syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

أمرها بارتداء النقاب وهو لا يمت للدين بصلة ... هل يتوجب عليها إطاعته ؟
اسأل مجرب

من واجب الزوجة أطاعت زوجها ضمن حدود العقل و المنطق , فماذا لو كان من يأمرها بعيدا ً تماماً عن أمور الحياة والدين والعقل .


تقول لنا أخت صاحبة المشكلة  "نحن من عائلة ملتزمة بالحجاب , بعد زواج أختي أمرها زوجها بأن ترتدي النقاب  وهذا من حقه"

وتتابع طارحة لنا  المشكلة  بأن أختها بدأت تشتكي من زوجها وتقول بأنه يأمرها على إطاعته وهو بعيد تماماً عن أمور دينه ويتابع القنوات الاباحية , وعلى وشك أن تصبح مثله (أي أختها) "

هل يتوجب عليها إطاعته و لماذا  تطيعه؟


2011-04-03 03:15:31
شاركنا على مواقع التواصل الاجتماعي:



شارك بالتعليق
سامي2011-04-20 03:05:26
ليش ما سمعت بوحدة مشتكية لأنو زوجها بدويلبسها قصير
يمكن لأنو بكيفها الكشف الستر غصب وبعدين يلي عم يتجادلو عن شرعية النقاب لك يضرب القرضاوي اذا بكل المذاهب الاسلامية صوت المرأة عورة لأنه يحرك شهوة بعض ضعاف النفوس فما بالك بالوجه ولا شوي شوي منلغي غطى الراس على قولة مشايخة مصر اذا حاطة باروكة مومشكلة ولا فتوة ارضاع الكبير طلعوا من راسنا يا عملو مذهب على كيفكون ودين على كيفكون ورب على كيفكون وبدكون تشيلو منو النخوة مومشكلة بس لاحدا يزاود عل الدين الاسلامي لأنو دين ستر ويسر ورحمة مو على كيفو
سوريا
المتكلم2011-04-07 17:03:49
حلو الكلام
جمال المرأة وجههاوما أكثر الغزل بالعيون وبالفم.....الخ وطاعة الزوج هي العبادة بحد ذاتها للنساءوكم هو جميل أن يغار الرجل على زوجته كأنها جوهرة يريد أن يخبئها عن الناس
-سوريا
.. 2011-04-05 19:16:40
لا
لا طبعا مانا مضطرة تطيعو ,,,,, هيك رجال المفروض تتركو مو ينسئل هيك سؤال جاهل... بعدين هيك واحد ما بنطاع لو الله نفسوامر .
-سوريا
اخت صاحبة المشكلة2011-04-05 05:14:59
شكراً لكل المعلقين
أنا اعرف ان وجه المرأة ليس بعورة لكن المشكلة ان زوج اختي يأمرها بالنقاب ليس دائما وهذا ما يزعجنا إذا يقول لها قدام هاد حطي عوجهك وقدام هاد لا تحطي بقى شو معناها هاي بيمنعها تحط إن كان أكبر زعران الحارة موجودين وإن كان هناك أناس عيونها بالارض وبديرو وجهون لو شافو مرة بقلها حطي للعلم عندها 4 بنات وولدوهي لا تريد الطلاق لأن المرأة المطلقة بمجتمعنا كقطعة قماش بالية تريد حلاً فالاولاد بحاجة لكليهما معاً ولكن تريد حلاً تغير به سلوك زوجها كي تربي ابنائها التربية السليمة الصحيحة
-المكسيك
---------2011-04-04 23:36:10
عجيب غريب
والله يا مايسترو أنا شايفة إنك رح طلق النسوان من رجالها وكلامك عم يداعب مشاعرهون وكلون بدون رأيك ومابيعرفو شي عن وضعك وإبن مين
-سوريا
Maestro2011-04-04 20:15:24
همس الروح وإمرأة صحت من صدمتها....
سيداتي،أحيي فيكما الصبر وعوضكما الله خيرا وهون عليكما ماأنتما فيه..صعب جدا الحياة مع رجل بوجهين أو بعدة وجوه،تحتارين مع أيهم تتعاملين،متى وأين؟والكارثة الأكبر هي علاقاته أيا كانت إفتراضية كانت أو واقعية..ترى ماذا يريد؟ماالذي ينقصه؟لماذا هو هكذا؟أسئلة كثيرة،كبيرة ومحيرة حاولا أولا إجابتها..في هكذا حالات عزيزتي أرجح الحوار الصريح الهادئ أولا،فإن لمستن تغيرا تابعن النصح والحوار،أما إن لم يتغير فصعدن اللهجة إلى التهديد والخصام،وآخر العلاج إخترن أي الحلول أنسب لكن..الحياة واحدة وكرامتك أولا وأخيرا..
سوريا
همس الروح 2011-04-04 18:46:52
الى مايسترو وامراة صحت من صدمتها
الى امراة انتي حطيتي ايدك ع الوجع تمام يا ترى شو الحل معن انا صرت حس انو هاد خطأ بالاختيار بس لايمت رح اتحمل يا ترى هاد الخطأ ما بعرف ما بعرف ايمت رح يفجر صمام الامان بس والمشكلة الاكبر ماحدا بيصدق عليه شي ودائما الحق عليي اناهاد عدا عن الكلام البذيئ ويلي بهز البدن اذا واجهتي ....مايسترو بشكرك كتير كتير لان فعلا ارائك غنيةتعكس ع نضج وفهم ووعي للامور ورح اعمل فيها ونشالله يكون في نتيجة مرضية للطرفين بحترمك مايسترو شكرا
-سوريا
جنى الخير2011-04-04 18:25:43
الى امرأةمصدومةمن زوجها
اذالم يكن لديك أولادوماكنت مقصرةبحقوقه، فاتركيه فوراوانفدي بجلدك من هيك واحدمنافق،مرائي،أمااذاكان لديك أولاد فاصبري،واحتسبي،وشوفي الدنيابعيونهم
-سوريا
جنى الخير2011-04-04 18:22:56
الفرق بين الخمار والنقاب لغة
النقاب لغة:جمع لكلمةنقب، اي ،ثقب ، وسمي كذلك لان فيه ثقبين تجاه العينين أّمّا الخمارلغة:فهومن مادة\"خمرأ\"ي:غطى،والآية الكريمة جاءت بلفظ دقيق،صريح،محدداالمكان الذي ينبغي أن يغطى وهوالرأس والجيب،والجيب:هومنطقةمابين أولّ الذقن،الى أولّ الصدرلذلك لوأرادالله غطاءالوجه لذكركلمةنقاب،أولقال:وليضربن بخمورهن على وجوههن.مثلما حددالأعضاءالتي ينبغي غسلهافي الوضوء.وكماحدّدقطع يدالسارق،ولماذانزلت آية غضّ البصراذالم يعد هناك حاجةلغضّه؟ولماذاحرم على المرأةغطاءالوجه في الحج ؟لأن غطاءالوجه عادةقبلية
-سوريا
مغترب2011-04-04 16:27:00
رد على محقق دولي
بسم الله والصلاة على رسول الله .. اول شي يامحقق دولي احترم الكلام وقت تحكي عن القرأن والسنة تاني شي انا بجبلك أية من القرأن الكريم وهي بسم الله الرحمن الرحيم وقل للمؤمنات يغضضن من أبصارهن ويحفظن فروجهن . ... ونساء المؤمنين يدنين عليهن من جلابيبهن ذلك أدنى أن يعرفن فلا يؤذين )) صدق الله العظيم لاتحكم بشي اذا مابتعرفو وانا برجع بقول الله محي أصلو لهل زلمة وربنا يهدي ويهدينا وسلام
سوريا
سوري2011-04-04 15:30:16
سوري منك
الى الأخت التي تطرح مشكلتها، أنت تضعين الحجاب/أو النقاب هو ارضاء لله لأنه امرك بذلك، سواء امرك زوجك ام لا فانت تعملين ذلك لأن الله امرك بذلك.
-سوريا
هبه محمد2011-04-04 14:51:45
موضوع لا يستحق الطرح ابدا
يعني برأيي المسألة اكتر من واضحة وما بدها سؤال ابدا. بدها شوية جرأة وتصميم وبس.
-سوريا
من هالعصر2011-04-04 14:54:44
ل
اذا الواحد عم يصلي وواقف بين ايدين الله شو بكون لابس بقا هالعالم من وين جابت الخمار والنقاب و.......
سوريا
من هالعصر2011-04-04 14:51:59
الصلاة
قولي للفهمان جوزك اذا الواحد وقت بصلي بكون بين ايدين الله شو بكون لابس بقى هالعالم من وين جابو الخماروال....
سوريا
بسيل2011-04-04 14:26:37
شيء طبيعي
من الطبيعي جداً أن يطلب منك أن تضعي النقاب وهو يشاهد القنوات الإباحية لأن الذي فيه مسلة بتنغزو . ولكن ياسيدتي يجب أن تطيعيه وبنفس الوقت عليها أن تساعده في العودة للدين وعليها أن تحاول كل الجهد بعدم انجرافها له من أمور اللاخلاقية.
-سوريا
هيثم عبد الرحمن2011-04-04 13:21:47
تطيعه لانه زوجها ،،،
طاعة الزوج واجب شرعي ديني واجتماعي ، لان الرجل له القوامة على المرأة ، ولانه لايجوز ان يكون هناك رأسان لجسد واحد ، الزوجة تطيع زوجها في ما يوافق شرع الله ولاتنافسه مقلدة المسلسلات المصرية أو التركية سيئة الذكر ، أما السؤال لماذا تطيعه ببساطة لانه زوجها ، ولنبتعد عن الاراء التي تدعي التحرر وتحرير المرأة لان هدفها ترك المرآة عانس تندب حظها ولن يفيدها من يلعب بعقلها لانه مغرض وسييء النية
-سوريا
Maestro2011-04-04 13:19:16
إلى إمـرأة صـحت مـن صـدمتها....
عزيزتي،ع هوا كلامك زوجك مشكلته أعمق بكتير من إنفصام بالشخصية..اعذريني بس أنا بترجم كلام صاحب المسألة،وكلامك ترجمته أنه زوجك"كذاب"للأسف والبقاء مع رجل من هالنوع و"بتجاوزاته"وتصرفاته مسببلك مشكلة كتير كبيرة وصلت لحد دفعتك للشكوى..حاولي معه تقنعيه أو تشوفي شو ناقصه وتعوضيه،رغم أني ماشفت نقص من كلامك..وإذا ماانصلح اتخذي قرارك قبل ما يتأثر عقلك باللي شايلتيه فيه من هموم وصراعات..أشكر ثقتك وأثمنها غاليا وسأناقشك مليا إن أحببتي..
سوريا
*نجمة امل*2011-04-04 12:50:51
رجال آخر زمن
والله حلوة هي....كيف زبطت معو مابعرف؟؟؟ع فكرة كل الرجال هيك ...والله لوطالع بايدو يحبسها بصندوق ومايخليهاتتنفس مارح يقصر ابدا...برأي اسالي رجال الدين احسنلك.
-سوريا
نانو 2011-04-04 11:50:36
بدو دكتور نفسي
انا براي انو النقاب يلي فرضو عليها مو ليستر وجها وانما ليستر رداءة نفسو يعني يلي بيشوف مرتو بيقولو ما بيطلع منو غير كل شي منيح؟؟ اذا اقتنعت بالنقاب الله يثبتها واذا لاء مو مجبرة وهو بهالشكل. اذا لم تفلح محاولتها بالنقاش وحبت تحافظ عالاسس يلي رباها اموها وابوها عليها تفكر بحل سريع لوكان ابغض الحلال حديث صحيح عن النبي لاطاعة لمخلوق في معصية الخالق
-سوريا
زياد - سعودي اصيل2011-04-04 10:11:33
وآآآسفتآآآآهـ
يعني هلأ النقاب بنظركم ما يمت للدين بصلة ..؟ , , يا حســـرتاً على العبــاد , و بقول للنساء الي يقولن لا نريد رجالنا إن كان هذا تفكيرهم فأنا أقول لهن إذهبن لإشباه رجال الغرب فنحن نعمل كما يعمل الرسول و نتبعه , يــــاحســرتاً على العباد .
سوريا
sliman2011-04-04 10:01:00
وصايا
يقول الرسول عليه أفضل الصلاة و السلام لو كنت آمراًبالسجود لغير الله لأمرت المرأة أن تسجد لزوحها طاعة الزوجة للزوج واجب. إذا المرأة صلت خمسها و حفظت فرجها و أطاعت زوجها قيل لها ادخلي من أي باب شئتي صدق رسول الله
السعودية
RORO2011-04-04 09:56:49
الى مستغرب
اول شي موكتير مهم رايك بتعليقاتي وياريت تحتفظ برايك بتعليقاتي لنفسك تاني شي انا وجهة نظري مقتنعة فيهامليون بالمية مو تعنت اوكبر راس بس لاني شايفتها واقعيةومنطقية وكمان هالشي من وجهة نظري (كل واحد رضيان بعئلو) ومو معناة انك مختلف معي بالراي انو رايك هو المزبوط والمنطقي والواقعي هو هيك بوجهة نظرك وحسب تجاربك بالحياة وما فيك تفرض رايك وطريئة تفكيرك عغيرك لانها مقنعة الك وبس وازا موكتير حابب تعليقاتي فيك ماتئراهون من الاساس لانو اسمي مكتوب عالتعليق مالي مخبيتو
-سوريا
محقق دولي2011-04-04 09:41:31
بيني وينك شرط كبير
وينو هاد الفهمان يلي عملي حالو شغلة بالفهم, ليكون عندك قرآن محرف ونحنا مو عارفين, قال شو((((الأدلة واردة في القرآن )))) اتحداك الى يوم الدين انه ورد في القرآآن جملة او كلمة عن النقاب, هلق بتقلي بالسنة النبوية الشريفة, اصلا النبي الكريم امر بالحجاب بس مو بالنقاب, الا اذا معدلين احاديث النبي على كيفكون ومدري منين جايبينها عن لسان اي شخص...
سوريا
حلبية2011-04-04 05:47:33
تعصب مو دين
مفكر الناس كلها متلو متبصبص هاد اسمو تعصب مو دين أولا وبعدين هي عبدة عندو ليتأمرعليها عملي هيك ولاتعملي هيك إذا كان شاطر يقنعها بالموضوع مو يجبرها.. .. ياجماعة تلات رباع المنقبات مجبورات يا من جوازن يامن أهليهم أكيد مالن ثواب لأنو مو الغرض طاعة الله لذلك حاج بقا نضطهد النسوان المفروض المرأة تحط النقاب عن قناعة أنو هاد الشي بيرضي رب العالمين...
-سوريا
عاشقة الرحمن2011-04-04 01:23:19
رد الئ مغترب
اذا كانت صحيح مغترب فيا اما انك لاترا او عبتضحك علئ حاللك فالعبودية كل العبودية تعني منهانساءالغرب بس امثالك بيزاعلو الرجاء فتح عيونك وشوف الحقيقة
سوريا
ضياء مواطن من بلدي سوريا 2011-04-04 01:05:35
فكري منيح بالموضوع
الاخت صاحبة المشكلة اول شي حابب اسألك انتي بتحبيه شي وتاني امر عندك ولاد منو وتالت امر سالتي عنو منيح قبل ما تتزوجيه بعد هالأسئلة اول شي اذا بتحبيه اصبري وادعيولو بلكي الله بيهديه وبيرجع الك متل ما بتحبي واكتر وتاني شي لازم تهتمي فيه وتتهيئليو وترضيه وتدللي لانو الرجال بيحبو الدلال وتالت شي اذا عندك ولاد فالله يكرمك لا تدمري مستقبلون وحاولي يكون عندك هدف هوه تغيرو للاحسن الحفاظ على بيتك هدا جهاد عظيم الك بتحمي بيتك من الدمار وبتسري حالك ومن شان انقاب سايري والك ثوابو لانو بيحبك
سوريا
امرأة صحت من صدمتها2011-04-03 21:53:59
ليس كل ما يلمع ذهبا
(تابع) بتصدقو يا جماعة رغم اني اكتشفت حقيقته المرة لكن الغريب اني كل مرة اراه يمثل فيها الخجل وغض البصر امام الناس اكاد اصدق انه خجول رزين عاقل ..وعندما اراه في الطريق وهو يأكل البنات بعيونه وفي المساء يهمل كل اهل البيت في سبيل جلوسه اما على النت مع النساء اويعاقر الافلام الاباحيه ,,,استغرب من جديد هل هذا الرجل هو نفسه ؟؟؟ولا ادري بالنهايه من هو المصاب بفصام الشخصية انا ام هو ؟؟؟اخي مايسترو هل لديك جواب لسؤالي المستعصي ؟؟؟ وانتم جميعا هل تملكون جوابا ..؟
-سوريا
امرأة صحت من صدمتها2011-04-03 21:43:12
ليس كل ما يلمع ذهبا
ما اصعب ان يكون الانسان مرائي.. لما جاء زوجي ليخطبني اعجبني فيه ما ظننته حياءا وغض للنظر ؟؟ كان حريصا على ان يبدو بمظهر الرجل الخجول العاقل ...ولكن اااااااااااااااااااااه ثم اااااااااااه ...بعد الزواج (مع العلم اني حلوة المظهر )كانت المفاجئة تلو الاخرى ..في الشارع لا تسلم من نظراته الشرهة اي بنت ,في البيت مدمن افلام اباحيه , على الانترنت تواصل شديد الوساخة , ولكن هو امام الناس مافي اعقل منو سجادة الصلاة ترافقه اينما ذهب ,خجوووووول , من الصعب ان يصدق احد افعاله ,,(يتبع)
-سوريا
Mature_man2011-04-03 21:46:34
من قال أن النقاب ليس من الدين
السلام عليكم يا أختي من قال لك أن النقاب ليس من الدين لا تصغي بأذنيك لما يقال بوسائل الاعلام أن النقاب ليس من الاسلام فهذا كذب و افتراء و تجني و حملة شعواء ضد النقاب و العفة و الستر, الأدلة واردة في القرآن و السنة النبوية الصحيحة على وجود النقاب في الاسلام, اقرأي آية الحجاب في سورة النساء و ليضربن عليهن بخمرهن و ضرب الخمار في اللغة هو ازداله من الاعلى إلى الأسفل و ورد عن السيدة عائشة في حجة الدواع أنهن أي نساء النبي عليه الصلاة و السلام كن يزدلن على وجوههن اذا مر الركب من جنبهن
-سوريا
زعتر2011-04-03 20:31:58
لا مالو عليكي بهل الشي
اختي مالو عليكي بموضوع النقاب .. انا براي جوزك يشوف دكتور نفسي لانه بتابع القنوات الابحاية صاير عندو نوع من الشك و الشك بولد البغض
سوريا
مستغرب 2011-04-03 18:44:06
الى roro
حضرتك بتشتغلي محللة نفسية او اجتماعية ولا محامية ؟؟؟؟ انو لهلا ما قراتلك تعليق بناء ليش حابة تخربي بيتها للمخلوقة !!!!!!!
-سوريا
share3a2011-04-03 18:26:24
الحرامي بفكر كل الناس حراميه
اختي رأي الدين : الراجح انه لايجوز لزوجها ان يجبرها علا وضع النقاب الا ازا كانت شابه جميله جمالا فائقا لان الفقهاء اختفوا في فرضيه ارتدائه اما رأي الشخصي فازا كان زوجها متل ماعم تقولي بعيد عن امو دينه اكيد مالازم تطيعو لانو هوي بدو ياها تحطو لان مفكر كل العالم متلو بلصلصو عنسوان غيرن
-سوريا
m2011-04-03 18:15:42
l
الموضوعين منفصلين كليا!وكانو الاخت عم تقلنا: (انو الزلمه عم يشوف اباحي وعم يامر اختي بالنقاب)يعنى انا اسال الاخت اذا الرجال عم يشوف اباحي لازم اختك تبطل تتحجب؟؟ الحل: اذا الرجال عم يشوف اباحي فهدا دليل نقص باختك ولازم تروح تهتم بحالها شوي وتشوف الرجال ليش عم يشوف اباحي.وبالنسبه للنقاب حق الرجال يامر اهلو بالنقاب لانو امر الهي مو من عندو جايبو واذا ما بدها تحط نقاب (امساك بمعروف او تسريح باحسان) تطلب الطلاق وخالصين
-سوريا
مستغرب 2011-04-03 17:50:46
احترنا يا اقرع من وين بدنا نمشطك
سؤال بالله اذا كانت اختك متحجبة وطلب زوجها تقيم الحجاب كنتي اعتبرتيها مشكلة ..ما بظن اما للمعلقين والمعلقت اللي عم يهاجمو هالزلمة فاكيد انتو مو احسن منو وفهمكون كفاية والمشكلة بهي الزاوية من الموقع انو بتطرح المشكلة من طرف واحد بس يعني لو صحللو الزلمة يحكي شو مشكلتو ساعتها احكمو على مين الحق
-سوريا
Lara2011-04-03 17:53:49
...
ليش إنتي اللي عمتشتكي مو إختك؟المفروض إنو إختك ما طالع مشاكلها برا البيت ..إنصحيها تحل مشاكلها معو بالنقاش و ماتحكي أسرارها الزوجية لإلك أوأي حدا تاني لأنو إذا عرف فيها ماراح يكون كتير مبسوط إنكن بتعرفو شو بيساوي ببيتو.. أفلام بورنو وغيرو ومو بعيد تكون عمتحكيلكون من طئطئ لسلام عليكون يعني ماعاد في شي إسمو أسرار زوجية.برأيي المرا وئت اللي بتبلش تحكي تفاصيل حياتا الزوجية بتكون عن معرفة أو بدون معرفة عمتخرب بيتها بإيديها..
-سوريا
ناصح2011-04-03 17:39:24
نصيحة بجمل
اسمعي لقلك ...أختي جوزك مبصبص و مجنون و فيه كل العيوب الي بالدنيا ماهيك قالوا المفلسفات الي علقوا قبلي ...نصيحة سايريه شوي بتكسبيه حديث هالمفلسفات ما بيجي من وراه غير خربان البيت...
-سوريا
ناصح2011-04-03 17:36:00
نصيحة بجمل
اسمعي لقلك ...أختي جوزك مبصبص و مجنون و فيه كل العيوب الي بالدنيا ماهيك قالوا المفلسفات الي علقوا قبلي ...نصيحة سايريه شوي بتكسبيه حديث هالمفلسفات ما بيجي من وراه غير خربان البيت...
-سوريا
مؤيد2011-04-03 17:17:35
اسألوا أهل الذكر والعلم
السلام عليكم ورحمة الله وبركاته الاخت الكريمة أنصحك أن تسألي علمائنا ومشايخنا عن هذه المشكلة فهي تتعلق بالدين ولا أظن أنه يوجد من بين المعلقين ومنهم أنا من سيعطيك جوابا شافيا والسلام عليكم ورحمة الله وبركاته
-سوريا
غزل2011-04-03 16:34:19
هيى السبب
السترى شي حلوومافيى شي اذا لبست القناع ومشان القنوات اليبحيى خالي هيى تغري وهدى شي موعيب ولا حرام وهيى حلاالو والله يهديون
-سوريا
RORO2011-04-03 15:28:34
خيركم خيركم لاهله
لك مشان الله حااااج تئلولهاتطيعو.هيك ناس مابدهون مسايرة لانهون بيتمادو بالشي اللي عم يعملو وبلاخر بيقتنعوانهون صح وملائكة وبالرغم انهون بالخفا بيعملو العمايل.. لك هاد كيف بدو يربي ولادو شلون بدهون يطلعو من تحت ايدي حرام تجني عحالها وعولادها ازا عندها ولاد لانهون رح يعيشو تعيسين طول عمرهون مشان جوزها يبين درويش وادمي ئدام فلان وعلان عحساب مرتو وعيلتو وشعورهون .لانو هيك واحد بيكون اخرهمو كيف بتفكرعيلتو شوبيزعجها شو بيئزيها وبيدمرها وطبيعي هيك تعامل بينتج ولاد غير اسوياء على المستوى الشخصي والنفسي
-سوريا
samer2011-04-03 15:09:20
يا داخل بين البصلة و قشرتها
ما رح يطلعلك غير الريحة ... ما بعرف شو دخلك بين المرأة و زوجها .. طالما عم يتفرجوا على قنوات إباحية ببيتهم مو ببيتك . . و طالما التنين رضيانين بهالشي .. فشو دخلك إنتي و مين أمرك تحكي عن حياة زوجين متفاهمين بحياتهم بمكان عام؟ عزيزتي الزاوية هون لنعرض مشاكل بتمس شريحة كبيرة من الناس .. مو مشكلة تنين متزوجين عم يشاهدوا قنوات إباحية و عم يفرض عليها النقاب.. أصلاً أنتي مانك طرف من المشكلة فشو دخلك بحياتهم؟ أختك اشتكتلك و هربت من بيت زوجها يعني... عجبي على معلاق السوريين 
-سوريا
أمال2011-04-03 15:03:57
يالله منك يا اختي
السلام عليكم يا اختي والله حيرتيني كيف انتي من عائلة ملتزمة و تزوجتي من رجل غير ملتزم على كل حال يا اختي اذا انتي بدك تعيشي مع هاد الأنسان عليك ان تطيعيه ولازم ترديه الى طريق المستقيم عليك بقيام الليل و الدعاء الله يهديه انشالله
الجزائر
الى وعي2011-04-03 14:58:50
الى (وعي)
بس بدي وجه تحية للمشاركة الي صاحبة باسم (وعي)
-سوريا
man2011-04-03 14:04:09
بلا خلط للامور
سيدتي اولا يجب عدم الخلط بين الدين و الحجاب و العلاقه الزوجيه بهذا الشكل. ثانيا طرحك للموضوع ناقص تماما فلماذا يطلب مثل هذا الطلب الا اذا كان له موجب و مبرر فقد يكون ما بدى منها اجبره على مثل هذا الطلب. ثم لم لا تحاول تقبله و اصلاح حال زوجها طالما هي ملتزمه و تلتفت الى تربيه اولادها تربيه صالحه؟ فلو كانت الامور وصلت الى حد لا يطاق وحاولت كل ما يمكن عندها يمكن ان تفكر بالانفصال مع الاخذ بعين الاعتبار انعكاسات هذا على حياتها و حياه ابنائها. و الافضل ان تلتزم و تصلح حالها و زوجها.
-سوريا
SUZAN2011-04-03 13:48:03
ليس من العيب ان تطيع
ليس من العيب ان تطيع الزوجةزوجهالانةشرعناودينناوعادتناوتقاليدنا تلزمنااطاعةالزوج ولكن ان كانت اطاعته بغيرحدودالله يحق للزوجةتركه وان كان ضمن حدودالله لايجوزلهاان تتركه وفي حالةاختك فهيةتعاني من شيء اخرعلى مااظن وليس الدين هوالسبب بينهمافهيةلاتستطيع ان تفرض عليه اللتزام بالدين ويمكنهاان تناقشه في ذلك بهدوءوبصيغت المودةوان لم يستمع اليهافعليهاان تتحدث الى انسان يستمع اليه ويحترمه وتشرح له وجهت نظرهاوكيف تفكروان لم تجدنتيجةتسرهافالتدعواليه بالهدايةعسى الله القادرعلى كل شيءيهديه
سوريا
وعي2011-04-03 13:39:09
دين
العنوان فيه خطأ بالتعبير , و اتمنى ان نعبر بدقة خاصة فيما يتعلق بالامور الدينية لانها مقدسة,فالنقاب من الدين الاسلامي و ان كان هناك بعض المذاهب التي لا تلزم به ,و كلا المذهبين صحيح , اما كون الزوج على هذه الحال فالاخلاق لها اولوية قبل الدين
-سوريا
Maestro2011-04-03 13:20:43
قـد يكـون !!!
ع فكرة،إحتمال زوج أختك عم يتفرج على هيك قنوات لأنه يحتاج لمساعدة في الإثارة،يعني لسبب طبي ومستحي يراجع طبيب..بس كمان ورد بالعنوان أنه بعيد عن أمور الدين والدنيا والعقل...هدول كلمات عليهن كذا علامة إستفهام،لأنه إذا ماكان بيطبق الحد الأدنى من فروض دينه"كأن يكون لايصلي مثلا"فهي شرعا لاتجوز له ويجب التفريق،هـي من وجهة نظر شرعية..في نقص بالقصة ماعم أقدر حدده،الهدف الحقيقي من طرحها أساسا ملتبس..هل هي رافضة مبدأ النقاب واللا خايفة من الإنحراف؟بالحالتين لازم يكون عندها شخصية وتتخذ حق القبول والرفض..
سوريا
Maestro2011-04-03 13:07:56
إذا كان رب البيت بالدّف ضاربا.....
عزيزتي الظاهر أنه أختك بدت تتمرد لما لقت أنه رح تبلش تحقق الشطر التاني من العنوان أعلاه..وضمنيا بدت ترفض زوجا بعد ماشافت اللي عم يشوفه،خصوصا وقت اللي بيطبقه..بإذن الجميع وبغض النظر عن فرض من عدمه،أي فرض تحققه إرضاء للناس ليس عن قناعة يدخل في خانة الرياء،ومو مضطرة تعمله طالما الناصح نفسه يأمر بغير مايفعل.في مثل قديم الظاهر زوج أختك ماشي عليه ألا وهو:الحرامي بيخاف على بيته من السرقة..لازم تقرر وبسرعة،هل هو أهل لينصلح وتستمر معه واللا الطلاق أستر وأفضل؟المسألة مو سهلة وقد تحمل عواقب وخيمة..
سوريا
مغتربة2011-04-03 13:11:07
العصر الحجري
لك شو تطيعو ليش شو هية مرتو ولا غرض من اغراض البيت بتحكم فيا كيف ما بدو اصحو يعني لو تنقبت رح تعيش بامان لك بيا عصر نحى حاجة لهل الكلام الفاضي والمصدي وشو المعلقين بيقولو لازم تطيعو لك ما بطيع غير لبربي الي خلقني نقطة انتهى , بعدين لو اظاعت بالتنقيب بكرا بيتحمك فيا بكل شغلة صغيرة وكبيرة وفهمكي كفاية.
-ألمانيا
عامر2011-04-03 12:37:04
طلقية
برأيي افضل حل الطلاق لان الموضوع مو موضوع نقاب الموضوع انو زوجها منافق
-سوريا
هنوده2011-04-03 12:17:37
لا تنازل
اترکیه
-سوريا
فريد2011-04-03 11:46:09
المهم قناعتها، فإن لم تكن مقتنعة فلا وألف لا
إن طاعة المرأة زوجها في شيء تجده خاطئاً جداً ولا تقبل به ( بغض النظر عن رأي غيرها بصحة الأمر أو خطأه ) يعطيه رسالة بأن لا رأي ولا شخصية ولا احترام لها، وستعاني معاملة زوجها لها دائماً بفوقية وسلطوية واحتقار، وهذا سينعكس على أبنائها الذكور خاصةً لأنهم سيعاملونها بالطريقة التي يرون أباهم يعاملها، تخيلوا حياة المرأة وهي تعامل باحتقار من أبنائها
-سوريا
ليسا2011-04-03 11:20:21
هيك الله وصاكم بالمرأة
ولي.... ولي وانا يلي كنت عم قول مابتزوج غير رجل شرقي وماباخد غير من شباب بلدنا ولي اذا كنتو عنجد بتعاملو المراة هيك خليني هون اشرفلي
-بريطانيا
نور الشام2011-04-03 11:15:59
بيتقطع البي لما بشوف هيك ناس بيناتنا
الله يرحم اهل المثل ........ قال الحرامي بيخاف على مالو والزاني بيخاف على عرضو والمرأة الحرة بيتقى حرة .. يا حرام شوفي ناس ناقصها تعليم ؟؟؟؟؟؟؟
-سوريا
مغترب2011-04-03 11:12:12
من انصار المرأة
انت يلي عم تقلها لازم تطيع زوجها روح طيع ربك بالاول انا ماني عرفان ايمت بدكم تحرروها لهالمرأة ببلدنا بطلو تعاملوها على انها غنمة عندك لك حرااااااااام روحو شوفو الغرب شلون بيقدس المرأة بيحطها عالراس وانتو بدوسو عليها
-النمسا
سيدةنفسي2011-04-03 11:06:03
بموت ولا بتزوج رجل شرقي معقد ومغرور
من واجب الزوجة أطاعة زوجها ضمن حدود العقل و المنطق , فماذا لو كان من يأمرها بعيدا ً تماماً عن أمور الحياة والدين والعقل .... وبصصفتو شو لحتى يجبرها ومين هو حتى تطيعو والله مابطيع غير ربي وحاجة .. لسا مفكرين المرأة غنمة عند الرجل .. تضرب هالعقلية .. اطلعو من هالمرض بئا اطلعو
-سوريا
Laura2011-04-03 10:56:46
لا بأس في ذالك
الواجب ستر الوجه عند الاجانب ورضا الله لا يعادله شئ فلتطيع الزوج في الله لانه لا يامرها الا بمعروف والطاعة واجبة ..وانصحي اختك تتقرب اكتر وتدعي لزوجا المشكلة هون عند اختك هي الي عم تتغير ..وفقك الله
-سوريا
رايسا2011-04-03 10:49:10
حسبي الله ونعم الوكيل
الله يعين اختك ع هيك بني آدم ,, ناس بتعمل حالا صاحبة دين وملتزمة وهيي من جوّا استغفر الله العظيم ,, الشغلةتبع هالزلمة نفسية ,هوي بيعرف حالو غلطان وبيسمح لحالو يطلع ع بنات العالم ف بيفكر كل الناس متلو ولهيك بيتشدّد لانو بيخاف حدا يعمل باهل بيتو متل ما هوي بيعمل,,, برايي تخلو اهلك او حدا من كباريةالعيلةاو شي شيخ انو بنصحوه انو يبطل هالافعال فازا اقتنع كان بها وازا ما اقتنع فأبغض الحلال لانو هيك انسان صعب يكون اب لعيلة ورح يصير عندو صبيان وبنات ورح تستمر المشكلة
-سوريا
نفس المشكلة2011-04-03 10:16:32
11
يا اختي أنا نفس المشكلة مع زوجتي بس يجب اطاعة الزوج من اطاعة الله ورضا زوج من رضا ربنا
السعودية
يزن2011-04-03 10:15:16
معو حق
اول شي اختي ماعليكي الا الصبر تاني شي هاد جوزك وسترك لازم تطعيه وماتقوليلو لا واهم شي عم يقلك عملي منيح لك حمدو ربكون في عالم لسا عم تقول لنسوانها لبسو وربي صح هو عم تقوللي مال ملتزم بس انتي التزمي وادعيلو وربنا بيسر معو حق والله يوفق
سوريا
محمد2011-04-03 10:03:01
اكتر منهم مافي
هي اسمها التلبسة تبع بعيد عن الدين كل البعد وبدو يطبق الدين على غيرو اي يروح يطبق على حالو بالأول
سوريا
RORO(بليز نزلولي التعليق)2011-04-03 09:43:41
يبعتلوحمى من بين ا لرجال.
الدين موصلى وصوم وحجاب الدين التعامل والاخلاء. برايي ازااختك ملتزمةوبدهاتحافظ عالتزامهاتطلئولانورح تنحرف متلوهلاعم تشوف افلام اباحيةشوي تانيةماعاديعجبها جوزهاشوي تالتةبتصيرتحب علي لاسمح الله.اوينصلح حالو.برايي مولمشكلةانوعم يطلب منهالنقاب المشكلةانورح يفسداخلائها.الرجال لمن يكون رجال عنجدبتعاملومعها واخلائوودينووتصرفاتووكل شي بيبدرمنوبتعمل كلشي بيطلبومنهابطيب خاطر.وبينعكس هالشي عاخلائها وتربايتها لولادهاامالمن يكون مرائي وب60وش تبعدعنواحسن خصوصي ازا مافي ولادلانو ما خرج يربي ..
-سوريا
حسام2011-04-03 09:25:41
الله يسترنا ولا يتوه لنا راي
ان لم ترغب اختك بالانفصال منه فعليها اطاعته بما يتوافق مع دينهاوان تعمل جاهدة على ابعاده عن تلك المحرمات بالاسلوب الذي تراه مناسباوان تدعو له بالهدايةواذا كان يسيء لها فعليها اتباع اسلوب الصدمة لان هذه المحرمات من الصعب جدا تركها الا بصدمة فعليكي ان تصغي لافكاره وتسايريه للحظة معينة تتراجعين عن كل افكاره وتخبريه الى هذا الحد بلغت بك الوقاحة ثم تقومين بنصحه فان تاب وتراجع يكون افضل مما كان من قبل والا لكي قرارك بالنهاية بتركه واخيرا انك لا تستطيعن ان تهدي من احببت ولكن الله يهدي من يشاء.وشكرا
-سوريا
ابو العززززززززززز2011-04-03 09:35:18
طبعاااا
طبعا رح تصير متلو مهن بوش بعض طول النهار وما في مهرب وطبعا اهلك بالبداية فرحو كتير لانو كان باين علي التدين اكيد الحل انو اختك ما تستسلم لجوزها ما تنسى يلي تربت عليه واكيد لا اكراه بالدين حتى الحجاب نفسو بالاكراه ما بيصير ولازم اختك تختار يا تمشي متل ما بدو وهاد غلط يا امى ما ترد عليه بالمنطق طبعا ومتل ما هي ترتبت يا اما خلص بلا هالجوازة من اصلو .
-الإمارات
رامي 2011-04-03 09:34:18
الاسلام
اولاًالحجاب واجب على المراة يااختي وهو ادعي لوالله يهديه
السعودية
مسلم2011-04-03 09:30:16
نصيحة
السلام عليكم .. اختي ا لكريمة لا تملي من عندك ان النقاب ليس من ديننا هذا خطأ كبير والادلى كثيرة وواضحة تستطيعي البحث عنها. اما بأن تربطي الوضع الخاص لزوج اختك هداه الله وتعممي هذا على العام ليس بالصواب فالدين عام .. والشيء الثاني اختي الكريمة انصحك بإصلاح ذات البيت وطاعة الزوج فوق كل طاعة وهو لم يأمرها بمعصية فالطاعة واجبة وانصحي اختك لا ان تشجعيها على زوجها ..خذي كلامي على انه نصيحة فقط والله الموفق
-سوريا
soso2011-04-03 09:21:15
وين المشكلة
يا اختي مع اني برفض تكون اختي مقادة يعني اذا حطيتي النقاب ما رح تخوني زوجك ولا اختك اذا اطاعت زوجها ما بتكون مؤمنة
-فرنسا
هبه2011-04-03 09:20:03
الدين ما مظاهر
طبعا لا ,,,,لو هيي حاطه النقاب بس لانه امرها لا تشيلو الدين ما بيكون من برا الله الله ومن جوا يفضح الله ,,,اصلا لو مانو واحد مابخاف الله وما اللو علاقه بالدين و مبصبصاتي ماكان لبسها النقاب بس لانه هوي ببصبص عالبنات ونفسيتو تعباني ماكان امرها بهالشي
-سوريا
غرام2011-04-03 08:52:24
يامرووووووووووووون بلمعروف وينسون انفسهم
والله هل قصه بتعصب- الي بعمرو ما عصب - زوج اختك هاد بدو شي بدن مرتب بلكي بيصحى
-سوريا
غرام2011-04-03 08:39:04
معقد
خلي زوج اختك - يروح يفهم شو يعني اسلام وبعدين يتفلسف - مو قدام الناس شيخ وبلبيت بيطلع ع هيك قنوات - الدين اخلاق كمان -( اعبد الله كانك تراه فان لو تكن تراه فانه يراك )
-سوريا
غرام2011-04-03 08:33:46
مريض نفسي
من حق الزوجه انو اطيع زوجها بس - ضمن حدوود الشرع -يعني مو عبوديه - بعدين - زوج اختك عامل الدين ليغطي فشل نفسيتو المريضه- ومين قلو انو النقاب فرض بلشريعه -شو حضرتو ما بيعرف انو هيك قنوات حرام ولا بس بيعرف يتستر بلدين
-سوريا
متفيقه2011-04-03 08:24:33
عشنا وشفنا
يعني شو هالسؤال ؟؟؟ انا برأيي تروحي تفكري كيف بدك تربي اولادك انت وزوجك احسن من انك تسألي ناس بعضهم لا يفقه من الدين شيئ ويتبع هواه متل زوجك .
-سوريا
فارس2011-04-03 08:14:11
حمقاء
مع احترامي الها بس هاد اسمو حماقة لو شو ما كان بيعمل وطالما لساتها زوجتو ما بصير تجي وتحكي عليه لمين ما كان تروح تحكي معو وتتناقش معو معو تقول لاهلها واختها
قطر
منذر2011-04-03 07:41:22
لا أكثر و لا أقل
لا طاعة لمخلوق في معصية الخالق
-سوريا
عمر2011-04-03 07:39:01
الله يهدينا
والله يا اخت انا بنصح بمسايرته وتلبس النقاب بس بالنسبة للقنوات الاباحية فهي الشغلة لازم هي اللي تبعده عنها بطريقة ظريفة وما تزعجه وتكمل واجبها اتجاهه على اكمل وجه والله يوفقها
سوريا
وسام2011-04-03 07:20:25
هيك لكان
لا إطاعة في معصية الله هذا رأيي و النقاب ليس معصية لله بل على العكس حتى لو كان زوجها غير ملتزم بأمور دينه على الإطلاق . على اعتقادي يجب أن تطيعه بكل شي إلا المعصية, الله يوفكن .
-سوريا
أبو محمد2011-04-03 05:52:58
نصيحة
أطيعي زوجك مالم يأمرك بمعصية قال عليه الصلاة والسلام ( لا طاعة لمخلوق في معصية الخالق ) وذكريه بالله وباليوم الآخر ربما يكتب الله له الهداية وتوكلي بذلك على الله والتجئي إلى الله بالدعاء أن يصلح حاله ويعيده إلى صوابه فالفطرة الإيمانية موجودة في قلب كل إنسان لكن تحتاج إلى من يوقظها ليعود إلى صراط الله المستقيم، وبالله التوفيق وهو المستعان وعليه الاتكال
السعودية
حلبي مغترب2011-04-03 05:06:26
سؤال محير
يعني بصراحة الجواب حسب ثقافكتن. إذا كنتوا متدينيين متشددين أو سلفيين فأكيد لازم تطيعيه وإلا راح تصير مشاكل. أصلا هيك نوعية من الأزواج بخوفوا وبما انك تزوجتيه فأنت المسؤولة عن قبولك به. وإذا كنتوا ناس متحررين فكل شي بالتفاهم بصير وأصلا في الزواجات الحضارية لا يحق للزوج فرض شيء على مرته إلا بالتفاهم وبرضاها. باختصار الجواب يعتمد كليا على الخلفية الثقافية والاجتماعية للزوجين.
-سوريا