكن إذا كان اسم أبيك مثل ضرار ومضر وجُعُل الخ فإن مثل هذه الأسماء منهي عنها في الشرع.
-سوريا
الريفي2011-10-30 13:28:31
بسيطة مشكلتك
سمي الولد متل مابدك، وعلق التسمية على اسم ابوك لولد آخر، واقتعون بدون حدية بالموضوع، والله يخليلك ياه
-سوريا
جاد2011-10-30 12:30:42
الى الحائر
ان اسم ابني على اسم ابي واسم ابي غير شائع ابدا انه الاقرب لابي وعندما يداعبه والدي يقول لي ما مت ويشير على ابني ويقول ولن اموت
-سوريا
فايق ورايق2011-10-30 09:28:27
السلف الصالح
معناها مالك غير تسمي على أسم جدك.
-سوريا
وحدة 2011-10-30 01:45:59
نور الدين حسن ابو زين العابدين
هي الافكار خليها لالك اذا مقتنع فيها.هون موقع عام و عم ينتطرح اشياء بتخص جميع المجتمع ما بتخص دين او طائفة معينة!!
-سوريا
نور الدين حسن ابو زين العابدين 2011-10-29 18:22:44
أعينوا أولادكم
ذا وجب على كل أبوين أن يُعينا أبناءهما على برهما، فعن أبي هريرة- رضي الله عنه- قال: قال رسول الله- صلى الله عليه وسلم: "أعينوا أولادكم على البر، من شاء استخرج العقوق من ولده"رواه الطبراني في الأوسط
سوريا
نور الدين حسن ابو زين العابدين 2011-10-29 18:05:36
سيدنا عمر بن الخطاب
جاء رجل إلى عمر بن الخطاب يشكو إليه عقوق ابنه . فأحضر عمر الولد و أنّبه على عقوقه لأبيه و نسيانه لحقوقه عليه . فقال الولد : يا أمير المؤمنين أليس للولد حقوق على أبيه ؟ قال : بلى ، قال : فما هي يا أمير المؤمنين ؟ قال عمر : أن ينتقي أمه و يحسن اسمه و يعلّمه الكتاب أي "القرآن " . قال الولد : يا أمير المؤمنين إنّ أبي لم يفعل شيئاً من ذلك ، أما أمي فإنها زنجيّة كانت لمجوس ... و قد سمّاني جعلا أي " خنفسا " و لم يعلّمني من الكتاب حرفاً واحداً . فالتفت عمر رضي الله عنه إلى الرجل و قال له : جئت إلي
سوريا
مواطن عايف حالو2011-10-29 14:25:21
يا رجل!
اهلك على عيني .. بس هذا ابن(ك) انت ...معقول...بلكي زعلو..ويدقو راسن بالحيط وللي مو معاجبو وبدو يزعل كيف سميت ابنك اسم انت بتحبو ...الله لا يردو مين ماكان يكون...لانك ااكبر اخوتك لازم يكون الك شخصية ...شوبانا ....سمي الي بدك اياه ولي مو معاجبو...لا يعجبو ..نقطة انتهى.
-سوريا
أبو عنتروس2011-10-29 12:24:32
معقول في ناس بعدها هيك
معقول في ناس بعدها هيك , روح عمي سمي الاسم اللي بدك , بلا عادات بالية بلا بطيخ .
-سوريا
أنس2011-10-29 12:13:29
اقتراح
1- لو كل الناس بتسمي اسم أول ولد باسم الأب كانت مصيبة . 2- مين اللي قرر أنو أول ولد لازم يتسمى باسم الأب ؟ 3- أقترح أن تسأل أبوك : أفكر أن أسمي ابني فلان أو فلان أو فلان ، اختر لي واحداً من الأسماء الثلاثة يعجبك ، وهكذا يختار لك اسم و يكون راضياً . 
-سوريا
agha_19802011-10-29 09:57:25
اقرأ وفكر
أذا كان اسم أبوك له معنى سمي الولد على اسم أبوك لنو إذا سميتو هيك حيكون أغلى حفيد على قلب أبوك ويمكن أغلى منك كمان وما حتندم إذا سميتو باسم أبوك وبس يكبر ابنك بدو يحب الاسم لانه اسم جدو يلي هو اساس العائلة ولاتنسى أنو حق ابنك عليك ان تختار له اسم ذو معنى قديم كان أو جديد لأن لكل شخص نصيب من اسمه
سوريا
عجوج2011-10-29 09:35:47
فايق ورايق
اول شي انشاالله الف مبروك وتاني شي تركت مشاكل العالم كلهاومشكلة بلدك واهتميت بتسمية ابنك بالله العظيم من كل عقلك ’ شو مابدك سميه ويلي بدو يزعل بيرضى لحالو واطمن ماحدا رح يقطعك بيزعلو كم يوم وبعدين بيرضوا بالامر الواقع.
-سوريا
Ahmad2011-10-29 06:28:39
لا تغضب أبوك و لا تخسر ابنك
أخي الكريم بنصحك تسجل اسمك بالنفوس بالاسم اللي انت و زوجتك بتلاقوه مناسب و تنادوه على طول باسم والدك .. اي أنا الي خالة من يومي بعرف اسمها سعاد و لصار عمري 20 سنة لعرفت انو اسمها الحقيقي مريم و هي كان عمرها وقتها 50 سنة .. و صدقني الولد رح يتأقلم مع انو اسمو بالمدرسة و الشغل غير اسمو بالعائلة
-سوريا
سوبر سريعةة2011-10-29 04:21:02
ولوووو
من الآخر سميه ع اسم أبوك ودلعو وناديلو شو ما بدك حتى لو اسم أبوك قديم بس ما بتسوى زعلتو لانو كبير العيلة وربي يسسسسسسر ابقى خبرنا شو بصير معك
-سوريا
صلاحو2011-10-28 23:57:27
انتبه
كل انسان عنده الحريه يختار اسم لابنه والمرأة اللي تعبت بالحمل تسعة اشهر وماتت وعاشت لحت ولدته لها الولد من حقها تسمي ابنها اسم تحبو والولد الاول خاصه الرجل والمرأة رح يتكنو به ابو فلان وام فلان ... وما حدا لازم يزعل من الحق وممكن ببساطة تتفق مع ابوك وامك على انك انت وزوجتك بتحبو اسمجديد لمولودكم او مولودتكم ...وبايخ كتير بالحقيقة فرض اسم الاب والام ثم الاخ والاخت وهكذا والابيخ منو الكيل بمكيالين
-سوريا
رأي صائب2011-10-28 20:12:09
رأي
انا برأي خلو الولد لحتى يكبر و بعدين هوي بختار الاسم اللي بعجبو!
-سوريا
بنت2011-10-28 16:30:30
الاسم
أخي الكريم صدقني لا داعي لأن تشغل بالك بموضوع كهذا، فببساطة طفلك سيسمى باسمه الذي قدره الله، وعندها لا تخشى لا من عادات ولا تقاليد فالبنهاية قدوم الطفل سيكون كفيلاً بهل هكذا معضلات فلا تقلق.
-سوريا
مرهف2011-10-28 14:55:44
بالله شو ؟
اي وشو يعني ؟؟ صار الواحد غصب عنو لازم يسمي على اسم ابوه ؟؟ مو شرط أخي , لا تخللي العادات والتقاليد البالية تحكمك , نحن شعب اكبر من هيك ,, وهاد مو قرأن منزل ولا شي , انت حر وهاد ابنك الك مو ابنو ألو .. برأيي مافيها شي وانا وضعي متلك و مارح سمي ابني عأسم ابي لأنو انا ما بحب الأسم كأسم فقط مع العلم انو انا كتير بحب والدي ومرضي بس الأسم ما ظبط معي يا أخي , بكرة بدي صير ابو فلان وانا ما بدي عيش 20 سنة عأسم ما بحبو ..
-سوريا
sam2011-10-28 14:18:00
لا للعادات و التقاليد البالية!!!
اللي بدو يحاربك مشان اسم ابنك طلعو من حياتك عالسريع و بالنائص منو
-سوريا
مغتربة2011-10-28 13:56:55
اعمل ما يحلو لك
والله أنا رأيي سميه يلي بدك ياه وما تسأل عن حدا بيزعلو شوي بعدين بيرضو لحالون وبينسو المهم يكون اسم الو معنى وحلو مشان ماتتحاسب عليه ويشكرك عليه ابنك بس يكبر
-السعودية
بنت متابعة2011-10-28 11:41:03
يحاربني .......؟؟!!
إنت ماعما تعمل شي غلط و التقاليد مالها منزلة بس أنت مكبر الموضع لإن مستحيل المجتمع يحاربك وناس لإنك سميت ابنك غير اسم أبوك وحتى أهلك , إذا حدا حاربك مشان اسم أبنك كل ماعليك تساويه إنك تزعل عليه و تدعي الله يكبر عقلو وأنا أكيد مو قصدي على أبوك لإن متأكدة أنو أهلك مابزعلوك أو يحاربوك مشان إسم بس إنت مكبرها شوي . ياريت كل المشاكل بحجم مشكلتك كانت دنيا حلوة أكيد دائما الحياة حلوة شو ماصار معنا.وسلام
-سوريا
نصيحة لله2011-10-28 04:11:21
اجعل ابيك يفرح
والدك الان على قيد الحياة ولكن ستجد اسم ابنك من اجمل الاسماء واحبها على قلبك حين يتوفاه الله بعد عمر الطويل .. هكذا حصل معنا ..ابن اخي على اسم والدي وبعد وفاة ابي عندما نناديه كان ابي بيننا .. هل تصدق اصبحت احب ابن اخي اكثر .. انصحك ان تسميه على اسم ابيك ولن تندم
-سوريا
وفاء2011-10-28 00:51:13
صارت مع أحد أقاربي
حصل نفس الشيء مع زوج خالتي، كذلك هم يعيشون في أوروبا وهو مثل حكايتك أكبر إخوته وأضف إلى أن ولده سيكون الحفيد الأول في العائلة، ولكنه في النهاية سمى الولد اسم يتناسب مع حياته في أوروبا يعني اسم سهل اللفظ و ذو معنى جميل، ولم يسمَه على اسم والده، ولم يحصل شيء وهذا الزعل أو العتب كان محض خيال حيث أن فرحة قدوم المولود الجديد كانت أكبر من هذه التقاليد البالية، نصيحتي لك عزيزي ألا تسمع لمن يقول لك سميه اسماً وناديه باسم آخر يعني هيك بتعقدوا للصبي من صغرو... من يحبك سوف يحب ولدك أيا كان اسمه
-ألمانيا
عبد الرحمن2011-10-28 00:17:56
عليك بالاسم المركب
بالفعل مشكلة كبيرة كتير خاصة اذا كان اسم الوالد الله يخليه قديم ومو مقبول بعدين لا تنسى ابنك بده يعيش اذا الله راد تقريباض لسبعينيات هل قرن بجوز اكتر ومو معقول يكون اسمه من خمسينيات القرن الماضي أخي الكريم أنصحك بالاسم المركب وعندجي بالعائلة مشكلة مشابهة تماما وتم حلها بهل الطريقة
-سوريا
سوسو2011-10-27 23:38:22
عجييييب!!!!
سمي ابنك الاسم اللي بدك ياه وأد ما صار مشاكل وحروب انشالله بتخلص مع الزمن وبتنحل بس الاسم رح يضل لازق بالولد طول عمرو ،شو ذنبو الولد والله حرام بكرا يروح عالمدرسة يشوف حالو بين رفقاته مستحاثة أو جاي من عصور ما قبل التاريخ،ولا تسمع للي بقلك سمي اسمين،هاد ابنك سمي شو ما بدك،والله ولد ع اسم أبي وتاني امي وتالت عمي والرابع حماتي..اي شو كم ولد بدي جيب لسمي اسم بحبو!!
سوريا
مواطن حر2011-10-27 23:17:03
في غيرك بمشاكل أكبر
في عندي قرايبي بعيش بامريكا و أسم آبوه إسلامي لحد كبير فتقاتل معه أهله لأنه بدهم إياه يسمي إبنه للزلمة بإسم الأب (الجد) متناسين حجم المشاكل يلي يمكن يتعرضلها بالخارج لو سمي بهاد الإسم فتخيلوا قديش العادات و التقاليد أهم من حياة البشر عند بعض العالم و برأي كل من الحكومة يلي بتشجع على الحفاظ على العادات و التقاليد بسبب إما بكونها بترتبط بعادات و تقاليد عربية إما بتساعد على تشجيع السياحة بالإضافة للطرف الآخر و هنة علماء الدين يلي بشجعوا على العادات و التقاليد الدينية بيتحملوا المسؤولية
-سوريا
??????????2011-10-27 23:00:16
بس يجي الصبي منصلي على النبي
أنت ئلت سأرزق يعني لسى المدام ماقامت بالسلامة فلاتهكل هم من هلأ بس يجي الصبي منصلي على النبي بلكي الله بعتلك بنت ساعتها بدك تحط مشكلة تانية لأنك أكيد بدك تحتار شوبدك تسمي البنت وأكيد أمك رح تزعل الخلقة الكاملة أهم من الأسم الله ينتعها بالسلامة
-سوريا
حشووووورة2011-10-27 21:22:31
سؤال؟؟؟
بس سؤال شو اسم الوالد ؟؟حتى نفكر معك شو ممكن تسمي ^_^
-سوريا
ناصر2011-10-27 20:58:50
هل اسمي مولودي عإسم والدي
ماأشار عليك احد الناصحين أن مولودك سيحاسبك على اسمه لأنة لوتسألة لحظة ولادته لأعطاك اسمة وربك كاتب له اسمه لذلك لاتتقيدبالأعراف القديمة وسمي ابنك اسم لطيف يحافظ عرجولته أنا متلك اسم ابي قديم غير مطروق حفاظاعولدي سميته اسم راقي له معاني عربية تحافظ عرجولته وعمر ولدي الآن 17عام ومبسوط بإسمه اتكل على الله واتفق مع زوجتك على الإسم هذا حقكما انتم وليس الأهل والمجتمع تدخل خارجي بزوجين متحابين عجيب اترك الناس وارجع لزوجتك حماه لك الله ويكون بخلقة وصحة جيدة
سوريا
kiwi2011-10-27 17:54:45
اسم الولد
اخي الكريم انا عمي الله يرحمو سمى اولادو كل واحد اسمين فكان بيسجل بالنفوس اسم معين بس بالشارع وبين الناس كان الو اسم تاني فهاد حل يعني سمي الولد في النفوس غير اسم والدك بس بالبيت وبين الاهل سمي باسم ابوك وبالتوفيق
أستراليا
باسل2011-10-27 17:05:09
رد على باسم وحازم
في ناس بتخاف وبتحسب حساب للعادات والتقاليد ولكلام الناس أكتر ما بتخاف وبتحسب حساب لرب العالمين بسبب إنهن ضعيفين وما بيقدرو يعملو الشي الصحيح ... يا حيف على هيك رجال
سوريا
دقة قديمة2011-10-27 16:17:26
العقوق اصول
الا تعرف ان هذا القديم هو سبب حياتك ووجودك الا تستشعر السعادة بقدومك و انت تنتظر قدومه واذا كنت تستحي من اسم ابوك فياحيف عليك يا حيف عليك kشوف لو عرفت ان تسمية ابني ستجعل ابي يرضى علي لأنجبت عشرة اولاد جعلته هو يسميهم رضا الام و رضا الاب اساسي يا اساسي
-سوريا
حمصي زكي مهدد بالانقراض2011-10-27 16:05:14
قرعة
اكتب اسم ابوك عشئفة ورئة واكتب اسم انتي بدك ياه على ورئة تانية حطن بعلبة نيدو فاضية واخلطن منيح عشان ما يصير تلاعب بالنتائج وبحضور مراقبين مستقلين وهني مرتك طبعا خلي ابوك يسحب وحدة .....هيك انتي بتكون رضيان بحظك وابوك ما بيزعل...وهاي الطريئة المتبعة عنا بحمص منذ قديم الزمان وشكرا لكم
-الدومينيكان
hosam2011-10-27 16:05:28
سميه باسم ابوك والمكسب معك
سمي الولد باسم أبوك واكساب الرضا انا صار معي مثلك وكان ابي رافض سميه على اسمه بس انا سميته وحسيت ابي فرح ساعتها وانبسط من جواته ولقيت من زوجتي في بدئ الامر معارضة انه الاسم قديم شوي بس ما رديت الا على الشي يلي انا مقتنع فيه 
سوريا
الناصح2011-10-27 15:10:52
النصيحة
بس يولد أبنك بالسلامة حطوا بالفريزة وفرزوا لوقت ما يجيب حدى من أخواتك ولد ويسميه على أسم أبوك , ساعتها طلعوا من الفريزة خليه يفك تلجوا بعدين روح سميه.
-سوريا
شب عادي2011-10-27 15:12:30
أنا متلك
أنا مستحيل سمي أبني ع أسم أبي مع أن أسم أبي حلو بس مابدي و مو مجبر أمشي بعادات مجتمعنا أنا بقناعتي كل شي ضمن الأدب مافي مشكلة عليه
-سوريا
shaden2011-10-27 14:29:10
صاحب الاسم هو اللي بحليه
سميه على اسم والدك و لا تزعل حدا و ناديه بالاسم اللي بيريحك و بس يجي الولد الله يخليلك إياه رح تحب الاسم عليه و إذا كبر و هو ما حب الاسم يبقى يغيره
سوريا
الطير2011-10-27 14:17:34
خير الاسماء
نصيحة سميه محمد او عبد الله عندها لن يتجرأ أحد على الاعتراض على الاسم
الإمارات
بسبوسة2011-10-27 14:10:04
نصيحة
مسا الخير و الله يباركلك بالمولود أول شي مو شرط أنك تسمي إبنك عأسمك أبوك ومحبة الوالد و احترامو ما بكون بتسمية أبنك ع إسموفي كتير شغلات أبدا وصار لازم نتحرر من هل عادات وكمان من حأ ابنك عليك أنك تسمي إسم يناسبو ويناسب عمو وجيلو أحسن ما بس يكبر يتعقد من إسمو ويصير معو مرض نفسي وأنا ضد الإسم المركب لأنو بكرا كل واحد بصير بناديلو متل ما بدو و هل ولد بيتشتت بقا سمي متل مابدك وأهلك بيزعلو فترة بس بعدين بينسو بس إبنك إزا سميتو إسم بشع مالح ينسى
سوريا
خالد2011-10-27 14:10:31
وكّل والدك بالتسمية
أخي الكريم تسمية الولد على اسم الأب فيه بر كبير بوالدك، وللخروج من المأزق 1. اذكر الاسم الذي تفضله عدة مرات أمام أهلك 2. حين يأتي المولود، ناوله لوالدك واسأله أن يسمي المولود كما شاء فإن سماه باسمه فاعلم أنك بررت بوالدك ولو خالفته لحزن حزناً شديداً وإن سماه بالاسم الذي اقترحته أنت فلن يلومك أحد اعزم وتوكل على الله
-سوريا
أبو عادل 2011-10-27 14:08:26
أبو البنات
يارب تكون كل ذريتك بنات مشان ما تهكل هم التسمية باسم ابوك
-سوريا
نسرين2011-10-27 14:01:26
كلام الناس لا يقدم ولا ياخر
روح اخي سمي اسم عصري ولا تقضي على مستقبل الولد كلام الناس لا بقدم ولا يأخر وبكرا خلي يلي بدهن يلوموك يسمو هنن هالأسم المعت بدك ابنك يدعي عليك ؟؟؟؟؟؟؟؟
سوريا
سوري ...2011-10-27 13:32:07
نفس اللي صار معي و حليتها ..
نفس الشي عانيت منه أنا ... أنا الأبن الأكبر لأهلي و الذكر الوحيد .. من كم شهر الله رزقني بصبي و ما كان بدي سميه على أسم والدي مع العلم أنه ما كان حدا عم يضغط علي لحتى سميه و تحديداً الواد .. بس لما فكرت فيها بالعقل و قلت أن أنا الأبن الوحيد و الأب بيستاهل أنو نعطيه هالهدية فراحت الفكرة من راسي و سميت الولد على أسم جده .. و هلأ لما بشوف الفرحة بعيون الوالد الله يطول بعمره و هو عم يلعب مع سعيد الصغير (أسم الوالد سعيد) فرحة الدنيا ما بتسعني .. أنا برأيي الأب بيستاهل هالشغلة الصغيرة .
-سوريا
مريانا2011-10-27 13:10:09
كل الاسماء حلوة بس المهم الخلقة التامة
مو مشكلة سمي الولد على اسم ابوك.شو الاسم هو مجرد لقب للانسان.وحتى انو الاسم قديم انتم بالبيت دلعو باسم تاني,كمان هيك بيت جدو بيفرحو فيه وبكون مدلل عندهم غير الكل .الف مبروك ويربى بعزكم ودلالكم
-سوريا
Laura2011-10-27 12:53:58
يربى بعزك
بلعادة الكنة بتعترض بهيك امور اشك انو تكون فكرتك ,الواحد ما بيصدق يخلف ليسمي ابنو وبنتو على اسمائن رغبة لتخليد الاسم ,ارجع لاصل ومعنى الاسم ,اذا مقتنع مافي مشكلة اخواتك بتقدر تحكي معن وانو البركة فين هني كمان رح يتزوجو وممكن يسمو ولادن مافي فرق اذا الابن الاكبر او الاصغر وبلنسبة للقرايب بتسمحلي قلك عم تعطين اكتر من حقن وراح يتجاوزو حدن اذا قدرو ياثرو عليك حتى بتمست ولادك ..بيحكو يوم وتنين وبينسو لانو رح ينشغلو بقصة تانية وفي حل عملي اكتر اختار لابنك اسم شخصية بيخافو منها ..سلام
-سوريا
متلي متلك2011-10-27 12:59:36
نصيحة
أخي الكريم: احتكامنا للعادات بدل الدين هو من أسباب تخلفنا . وضعك نفس وضعي تماما... وأنا ما رح أسمي ابني الجاي على اسم ابي..لأنه مهما حكوا الناس أنت ارجع إلى الإسلام ...هل هاد الشي رح يخالف الدين الإسلامي ؟؟الرسول ص ما سمى على اسم أبوه وسمى ابراهيم والقاسم ..يعني مو غلط أنه تخالف اسم الأب ...إذا أبوك رجال من القديمين ما رح يتقبل هاد الكلام ...وإن كان مثقف أكيد رح يأيدك...احتكم للدين وليس للعادات..بعدين اسم الولد من حق الولد على الوالد..ورح تظلمه إن سميته باسم قديم أو بشع ..هاد حق الأبن
-سوريا
nidal EL CHAER2011-10-27 13:00:26
tonto
أعتذر ولكن طرحك سخيف وأسخف منك من سيخلق مشكله معك بهذا الشأن مبدئياً أطلب خلاص زوجتك وظيفها بخير وسميه الإسم اللي انت ومرتك بتقرروه ويكون عندك شخصيه ما تبقى كل حياتك طفل روضه
فنزويلا
بسيل2011-10-27 12:41:26
مشتق
سمي ابنك اسم مشتق من اسم الأب
-سوريا
الحنون2011-10-27 12:23:17
الف مبروك
الف مبروك على المولود الجديد ومشان المشكله انا برأي ماتعقدي الامور كتير وحاولي بالنقاش والحوار وبالود تقعني اهلك بالاسم يلي بدك ياه والابتسامه والاحترام نص النقاش يعني مو بالصراخ او تنطمزي من ايه كلمة .. خليكي دبلوماسيه وبعدين بالنهايه هدول اهلك وفهمك كفايه يااختي
سوريا
امرأة عظيمة2011-10-27 12:12:27
شو اسم أبوك ؟
بتعرف انا سميت ابني شفيق ! مع اني ماكنت طايقتوللإسم , بس هلق غير حبيتو و العيلة طاير عقلها بالصبي خصوصي الجد , على دلال و تقبرني وتكفنني , يلا بكرة الله بيرزقك ولد تاني وسميه على كيفك <
-سوريا
يامن2011-10-27 11:48:14
الى عاشق ال GT_R
عزيزي اولا الاسلام لم بجبر أحد بموضوع الاسماء وماهو " حّمد وعبّد " في نظر الاسلام كان خير الاسماء ((( فقط))) وليس لزاما . هذا فقط للتنويه ! عزيزي صاحب المشكلة : الاسماء المركبة تحل الموضوع لكنها قد تضعك في مشاكل اخرى في المستقبل بموضوع تشابه الاسماء .
-الإمارات
مغترب2011-10-27 11:45:39
مجرد رأي
أخي يمكنك ان تسمي ولدك إن شاء الله بإسم مركب فلو كان إسم أبوك مرعي مثلاً سمي طفلك محمد مرعي وإبدأ منذ ولادته بتعويد الناس من حولك على مناداته محمد وبهذا تكون قد مسكت العصا من الوسط - تقبل مروري
-الإمارات
نادين2011-10-27 11:25:37
أساميناشو تعبوا أهالينا تالاقوها وشو افتكروا فينا
صباح الخير ولصاحب المشكلة بالبداية لازم تفصل رضاء الوالدين عن تسمية المولود هي خلصنا منها باقي عندك تسمية أبنك,,بعرف وحدة أهلها سموهاع أسم ستها وبصراحة أجرموا بحقها لأن أسم كتير قديم وما بيناسب حجمها أبدا وأي حدا بيشوفها وبيعرف شو أسمها بيسألوها ليش ما غيرتي أسمك لذلك هي لحد الآن بتلوم أهلها بقا أنت لا تتعب راسك ولا تزعل أبنك بالمستقبل اذا كان اسم الوالد قديم بتقدر متل ما أغلب المعلقين نصحوك سمي أسم مركب يعني محمد....واسم الوالد وأنتوا بالبيت بتقدروا تنادولوا محمد واللهم صلي ع النبي محمد
-سوريا
حازم2011-10-27 11:10:02
شو هالمشكلة الكبيره يعني
يا أخي اذا ما بدك اتسمي على اسم ابوك يعني خلي حدا من اخواتك يسمي وخلصت مع انو يعني بس لازم اتكون وفي ولا شو
سوريا
عاشق ال GT_R2011-10-27 11:02:25
حاج
اخي وصديقي العزيز سمي ابنك اللي بدك ياه بالنهايه مارح تفرق شي وشيلك من موضوع ماعبد وحمد وهالقصص مع احترامي الشديد لاصحاب هالاسامي بس صار ضروري التغيير
سوريا
ابو عمرو2011-10-27 11:01:56
نصيب
اولا بارك اللة لك وجعلة من الصالحين ثانيالم تقل لنا اسم ابيك ؟ اقول لك خير الاسماء ماحمد وعبد واذا اختار احد اخوتك ان يسمي ابنة باسم والدك فخير وبركة ولكن لاتترك هذا البر والفضل لغيرك ارجو اللة ان يلهمك الخير
-سوريا
Maestro2011-10-27 10:45:32
قـاعدتان للتسـمية....
عزيزي،هناك قاعدتان أساسيتان للتسمية أولاهما أن لكل امرئ من إسمه نصيب وثانيهما أن الإسم هو أحد ثلاثة أمور يحق لولدك محاسبتك عليها أمام الله..ماغير ذلك سم ماشئت.حاول طرح الموضوع على الوالد على سبيل التشاور ومؤكد أنه سيتفهم وللبقية قل لهم(مثلا)أن رفاقك يكنونك بأبي فلان منذ صغرك ودرج عليك الإسم.ليس لأحد عليك زعل أو غضب في هكذا أمر فالرضا لا يتصل بالتسمية فقط.تشجع وخذ قرارك وسيحترمه من حولك ولو بعد فترة أثق أنها لن تطول إلا عند صغار العقول..بارك الله لك في أهلك وولدك وجعله لك عونا ومن الصالحين..
سوريا
محمد2011-10-27 10:13:36
مشي الحال
الله يحميلك ياه و يخليك فوق راسو.. مشي الحال سميتو اسم ناعم و لطيف و أهلك ليسوا غاضبين... يعني بتعرف والدتك منيح.. حبابة و قلبها طيب.. و والدك لا يوجد له اثنين في العالم كله، لا يهمه إلا سعادتكم و خاطركم و لا يكترث لنفسه .. يعني اشكر ربك و حاول استرضاء أهلك بما تستطيع... فأنت تسعى لرضائهم و هم لا يستغنوا عن ابنهم الكبير... بوسّلنا كريمو و الله يرضى عليك و على اخواتك يا عبود
-سوريا
أسمينا2011-10-27 10:01:06
أسم مركب
سميه اسم مركب حتى ما يزعل حدا و خلوص من وجعة الراس...
-سوريا
واح2011-10-27 09:46:56
لن يلومك احداً
خير الاسامي ما عبد و حمد. سمي ابنك محمد او احمد او شيء مشابه ولن يلومك احد لاتخاذك اسما لابنك مثل اسم الرسول كما يمكنك تمسيته اسم مركب مثل محمد ثم اسم والدك وهكذا سترضي اهلك ونفسك.
-سوريا
ابو الحلول2011-10-27 09:32:30
بسيطة
في لكل اسم اسم قريب له مثلا اذا اسم الولد خلدون سميه خالد او اي اسم قريب منه ..واذا بدك تريح راسك اتبع حديث الرسول صلى الله عليه وسلم : خير الاسماء ماعبد وحمد ..وهيك مابيكون لحدا عليك شي ..والله يختار اللي فيو الخير
-سوريا
iman2011-10-27 09:26:46
ابنك اهم من كل الناس
يلي بدو يزعل يزعل بعد يومين بيرضا و يلي ما بيرضا ينفلق مصلحة ابنك اهم يزعلو منك الناس , ولا لما يكبر ابنك يزعل هو لانو اسمو رح يسببلو مشاكل الناس بعد سنة سنتين رح تنسا الموضوع اما ابنك رح يبقى الاسم مرافقو كل عمرو
-سوريا
حمدو2011-10-27 09:03:46
بلكي جتك بنت بتخلص من هالهم ؟
أخي الكريم أظن أن الأمر أبسط مما تتوقع؟ على كل يمكنك ترويض الأمر إما أن تشيع أني محتار ما ذا إسمي المولود وترى ما ذا سيحدث إما أن تروض أهلك على الإسم الجديد أو تروض نفسك على إسم والدك ؟ وخاصة إذا كان إسمه من الأسماء المحمودة؟
-سوريا
وفي2011-10-27 09:06:19
وفي للاب و الاخ
بسيطة ، اختر له اسمان . اسم تختاره انت و اسم على اسم والدك. وهكذا ترضي الكل. لدي اخ توقي العام الماضي و احبه كثيرا واريد عندما ارزق بطفل ان شاء الله ان اسميه على اسمه وفاء مني له و تخليدا لذكراه ، ولكن في نفس الوقت اريد ان اعطي ولدي اسم ابي , هكذا يستطيع الجميع مناداتي بابو احدالاسميين.وفقك الله وكن وفيا لمن احبك من دون مقابل .
-الولايات المتحدة
باسل الأصلي2011-10-27 08:50:32
من الأخير الابن ابنك
حرية اختيار اسم ابنك هو أمر شخصي...بعدين بيجي خاطر الأهل و عاداتهن و تقاليدهن...أنا سميت على أسم أبوي لأني وحيد ما لي أخوة شباب و حبيت أقول لأبوي أني بحبه كتير ..يعني الشغلة شخصية مية بالمية و الأهل يمكن يزعلولن يومين بس بعدين بيرضوا...المهم أنه الأسم اللي بدك تختاره يكون معناه حلو و قوي
-سوريا
نزار2011-10-27 08:41:30
شي بسيط
أنا متلك اكبر اخواتي وجايييني صبي بعد فترة وجيزة وانا بكره العادات والتقاليد الموروثة - بس مالي شايف انو اذا سميت ابنك باسم ابوك رح تصير مشكلة بالعكس رح ينبسط ابوك كتير - لذلك حرام تحرموا هالبهجة - حتى ولو كان متوفي فهذا احترام لذكراه - اليابانييين عندهم احترام وتقديس لأأسلافهم وآبائهم غريب - ونحنا عرب والمفروض تكون الروابط اقوى منهم - ولك حرية الاختيار
سوريا
Syrian Girl2011-10-27 08:39:08
the same meaning
يمكن أن تيمي ابنك اسما مشتقا من اسم والدك, الوالد سيفرح ايضا . يمكن أن يحتوى الاسم على بعض الاحرف وله معنى قريب, اعتقد ما حدا رح يلومك عندها. الرب يباركلك بالمولود ويخليلك الوالد
-سوريا
ana 2011-10-27 08:28:59
ana we layla
الله يجعلها اكبر المصايب وااسم الوالد لازم يكون فخر الك
-سوريا
z2011-10-27 08:18:49
بالله بربك
يا اخي العزيز وما المشكلة أنا يكون أسم ابنك على أسم أبيك حتى لو كان قديم لا تنسى قول الرسول ص ( خير الأسماء ما حمد و عبد ) ومتل هيك أسماء ما بظن قديمة بعدين شغلة تانية يا رضا الله ورضى الوالدين يعني أتخيل أبوك قديش رح يكون مبسوط لما بيشوف حفيدو الأول وخصوصًاً لما بيكون بأسمو ليه لتحرمو من هاد الشعور وبالنسبة لألك شو يعني اسم قديم كل الأسماء خير وبركة الشغلة مو بالأسم الشغلة بالشخصية يلي بدها تحمل الاسم .
-سوريا
سوري وافتخر2011-10-27 08:09:08
الحل بسيط
أخي العزيز ,, موضوعك جميل جدا . لقد واجهت نفس المشكلة، أنا الوحبد لأهلي وكان من المفترض أن اقوم انا بتسمية ولدي الذي رزقت به على اسم الوالد ,, ولنفس السبب لم أكن أرغب بذلك لأن اسم الوالد قديم جدا ولم يعد يتسخدم في زمننا ,, لهذا السبب اخترت طريقة الحوار مع الوالد واستشارته وقلت له بأنني أفتحر بحمل اسمك من بعد اسمي ولكنني اريد ادخال اسم جديد على العائلة، وشرحت له اسبابي بطريقة ودية ,, وقد قبل بكل صدر رحب .. لذا لابد من التحاور والتشاور مع الوالد .. والله يديم المحبة
سوريا
باسم2011-10-27 08:02:50
مو بكيفك
تذكر إنك مالك عايش لوحدك بهالعالم, في عادات وتقاليد وأعراف كمان خلي قناعتك عجنب , لأن إذا مشيت عرأيك رح تتعب كتير ممكن يكون عندك وجهةنظر موضوعية ومقنعة , بس أهلك رح يفسروها نكران للجميل , تذكر موقف واحدلأبوك منيح معك وبعدين قرر. وأنت وحدك بس رح تتحمل النتائج
سوريا
مواطن2011-10-27 07:52:08
عندي نفس المعاناة
صباح الخير أخي الكريم، أنا كانت لدي نفس المعاناة تماماً وحتى لا أدخل في مشاكل أنا بغنى عنها قمت بتسمية المولود اسم مركب أي اسم أبي والاسم الذي اخترته أنا وزوجتي، ونحن الآن نناديه بالاسم الذي اخترناه وهكذا أرضيت أهلي. ما الك الا هالطريقة
-سوريا
محمد2011-10-27 07:36:34
العين
يعني ارضاء الناس غاية لاتدرك انا موقفي متلك تمام بس تشجعت و سميت اسم جديد طبعا الوالد تفهم الموضوع بس الوالدة قامت الدنيا و قعدت عندها .... بس بشوية برود أعصاب و هدوء بينحل كل شي ... تعال شوف هلق يمكن والدتي بتحب ابني محبة مو طبيعية...و لمعلوماتك ليس من بر الوالدين تسمية الابناء على اسماء الآباء , بس هي كلها عادات و تقاليد اجتماعية قديمة بس لسا موجودة و مسيطرة
سوريا
ربان السفينة الضائعة 2011-10-27 07:34:21
مشكلتك بسيطة
قول ﻷقربائك بأنو مرتك سمتو هيك و لزوق الشغلة فيها وهيك بتطلع أنت من هالقصة كلها
-سوريا
فدوى2011-10-27 07:33:28
خيارات
ادامك خيارين يا بتسمي الصبي باسم ابوك و بتفرح قلبو و بتتقي شر لسان المجتمع يا أما بتقول لحالك علقا تفوت و لا حد يموت يعني بتغني موالك و بطنش على يلي بدو ينحكاخاصة ازا اسم ابوك شحادة أو درويش أو صفوح هيك شي يعني و الله الله ما قالا يتعقد الولد لينبسطو و يقولو عنك مرضي
-سوريا