syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
الإعلان عن تأسيس أول حزب سياسي في سورية "الحزب الديمقراطي الاجتماعي" بعد صدور قانون الأحزاب
الاخبار المحلية

أعلنت مجموعة من الشخصيات السورية تأسيس حزب سياسي جديد يحمل اسم "الحزب الديمقراطي الاجتماعي"، يندرج في إطار الحرص على توطيد صرح الدولة الحديثة في نطاق من الدستورية الديمقراطية الاجتماعية، وذلك بعد نحو 10 أيام من صدور قانون الأحزاب، ومن بين مؤسسي الحزب، النائب في البرلمان السوري محمد برمو، ورئيسة تحرير صحيفة تشرين السابقة سميرة المسالمة.


وقالت الوثيقة التأسيسية لـ(الحزب الديمقراطي الاجتماعي)، نقلتها وكالة يونايتد برس انترناشيونال الأمريكية إن "الحزب يعد لبنة أساسية للسير قدماً نحو تعزيز الديمقراطية على المستويين البرلماني والمحلي، عبر ترسيخ ممارسة ديمقراطية تقوم على المشاركة الواسعة بهدف خدمة الوطن والمواطن، من خلال اعتماد نهج التوافق الإيجابي، المبني على التشاور الواسع والبناء، بين مختلف الفاعلين السياسيين، في إطار الدستور ومصالح البلاد العليا".

ويأتي تشكيل الحزب الجديد بعد نحو 10 أيام من إصدار الرئيس بشار الأسد المرسوم التشريعي الخاص بقانون الأحزاب، حيث يتضمن مشروع القانون الأهداف والمبادئ الأساسية الناظمة لعمل الأحزاب وشروط وإجراءات تأسيسها وترخيصها والأحكام المتعلقة بموارد الأحزاب، وتمويل نشاطاتها وحقوقها وواجباتها.

وبينت الوثيقة التأسيسية أن "تأسيس الحزب يعد عملاً وطنياً طموحاً وحضارياً يتوخى الإسهام في العمل السياسي الوطني في جو من الديمقراطية".

وتأسيس الحزب الديمقراطي الاجتماعي، الذي حمل شعار "حرية، عدالة، تنمية"، يندرج في إطار الحرص على توطيد صرح الدولة الحديثة في نطاق من الدستورية الديمقراطية الاجتماعية، بحسب الوثيقة.

ويشترط لتأسيس أي حزب، بحسب قانون الأحزاب الجديد، الالتزام بأحكام الدستور ومبادئ الديمقراطية وسيادة القانون واحترام الحريات والحقوق الأساسية والإعلانات العالمية لحقوق الإنسان والاتفاقيات المصدق عليها من الجمهورية العربية السورية، وعدم قيام الحزب على أساس ديني أو قبلي أو مناطقي أو فئوي أو مهني أو على أساس التمييز بسبب العرق أو الجنس أو اللون.

ومن بين مؤسسين الحزب، النائب في البرلمان السوري محمد برمو، ورجل الأعمال السوري زاهر سعد الدين، ورئيسة تحرير صحيفة تشرين السابقة سميرة المسالمة، والإعلامي السوري أكرم خزام، وبعض الشباب والمثقفين السوريين.

ويرى الحزب في وثيقته أن "سلطة الشعب التي تضمن قدرة نواب الشعب والرأي العام على مراقبة الحكومة والقيادات التنفيذية والسياسية ومسائلتهم في ظل إطار من الشفافية الكاملة مع ضمان حرية تكوين الأحزاب".

وتنص المادة 8 من قانون الأحزاب، على أن طلب تأسيس الحزب يقدم إلى لجنة شؤون الأحزاب موقعا عليه من 50 عضوا من أعضائه المؤسسين وفق شروط منها أن يكون العضو المؤسس متمتعا بالجنسية السورية منذ 10 سنوات على الأقل، متما الـ25 من العمر بتاريخ تقديم طلب التأسيس، متمتعا بحقوقه السياسية والمدنية، غير محكوم عليه بجناية أو جنحة شائنة وتحدد الجنح الشائنة بقرار من وزير العدل، وغير منتسب لآي حزب آخر ومقيم في سورية.

وكان الرئيس الأسد قال في خطاب له، في نيسان الماضي، إن قانون الأحزاب هام جدا وله حساسية خاصة لأنه يؤثر في مستقبل سورية بشكل جذري لذلك يجب أن تكون دراسته وافية وناضجة وأن يكون هناك حوار وطني لنرى ما هو النموذج الأفضل الذي يناسب المجتمع السوري.

ويعتبر قانون للأحزاب الجديد في سورية من أهم الخطوات التي اتخذتها الحكومة في إطار برنامج الإصلاح السياسي، واستجابة للمطالب الشعبية، حيث يهدف قانون الأحزاب إلى إغناء الحياة السياسية وتنشيطها والمشاركة في مسؤولياتها وتداول السلطة.

سيريانيوز

اقرأ أيضا:

سقوط اثنين بحوادث إطلاق نار في سرمين بادلب .. والجيش يعود للدخول إليها


2011-08-13 11:53:07
شاركنا على مواقع التواصل الاجتماعي:



شارك بالتعليق
شلهوب2011-08-16 12:53:53
كم
أود أن أسأل من يعرف بطانة القانون عن مقدار المساعدة الحكومية التي منحت لهذا الحزب من فوق الطاولة على الأقل. وبعدين نضربها بخمسة أو عشرة لنصل إلى الكمية الحقيقية.وعندهانحكم إذا كان الهدف من إنشاء الحزب واجب وطني أم مجرد عملية ابتزاز كما عهدناه من الأحزاب الأخرى
-سوريا
دمشقية2011-08-16 12:27:34
كيف........
انشالله نقدر نرجع شامنا متل ماكنت واحسن بدي اعرف كيف بدي انتسب للحزب وين مكانه لاخذ كل المعلومات عنه
سوريا
سناء2011-08-16 02:43:57
كيف الانتساب ؟
السلام عليكم ارجو ان تعلمونا كيف نستطيع ان ننتسب إلى هذا الحزب مع العلم اني منتسبة الى جمعية الانماء والتطوير والتي يرأسها الاستاذ محمد برمو واود ان اشكر موقع سيريا نيوز واعلامنا بمزيد من التفاصيل
-سوريا
طالب جامعي2011-08-16 01:50:05
خلينا نشوف شغلكم
انا بدي قول انو مابدنا نحكم حتى نشوف الشغل على الارض وشو رح يساوي او يقدموا للشعب وللمواطن صحيح محمد برمو الاغلبية موافقه على نزاهة شخصيتو وعلى عملوا بمساعدة الناس ونجاحوا بهالاربع سنين بس لازم نشوف عمل على ارض الواقع تمنياتي لكم بالتوفيق
-سوريا
مغترب بالسعودية2011-08-16 01:37:11
محمد برمو مسموعياتو رائعه
السلام عليكم ورحمة الله وبركاته رمضان كريم على الجميع انا قرأت العنوان وتفاجأت بتشكيل الأحزاب وفرحت جدا عندما قرأت اسم السيد محمد برمو بس عندي سؤال هل هو نفسه صاحب جمعية الانماء والتطوير لكي تكمل فرحتي لاني سمعت وانا هون شو كان يعمل بالبلد نشالا الله يتمم عخير والسلام عليكم
-سوريا
سامي حداد2011-08-16 01:36:03
بلدنا رح تصير أحلى
مساء الخير للجميع انابرأي ان المؤامرة الغربية الفاشلة التي حيكت لسوريا رح تصبح سوريا بها اقوى من قبل وهاد الشيء بلش من خلال اصدار قانون الاحزاب الجديد وبدي بارك للسيد محمد برمو وللسيد زاهر سعد الدين ولكل المؤسسين والله يقويكم لتصبح بلدنا اجمل
-سوريا
لمى2011-08-16 01:29:54
انا بحب الاسد وبحب كمان محمد برمو
مبروك للاستاذ محمد برمو كتير كتير وانا كتير بسمع انو شخص مثالي وسمعه بيضاء وصفحتو ناصعة البياض بس بدي اعتذر منو لاني ما رح انتخب غير حزب سيادة الرئيس بشار الاسد الله يخلينا ياه
-سوريا
ابن حلب الشهباء2011-08-15 23:32:31
حاجة كذب
اكرم خزام ينفي اشاعات مشاركته بتشكيل حزب في ظل هذا النظام
-سوريا
omar2011-08-15 20:05:56
تركو العالم تستغل
بس لعلم البعض انو النائب بالبرلمان السوري اولما كان نائب كان بدو فوق 50 الف صوت لينجح ويصير عضو ضمن البرلمان 1000 شخص مو مشكلة ...فكرو بشي تاني
سوريا
صوت العقل2011-08-15 03:30:16
متفائل
إعادة الحياة الحزبية هو مؤشر إيجابي وخطوة جديدة لاستكمال بناء بلدنا الحبيب على اسس حضارية وسلمية وما يدعو للتفاؤل أيضاأن أصوات العقلاء المؤيدة للخطوات الإصلاحية أعلى من الأصوات التي تردد ما تسمعه دون أن تدرك ما تقوله بدليل حججها الواهية ونقدها المبني على رفض كل ما تقدمه السلطة لمجرد الرفض وحتى الهجوم على شخصيات عامة أرادت أن تعبر عن آرائها بالطرق السياسية والقانونية وهي المعروفة بما قدمت لمجتمعهاكالأستاذ محمد برمو وهو بالمناسبة شخصية مستقلة وغير محسوب على أحدوكذلك الأستاذ سعدالدين
-سوريا
ام شريف2011-08-15 03:15:41
محمد برمو رجل نظيف
انا تفائلت عندما رأيت اسم الاستاذ محمد برمو لانه شخص ذا سمعة طيبة وانسان بمعنى الكلمة ويكفي شعاره القائل ..الله يحببنا ببعض.. تمنياتي لك بالتوفيق ودوام الصحة والنجاح
-سوريا
مجد سوريا2011-08-15 00:52:33
شو هالحكي
مبروووووك للأستاذ محمد برمو بيستاهل بس عاتب عليه شلون بحط سجل الأبيض مع هيك اسماء بس ع كل حال هو منعرفوا ومتل ما بقول المثل يلي بنعرفو احسن من يلي ما بنعرفو
-سوريا
حسن2011-08-15 00:45:10
امنيح انو صار هيك
الحمد الله انو صار بيقد الواحد يساوي احزاب بس انا متعجب شو جاب محمد برمو لاكرم خزام ومسالمة يعني انا معلوماتي انو برمو مستقل وكتير منيح وانسان اشتغل يعني شلون بيحط اسمو مع هالاسماء هيه في شي غلط
-سوريا
مناهض للديمقراطية إذا كان المتلقي غشييييم 2011-08-13 22:56:18
المادة الثامنة من الدستور؟؟؟ أتحداكم
خلص بقى بيكفي تلويص و حكي.في كتير من الناس ما عندهم غير الإنتقاد..مرة بيقولوا كل القوانين جاءت متأخرة كثيرا و مرة بيقولوا إنها قوانين صعبة وغير منطقية..ومرة بيقولوا أنها قوانين جاءت تحت الضغط. كل هل حكي علاك.وليكن معلوما لديكم أنا هناك على الأقل 50 إلى 60 % من الشعب مع كل هذه الإصلاحات ومع الحوار وضد كل التدخلات الخارجية.ومن منطلق (الحريات والديمقراطية) عليكم أن تقبلوا ما يجري لأنه صوت العقل والحل الأكثر سلمية وإلا فنحن أيضا موجودون في حال تأزم الأوضاع (اللبيب من الإشارة يفهم)
-سوريا
مناهض للديمقراطية إذا كان المتلقي غشييييم2011-08-13 22:49:20
المادة الثامنة من الدستور؟؟؟ أتحداكم
أتجدى جميع المعارضين إنو بعد فترة (حوالي شهرين إلى خمسة أشهر) لمى رح يتم إلغاء المادة الثامنة وتعديل الدستور جزئيا أو كليا رح يقول البعض (إي مفهومة صحيح شالو المادة الثامنة بس فعليا رح يبقى البعص هو القائد.؟.لأنو كل شي بإيدو...) يعني شلون بدنا نحلها معكم... إشتهيت مرة بس يصدر قانون أو مرسوم ويجي حدا يحكي بإيجابية عنو ويقول منيح والله صار عنا كذا... إبتداء من إلغاء حالة الطوارئ وصولا إلى قانون الأحزاب والإنتخابات...و في المستقبل تعديلات الدستور.. حلو عنا بقى شعب مو عارف شو بدو...
-سوريا
بعثي منتفع2011-08-13 22:31:18
البعث طلعلوا ولد جديد
وكشفت مصادر خاصة عن أن رئيسة تحرير صحيفة (تشرين) السابقة سميرة المسالمة والإعلامي السوري أكرم خزام من بين مؤسسي الحزب الجديد هزولت هزولت
-سوريا
مواطن حر2011-08-13 22:06:04
إلى معلق حيادي 2
كمان إضافة مهمة بما أنه الحزب الشيوعي داخل الجبهة لا يسمح له أن يضم أي شخص من التيار المعارض و لا يسمح أيضا لأعضاء التيار المعارض أن يشتغلوا حتى لحالهم داخل سوريا تحت طائلة الملاحقة القانونية بتهمة الإنتماء لتجمع هدفة تغير الكيان السياسي و الإقتصادي للدولة لكون التيار المعارض لا يؤيد المادة الثامنة من الدستور فعلى شو بدك تتشكل احزاب أجل إلغاء المادة الثامنة؟؟ و شو عن النواب المعارضين يلي ألغيت عضويتهم بمجلس الشعب و لوحقوا قضائيا بتهم سياسية بالمعارضة أيام ربيع دمشق بالعقد الماضي؟؟
-سوريا
دكتور جامعي2011-08-13 21:46:25
حزب البعث
حزب البعث لايحقق شروط قانون الاحزاب الجديد لذلك يجب حله وفصل كل اعضائه وليذهبو لينشؤو حزبا جديدا ويجب الغاء كل مكاتب الحزب في الجامعات والاماكن الهامة في كل مدينة خاصة في جامعة البعث حيث يحتل الحزب واجهة الجامعة الجميلة
-سوريا
متفائل مو من سوريا2011-08-13 21:44:49
احزاب و إصلاح
قال احزاب و إصلاح لك بلشوا من محاسبة الجزاريين و طلعوا الاف المعتقلين السلميين و بعدين تعو نحكي حبسو كل قيادات المتظاهريين و الناس اللي بتفهم و بعدين بدن يعملوا احزاب تمثل التاس اللي مو فارقة معا شي
-سوريا
سحلي2011-08-13 21:36:09
الف مبرووك
الحمدالله يارب اخيرا صار الاسماءالنظيفة متل السيد محمد برمو يساوااحزاب واخير الف مبرووك لبرمو انظف الشخصيات
سوريا
مواطن حر2011-08-13 21:06:33
إلى مراقب حيادي
ما دام المادة الثامنة موجودة فمستحيل حدا يدخل الإنتخابات و كل القوة بالدولة للحزب و كل ما يختص بالمنافسة الإنتخابية بده يمر بالحزب و كل تشكيلات الأحزاب على أساس الإعتراف بقيادة الحزب و حتى 65% من مقاعد مجلس الشعب تعتبر ملك مسبق للحزب يمنع المنافسة عليها فعلى شو بدك العالم تنتظر لإنتخابات جديدة حتى تلغى المادة؟ الحل بإسقاط الدستور و الإستفتاء على دستور جديد لأن الدستور الحالي غير شرعي لأنه قد قرر بظل حالة طوارئ غير شرعية لم تقرر عن طريق رئاسة الجمهورية كما ينص الدستور في الستينات حبيبي
-سوريا
سام2011-08-13 19:46:30
حلو
قوة الدولة بجيشها وقوى الامن فيها لان المفروض من هذه القوى اعطاء الامن والامان وحماية المواطن والديقراطية الناتجة عن الاصلاحات هي التي ستقودنا الى ذلك التغيير المفاجئ والجذري قد يقودنا الى نظام افشل واكثر تخلف اما اصلاح النظام القائم فهو ضمانة على اننا نسير الى الامام وعلينا جميعا ان ندعم الرئيس في محاربة الفاسدين والمفسدين الذين يتشاركون مع المخربين في ايصال البلد الى هذه الازمة والتى ضحينا بمئات الشهداء فيها من الامن والمتظاهريين السلميين
-سوريا
ابو الياس2011-08-13 19:27:16
شكرا
شكرا لكم سيريا نيوز علئ نشر تعليقات مغايرة لروا يات التلفزيون السوري , والاعتراف ان هناك راي اخر
-سوريا
خالد 2011-08-13 19:09:45
الى جميع المتفذلكين
ياجماعة لتعرفوا أن كلامكم مجرد فذكلة وعلاك مصدي أقول لكم أولا لاأحد يجبركم على الانتساب لهذا الحزب وثانيا من يشعر منكم أن عنده القدرة فلينشيء حزب على كيفو لاأحد سيمنعه وبلا فذلكات
-سوريا
مراقب حيادي2011-08-13 18:47:08
المواطنة حق للجميع
إلى من يطالب بإلغاء المادة 8 من الدستور، أذكره بأن حسب الدستور الحالي فإن ذلك يتم من خلال مجلس الشعب الحالي، وبما أنكم لا تثقون به فإن المنطق هو أن تؤسس الأحزاب ومن ثم تجرى انتخابات مجلس شعب جديد الذي بدوره سيقترح دستوراً جديداً أو معدلاً وكذلك التصويت على طريقة انتخاب الرئيس، فتعالوا أيها المتظاهرون المشاركة بلإصلاح بشكل حضاريوالاعتراف بحق كل سوري بالمواطنة بدل من فرض شروط تعجيزية قرقوشية.علماً بأن غالبية الشعب ترغب بالتغيير ولكن ليس بطريقتكم المدمرةً كبيرا
سوريا
جمال2011-08-13 18:35:18
فكرو جيدا
ماهي الغاية من تشكيل اي حزب سياسي ان لم يكن معاضاً. والدستور لايسمح الا باأحزاب التي تحت قيادة حزب البعث. كل واحد يروح على بيته وعيب تنشؤا أحزاب فارغة . **
-سوريا
ناصر2011-08-13 18:30:55
الاحزاب
ابارك هذه المبادرة وياجماعة وايها الواعيين حاجة " نق " ما بيعجوبكن العجب ولا الصيام برجب كما يقول المتل ، جاجة اعتراض ، ويا معترضبن لمجرد الاعترض شكلوا احزاب طالما واثقين من انفسكم شكلوا احزاب وحاوروا الدولة وجربوها وخذوا اكثرية وشكلوا الدستور اللي بدكن ياه " جاجة سلبية حاجة سلبية ولا مصرين على تدمير البلد حتى تقولوا ثورة حاجة ، جربوا الدولة وانا واثق انها صادقة
-سوريا
محمد2011-08-13 17:47:51
هية الحكومة بتستعبط ولا ايه؟؟؟؟
اكيد اسمو ديمقراطي اجتماعي يبقى حيطالبو بالديمقراطية و عدم كبت الاصوات المطالبة بالحريةو الديقراطية بالحديد و النار و لازم بقى ينظم وقفة احتجاجية عشان الدماء يلي بتنسال في سوريا بسبب حرية الراي و اذا وافقولهم حيعملو المظاهرة و حيجي الامن و الرجالة بتوعو و يضربوهم ويعتقلوهم ولا لاء؟؟؟؟؟؟؟؟؟؟؟؟؟؟؟؟؟ يبأى ما استفدناش حاجة.
-إيطاليا
ابو الحروف2011-08-13 17:29:33
قانون الاحزاب الكاذب
تعريسف الحزب حسب القانون الجديد. الحزب.. تنظيم سياسي يؤسس وفقا لأحكام هذا القانون بهدف (المساهمة في الحياة السياسية) متخذا الوسائل السلمية والديمقراطية لتحقيق ذلك.هذا تعريف الحزب بقانون الاحزاب وحسب هذا التعريف فليس هناك مشاركة ولا تداول للسلطة يعني كلو ضحك على اللحى لقد تم حذف هاتين الكلمتين من المسودة فاصبح القانون خاليا من معناه
-سوريا
واحد طاقا روحو وبدو يغير2011-08-13 16:30:52
اقضوا على قوة المخابرات اولا
هلق هاي المسلمة فتحت تمها لما كانت رئيسة جريدة تشرين وقالت هلق المسؤولين يللي عميئمرو الشبيحة والامن يقتلو الناس بدرعا راح يتحاسبو، شو صار فتحلا واحد مساعد اول بالمخابرات وقاللى ضبضبي غراضك ولا تبقى ترجعي على مكتبك يعني قلعها. شو بيضمن انو نفس المساعد الاول يغلق لها مكاتب الحزب بدون ماتحسن تفتح تمها. مدام المخابرات حيكمتنا مافي امل ولا لو بتطلعو للسما. عاشت ثورة الشعب ضد المخابرات المتحكة بحياتنا وماحدا بيستجري يفتح تمو. هنن اللي عميقتلو وبيعتقلو وبيعذبو الناس. ليش كالهالمخابرات.
ماكاو
مواطن حر2011-08-13 16:18:30
يبقى موضوع بدون تأثير
موضوع تأسيس الأحزاب موضوع ثانوي و لن يكون ذا تأثير ببقاء الدستور الحالي كما هو معروف و حتى لو تغير الدستور كما تريده المعارضة فسيبقى تأثيره مؤقت لبضعة سنين كتأثير إصلاحات بأنظمة عربية أخرى سابقة و حالية لكون إستفادة حزب البعث من الفساد ستبقى طويلة الأمد و التطهر من الفساد لن تلغي إستفادته من الفساد.. موضوع الإصلاح الديمقراطي ليس فقط قوانين بل حالة بأكملها تحتاج لتغير لتعطي فعالية لهذه القوانين و إلا ستبقى البلد محكومة بمواد غير دستورية هي من جرت البلد للفساد
-سوريا
عاشق تراب سوريا2011-08-13 16:07:49
كل واحد يفصل دولة على كيفو
شعبنا من كثر ما هو مثقف صار بطل العالم بتحليل التصرفات والاخبار.... وكل واحد بدو دولة على كيفو ..... انا بالنسبة الي الله سوريا وبشار وبس الله وسوريا وبشار وبس وللموت
-سوريا
مواطن2011-08-13 16:08:53
تمثيلية بايخة
يا شباب انا هدول الإثنين يلي مذكور اسمهون ( محمد برمو وسميرةمسالمة ) بعرفهون بشكل شخصي وبعرف مين وراهون وهدول من زلم السادة بيت مخلوف يعني من دهنو سقيلو وفي كمان ناس ثانية بكره بدو يطلع اسمها من شريحة التجار ( محدثي النعمة ) لح تكون مساهمة بهالحزب مشان تكمل
-سوريا
علجبهة2011-08-13 16:02:32
من عوشك
معناتو من عوشك علجبهة التقدمية وصف علدور
سوريا
سالي2011-08-13 16:00:54
لتشدق
من خلال خبرتي العربيةأقول إن اسم الحزب الجديد يوحي بالنفاق من أول يوم! وقد علمتنا الأيام أن لا نتأثر بالعناوين الطنانة. جمهورية كوريا الديموقراطية هي أبعد أنظمة العالم عن الديموقراطية. والجماهيرية الشعبية الليبية محت الشعب الليبي من الوجود. وجمهورية يوغوسلافيا الاتحادية لم تكن سوى واجهة للصرب لاستعبادالإثنيات الأخرى... الدولة المحترمة تمارس الديموقراطية دون أن تتخذهالقبا\", إنما تترك الحكم على ممارساتها للناس والنقاد والتاريخ. تنظر الفتاة القبيحة في المرآة وتقول ماشالله ماأحلاني
-سوريا
وطني الغالي2011-08-13 15:43:31
توضيح هام
أرجو من الجميع قراءة قانون الأحزاب جيداً قبل التعليق و إلقاء الاتهامات القانون بيقول أنو لازم يكون عدد الأعضاء المؤسسين 50 بالبداية بس لما بيعلن الحزب البدء بممارسة نشاطه وهاد الشي بيكون بعد الدعاية والحملة الإعلامية وخلال مدة محددة شهرين لازم يكون عدد المنتسبين 1000 عضو يرجى من المعلقين التزام الحيادية والله يحميكي يا بلدنا وياقائدناالغالي
-سوريا
عبد السلام عبد السلام2011-08-13 15:31:18
اصلاحات بلون الدم وعلى مقاسهم
والله صرعتوا سمانا بالقوانين وبمشاريع القوانين والمشكلة انو ما في حرية اش استفدنا من عشر تالاف حزب اذا واحد بدو يتنفس بدو ياخد موافقة امنية ما نريده هو ايقاف نزيف الدم اولا وقبل كل شيء وثانيا ضمان حقوق المواطن بالتعبير عن اراءه واطلاق الحريات العامة ثالثا فتح افق التغيير السلمي في سورية فالتاليه والتقديس لرموز النظام لا يجب ان يمنع طرح فكرة التداول السلمي للسلطة علنا مللنا من كلمة الى الابد نريد تغيير في الاشخاص والسياسات المشكلة ان هناك من يتجاهل عمدا مطالب الشعب ويضع قوانين على مزاجه
-سوريا
ابو عساف2011-08-13 15:39:25
رد الى من قال
سوريا ليست حكر للجميع ...طبعا هذا كلام جميل ويدل على وعي ولكن الاهم من هذا كيف تكون للجميع ؟؟ وكيف نكون في قلب القرار ؟؟ وكيف نحقق الاستقرار ؟ وكيف نحمي وطننا ؟؟هناك امور كثيرة يجب العمل عليها ..وكلنا معنيون بهذاالوطن ..لا تخوين لا فتنة لا طائفية (نحن نحدث العقل وليس العاطفة)هناك فساد نعم .هناك ظلم نعم .هناك اخطاء نعم .ولكن الحل هو بالعقل وليس الصراخ.اذا كان عنصر الامن يتعامل مع المتظاهر بعقل ال80 فلا يجب ان نكون متظاهرين من عصر الحجري .نحن شعب واعي مثقف مدرك لطبيعة سوريا التاريخية
-سوريا
خالد 2011-08-13 15:15:34
اشرحوا لي
خلال عشرة أيام من رمضان(بما فيها أربعة أيام عطلتين أسبوعيتين)من إصدارقانون الأحزاب,تواصل ألفين مواطن من شتى المحافظات واتفقواعلى إنشاء حزب جديد واعتمدوا مبادئه ُثم اجتمعوا في غرفة واحدة لتوقيع طلب إنشاء الحزب ثم فتحوا له حساب مصرفي ثم جمعوا كل الأوراق الثبوتية الكثيرة فعلا" ثم تقدموا بطلبهم للوزارة المختصة التي دعت اللجنة للاجتماع فاجتمع كل أعضائها ووافقوا على الترخيص للحزب الجديد! في حين تستغرق معاملة زواج عاديةأسبوعين! والله فشرت سويسرا!
-سوريا
ابو فادي2011-08-13 15:29:26
خطوة صحيحة
خطوه صحيحه والى الامام والاصلاح يبدا بخطوه وبمسيرة مستمرة لاتنتهي وكل من يستطيع اي فغل ايجابي للبلد فليفعل ولا يتعلل بالصعوبات
-سوريا
حلوة2011-08-13 15:18:09
حلوة
المشكلة ان الحكومة السورية تستغبي الشعب وحكومات العالم بتمثيلات ومسرحيات واكاذيب مبتذلة.
-سوريا
إلى مواطن2011-08-13 15:02:39
رد إلى مواطن - رد على أبوعساف
طالما هيك عم تحكي ليش مو حضرتك انت وجماعتك تلاقو حل للمسلحين الفلتانين بالشارع وبعدين تطلب من الحكومة توقف التدخل تبعها
-سوريا
سالم محفوض2011-08-13 14:53:31
الإفلاس السياسي
اجتمعوا وتناقشوا وأعلنوا عن تشكيل حزب .. هذا حق لهم .. وواجب على الدوله توفير المناخات اللزمة .. لكن وهنا المصيبة الكبرى .. بالأمس قالوا : أنهم مازاوا يبحثون عن الأهداف .. أهداف الحزب ..أي لم تتشكل لديهم القناعات حتى الآن فكانت الحرية والعدالة والتنميةوالأطفال الموهوبون يولدون وأهدافهم وقناعاتهم واضحة ....... القيادة فطرية بالرجة الأولى
-سوريا
مهستر إكس2011-08-13 14:32:58
ما بيعجبكن العجب ؟؟؟؟؟؟؟
ما في حياة سياسية بالبلد (عملولكن قانون أحزاب) حبر عورق(تشكل أول حزب) خارج من عباءة حزب البعث ؟؟؟ بالفعل أنتو شعب متل الزيتون ما بدكن غير رص وما بينفع معكون غير (حسوان=حسان=الشرطي بمخفر أم الطنافس) شعب ما بينعطى وش تافه ومفزلك والديمقراطية الملتزمة ما بتلبئلو بدو الدولاب وبساط الريح يضل ممشيه عالسراط المستقيم لأنو بس أخد وش بينجلئ
-سوريا
سامر ..سوري يعشق سوريا2011-08-13 14:23:02
سوريا بخير .. وستبقى بخير
عذراً سيدي الرئيس .. رجاءاً يا سيد الوطن .. أعط توجيهاتك لمجلس الشعب كي ينعقد استثنائياً ويغسل قميص عثمان الذي مازالوا يلوحون به ليدمروا سوريا .. ألغي هذه المادة يا كبير لأنو صار عنا بالبلد نسبة كبيرة من "***" ،مصرين يخربوا البلد بس مشان هالمادة .. قسماً بالله عيب ، يا *** .. أمريكا فيها حزبين بس ، وعندنا رح يصير في أحزاب ، بس والله ما رح يعج
سوريا
د.م2011-08-13 14:23:22
ما نفع تشكيل ألف حزب إذا كان--
ما نفع تشكيل ألف حزب إذا كان الاستئثار بالسلطة وتجاهل حقوق الآخرين هو سبب مباشر لكلّ الأزمات الداخلية والثورات الشعبية ، فلا يمكن لأيّ فريق في المجتمع أو أيّ حزب أو أيّة طائفة أن تستأثر بالحكم وتلغي الآخر بالقوة ، وتتجاهل حقوق الآخرين.
-سوريا
هشام2011-08-13 14:18:12
نصيحة الى المعارضة وابواقهم
ما ستجنيه المعارضة الان وبعده لا يعادل جزء صغير فيمالو استجابت لدعوة فاروق الشرع للحوار انه الغباء السياسي الذي لازم ويلازم الكثير من ابناء جلدتنا عرب وسوريين وخلي الغرب ينفعكم.
-سوريا
توفيق2011-08-13 14:16:47
سؤال
مالفائدة من هذا الحزب إن لم تلغ المادة 8 من الدستور ؟!!!!!!!!!!!!!!!!!!!!!!
-سوريا
سوري معترب بالسعودية2011-08-13 14:15:52
خطوة متأخرة
خطوة متأخرة جداً
السعودية
ابو شهاب2011-08-13 14:11:13
الى مواطن
شلون عم يشتغلوا من عشر سنين موعلى اساس انو هالحزب نتاج قانون الاحزاب اللي ما صرلوا كالع فترة. كفاكم ضحكاً على عقول الناس التغيير الحقيقي قادم شئتم ام ابيتم ان شاء الله
-سوريا
traveler2011-08-13 14:06:46
what a joke???
well if we see this it look great,,but wat is the benefit from a political parti if the Baath one in Control?and the Chappter 8 still inforce?so untill the chappter 8 changes let us not get so excited,beside can a person be in 2 political parties? Like Mrs Smira? she is( or was) in the Baath1? and the most important issue where they get the finance from?
سوريا
ابو الطيب2011-08-13 14:10:10
مهزلة
ههههههههههههههههههههههههههههههه
-أستراليا
مو معقول2011-08-13 14:02:33
يجب أولا حل جميع الأحزاب وتقديم طلبات --
اليست السيدة مسلمة عضوة في حزب البعث هل اشهرت انسحابها يجب أولا حل جميع الأحزاب وتقديم طلبات ترخيص جديدة وفق الشروط الجديدة وكذلك الغاء الفقرة 8 من الدستور وتسليم كافة مكاتب ومقرات حزب العث الى الدولة وفق القانون الجديد لتحقيق العدالةوالمساعدات الماديةمن الدولة لجميع الأحزاب .
-سوريا
Sami2011-08-13 14:02:24
خطوات الإصلاح
خطوة حلوة كتير على طريق الإصلاح وعقبال ما يكملوها بانسحاب الجيش من قلب المدن والإفراج عن المعتقلين ومحاكمة يلي كان السبب في قتل المدنيين
-سوريا
الناطور2011-08-13 13:55:37
انعدام الثقة
مصيرون الاعتقال والسجن مثل اعلان دمشق ...لان النظام السوري فقد المصداقية و اصبح مثل الناطور الذي ادعى عدة مرات وجود الثعلب...و لم يعد احد يصدقه
-سوريا
ناصح أمين2011-08-13 13:47:35
جيد
اسم الحزب جذاب والشخصيات المؤسسة له من الواضح أنها شخصيات غير متنفذة في النظام الحاكم، وبالتالي في رأيي هو ظاهرة ممتازة. ولكن طبعا العبرة بالممارسة. وبالنسبة للتعليقات فمن الواضح أن الحزب لم ينل رضا العراعير وهذه ميزة قوية جدا له وتدل على أنه حزب وطني.
-سوريا
الطهقان2011-08-13 13:35:07
لماذا
اوقول لكل قصيري النظر والذين يرددون العبارات الجاهزة كالببغاء ان الكلام حول انتقال او وجود البعثيين في هذا الحزب هو حالة صحية اسال لمذا انتقلت رئيسة تحرير صحيفة مثل تشرين الى هذا الحزب بسسب الوصاية الامنية والرقابية على حزب البعث وبسبب الفساد الذي تحول به قادة الحزب الى ذوي رؤوس الأموال واباطرة ونسوا الطيقة التى يمثلونها لقد تم تفريغ اهداف حزب البعث من مضمونها وبالتالي اصبح كل بعثي شريف تنتابه عوامل الياس والاحبط واصبح يبحث عن المسيح المخلص لبلد يحبها والحل الامثل ترك الحزب
-سوريا
أبو الريم2011-08-13 13:38:52
من وين لموا الأعضاء؟
حسب ما أذكر بالشروط أنو لازم يكونوا2000 عضو من نصف المحافظات .. يعني ينلموا من 7 محافظات ..ماشاء الله أيمتا لحقوا يجمعوهن بظرف 10 أيام؟؟ دنيي
-سوريا
مواطن2011-08-13 13:16:25
إلى ابو عساف
بعتقد أفضل من اتهام الآخرين - حاول تتحاور مع قيادتك الحكيمة أنه توقف قتل وتدمير وتسلط وفساد. سوريا للجميع مو حكر لأي حدا، إذا كان مر شي بالماضي، فهادا الشي ما عاد يصح للمستقبل. بس في ناس لسا حابة تعيش بالماضي وما وصلنا لهون إلا هالرعونة.
-سوريا
ابو صابر 2011-08-13 13:15:20
حاجة مسخرة
حاجة مسخرة
-سوريا
ابو عبدو2011-08-13 13:13:59
سؤال
طيب سؤال، يعني بصير الواحد يكون منتسب لأكثر من حزب بنفس الوقت، ؟ هادا السؤال خطر ببالي لأني بعرف إنو سمير المسالمة منتسبة لحزب البعث العربي الإشتراكي، إلا اذ ا كانت قد انسحبت منه، شكرا سيريانيوز
-سوريا
ديار2011-08-13 12:49:45
أستفسار
الغريب في الموضوع هو أن المشكلون له هم أعضاء في حزب البعث و أرجوامن ألأخوة أعلامنا من له الخبرة عن هذا الوضوع هل يحق لي أن أكون عضوا في حزبين في نفس الوقت وماذا عن المادة 8 في حال تكيل الحزب
سوريا
يعرب عدوان2011-08-13 13:04:09
دائما تجرّبون المجرّب
(( ويشترط لتأسيس أي حزب، بحسب قانون الأحزاب الجديد، الالتزام بأحكام الدستور)) والمادة الثامنة منه تقول ان حزب البعث هو القائد .. الخ . بالله عليكم أنتم تصدقون ان هذا الحزب لم يخرج من عباءة البعث ؟ نحن أمام ظاهرة تجديد الأحزاب , يعني نفس الاشخاص والرؤوس والعقول لكن الاسماء تتغير فقط , تماما كتغيير المناهج والمقررات الجامعية يتم تغيير الغلاف وتلوينه ورفع سعره والمحتوى واحد منذ 30 سنة ! تيّارات التغيير تهدر بقوة .. آتية من الشمال .. ورياح الشمال كانت ولا تزال في سوريا قاسية
-سوريا
ابو عساف2011-08-13 13:04:45
شايف هالشعب ما بينمشى لا وراه وادامو
بيطلع قانون احزاب بقولو العلاكين قانون مالو طعمة ...وهلأ لما اتأسس حزب بلشو العلاكين يحكو انو من البعث وما بعرف شو ...بدل هالعلاك يلي بلا طعمة يا ريت تفكرو بالوطن شوي ولا تفكر بعقل الغرب (خراب البلد) يعني يلي عندو نصيحة تفيد الوطن اهلا وسهلا ويلي ما عندو خليه ساكت بيكون احسن لان الوطن فوق الجميع وفوق كل التفاهات .ويلي بدو يعللك اكتر يروح يعمل حزب ويورجينا عضلاتو وشو بيقدر يقدم للوطن .نحن المهم عنا هو الديمقراطية الحقيقية والحرية والاقتصاد بعد أمن وطننا.مع الاحترام لكل الآراءالمحترمة
-سوريا
خطوة ايجابية جدا2011-08-13 13:04:11
انشالله خير
انشالله يكون هالحزب خير عالبلد ويحقق مطالب الشعب السوري ومنتأمل الخير
-سوريا
hadi2011-08-13 13:04:21
رائع
والله خبر رائع مبروك للوطن بداية سورية جديدة واخيراً
-سوريا
شامي 2011-08-13 13:02:53
بايخة
قال يعني اصلاح ههههههههههههههه اي روحو الغو المادة الثامنة وحاسبو رجال الامن بمحاكم عادلة وطلعو معتقلين الراي بعدين فينا نبلش نحكي بالاصلاح بس قبل هيك مستحيل
-سوريا
jihad2011-08-13 12:57:29
الى الامام ياسوريا
هذه اول خطوة نخطيها باتجاه الديمقراطية واتمنى ان ارى جميع ابناء الوطن ان يحذوا حذو اولئك المثقفين حقا لان الله ميزنا عن باقي المخلوقات بالعقل لا العضلات ويجب علينا ان نتكاتف من اجل بناء الوطن والوصول به الى بر الامان
سوريا
مجد سوريا2011-08-13 12:57:14
على بابا يا ماما؟
المؤسسين نصون من حزب البعث و النصف الآخر من التجار المعروفين, و راحو دحشوا اكرم خزام كمان مشان بركي بتشط ريالتنا و منصدق. اصلا هاد كلو علاك قبل الغاء المادة 8 من الدستور
سوريا
صباح2011-08-13 12:43:43
صباح الخير
الله يطعمكن الحج و الناس راجعة ...يعني متأخرة شوية..
-سوريا
عمر2011-08-13 12:37:49
الى الاخ .أمير. وغيره
1000 شخص مو من الصعب ابدا تجميعهم وانضماههم .وخاصة انو اول حزب ينشأ خارج راية حزب البعث.وأتوقع ان يكون اغلب مؤسسي الحزب من الشباب.أريد منك أن تكون متفائل (أن تضيء شمعة خير من أن تلعن الظلام).
-سوريا
مواطن2011-08-13 12:33:12
الى السيد امير
هل قرأت اسماء المؤسسين ؟؟ هل تعرف من سميرة المسالمة؟؟؟ هل تعرف ان المؤسسين هلكو و ماتو 100 موتة و صرلون اكتر من 10 سنين عم يشتغلو بهالحزب؟ اذا كنت لا تعلم فلتصمت او تتحدث شيئا يقينا
-سوريا
العبود2011-08-13 12:33:04
احزاب
من شروط قانون الاحزاب انو تجيب 2000 اسم من مختلف المحافظات كيف قدرو انو يجمعون بهل الوضع علما لا تفكرو انو في حدا بيقدر يحكي نظام بلبد عم يشحطو الواحد ازا بيحكي بوضع البلد انا ما كتير مقتنع
-سوريا
Alaa2011-08-13 12:26:55
إلى Amir
بس بعد أزنك ممكن تقراء القانون منيح بعد تعديلو بتقوم بتكتشف أنو مسموح أنشاء الحزب بـ50 عضو أولا و معو فترة زمنية ما بعرف أديش مكتوب بالقانون لحتى يوصل لل 1000 عضو و إذا ما وصل لل 1000 بعد هي الفترة يتم إلغاء الحزب و تزقيف أعماله
-سوريا
نضال2011-08-13 12:17:56
مبروك
مبروك للحزب الجديد وان شاء الله يكون فعلا ملتزم بمبادئه واهدافه مو بس حبر على ورق
-سوريا
amir2011-08-13 12:13:49
سلبة بعلبة
قانون الأحزاب ينص أيضاً على وجود 1000 عضو في الحزب كحد أدنى، من وين جابوهن هدول يا ترى؟، وظفوهن توظيف ولا جابوهن انتداب من حزب البعث وأحزاب الجبهة!؟
-سوريا