syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
زيادة في أسعار انبوبة الغاز تفضي لانتشار شائعة برفع سعره.. والجهات المعنية تنفي
الاخبار الاقتصادية

تناقل مواطنون في الآونة الأخيرة اخبارا عن زيادة في سعر عبوة الغاز نتيجة قيام أصحاب محلات توزيع الغاز ببيعها بسعر أعلى من السعر المعتاد، إلا أن وزارة الاقتصاد نفت الأمر, مؤكدة توافر المادة في الأسواق السورية.


 

وقالت السيدة م. ح "نشتري اسطوانة الغاز عادة بـ325 ليرة ويقوم البائع بتوصيلها للمنزل، فلا أعرف ما سعرها الحقيقي، فهذا السعر المتداول في السوق والكل راضون، وإن ناقشنا البائع لن يبيعنا ببساطة", لافتة الى ان "البعض يقولون أن أسعار الغاز قد ارتفعت".

وشهدت الآونة الأخيرة ارتفاع استهلاك الغاز في عدد من المناطق بسبب الظروف الجوية السيئة التي تعرضت لها سورية مؤخرا, إذ لجئت العديد من الأسر إلى استخدام الغاز في التدفئة بعد تأخر الحكومة في توزيع الدعم على مادة المازوت, الأمر الذي أدى إلى وجود شائعات تشير إلى ارتفاع أسعار هذه المادة.

بدورها, بينت السيدة ض.ش أنها "تعتمد على الغاز في التدفئة إضافة إلى الطبخ وباتت تتعامل مع بائع واحد يقوم بإيصال العبوة إلى بيتها مقابل  325 ليرة إذ أنها تقوم بدفع هذا المبلغ عن رضا كون هناك الكثير من الباعة يبيعون الاسطوانات بنفس هذا السعر، ولكنها تكون فارغة".

وكانت الحكومة رفعت سعر اسطوانة الغاز المنزلي، في شهر أيار من العام الماضي، إلى 250 ليرة سورية بدلا من 145 ليرة, وذلك ضمن سياسة "ترشيد الدعم" التي اتبعتها الحكومة بغية تخفيف الإنفاق الحكومي, الا ان معظم موزعي مادة الغاز لا يلتزمون بهذه التسعيرة.

بالمقابل، نوه مدير إدارة عمليات الغاز بشركة محروقات معروف عليا إلى أن "سعر اسطوانة الغاز ثابت وهو 250 ليرة في المستودعات، ولا يوجد أي نقص في المادة فهي متوفرة".

وتتراوح حاجة مدينة دمشق وريفها والقنيطرة من الغاز ما بين 180 ألف حتى 270 ألف اسطوانة يومياً، وتبلغ تكلفة تبديل أسطوانة الغاز المنزلية الفارغة بأخرى مليئة 250 ليرة لسعة 12 كغ، والأسطوانة سعة 20 كغ بـ 420 ليرة، والأسطوانة سعة 24 كغ بـ 500 ليرة. 

بدوره, عزا مدير الاقتصاد والتجارة في دمشق الدكتور عبد السلام علي إقبال الناس على استهلاك الغاز إلى  "اعتمادهم على الغاز في التدفئة كونه بات أرخص من المصادر الأخرى".

ونفى "أية زيادة في سعر اسطوانة الغاز", مشيراً إلى أن" مخصصات كل محافظة تدخل إليها وتوزع على المراكز ولا يوجد أي نقص فيها".

وفيما يتعلق بالشكاوى, لفت علي إلى "عدم وجود أية شكوى بخصوص ارتفاع سعر الغاز", داعياً المواطنين إلى "تقديم شكاوى بحق أي موزع يقوم بتوزيع الغاز بسعر أعلى من السعر المحدد".

يشار الى ان عدد مراكز توزيع الغاز تابعة للمؤسسة العامة للمحروقات في المحافظات السورية يصل الى 33 مركزا بينها 8 مراكز في محافظة دمشق.

سيريانيوز


2011-01-10 15:50:56
شاركنا على مواقع التواصل الاجتماعي:



شارك بالتعليق
james2011-01-12 15:32:48
النصب
في سوريا بياع الغاز نصاب والتاجر محتال والموظف نصاب دايما بتحطو الحق هالحكومة مع انو الحق هالشعب النصاب المحتال واللي عم تزيدو طمعو بسكوتكن أيمت رح تصيرو عالم وكل واحد يقوم بششغلو بذمة وضمير وتحاسبو المحتالين اذا رح يبقى النصب والاحتيال عقيدتنا مابحياتنا رح نمشي لقدام
-سوريا
أبو يحيى2011-01-12 12:31:19
شعب بطران
بدي افهم لشو الغاز و المازوت ؟؟ هلأ الحطب ما عاد يعجب ؟؟ الله يرحمك يا ستي كانو يتدفو و يطبخو عالجلة.. و أنا رح صير بياع جلة لتسجيل الطلبات بس اعطوني خبر و بتوصل الجلة عالمنقل لعندك و بشعلك اياها كمان قال غاز قال .. شعب بطران قال شو عم يسرقونا بياعين الغاز .. اي بلا الغاز شو يعني
-سوريا
اقتراح2011-01-12 11:23:07
وزعوا الغاز في المؤسسة الاستهلاكية
أعتقد أن كل حي في المدينة فيه مؤسسة استهلاكية كانت توزع السكر و الرز والتموين وما شابه.. ما المانع من توزيع الغاز في هذه الجمعيات أيضاً، هذا سيخفف العبء على مراكز التوزيع وعلى المواطن أيضاً، ويمكن أيضاً توزيعها عن طريق التعاقد مع فروع المؤسسة العامة للخضار والفواكه، وهذا أيضاً سيقلل من احتكار الموزعين، فلا مانع من أن يربحوا مقابل تعبهم لكن 100 أو 150 ل.س زيادة عن السعر الأصلي، فهذه بصراحة جريمة بحق الناس..
-سوريا
Ali from Norway :)2011-01-11 21:37:57
Here in Norway :)
هون بلنرويج ماعنا شي اسمو جرة غاز, ومرتاح من انو ماعنا غاز بليت. لانو كل شي بيشتغل علكهربا. حتى الفرن والشواية علكهربا. مع العلم انو الكهربا ما بتنقطع عنا
سوريا
سوري طفشان2011-01-11 21:34:31
الحمد لله
الحمد لله من وقت ما إجا الواحد هون لبريطانيا لا ضل قصص جرة الغاز و لا تقعد تدور على بياع فاتح بالليل و على بياع نصاب و على بياع بنقص من الجرة هون الغاز يجي بالانابيب للبيت و كل بيت في عداد هل الشغلة هون من عام 1952 إمتى راح تصل لسوريا خوووود خنيييق
-بريطانيا
وسيم أحمد2011-01-11 21:06:55
لدي حل أفضل سيد عصام حداد
أن نوزع كلفة هذه الكتابة الحضارية على موزعي الغاز بذلك نزيد من ربحهم وهم بدورهم سيرحمون المواطن , مع العلم أني لا أرى أي وسيلة للغش عندما تكون مختومة لانني أؤكد أنها ستكون اية في البشاعة إذا زدنا الطين بلة وكتبنا عليها, المشكلة مشكلة ثقة صدقني,,,,,,
فرنسا
سامر112011-01-11 17:45:12
هنا في السعودية
عندما تريد تبديل جرة الغاز تاخذ السيارة وتذهب الى مركز التوزيع لا ازمة ولا مشاكل حتى انك لا تحتاج ان تنزل من السيارة كل ما هنالك تفتح باكاج السيارة ياتي العامل ياخذ الجرة الفارغة ويضع بدلا عنها مملؤة ثم تدفع ثمنها وانت خارج ام ثمنها 15 ريال يعني 180 ليرة سوري
-سوريا
عصام حداد 2011-01-11 16:20:35
اقترا ح مهم
أتمنى من مركز التعبئة طبع سعر الاسطوانة عليها بخط كبير مغ تاريخ التعبئة وهذا ليس عليكم بعسير .. بذلك يتثنى للمواطن معرفة كل شيء عن الاسطوانة دون كذب ودجل من الباعة .. وبهذا يرتاح المواطن والموزع .. ويعرف المواطن ماذا سيدفع بخشيشا لمن يوصلها لبيته حملا حسب البعد عن الطريق أو حسب عدد الطوابق .. نرجوا منكم ذلك مع التحية لجميع العاملين في هذا المجال الصعب .
-سوريا
طفران2011-01-11 15:53:00
ستعود ايام زمان قريبا
ساالله ايامك يا ستي وطعم الدخان باكلك الطيب يلي كنت تطبخيه على الحطب
-سوريا
ريفي2011-01-11 15:38:57
من زمان
في منطقة جديدة عرطوز سعر قنينة الغاز المنزلية واصلة للبيت 310 ل.س وانا شخصيا بدفع حقها هيك ومن زمان واذا بتعطيه لبياع الغاز 275 ل.س برجعلك ياهون وبقلك حقها 300 ل.س وبدي اكرامية كمان  فاذا وين الرقابة ولو خرجنا عن الموضوع حتى السكر بالاونة الاخيرة كانو المحلات عم ببيعوه بين 55 ل.س للـ 60 ل.س رغم انو التسعيرة يلي محطوطة عليه 40 ل.س بتمنى تكثيف الرقابة رئفة بالمواطن المسكين
-سوريا
محي الدين الشامي2011-01-11 15:23:27
السيد مدير الاقتصاد والتجارة .
أصبحنا في عصر الفضاء .فالرجاء منكم أن تتحدثوا عن أسباب أكثر موضوعية وذات تفسيرات علمية دقيقة وليس كلام بكلام . سوء التخطيط لديكم يوصل المجتمع الى الازمات التي نعيشها .أتمنى منكم أن تفتحوا الحاسب خاصتكم وتطلعوا الصحافة على وضع السوق المدروس وبرنامج التسويق للمادة المهمة /الغاز/والاسباب التي أدت للأزمة!!!
-سوريا
مغتربببب2011-01-11 14:32:57
الشعب للجنة
فعلا الله يعين الشعب السوري بس لا تخافوا الشعب السوري رايح على الجنة مباشرة بدون حساب
-سوريا
قرفان من .....2011-01-11 14:15:34
ضايعه الطاسه
لك يعمي ليش هالغلا لا زراعه ناجحه ولا وظايف متوفره ولا شي جديد زايد علينا حسنو الظروف المعيشيه وغلو بشي يرضي ربنا وعباده .. جرة الغاز بالسعوديه ومختومه ومليانه بـ 15 ريال ــ البنزين بـ 5 ليرات ونص ــ الكاز يـ 3 ليرات او اقل شوي ــ السكر بـ 35 ليره ــ بدكم اعدد كمان ولا خلص ــ لا تنسو ان المنتجات نخب اول وجوده وخاص لابناء البلد وراتب الموظف العادي اللي اقل من الوسط 10 الاف وبالبيت اربع موظفين وخمس سيارات .. لك حااااجه ضحك ولعب ــ ولا بدكم نصير مثل تونس والجزائر مشان ترضو .. حسبي الله عليكم بس ..
-السعودية
سلام2011-01-11 13:56:11
ضرورة وضع اغطية على الجرات لمنع العبث بالجرات
أ نني كنت اشتري جرات الغاز من المحل الذي احترق في محطة بغداد و الغريب ان جرات الغاز كانت تنتهي بسرعة غريبة فتوقفت عن الشراء من عنده علما انه يبيع الجره بسعر 325 بدلا من تسعيرة التموين النظامية وهي 275ل س. لماذا لا تقوم شركه سادكوب بوضع اغطية على الجرات كما في السابق وبكبسات على محلات بيع جرات الغاز و و التاكد من وزن الجره ومن التسعيرة و حرصا على قو ت الشعب و ليكن ما حصل عبرة .لمنع اصحاب النفوس المريضة بالتلاعب بالسلع الاساسية وليكن ما حصل درسا جيدا له و لغيره
-سوريا
برنارد شوو2011-01-11 13:47:53
حبيب ألبي يا بياع مازوت.....
لا والله أنا صاحب شهادات عالية وخبرة بس عاطل عمل بهالزمن العاطل, والاسعار ناااااار بس ما بتدفي متل المازوت...!! ياريت فيني اشتغل بياع مازوت أو بياع غاززززز.....
-سوريا
مغترب2011-01-11 13:19:32
وخليني مغترب
اول شي يا جماعه الكل عم يشتكي من البياع طيب بلا لعي فاضي ما عجبك سعر البياع روح على المركز وخدها بسعرها ولا تعمل حالك بيك وبدك يوصلك ياها بلاش كمان يمكن البياع عم يعبي منها غاز سفري صغير بعدين يبيعها وطبعا بكون بلصك فيه بس كم سوريا بلد مصدر للغاز 250 لير غالي
-سوريا
mfn2011-01-11 13:15:51
قولوا آمين
اللهم من اراد بهذا البلد و شعبه خيرا فوفقه لكل خير وأجري الخير على يديه و من اراد غير ذلك فخذه أخذ عزيز مقتدر و اجعله عبرة لمن اعتبر . آمين
-سوريا
بياع مدري شوو2011-01-11 12:56:39
الى أحمد
السعر موضوع في المركز عل حيط يلي فوق غرفة المحاسبة مباشرة. بس لازم نقرأ
-سوريا
بياع مازوت2011-01-11 12:52:11
الى السيد برناردشو
المواد التي ذكرتها هي عنا غالية بالاصل و أسعارها أعلى من أسعارها في أوربا التي تستورد معظمها. فاذا بدهم يغلوها منقلن يلي أختشوا ماتوا.... و لا لتكون حضرتك صاحب بقالية و عم تحضر العالم لرفع أسعارك؟؟!!!!!!؟؟؟؟؟
-سوريا
احمد اليافي2011-01-11 12:36:32
مللنا؟؟؟؟؟
اشتريت البارحة 10-1-2011 جرة غاز ب 400 ليرة بعد انتظار اسبوع ... وحاجة نفخ عضلات ياحماية المستهلك وانزلوا الى مراكز التوزيع وشاهدوا المأساة.ولاتنسوا أنكم تنادون بالفاتورة بالفاتورة بالفاتورة وانتم براء منها أولا.لماذا لايتم وضع لصاقة بالسعر على جرة الغاز وتباع بفاتورة نظامية ونحن نكرم البائع برغبتنا ...انشاء الله يتم هذا الموضوع قبل عام 2020 وشكرا
-سوريا
برنارد شوو2011-01-11 12:25:27
قائمةببعض المواد التي لم تغلى بعد.....
زيت زيتون, زيت قلي, زيت كاز, صابون, ملح, معلبات بانواعها, مواد عصرونية, موبايلات.....الخ.فيرجى من الجهات المعنية كل حسب اختصاصه اخذ العلم واغلاءها بأقرب وقت ممكن لتتناسب مع المواد الغالية مشان ماينسوها...حبيباتي...!!
-سوريا
خالد سامي الغماز2011-01-11 12:31:29
كيف يعني 250
نحنا في ريف دمشق في القسطل التابعة لمدينة النبك تصلنا جرة الغاز من الموزع الذي يتجول بسيارته بــ 300 معناتو كيف هي سعرها الحقيقي 250 بس يعني يا أما نحنا ما بنعرف الأرقام أو الموزع بيغش أو المركز بيغش أو سيريا نيوز خبرها مو صحيح إنو سعرها 250 بس بعرف إنو سيريا نيوز أخبارها صحيحة فجاوبوني مين السبب
سوريا
مواطنه2011-01-11 11:52:55
طبيعي 100%
اي دخيلكون في احلى من انك تحافظ على بيئتك والطبيعة شو يعني اذا عشنا كم شهر بلا غاز ولا مازوت اي شو البيئة اهم شي مشان ما يتلوث جونا وسمانا صح او لا
-سوريا
محمود2011-01-11 11:49:23
حلب
أنا من إسبوع بدلت جرة الغاز من مركز البلليرمون الحكومي وأخدوا مني سعرها 275 ولما سألتهم ليش ... قلي الدوله غلتها 25 ليره ولما عمباخد الجره من السيارات المتجوله بيحسبوها ب 300 و99% منهم بكونوا مفضين منها الربع
-سوريا
samer2011-01-11 11:45:09
GOOD NEWS
تسلم ايدك اللي قلت ليه مابحطوا السعر للمستهلك على الاسطوانة على الاقل مابجادل البائع -ثم اللي قال في اختراع بسيط هو غلاف يوضع بشكل الي على الصمام لمنع فتح الاسطوانة اللي عمبيسمعوا بهل كلام من المسؤولين مابقولوا سهلة كثير
-اليمن
أبو الزوز من حلب2011-01-11 11:30:02
ب 300 ليرة
نحن عم تصلنا جرة الغاز ب 300 ليرة للبيت وموزع الغاز مشهور كتير بحلب بعتقد حقو الطبيعي 50 ليرة
سوريا
كاشف2011-01-11 11:26:49
الميط
اذا عم تطلع اشاعات لكن صدقو الاشاعات رح يرتفع سعر الغاز
-سوريا
بياع غاز2011-01-11 11:24:53
مطلبة
اطالب بتأمين صحي لبياعين الغاز و تعويض اصابة عمل و بدل وفاة كمان
-سوريا
قرفان 2011-01-11 11:25:36
الى ما بعد جرة الغاز
لك يا شباب و الله تعبنا .... لك حاج تجبرونا نطفش من هالبلد .... لك يلعن ابو هالحالة
سوريا
بياع غاز 2011-01-11 11:10:09
الى أبو حسين
لا تنسا أنو تنكلة بالبانزين ب 880 ليرة يعني نص الغلة عل بانزين غير أنو الجسم عم ينهرا من نتع الأناني و لما نكبر دوبنا انلحق دكاترة و مصريف. و لا تأمين صحي و لا هم يحزنون. شو هل تفكير الصطحي. خخخخخخخخخخخخ
-سوريا
ابو حسين2011-01-11 10:31:11
غاززززز غازززززززززززز
خلونا نسترزق ياجماعة الخير شو صارلكم انا صحيح خريج جامعي وعاطل عن العمل وهذا شغلنا الرئيسي حاليا لاتخربوها علينا هي 20 جرة غاز باليوم عم نبيع يعني حوالي 60 الف بالشهر ماكتير يادوب مكفين هل الايام مابلدنا كلو بيسرق كلو ومشو حالكم دام فضلكم
-سوريا
ابن مبارح2011-01-11 10:19:24
معقول
الله يعطيكون العافية ...... الي شي 5 سنين برات البلد بس الي استغربتة من المقال انه الجرة كانت 145 وصارا 250 مشان شو ترشيدالدعم .... بشرفكون شو يعني ترشيد دعم
-سوريا
حمصي2011-01-11 10:13:59
المصفاة عنا بس الغاز لغيرنا
كتبت لكم سابقا وها انا اعيد بما انكم تقولون ان السعر 250 فلماذا تباع عندنا في باب السباع - حمص ب 270 والبائع يعرض عليك تصريح من مصفاة حمص بالسعر الذي يبيع به بانه رسمي وهذه السيارة الوحيدة التي ترسل الى الحي كل يوم اربعاء 100 اسطوانة لا تكفي احد ؟؟ نحن فقط وضعت المصفاة عندنا لكي تسممنا اما الغاز فهو متوفر بكل المدن الا بمدينة حمص بتلاقي المواطن حامل الاسوانة وعم يبرم ليــــش ؟؟؟
-سوريا
بياع غاز2011-01-11 10:08:36
مو كتير
يعني 100 ليرة للشخص يلي عم يجيب الغاز عل بيت مو كتير لا تنسو أنو هو راح عل مركز ببرزة بسيارتو و استنا عل دور و حمل الاناني عل سيارة و بعدين راح عل حارات ليوصل الغاز يعني حقو يزود عل أنينة... فكروا شوي كمان هو عندو عيلة بدو يصرف عليها. و مشان يخلص من نق الناس بيقول غليانة الأنينة بسبب أرتفاع الاسعار عالميا
-سوريا
ابن الشام2011-01-11 09:44:16
حرام
صاير فينا بهالبلد متل حجار الشطرنج
سوريا
عامر2011-01-11 09:21:27
أسفي على هيك مشكلة
مابدها ذكا بدها ضمير . ليش الشركة يلي بتعبي غاز ما بتكتب السعر على جرة للمستهلك 250 أو 255 وليش لتخلي المواطن بحيرة بس الغاز مفقود وكهربا عم تنقطع والمازوت غالي ومافي ومخالفة عدم وضع حزام أمان 1000 ليرة شو هالتناقض والله كرهت حالي والمشكلة أني بحب البلد و بخاف عليها والشرطي بس بدي أدفع المخالفة بيطلع فيني وبيقلي معك طوابع شو بدي أحكي لأحكي والله ضجنا لازم كلنا نستاعد الله يعين قائدنا شو بدو يلحق ليلحق
-سوريا
حبيب2011-01-11 09:00:57
اشتكي
إذا المواطن بدو يشتكي لحتى تتحرك الجهات الرقابية رح يقضي كل ايام السنة مشاوير على دوائر الدولة ومارح يلاقي وقت تيروح على شغلو. اشتكي لأن جرة الغاز ناقصة او تنباع اعلى من سعرها.اشتكي لأن سائق التكسي ماعم يشغل العداد وإن شغلها بدك تدفع زيادة على الاقل 100%.واشتكي لأن بياع الخضرة والفاكهة مابيلتزم بالأسعار واشتكي لأن السرفيس مابرجع الباقي وبطنش وجرب تدخل مطعم صحن السلطة 225ليرةوما بتخلص القصة بالشكوى فالشاكي سيتحمل سيل من الشتائم والبهادل على ايدين الشباب الطيبة وممكن ينضرب و.و.
-سوريا
SALEM22011-01-11 08:11:39
WHY
نتمنى ان تعمل الدولة على تنظيم التعامل مع المواطن بدون غش وسلبطة وتسلط من مسؤول او تاجر او بياع صغير فان ذلك يولد لدى المواطن قهر واحباط يمنعه من العطاء فكيف بدو يروح يعطي محاضرة او ينجز معاملة وهو متصبح ببياع غاز يستغله -اين الدولة من حماية المواطن باتباع طريقة تحفظ له حقه وكرامته واستغلاله -خلي الدولة تتنبع اي طريقة ولو مكلفة وخلوا المواطن عنده اختيارات وعلى الاقل العائد لصندوق الدولة مو لبياع راسماله 50 جرة غاز فارغة-وبسبب حاجة المواطن يتحكم به ويستغله ؟اين المسؤولين ؟؟
-اليمن
salem2011-01-11 08:06:17
why
مؤسسة المحروقات تعني دولة وهي غير عاجزة عن تامين مركز توزيع في كل حي واليات كثيرة للتوزيع على البيوت بسعر اخر وخلي الدولة هي التي تاخذ الربح مو موزع جاهل وجشع يكسب في الجرة 150 ليرة يعني بطالع بشهره اكثر من راتبي وانا مدرس جامعي يعني ابني اذا قال يلعن ابو الدراسة اش اقول له.يوجد كثير م نالطرق لضمان التوزيع المنطقي والصحيح روحوا مهمة خارجية للمدن المحترمة وتعلموا منهم موعيب الا بتروحوا وبترجعوا بهدايا بدون تقرير ونتائج -عيب صرنا في 2011 مالازم يكون عندنا مشكلة تافهة تشغل المواطن
-اليمن
مصري2011-01-11 07:53:33
هههههههه
هههههههههههههه شي بيضحك هلق احكومة بتنفي وبعد شي شهر بيتفاجأ الشعب أو فعلا تمت الزيادة وبأكثر من السعر المشاع في الشائعة هذا إن كانت شائعة
-مصر
بونايف2011-01-11 07:29:13
حسبنا الله ونعم الوكيل
سوريا الدولة الوحيدة اللي بتبيع الغاز من دون غطاء بلاستيكي على الصمام يمنع من سحب اي كمية من جرة الغاز او العبث بمحتوياتها او الغش في كمية الغاز المباعة يعني عندكم معمل تعبئة مابتعرفوا تجيبوا ماكينة تغليف تغلف الصمام تبع الجرة ويكون عليه شعار المؤسسة الرسمية اللي بتنع اي شخص يزور ذلك الشعار وين الوزير من ها الحكي وين المدراء من ها الحكي ولا شاطرين تقبضوا رواتبكم وبس وين التطوير وليش مافي قسم صيانة للجرار المهترئة وليش مافي قسم اعادة بخ دهان وليش مافي قسم جودة ماهي مؤسسة نفطية ووطنية
-سوريا
مواطن غلبان2011-01-11 06:34:40
منجزات رشيدة
لك نفسي شي يوم افتح صفحة النت و اقرا على هالموقع شي خبر مفرح او شي انجاز بتقدموا هالحكومة للمواطن الي اكل هوى لك شي مقرف
سوريا
سيريانو©2011-01-11 05:36:24
انا اليوم تفاجأت
عنا بالبيت في بياع غاز متفقين معو منتصل فيه بيجينا فورا المهم هذا الشخص قطعنا وما اجى صرلو فترة شغلت سيارتي ورحت لمركز توزيع الغاز قلتلون في غاز قال اي اخد الجرتين وعطاني ورقة رحت للمحاسب مجهزلو 650 ليرة قلتلو كم قالي 500 ؟؟؟!!! يعني الوحدة وقفت ب 250 وانا كل مرة بدفع 325 حق الجرة وبعطيه للبياع 25 ليرة (بيتي طابق اول ) يعني مافي طلعة درج طلعت عم اتخورف وماني عرفان :)
سوريا
ممتعض2011-01-11 02:15:38
نفس الشي
بدها تغلى متلها متل غيرهاوبتصور يصير سعرها متل لبنان 400 ليرة ورح يقولو غليناها لمنع التهريب أو لمنع الاحتكار متل المازوت (لمصلحة المواطن)!!!!!
-سوريا
لوليتا2011-01-11 01:39:00
ريجيم قسري جماعي
يا حبيبي مبارح السكر اليوم الغاز بكرا مابعرف شو!!!! بتعرفو شغلة يا جماعة الحكومة عنا عم تعمل سياسة ريجيم قسري جماعي مشان صحة المواطن اي لكان شو صحة المواطن ورفاهيته من اولويات عمل الشباب ببلدنا يعني بيغلى السكر فمنعمل دايت بيغلى الغاز ما منعود منطبخ لانو كمان انو نطبخ عالحطب مافي لانو الشعب قضا عالطبيعة باتباعه قواعد النظافة يالله بلكي بتصير سوريا من البلدان المصدرة للجمال بسبب الريجيم الجماعي للشعب السوري لانو ماحدا بقى بيعمل كاتو وحلويات لانو شو بدها يا حذركن بدها سكر وغاز!!!
سوريا
waseemooo2011-01-11 01:24:15
مشكورين
الحمد لله انه لايوجد اي رتفاع بالسعر ... بالنسبة لمحلات الغاز كل واحد يبيعها كما يحلو له وخاصة انه مافي اي مراقب له ... انا شخصيا التدفئة على الغاز وحتى المياه الساخنة على الغاز يعني كل شي صار على الغاز ... اذهب الى المؤسسة وابدل العبوات الفارغة كل واحدة 250 ل.س ..
-سوريا
سوبر مان2011-01-11 01:11:03
في قدسيا
عنا منطقة قدسيا عم تنباع جرة غاز\400\ ل س وبقلو ليش بقلك هيك بدك خود ما بدك انقلع.مين مسؤل عن هاي قصص يجي لعنا يشوق
-سوريا