syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

عمري 25 واقمت علاقة في الخارج مع امرأة في عمر الـ 44 كلما اردت تركها تبكي .. انصحوني؟
اسأل مجرب

للغربة في كثير من الاحيان ثمن باهظ يمكن ان يصل الى ان نبيع انفسنا للحصول على المساعدة


يقول صاحب الرسالة " انا مقيم في الخارج واقمت علاقة مع امرأة عمرها 44 سنة وانا عمري25 وكل ما اريد الانفصال عنها تبكي كثيرا واشعر بالحزن عليها"

يتابع "ماذا افعل اريد ان اتركها بنفس الوقت ما بدي اجرح مشاعرها لانها ساعدتني كتير وما قصرت وقت الكنت بأشد الحاجة بالغربة ... انصحوني؟"


2011-03-10 21:17:04
شاركنا على مواقع التواصل الاجتماعي:



شارك بالتعليق
عبدو الائشطة2011-03-20 04:31:29
الحل الوحيد
خليها عم تبكي خخخخخخخخخخ
سوريا
RORO2011-03-17 14:17:35
زل بلدي كرامة
ئتل حالوعالغربة مشان يتبهدل يعني اكيدانت بعت حالك مشان الاكل والمنامةليش ماكنت عم تاكول وتنام ببلدك ولا طعم الزل غيرعكل حال موهي قضيتك.هي مابيحئلها تزعل انك حتتركهالانومتل ماهي ساعدتك انت دفعت التمن والتمن اللي انت دفعتواكيداغلى بكتيرمن المساعدةاللي ئدمتلك ياهاحتما.بالنتيجةاستغلال متبادل وهلا من حئك تعيش متل انسان عندوكرامةوحرية التصرف بجسدوعلى الاقل اتركهاوازا موئادرتعيش بالغربةاكتر(بكرااامة) بنصحك ترجع عبلدك وتعيش حياة نضيفةلان ماحتلائي متل بلدك شوماكانت ظروفك ئبل الغربةبكفي اهلك حواليك
-سوريا
عاشق الغيوم2011-03-16 17:29:35
الإستاذ سامر
شو القصة انو الكل حاطط السيد سامر و نازل عم يحكي عنو شو السبب ليش مو كل واحد يعبر عن حالو و يترك غيرو يعبر ............؟
-سوريا
لونا2011-03-13 18:14:40
في ناس بلا مخ
نص الشباب بيفكروا يسافروا مشان العلاقات لان النسوان برا متل النمل وكل ممنوع مرغوب ولما بيرتبطوا باجنبية عاملة السبعة وذمتها وبتاخد ولادن بيندموا وبيبكوا لترضى فيهن بنت من بلدن بس بعد فوات الاوان يااااااااااااااااااااااحرام
-سوريا
عاشق الخبيرات2011-03-13 18:01:42
الفارق 19 سنة بس
عزيزي صاحب المشاركة: لما حبيت هالست المحترمة ما كان الفارق بينكم 19 سنة ولا زاد الفارق مع الأيام؟ أكيد الفارق نفسة يالأيام من وقت ما التقيتوا فانت عارف انها أكبر منك ب 19 سنة بس و هي مو مشكلة ظهرت بعد ما حبيتوا بعض: فليش عم تشتكي؟ خليك انت سيد الموقف و قرر و بيقولوا: يلي طالع ال..... عالمادنة هو يلي بينزله...ولا شو؟
-سوريا
سامر2011-03-13 12:11:01
الى الي بيعرف بيعرف
ان من موقعي بدبي و عايش في امستردام و كولون كل شهرين بلوس انجليس و من حكم عملي اسافر كثيرا, ارى انك مخطء و مصيب الشباب العرب لهم صيت سيئ جدا في الغرب و خصوصا اوروبا, اذا كانت الفتاة تبحث عن علاقة جدية, والمسألة ليس لها علاقة بكونه سوري أولأ الوروبيون معظمهم ينظرون الى شخصيتك كشخص يؤسفني ازا انت فايت بالحيط لا يعني ان هذه عنصرية ضد شباب العرب
-سوريا
عربية والحمد لله2011-03-13 11:21:47
تحياتي للجميع
نقل فؤادك حيث شئت من الهوى ما الحب ألا للحبيب الأول... كم منزل في الأرض يألفه الفتى وحنينه أبداً لأول منزل......؟ هذا للحبيب فكيف يكون حنينك وأخلاصك للوطن وأهل الوطن..؟ سؤال لكل مغترب... الى صاحب المشكلة اذا كنت بتحبها فعلاً أرتبط فيها على سنة الله ورسوله فالحب لا يعرف فارق العمر ...
-سوريا
مغترب2011-03-13 07:35:10
عمري 25 واقمت علاقة في الخارج مع امرأة في عمر الـ
if you see she is fine and you feel good about her there is noproblim there are so meny examble with age difrences and in the end its your choise.but dont leave her now beacuse you are in a better condetion and dont forget her help when you needed.
-تايلاندا
يلي بيعرف بيعرف2011-03-12 21:53:01
ويلي مابيعرف الله يعينو
المصيبةوالطامة الكبرى بالموضوع انوالشعب بسوريا بيفكرانوالاجنبيات بتركد وراالشب ركد وانا من موقعي في المانيا اعلن للجميع ان الفتاةالغربيةوخصوصا من اوروبا الغربية-المانيا فرنساالنمساسويسرا واسكندنافياهولنداوبلجيكا من سابع المستحيلات ان ترضى امرة من هذه البلدان باقامة علاقة مع عربي الا في حالات استثنائية عندما يكون ذلك الشخص سوبرمان بالمواصفات شكل ومضمون وعلم غير هيك مستحيل ومعلومة اخرى انو البنت في هذه البلدان تتفوق وبجدارة على النساء العربيات ولا يمكن المقارنة الرجاءالنشر ياسيريانيوز الحبيبة
-ألمانيا
وحدة بالاربعين 2011-03-12 21:05:10
حرام الظلم
اللي علق عالمرة بالاربعين إنها عجوز ومابعرف شو بئلو إنتي غلطان لأنو في كل وحدة باوروبا وبسوريا بالأربعين وبضلها محافظة عجمالها وبنت العشرين مابيطلعلا معها ولاتنسوا هي أجنبية وبتكون عمتعمل جيم يعني جسمها حلو.
-سوريا
B M2011-03-12 18:06:34
الحق يقال
اخواني لا داعي لاثارة الحقد والكره وفي وقت مطلوب ان تعطي رايك بموضوع اولا صياغة الرسالة بهذه الطريقة خطأ وهو ما يجعل اغلب المعلقين يدخلون في مناقشات في غير محلها يجب ان يكون هناك شرح وافي لاعطاء الاجابة بحيث يتحمل صاحبها اجابته من ناحية الدين او الاخلاق او التربية او العلاقات الاجتماعية او المادية كلها عوامل موجودة . الرجاء لا احد يعمم ولا احد يصف الاخر باوصاف لا تليق به ولا باخلاقة او تربيته او علمه اعطي ردك وحاول ان لا تجرح احد اذا لم نتفق على ابسط الامور فكيف نتقدم.
-الإمارات
المهندس محمد2011-03-12 18:00:47
نصيحة
أخي الكريم ما الذي تقصد بأنك أقمت علاقة ؟!؟ هل هو زواج شرعي أم زنا ؟!؟ فإن كان زواج شرعي فلماذا تنوي أن تتركها ؟!؟ و إذا كان زنا فهل تريد أن تزني مرة أخرى بل مرات ؟!؟ أقول لك العمر له دور لكن إذا كان الزواج شرعي فالله يعينك . أقول في الختام إتق الله و إرجع لأهل العلم لتجد الجواب الشافي لك بإذن الله .
سوريا
متهم بالاحساس 2011-03-12 17:26:38
بدها موقف روجولي .."ثلاث جدهن جد وهزلهن جد"الطلا
انا بعكسك انا بحب وحده عمرها 37 وانا عمري 24 وانا بحبها كثير وناوي واتزوجها بس لي هي رافضه هذه الشي وكل مره بتحجج بشي معين فرق العمر مو مهم الاهم في السعاده .. وخلك رجال وقد موقفك لي فوت فيه : ثلاث جدهن جد وهزلهن جد"الطلاق والنكاح والعتق" .. حديث شريف
سوريا
ابو فهمي2011-03-12 15:41:34
مو فهمان
من الطبيعي بدها تبكي .. كيف بدها تلاقي واحد غيرك تقبل نفسه عليها خاصة انها عمرها 44 سنة . . وبجوز تكون فوقها بشعة ويمكن غليظة ودمها تقيل والله أعلم شو في مواصفات غيرها . واذا كان الموضوع زنا شغلتك صارت كتير كبيرة وبدك تراجع حساباتك قبل ماياخد الله أمانته .
-سوريا
مالك المالك- موسكو2011-03-12 15:36:46
الى أبو صبحي المحترم
لك يا اخي والله حرام هيك نصايح منك . يعني لو الزلمة أخوك ترضاله أن يتجوز عجوز .؟؟ الا تذكر حديث الرسول عليه الصلاة و السلام ( تزوجوا الأبكار فإنهن أعذب أفواهاو افتح أرحاما و اثبت مودة) و الحديث الثاني ( تنكح المرأة لأربع لمالها و لحسبها و لجمالها و لدينها فإظفر بذات الدين تربت يداك) ما توقعت منك هيك نصايح يا أبو صبحي
-روسيا الاتحادية
سامر2011-03-12 15:10:03
الى عاشقة سوريا
اني كشب سوري اتمنى لكي ان تجدي شب يحترمكي و يقدر مشاعرك, و يخلص لك و ان تأسسي عائلة كريمة عنوانها الحب و الاحترام, ونحنا كشباب سوري مقيمين بالخليج: من يحترمنا و يكرمنا فاننا نحترمه و نقدره عشرة اضعاف, و لقد اعجني فيكي مدحك للشباب السوري في الخليج بينما للاسف شباب الغربة في اوروبا نازلين تجريح فينا و محسبينا عمالة جربانة او مهنيين او عالة عل المجتمع, انني في هذا المنبر لا اقصد الاساءة لاحد و على جميع الشباب يجب ان يعرفو: ان وين ما رحت ووين ما جيت و اي جنسية اخدت: بتظل اسمك سوري و لك الفخر.
-الإمارات
سامر2011-03-12 15:04:55
الى السوبر فهيم مالك + احلى فودكا
هاهههه,والله ضحكتني, قلتلي من روسيا و شهادات عليا؟؟,و من وين عم تجيب اقوالك انو معظم الشباب مهنيين بالخليج؟, حبيبي خلينا ساكتين و ما بدنا نحكي للقراء الكرام مين بيجي لعنا على الخليج من روسياو اوروبا الشرقية,انا ما بدي فوت معكم بنقاشات عقيمة بس كلمتين:الخليج هو ملتقى الشركات العالمية و يلي ما معو كفائات و شهادات ما بحصل راتب عالي و حياة كريمة و انا شايف معظم الخريجيين من عندكم عم يقتلو حالون ليحصلو وظيفة عنا و انا كشاب سوري و الي الفخر ما حدا طلعلو معي و هادا توفيق من الله و فضل لسوريا يلي كبرتني
-الإمارات
المحلل2011-03-12 14:59:49
لاتتركها
اذا تركتها لح تندم لأنو تعودت على الأهتمام الزايد والحنان وهاد صعب تلاقي بهاد الوقت
سوريا
abd2011-03-12 14:54:22
مهم جدا
في فرنسا التعرف على فرنسية هو امر صعب جدا جدا بسبب الصورة العربية السيئة في الوقت الحالي و هذا لم يكن سابقا...فكيف اقامة علامة معها .... احلى اشي اني الشعب بسوريا مفكر يلي بيسافر قام البنات يلاقولوا بالمطار...منشان يقيم مهون علاقة و الله ما ادري اذا في بعد نظر ببلدنا!!
-سوريا
لادقانى بكندا2011-03-12 14:11:32
الى سامر وطارق وامثالهم
أنا مع دكتور برشلونى 100% بعدين انا عشت بكندا وعايش بدولة خليجية وشايفين يلي عم يصير مع السوريين من الكفيل والخروجية ويا طويل العمر انا ما عندى مشكلة لانى بشتغل مع شركةبنية تحتية اوروبيةوان لهلق ما شفت اوربيات عم يركدوا ورا سوريين ما بدون يتكلموا انكليزى ولا لغة تانية (بدون تعميم) انا متجوز اجنبية ومبسوط وفى متجوز عربية ومبسوط ببساطة انك لما ببتجوز السورية بدك تتجوز العيلة معها وعلى هدايا ومصاريف وحكى كتير ومقارانات مع اهلها مع الاحترام للجميع
-كندا
أبو صبحي -KING2011-03-12 14:01:55
ماتغلط
مدام المخلوقة سا عدتك ووقفت جنبك وقت ضعفك من العيب اخلاقا والحرامشرعا تتركا بعدين انت فيك تعرض عليها الزواج مقابل تلتزم معك بحياتك وتوضحلا أمكانية زواجك باخرى وهي على زمتك
سوريا
سامر22011-03-12 14:02:14
شلشتنا
طيب خيلينا نعرف هي علاقة متل ما قلت و لا زواج نظامي؟ اذا علاقة بسيطة رح تزعل عليك متل ما بيزعل طفل علعبة و راح تلافي لعبة غيرك. بينما اذا كانت القصة زواج فهي بتعود الك والا ولضميرك اذا كان عندك , لأن شرط الزواج الاساسي نية الديمومة
-سوريا
عاشقة سوريا2011-03-12 13:56:51
إلى سامر
مو بس بأروبا حتي في الخليج السوري مطلوب لانو رجاااااال والرجال قليل ويارب يكون من نصيبي
-السعودية
مالك المالك - موسكو 2011-03-12 13:32:06
الى سامر مرة أخرى
هنا الناس سواسية و لا احد ينظر بأحتقار الى أحد طالما لم يقوم بعمل مشين ولعلمك ان أكثر دول العالم عنصرية في الممارسات هي بلادنا العربية ...هل يقبل سعودي أو اماراتي أن يجلس بجانبه بالطائرة شخص هندي أو بنغالي ؟؟؟ أو باكستاني ؟ ثم ما الغلط بحصولنا على جنسيات أجنبية ؟ لا أحد يحق له طردنا من هذه البلاد الى الأبد بينما انت و أمثالك لأبسط الأسباب يتم تسفيركم . نعم أنا أوافقك في أن الأوربيات يرغبن بالشباب السوريين اذا كانوا من أصحاب الشهادات و الأخلاق الحميدة و ليسوا من السافلين و المنحطين أخلاقياً .
-روسيا الاتحادية
مالك المالك - موسكو 2011-03-12 13:25:27
الى المخرف سامر
اغلب الشباب المهاجر الى أوربا من السوريين هم من أصحاب الشهادات العليا ( هجرة عقول) و الغالبية من المهاجرين الى الخليج هم مهنيين . الإنسان في أوربا محترم بعلمه و عمله لذا تجد المئات من الألوف تريد اللجوء الى أوربا و لم نسمع عن احد يريد أن يلجأ الى الخليج . مشكلتك أنك تتفرج كثير على التلفزيون السوري يلي مصور لك أنوا سورية جنة الله على الأرض . بالنسبة للبنات اللواتي يحلمن بمصاحبة السوريين ....فيبدوا أن أعمارهن قد تجاوزت الأربعين سنة
-روسيا الاتحادية
]Deutschland2011-03-12 13:09:02
normal
عادي واقل من عادي يا اخي الكريم وصدقني اي اجنبية مين ماكانت تكون وكيف ماكانت تكون احسن بمليون مرة من بنت عربية واريحلك من وجع الراس والنكد وسم البدن والمظهرجية اي والله والله يتقلولي اجمل بنت عربية بالدهب ما بتزوجها وانشالله مابتزوج غير المانية ...لذلك روح العب بعبك حبيب لانك ارتحت من بنات الاعراب . الرجاء النشر يا سيريانيوز حتى وان كلامي لن يعجب مرقبة التعليقات...بس هيدا رايي الشخصي وبتمنى تحترموه.
-ألمانيا
نجدت أباظة - القفقاس2011-03-12 12:44:04
الى الأخ المغترب
من عنوانك ظهر أنك مغترب بالشرق في أفغانستان . بالنسبة لوضعك فأنا انصحك بالتريث قليلاً خاصةً أنه حبيبتك مازالت صغيرة بالعمر (48)سنة فلازم تعطيها مهلة للتفكير 3 أو 4 سنوات لأنها طفلة صغيرة و غير قادرة على إتخاذ القرارات السليمةلوحدها . بعدين دخلك نسوان افغانستان مسلمات فشو مشكلتك بالديانة معها ؟؟ لا يكون حضرتك من اتباع الديانة الهندوسية ... وللناس فيما يعشقون مذاهب
روسيا الاتحادية
مالك المالك - موسكو2011-03-12 12:26:07
الى المغترب في أفغانستان
لا سيدي ماراح يظل معها ..شو الشغلةبكيفك ؟ إذا أنت من هواة العجايز و الختيارات لإخليك في هوايتك ...قال شو أنا عمري 33 سنة و هي 48 سنة ...زقال مغترب و وين ؟؟؟ بأفغانستان ...بالمناسبة عندي صديق من ماليزيا والدته 57 سنة ...شو رأيك ؟؟ حط عقلك براسك وفكر و المهر علينا
-روسيا الاتحادية
سامر2011-03-12 12:26:23
الى دكتور برشلوني ولي على شاكلتو
حبيبي اول شي انا ما بعت وطني و اخدت جنسية تانية,و لا بدي سافر على اروربا يلي نصها شحادين و ازمة اقتصادية,لو كنت رجال انت و غيرك بتطلع بتشتغل بجنسيتك السورية, تانيا انا الناس هون و خصوصاً الاوربيين ما بينظرولي نظرة احتقار و دونية متل حضرتكون,انا بمشي دائماً رافع راسي و كتير ناس بفتخرو فينا انو نحنا شباب من سوريا و احلا بنت من عندكم بتتمني تصاحب شب سوري, ثالثاً و الاهم انا جواز سفري معي بجيبتي و الكفيل او الخليجي يلي عم تحكي عنو حضرتك: عم ببوسو سباطو باوربا مشان يجي يعمل سياحة عندكم
-الإمارات
بسمة2011-03-12 11:59:06
...
للاسف هذا حال معظم الشباب, بلاد الاغتراب لديهم فرصة لاقامة العلاقات غير الشرعية, لو كل مغترب كان سفير لدينه واخلاقه وبلده لاصبحنا في افضل حال.... الظروف ليست مبرر للانتهازية واستغلال الاخرين وتجرد من الاخلاق والمروءة وبعد ذلك كله ندعي الشرف والفضيلة...
-سوريا
haysamm2011-03-12 12:08:37
خليك معها بنولك ثواب
برأيي خليك معها لأنو ثوابك كبير عند رب العالمين بإعتبارك عم تجبر خاطر إمرأة وحيدة وحتى لو تجوزت بنت صبية فخليك معها ولا تخليها لحالها .. كلو ولا كسر الخواطر
-سوريا
عماد2011-03-12 11:58:09
سيريا نيوز
معها حق المراة بتبكي على فراق ابنها
سوريا
مغترب2011-03-12 11:34:58
خليك معها
حبيبي انا شب متلي متلي بس انا عمريي 33 والمرا الي بعشقها عمرها 48 وماني مستفيد منها بمصاري ابدا ........ بس انا مشكلي انا من دين وهي من دين تاني شو الي جابرك تتركا ........... الواحد بعيش كل حياته حتى يلاقي شخص يحبه وانت لقيت هدا الشخص .... نصيحتي ضل معها
-أفغانستان
مغترب بالخليج و باوربا2011-03-12 11:18:49
حاجة خبط ببعضكم يا سوريين
لا جلي صحون ولا كفيل هالحكي عيب...كل واحد الله يعينه على وضعه, اشتغلت باوربا بكل احترام كموظف ادراي و رجعت عالخليج عند شركة اجنبية بالمنطقة الحرة لا كفيل و لا هم يحزنون, انا كمدير تجاري بشركة يابانية و بلا فخر و سوري مغترب لا ازدري الناس حسب أوضاعهم أو أعمالهم, و من أكثر الاعمال التي أقدرها هي عامل النظافة الذي أراه و أحييه كل صباح و هو يؤدي مهمته الهامة جدا بالنسبة لي و لا استطيع العيش سواها, والله ارى عمله أهم من عملي في خدمة المجتمع و الانسان, تحية لعمال النظافة, و تحضروا قليلا يا شباب
-سوريا
مالك المالك - موسكو2011-03-12 11:28:24
الى بعض الجهلة و منهم طارق
اخ طارق أتمنى أن تكون موضوعي و تتكلم بضمير . و بعدين ممكن تشرح لنا يا شاطر شو هي الجنسيات و القوميات يلي تسوى ؟؟ و شو القوميات يلي ما تسوى ؟؟؟ حابب أعرف يا سلامة فهمك هل سمعت ياالأية الكريمة(ايها الناس انا خلقناكم من ذكر وانثى وجعلناكم شعوبا وقبائل لتعارفوا ان اكرمكم عند الله اتقاكم ان الله عليم خبير ) أنتظر ردك
-سوريا
مالك المالك 2011-03-12 11:13:59
مع الدكتور برشلوني 100%
أنا أؤيد كلام الدكتور برشلوني بالكامل .....و الله لم يحكوا مع الكفيل بين كل كلمة و كلمة يا طويل العمر و يا طويل الز....ومن يغضب عليهم يركبهم الطيارة ..وعلى بلد المحبوب وديني . بالنسبة للأخ صاحب المشكلة فأرجوا منه تركها لنه بعد 10 سنوات راح يكون هو في عز شبابه و هي تصبح عجوز و يصير في وضع أتعس من وضع اليوم
-روسيا الاتحادية
الباشا2011-03-12 10:43:07
خليها تبكي
ميت ام تبكي ولا امي تبكي .. شد حالك شوي
سوريا
Iman2011-03-12 10:27:27
to Wahde
المنام كتير حلو عمتمري بصعوبات باتجاه الفرج ان شاء الله لانو المشي حافية عالرمل هو رمز صعوبات الغربة باتجاه البحر هو الرزق الواسع باذن الله الاحد
-بريطانيا
ahmed 2011-03-12 10:09:20
الإسلام هو الحل
يا أخي : أنا أقول لك أن تهديها إلى الإسلام و تتزوجها إن كنت تستطيع ، و أن تتزوج بنت من بلدك و الشرع حللك ، يعني أن تصحح علاقتك معها و الإسلام هو الحل لانك بذلك ترضي الله و هي الغاية و ترضي العباد و أنت تقول أنها تساعدك ، فلا تدري يمكن أن تدخل الجنة بحسنتها ،، اللهم إغفر لنا و تجاوز عن سيأتينا ، أمين يا رب
سوريا
رحاب2011-03-12 10:00:43
لو كانت بنت التي تعرض المشكله؟؟؟
لاحظت من تعليق القراء على المشكله كأن اقامة علاقة الشاب مع هذه المرأة شي عادي ويبحثوا له على حلول وكأن اقامة العلاقه من عادات بلدنا ,, حاولت ان اتخيل لو السائل هي بنت وتقول اقمت علاقه مع رجل,,,ووو,, فماذا ياترى سيكون تعليق القراء؟؟؟اتوقع سوف يطلبوا من اهلها ان يسنّوا السكين ليزبحوها لازالة العار ,,,,,,
-فرنسا
أيمن2011-03-12 09:44:28
لكل شيء حل
أولا قبل ما نعلق لازم اولا أن نضع نفسنا في الظروف التي أحاطط بالشاب . أنا بقترح أنك أتخلي علاقتك بها ضمن الصداقة وتخلي الباقي للزمان و هو اكبر نعمة من الله لمحوا اي شيء في الدنيا
-سوريا
SUZAN2011-03-12 09:17:19
علاقة اساسهاخاطئ
علاقتك كانت من اساسهاخاطئ يمكن ان تكون وقفت الى جانبك في اوقات صعبةومواقف كثيرةولكن المشكلةليست عندهابل عندك لأنك على مايبدو تحمل لهامشاعر المودةوبعض الحب لكن لاتنسى انك من مجتمع شرقي له عادات وتقاليديجب احترامهاوان كنت تريدتركهاحاول ان تبين لها وجهة نظرك ولماذاتريدتركهاوحكم عقلك في هذا الموضوع لانك ان لم تنهي الموضوع فانه سوف يسبب لك المشاكل في المستقبل حاول تركهادون ان تجرحهااي بالمسايرة والكلمةالطيبة لانهاومهماكانت تبقى بشر ولها احساس اتمنى لك الفرج القريب
سوريا
KOKO2011-03-12 09:27:57
صلح غلطك ولا تستمر فيه
كون قوي لانك وقت تتركها عم تعمل الشي الصحيح مافي مشكلة تبكي شوي وبعدين تنساك وانت ترتاح وهيه ترتاح واستغفر ربك على هلغلط
-سوريا
يودي2011-03-12 09:16:05
إلى wahdé
عزيزتي صاحبة المنام إليك بعض الإشارات التي قد تساعدك في تفسير المنام: أولا : البحر دليل على الهم والغم والمصاعب ثانيا : الرمل دليل على الذنوب والمعاصي والآثام ثالثا: الغيم دليل على الغضب والحزن والذنوب . إنه تنبيه والله أعلم إليك لتبتعدي عن أمور ربما تجدينها صغيرة لكنها والله أعلم هي عظبمة . على كل لا تضعي هذا المنام في الحسبان وتكدري حياتك به عيشي حياتك وفق الاتجاه الصحيح ولا تتنكدي أبدا وليس كل منام رؤية .
-سوريا
طه مختار2011-03-12 09:19:52
يا ناكر المعروف
لا تكون ناكر للمعروف ولا تزعلها خاصة انها في سن حرجة وانت تعترف انك لم تقصر معها فخليك معها كويس للاخر واكيد الايام كفيلة بالتفريق بينكما
-سوريا
طارق2011-03-12 07:45:15
ما بالغ
ما بالغ اذا قلت ان تقريبا 99% من الموجودين برا سوريا عم يخبصوا وعك يزنوا ويعملوا علاقات اشكال الون مع جنسيات بتسوى وما بتسوى وانا شايف هالشي بعيني وفي ناس بتضحك عليي لأنى ملتزم بأخلاقي ومو تبع هالحركات اللى بسميها الحيوانيةالشهوانية
-سوريا
سوري باوربا2011-03-12 06:10:26
مابيطلعلك
الى سامر ياسيدي شايف متلك كتير يجو على اوربا من دول الخليج وبشوف شو بيصير فيهم ,بينسوا كل شي بالدنيا لمن يشوفوا الي مو شايفينو بحياتهم بس في متل بيقول الي مابيطيل العنب بيقول عليه حامض
-سوريا
دكتور برشلوني2011-03-12 04:01:02
الى سامر
اول الشي الشغل مو عيب ان كان جلي صحون خلي الطابق مستور وسلملي على كفيلك وفهمك كفاية وشفناكم فوق وشفناكم تحت عالاقل اللي بيجلي صحون هون اله كرامة واحترام وبيعاملو معه متل المواطن والو نفس الحقوق متل ابن البلد بيكفي ما في نظام عبودية وكفالة وحجز جواز سفر وذل وبعد خدمة سنين بينشال وبتركب على اول طيارة وبترجع لبلده
-سوريا
سوسو2011-03-12 03:47:45
مسا الخير
مسا الخيرللكل وللاخ صاحب الرسالةاكيد شي غير منطقي وجود هيك علاقةوخاصة انك ما بتحبا وانما اشفقت عليهالانهاكانت تساعدك وتوقف جنبك بس هي اكيد حبتك بس ياترى في حب بهيك زمن يلي هو زمن المصالح والغايات اكيد برأيي مافي بس برأي الاخرين ما بعرف يا اخي بنصحك تقسى عاحالك شوي وتتركها شوي وبتنساها وبتنساك حرام والله حرام لساك باول عمرك تخلي هيك علاقات تسيطر عليك وبالنهايةانتا ادرى بمصلحتك بالتوفيق لالك وللجميع
سوريا
نصيحة مهمة 2011-03-12 03:38:25
مهم جدا
لك اتركها تبكي من هون للصبح .. يعني وحياتك لو هيي اللي بدها تتركك ما كنت فرقت معها وكانت ذليتك كمان وكل البنات هيك . لذلك اعمل وكتر و . ليش انت لحتى تخاف على مشاعرها اذا علاقتكم مارح تكمل . خليك أقوى من هيك . يعني خلي قلبك ميت متل قلب البنات ولاتفكر بشي .
-سوريا
ammar2011-03-12 02:58:19
nothig trubble
الى wahde ياسيدتي الكريمة هذا دليل على الغموض في حياتك ومستقبلك بالغربة وانت مانك عرفانة شو راح يصير معك بالمستقبل في الغربة وانت عم تفكري كتير بهذا الموضوع ومافي شي غيرو
-كندا
Andre2011-03-12 02:45:29
do not do that
دير بالك ولاتغلط تتزوج ,هي بتساعدك لحتى تتزوجها وبعدين بتبلش مشاكلك معها من الافضل اخلص منها الان احسن مابتتورط بعدين وياسيدي الكريم بس بتبعد عنها شهر واحد راح بتلاقي غيرك وانا عم احكيلك من تجربتي الخاصة مع امراءة اوربية
-سوريا
Thomas2011-03-12 02:32:18
حل وسط
اقترح عليها ان تبقى علاقتكما بحدود الصداقة وتدريجيا شوف تتعود على الموضوع, اعتقد انها تجاوزت الاربعين وتستطيع تفهم الامر.
-سوريا
sham2011-03-12 02:00:18
شباب عربي بترفعوا الراس
عم اقرأ بعض التعاليق معيبة جدا عنجد انتو شباب من بلدي وعندكون هيك عقلية وتفكير موحل عنجد مابقى رجال هالايام بس المشكلة بهالمجتمع الذكوري الغبي بالنسبة لصاحب المشكلة اذا كنت بتقدر تتزوج منها وتكفي عمرك معها اوكى اذا لأ فياريت تتركا بحالا وحتى لوزعلت شوي هلأ وانت ياحرام انقهرت عليها بس احسن ماتضلو عم تلعبو بمشاعر بعض وبقيانين لانو ماعندكون شجاعة تنسحبو والله يهديكون
-سوريا
مغترب في قطر2011-03-12 01:03:18
عادي
فهمااااااااااااااااااااااااااااااان جاسم
-سوريا
AIDS2011-03-12 00:04:05
وشو بعدين ؟؟؟؟؟
أجمل مافي هذه القصة أنك تفكر بها الأن هل حددت معنى كلمة علاقة !!!! برأيي الشخصي أجري بعض التحاليل الطبية للتأكد من أنك سليم من الايدز و خلافه و اذا كنت سليم بنصحك ما عاد تعمل علاقات واذا مو سليم خليك معها و تزوجها بتكون زيادة عليك ..... لآنو انك تتزوج بنت من بنات بلادك بيكون كتير عليك
-سوريا
ينال 2011-03-11 23:52:07
مجنون مايا
والله بصراحة يامعلم مافي احلا من يلي بيحب المرا بعمر 30 ومافوق والله انا عمري 30 وبحب وحدة عمرها 36 وبعشق الارض يلي بتمشي عليهاناضجة واعية وحنونةومتل القمر بس رافضة تتزوجني لانها ارملةوانا اعزب وقال لاني اصغر منها رح تجنني ومن زمان وانا بحلم اني حب وحدة با30 سنة ومافوق عنجدمعهابتعرف شويعني حب حقيقي مافي خيانة ولاغش ولاكذب كل شي واضح ؟
-سوريا
سامر2011-03-11 23:50:43
الى دكتور برشلوني
يا سيدي نحنا سوريين مقيمين بالخليج و مين حضرتك حتى تحقر الناس بالخليج, اصلاً نص اوروبا بيتمنو يشتغلو بالخليج لانو بصمدو مصاري و مافي ضرايب عل الراتب, فروح انضب باوروباتبعك يلي كلها برد و تلج و لا بتشوف الشمس, انا تعرفت على وحدة من فلندا و كمان من السويد, يا سيدي انفلجو بدبي و ما عاد بدهن يرجعو على بلادن, و كمان اسبانيا و البرتغال يلي نصها شحادين و عندها ازمة اقتصادية قالو ما بدهم يرجعو على بلادهن, و بالنهاية كل الناس خير و بركة و السوري المحترم بالخليج احسن من يلي بيجلي صحون باوروبا.
-الإمارات
دكتور برشلوني2011-03-11 23:34:17
الى الاخ مايسترو
انا عايش بالغربة وشفت عرب وسوريين عملو افظع من هيك ووقت تخلص المصلحة بيطلع الوجه الحقيقي مبين من كلامك انك مغترب واتمنى انك مو عامل نفس الشي هي مبادئ واساسيات ونحن اخلاقنا وتربيتنا مو هيك يا استاذ وقلة الاصل والانتهازية ما الها تبرير وهي اسمها خيانة وعدا انها علاقة زنا وكمان لانو اكيد عملها من البحر طحينة وصار روميو عقد ماشبعها حكي ووهم وغزل وحب ولما قوي حاله ومابقى بحاجتها تخلى عنها وانتبه انه علاقته معها مالها مستقبل وانه مجتمعنا مابيقبل طيب ليش خدعها اذا بيعرف نحن سفراء لبلدناوديننا
-سوريا
إصتي أصعب2011-03-11 23:12:32
آل عم تبكي آل
لك إنت شغلتك كتير بسيطةلنا بعرف وحدةاصغرمني وبدي إتركهاوما عم ترضا وعم تؤلي إني إذا تركنا بهاتنتحر فياريت تبكي
-أفغانستان
جودي2011-03-11 23:16:56
وما اكثر الذكوووررر
كن رجلا بموقف رجولي وكمل للاخر.
-الكويت
نانو2011-03-11 21:52:36
رد علا تعليق
الى الدكتور معيب وليس وهيب عم تقارن بالرسول؟ ياعيب الشوم لو بتفهم مابتحكي هيك اولا الرسول تزوج زواج بينما الاستاذ هون زاني تانيا والاهم السيدة خديجة ام المسلمين امراة عفيفة وطاهرة وسيدة نساء العالم في عفتها وطهارتها بينما يلي عمل معها العلاقة زانية متلو علا كل لازم يدفع ثمن المساعدة ويعيشها كم سنة حلوين الله اكبر علا هيك عالم مشان الله لا عاد تعلق وتنصح
-سوريا
مومهم2011-03-11 21:45:36
واأسفا
تحرص على مشاعرهاولاأظنك حريصا عليها بقدر حرصك على اشباع نزواتك وتنسى الله الله الله الله الله الله الله الله الله الله الله الله
فرنسا
wahdé2011-03-11 21:36:35
,,
سوريا نيوز بترجاكن مرؤؤلي هالسؤال أنا بالغربة وغير متزوجة وشايفة منام إني ماشية حفيانة عالرمل عالشط باتجاه البحر والطئس مغيم.ممكن حدا يساعدني بتفسيرو رجاء أنا خايفة كتير من هالمنام
-سوريا
hasan2011-03-11 20:48:12
الى : leila Q
ليه عم تعمم على كل الشباب...بالعكس اللي شايفه بهالايام انه من الصعب على الشاب يشوف بنت متعلمة تعليم عالي وملتزمة وبدون اية صداقات اثناء او بعد الجامعة .. انا مثلا ومع ان في بلد اوربي وارغب بالزواج من فتاة سورية متعلمة وملتزمة الا انني اجد صعوبة كبيرة بايجاد طلبي او علي ان اقبل بالامر الواقع والا فالزواج من فتاة غير متعلمة تعليم عالي...فياريت لاتحكي عالشباب وطلعوا على حالكون انتوا البنات ..صار الواحد مننا بده يدور على ابرة بين كومة قش
-سوريا
مخرج هندي2011-03-11 19:49:18
علاقة المصالح
يعني من الواضح انو اساس العلاقة كانت مصلحة....والعلاقة القائمة ع المصلحة لاتدوم وتنتهي باءنتهاء المصلحة....هيي ساعدتك بالغربة لحتى وصلت لقلبك وانت اوهمتها بحبك وغمرتها بعاطفتك لتساعدك بغربتك وتوقف جنبك....وانتهت مصلحتك وصار بدك تبعد.... الحلول عندك ..وانت اللي بتعرف شو وضعها وبشو وعدتها ..اكيد هيي ما وصلت للحالة اللي هيي فيها من دون وعودك ...عليك بتحمل مسؤولياتك...مع العلم انو مشكلتك مو واضحة كفاية..حاسس انها مجتزأة.
سوريا
مغترب2011-03-11 19:42:03
عيب عليكم
والله انا مصعوق من الردود شي بقولوا كمل مصلحتك وشي ظروفك واللي بيتفلسف وبياكل هوا وبقول خديجة.....يا جماعة هاد اسمو زنـا......اتقوا ربكم.....الله يهديكم
-سوريا
Hala T2011-03-11 19:45:13
عنجد؟
لا تزعل مني بس انا بحيي كل إلي بهدلوك. إنت بجوز شب طيبن بس طيب بضعف و عاطفية غبية
سوريا
لا على التعيين ......2011-03-11 19:35:50
بدون عنوان
هلأ أول شي جاي تعرض قصتك هون على أساس شو الافتخار ؟؟؟؟ ولا التباهي ؟؟؟؟ يا عيني روح اتركاوخليا تبكي مو لإنا تركتك بس لإنا انغشت فيك لإنك لو لثواني فكرت فيهابهالطريقة الجشعة........ بتمنى تتقبلو مروري ..بس هي الحقيقة
-سوريا
Hala T2011-03-11 19:28:52
عنجد؟
انت عم تخلق حجج لتتركها. الحب مو دايمن حالة نشوة ولما بتخلص هلحالة يعني إنو صارت هلمرة للكب
الإمارات
عاشقة المطر 2011-03-11 19:27:06
الها الله
شو منشان كل الرجال هيك وكلو نفسو خضرة
سوريا
بالعكس المرأة الكبيرة أحلى2011-03-11 18:46:55
لا تستعجلو
يا جماعة انتو ليش مفترضين انه الصغير لما بيحب الأكبر منه مغبون؟؟؟ أنا من لما كان عمري 12 سنة احلم ببنت ال30 وال40، ولهلأ المراة الناضجة بفضلها على اللي بعمري، ما بعرف ليش هالفرضية الخاطئة؟؟؟
سوريا
وحدة2011-03-11 18:23:57
اخلاق بترفع الراااااس
يعني انا بدي اسالك سؤال يا صاحب الاخلاق العالية!!انو انت اول ما بديت العلاقة مع هالمخلوئة كنت ما بتعرف رياضيات..و ما بتعرف اتطالع الفرق بين عمرك و عمرها؟؟ ولا وقت كان في مصلحة الك معا كان مافي مشكلة و هلا بعد ما اخدت اللي بدك ياه طلعت كبيرة..
سوريا
viellie fille2011-03-11 18:15:31
يا حرام
يا حرام على هالمرا عملت منك رجال ولما إشتد عودك بدك تتركها وين بدك تلائي متلها بصدقها وإخلاصها؟في ك تجيبها عالبلد وتجيب منها ولاد .طب الإنجاب تطور عنا انا متأكدة هي بتعيش معك ومع أهلك وراح تعاملهم برقي وبدون عقد
-سوريا
Hala T2011-03-11 18:06:16
إزا بدك تتركها ليش عم تسألنا
إنت مو محتار ولا شي،برأيي إنت بدك مين يقلك الحكي الفاضي يلي بيطمن الرجال متل المكتوب بالتعليقات السابقة.لازم تعرف ياأخي،بالحب بس يروح تأثير التفاعلات الكيميائية بالجسم و يبلش المنطق يشتغل الواحد بيفكر إنو بطل بيحب الشخص إلي معو.ولاتفكرأنك رح تلاقي وحدة تحبهاكل عمرك،لإنو على مستوى فهمك للعلاقة مبين إنك مفكر إنو المشكلة بعمرها أو موافقتها للعلاقة،بس المشكلة الحقيقية إنك مليت منها. لطمنك،بتصورإنها متوقعة هاشي يصير ومارح تموت من الحسرة عفراقك.
الإمارات
بنت ادم و حواء2011-03-11 18:15:15
حياة وموت
كتير من الناس اللي تزوجو وتركو يعني انت مو اول واحد هي بثانية غضب بتسحب منك اقامتك وبتالك باي روح علىبلدك او اذا راحت على الديسكو وشربت حتى انطفت بتروح مع ميت واحد بدون ماتفتح تمك دخيلك رح تقدر تجيب ولاد ولا رح تضيع شبابك وتقول ياندم العمر واحد مارح ترجع بلزمن لاورا خطط لحياتك ماحدا بيفيدك
-سوريا
أسامه2011-03-11 17:56:34
هل هذا الشعب السوري؟
عجبا لامركم الاستخارة لا تكون الا في الامور الشريعية والمباحة وممكن يفتيكم من هو اعلم مني في امور الشرع فالاستشارة من باب اولى تكون في الامورة المباحة لا في المحرمه انا من متابعين سوريانيوز ولست سوري واستغرب هذه الموضيع والجراءة في الطرح هل معقول ان العوام لا يعلمون دينهم ولا يفرقون بين الحلال والحرام هل التعليم الديني مفقود عندكم وهل وهل لا ارغب في الاطاله واتمنى ان ينشر ردي حتى اجد الرد الشافي لي اعرف سوريا من خلال المسلسلات السورية مثل باب الحارة !
الولايات المتحدة
Wael2011-03-11 17:36:51
كبير وكلك إنسانية .. و الحل بسيط
الظاهرانو مزامنة حساسة شوي. أنا متلك مغترب من عشر سنين وعايش بهالمجتمع و بعرف تفاصيل حياتو.. اولا لا تقلق عليها .. يعني بترها يومين وبعدين لتلافي غيرك (الا اذا مفكر حالك نادر الوجود و ما في منك و هادا حقك) ثانيا و بتجربة احد المعارف الي كانت صديقته ستنتحر اذا تركها .. و لما تركها التقت سوري اخر و نسيت الاول.. ثالثا يمكن ان تعود معك ال رحاب الوطن و لتعمل عيلة و لا تخاف من العمر .. في طرق للمساعدة في الإنجاب أخيرا اعمل لمصلحتك .. مانك اول واحد بحياته و لا اخر واحد .. بعدو عمرك ز
-سوريا
م-عامر2011-03-11 17:18:47
الزواج
الأشرف لك وللانسانية أن تتزوج هذه المسكينة التي أعطتك كل شيء ، ولم تعطها شيئاً
-سوريا
مقاتل كونغ فو2011-03-11 16:47:27
كفك يا مااااان
معلم...أنا ما بعرفك بس كونك داخل هيك علاقة مبين عنك زلمي معلم وصاحب مراق.أنا أحييك وبتمنى كون محظوظ متلك وأدخل علاقة متلها..ياريت كل المشاكل متل مشكلتك زلمي.
-أفغانستان
Jemand2011-03-11 16:34:02
حكي فاضي
اتركها و توكل على الله و خود وحدة من بلدك تامن على ولادك معها, صحيح فيها جرح لمشاعرها,بس لما هي رضيت تعمل علاقة معك كانت على علم مسبق انو انت مالك اخدها على حسنها و صباها و انما منشان مصلحتك و هي بالنسبة لالهااعتبرت هالفترة الي رح تبقاها معك مكسب,يعني القصة كلها صفقة,انت بدك الوراق و هي قدمتلك هالخدمة مقابل انو تبقى معها هالفترة لانو هي بتعرف انو فرصها بالحصول على شريك ضعيفة,و خصوصي اذا كان شاب تجدد شبابها معو;)
-سوريا
jentle!!2011-03-11 16:34:47
خبرة!!!
ياعزيزي خليهاتبكي كم يوم احسن ما تبكي انت الدهر كلو,44سنة يعني كم واحد مر عليها بس الشرقي دائما عاطفي ودموع ياعيني عالدموع تماسيح يابي
كازاخستان
احمدوف 2011-03-11 15:08:51
خليك معاها
اول شيئ العلاقه من الاول خطئ بس مافين ياحكي غير حرام عليك ياعزيزي فرق العمر فعلا كبير لكن الموضوع مو بالعمر الظاهر عنها بتحبك احسن ماتاخد وحده عمرها 19 سنه وطلع روحك وتخليك انتا تصير تبكي
إيرلندا
koko2011-03-11 13:51:22
اللي مابياخد من ملتو بيموت بعلتو
اتركها وارجع لعقلك واصلك انت شرقي وحاول تلاقي وحدة عربيه من بلدك احسنلك الك ولاولادك وهي الها الله اكيد عطيتها اكتر ما عطتك والا لما بقيت محافظه عليك لهلق بكره الايام بتثبتلك هالشي مهما كانت الاجنبية منيحه الا تحن لاصلها وبس تصير وتتصور هي والاولاد بيتركوك لحالك لانو هي بتكون ربت الاولاد لحالها وعلى طريقتها وساعتها يا بدك تسكت على جرحك وتقبل بكل شي ...........او بدك تتبهدل وترجع ايد من فدام وايد من وراااااااااااااوساعتها خرجك الله لا يقيمك انت عملت بايدك الله يهديك ويصلحك انت والكل
-سوريا
رامي2011-03-11 13:40:57
البنت الحرة مثل الذهب بالصرة .
لو كانت محلك ما بتفكر ربع ساعة اذا كنت راح تزعل واللا راح تطق واللا تموت إذا إجاها شب متلك بتبيعك بقشرة بصلة بس الظاهر مو ملاقية غيرك بعد ماكبرت اتركها وروح خللي أمك تجوزك ما بتسمع أمتال عن المرأة: تسعة أعشار المرأة دهاء، والعشر الأخير بلاء. روح تجوز ولا تسأل البنت الحرة مثل الذهب بالصرة .
سوريا
سامح2011-03-11 13:16:14
عرفتوا ليش الغرب بكرهنا ؟
غير وسائل الاعلام يلي بتشوه صورتنا، بسبب المغتربين يلي بستغلوا النساء بالغرب ابشع استغلال بانه يحصل على ما يريد من اشباع غرائز وسكن بالمجان والجنسية وحتى الاكل والشرب على حسابها، يستغلوا بعض النسوان هنيك يلي ما بتلاقي رجال يحبها مشان يقدر يسيطر عليها، اكبر دليل انك مصلحجي هو انك لو كانت نزوة كنت عاشرت فتيات اصغر بعمرك، مو اكبر منك بعشرين سنة، على كل حال يا تزوجها وانضب معها يا اما اتركها، بالاخير رح تجرحها يوما ما اولا واخيرا
سوريا
محمد2011-03-11 13:03:17
تزوجها
لا أدري ما هو اعتقادك لكن قل لها سأتزوجك وأتزوج واحة ثانية. الناس ليسوا ألعاب لتتسلى بمشاعرهم. اتق الله.
-سوريا
صاحب الظل الطويل 2011-03-11 12:20:47
بـ المنطق
رفيقي ما ترد على حدا من المعلقين واعمل بـ اصلك ما حدا بيعرف شو ظرفك لما رتبطت ب المخلوئا وما حدا بيعرف القدر شو مخبيلو وانت اول شخص ستغربت من حالك لما فتت بهيك علاقة وممكن لحد هلا مو مصدق صدقني وما رح يصير الا الخير ومن ناحيتي عم احكي عن تجربة بس انا ما سافرت ولا تجوزتا مع انو بتكبرني ب 6 سنوات بس نكشفة لعبة الزواج بـ نساء اكبر مننا مشان مصالح وهي فعلاً بتكون تذكرة دخول بلاد الحرية لكن على حساب كرامتك معادلة صعبة !!!
سوريا
abd2011-03-11 12:19:49
bdo
اسمع نصيحة مجرب اتركها ولا تتبع العواطف خليك ذكي صدقني كلهم كذابين وهذا اسلوب خداع ولو كان عندك منها ولاد لورجتك نجوم العصر ولو هذه المراة هي من اراد تركك لن يهمها لا مشاعرك ولا بطيخ روح اتزوج بنت بلدك هون الحركة الصحيحة ورح تدعيلي هلق انت بالمشكلة مالك عم تفكر صح متل اللي فات الدخان بعيونوا معد شاف سماع مني لا تتورط مع اجنبية ولا توجع راسك ساعدتك على راسنا شكر الله سعيكم اذا بتلحق عواطفك اعتبر انك حكمت على حالك بالشقاء ياريت حدا نصحني متل ما عم انا انصحك
-بريطانيا
د وهيب2011-03-11 11:20:48
الم يتزج رسول الله خديجة وعمرها اربعين وعمره 25سنه
ان كنت مسلما فتخلق بأخلاق الرسول صلى الله عليه وسلم.تزوج خديجة, وأحبها وأخلص لها, وهي أخلصت له, وكان الفارق بينهما خمس عشر عاما. ان أردت أن ترتاح روحك هنيئالك عجوزتك التي تعبر عن اخلاصها بالبكاء عليك. وان أردت أن تتعب فتزوج شابة تنكد عيشك وترغب بشاب وعندها تعرف الفرق .
-سوريا
متزوج2011-03-11 11:36:11
انا مع تعليق ألماني
اطلب منها تساعدك بالزواج
-سوريا
عبد الهادي2011-03-11 11:30:33
نصيحة لا إنسانية
بحكم التجربة والخبرة في بلاد الغربة لازم بالاول نسألك لساتك بحاجتها ولا لأ يعني بصريح العبارة حصلت على الجنسية الاجنبية ولا لا إذا أي اتركها حبيبي وروح دور على وحدة من عمرك ***
-سوريا
نور2011-03-11 11:35:29
انسان مصلحجي بكل معنى الكلمة
انت انسان مصلحجي بكل معنى الكلمة بعد مساعدة هي الانسانة لك وانتهاء مصلحتك معها تحججت بفارق العمر لماذا لم تعرف هذا الفرق من البداية عم تعمل حالك مظلوم و حنون ولكن العكس هو الصحيح الانسانة تبكي من غشك و خداعك وظلمك لها لقد اصيبت بخيبة الامل بعد ماضحكت عليها و غشيتها
-سوريا
سوري طفشان2011-03-11 11:17:53
سماع كلامي
قصتك شبيه بقصة واحد سوري هون متجوز وحدة بريطانية أكبر منو ب12 سنة و هو عارف إننو في يوم راح يتركو بعض و أنا شايف إننو حالتك أسوأ منو لأنها كبيرة شوي بالعمر و صعب تجيب ولاد يعني حتى إذا ضليت معها و بالمستقبل بدك ولاد شو راح تسوي أنا برأي إنت أمام حلين و الحلين صعبين يا أما تضل معها و إنت ببتعذب يا أما تتركها و هي اللي بتتعذب بالاخير في واحد راح يكون سعيد على حساب الأخر و على فكرة هي بينها و بين نفسها بتعرف إننو راح يجي يوم و راح تتركو بعض فنصيحة كل ما كان أبكر كل ما كان أحسن
-بريطانيا
ألماني2011-03-11 11:09:22
لو كانت محلك
لو كانت محلك ما بتفكر ربع ساعة اذا كنت راح تزعل واللا راح تطق واللا تموت اذا اجاها شب متلك بتبيعك بقشرة بصلة بس الظاهر مو ملاقية غيرك بعد ماكبرت اتركها وروح خللي امك تجوزك 
-ألمانيا
انسان2011-03-11 10:50:30
اخلاق تحفة
مما قرأت من تعليقات و من تجربتي وجدت بأن بضاعتنا الاخلاقية غير صالحة للاستهلاك المحلي و بالتالي غير صالحة للتصدير..المشكلة ليست فقط في هذا الشاب فقط بل المشكلة في قناعة أفراد المجتمع بأن الشطارة هي في الظهور ليس بوجه واحد امام الناس , و عادي جدا ان نغش من حولنا بعملنا و لقاءاتنا و المهم ان نحصل ما نشتهي و نريد .والناس متفاوتون فبعضهم يفعل ذلك بدروشة و الاخر يفعلها بحنكة و مكر.باختصار أقول ضع اصبعك بعينك , كما تؤلمك فهي تؤلم غيرك.
-سوريا
أحـمـد بـسـمـار2011-03-11 10:51:51
صحاري عاطفية
أنا مقيم في بلد أوروبي من 48 سنة, وبحكم عملي تعرفت على الآلاف من الشباب السوريين الموفدين لهذا البلد للدراسة والتخصص. غالبهم يقع في عديد من المطبات العاطفية وغيرها, بسبب ضعف التجربة والنقص العاطفي. ومع الأسف غالبهم لا يعود للبلد الذي هو بحاجة إليهم وصرف عليهم مبالغ طائلة. أكثرهم يتزوجون وينجبون ويهملون الدراسة..غالبا مع سيدات تكبرهن سنا. لذلك يجب تحضير هؤلاء الشباب نفسيا قبل إرسالهم إلى الخارج بلا أية تجربة. يا شاب كن صريحا معها إنها حياتك. وخاصة إرجع إلى بلدك واطلب منها السماح
فرنسا
المتسلل في الظلام2011-03-11 10:30:02
راجع حساباتك
رجعلى مصرياتها وهيك بتكون ما مننتك بشي وخليك معاها رح تكرها أكيد والشعور متبادل
-سوريا
عاشقة الاطفال2011-03-11 10:11:53
الى صاحب الرساله
ممكن هي عندها شفقه وعطف عليك متل ابنهالذلك اولها انتي في عيوني ياامي الناس عندهاام وحده وانت عندك تنتين,,,ابسط ياعم
-سوريا
سوري2011-03-11 10:10:42
الجنسية
مارد انا معك 100% هاد مو عرفان يستغل هالفرصة , الجنسية حلم 90% من شباب سوريا انا برايي لازم يتجوزا بسرعة قبل ما تموت يا شباب هدفنا الجنسية ,العمر و الشكل غير مهمين ابداااااا هيدول شغلات ثانوية
-سوريا
Leila Q2011-03-11 09:50:43
شباب العرب و ما أدراك ما هم
أراهنك عندما ستعود للوطن ستوكل أمك بالبحث عن زوجة شرطك الأساسي أنهامحجبة عذراء غير متعلمة أكثر من الثانوي أو الاعدادي أصغر منك بعشر سنوات و جميلة و ابنة عائلة محترمة يجب ألا تسألك عن ماضيك "القذر" و الخسيس في بلاد الاغتراب لأن الغاية تبرر الوسيلة و التوبة تجب ما قبلها فأنت رجل و يحق لك التجريب كيفما شئت سابقا و لاحقا لأنت ابن مجتمع مريض و تربية منحطة لا تقيم للأخلاق قيمة لقد كانت صادقة معك و أنت منافق كبير كغالب شبابنا مع الأسف أنتم بحاجة لإعادة صياغة كاملة بئس الشباب أنتم
-سوريا
لادقانى بكندا2011-03-11 09:39:05
خيط بغير هل المسلة
دكتور برشلونى كلامك ذهب حكيت يلي كنت بدى قوله حرفيا انا متزوج من اوربية كندية تكبرنى ب 16 سنة صرلنا متزوجين 5 سنوات علما انه احمل اقامة دائمة كندية واقامة بدولة خليجيةو راتبى اعلى من راتبهاولدى مال يكفينى ان اردت ان اتزوج 4 مرات بس والله انت ناقص اخدت الاوراق وبدك ترميها
-كندا
وليف الروح2011-03-11 09:33:55
اذا امها مو مرتبطة يا ريت تشفلي اياها
خيووو - يقول الله تعالى لا يكنح زانية الا زان مثلها - انا لا اعطيك دروس في الاخلاق والذنوب تلفني من رأسي الى اخمص قدمي فكّر بحل معقول حسب واقعك الذي تعيشه معها وانصحك إن كانت بلا زوج ان تتزوجها وتبيض اموالك التي اخذتها منها وترد لها المعروف بمعروف واترك الباقي لرب العالمين
الإمارات
أحمدسامي2011-03-11 09:11:21
ذكرى
برأيي أنك ما لازم تقطع علاقتك معها, ضلو أصدقاء بس بدون جنس, عمللها حفلة ظريفة وفهمها أنو هي حفلة وداع من العلاقة الجسدية مشان تضل ذكرى حلوة بيناتكن, و لا تتخلى عنها كصديقة
-سوريا
امين2011-03-11 09:11:26
رأي
انابشوف انو انت بتحبها لانك بتزعل عليها اذا بدك تتركها ... نصيحة روح اتجوزها ... و لا تفكر ابدا تتركها لأنو هيك بتكون عم تصحح خطأك بخطأ اكبر
-سوريا
سحرالمصري2011-03-11 08:51:27
اتقوالله بالمناقشة
ليش الرجل مسوموح ومشرع له يأخذ أصغر منها وللمرأة صارت مسخرة شوانتو أحس من سيدنا محمد اتقو الله ولاتفتو شي من عندكم في شرع يحرم المرأة تأخذ أصغر منها حاجة حكي بلا طعمة اذا بتحبها خذها وتوكل على الله
سوريا
SHOSHO2011-03-11 06:58:40
very easy
جبلها عريس
-الولايات المتحدة
سوسو2011-03-11 06:42:31
اتقي الله يجعل لك مخرجا
الحلال بين والحرام بين وماالله بغافل عما تعملون
-سوريا
بكري2011-03-11 05:13:47
الى السيد Matchouuu
الأخ عبيقلك علاقة يعني زنا وأنت استشهدت بالسيدة خديجة !! بيقولوا سكت دهرا ونطق كفرا بتمنى إنو تكون ساذج وماعم تعرف شو عم تكتب لأنو الخيار التاني أسوأ
-سوريا
بنت سوريا2011-03-11 04:32:23
مستغربة
لك يا ظالم انت 25 وهية 44 بس عنجد انت باين عليك ابن حلال والبك طيب واحد غيرك بيلحشها ما عندي حل لمشكلتك هية حرام تنسى فضلها عليك وانت حرام تظلم حالك معها اي شو بيعرفني لاقوله حل والله بيزعل
-سوريا
المارد2011-03-11 04:16:24
تجوزا و لحق حالك
تجوزها و لحق حالك قبل فوات الاوان.مو كل واحد بتصحلو هيك فرصة.تجوزا و امّن عالجنسية و بعدين تركا بحالا.كلها 3سنين و بتاخد الجنسية. الشغلة بدها صبر و صدقني ما بتندم. والله بتنفتحلك بواب الدنيا لا فيزا و لا شنططة قدام السفارات.المخلوقة واعية و بتعرف شو عمبتعمل. لاتقلولي هلق انو عمبنضحك عليها.موفق حبيب
-سوريا
Maestro2011-03-11 04:12:39
كون جنتـل مـان لتخـرج بأقل الخسـائر....
في نصيحة بدي قلك ياها بيقولوها بالغرب...الجنتل مان أبدا ما بيترك امرأته،بل يتصرف بحيث يدفعها هي لتركه... Gentel Man never leaves his Woman,He acts some way to make her leav him.... وفهمك كفاية،يعني هيك ممكن تتألم أنت رغم أني أشك لأنك ناوي تترك بس هيي لأ،بقا خليها تكسر وراك جرة طالما هيك هيك ما بدك ياها...وانتبه وين بتحط رجلك بعدين..لا تدخل موقف إلا وتعرف كيف تطلع منه.
سوريا
Maestro2011-03-11 04:02:53
كـيف مـا درتهـا مـرتدّة عـليك....
الأخوة المعلقين اللي اتهموا الشب بالإنتهازية وخلافه،ماحدا بيعرف شو بيواجه بالغربة وكيف أنه بيتعلق بأي إيد بتنمدله..الأخ السائل،علاقتك بهالمرأة بنيت على مصلحة مشتركة،غلط منك أكيد بس صارت أنت محتاج مساعدتا وهيي بدها ترجع شبابها ولقت شب ما بتعرف أنه مجتمعه ما بيتقبلا،وهلق انتهت المصلحة من جهتك،لازم تتركها لأنه صعب تكمل ومافي مستقبل لهيك علاقة،رح تبكي وتتألم أكيد،ورح يعذبك ضميرك كمان أكيد،وهذا ذنب إنسانة عملت معروف بغير مكانه،بس بالنهاية لا يصح إلا الصحيح.كان لازم من الأول تحسب حساب،العشرة ما بتهون
سوريا
نعيمه واختي فهيمه2011-03-11 03:10:02
وين المشكله
مافي مشكله مابتكبرك غير ب 19 سنه بس ولك ينعن أبو الحاجه والمصاري لي بتخلي الواح ينسى حالو وماينتبه ع تصرفاتو ولك يعني انت بعمر ابنا كيف فيا تنام معك بس صار معك عمله فقت ع حالك انو لازم تتركا انتبه ع حالك بجوز تنتقم منك اذا تركتا وتقتلك دير بالك من فتره هيك راح قتل شب لبناني قتليتو عشيقتو بس حست انو استغلا ليقب ع وج الارض وبدو يتركا
-سوريا
تامر2011-03-11 02:43:00
بالتفاهم
احكي معهابصراحة و اشرحلها انو مافي مستقبل لعلاقتكم وبنفس الوقت حاول تلاقي وحدة من عمرك ترتبط فيها و تنسيك و تبعدك عنها
-سوريا
دكتور برشلوني2011-03-11 02:17:34
ان لم تستحي فأخدع من تشاء
انت بصراحة واعذرني انسان انتهازي ولاتملك ادنى المشاعر قمت بأستغلال هذه السيدة لاجل مصالحك والان تشعر بالاسى عليها من بعد ان حصلت على الاقامة او الاوراق وانت اكيد عايش بالدول الاسكندانافية لانه يمكن خداعهم من اشخاص يشبهوك يعني رووح خيط بغير هالمسلة والله بعض السوريين بهدلونا ونزلو راسنا في الارض من هيك تصرفات والله انا لااستغرب عندما اسمع بان العرب هم اكثر جنسية مكروه في الغرب لاجلك هيك تصرفات والسوري ما بيلبقلو غير الخليج لانه هنن الدوا لامثال متلك
-سوريا
lolo2011-03-11 02:16:09
والله اللي منيح ما بينزعوا شي
يعني شي بيرفع الراس والله شو هالفكرة للي عبتعطوا للعالم يا شباب سوريا المغترب ( مو الكل طبعا ) بس استغلال للناس ولا وخاصة امرأة ومن عمر امك كيف بتقبل عحالك هيك علاقة؟ شو مافي عندك عقل تفكر فيه يعني والله مالك مراهق وشو هالغربة اللي طلعتلا وانت مالك مجهز حالك لعاب غيرا انت واحد نفسك دنيئة
-سوريا
د.لوسفير2011-03-11 02:05:48
-
ايش بدنا ننصحك اذا الغلط راكبك ركب ؟؟الله يهديك ويرجعك لعقلك..
-سوريا
ليث2011-03-11 01:12:12
الحب
الحب ليس رواية شرقية بختامها يتزوج الابطال..اناارى ان المراة في عمر الاربعينات تكون في كامل نضجها وانوثتها...لو انا محلك بتزوووجها فورا
سوريا
مغترب في الامارات2011-03-11 00:18:04
عادي
طب جيبها معك اذا لهدرجه بتحبك وانت متعلق فيا وين المشكلة وتكون اكبر منك
سوريا
الدغري2011-03-11 00:12:34
الموضوع واضح
اعتقد انك قمت باستغلال هذه المرأة لغاية في نفسك كالجنسية او الاقامة او العمل و بعد ان نلت مقصدك اريتها وجهك الحقيقي فلم تستطع المسكينة ان تصدق انك كنت تستغلها وهي كانت صادقة معك..اتركها فهذا افضل لها..
-سوريا
خالد2011-03-10 23:18:23
اقطع العلاقه
اي طبعا بدها تبكي لانك بالنسبه لها فرصه لا يمكن ان تعوض ابدا اصغر واحد ممكن يعمل علاقه معها بيكون من عمرها او اكبر الحل الوحيد هو ان تبقي على علاقة صداقه فقط معهاوتساعدها ان كانت بحاجه للمساعده
أستراليا
شاميه2011-03-10 23:26:55
ما بني على غلط انتهى على غلط
كانت بيناتكم مصلحه وليس حبا" هي محتاجه لشاب بقمه قوته وعنفوانه وأنت محتاج لأحد يسندك ويساعدك وبعتقد أنه المفروض انتهت المصلحه اتركها وعيش حياتك وابدأ بالحلال والصح وهي أكيد بتلاقي مين يتزوجها وتبني حياه على أساس صح وأنت أنسى الماضي
السعودية
رورو2011-03-10 23:18:47
ولي والله دبئا
غير مكان سكنك وقول قدامها انك راجع على بلدك نهائي و ..أو قول انك مسافر اجازة عابلدك بعد فترة دقلها وقلها ماني راجع وغير سكنك وكل ارقامك اي والله مابدها ذكا ... او ادعي قدامها انك مارست الجنس مع وحدة حاملة شي بايروس من زمان وشوف كيف رح تولي
-سوريا
خريجة علم نفس 2011-03-10 22:56:05
حلين لا ثالث لهما
أصبت بالإستياء بعد قراءة المشكلة فبصراحة الوقاية خير من قنطار علاج ، فكيف سندلك على الحل ، برأيي إما الإستمرار لرد المعروف أو كسر قلبها. لكن لدي استفسار ما طبيعة العلاقة التي تربطكم أوعدتها بزواج مثلاً .
-سوريا
wassem2011-03-10 22:33:52
سؤال ؟؟
انت ليش بدك تتركها .. مليت يعني .. ولا خلصت مصلحتك معها ؟؟ المهم اخي لما بدك تتركها بدك ياها تضحك ؟؟ شي طبيعي تبكي وشي طبيعي انت تكون مزعوج لانو ماقصرت المخلوقة معك من كل النواحي ... هية اول فترة الانفصال بتكون صعبة شوي وبعدين كل شي بيرجع لوضعو... بس مافي شي بدون مقابل اذا انت لسه مادفعتو رح تدفعو .. وبتوقع انك دفعتو ومشي الحال .. سلام
-سوريا
مغترب بالرياض 2011-03-10 22:32:14
نيالك
ولي على طولي شو حنون
-سوريا
محمد2011-03-10 22:28:44
هاد يلي ما بيسمع
والله ياصاحبي الله قال انو الزنا من الكبائر ولازم نبعد عنو والنت مارديت على كلام الله ومنشان هيك الله لا يقيمك.......
-سوريا
كيميائي2011-03-10 22:09:10
بسيطة تزوجها
يا اما تزوجها يا اما اتركها مباشرة, بأي صفة انت بقيان معها, هاد ببساطة زنا و ما له اي معنى تاني, و لا تحاول تلاقي اي مبررات للغلط اللي عم تعمله, و لا تحاول تكسب رضا العبد بغضب الرب, و الله ما بينسى حدا.
-ألمانيا
ندى2011-03-10 22:12:55
هيك لرجال
مابدي اجرحك بالحكي لان بيجوز الك ظروفك بس وين كان عقلك وقت ارتبطت فيا ولا اهااابالمصاري وهلق وقفت عرجليك وبطلت بحاجتا وصحيت انو في شي اسمو مستقبلك وبدك بنت صغيره وحلوه ليك مارح قلك خليك معا لان اساسا غلط تبكي هلق بتنساك هيي كبيره وواعيه لان رح تبكي بعدين بس هيك الرجال بتاخدونا لحم وبترمونا عظم وبنصعب عليكن
سوريا
جهاد2011-03-10 22:16:51
سؤال لسيريانيوز
بعتذر على الرد خارج الموضوع سؤالي لسيريانبوز انا عرضت مشكلتي منذ مايقارب الشهرين الى ثلاث اشهر متى سيتم عرضها؟؟ بالنسبة لصاحب المشكلة نصيحة اتركها وقسي قلبك لانه الله رح يحاسب على ذنبك وليس على رقة قلبك
-سوريا
Lavender2011-03-10 22:14:53
..
تركها وخليها تبكي لتشبع...مو أحسن ما تبكي أنت بالأخرة
-سوريا
Matchouuu2011-03-10 21:51:37
حرام
لاتنسى أن السيدة خديجة كانت في الأربعين.يعني إذا بتحبك وبتحبها وين المشكلة؟حرام تكسر بخاطرها
-سوريا