syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

انا جميلة ولدي المال واسم عائلتي كبير .. لم يتقدم لي احد ومن حولي يشعرني اني مذنبة .. ماذا افعل؟
اسأل مجرب

عادة ما يشكو الفقراء من التمييز الطبقي ولكن صاحبة هذه الرسالة تثبت العكس


تقول بسيل " أنا فتاة أصبحت في عمر 25 سنة وإلى الآن لم أطلب من قبل شاب مع العلم اني جيملة ومن عائلة كبيرة ولديها المال وأنا أعمل , وأحترم عملي ومن حولي في العمل ولا أتعدى حدود الدين أو العادات و التقاليد , ومن حولي من الشباب يعاملوني برقي واحترام كبير"

 

وتضيف بسيل "عدم زواجي ليست مشكلة لدي ولكن مشكلة في تعامل من حولي معي حيث اشعر بانهم يبقون على مسافة مني ويشعروني بأني مذنبة في هذا الموضوع مع انه و لا يد لي  بان ولدت هكذا .. ماذا افعل؟"


2011-03-02 20:17:41
شاركنا على مواقع التواصل الاجتماعي:



شارك بالتعليق
maher kanjrawi2013-12-04 03:02:30
لصاحبة البوست تبع الزواج اقرايه منيح
ههههههههه ضحكتيني ولك يا بنت الناس اكتر مرة بحياتي بشوف ردود وتعليقات بالبوست تبعك شو بدك بهالشغلة قال تتزوج قال ولك انا 38 ومو ملاقي عيش لا تقوليلي غنية ومدري شو اذا ما حبيتي زوجك طظ بهيك زواج مصلحة من اساسو بس تحبي ويدق قلبك رح تعرفي لوحدك وقتا تزوجي الي بيحبو قلبك طنشي وما رح تاخدي الا نصيبك
سوريا
سامي2011-04-20 03:26:46
مشكلة مجتمع
يا بابا هي مشكلة مجتمع انا بعرف وحدة مو حلوة وما معها مصاري واسم عائلتها بيهوي وما حدا اتفدم لخطبتها وعائلتها ملللت منها زبدة الحديث هي مونهاية الدنية نصيبك ما وصل وما بدها نت القصة والمشكلة انو الفقير عم يطلب هل الايام ارقام بالسما فالزنكيل بأي فلك رح يوصلو من هون الشباب عم يعدو للمليار قبل التقدم لخطبة بنت زنكيلة خوف من يلي رح يطلعلون وبيقلك باخد وحدة متواضعة وما بدي هل فوتة
سوريا
siwar2011-03-09 21:06:53
السبب اكيد مو هيك
هههههههه رح بلش بضحكه لانو مافي حدا بهل ايام عندو قدرة على فتح بيت ويتزوج وانا صارعمري 28 سنه وموظف من 9 سنين ولحد هلق ما عندي شي خليها لربك احسن
سوريا
amira822011-03-09 15:23:30
عادي بتصير
انا متلك حلوة كتييييير بشهادة الجميع وبنت احسن علية و غنية بس كمان ما كان يتقدملي كتير شباب عن طريق خطبة الاهل بس انا اصلا ما بحبا لهي الطريقة بحسا متل البيع و الشراء السبب ما كان مني اكيد بس بابا الله يسامحو كان عندو قصص مو ظابطة و امي اجنبية فيمكن هي الامور اثرت والله اعلم فشوفي مين بالعيلة عندو صفحة سودا بحياتو ممكن يكون هو السبب فاحسنلك حاولي تتعرفي عشب بالحياة اليومية او جربي شي موقع زواج محترم متل بنت الحلال في كتير عالم لقوا شريكون هيك انا منون!!
-سوريا
بـحـــــــــــــــــــــــــــــــر2011-03-09 13:08:17
هونها بتهون
نحن من يصنع الحواجز لا غيرنا يعني مثلا فيني خلي نفسيتي تكون نفسية كلب واتكبر على كل يلي حواليي وفيني حبب الناس فيي نحن من يضع الجواجز وبعدين لا الاسم ولا المظهر هنن يلي بيكبرو الشخص والله يوفق الجميع كبير وصغير
سوريا
أبو حيدر2011-03-09 11:48:52
هي مانا مشكلة
الموضوع اقل من عادي بعدين عمرك عادي ومعك وقت
سوريا
المأمون2011-03-09 05:57:46
الدعاء
الله يكرمك
سوريا
Abo eljooj2011-03-08 19:14:48
المشكلة بالاسم
يمكن اسمك هو السبب...يعني اهم شي يكون البنت اسما حلو ... بكرا شو بدو يدلعك العريس بسولة ولا بيسو ولا بسبوسة...مو زابطة...خلص غيري اسمك واناباخدك :P :P:P
سوريا
brrooo2011-03-07 21:54:02
قسمة ونصيب
الشغلة كلا قسمة ونصيب ونصيبك لسى ما اجاكي لا تستعجلي بصير يكون خير بحئك لحقانة على الهم والغم
-سوريا
فارس2011-03-07 16:07:03
زوجة ثانية
بدك واحد يفهمك و ما يستغل ظرفك برأي على هوا المثل يلي بيقول :" خلي العسل بكوارو ليجي اسعارو" بالمناسبة انا عم دور على زوجة ثانية على شرع الله و بيشرفني بالشي يلي قريتو منك و حسيتو اني اطلب ايدك
سوريا
Fair2011-03-07 10:09:52
Enough
I honestly believe many well and decent ladies in our country are going through the same thing. I believe marriage has become like business! Yeah, the make a cost study and Business plan, and if it’s the best for both families there u go. Ur wed before u even know it. Anyhow, u should look for what u want instead of setting there waiting for whatever comes. it might be harder and takes effort, but its worth it.
سوريا
Mohamed Bak2011-03-07 07:38:26
السؤال محير
السلام عليكم ورحمة الله وبركاته هلآ مشان الموضوع انسة بسيل بتمنى ما تفهمي رسالتي غلط لايوجد أنسان خالي من العيب لهيك لازم نرجع شوي بنفسنا لانوا بجوز هالاسباب هي سبب نظرة اللي حواليكي فيكي هلا سؤال بسيل أنتي بتتعملي مع أصدقائك بنفس الطريقة اللي بيتعملو فيها معك أو حتى التعامل مع الاشخاص المحيطيين فيكي وبالنهاية ما بيسعني غير الك الزواجد قسمة ونصيب الله يبعتلك أبن الحلال اللي يسعدك بحياتك ويحميكي ويحفظك وتكوني الزوجة الصالحة ألو وبعتذر إذا أغلطت بحق أي شخص ٍــــــــــــــــــلام
سوريا
GOGO2011-03-06 23:19:39
ما حا لحا ما حابحب حا
شو هاد يلي بدو يتجوزك على طمع يلي بدو ينهبك يلي بدو يسرق... صار عندك أكتر من دزينة متقدميلك و كل واحد له غاية و هدف ما معروف قرعة ابوه من وين مع احترامي للكل بكرى بتقولي ياريت و ياريت ترجع أيام زمان لاحقة على الهم و التعب والتعتير وما بعرف شو ديري بالك من يلي عالنت ما حدا صادق هالأيام تواضعي واستغفري ربك ما حدا بياخد غير نصيبوا
سوريا
yaser2011-03-06 17:13:41
تحذير
عزيزتي الغالية: يجب عليك الاهتمام اكثر بمسألة الزواج لأنه وبعد فترة يمكن أن تعتادي الحياة الفردية ورفض الحياة الزوجية. لذلك علينا أن نفكر بعمق اكثر فيما عدا ذلك ما من شيئ مهم بــــــــــــــاي
سوريا
ارسلي لي المشكل التي تعاني منها 2011-03-06 16:17:41
دمشق
شكراً لكي على الاعلان يرجى ارسال مشكلتك بالكامل كما يرجى ارسال صورة شخصية حتى ارسل لكي الحل مع اطيب التحيات
سوريا
Jalal2011-03-06 15:14:30
كنت بدي شارك بالتعليق ببدايت الموضوع
كان هنالك لي تعليق ببداية الموضوع لكني فضــلت عدم وضعه هنا كي لا يفهم بالشكل الخاطئ اختي الكريمه انا عمري 28 وانا مغترب خارج البلد وقد بحثت عن فتاة مناسبة لي ولم اجد لا اقصد بموضوع الخطبه بس كنت انتظر انت تظهر لي الفتاة المناسبه واكتشفت بالنهاية اننا نحن الشباب قد تسممت افكارنا بعدم الزواج المبكر والان اعاني من بعض المشاكل بسبب هذه الافكار احاول ان اخرج منها لكن بصعوبه ارى نفسي رجل صالح وكريم وقد يندر وجوده بهذا الوقت لكني انتظر من تكتشفني وهذا الشي غلط لازم كنت انا دور بنفسي مو استنى
الإمارات
Wasim2011-03-06 13:33:22
تتجوزيني
انا شب عزابي عمري 31 و عم دور على عروس و بنت ناس و محترمة بكل بساطة تتجوزيني
سوريا
شاب يبحث عن الاستقرار2011-03-06 07:31:15
وماذا يريد الشاب افضل من هكذا زوجة
من خلال قراءتي لمشاركتك احسست انك انسانة جيدة ، وماذا يريد اي شاب اكثر من امراه جميلة وعلى خلق ، واذا اجتمع ايضا العائلة الكريمة فخير على خير
سوريا
ابو الحلول2011-03-05 22:47:29
السلام عليكم
والله من طريقة سردك لقصتك الظاهر انو المشكلة فيكي انتي او بعيلتكن لانو عم توصفي نفسك من عائلة مشهورة وعندك فلوس الظاهر عتكم نظرة فوقية ويمكن سلوكك اليومي بيوحي للي حولك انو انتي اعلى مسوى من الاخرين يابعدي انا عندي ملايين وضيفتي مرموقة ومن مو عائلة قبيلة بس هالجانب السلبي مو موجود عندي عايش حياتي بطبيعتي مع كل الناس علما اني متزوج من امراة اهلها ف
سوريا
fakhr_alsham2011-03-04 13:16:17
دائما هناك حل
اختي الكريمة هذا الحل مجرب و قد اثبت فعاليته . ان كنت حضرتك مسلمة فماعليكي الا ان تذهبي الى جامع معروف و فيه شيخ معروف يعني بتحفيظ وتاهيل الشباب المسلم و تطلبي منه ان يرشح لك شابا من الذين عنده ممن يرى فيهم الصلاح و التقوى و ان يعرض عليه الزواج منك و بهذا تكونيني قد وجدت خير زوج في خير مكان و طبعا لامانع من مساعدته في متطلبات الزواج لحكم قدرتك على الانفاق في سبيل هذه الغاية النبيلة و ارجو لك التوفيق و طبعا هذا الحل ينطبق لمن كان من اخواننا من غير ديانة لان كل دين وله اهله وشكرا لكم و السلام
سوريا
Dr. y2011-03-04 11:47:02
السيد مختلف الاخلاق 2
أنك لم تطمح لتمتلك أكثر من رغيف الخبز فسعيك الحثيث الذي تتحدث عنه يمكن أن يستمر طوال حياتك دون الخروج من فقرك طالما أن طموحك لا يتعدى سوى رغيف الخبز, وأخيراً إذا كنت تعتبر أن زواجك من فتاة غنية ذات أخلاق وحسب ونسب ويمكن أن تحبك أكثر من أي فقيرة هو خسارة لدنياك وكسب لاخرتك فأنعم بفقرك يا عزيزي ولا أحد يطلب منك شيئاً
-سوريا
Dr. y2011-03-04 11:34:37
السيد مختلف الاخلاق 1
رأيت ردك منذ لحظات فقط وأرد عليك بالتالي: أولا لا أحد يعتقد بأن الزواج هو صفقة تجارية وإذا كان كذلك فلماذا يمكنك أن تقبل لاختك أو إحدى قريباتك أن تأتي الخطّابة الى بيتها لتطلب يدها لابنها الذي ربما لا تعرفه فهل هي سلعة تباع وتشرى أم أنك تعتبر أن الفتاة يمكن أن تكون سلعة أما الشاب ( ذكر الذكور) لايمكن أن يكون ( سلعة !!) , ثانياً هناك تناقض في كلامك فأنت تقول أن الفقر لا يمنعك من السعي الحثيث للخروج منه ولكنك لا تملك الفرصة , ولكن الظاهر أنك لا تريد الخروج من الفقر لانك تقول لاحقاّ..
-سوريا
خلصنااا2011-03-04 06:20:48
انا بقول
(((الغنى غنى النفس)))
-سوريا
أعزب حلب2011-03-04 02:49:29
هكذا الدنيا
الكمال لله..عمري 38 سنه ولم أجد انسانا قابلته في حياتي وفيه صفات الكمال..لذلك علينا انا نرضى بأفضل الصفات القريبة الى قلوبنا,,تمنياتي لك عزيزتي ولي ايضاوجميع العاذبين بالتوفيق والزواج الكريم
سوريا
رانية2011-03-04 01:53:33
طرد الوسواس
بعد الصلاة والسلام على رسول الله : اقول بان شعورك هذا تجاه الاخرين بانهم يشعرونك مذنبة فهذا كله شعور من قبلك وتوهمات لاحقيقة لها وعليكي ان تطردي هذا الوسواس من بالك وثقي بان كل انسان لديه هم يكفيه يشغله عن ان يفكر في بنت تزوجت ام لم تتزوج وشكرا
-سوريا
hadi germany 2011-03-04 01:48:21
ومن يتق الله يجعل له مخرجا ويزقه من غير لا يحتسب
الزواج مثله مثل اي رزق في هذه الدنيا مقسوم ولكن جعل الله له اسباب منها اسباب دنيوية واسباب دينية فقوله تعالى الطيبون للطيبات..... فهذا سبب دبني يرتبط فيه سبب ديني وهو التحلى بالاخلاق الطيبة والايمان السليم بالله سبحانه وتعالى وقيسي على ذلك كل الميزات التي يمتاز بها الانسان لينال ما يرغب به يعز من يشاء ويزل من يشاء بيده الخير وهو على كل شيء قدير سبحانه وتعالى له الحكمة في كل شيء ابو بلال المانيا ميونخ
ألمانيا
علي بابا2011-03-04 01:26:04
كيف يعني
ياهل ترى صاحبة التعليق شو قصدها من التعليق وهل يا هل ترى أحد من الشباب اللي وضع بريدو الإليكتروني استلم شي منها؟ على كل حال أنا أضيف نفسي إلى مجموعة الشباب الراغبين بالقرب وأنا ابن عائلة وأحوالي جيدة والحمد لله وأبحث عن الزوجة الصالحة والسلام
سوريا
HIBA2011-03-04 01:06:46
شو مشااااااااااااان
شو مشانك آنسة بسيل . . .أخدتي حقك وأكتر والله انك محظوظة ليكي كم عريس صار مقدملك .... عيشي بهالنعم بس زكااااااااااااة عينك تبرعيلي بواحد من الدزينة يلي تقدمولك :( ههههههههه عنجد شي مسخرة ابقي اعزمينا ععرسك بس تتجوزي مو تنسينا هيئتك لأنو مو مطولة للتجوزي ...
-سوريا
اللئيم2011-03-04 00:55:12
نصيحة لو صحت لجدي ما كان مات
أنابقول أنو لصاحبة الرسالة أنو راجعي نفسك ودوري عل السبب يلي عم يخلي العالم تبعد عندك وصحح أخطائك وحبيبي العالم فيكي ولا تهتمي أذا أجاكي عريس ولا ما أجا لأنو هاد أسمة ونصيب وكل واحد بدو ياخد نصيبو وبتمنى لكي التوفيق والنجاح
سوريا
رامي2011-03-04 00:46:08
الحماية
بكرا إذا تزوجت بتصير عندك حماية وبتقلك التالي: الحماية بتقول للكنة أنا مابدي كندرة تزقزق بدي طنجرة تبقبق . خلك متل ما أنتي أحسن هيك بلا وجع راس
سوريا
bashar2011-03-04 00:31:09
لا تفكري بشي
عزيزتي الزواج قسمة ونصيب , لذلك لا تفكري بالموضوع وتشغلي بالك وديري بالك على حالك واهتمي بشغلك واهلك أحسن شي
سوريا
القبطان سيلفر2011-03-03 23:05:29
حطي بالخرج
ياعيوني كل يلي قلتي عليه هو مو من مطالب الرجال , العيلة الكبيرة بتعمل وجع راس و مشاكل , والمال الكتير مابتكون مطواعة لجوزها لانو مصاريها معها يعني بلحظة بتقلوا حل عنا , وجمال الكثير للجواز غير مرغوب فيه لانو رح يجي للزلمة وجع راس , هاد اطلع على مرتو وهاد لطشلو ياها وهاد بدو يطبقها وخود عيي . لذلك كل هل المقومات غير مهمة لزلمة بدو يعمل عيلة وبحس برجولتو , قما اذا واحد بدو يتعلق تعليق او فايت على طمع و نسبة الرجولة وعزة النفس عندو منخفضة فهي صفقة لا تعوض
-سوريا
امير2011-03-03 22:39:26
كوني حريصة
انا ح بنصحك نصيحة- انتبهي هيك موضوع ما بيتالج بهالشكل -لا تاخدي كلمين كتب لك بانه بدو ياكي ومستعد يخطبك عبر النت بعين الاعتبار- لا تنسي هي حياة مو لعبة- بكرا بيعيرك عد الزواج وبيقول لك متل ما تعرفي علي بتتعرفي عى غيري- لذلك عم بنصحك كوني حريصة
سوريا
loranzo2011-03-03 22:35:38
qatar
اكيد المشكلة هي انو ما في شاب بيجرأ يتقدم لك لانك من عيلة غنية ولازم يكون غني متلك
-سوريا
عجاج2011-03-03 22:28:57
بسيل
هلأ شو بيعني اسم بسيل ؟ وحياة الله بعمري ماسمعت حدا اسمو هيك ؟؟؟
-سوريا
بشار2011-03-03 21:47:03
شوفه الحال
بدي اول انو احد اسباب العنوسه في سوريا هي الاهل والبنات ليش لان انا مغترب رحت لاخطب اول بنت اهل بدن ياها اتكمل دراست والتانيه اهل صارو يطلب ويطلبو حسيت حالي رايح اشتري جاريه علما انو البنت عجبتني بس بس ما عجبني طريقه الارتباط كان عم اشتري نعجه والتالته اهل كمان بدن ياها اتكمل دراسه لان البنت مرجوع مو لجوزا لدراست هيك فكرن الجاهل والبنت ليش ارفيئت عملت عرس بالشيراتون وهي كمان بدا بالشيراتون البنت اللي بد الستره الله بيسترا بس الحالات اللي حكيت عنا من وين الله بدو ايوفئن الله يستر عليكي يا اختي
سوريا
شي مضحك2011-03-03 21:51:08
واحد خطر ببالو يفتح هالصفحة
اذا كان سؤالك صدقا فالله يعينك على هيك ناس عميجاوبوك. اما اذا كان السؤال كله سلبه بسلبه؛فخرجك هيك اجوبة
-سوريا
إيهاب2011-03-03 21:30:59
وجهة نظر
أنا وجهت نظري يمكن أنو يكونو خايفين أو متلبكين الشباب يلي حولك.أو يكونو حالتهم المادية وسط.وخايفين يطلبو أيدك لأنه مثل ماأنت قلتي أنه حالتك المادية جيدة وفتاة جميلة ومن عيلة كبيرة.يعني يمكن يكون والدك بشتغل شي مسؤول كبير.:))ويكونو مفكرين أنه أنت مارح تقبلي فيهم.وهذا الشي يمكن يكون صعب عليهم.أي الرفض.بس أنا وجهة نظري:أنه تورجيهم أنك كتير بسيطة.وتحكي أنه حابة أتزوج,ويكون عندي عيلة وتحكيلهم شو يلي أنت طالبتي وأنا بشوف أنه هذا الشي معقول.لأنه ماحكيتي شي برة الطريق.ولاشي شي حرام..
روسيا الاتحادية
نعومة 2011-03-03 21:32:12
متلك متايل إذا مو أحسن
ليكني أنا مازلت جميلة عمري 43سنة ومثقفة ومن عائلة معروفة وحفيدة شخص معروف على مستوى الوطن العربي بالشرف والوطنية .ما معي مال كتير مقارنة بالثروات الهائلة لبعض محدثي النعمة يعني معي بالكتيرة 12مليون بس بالحلال.جنسية أجنبية معي ولغات وشهادات,تزوجت وما توفئت وعم دور عالسترة والعيلة لاني بحب الولاد وبعرف ان نصيبي ما إجا لسا,يعني الشخص اللي بياسرني وبيقنعني بالزواج لانو ما بدي تجربة فاشلة تانية. ومتكلة على الله وصابرة
-سوريا
معاذ المروح2011-03-03 21:07:57
ممكن
اولا : يجب عليكي ان التزمي بالحجاب اذا كنتي غير محجبة وتغيري من تصرفاتك ثانيا: اجلسي مع نفسك جلسة صراحة وقولي في نفسك ماهي الامور السيئة في طباعي وحاولي الابتعاد عنها واتقي الله في نفسك (فمن يتقي الله يجعل له مخرجا)الله يستر عليكي ويزوجك انشاء الله
سوريا
أبو محمد بس مو متجوز2011-03-03 20:47:57
حقائق ناقصة
يعني لوكنتي موضحة بنص الرسالة هالحقائق يمكن كلياتنا ندمنا لأنو حطينا إيميلاتنا و ماحدا فينا تقدملك و هي أنو: 1- شئد أبوكي بدو يطلب فيكي؟ 2- وين بدك العريس يسكنك؟ 3- شو بدك طراز سيارتك؟ 4- العرس ع مسايا بدك ياه ست نجوم ولا سبعة؟ 5- بكفي دهب بمليونين إلا قليل؟
-سوريا
الإنتحار2011-03-03 19:27:19
كابوس
السلام عليكم شو عمو يعني صار الإنتحار لعبة كل واحد ماصار عليه شوية ضغط بدو ينتحر هذا مجنون وليس بعاقل لأنو بيخصر الدنيا والآخرة
-السعودية
أحمد2011-03-03 19:25:24
السبب بسيط
أنت تقولين عن نفسك جميلة و بنت عائلة. هذا كلام فيه شيء من التعالي، يجب أن تغيري طريقة تفكيرك و تبتعدي عن التفكير بجمالك و نسبك. يرجى النزول من برجك العالي لكي يتمكن الشباب من معرفتك على حقيقتك.
-سوريا
ناعم2011-03-03 19:09:04
7 نسوان
انا بصراحة قصتك شغلت بالي أنا صري متزوج 7 نسوان ومطلق منهم جميعآ, شو رأييك نعيش مع بعض بدون زواج بلك بتزبط الأمور, أنا محبوب و ناعم كتير كتير لقلك شغلة السبعة نسوان لحد الأن أصدقائي.
سوريا
وسام2011-03-03 18:53:28
مناقشة ام زواج؟؟
على مايبدو صارت تعليقات الشباب هي عروض زواج عفوا بس الزاوية هنا ليست باب للزواج بل هي للمناقشة واسمها أسأل مجرب.. ماروع المجتمع الذكوري لما بصير ذكوري بامتياز...وفهمكم يمكن كفاية..
سوريا
خبير نسوان2011-03-03 18:44:32
الزير خالد
شوفي يا انسة بسيل صرلي 15 سنه عم اتعامل مع نسوان والموضوع حظ مو اكتر بعرف وحده ما حلوة وسمينه وريحتها طالعه بس عليها عجئا غريبه! وانا منهن, ووين السر ما عم اقدر اعرفوا يمكن نجمها محبوب يمكن حظها قوي يمكن قلبها كبير, والزلم نفس القصه صرلي سنتين داير على عروس ما عم اتوفق مع انو انا ظريف شوي وسلبة شوي وحليوة شوي ولح طق على ما اتجوز وانستر بس ما عم اتوفق . من شهر خطر ببالي أألف كتاب عن النسوان واصنافها الميموري والمعالج تبعات مخي ما تحملو هيك موضوع كبير ف لغيت مشروع الكتاب وضليت نسونجي
-سوريا
مواصفاتك ممتازة2011-03-03 18:39:44
تتجوزيني
أنا طبيب 32 سنة بس بعدني بأول الطريق اذا بتفبلي تبقي معي ع الحلوة والمرة ممكن نتجوز أنا كتير بيسألوني ليش لهلأ ما تزوجت وأنا شاب بعرف شعرك صعب
سوريا
علي طرطوس2011-03-03 18:38:13
الحل عندي أنا ....
أنا رح قلك الحل .. الحل هوي أنا ... أي أي أنا ليش مستغربة ..هي أنا قدام الكل بدي أطلب أيدك وبدي ترديلي هون ... وحياة الله إذا حكيك يلي حكيتيه عن حالك صح بدي أطلب أيدك وماقصدي حكيك تبع الحالة المادية لأ بس أنا بيهمني تكوني حبابة و بنت عالم
سوريا
ايمن2011-03-03 18:17:22
هناك عدة طرق
اختي الكريمة هناك عدة طرق للتغلب على حالتك أهمها ان تكون انت من اعماقك لديك رغبة في الزواج و الارتباط الانسان مثل الراديو لا يمكن ان يسمع اي قناة بدون ان يولف على القناة و ذلك بان يدير الابرة لكي يلتقط البث فما عليكي الا ان تحاولي التوليف و تفتحي قلبك في محاولة منك لاستقبال بث احدهم و الله الموفق
-سوريا
ليث2011-03-03 18:09:50
محبة من الالب تصل لالب
النكتة بظلها الخفيف المرونة واللطافة كلهم اشيا يمكن بلحظة وخاصة الانثى بنحس انو نملكها لكن بلحظة لازم نحس كيف عم نتكلف وعم نداهن فيهم والناس مو اغبيا تا ما يكشفونا ويقراو حقيقة افكارنا واطباعنا من جوا وهاد شي بغض النظر عن كل شي بخليهم ما يحسو بانسجام معنا او ما يالفونا واكيد ما نتجاهل انو كل شي بقضاء واكيد النصيب الو دور بحياتنا ومو بلسهل نلتقي بفتاة او بشاب احلامناتا تيح الظروف اكيد ولما تلقيه تاكدي انو مارح ينطرك رح تلقيه حدك وقريب منك بتمنالك التوفيق اخت بسيل وربي يسعدك بحياتك ولاتنسي كوني
سوريا
ليث2011-03-03 18:09:03
محبة من الالب تصل لالب
حبيت اني اتخيلك مو بصورتك وشكلك اكيد بادائك وطريقة تعاملك شي رحت استوحيه من طريقة كلامك لقيتك بتجيدي فن الاصغاء وتتقني فن الكلام وحسن الاهتمام بلناس لهيك بيحفوكي بهالات الاحترام والوقار اكيد لكن شو بينقصنا نحن البشر تا تكتمل صورة تواجدنا بالوب الناس وتا ياخدو الانطباع الحلو والكافي عنا والي نحن بدنا نوصلهم ياه بدي قول انستي بنقصنا ( العفوية والتلقائية ) اي بسيل هي مشكلتنا وكلنا نحمل عقده انو لازم ننتبه لحالنا وطريقة كلامنا واسلوب حضورنا كيف لازم يكون ونحافظ عا برستيجنا و الى اخره جد هل شي ببعد
سوريا
ليث2011-03-03 18:03:47
محبة من الالب تصل لالب
يسعد مسا الكل ومساكي انستي بسيل .. لما رحت اقرا شكواكي هي و تقصدت اني اتمعن بلكلمة وبلحروف لقيت انها مرسومة بملامح الب دافي وانوثة مفعمة بلحيوية غير انك وباين انسانة تحملي جواتك رقي بتعاملك مع الناس هاد شي كتير حلو ومجرد تفكيريك بهل طريقة ورغبتك وخطوتك بانك تجمعي وتحصدي الاراء عن شي انت تحسيه مشكلة بحياتك مع اني بحسو مجرد وهم وخيال منسوج من حبال المحيط الاجتماعي الي تتاثري فيه وانت حكيتي انو الناس تتعامل معك برقي واحترام طيب وين المشكلة اكيد شي نسعى الو ونتمناه بحياتنا
سوريا
سمير 2011-03-03 17:41:47
سبحان الله اذا تم النصيب
اختي الكريمة انا على استعداد للزواج بك وانا متلك ابن عيله وبخاف من الله اتمنى ان تكون سيريا نيوز هي سبيل التعارف الي بعضنا البعض
سوريا
ماجد 2011-03-03 17:39:03
[جديد
ما بعتقد انو ما رح يتقدم بالعكس رح يكونو كثار بس برايي انتي لازم اعرفي تختاري اذا كانت حياتك الك من الاصل نحنا بزمن الخبره هيي بتحدد مستقبل الانسان
سوريا
مغترب 2011-03-03 17:25:36
ابحث عن بتت من بلدي
انا معترب في فرنسا منذ 10 سنوات وابخث عن زوجه من بلدي فلما لا تكوني انت
فرنسا
مغترب2011-03-03 17:32:33
الله يسترها علجميع
اول الشي سن 25 عادي بنظري ؟؟ و بلنسبة للعلم انا ما معي غير سادس و زوجتي مهندسة و بلنسبة للمال انا ما عندي شي غير بيت و سيارة ببلدي و عملي خارج القطر ؟؟ و زوجتي تعرفت عليها عن طريق النت و رحت رجعت سوريا خطبتها و انهيت اموري و الحمد لله علما زوجتي عمرها 29 سنة اصغر مني بسنة فقط و هاد انا بلاقيه جدا عادي و هلحكي ليلي ما بيأمن بموضوع الفوارق السنية بس يلي بحب وصلك ياه خليكي على مسافة انتي و الناس و هاد الصح و دينك و خلقك اهم شي و النصيب لما بيجي الله بيبعته
-سوريا
ابراهيم محمد2011-03-03 17:09:21
تواضع الكبار
عزيزتي بسيل في مجتمعاتنا الشرقية يكون احترام وعلو الشخص بما يملكةمن مال وانت بارك الله فيك تتمتعين بالمال ادامه الله عليكم وعندماينظر من حولك فانهم يكونون خاشعين امامك بالاضافة الى انك من عائلة كبيرةحفظكم الله الحل باذن الله عزيزتي بسيل كوني متواضعة كثيرا مع الجميع ادخلي الى حياة اصدقاءك المقربين وفي حياتهم الاجتماعيةوشاركيهم في الافراح والاتراح طبعا كل هذا يجب ان لا تنسى الاحترام المتبادل بينكم وشيء اخر عندماتتحدثين الى من حولك لا ياخذك الغرور والكبرياء وتصفي نفسك او مالك و و و و
سوريا
kenan2011-03-03 17:06:05
عم تتسلى
مع احتامي لجميع المعلقين أنا شايف هالبنت عم تتسلى لعدة أسباب 1-مستحيل في بنت بالدنيا بتجمع جميع هالمواصفات -2-لوصحيح بدها تجوز وتنستر ماكان أرسلت مشكلتها عالنت 3-بعدين إذا كل هالبشر يلي حواليك ماعجبتي حدا لا بالعمل ولا الأقرباء ولا الأصدقاء ولا الجيران منين راح نجيبلك عريس يرضى فيك 4-أنا أعتقد انو كل ها لمواصفات يلي ذكرتيها مو موجودة عندك (انشاء الله أكون غلطان )لحتى ماينصدموا الشباب يلي نزلو العنوان البريدي الخاص
-سوريا
عايش من قلة الموت 2011-03-03 17:14:43
معقولي
لازم تكوني فقيرة لانو الناس بيحسو انو انتي بالسما وهنن بالارض لذلك صيري فقيرة واذا بدك انا بتجوزك ماعندي مانع
سوريا
العدالة القادمة2011-03-03 17:08:19
يتبع غرييييييييييييييييييييييييييييييييييييييييب
أنا لا أقضد الأخلاق الدينية ولكن أقصد أخلاق الطباع يمكن طبعك سيء كتيييييييييييييييير وعملك بوظيفتك وعدم حصول مشاكل يمكن لأنو الكل بيخاف من شرك لا تزعلي مني لأنو ما في سبب تضلي عزباء غير هالأسباب أما يلي بيشك بشرفك في احتمالين : 1-بتوقع ما في دخان بلا نار 2- هاد إنسان ماقدر يواجهك بشخصيتك القوية وصفاتك كلهاحلوة بس طبع صعب مالو ملاقي طريقة ليهينك فيها غير اتهامو السخيف لا تردي على هدول الناس (لأن إرضاء الناس غاية لا تدرك ) لو تزوجتي حيقولو أبصر شو ستر عليها زوجها اعملي الصح برأيك
سوريا
wael2011-03-03 17:08:04
دمشق
عزيزتي ان هذا موضوع بيد رب عالمين وانا ايضا عمري 30 عاما وابن عائلة ولدي احد شركات موجودة في سورية ومعروفة وما زلت ابحث عن شريكي من اكثر من خمس سنوات ولم اجد احد
سوريا
Mohamed2011-03-03 16:57:27
إلى صاحبة الرسالة
أنستي اذا كان بالإمكان تجاوبيني على سؤوالي يمكن تكوني حددتي سبب عدم طلبك للزواج بعد اذا تقدملك شب مثقف ومتعلم بس بيت ما عندو وبيشتغل 15 ساعة باليوم ليحسن مستواه المعيشي وهو بيقدر يتحمل مسؤلية البيت والحياة الزوجية وذو أخلاق بتقبلي فيه هذا هو حال 90% من شبابناوأنا واحد منهم طبعاً بالأول وبالآخر الحياة هي تفاهم بين الطرفين وكل واحد لازم يكون متفهم للآخر لحتى نبني بيت الزوجية والحياة السعيدة وما نقيس الأشياء بالمادة لأن الفقير اليوم بكرة الله بيغني والله الموفق
سوريا
العدالة القادمة2011-03-03 16:56:39
غريييييييييييييييييييييييييييييييييييييييييب
الله يفتح نصيبك انشالا بس الواضح من كلامك إنك بنت بتدوري عالمظاهر وبس مين آل أنو البنت بتنخطب بس لجمالها ومالها ؟؟؟؟؟؟؟؟؟ حبيبتي في شي اسمو أخلاق وإحساس مو كل شي مادة يعني في عواطف يلي شايفو أنو الشباب عم تهرب من تصرفاتك وعدم حكمتك (يلي آخد القرد على مالو بروح المال وبيبقى القرد عحالو) آل حلوة آل (ماحدا بيقول عن زيتو عكر) انشالا يكونوا يلي متلك من الشباب واابنات يكونوا فهموا كلامي على بساطتو
سوريا
Ayman2011-03-03 16:22:44
إجيتي و الله جابك
أنا عندي نفس مواصفاتك و عمري 29 سنة و ما تجوزت لهلأ ، فإذا بدك جاهز و جدي.
سوريا
نور الهدى2011-03-03 16:19:12
رد على المغترب
صحيح أن الرسول عليه الصلاة والسلام قال هالحديث ولكن هل فهمت معناها؟؟ هل تتهم الناس ؟أو تفتي بالدين بغير علم؟؟معنى الحديث ياعزيزي أن هذه الصفات الأربع التي يُُرغب بمثلهاوفي عادة وليس المعنى أن كل من تتصف بهذه الصفات يجب أن تتزوج!! والصراحة عيب المسخرةمن هيك أشياء لأن هذا المكان للمساعدة وللوقوف بجانب المحتاج وليس للاستهزاءوالكلام الذي لا معنى له كم من صادقات وجميلات ومحترمات لم يحالفهن الحظ؟ فأرجوأن ترتقوبمستوى الخطاب وإلا فاقترح حذف كل تعليق لا فائدة فيه أرجوالسعادة لك أختي
سوريا
ليلى مراد 2011-03-03 16:21:25
لكل الشباب اللي تركو أيملاتون
كلام جيمل أأأأه و كلام معقول مقدرش قول حاجة عنو,,,,,, لكن خيال حبيبي المجهول ،،، حبيبي مش لأقية فيك حاجة منو!!!!!
-سوريا
محمود2011-03-03 16:10:46
المهم الأصل
قبل كل شئ و من أخ مجرب و فشل بتجربته للأسف أنك تدوري على ابن الأصل و ما تبقى كله شكليات و تزول مع تقدم عمر الزواج و لا يدوم بالنهاية غير اصل الإنسان ( و للأسف هم أقلية هذه الأيام ) يعني على قولة المثل خود الأصيل و نام على الحصير. أتمنى لك التوفيق و الحظ الوفير ( يعني يكون أحسن من حظي ) و لكي مني كل الإحترام و أنا جاهز للنصيحة بحكم الخبرة .
سوريا
!!2011-03-03 16:10:13
انا جاهز كمان اذا بدك
انا جاهز اذا بدك ولا تزعلي حاكيني وكل شي بيصير ,, والله يوفق راسين بل الحلال
سوريا
شب سوري مو فارقة معو2011-03-03 16:05:18
المهم انك تكوني قنوعة
شوفي انا ما بتفرق معي وضعك ولا اسم عيلتك المهم انت تكوني قنوعة وم قتنعة بالشب اللي بدو يتقدملك وما تطالبيه يوفرلك شغلات ما بيقدر عليها, طبعا في كتير نقاش بهالموضوع ممكن ينحكى
سوريا
محمد 2011-03-03 15:46:27
نصيحة
يمكن تكون فكرة أهلك انو لازم يتقدملك شخص من مستواك العائلي أو المادي أو أحسن وهاد الشي يمكن صار عندك مقياس وفيها وجهة نظر من حيث المبدأ بس بنصحك تختاري الشخص اللي بترتاحي له و لا عاد تفكري بالمستوى العائلي أو هالكلام والتقاليد,اختاري صاحب الأخلاق والدين لأنه كل شي بروح ما عداهالمسألتين والله يختارلك الخير , mhdna80@gmail.com
سوريا
katy2011-03-03 15:48:56
عادي اخخخ
لك اخ هي مشكلتي انا كمان رح يصير عمري 32 سنة واناما تجوزت لهلأ والي بيشوفني بيقولو يا الله شو حلوة وعندي سيارة وعم اشتغل ومو المشكلة هون مشكلتي اكبر لانو اخواتي كلن اتجوزو وبيجو هنن وولادن وانا هه شي بيضحك بس بتفرج عالفيس بوك على هالعالم المبسوطة وكل وحدة مابتنشاف شكل عندا جوز بيجنن يلا الله كريم بركي بنلاقيها بالجنة لا والاحسن انو كل رفقاتي اتجوزو وصار عندن ولاد وعلى فكرة انا دارسة ومتخرجة من كلية الاداب وتعبانة علة حالي لا والناس بتغار مني على شو بس نفسي اعرف !؟
سوريا
maher2011-03-03 15:54:24
أنا عندي حل لمشكلتك
نا عم دور ع عروس .. شو رأيك بالفكرة ؟؟
سوريا
الصديق2011-03-03 15:57:12
النصيب
انا من يحققلك رغبتك والمال اخر تفكيري المهم الدين والخلق الحسن هي هيا الغنى ولمال وعمري 45 سنه
سوريا
MASTERMIND2011-03-03 15:51:42
بسيطة....
أول شي في مشكلة اجتماعية بسورية وهي عزوف الشباب عن الزواج لأسباب مادية واجتماعية ونفسية وهي المشكلة جزء من مشكلتك ومارح نحكي فيها لأنها صارت معروفة....الجزء التاني من مشكلتك (بنظري أنا طبعا) إنك صبية صغيرة وحلوة وغنية (متل ما عم تقولي) وهي العوامل كلها ممكن تخلق ردة فعل عكسية عند الشباب اللي حواليكي (وأنا واحد من الناس رح قول لحالي أكيد ما رح تقبل فيي إذا تقدمتلها)...حاولي تلاقي شب من نفس مستواكي وطبقتك الاجتماعية وإذا عجبك عطيه مجال يتقرب منك (وهالشي مو عيب ولا غلط) وانشالله بيصير خير
سوريا
متلي متلك2011-03-03 15:43:44
كتير عادي
للأسف هالأيام البنات الكويسين والاوادم والي ما عندن علاقات هنن الي قاعدين بالبيت والبنت الي عاملا السبعة وزمتا بتتزوج أحسن واحد مشان هيك اصبري وما بعد الصبر إلا الفرج وطالما انو انت عندك شغلك ومستقلة ماديا فما تخافي من المستقبل الا ما يرجع الله يبعتلك شي حدا منيح ودايما فكري انو تضلي عازبة احسن ما تتزوجي شخص مو منيح ومومناسب لإلك
-سوريا
vicken2011-03-03 15:34:25
take me
take me
سوريا
*نجمة أمل*2011-03-03 15:28:16
كترو العرسان
اطمني حبيبتي هلأ صار عندك اكتر من عريس وبتقعدي بتختاري مين مابدك عندك ammarوعماد وابو محمد بس مومتزوج ولا تنسي wassem مابتعرفي وين النصيب وانشالله الف مبروك بس بدي قول لمفزلك لاتحكي هيك عالمخلوقة انت مابتعرفا منيح
-سوريا
سامي البطل2011-03-03 15:27:58
عندي الحل
مو ضوعك بسيط جداوانا اعتقد انو الف شب ممكن يتمنوكي خاصة لاخلاقك المهم ما تردي لى بعض الكتابات غير المهة وانتي ما زلتي في زهرة شبابك ولو بعرف عنوان اهلك لخطبتك
سوريا
*نجمة أمل*2011-03-03 15:23:37
كترو العرسان
اطمني حبيبتي هلأ صار عندك اكتر من عريس وبتقعدي بتختاري مين مابدك عندك ammarوعماد وابو محمد بس مومتزوج ولا تنسي wassem مابتعرفي وين النصيب بس بدي قول لمفزلك لاتحكي هيك عالمخلوقة انت مابتعرفا منيح
-سوريا
Rami2011-03-03 15:18:45
عائد من الغربة
انا شب عندي نفس المشكلة بس بالعكس ما عم لاقي البنت يلي عم بتعبي راسي اول شي فكرت انو المشكلة لانو تغربت شي 10 سنين باوربا بس هلق صرلي سنتين راجع و ما عم اقدر اتاقلم و كل ما قابلت بنت بحسا سطحية و هوائية وما عم يعجبني العجب!!!!بس متل ما قالو كل شي بوقتو حلو!!
سوريا
مغرور2011-03-03 15:15:01
بدنا نتزوج ع العيد
ممكن عنوانك وانا مستعد لاطلبك من اهلك ورضيان بوضعك امري ل الله وانا كمان شخصية حلوة واخلاق حميدة بس ماني قادر اتزوج من تعقيدات الزواج وطلبات اهل العروس وشروطهم..... بس ياطويلة العمر شرحك غير كافي للنصحك
-الإمارات
*نجمة أمل*2011-03-03 15:08:07
مو مشكلتك الزواج لكن شوووووو
حبيبتي انتي عم تقولي مو مشكلتك الزواج المشكلة انك ماعم تقدري تتواصلي مع الاخرين معناتا شورأيك تخففي من غرورك شوي وتكوني متواضعة والله مافي احلى من التواضع وبعدين شومشان الشباب عم تعطوا نصائح عأساس مابهمكون الجمال المهم الاخلاق ....طيب ليش بمجرد ماسمعتو انوالبنت حلوة صارت تنزل ايميلاتكون متل المطر؟؟؟؟؟؟ اممممممممم انتو جنس آدم مارح تتغيروا
-سوريا
سوري مغترب 2011-03-03 15:00:26
الارتباط
والله يابنت الحلال اذا انتي بها الصفات اللي ذكرتيها انا اول واحد وبقلك قدام الشباب الموجودين هون انا جاهز لاتقدملك واتعرف عليكي بما يرضي الدين والعادات انا عم دور على بنت الحلال صرلي فترة وحابب انها تكون من بلدي وبسبب الغربه عم لاقي صعوبه بها الشي ف اذا في مجال انو نتواصل ,, ؟؟؟
الإمارات
----------2011-03-03 14:58:19
---------
بتعرفي ليش لانو بخافو يتقدمو لخطبتك وانت اعلى منن بالمستوى المادي فأنت اكيد مارح تقبلي بشب ادنى من مستواكي المادي وكل هالشباب ما معن مصاري تعبي راس البنت مشان هيك الا اذا انت مستعدة تتنازلي وتاخدي اقل من مستواكي الله يفتح نصيبك
-سوريا
نصار2011-03-03 14:37:49
الحل عندي
اسمعيني الحل عندي . اكيد فيه شي سحر بالموضوع والسحر موجود والرسول عليه الصلاة والسلام تكلم فيه. على كل حال بتعرفي شخص اسمه مايك فغالي. هو بيعرف بهيك امور. هو صديق شخصي ومقرب الي وممكن زبطلك موعد معه وهو بيشرحلك التفاصيل. اذا مهتمة تواصلي معي على الايميل.
سوريا
سيف الدين2011-03-03 14:39:18
انا مستعد للزواج
اتمنى ان تراسليني للزواج
-سوريا
حال من بعضوا2011-03-03 14:27:21
حال من بعضوا
سيدتي الكريمة أن موضوع الزواج يحتاج ألى اكثر من الجمال والعائلة والنقود , فأنا شاب متعلم ويقال لي أني وسيم كما أن وضعي المادي جيد جدا فكرت بالزواج منذ سنة ولكن كل من حوالي اما ليس من نفس الدين مع أني لا أعارض ذلك ولكن لأعرف أنهم من سيرفضون لذلك حاولت الأرتباط عن طريق الأهل ولكن لم أقنته حتى الأن لذلك يبدوا أن الموضوع بحاجة الى بعض التوفيق أتمنى لك التوفيق , عالفكرة وضعك المادي سيخيف أي عريس بانك لن تقبلي بالقليل وسيلاقي الرفض
سوريا
ايكاروس2011-03-03 14:25:46
اعترااااااااااااف
اعترف بأنني الأن في حيرة من امري وانا اطلع على هذه المشكلة ,, لا ادري لماذا الشعور بالذنب وانتي لم ترتكبي اي خطأ ولكن هناك سبب لوجود تلك المسافة بينك وبين زملائك في العمل ولا استطيع ان اجزم ماهو؟ لكي ان تزرعي الألفة في نفوس الأخرين ولا احد يستطيع فعل ذلك الا انتي وان تتخلي عن فكرة الشعور بالذنب. أنا امتلك مما ذكرتي ولدي المال والوسامة والنسب ولله الحمد وجميع زملائي في العمل وحتى العملاء يعاملونني بحب واحترام مع انني موظف في احد البنوك وتعاملي مع فئات عدة من الناس
أوكرانيا
مواطن عادي2011-03-03 14:25:43
في حل
أنا بتزوجك
-سوريا
مختلف الاخلاق2011-03-03 14:07:27
رد ل Dr.y
مع احترامي الشديد لك يا dr.y انا لست معروضا للبيع للاسر الغنية لاكون زوجا لاحد بناتهم و لا اقبل لنفسي او لغيري ان يكون سلعة زوج تباع و تشترى. و انا سعيد بحياتي بالفقر و لكن هذا لا يمنعني من السعي الحثيث للخروج من الفقر و لكن بالمقابل لا اريد الخروج على ظهر احد بطريقة اكسب الدنيا و اخسر الاخرة ومع العلم اني املك جميع المؤهلات و لكن لا املك الفرصة. ومن هنا قناعتي انني لم اطمح يوما لامتلك اكثر من ثمن الرغيف. و انا كنت تعتبر رفض دعاية الزواج(ان وجدت) تكبر و غباء فهذه ليست مشكلتي. و لك تحياتي .
-سوريا
مهندس ابو ظبي2011-03-03 14:15:16
شو سلبياتك؟
انتي عم توصفي حالك من وجهة نظرك وليس مثل مو شايفك الأخرين كل انسان مهما بلغت ايجابياته اكيد عنده سلبيات حاولي تبحثي عنها وتتلافيها وبلنسبة للعمر مافي مشكلة لساتك صغيرة والله يبعثلك ابن الحلال المناسب
-الإمارات
ammar2011-03-03 13:54:06
للجادات
الزواج نصيب وهو مفتاح السعاده اذا بني على اساس من التوافق الفكري ومو غلط ان يبحث كل شخص عن الزواج لتحقيق هذه السعاده اتمنى اذا كنت جاده ان نتواصل فربما يكون هنا النصيب بانتظاركم
سوريا
دكتور2011-03-03 13:46:50
عندي الححححححححل
بسيل خانوم سمعي وعي انا سابقا ماكنت مؤمن بالنصيب بس الظاهر انك مستنيتيني لهيك الله مايسرلك حدى غيري وهلاق بمااني لاقيتك كتبيلي من شان عطيكي عنواني اذا بدك تخطبيني ولا تخافي اهلي مابدهم مقدم كتير يعني ربع مليون ما اكتر
النمسا
emad2011-03-03 13:50:08
معقول
ببساطة تتجوزيني ارجو من سيريا نيوز التوفيق بين اثنين بالحلال
سوريا
samer boss2011-03-03 13:39:10
S&J
ولا يهنك وهي انا عم اتقدم إلك شو رأيك
سوريا
مغترب2011-03-03 13:15:03
تجربة ما بتخسري فيها شيء
يااخت بسيل خففي من مظاهريك اذا انتي حلوة مافي داعي للمكياج بالمرى ولبسيك خليه عادي من الاسعار الوسط وتظاهري امام الناس بشكل عام وخصوصاالغرباء عنيك الي مابيعرفو عنيك شيئ انيك من الطبقة الوسطة واقل وروحي على الميتم وخذي هداية للائيتام وتعرفي على ناس جدد ولما تحبي شب ويحبيك لاتقولي شيء لابعدماتتئكدي من حبه 100%100 مابتعرفي يمكن كل الي حواليكي ولاد حلال من شان هيك محدتقدمليك لفارق المستوى المادي بينيك وبينه بس مابتعرفي ايمت يجيكي واحدابن حرام وتزوجيك طمعافي ماليك والمال ليس كل شيء
أستراليا
سلينا2011-03-03 13:26:13
كلو نصيب
اختي العزيزه انا بقول كلو نصيب وهيك ربنا رايد انا عندي نفس المشكلة اذا بتحبي نتواصل
أستراليا
samir2011-03-03 13:11:11
رأي
بسيل شرحك غير كافي لاعطاء نصيحة ولو اني لا أرى ان هناك مشكلة اصلا فانت ما زلت صغيرة عدا عن ذلك من قال لك ان الزواج أمر محتوم يجب ان ينفذ. ان كانت هذه الفكرة في عقول من حولك فليس بالضرورة أن تتبني الفكرة .ودائما افعلي ما تريدين وليس ما يريده الاخرين.قد يكون تحميل الاخرين لك سبب عدم الزواج هو من باب الحسد لما لديك وليس من باب النصيحة لما له خير لك.وعليه انهي خذي وقتك بهذا الموضوع لكي تتختاري بشكل صحيح ولا تختاري لمجرد الانتهاء من لوم من حولك حتى لا تنتهي حياتك الزوجية بألأم يومي.
سوريا
لونا2011-03-03 13:15:54
ولا يهمك كلنا بالهوا سواااااااااااااا
انا بنت حلوة ومتعلمة وكمان مدرسة خصوصي واحوالي المادية كتير منيحة وعندي دهب واجا عريس الهنا بس ما مشي الحال وليكيني والله قبل ما انخطب واقلب كنت مبسوطة اكتر من هلأ وما عرفانة مين بدو يجي وخيفانة من المستقبل..... حمدي ربك انو ما صارمعك متلي وانت انشالله بيجي نصيبك
-سوريا
قلب ذهبي2011-03-03 13:07:29
ما عرفنا معنى الحياة
الحياة جملة مشاعر و احاسيس بنعيشها ، بس نحن ما رح نحس بكل اللي حوالينا لأنو الانسان بطبيعتو محدود المدارك ، لما بتكوني رضيانة على حالك رح يسير تناغم بينك و بين ذاتك و رح تشوفي كل الناس على حقيقتهم ، و رح تميزي بين الصالح و الطالح و طبعا هادا الشي بدو منك تفكري صح بالأول، انا بنصحك انو تمارسي رياضة الاسترخاء و بس
سوريا
fadi2011-03-03 12:54:07
beutiful and without marrige
الحقيقة هذا الموضوع اصبح منتشر بشلك كبير جدا وفي جميع المجتمعات وذلك بسبب عوامل كثيرة وخصوصا ان الآنسة بسيل محترمة ولكن ربما جديتها هذه ابعدت الكثير من الشبان الين يقعون عادة ببراثن النساء اللوتي يعملن جاهدين على ايقاع اكبر عدد من الشباب بشباكهن... انصح الجميع بضرورة الزيادة في العلاقات الاجتماعية المحترمة وعدم الاستسلام ابدا وان يبحثوا بأنفسهم عن الرجال الكفؤ القادرين على تحمل المسؤوليات.
سوريا
ابو عمر2011-03-03 12:23:17
الكلام لكل البنات
قال الرسول صلى الله عليه وسلم: تنكح المرأة لثلاث لمالها وجمالها ونسبها@@@@فأظفر بذات الدين تربت يداك هلا البنات اذا سكنو ببيت اهل العريس شو فيها كانو من زمان يسكنو 10 عيل ببيت واحد وطبخة وحدة بعدين 300 الف متقدم ومتلهن متاخر ومتلهن ملبوس بدن وبيت لحالي واذا في سيارة يعني فكرو يابنات اذا واحد عندو كل هدول حيتجوز بيقضيها حب وغرام وكل شهرين بغير الاكلة مو احسن ماياكل طول العمر ملوخية تنازلوا قليلا وللمتجوزات هدو شوي على رجالكن
-سوريا
Maestro2011-03-03 12:34:44
أهلا وسهلا غرام.....
أنتي مافي منك.....بس لو تخففي حدة أحكامك على آدم شوي.
سوريا
ابن الشام2011-03-03 12:34:46
صبرا
صبرا عزيزتي لسه الوقت أدامك ومابتعرفي أيمت بيجي نصيبك ما عليكي سوا الصبر لانومفتاح الفرج اسأل الله أنيرزقكي بزوج يحفظك ويرعاكي ويعرف أيمتك أميـــــــــــــــــن
سوريا
عجيب2011-03-03 12:28:33
في ان
حسيتك عم تعملي دعاية عالسريع مو مشكلة لو ما تقدم حدا وقت يجي النصيب ما بيوقف حدا بوجهو بس التواضع اهم شي
-سوريا
الرائد2011-03-03 12:13:10
شيي غريب
يعني فعلا شي غريب هالأحكام المسبقة!!! شي سحر شي غرور شي عم تعمل دعاية!!! آنستي بصراحة أنا صارلي تقريبا 4 سنين عم دور ع بنت الحلال وما في نصيب !!! وبصراحة أكتر إزا بيعنيلك الأمر الإيميل موجود وما حدا بيعرف النصيب وين والخيرة فيما اختاره الله !أنا أريد وأنت تريد والله يفعل ما يريد .
السعودية
maya2011-03-03 12:15:45
حليت مشكلتي
صديقتي الغالية حصل معي نفس مشكلتك تقريبا والحمد لله انحلت اموري وهلا كتير مرتاحة يمكنك التواصل معي للبحث في الموضوع
سوريا
ام جنى2011-03-03 11:55:53
مسخرة بعض المعلقين
لو سمحتو يا معلقين لا تسخفو الموضوع والله العظيم عيب بجوز انتو عندكن مشاكل انتو يلي بتستحقو يتمسخر عليكن الواحد,لازم نحترم الاخرين ونقدر مشاكلن لان كل شخص اله الية تحمل مو كل الناس متل بعضها.وبحب قول لبسيل عليكي بالدعاء لرب العالمين قومي واعقدي وادعي لربك بابن الحلال وانت اكيد نيتك صافيه ولو ماكنت متواضعه ماكنت شاركتي بالموضوع واتحملتي التعليقات المفززه للاعصاب,ولاتسمعي كلام يلي قلك انو عطي ريق حلو للشباب لانو مابينعطو وجه بس خليك حكيمه بتصرفاتك والله يختارلك الخير.
-بريطانيا
الشفق الاحمر 2011-03-03 12:14:11
ردا على سوري مغترب
يخرب زووقك يا زلمة و الله فرطتني من الضحك لك صار عمري 30 سنة و من اربع سنين ناوي اتزوجك و مر على راسي كتير كل ما اقترب من و حدة بتعمل حالا ملاك و بس امشي بتصير تلحقني خليها لربك يا رجال قال شو ذنبي قال
-سوريا
samer2011-03-03 12:12:40
ليس لك ذنب في ذلك
عزيزتي ليس لك ذنب في ذلك فالزواج قسمة ونصيب
سوريا
Maestro2011-03-03 12:08:35
شكرا لـردك....
بين من ردك أنه سبب التأخر راجع للنصيب فقط.لا تحطي ببالك،الله كريم وكل تأخيرة وفيها خيرة.والظاهر أنه بعده ما مرق بحياتك الشخص اللي ممكن يهز أركان قلبك ويدق بابه وإلا بعتقد كنتي أخدتي المبادرة لثقتك بنفسك.حاولي متل ما قلتلك جربي أنتي تقربي إذا في حدا لافت نظرك بس بدون ما تفرطي بقدرك.واعرفي أنه كل شي وأله وقت وكله بوقته حلو....الله يوفقك ويعطيكي اللي بتتمنيه وأحسن.
-سوريا
وسام 2011-03-03 12:02:45
معادلة بسيطة
الحقيقة كلامك كتير حلو وتقدير لذاتك جميل جدا خلينا نقارنك مع الشباب يلي ممكن يتجوز يلي يدو يتقدملك لازم يكون عمر لا يقل عن 30 عاما طيب بتوقعي شب بالهعمر رح يكون عندو المقومات لي جاريكي ويكون بنفس مستواكي المالي اصلا ان شالله يكون عم يشتغل مشان هيك لا تفكري بالموضوع كتير ولا تهتمي بالناس يلي حولكي انا برائيي ممكن يكون هلق بلش واو بدو يبلش وقت زواج .
سوريا
Mamoun2011-03-03 12:02:21
واحد شامي اصيل
من خلال جملة أحترم عملي ومن حولي في العمل ولا أتعدى حدود الدين أو العادات و التقاليد انت محترمة بس مغرورة الحل احمل حالك ورحي على دكتور نفسي اذا ماعندك عنوان اي دكتور انا بعرف واحد قرايبي بدك والله بعطيكي رقموا تحت الهوا يا هوا وياهواروح اقلو شوفيت حاللك هي مشكلتك باي باسيل اسم كمان مستعار
سوريا
زين2011-03-03 12:00:24
ماحدا بياخد غير نصيبو
ياانسةلاتدايئي ولاتزعلي كل تأخيرا في خيرا اوكل شي بوئتو حلو
سوريا
motaz2011-03-03 12:03:49
العيب مش فيكي
انا برأيي كشاب انو سبب عدم ارتباطك لهلق هو الميزات اللي حكيتي عنها الجمال مع المال مع الجاه هي الاشياء بتخلي الشب مايتقدملك خوفاً من المغالاة بالمهر وبالتالي الرفض مماوكل ماتقدم الزمن بتتولد فكرة انك مغرورة في ذهن الشباب
سوريا
نكروز2011-03-03 11:43:17
ماخاب من استشار
ياعمي صح انك تستشيري بس غلط تفكري انو هي مشكلةلساك صغيرة ألا اذا كنت عايشة في بئات محافظة جدامع انو عندك مغريات رح تنحل مشكلتك لأن الشباب ميدور عفرصة عمل هلا تأمن العمل والزواج موفقة انشالله بس لاقي طريقة تتواصلي مع الشباب الراغب بالارتباط الجدي
سوريا
مخرج هندي2011-03-03 11:47:59
للاخت بسيل والاخوة المعلقين
المال والجمال..بيعملوا حول الشخص هالة بتخلي الاخرين يهربوا وينفروا منها لعدم القدرة على المجاراة..وبسبب اعتقادن المسبق انو هالشخص فوقي ومو شايف او شايفة حدا قدامها...ويا ما مرات بيكون الشخص صاحب هالمال والجمال بيكون حدا ولا ابسط من هيك وعند التقرب منو ممكن نتفاجأ ادي ممكن يكون بسيط وعادي وغير متعالي..واظن ان الاخت بسيم من الناس اللي الحكم عليها مسبق بسبب هالمواصفات المذكورة..نصيحتي الك تبادري انتي من المحيطين حولك وتقربي ليكتشفو عكس الظاهرة الشائعة ويكتشفوا انو الاخحكام المسبقةخطأ
سوريا
هلا2011-03-03 11:38:54
نصيب
من كل عقلك بقا شب يتزوج غرام الدهب 1860 عم أمزح كلشي بحياتنا مقدر ومكتوب لاتخلي هالموضوع يأثر عليكي ويخليكي ترضي بشب مامناسب المرأة مخلوقة من ضلع رجال نصيبك رح يجي رح يجي بس كوني متعاونة معو بحيث تكون طلباتك أنت وأهلك ضمن المعقول بعدين قال(ص)من جائكم ترضون دينه وخلقه فزوجوه رب العالمين بحب يسمع صوت عباده الصالحين وهنن عم يدعو ويطلبوا منه ادعي ربك بالزوج الصالح والذرية الصالحة بالتوفيق وانشالله منفرح فيكي
سوريا
منار2011-03-03 11:30:23
رجال وقت الشدة
اي شوهالشباب اللي عنا كلون دبت فيهون النخوة هاد اللي بقول الجمال جمال الروح وبزت ايميلو والتاني بقول شومغرورة وكمان بزت ايميلو أما شباب عنجد بينشد الظهر فيكون وانتي حبيبتي روحي غيري بحالك شوي وتواضعي وبتلاقي مين ياخدك مبين من كلامك انك عم تحاولي طبقي شي شب وعنا الشباب الحمدلله عقلون صغران
سوريا
علي2011-03-03 11:36:18
اول بحاول رد هون
مع احترامي الشديد الك , بس مو ملاحظة انو بكير تفكري بالزواج نوعا ما يعني لسا قدامك سنتين تلاتة و موضوع الزواج ما بيرتبط بغني و فقير بس بيرتبط بالجو يلي انتي فيه يعني اذا كنتي بجامعة ففي مين تتعرفي عليه و يتعرف عليكي او بشغل نفس الشي كمان ممكن الشباب عمتشوف انو انتي صعب ترتبطي فين لأنك تملكين كل شيء من وجهة نظن ممكن تكوني ما عمتعطي فرصة و مو ملاحظة عحالك و اخيرا صبري ما بعد الصبر الا الفرج لا تفكري بالموضوع
-سوريا
سوري مغترب2011-03-03 11:28:16
هههههههههههههههههههههه
اسمعي الرسول (ص) قال تنكح المرءة لاربع: مال و جمال و حسب و نسب و دين و انتي على قولك عندك اياكهن كلهن يعني يا كلام الرسول (ص) غلط و هاي من سابع المستحيلات يا كلامك غلط و هاي الواقع فخيطي بغير هل مسله قال شو ذنبي هههههههههههههههههههه جد ضحكتيني
الإمارات
rema2011-03-03 11:24:09
وين المشكلة ....
سوري روحي مشكلتك انك جميلة وفهمانة وبنت عيلة ؟؟؟ لك روحي انت نفسية ومحمضة كمان هي هي مشكلتك ...عم توصفي حالك كمان تسلميلي ريتك
-سوريا
بنت الشام2011-03-03 11:23:43
؟؟؟؟؟؟؟؟؟؟؟؟
ليش مين قال الجمال والمال واسم العيلة هو يلي بجيب العرسان؟؟؟؟شوفي الاخلاق والمعاملة الطيبة اهم من هدول الشغلات وحسب حكيك ووصفك لشخصيتك مبين انك شايفة حالك ومو مصدقة وهاد الشي يلي عم يخلي الناس تهرب منككوني متواضعة ولا تنسبي حالك لأسم عيلتك او جمالك او مالك انسبي حالك لشخصك انتي وبس وبتمنالك الغرور بيقضي ع صاحبو وبهرب الناس من حولو بتمنالك التوفيق
-السعودية
ابن اللاذقية بالسعودية2011-03-03 11:18:11
ارشو النشر
بسيل الغالية انا جاد والله العظيم وما ناقصني غير بنت الحلال لو حابة تتعرفي على شخصيتي بتمنى التواصل وارجو من ادارة سيريا نيوز النشر لان هاد تاني رد ما بيوصل خلي عندكم حرية والله ما كاتب شي بيمنع النشر ولا بس لاني جااااااد وما عم اتسلى وبعدين لو تم النصيب والله في حلواااان مرتب للكل والله والله ورح انشر الخبر انو تزوجت عن طريق موقعكم بموقعكم
سوريا
محمد الشوا2011-03-03 11:16:43
التواضع
تواضعي.. وتصرفي كباقي الأناس في مجتمعك المحيط بك سواء أكانوا من الأقارب أو زملاء العمل أو أصدقاء الدراسة ولا تتكبري على أحد كي يبقوا قريبون منك ويشاركوك سائر مشاعرك ولا تنسي حديث رسول الله ص (من تواضع رفعه الله) فستمسي بتواضعك أعلى شأناً عند الله عز وجل
سوريا
صاحب رأي2011-03-03 11:14:58
اللله بيعين
سيدتي؛ 25 سنة في هذه الأيام لا يعني ان قطار الزواج قد رحل .. اعتقد ان عمرك ما يزال صغيرا و الموضوع بحاجة الى صبر و الزواج قسمة و نصيب و لديك كل الوقت لاختيار الرجل المناسب و لا تعقدي الأمور بدون سبب - اتمنى لك التوفيق
سوريا
رامـــــــــــــــــــي2011-03-03 11:05:48
جواب مباشر لمشكلتك
بدون الدخول بالتفاصيل وجواب مباشر لسؤالك هو ان الواقع الحالي يشير الى ان البنت هي التي تخطب الشب بنظرة وضحكة خاصة وابتسامة للمعجبة به انت على الاغلب جدية وباردة بتعاملك وكلامك مع من حولك وهذا ينفر الشباب يعني شوفي طريقة رية وسكينة (اغريه يا سكينة)هههه
سوريا
بسيل2011-03-03 10:57:51
شكراً جزيلاً
أشكر كل من شارك بموضوعي ولكن عندما ذكرت مواصفاتي لم أقصد أن أدلل على نفسي أو أن أترفع عمن حولي ولكن قصدت بأن المجمتمع ينظر إلي بأنه رغم هذه المواصفات و لم أتزوج إلى الآن أكيد أنني فتاة غير جيدة لا أقبل بأحد وأنظر للناس بفوقية وبالمناسبة شقيقتي متزوجة من رجل فقير وسعيدة معه , في النهاية سوف أتكل على رب العالمين ربي ورب هذا المجتمع المسيء وإن شاء الله لن أضعف أمامه وشكراً
-سوريا
Dr. y2011-03-03 11:01:12
عادة لا أدخل إلى هذه الزاوية ولكن 3
وينسى أنها هي إنسان أيضاً يمكن أن تتوق إلى حياة بسيطة سعيدة مع الشاب الذي تحبه ويحبها, فأنا لا أفسر رفض هؤلاء سوى بنقص في الثقة بالنفس وإذا أرادوا أن يبقوا بفقرهم الذي يعتزون به فهنيئاً لهم به, وأخيراً أقول بأنني وللصدق أحب الفقراء أكثر من كثير من الاغنياء الذين حصلوا على ثروتهم بطريقة مشبوهة ولكن إذا اجتمع الفقر مع التكبر فهذا أمر لا أستطيع فهمه.
-سوريا
Dr. y2011-03-03 10:50:12
عادة لا أدخل إلى هذه الزاوية ولكن 2
فإذ بي أتفاجأ بالتعليقات التي تصف هذه الفتاة بالغرور دون معرفتهم بها أو بذلك الفقير (المنتوف) الذي يتكبر عليها ويرفض الزواج بأمثالها رفضاً قاطعاً. إن عزة النفس شيء جميل جداً ولكن عندما تصل إلى درجة الغباء فهذه كارثة, فكثير من هؤلاء الشباب يتباكى لعدم استطاعته بناء أسرة فأذا توفرت له الشروط الجاهزة لبناء هذه الاسرة كالمنزل مثلا , تراه يتباهى ( ويعنفظ) ويتغنى بكرامته وكأن الفتاة التي ستؤمن له عش الزوجية الجاهز أصبحت البعبع الذي سيهينه على الدوام ويذكره بأصله الفقير في كل لحظة..يتبع
-سوريا
احمد2011-03-03 10:58:51
نفس المشكله يمكن
انا عندي نفس المشكلة انا مغترب في الكويت وعمري صار28 تاخرت لاني كنت افضل اتزوج من مغتربة بالكويت ولا يزال البحث جاري عن انسه سورية في الكويت لانه باعتقادي افضل بحكم عملنا في هذا البلد
سوريا
عايف التنكه من الفقر 2011-03-03 10:49:58
الى أمثال السائله
للشباب المقدمين على الزواج..تزوجت فتاة أغنى مني على أمل ان ينصلح حالي فتفاجئت اني ازدت فقرا وان مصاريفي زادت واني اصبحت مديون..حذار ان تقتربوا ممن تظن نفسها انها غنية وستساعدك..بالعكس اهلها سيتمرون بمطالبتك لكي تصل الى مستواهم المعيشي ولن يساعدوك لانهم يخافون الفقر أكثر منك مهما اغتنوا..النتيجة اني طلقتها والى الان يطالبوني بالمؤخر علما اني مديون ووالدها متنفذ ولديه معارف مسندوين لذلك مضطر لكي أقترض واستدين حتى اطلق
سوريا
Dr. y2011-03-03 10:37:28
عادة لا أدخل إلى هذه الزاوية ولكن 1
استوقفتني هذه الحالة لانها ربما تكون حالة ابنتي عندما تصل إلى سن صاحبة الرسالة, فالتعليقات التي قرأتها سببت لي الذهول, وأنا الذي كنت أنوي أن أوجه إبنتي لقبول أي شاب مهما كانت حالته المادية معدمة وشرطي الوحيد هو الاخلاق الحميدة والمعاملة الطيبة والحب المتبادل وأخيراً حد أدنى من الثقافة,أوجهها لان تكون متواضعة خصوصا مع الفقراء, أوجهها على مبدأ أن الغنى هو غنى النفس بالدرجة الاولى وأن الجمال والمال والعائلة هي أشياء مهمة ولكنها تأتي بالدرجة الثانية بعد الاخلاق(التي من ضمنها التواضع)
-سوريا
ماهر2011-03-03 10:42:15
نصيحة
بدي احكي نصيحة ممكن كثير خالفوني بس هي من واقع تجربتي احببت بنت جميلة ومؤدبة ومن عائلة وغنية وصدقا لم يلفت في بالي اي شيء سوى اخلاقها وحبي لهااحببتها بشكل كبير لاني اصلا شخصيتي لا اقبل المساعدة من احد والحمدلله توفقت في الزواج بها البنت واهلها جدا محترمين ومتواضعين وزوجتي رضيت بكل اوضاعي المادية العادية جدا وعايشية معي على وضعي بس بصراحة انا متعب جدا لاني دوما احاول اجعلها تعيش بمستوى اهلها واخواتها المتزوجات واحوالهم المادية ممتازة انصحك اتزوجي من مستولك الاجتماعي ححتتعبي كثير
-سوريا
روز2011-03-03 10:34:12
اكيد دمك ثقيل
والله يانسة وحدة متلك بها الصفات معقول مالفتت نظرالشباب الا ازا في مشكلة..اكيد دمك ثقيل .. اكيد شايفة حالك انك غنية وماحدا ادك .. تعي لعندي اعطيكي دورات بخفة الدم ورح تدعيلي
سوريا
محمود2011-03-03 10:31:30
عندي أحلى فكره
داومي ع الأستغفار كل وقت وهيك بتنحل المشكله وقولي دائما الحمد لله .. يا بنت الناس كلو ع الله بس طولي بالك
سوريا
Macho2011-03-03 10:31:16
ان كنت سيلا فقد لاقيت اعصارا
شوفي يا عزيزتي.. اذا مظبوط متل ما عمتحكي انك حلوة و كربوجة و ذكية و غنية فدواكي عندي . لاني صدقا انا غني بشكل فاحش , انيق, مثقف, ذكي, جذاب و كتير جنتل وعندي روح الدعابة. يعني ما راح يطلعلك معي بالمرة وراح مشيكي على العجين و ما تلخبطيهوش. لاني من وين ما نقفتيني برن.. و على راي الغنية..سيبك منهم ده مفيش غيري..قيمة و مركز ووظيفة ميري..و رقصني يا جدع عل الوحدة ونص
سوريا
رجل يعرف كيف يعيش2011-03-03 10:26:47
نفسية؟
يمكن نفسيتك حامضة؟!! راجعي نفسك وخدي اراء اللي حوليكي
-سوريا
المشتاق إلى ...2011-03-03 10:27:04
إلى صاحبة السؤال
يعني هاي مشاكل عما يعاني معظم الناس وهي لعدة أسباب بس بدي قللك على شغلة كتير مهمة تراعيها وهي الحسد والعين ممكن تكوني معيونة أو اي شي أخر وهناك اعراض يمكنك معرفتها
سوريا
ربى2011-03-03 10:23:23
وإذا يعني؟
شو إذا كنتي غنية وحلوة (بنظرك طبعا) لازم الشباب يوقفوا طوابير على باب بيتك شو هالمنطق ماحدا بياخد غير نصيبو وشباب هالأيام ما عم يدوروا على بنت غنية لأنو مو قدرتن يعيشوها متل مو عايشة ببيت أهلها
-سوريا
ابو ليلى الخطيب 2011-03-03 10:05:46
اسم عائلتك كبير
شو يعني ياشباب اسم عائلتي كبير يعني اسمها صار رنا محمد محمود احمد عبد القادر عبد الجبار الفسفسجي هيك يعني شو هاي هيك بلله احمد أخد اختي
-سوريا
عاشق الوسوف2011-03-03 10:05:06
كل شي بوقتو حلو
ده قدرك ونصيبك ونصيبك حيصيبك
-سوريا
ابو عمر2011-03-03 09:58:19
القطار بيستناكي اذا معك مصاري
كانت العادات والتقاليد اذا بنت قطعت 15 صارت عانس بس هلا الاتحاد النسائي رفعها لتصير 60 وبطالبو بالمساواة ونحن منطالب بالمساواة هاتو نص حق البيت ونص حق السيارة ومصروف البيت والاولاد والفواتير انت نصف المجتمع لولاكن كنا بالجنة نحن الرجال
-سوريا
EYAD2011-03-03 09:52:38
السيناريو ناقص
انا بأعتقادي السيناريو ناقص لان مافي قط بيهرب من عرس خاصة انت حلوة و نسب ومال و مالك طالعة عن التقاليد يعني محافظة اكيد في شي ناقص شو هو
-سوريا
الدكتور المهندس ملهم حسن شيخ السوق2011-03-03 09:42:40
غريب
استغربت الهجوم الغير مبرر من البعض على صاحبة الرسالة و التي صورت وضعها..بالنسبة لك آنستي..اعتقد ان القسمة والنصيب اقوى من اي تخطيط و نصيبك سيصيبك..بالنسبة لانك غنية و جميلة و كما تقولين..هي ميزة من عند رب العالمين و لا اعتقد انك لن تصادفي شخص غني و متعلم و متفهم..القصة هي ..التوقيت و المكان المناسب لحصول المطلوب..ضعي ثقتك بالله..لانه لن يخيبك...و اول ما تتزوجي ابعتي التحلاية...و الله يوفقك و ينولك اللي ببالك..مع كامل الاماني بحياة سعيدة
الإمارات
shamy2011-03-03 09:24:02
Canada
ألي بيعجبني بالشباب أنهم كلهم بصيروا دكاتر وفلاسفة في الحب والمشاعر والعلاقات الإنسانية والعاطفية :-) وكل واحد فيهم عندو مشكالو مو قادر يحلها... نصيحة عزيزتي صفي النية واطمعي بذات الخلق تربت يداك مافي داعي حط ايميلي الشباب مكفية وموفية ههههه اسف بس حبيب ارسم البسمة على شفايفك ربي يبعت نصيبك ونصيب كل عزباء
-سوريا
أمل2011-03-03 09:17:02
لي نفس مشكلتك وتقدملي كتير وماتم النصيب
لازم من الاساس ماتعرضي مشكلتك على الناس لانك مو مضطرة تسمعي التعليقات اللي بتعبر عن راي وتفكير خاص بكل شخص واللي ممكن يكونو بعانو من فقدان الميزات الموجودة عندك ولح يكون ردهم مؤذي او ممكن يكون عندهم ميزاتك وماعندهم مشكلتك ولح يكون ردهم ساخر بس انا مع الاشخاص اللي حطو السبب الرئيسي هو الانحطاط الاخلاقي والتخبط العشوائي بالحياة وكمان لازم تسمحي لنفسك انها تتواضع قليلاً وتقبل من هو اقل من مستواكي وطبعا لاتنسي النصيب والتوكل على الله وهو الاساس وبتمنالك كل خير
-سوريا
ابن البلد 2011-03-03 09:23:10
عندي الحل
مشكلتك بسيطة جداً تحتاج لوقفة من النفس والنظر فيما حولك قليلاً , ستجدي الحل بعون الله دون أن تسألي أحد فالمشكلة تعنيكِ وحدك . وإن كان عندك متسع من الوقت أدلي لك بحل بسيط جداً . مع احترامي لكل المعلقين الأكارم . الدكتور ابن البلد raninwz@maktoob.com
سوريا
مفزلك 2011-03-03 09:32:21
مغرورة
يا ماتموزيل انتي مغرورة و شايفي حالك و لي بدو ياخدك مو نيالو
-سوريا
HaNoDy2011-03-03 09:17:29
ما في شي ما الو حل
آنسة بسيل بحب قلك انو المشكلة أكيد مو منك ولا من الناس .. يعني بظن انو في أسباب معينة منعت ارتباطك لهلأ و من أولها النصيب يلي اذا الله ما كتبو لسه فمارح يجي غصب .. طبعا انا بقلك تتفائلي وكل شي الو حل ، وكنت بتمنى أعرف تفاصيل أكتر لأنو ما عندي شك انو بقدر ساعدك متل كتير من الأخوة هون .. وشكراً
سوريا
عبد 2011-03-03 09:20:14
الحمد الله دائما وابدا
قال الله تعالى{{وَفِي السمَاء رِزقكم وما توعَدونَ}.
-سوريا
سامر2011-03-03 09:22:51
دمشق
لللأسف معظم من كتب مشاركته كان يمارس نوعا من الفلسفةوصاحبة الشكلة تحتاج إلى حل. الزواج قسمة ونصيب وسيأتي في موعده إن شاء الله نصيبك
سوريا
مغترب2011-03-03 09:10:03
معقووووووووول
ايه بقيت 4 سنين عم دور على بنت بهي المواصفات حتى اني دورت بقارات تانية لحتى لقيت وانت عم تقولي ما حدا اتقدم يمكن نصيب
قطر
درعاوي2011-03-03 09:03:29
فلافل
يعني لو شي مره قلتلك تعالي عازمك على سندويشة فلافل مع المايونيز والكتشب الحار وقلتيلي ما بحبها بقرف بكون عيب علي اذا بعد بقلك تفضلي او بعزمك ومشان المسافة رح يكون في شي دونم بيني وبينك ملاحظة : انا ما باكل فلافل بقرف انا متعود على الكنتاكي وهاديز وماكدونالز
-سوريا
قصي2011-03-03 09:04:49
نصيب
اختي ارجعي لربك ...الله يرزقك ابن الحلال ولاتيأسي وخلي بقلبك ايمان ان اللي خلقك ماراح ينساكي ....
-سوريا
سامح2011-03-03 08:53:40
نفسيتك الحامضة
بتوقع لأنه نفسيتك حامضة لهيك ما حدا عم يقرب عليكي، اصلا 70% من بنات بلدنا ذات نفسيات حامضة جدا، بتخلي الشب يطفش، فكيف اذا على قولك غنية وجميلة ومن عيلة كبيرة ؟ وبعتقد متل ما قال يلي قبلي انه هيئتك مغرورة
سوريا
سامي2011-03-03 08:38:25
الاخت العزيزة هذا شي طبيعي
هذا شي طبيعي الناس اليوم تجعل حواجز بين بعضها البعض العائلة الغنية او المال في بعض الاحيان مشكلة خاصة اذا كان من معكي بالعمل اقل مستوى علمي او مادي هم سينظرون اليك بنظرة مختلفة , التعامل الطبيعي والمحبة الاخوية التي لا مصلحة بها قد تساعدكي بكسر تلك الحواجز وبناء روابط محبة بعيدة عن اي اعتبارات اخرى ممكن بوضعك ان تدخلي الى قلبوهم ومحبتهم بطرق كثيرة انا على فكرة واجهت نفس الاشكال كرجل ولكني تغلبت عليه ومستعد لمشاركتك بذلك.
سوريا
حدا 2011-03-03 08:44:17
ليه مستعجلة ؟!!!!!
طولي بالك لساتك صبيه ليه مستعجلة عالزواج ؟!! الزواج مو كل شي ... روحي اشتغلي و عملي شي يفيد بدال مانك أعدة و ناطره ليجي فارس الأحلام !! و الزواج نصيب ...و كل شي بيجي بوقتو من دون ما تعملي شي...
-سوريا
خالد2011-03-03 08:35:14
الي بشوف مصيبة غيره بتهون عليه مصيبته
اختي الكريمة ..لكل منا قدره .وعمرك 25 ..انت لست كبيرة ومازالت الفرصة امامك ..لكن الي بيسمع قصة غيره بتهون عليه قصته ...انا تعرضت لحالة اسوء بكتير واحمد الله واشكره ..عليك بالصبر ونشاء الله الله بيرزقك شاب صالح
سوريا
سوري وأفتخر 1112011-03-03 08:33:21
ولا يهمك الله بيفرجها
لاتحملي الموضوع أكتر من هيك وحاولي تحافظي ع صلاتك وقربك من الله وادعي الله سبحانه وتعالى مع اليقين بأن الله سيرزقك بالانسان اللي يستاهلك , وأهم شئ انك تحاولي تكوني اجتماعية وقريبة من الناس ويكون اكلك ولبسلك قريب منهم , وعفكرة الماصفات اللي عم تحكي عنها بيتمناها كل شب .... الله يوفقك بابن الحلال..
السعودية
مهندس ادلبي شريف2011-03-03 08:24:19
السحر
يا اختي والله عن تجربة شخصية في حلب وفي سوريا السحر منتشر بشكل كبير جدا وممكن ان يكون السبب هو السحر
-سوريا
إلى بسيل 2011-03-03 08:00:27
نفس المشكلة
موضوع جميل ومفيد حيث أنني شاب وسيم كما يقال وأمتلك كل المؤهلات للزواج ولكنني لاأعلم مالذي يحصل وكل من هم حولي لايصدقون أنني لا أقيم علاقة مع أي إنسانة .. وإلى كل من هاجم بسيل أقول لأأن حالتها طبيعية وعادية ولاتستوجب هذا الهجوم .. إلى بسيل .. وكل مهتم بهذا الموضوع .. أتمنى التواصل ..
سوريا
lora2011-03-03 07:43:39
غنية
انا ماعم اقدر افهم ليش الاغنياء عم يتوظفوا الافضل يتركوا مجال عملهم لهل الشباب العاطلة عن العمل وليس لديها مال فمعظم الموظفين حسب ما اسمع اغنياء ليسوا بحاجة للمال ارجو ان ينظر في هذا الامر حتى يستطيع الشباب الزواج فاغلبهم ينتظر فرصة عمل للعيش وليس لتمضية الوقت ولاثبات الذات حرام هل الشباب حرام وبيقولوا ليش ما عم يتزوجوا ...
-سوريا
ابن اللاذقية بالسعودية2011-03-03 07:32:41
جاد للزواج والله
انسه بسيل انا عم دور على عروس بنفس مواصفاتك وبعد كم يوم نازل على سوريا وجاد للتعارف والارتباط وربي يشهد على كلامي وما عيب ابدا انو اتعرف عليكي بهي الطريقة واللي عم يقول انو الكل كاتب ايميلاتو بدي قول انو شو المشكلة والايميل اصلا صار للتواصل والتعارف مشان هيك بتمنى شوف جوابك برسالة على ايميلي وبرجع بقلك والله العظيم انا جاد وكل اموري تمام ومو ناقصني غير بنت الحلال ويارب تكوني من نصيبي تحياتي الك وللجميع
سوريا
qatrman@hotmail.com2011-03-03 07:32:17
اي بسسسيطة شو هالشغلة
شو المشكلة يعني 25 سنة لساتك صبية البنات بالايام هي ماعم يتزوجو لل30 يعني القطار لسا مافات ههه بعدين طلعي حواليكي بتشوفي الف شب مو شرط حدى يجي يخطبك انت اذا عجبك حدا خطبيه . اه ياقلبي
-سوريا
أبو الزولوف2011-03-03 07:24:55
طبعاً هذا شي طبيعي
يعني ما حدا تقدم لأنو العالم عرفانه أنو هي وقعة كبيرة. يمكن إذا أي شاب مجرد فكر أن يتقدم لازم يدخل ومعي شي 10 مفاتيح مع هدية لا تقل قيمتها عن المبلغ الفلاني. ويمكن أهلك بدهن الحفلة تكون لا تقل تكلفتها عن ترليون جنيه ياباني. أنا برأيي بلاها شوفة الحال وقياس العالم بالمصاري لأنه كل شي بينقاس بالمصاري رخيص. خليكم أمة وسط ويسروا ولا تعسروا إن جاءكم من ترضون دينه وخلقه، أكرر وخلقه يعني مو بس الدين
سوريا
كونن2011-03-03 07:14:32
الزواج واحلام الفتيات
بعد شهر و5 ايام و6 ساعات سايدق بابك ابن الحلال فلا تستعجلي ايتها السائلة.كل شيئ بهذه لدنيا مقدر لنا من الله.ولا تلومي نفسك او اهللك كل ما الامر لم يأذن الله لك ؟والمسأئلة لا تتعلق بالجمال ولا المال ولا بتصرفات اهلللك فانظري الى المستقبل بعين الامل ولا تحزني فكل انسان سيأخذ نصيبه من هذه الدنيا من كل شيئ قبل ان تغمض عيناه؟وتقبلي مروري
المكسيك
رامي2011-03-03 07:12:49
طولي بالك
أنا بفهم عليكي منيح كتير، لأنو هي النظرة كمان بيعاني منها الشب يلي مانو متجوز، وكيف المجتمع ما بيفكر غير بالجواز وبجيبة الولاد، المهم ما ترضخي للضغوط، وأوعك تتزوجي حدا ما بدك يا أو مانك مرتاحتيلو على قولة ظل راجل ولا ظل حيطة، لا العالم كبير كتير، وإذا ما لقيتي الشخص يلي بيناسب أفكراك وعواطفك وحياتك، بلا هالزواج، لأنو الحياة مرة وحدة، مو معقول تقضيها مع شخص مانك طايقتيه، وبالنسبة لنظرة المجتمع، فالمجتمع شو ما عملتي مو خالصة.
سوريا
ابو امير2011-03-03 07:04:14
اين اولي الامر
شيء جميل حلوة على عيني و راسي وقت بيصير وبيتقدمواحد لخطبتك بيصيرالمهر مليون ليرةو بيصير بدك فيلا بقدسيا و سيارة و هاي الحكاية تكلفتها على الشب يلي بدو ياخدك 30000000 يعني اذا اشتغل طول العمر ببلدناالحبيب ما بيحصلون لذلك يبحث عن انسانة تقبل بكل شيء بدون نكداحسن لانو وقت بدو الواحد يرتبط ما بدو كل ما فات عالبيت يسمع موشح انو ما جابتلي و ما عملتلي يعني الب بهاد الوقت عم يتزوج عمرو 35 و ما بكون عندوبيت يعني بالاجاروبمساعدة اهلو كمان لاحول ولا قوة الا لله الله يجازي كل مسبب لهذهالمشكلة
سوريا
عبد الهادي2011-03-03 05:42:54
اقتراح
بتتزوجي على ضرة وهيك بتنحل المشكلة
-سوريا
محمد2011-03-03 05:37:23
بس تتواضعي
بس تتعلمي تتواضعي بتلاقي مين يحبك وتحبيه وطالما شايفة حالك بنسبك وبمالك خبيهم لكبرتك من كلامك مفهوم طريقة تفكيرك والعالم اللي حولك مابسترجوا يقربو
الإمارات
حسين حصل2011-03-03 05:00:40
أنتي جميلة
مشكلتك متل كتيررر بنات ما بتوقع ما حدا تقدملك متل ما ذكرتي بس بتوقع رفضي كتيررر بظن لازم تفكري شوي مع نفسك وتكوني واقعية . إلا اذا انتي من النوع يلي بتشوفي اذا العريس بيتو من حجر ابيض معناها قلبو ابيض او سيارتو أودي بيحلا بعينك أيـــــه يلي متل امي ما عاد في منا هل اياام بدنا كل شي ع جاهز توووووووووووووت حدا سمعان صوت القطار توووووووووووت ياترا عدا القطار ولا بعدو ع طريق
-سوريا
ابن البلد2011-03-03 04:55:29
يلي متلنا تعالو لعنا
الى الاخت السائلة في كتير ناس من الطبقة الوسطى والفقيرة نفسهم عزيزة عليهم ومابيقبل يتزوج من امرأة غنية. يعني من شان بالمستقبل ماتقلو أنا وأنا ..........الخ. لهيك انتتظري نصيبك والله يوفقك بابن الحلال بس مو عالنت لانو زواج النت تفريغ شحنة لوقت محدد يعني زواج بدون مستقبل.
سوريا
سعيد2011-03-03 04:28:07
راجعي حالك
كلامك مو منطقي و بعتقد انو عندك مشكله بشخصيتك مشان هيك العالم عم يتركو مسافه منك. ببلادناالزواج بيعتمد على توصية المعارف من النساء. ففلانه من اقاربك بتنصح فيكي اذا سمعت انو حدا عم يدور على عروس. إذا هل شي ما عم يصير عندك راجعي شخصيتك لتعرفي ليش ما حدا عم ينصح فيكي
سوريا
مغترب2011-03-03 04:15:55
مغرورة
لسا ما عرفتي ليش؟؟؟؟؟؟ كل ه الغرور و شوفة الحال يلي عم ينقط من رسالتك و ما عرفتي لسه؟؟؟؟؟
-سوريا
المحتار2011-03-03 03:48:41
كل واحد ياخذ نصيبه
كل شيئ قسمه ونصيب واللي مكتوب على الجبين لابد تشوفوا العين والعمر قداميك ولايهمك كلام الناس ...مع تمنياتي لكي بالتوفيق....
أوكرانيا
alzeer2011-03-03 03:46:14
ماشاء الله
ماشاء الله الكل صارو فطاحل بحلول المشاكل والمشاركات اي والله اذا كلامك صحيح وانتي بنت عيلة مقتدرة رح يكونو العرسان طوابير على باب بيتكم
-سوريا
بشار 2011-03-03 03:39:46
شو بدك بالارتباط
بكرا الارتباط اصعب من الشعور بالذنب انا ارتبطت وجربت وبعدين تركت فنصيحة اسمعي مني وخليكي حرة وانا اصغر منك بسنةفلا تتسرعي لانو المال بجيب احلى شب bashar.br@hotmail.com
سوريا
كمان حدن مستاء2011-03-03 03:33:39
بالله
أنا عمري كمان 25 سنة وماعندي ولا مقوم من اللي عندك ياه ولزود الحظ إستقلت من شغلي وقاعدة عاجزة وعاطلة عن العمل شو بدي أحكيلك لآحكيلك ماعلينا ضل حدن ماأجا خطبني ولا طلبني بس شو بدك عقلي اللي متل الحيط مو مقتنع ليش لأني النصيب ماأجا تركي كلشي لربك النصيب من عند الله لا بمالك ولا بجمالك ولا بعيلتك
-سوريا
متزوج وندمان لانو وضعها افضل بشوي من وضعي 2011-03-03 02:57:13
مؤيد للفكرة انو في فوقية عند صاحبة الرسالة
بصراحة بهالزمان صعب الواحد ياخد وحدة وضع اهلها افضل من وضعو الا اذا ما عندو مشكلة بالانبطاحية (منزلق)وانت ياعزيزتي لسا معك وقت شي عادي بهذا العصر الزواج بعد التلاتين والله يبعت نصيبك ونصيب كل بنت
سوريا
Lara2011-03-03 02:59:45
لازم معلومات أكتر
ما بعرف شو بدي ئول بس إنو حلوة وغنية ومن عيلة كبيرة ومتواضعة وما حدا تئربلك أو أبدا إعجابو فيكي او حكي مع أبوكي مشانك؟من معارف البابا... رفئاتو..؟الجيران..رفئاتك بالنادي؟بالجامعة؟بالمول؟بالحفلات ؟بالعطلات ؟بالمطاعم؟هالموصافات حلم غالبية الشباب..غريب.. ياريت تعطينا معلومات أكتر لنساعدك بخصوص شغلك إنتي موظفة عادية ولا بشي موقع؟ وشو بيشتغل ابوكي يعني تاجر.متنفذ, متعهد كبير,صناعي؟ ما بعرف ليش عمبيعاملوكي عالرسمي
-سوريا
اياد الرفاعي2011-03-03 02:54:18
ولدت هكذا !!!
أستغرب جملة ولدت هكذا !!! هل تقصدين الغنى ؟ أنا وعلى علمي أن بنات أغنى أغنياء البلد والحيتان تزوجوا وخلفوا !! اذا كنت واثقة بأنك جميلة-كما ذكرت-أو على قدر من الجمال والقبول فأنصحك بأن تراجعي نفسك بأسلوب تعاملك مع المحيطين والأقارب فهم فقد يكون في شخصيتك شيئ منفر وأنت لا تدرين . آسف لقسوة الكلمات ولكني لم أسمع أبداً عن فتاة لم يتقدم لها أحد لأن والدها ثري ؟!! بل بالعكس الكثير من الشباب يبحثون عن الثرية ،فأرجو منك أن تقومي بمراجعة منطقية لأسلوبك ،وكذلك الانتباه للشكل والهندام .
سوريا
دكتور برشلوني2011-03-03 02:31:45
اصبري عليك بالصلاة والصوم
الزواج قسمة ونصيب تاني شي يعني من بداية رسالتك مبينة انك صاحبة مظاهر ومغرورة انا جميلة ومن عيلة كبيرة ومال طيب مافي غيرك بنت بهالبلد جميلة وبنت عيلة يعني وشو كمان كل وحدة اذا كانت بنت عيلة ما تنزوج والبنت المشرشحة هي اللي بتتزوج المشكلة فيكي ودوري عليها بتلاقيها لانو في كتيير ولاد ناس وعالم ومن مستواكي الاجتماعي والمادي بقى لا تخدعي حالك وترمي الحق عالاخرين الشاب بيومنا بيدور عالدينة اللي بتخاف الله اللي بدو ياخدك على جمالك ومالك هادا بيرميكي على اول مفرق طريق لما بصحلو احسن منك.
-سوريا
مجد2011-03-03 02:39:51
الانسان البسيط
المسافة التي تتكلمي عنها هي اننا في سوريا اغلب الطبقة بسيطة وكادحة لذا وجدت هذي المسافة بين الطبقات الاغنياء والفقراء حتى تكسبي ود الجميع وتنكسر المسافة تعاملي معهم بروح الصداقة والبساطة والكرم وعيش معهم همومهم وافراحهم وتقربي منهم صدقيني عندها لن تكون هناك مسافات ولا طبقات ولا تتعاملي مع الناس بطبقة فوقية وانك بنت فلان وعائلة فلان وهناك كثير من البنات اغنياء وعائلات كبيرة تجديها قريبة من كل الناس ومحبوبة من قبل الجميع أرجو ان تكون الفكرة قد وصلت لك .
-سوريا
lolo2011-03-03 02:42:31
+++++
يابنتي الزواج قسمة ونصيب مالو علاقة بالغنى والفقر بالعكس تخطب الفتاة لدينها ومالها وحسبها ونسبها يعني في المال كمان وفي كتير عالم معون مصاري مو بس انتي بس لسا نصيبك ما هل ولما النصيب بيهل العريس عليكي بطل والعالم من جنبك بتفل وبتبعدي انتي عن الكل وسلاااااام
-سوريا
ايكاروس2011-03-03 02:41:03
اعتراااااااااااااااااف
اعترف بأنني الأن في حيرة من امري وانا اطلع على هذه المشكلة ,, لا ادري لماذا الشعور بالذنب وانتي لم ترتكبي اي خطأ ولكن هناك سبب لوجود تلك المسافة بينك وبين زملائك في العمل ولا استطيع ان اجزم ماهو؟ لكي ان تزرعي الألفة في نفوس الأخرين ولا احد يستطيع فعل ذلك الا انتي وان تتخلي عن فكرة الشعور بالذنب. أنا امتلك مما ذكرتي ولدي المال والوسامة والنسب ولله الحمد وجميع زملائي في العمل وحتى العملاء يعاملونني بحب واحترام مع انني موظف في احد البنوك وتعاملي مع فئات عدة من الناس
أوكرانيا
مرهف سوريا 2011-03-03 02:21:04
تحية للجميع
دائما احنا ننظر الى الجانب السلبي وليس الايجابي وخصوصا يلي عم يعلق ويقول ليش الشباب حطيت ايميلاتها يعني تركنا الموضوع الاساسي يلي انطرح وأخذ الآراء في معالجة المشكلة.وخصوصا انه البنت واعية وتعرف مصالحتهاجيدا والشباب معبين البلد. والبنت بدها تسلك الطريق الصح لهيك طرحت مشكلتها عسى تجد حل من الناس الجادين واصحاب الخبرة لذلك نتمنى من الجميع مناقشة الموضوع بشئ من الجدية والمصداقية بدل ان نتبادل الاتهامات بين بعضنا على الاقل نرتقي لمستوى المسؤولية لاننا نعيش في مجتمع واحد وأشكرالجميع
سوريا
مغترب بس ابن هل البلد 2011-03-03 02:27:37
الله يبعتلك ابن الحلال
الله يبعتلك ابن الحلال اهم الشي ولا تستعجلي لانو لسعتك صبيه وعادي ممكن تصير مع اي بنت او شب انو مايلقي حد خديها مني بعرف كتير بنات ملاكات جمال ما تزوجو ولا عندهم علاقات احسن الشي الصبر وما بتعرفي في يوم وليله ما بتشوفي حالك ال عاروس وخلص هي اول مبروك من عندي
الإمارات
جاك2011-03-03 02:19:38
الله يكون بعون الكل
اللي صاير معك انا مارق علي بالعكس حبيت بنت وحبتني وكنت بحس انها هي نصي التاني وضلينا مع بعض لأربع سنين تقريبا بس ما كملة علاقتنا لأني اختلقت المشاكل لحتى انهي العلاقة وكل السبب كان انها بنت عيلة ميسورة الحال وفي فرق كبير بيناتنا ماديا وامور تانية بتخص المال مع انه ما عيرتني ولا مرة بس انا كنت بحسبها انه بعد مدة رح تشتاق للراحة المادية اللي كانت عايشتها وانا بعيد كل البعد عن الواردات الكبيرة فكان ان تهربت منها لأن ما ممكن تنجح حياتنا بسبب المال. فهل يمكن ان يكون المال نقمة بدل نعمة!!؟
-سوريا
-Der Pate2011-03-03 02:21:34
wala yhmek
انا ماعندي مشكلة اني اتعرف عليكي بس بعد سنة لما ارجع عالبلد بيكون صار عمري 31 وانتي صار عمرك 26 بس منهون لهداك الوقت لازم تكوني لساتك حلوة وكتير حلوة لان الجمال عندي شيء مقدس
ألمانيا
Syrian women2011-03-03 01:57:17
all Syrian from a good familly
what do u mean by big familly? (number?power?or good reputation?)if u re from a powerful familly this is a problem may be and others affraid of u, and if one of them got a problem with u, he might be fierd or sented into into the jail and may be they thing in that way.sorry but if u re very beautiful, wealthy girl and from a very good reputation familly as u said u must be married now
-سوريا
مختلف الاخلاق2011-03-03 01:58:54
احتمال
احتمال ان يكون السبب عائلتكم المحترمة التي يخاف منها الناس واحتمال ان يكون لديك طلة مزعجة (سيماهم في وجوههم اسف للتعبير) لان الله اذا احب عبدا حبب العباد فيه. و لا يهمني مالك ولا جمالك مهما كان انا ولم اطمح ليوم ان يكون معي اكثر من ثمن الرغيف واميل للفقراء اكثر لانهم اهلي وانا منهم وهم مني. و اذا كانت دعاية للزواج فأنا شخصيا ارفضك رفضا قاطعا.
-سوريا
سوري متشائل2011-03-03 01:59:22
الغابة
يا عيني مبين من كلامك انك انسانة عالأغلب انانية و مو شايفة حدا قدامك و بدك الحلو و الأغنى منك ...مشان هيك ما حدا قرب ...شوية تواضع حلوين كمان
-الإمارات
نور 2011-03-03 01:56:04
انا جاهز
انا كمان ابن عيلة وجاهز للزواج يلا بركي بتصير سيريا نيوز سيرياخطوبة خخخخخخخخخخخخخخخخخخخخخخخخخخخخ
سوريا
Someone2011-03-03 01:34:50
May be the same problem
It is really ironic You know what makes you feel like this, it is simply loneliness When you are lonely with everyone around you Wish you the best dear ,
سوريا
JAMAL2011-03-03 01:21:46
دعوة للزواج
بحب قلك انو بالعادة السادة المعلقين ما بيكتبو ايميلاتن بس اليوم اسبيشل فور يو الكل حط ايميلو وفهمك كفاية
-سوريا
محتار2011-03-03 01:04:25
سفر او زواج
بتمنى السعادة للجميع وخصوصي لصاحبة المشكلة انا عمري تلاتين ومشكلتي انو اهلي عم يضغطوا علي لاتزوج وانا حابب سافر ومابدي التزم وبعدين اندم وكمان زواج تقليدي ما بدي ومافي حدا ببالي وكمان ما بصحلي اتعرف على بنات وازا شفت شي وحدة وعجبتني ما عندي جرأة لبلش بموضوع او آخد خطوة شو حلتها
سوريا
hasan2011-03-03 01:12:49
غير معقول
مع احترامي لما كتب ولكن اشعر ان اقرأ اوهام..فهل من المعقول: ان تكوني ملتزمة ومتعلمة وجميلةوفوق كل هذا من عائلة كبيرة وتقولين لم يتقدم لك احد؟؟؟؟ اشك في ان كل هذه الصفات متوفرة بك لانه من النادر ان تجتمع هذه الصفات بفتاة ولو اجتمعت فان الفتاة"العربية والسورية تحديدا" ستظن نفسها البدر المنير وكل ماسواها عدم وتبدأ هي واهلها وضع الشروط اما طوابير المتقدمين فلما لا وهي الاميرة سندريللا...انا متاكد لو كنت تملكين ماذكرت لتقدم لك الكثير من الشباب
سوريا
قاعدة2011-03-03 01:14:17
عادي
اصلا ليش مستغربة ليش مين عم يتزوج هل الايام الشغلة لابالجمال ولا بالمال ولابشي بالعكس احيانا بتلاقي البشعين متزوجين والحلوين قاعدين وهل الايام اذا سمعتي انه في حالة زواج بتلاقي في بالمقابل مية حالة طلاق ولاتنسي انه هل الانحطاط الاخلاقي ساهم باضراب الشباب عن الزواج الله يبعتلك ويبعتلنابس شي مليح يابلا
-سوريا
د.محمد2011-03-03 01:01:18
بسيطه
أظن أنه لا يوجدمشكله والمسأله مسألةوقت وسوف تجدين من يناسبك وإذا كنت تفكرين في موضوع العمر فأنت مازلت صغيره فعمرالزواج قدإرتفع عن أيام زمان فلا تقلقي
سوريا
wassem2011-03-03 01:08:15
عفوا بس نسيت حط ايميلي انا كمان
ههههههههه مابيعرف الواحد النصيب
سوريا
wassem2011-03-03 01:02:17
ياشباب اعطوها رايكم مو ايميلاتكم
المهم انا رايي انو ماعندك مشكلة خليك على طبيعتك والي مابدو يقرب منك مشكلتو مو مشكلتك واذا الك نصيب بشي رح تاخدي ولو كان هلئ بالصين لاتستعجلي لسه انت بزهرة صباك
-سوريا
Nino2011-03-03 00:41:59
Have you noticed
Have you noticed? that most comments has emails bellow it seems a little bit strange since the girl problem is, (no one is attending to ask here for marriage). so I guess that there is a lot of people whose interested in you lady so write down the below emails and choose one groom, there is plenty of choices hope to find some one that really care and really interested in you, the real love is the one you search for not the one you wait for.s
-أنغولا
طالب طب2011-03-03 00:49:51
إن شاء الله الله ما بينساك
انتبهي وابتعدي عن التعامل بالربا حتى البنك الربوي بحد ذاته بالإضافة لدفع الزكاة بنفسك للمحتاجين
-سوريا
عزابي بس فهمان 2011-03-03 00:41:00
الله حيو إيميلات
شو مشان إنو الشباب كلهن صفقوا إيميلاتهن عالسريع..فهمنا إنو الجميع عندن إيميل. لك آخخخ جيل آخر زمن
-سوريا
yasser ali2011-03-03 00:30:53
بحب الخير للناس
بسم الله الرحمن الرحيم. ولا تقنطوا من رحمة الله.. أختي الكريمة.. ليس ذنبك ان تكوني جميلة او غنية او بنت عيلة.. فالجمال جمال الروح والغنى غنى النفس واهم شي الاخلاق العالية.. فلا تستعجلي ع نصيبك..ربما تأخر لكن عسى ان يكون خير لك ولصبرك .. ويأتيك نصيبك.. وانا بنظري كل هذه الامور لا تمنع اي شب للتقدم..فاي شب يجب ان يكون مقتنع بشخصيته ليتقدم لخطبتك..فالرسول عليه الصلاة والسلام يوجه كلام لاهل اي بنت بان يتقبلو الشب اذا رضوه دينا وخلقا ..وبهذا يجب ع اي شب ان يتجرأ وتكون شخصيته قوية ويتقدم لخطبتك
سوريا
شيخ الوادي2011-03-03 00:23:53
بسيطة
رتابة الحياة يلي عم تعيشيها هيي سبب هاد الشعور..أنا بظن أنو حياتك مرسومة لألك ولهيك ماعم تعرفي تتعاملي مع شي خارج عن الاطار يلي مرسوم ألك ...اذا ضليتي ع هالطريق رح يجيكي عريس (لقطة وابن عيلة) بس طبعا عن طريق أهلك انتي بلشتي تفكري وتطلعي برات الصندوق اكسري الروتين يلي عايشتيه اعملي شي بتشوفيه خاص فيكي وبتحبيه انتي اصنعي شي لتتفاعلي معو
-سوريا
fareed2011-03-03 00:20:51
موضوع بيجنن والله وضحكني
الجميع الآن سوف يتنمق بالكلمات ويظهر حسن التودد لك من خلال ارسال نصائحه وارسال اسمه وعنوان الايميل عسى أن يحظى أحدهم بنيل إعجابك وأنا واحد منهم ؟؟ ههههه... وكل يلي عطوكي النصحائح يتمنون التقدم لخطبتك حتى المتزوجون منهم!!!! ..هههه الله يكون بعون الناس كلها لا تبالغي بالموضوع . وأنت حلم أي شب وخاصة بسوريا ((تنكح المرأة لأربع .. لمالها ولحسبها ونسبها وجمالها ودينها)) وأنا على ثقة أن الشروط الأربعة متوفرة عندك .... لا تخافي من العنوسة ..ههههههه سلام
سوريا
أرادوس2011-03-03 00:18:54
الجمال والمال ليسا كل شيء
بصراحة الجمال والمال ما كل شي في كتير شغلات أهم. المشكلة يمكن ما من عندك المشكلة عامة لأنو قليل ما حدا عم يقدر يتزوج هالايام يعني احسبيها ارخص بيت حقه 2مليون وبحسبة بسيطة يلزم حوالي 20سنة تقريبا لشراء هيك بيت. بعدين انت لسه ما راحت عليكي بس نصيحة أخوية لا تتكبري اذا اتقدملك شي عريس آدمي وأخلاقه كويسة وتقولي انا غنية وحلوة وبنت عيلة......الخ لأنو ساعتها بتكون راحت عليكي عن جد. وبعرف كتير ناس فاتهم قطار الزواج بسبب التكبر وشوفة الحال وانهم بنات عيلة وأغنياء. والله يوفقك ويقدملك اللي فيه الخير.
-سوريا
غرام2011-03-03 00:26:11
هاد نصيب
ازا الك نصيب رح تتزوجي _وبحب قول ل مايسترو مشكووووووووور يا صديق
سوريا
محمد أمين مصطفى2011-03-03 00:09:54
حسبنا الله
السلام عليكم عجبت لزمن غريب نحن فيه فتاة مثلك يبحث عنهاالرجال كماوصفت نفسك ولاكن هناك اسباب اذكرها: 1-لعلك وضعت حاجزا بينك و بين الطرف الآخر فيخاف الآخر أن يعرض رغبته 2-أغلب شبابنا اليوم بسبب المشاكل الحياة يبحث عن فتاة متوسطة حتى لا يزيد الطين بلة 3-إن أحسست بان هناك شخص يعجبك ويناسبك بادري بالفرصة ولمحي له (فأن تلحق القطار متأخرا خير من أن لا تلحقه أبدا) 4-ليس من العيب ان تذكري لاهلك او لأصدقائك انك راغبة بالزواج فعندهم شباب وأخوة وانت بما وصفت نفسك خير 5 -دعائي لك ولكل عازب ولي بالعاجلة
سوريا
Maestro2011-03-03 00:07:55
بعـدك صـغيرة....
أولا:بعدك صغيرة عين الله عليكي وانشـاالله بيجي نصيبك أحسن ما بتتوقعي،لاتتعجلي شي،كله لخير.تانيا:قريت رسالتك كذا مرة وما استوقفتني غير عبارتين(من عيلة كبيرة و زملائك تاركين مسافة بينك وبينن ومو ذنبك أنك نولدتي هيك)شو قصدك؟معقول سبب بعدن عنك وإحترامن الزائد لأنه عيلتك من أصحاب النفوذ مثلا؟بيجوز...عموما حاولي تتقربي أكتر من زملائك وتعملي صداقات معن،بإمكانك ما تبيني الفارق الطبقي بينكن بتصرفاتك أو بلبسك أو حكيك،كوني أكثر عفوية وبساطة،وشوفي حالك وأهلك هل رح توافقوا على إرتباط بشخص من طبقة أخرى؟
-سوريا
عزابي فقير 2011-03-03 00:07:20
وبعدين معكم في هذه المواضيع؟
السبب هو: "أنا جميلة وغنية ومن عائلة معروفة" يعني كاملة مكملة! أنا على فقري وتعاستي لن أقبل بالزواج من إمرأة تقول وتردد هذه العبارة حتى لوكانت أجمل نساء العالم لأن الجمال سينتهي بعد سنة أو اثنتين والمال سيذهب ولا يجلب السعادة والعائلة الكبيرة ماذا يعني ذلك؟ كل الناس من عائلات ولا فرق لعائلة على عائلة صغيرة كانت أو كبيرة. أنت مغرورة والذي سيتزوجك قد يعاني كثيراً لأنك ستعيرينه لذلك ابحثي لك عن غني وجميل ومن عائلة أكبر وأغنى من عائلتك لكي لاتستطيعون تعييره.
-سوريا
ابو الللول2011-03-02 23:46:54
حلوة
ههههههههههه بصراحة عجبني انه كيف الشباب كلهم حطوا ايملهم ..... يالله بالتوفيق ..... ومشان صاحبة الرسالة الامر بسيط كتير حسيسهم انه المصاري مو فارقة معك وبس
-سوريا
mezoo2011-03-02 23:38:25
damas
انا برأيي خلي اهلك يخطبولك مو غلط بيقولو اخطوب لا بنتك قبل ابنك لقيلك شي رجل جيد وصاحب دين ويسرولو امور الخطبة والجواز بما انكك من عيلة غنية وبتنحل المشكلة انا من جهتي انخطبت مرتين من عيل عريقة مو عيب القصة
سوريا
جوان2011-03-02 23:35:56
syria
ولله بهل الايام ناس عم تدور على بعض ماعم تلاقي بعض
قطر
سوري حر2011-03-02 23:32:08
الغني و الفقير
هل تعلمين اختي ان هناك حاجز قمنا نحن الشعب بمختلف طباقاته بصناعته يفصل بين الفقير و الغني ؟ يحرم على الغني الزواج من الفقيرة و الفقير من الغني !! على كل حال اختي الجمال و المال ليس كل شي فالعلم و الاخلاق و الروح الحلوة هي الاهم فالعمال و الجمال تحصيل حاصل لا ينفع و لا يضر . على كل الحال خلي ثقتك بنفسك كبيرة و لا تخلي احد يستفزك فنسيبك راح يجيك و لكن العلم عند الله متى ؟ و اين ؟ لا احد يعرف
-سوريا
امير2011-03-02 23:30:34
الأخلاق اولا ثم الجمال والمال
ان مشكلة لنوسة بهذا الزمن تعاني مها الكثيرات من مثيلاتك لسبب هو حجم امسؤوليت الجسام اللقاة على اتق الشباب ، ولو انايسرنا الموضوع على شبابنا لما كانت هناك مشكلة كمشكلتك
سوريا
osamah2011-03-02 23:21:29
بكــــير
انا برأيي لساماما وصلتي لسن متأخر يعني فرصتك بالزواج لسا كبيره واذا انت عامله او موظفة كمان فرصتك اكبر لانو الامرأه العامله مرغوبه بها الايام اكتر من غير العامله انا شب وصار عمري 30 ولسا ما اتزوجت الكل عم يتأخريعني عادي حاولي اتعرفي على ناس اكتر من النت او من الشغل يمكن الشخص يكون موجود ومو حاسه بوجوده
سوريا
ahmd2011-03-02 23:16:57
للشباب نفس المشاكل
عدم وجود مواقع للزواج مجانية مشكلة كبيرة انا اعاني من نفس المشكلة ولا أجد فتاة جميلة ومناسبة للزواج لو ان سيريا نيوز تخصص صفحة للزواج
سوريا
الاميرال2011-03-02 23:11:41
؟؟؟؟؟؟؟.
الك الله مابينساك
سوريا
samah2011-03-02 23:09:40
العيب فينا
ان ردة فعل الناس طبيعية ولكن مو طبيعي انو تعملك مشكلة لانو الناس ما عندى سيرة غير مين تزوج ومين طلق وليش...الخ فالمفروض تترفعي عن حكي الناس وخصوصا بامورك الشخصيةوالظاهر من رسالتك المشكلة عندك انت لي معترضا على عدم زواجك موالناس لانو يلي فيو شوكة بتنغزو والرجاء نشر مشاكل تستحق التعليق يا سيريانيوز يعني شو هالمشكلة التي تهدد امن المجتمع 
-سوريا
عريس بشرط2011-03-02 23:02:53
التواضع
انا بقلك ليش لحد الان ما حدا اتجرأ و تقرب منك. من طريقة تعريفك لنفسك انك جميلة و غنية و من عائلة كبيرة هذا هو السبب . طريقة تفكيرك و نظرك للحياة بشكل خاطئ.الجمال و المال قابل انو يروح من الانسان بلحظات. بس يلي ما بيروح ابدا هو التواضع . كوني متواضعة و بالإضافة للصفات يلي ذكرتيهن بتكوني ملكة جمال و أنا اول واحد رح يتقدم و يطلب ايدك.
-الإمارات
مواطن2011-03-02 23:00:03
اتفق مع الاخت مغتربة حزينة
انا لا اشارك عدة في التعليق في هذا الباب ولكني حريص على قراءة المشاكل المطروحة فيه. هذد المشكلة استوقفتني واضطررت لان اكتب تعليق لما فيها استهتار بعقول القراء. بصراحة التفسير المنطقي الوحيد هو الذي طرحته الاخت مغتربة حزينة هو انك عم تعملي لحالك دعاية يا اخت صاحبة "المشكلة". يا اختي مجتمعنا بالاصل مادي فاتاكدي حتي لو ماكنت جميلة وعائلتك عائلة غنية كما تفضلتي فانتي من اول الفتيات المرشحات للزواج فبرأيي انو ياسيريانيوز القوا نظرة عالمشاكل قبل طرحها.
-كندا
فادي ابراهيم2011-03-02 23:00:35
قد يكون
استاذتي الكريمة بعض الاشخاص لا يرون انفسهم جيدا قد يكون هناك شي غير قد غفل عن ذهنكي فاكتشفي ذلك بنفسك اجلسي وفكري جيدا قد تجدين حل وبابسط الامور
سوريا
معتز2011-03-02 23:02:33
رأي الخاص
يمكن هاد الشي طبيعي لانو في ناس بتخاف تفوت هيك فوتة ظنا بأنه العريس لازم يكون خاروف لانو وكما جرت العادة عند اهل الفتاةانو ما بدهن غير شب ابن عيلة ومتعلم وابن حلال واول ما يفوت العينتين ببلش المغطس الحامي يفوت شوي شوي على بدنا البيت بالمنطقة الفلانية والبنت ما بتصيف الا بالدولة الكتلونية وما بتشتري الا من المحلات الازورديةوهكذا يابيكمل العريس وبيفضي كل شي معو يا بلحئ حالو وبيئول يافكيك +النطباع يلي بتعطيه للي بيدل وعكل حال لايصح الا الصحيح وقت بيجي النصيب لامهرب منه
سوريا
سوري مغترب2011-03-02 22:53:53
الزواج قسمة نصيب
للحين مااجا نصيبك مشان زملائك في العمل بعاملوك لانك غنية مو من مستواهن المادي باذن الله بيجي نصيبك عن قريب
السعودية
مغترب2011-03-02 22:56:42
اللهم فرج هموم المسلمين في كل مكان
الله يبعتلك ابن الحلال
-سوريا
anas2011-03-02 22:49:03
يعني عم تقولي انك جميلة !!! الذنب مو ذنبك الذنب ذنب العادات والتقاليد يلي عنا على كل حال وبلا طول سيرة حولي تكوني على طبيعتك ولاتستعجلي الامور اوكي يلاااا باااااااي طمنيني شو بيصير معك
سوريا
shady2011-03-02 22:50:37
الله كبير
كل شيء يجي من الله يا ما احلا
سوريا
حموي2011-03-02 22:38:19
جمال الروح
أولا : الجمال جمال الروح و أنني أقول لك مثل عندنا في البلد وهو ( لا تأخذ القرد على مالوا بيروح المال و يبقى القرد على حالوا) يعني الشغله ليست شغلت مال يوجد رجال الآن عندنا عم يدوروا على بنات حلال0 بس نحن بعاداتنا و الله بدنا أبن الحلال وعندما يأتي يتطلبنا منه السيارة الفاخرة و الشقة الفاخرة فأين يفكر أبن الحلال بعدم الزواج لأنه ليس معه حتى يحقق لها السيارة و الشقه الفاخرتين ويمكن تطلب كلب و خدام هذا حالناى 0
سوريا
اخدة حسبي الله2011-03-02 22:16:36
نصيحة
لك شو بدو الواحد يحكي يعني الي عمرو 28 شو يحكي؟ يا بنتي انا متلك تمام حلوة و بنت عيلةو موظفة وجامعية ومين ما بشوفني بيستغرب اني لهلأ ما تزوجت وهي ليكني اعدة ببيت اهلي ,هي قسمة ونصيب ما رح يطلع بإيدنا شي نصيبك رح يجي لعندك لا تدوري عليه والي قالتلك سجلي بمواقع الزواج ما بنصحك لأنو كلون كزابين وعم يتسلو ,لا تتسرعي ولاتطلعي عل حواليكي كتير وشو ما عملتي الناس بدا تحكي فلا تردي عحدى بس بنصحك تكتري من قرأة سورة البقرة لأنو بتريحك و بتفرج همك ان شاء الله .. موفقة
-سوريا
Nad2011-03-02 22:31:44
كلمتين :
صديقتي عم تقولي انك مرتاحة ماديا والحمد لله ما عندك مشاكل الا الشي يللي ذكرتي ومعتبرتي مشكلة (وما هو بذلك) اسمعي يللي بيعجبك ولاتسمعي يللي مابيعجبك وروقي لأنو مافي شي مستاهل والله يخترلك الخير وأنا واثق انك انسانة أكبر من التفاهات والكلام الفاضي ويللي كاتبو الله بدو يصير . والله يوفقك روووقي
-سوريا
سعد2011-03-02 22:19:40
مشكلتك كبيرة وظغيرة بنفس الوقت
مرحبا بسيل، إنتي إذا كنتي هيك متل ما عم بتقولي لسا نصيبك ما إجا، بدي حذرك أنك تعلقي بطماع أو جشع، مشكلتك كبيرة لأنك ما إنتي اللي بتقدري تحليها، وظغيرة لأنو حلها بسيط. ديري باللك على حالك وخليكي مستقيمة. الله يبعتلك الإنسان اللي بيستاهلك وبيقدرك.
سوريا
كل شي قسمة ونصيب2011-03-02 22:08:50
الله يبعث
الله يستر عليها ويبعثلها ابن الحلال
-سوريا
Field QHSE Advisor2011-03-02 22:08:21
الى مغتربة
سبحان الله حتى النسوان ما تحبو الخير لبعض يعني ما حكت شي المخلوقة وفرضا عم تحكي عن حالها حكت بطريقة ايجابية احسن من مواقع الزواج الي مسجلها فيها انتي. لأنو برأيي غلط.
سوريا
عمر2011-03-02 22:02:21
الباحث عن السعادة
مابعرف شو بدي قلك
سوريا
شاب سوري 2011-03-02 21:56:31
إلى صاحبة السؤال
أختي الكريمة أغلب الشباب و خاصة من يملكون المروءة يخافون أن يتقدمو لبنت غنية و لا يحبذون الزواج منها لعدة أسباب أولها أنها غنية و الشباب لا يقبلون أن يتزوجو ببنت أغنى منهم أو من عائلة أغنى منهم و حتى الشباب الأغنياء لا يفضلون الزواج من بنت غنية ،، و هذا أمر جيد جداً فالبنت المتوسطة الغنى أصبح من الصعب أو المستحيل الزواج منها بسبب الأمور الإقتصادية فما بالك ببنت غنية ،، إلا إن تقدم لها شاب لا يملك المروء و قبل الزواج ببنت أغنى منه ،، لربما طمعا بمالها و هناك طبعا حالات نادرة و مبررة سببها الحب
-سوريا
ابو احمد2011-03-02 21:53:14
ليش مستعجلة
الاخت الكريمة ظننت عندما قرأت المقال ان عمرك فوق الاربعين وتفاجئت انك مازلتي في عمر ال 25 لما هذه الاستعجال سيأتي ابن الحلال قريبا وخذي وقتك لاختيار الافضل. وفقك الله
-سوريا
عمور الأمور2011-03-02 21:42:29
الغرور يا غالية
هاي غرورك اللي رح يوصلك لعنوستك انتي وكتير امثالك بنات بس بدكن شب طويل وحلو واشقراني واصفراني وبالاخير الله يبلاكن بالعنوسة ارجعي لله ورح ينفتح نصيبك ان شاء الله الله يوفقك بس لازم تعرفي انك عم تدفعي تمن ليش معين وكلشي بتمنووووو
سوريا
سهام2011-03-02 21:26:43
كوني واقعيه
حسب فهمي لمشكلتك انك لا تشكين من عدم الزواج وانها ليست مشكلتك كان من الواجب ان لا تشمليهالنه الكل رح يفهمك غلط اما من ناحية عملك وزملائك بالعمل نصيحه مني كوني طبيعيه جدا لا تتكلمي عن نمط حياتك حاولي تكوني من مستوى زملائك اقصد الماديه وعند الحديث لا تتكلمي عن طريقة معيشتك او من وين تشتري ملابسك او وين تسافري في اجازاتك كل هذا لو تكلمتي امامهم سينعكس سلبيا عليكي. حاولي تكوني متواضعه التواضع كتير حلو. انا مثلك تماما لكن لا أحد يعرفالمستوى الذي اعيشه اينماذهبت لا داعي احد يعرف مستواكي المادي
الولايات المتحدة
رامي2011-03-02 21:29:13
مو معقول
ما بعرف مين الشب يلي بتقصديه وهل بتعتبري الشب العادي البسيط شب ولا لأ ؟ انو بهالمواصفات يلي قلتيهن وما فيي سبب ما بصدق انو ما حدا تقدملك الا اذا كان ما حدا عم يتجرأ, تواضعي شوي وارضي بالقليل وشوفي كيف بيجي نصيبك
سوريا
مغترب 2011-03-02 21:28:49
الامل
اكيد في سبب يخلي الناس يبعدو عنك راجعي تصرفاتك او طريقة تفكيرك او كلامك بس خلي دائما عندك امل ببكرة انو يكون احلى
سوريا
كريم أبو الكرم2011-03-02 21:12:05
اصبري!
يا بنت الحلال: 1- كل شي بوقتوا حلو لا تستعجلي شي أبدا. 2-يمكن حضرتك بتتصرفي تصرفات عادية بالنسبة لتربيتك وبنفس الوقت مزعجة لغيرك!!! 3-يمن حضرتك بتتفوهي بمفردات عادية إلك وغريبة لغيرك:مثلا:يمكن تقولي:ييي!!! والله رحنا مبارح على المطعم الفلاني(خمس نجوم)وأكلوا مو طيب,وبنفس الوقت يكون يللي عم بيسمعك مشتهي الفلافل!!! 3-يا شطورة البنت من أكثر من عشر سنوات هي يللي بالطبق الشاب وهذا طبعا موغلط, إذا وجدتي شاب بيعجبك !!!وليطمئن قلبك: شباب هذه الإيام بقدروا جدا مبادرة الفتيات للزوج!
-سوريا
نورس2011-03-02 21:10:38
الرد
هيا كلمة واحدة فقط الزواج قسمة و نصيب ولا تنسي وضع شبابنا بهذه الايام فا و الله لا نفكر بالزواج بقدر ما نفكر بالبيت و تأمين عمل مناسب وووو
سوريا
يمان قباني 2011-03-02 21:04:44
طولي بالك
أيتها الرقيقة : لا أعرف شيئاعن الخلفية الدينية التي تلف عقلك ولكن بعض الامور لا تدخل في ميزان المعادلات فمهما يكن جمالك أو...أو فهذا لا يعني البتة بوفور الرجل الذي يستحق أو الذي يقدر أو المناسب أو فتى الاحلام ... إن تأخر الزواج سمة من سمات المجتمع السوري بنيجة الظرف الاقتصادي و بقع الاهتراء الاجتماعي والتدني لنواحي الدين والاخلاق وصعود نجم المال والثروة على حساب مفردات الحلال والحرام وراحة البال والامان ... لعلك تصبري وتتوجهي بالدعاء لك ولغيرك .
سوريا
احمد حسن 2011-03-02 21:08:44
ربي يكون بعونك
براي عندك وجهة نظر انا مثلا سافرت للسعوديه سنتين ولم اوفق حتى الان رغم اني بعد عازب
سوريا
ابن الشام2011-03-02 21:09:01
بعشق ترابك يا شام
يا انسه الموضوع مو بالتعقيد هاد يبدو انت كتير محجمة الموضوع القصة مو مستاهلة تفكري فيا والشغلة مو مصاري ولا بنت عيلة كبيرة حطي عينك بالله وشوفي احوالك كيف بتتغير وخلي نظرتك الفوقية تتغير شوفي اللي اسوا منك بتهون مصيبتك وربك ما بينساكي وبدعيلك بالتوفيق
سوريا
أبو محمد بس مو متجوز2011-03-02 20:53:03
شم ولا تدوق
حبيبتي نحنا الشباب لما حدا بدو يقدم عمرحلة زواج بدو يحسب حساب الديمومة يعني ماحد منا بفكر ببنت من الطبقة المخملية لأنها مارح تطول عندو أكثر من شهرين بسسب كتير شغلات أولها الفروقات المادية ثانيها نشوب المقارنة المعيشية ثالثها أنو 65% من الشباب المقدم عالزواج من الطبقة الوسطى يعني البنت متلك مابتنكوش فيه سنانها(مابعبي عينا) منشان ما يصعب الوضع أكثر من هيك بنصحك ترضي بالقليل
سوريا
مغتربة حزينة2011-03-02 20:34:55
?????
ماذا أفعل ؟ ساعدوني؟ تجوزوني ؟ لك والله مابعرف شو بدي اكتب لصاحبة الرسالة لانو عم توصف حالها وحوالها مشان ينزتلا شي رقم وشي ايميل ولا شو قصدا مابعرف . يااختي العزيرة روحي في الف موقع زواج حطيلك شي صورة حلوة الك ووصفي حااااااالك على كيفك وهيك بتنحل قصتك كلا . بتمني من سيريا نيوز ينزلونا بأسرع وقت غير هالمشاكل تبعات اليوم لانو عم شي فاضي وحكي فاضي وعذراً
-سوريا
asmar2011-03-02 20:33:07
؟؟؟؟؟؟؟؟؟؟؟؟؟؟؟
يا انسة الجما لهوي جمال الروح لا الشكل والغنى غنى العقل لا الفلوس الزواج قسمة ونصيب لا تعترضي الله يرضى عليكي
سوريا