syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
عطري يصرف من الخدمة معلمتي" الفيسبوك "
الاخبار المحلية

أصدر رئيس مجلس الوزراء قراراً يقضي بصرف المعلمتين اللتين ظهرتا في مقطع فيديو على شبكة الفيسبوك وهما تعاقبان بشدة أطفال مدرسة ابتدائية


وحسب نص القرار الذي حمل رقم 5594 فإن قرار الصرف من الخدمة استند إلى أحكام القانون الأساسي للعاملين في الدولة واقتراح اللجنة المشكلة وفقاً لأحكام المادة 137 منه حيث تقرر صرف العاملتين المعلمتين لدى مديرية تربية حلب " م – م " و " أ – ن " من الخدمة وتصفية حقوقهما وفق القوانين والأنظمة النافذة .

يشار إلى أن وزير التربية علي سعد أصدر حين التوصل إلى هوية المعلمتين قراراً قضى بمعاقبتهما بالنقل إلى منطقة نائية، وتعيينهما في عمل إداري ليس فيه علاقة مباشرة مع التلاميذ .

الجدير بالذكر أن الحادثة التي ظهرت على شبكة الانترنيت هذا العام تعود للعام 2004 وقد حققت حينها الرقابة الداخلية في مديرية تربية حلب في قضية ممارسة عنف مع التلاميذ بناء على شكوى من الأهالي ، وأوصت بمعاقبة المعلمتين نفسهما بعقوبة النقل من المدرسة المذكورة مع الحسم من الراتب بالإضافة إلى منع معلمة ثالثة وكيلة من التعليم نهائياً.

سيريانيوز – حلب

المواد المتعلقة :

مجموعة سورية على "الفيس بووك" تطلب معلومات عن معلمتين تقومان بتعذيب وضرب طلاب ابتدائي

تربية حلب: اقتربنا من اكتشاف المعلمتين اللتين تظهران في مقطع فيديو تعذبان تلاميذ

2010-11-23 10:41:09
شاركنا على مواقع التواصل الاجتماعي:



شارك بالتعليق
black2010-12-01 00:33:29
محكمة
أنا شايف أنو لازم يتعرضو للمحكمة ولامشفى الأمراض النفسية لانو أكيد كانو يكلو أتل وقت كانو صغار
سوريا
black dragon2010-12-01 00:25:21
ما عم بفهم
انا ما عم بفهم وجهت نظر يلي مع أتباع سياست الضرب بس لو كان هو محل الطلاب بيرضاها على نفسو وعلى فكرة وزيرة الخارجية الأمريكية حكت على هاد الموضوع ومشكلة أنوالضرب مو بس بي هل المدرسة كل مدارس الريف فيها ضرب كتير يعني الطلاب عم يحسو حالون رايحن على السجن مو على المدرسة ..............مافي أمل؟؟؟؟؟
سوريا
مغترب هربان2010-11-29 02:39:27
صح
الى الاخ يزن شكرا على ردك . اولا انا كان قصدي وقت سالتك انك بزمناتك متعقد من شي استاذ هو للمزح . لانو انا بعرف ما في طالب الا ومارء عليه هيك استاذ, اما الشغلة التانية انا بوافقك بكل شي لانو هادا الطبيعي وانا وقت قصدت انو العالم مضغوطة مو لتبرير هل الشي . بس صدقني رقي الشعوب من احترامها لبعضها وفي اي مجال بين الجيران بالعمل بالسوق ؟؟؟؟ كتير وكتير وكتير الحديث يطول وحادثة ضرب الطلاب جزء من فسادمجتمع . بالنهاية شكرا للاحساسك بهروبي الي الاغتراب , بالاخر بحبك سوريا بس ياريت تكوني الاحسن
-الولايات المتحدة
مواطن2010-11-28 22:38:06
حاج لت وعجن
بدي افهم هلق ضرب ها الولدين صار قضية وجريمة متل الحرب العالمية التانية ولا متل مقتل كليب والزير سالم الولد اللي مو مربى في بيت اهلو بيدو دعس ب*** لانو اهلو فلتاتنيت اكتر منو وبدهن ترباية والوزارة اسمها وزارة التربية .......والتعليم والتربية هدف قبل التعليم الطالب الغير مربى رح يطلع عالة على المجتمع ويسبب الفساد في المكتقبل لذلك المع
الكويت
محمود حامدة2010-11-27 13:29:29
إلى جميع المشاركين
3. تتمة: أو من خلال تنمية مهاراتهم الشخصية من خلال القراءة والإطلاع على أساليب التعليم والتربية الحديثة أو اتباع دورات تنمية مهارات التواصل وإدارة الموارد البشرية(حيث أن الطلاب يعتبروا من أهم الوارد البشرية في المجتمع)وهي ليست مكلفة ماديا إذا تبنتها وزارة التعليم. 4.يجب على المدرسين ان يعلموا الطلاب ان المدرس انسان مقدس وفي حال تجاوز الطالب الآداب العامة وقوانين المنظومة التعليمية من خلال تقصيره بواجباته المدرسية يوجه إليه تنبيه وبطلب ولي أمره وفي حال التكرار يحال إلى المختصين لمحاولة حل مشكلت
سوريا
محمود حامدة2010-11-27 13:15:55
إلى جميع المشاركين
تحياتي الحارة المعطرة بعطر الياسمين الدمشقي إلى جميع المدرسين في وطننا الحبيب , يبدو أن النقاش يطول ويطول ولكل منا وجهة نظره ويجب أن نخرج من دائرة النقد إلى دائرة النقاش البناء ولكن يجب أن تنفق على عدة نقاط : 1. الضرب ممنوع منعا باتا لأنه اسلوب غير حضاري وغير انساني. 2. يجب على المدرسين أن يعاملو الطلاب بكل أدب واحترام . 3. يجب على المدرسين أن يكونوا مأهلين علميا ونفسيا لإدارة العملية التربوية والتعليمية في الصف (من خلال دبلوم التأهيل التربوي - غالبا ما يكون حبر على ورق) تيبع >>>.
سوريا
يزن اللحام2010-11-27 11:56:51
الى
و مشان موضوع أني متعقد من المدرسين ,عطيني عدد طلاب سوريا يلي مو متعقدين من المدرسين و اساليبهم و طريقة تعاملهن؟ كم مرة سمعنا كفر من استاذ و كم مرة سمعنا شتائم من استاذ و كم مرة شفنا استاذ عم يدخن بالصف و كم مرة فهمت الدرس ههه؟؟ للاسف ... الاساتذة ما عم يعرفوا انو شغلتهن انسانية مو شي تاني ...مو ذنبي اذا استاذ معصب يجي يفش خلقه فيني و مو ذنبي اذا استاذ منزوع مراقه يجي يضربني...بعرف انو هو انسان بس هو محطوط بمنصب لا يحتمل الخطأ لأنو كل يوم عم ينشأ طالب معقد بسبب استاذ سيئ. تخيل الكم الهائل بئا
سوريا
يزن اللحام2010-11-27 11:52:00
الى
تحية معطرة بالزهور...أولا انا اسف أن اسمك هو مغترب هربان و لعل يوم من الأيام تعود و تكون مرتاح ثانيا بالنسبة للضغوط .. يا سيدي كل شعب يعاني من ضغوط و كل اسرة و كل منزل و كل شخص لكن هذا لا يعني أن نصلح الخطأ بالخطاً يعني وظيفة المدرس لا تقل شأن عن وظيفة الطبيب هذا يعني انها لا تتحمل الخطأ .. يا ترا لو أن الطبيب اخطأ في أعطاء الدواء الن يحص مصيبة و قد تكون ابدية ؟؟ هنا نقطتي من الحديث..لعل احدهم يتعلم المسؤولية يكون مسؤول عن هؤلاء الطلاب و الأطفال..اتمنى لك التوفيق مع خالص المحبة
سوريا
يزن اللحام2010-11-27 11:48:34
الى استاذ الفرنسي المحترم
تحية طيبة و بعد ... على ما يبدو أنك من الاساتذة القدرين التي خسرناهم بسفرك فاسلوك في التعليق يدل على مدة حضارتك و انا احب ان اقول اني لا اعمم التجربة و لكن اعطها نسبة عالية تتجاوز ال 70% أما عن وجود استاذة افاضل فكل شخص منا يعلم واحد من بين 10 يكون من الأفاضل ... اتمنى لك التوفيق علماً اني لا اجيد الفرنسية و لكن ليتني استطبع الكتابة باللغة الفرنسية عل احدهم يفهم قصدي ... سلامي الخاص لك
سوريا
يزن اللحام2010-11-27 11:44:02
إلى "مدرس جيد"
لما بدك تحكي على موضوع الصفوف النموذجية ما لازم تربطها بموضوع الضرب...اما لما بدك تقول الضرب شي منيح...رح تلاقي مليون انسان يهاجمك و دير بالك..و انا ما عم عمم بالعكس حتى هون و اثناء نقاشنا كان في مدرسين و عم يقولوا انو الضرب مو هو الوسيلة...بتمنى منك تفكر منيح و اذا لقيت انو الضرب هو الحل..روح على شي سوق خضرة و فتحلك بسطة أحسن من أنك تشتغل استاذ أو اشتغل بتربية الحيوانات ممكن تفلح مع احترامي الخاص
سوريا
مغترب هربان2010-11-27 04:20:55
الى الاخ يزن
مع اتفاقي على أكثر كلامك بس من كتر تعليقاتك على المدرسين . شكلك متعقد منهم .. بس الصراحة شو بدك بالحكي انا ما بنسى استاذ رياضيات بصف الثامن ضربني بالمسطره على حرفها كمان لاني مالي كاتب الوظيفة . وبس بصراحة اكتر ما بنسى شكلوا بيلبس نظارات سميكة ( مع احترامي لواضعي النظارات ) شكلوا في عقد نفسية ,, بس حتى نكون منصفين كل الشعب السوري مضغوط يعني انت انتبه بتعامل العالم مع بعضها يازلمة ماحدا متحمل كلمة ولا حدا بيبادر بتعامل حضاري ... من هون بتعرف المجتمع مبني على خطأ
-الولايات المتحدة
l'entrant au mur2010-11-27 02:12:13
تتمة...
ما حدا مننا بدون اخطاء ولا اي مهنة تخلو من السيئين علما بأن التدريس هو من اعظم الاعمال اللي ممكن الانسان يشتغلها وانا للاسف اضطريت سافر و اشتغل شي تاني بس بيبقى التدريس ذكرى حلوة لألي و بتمنى بيوم من الايام يرجع ياخد حقو و مجدو العتيد و بتمنى ارجع مارسو مو منشان المنفعة انما حتى كون رضيان عن ذاتي كانسان عم يفيد الاخرين و يساهم بتطور المجتمع و رقيه و عم حط حجر ببنيان بلدي الثقافي
-سوريا
l'entrant au mur2010-11-27 02:05:50
كاد المعلم ان يكون رسولا
انا درست فرنسي قبل ما اتخرج و كانت تجربة حلوة و الحمدلله ما مديت ايدي على اي طالب لأن مو اسلوبي بس القصة انو الكل هون ما عم يعارضو الضرب بل عم يهاجموا المدرس كشخص و انا برأيي هاد حرام و اجحاف بحق العديد من المدرسين العظماء اللي كان الهم الفضل الاكبر بنجاح العديد من عظماء هالبلد وما لازم نننسى فضل المعلم و نقتدي برئيسنا الغالي يللي عم يعمل كل جهدو لتطوير العملية التعليمية و التربوية بالبلد فرجاء ما تظلموا الكل بخطأ البعض لأن (يتبع)
-سوريا
مدرس جديد2010-11-27 01:46:56
الى يزن اللحام واللي معو
يا حباب انا ما قلت اني مع الضرب بس طالبت بصفوف نموذجية و مناهج مخصصة لالها و ضحدت اتهاماتك للمدرسين بالجهل و بقللك بس دور بذاكرتك اكيد رح تلاقي عالقليل مدرس الو فضل عليك سواء اقريت بهالشي او لاء و بصراحة ماتتوقع مني رد عليك بقى لأن النقاش معك عقيم لانك مانك موضوعي بكلامك بس تبقى تقرا منيح تبقى خبرني
-سوريا
محمود حامدة2010-11-26 20:16:22
إلى يزن اللحام و المدرس الجديد و وائل الحلاق
وقت كنت بالصف السادس كان في عنا مدرسة يتضرب الطلاب وكانت هي المدرسة بتقربني وفي مرة ضربتني لأنو كنت حاطط السيدارة على راسي بالصف وقتها زعلت كتير ورحت لعند الماما وقلتها هيك القصة قالتلي لاتزعل هي المدرسة معها اكتئاب قلتلها ليش قالتلي لأنو هي المدرسة معنسة قلت لماما شو معنى معنسة قالتلي يعني ما لها متزوجة وما عندها ولاد , بقا مشان هيك ياسادة خدوها قاعدة يلي بضرب أو بيحب الضرب في عندو عقد نقسية وأرجو التوفيق للجميع.
سوريا
محمود حامدة2010-11-26 20:04:40
إلى يزن اللحام و المدرس الجديد و وائل الحلاق
يسلم تمك يايزن. أنت عندك حق بكل كلمة حاكيتها , لأنو الضرب للحيوانات وليس للانسان فضلا عن انو يكون طفل عم يتعلم بالمدرسة وبحب قول "للمدرس الجديد ووائل حلاق" انت بترضا وانت بالهعمر حدى يضربك أذا أخطأت أكيد لا مشان هيك لازم ترضى لأطفال الناس مثل ماترضى لنفسك,وأثبت الدراسات"انو المعلم يلي عم يضرب الطلاب هو عم يفرغ كل طاقتو السلبية بالطلاب" هاد المدرس عندو كبت أو عقد نفسية بدو يفرغها فيهم وما عم يحسن يفرغ هي الطاقات بمكان آخر لأنو هو ضعيف وبالتالي بيدور على شخص أضعف منو مشان ينتقم (يتبع).
سوريا
يزن اللحام2010-11-26 20:11:05
إلى "مدرس جديد"
طبعاً بحب كرر موضوع وجود مساعد نفسي أو محلل نفسي لأنو انت كمربي ما بهمك أنو تضرب الطالب..يلي بهمك تعرف ليش الطالب عم يكون سيئ....و تحل المشكلة و بالتالي لازم تعرف المشاكل يلي عم يمر فيها ... مو هيك علموك بدبلوم التربية يا استاذ يا فهمان ؟ صحيح انت ملتزم 100% بتعليمات التربية و اسلوب التعليم ؟ بحب ذكرك أن لو كنت برا و كنت عم تحكي هل حكي بدول برا .. كنت هلئ بالمحاكم لأنك عم تدعي الناس لاستخدام الضرب...و هاد شي ممنوع...يا حضرة الاستاذ المحترم
سوريا
يزن اللحام2010-11-26 20:06:01
الى "مدرس جديد"
سيد "مدرس جديد" انا كتير سعيد أنك عم تناقش الموضوع و هاد يدل على اهتمامك بس حابب وضحلك .. اذا بترجع بتقراء انا شو كاتب بتشوف أني عم قلك أنو شهادة الICDL غير كافية و مالها علاقة بالتدريس...بس دبلوم التربية يلي حضرتك متعلمه شكله من نوع سيئ الجودة و انامتأكد انو مافي ولا مادة بهل دبلوم بتطلب من الاستاذ يستخدم العنف و الضرب...و إلا هل دبلوم هو دبلوم تربية حيوانات مو تربية إنسان...و حضرتك مثقف و اكيد بتعرف أنو الضرب مهما كان السبب مو هو الحل...الحل أنك تفصل الطالب...أوكي يا ريت تفهم قصدي
سوريا
يزن اللحام2010-11-26 20:01:13
الى "وائل الحلاق"
طبعاً متل ما بتعرف أنو بأي مدرسة في طلاب غير جيدين و هاد الشي بيتبع لأسلوب التربية المنزلية بس هدف المدرسة مو بس العلم كمان في هدف التربية الأخلاقية و كتير طلاب عندون مشاكل و ظروف بالمنزل بتخلي الطالب يطلع إنسان سيئ بس لما يكون بالمدرسة في شخص معالج نفسي (غير معقد نفسي) يساعد الطلاب على حل مشاكلها و جعله شخص فعال بالمجتمع ... هيك بتنحل المشاكل يا مثقف يا متعلم يا جامعي يا فهمان..اذا كنت بتعرف تقرأ أنكليزي في كتير موضيع عل غوغل بتساعدك تتعلم كيفية التربية و التواصل مع الطلاب و حتى مع أطفالك
سوريا
يزن اللحام2010-11-26 19:56:39
ألى "وائل حلاق"
حضرة السيد وائل من الجيد أنو يكون في شخص متلك مثقف و دارس و متخرج و اكيد شخص متفوق لأنك ما عانيت من اي مشاكل مع المدرسين بس الشغلة يلي لازم تعرفها بحكم انك دارس يعني اكيد بتعرف كيف دول أوربا و أمريكا بتعالج المشكلة...أكيد مو بالضرب يا سيدي المحترم لأنو الضرب للحيونات و يلي بيستخدم الضرب هو إنسان ما عنده قدرة تحمل و سريع الغضب و هذا يعني أنو من الغابة أما الحل بدول برا هو فصل الطالب السيئ و طلب ولي الأمر .. عملية الفصل من المدرسة ثم فصل زمني ثم فصل نهائي ... مو الضرب يا استاذ يا فهمان
سوريا
مدرس جديد2010-11-26 14:16:23
الى يزن اللحام..
الظاهر انك ما بتعرف تقرا غير اللي بيعجبك انا حكيت عن دبلوم التاهيل التربوي يللي بيأهلنا لنكون مدرسين من خلال المناهج و الاساليب المختلفة المتبعة عالميابس حضرتط ما شفت غير الICDL لأن حسيتها نقطة ضعف وهيي عالعكس عنصر مساعد *
-سوريا
مدرس2010-11-25 23:36:35
خيبتوا املي وذكرتوني بميكيافيللي
بدي قول ياللي قلبو عم يوجعو ع المعلمات, وعم يقول العصا لمن عصا والمعلمة مضطرة تضبط الصف الخ من هالعلاك المصدي:إن شرف الغاية لايبرر بشاعة الوسيلة, طبعا اذا افترضنا انو الآنسات هدفهم انو الطالب يصير شاطر. عن جد بعض المدرسين ياللي عم يعلقوا خيبوا املي وفي منهم عريق بالخدمة وبعضهم متقاعد!!! عن جد راجعوا ياللي كتبتوه وكونوا شرفاء قدام حالكم اذا طلعتوا بالمرآة. الله يرحمكم
سوريا
مو ميكيافيلي2010-11-25 23:20:45
مدرس لغة انكليزية
بدي قول ياللي قلبو عم يوجعو ع المعلمات, شرف الغاية لايبرر بشاعة الوسيلة, طبعا اذا افترضنا انو الآنسات هدفهم انو الطالب يصير شاطر. عن جد بعض المدرسين ياللي عم يعلقوا خيبوا املي وفي منهم عريق بالخدمة وبعضهم متقاعد!!! عن جد راجعوا ياللي كتبتوه وكونوا شرفاء قدام حالكم اذا طلعتوا بالمرآة. الله يرحمكم
سوريا
وائل الحلاق2010-11-25 23:17:15
ايام المدرسة
انا اتخرجت من الجامعة وبدون مااول ولا مسطرة من اي استاذ لان المدرس ليس له تار مع الطالب اما الطالب الكسول والمشاغب فانه سيعطل على زملاءه اذا لم يضبط باي شكل من الاشكال وهذا ما كنا نعاني منه ونحن طلاب فكنا نعاني من شغب زملاءنا الذين لايهدئون الا بوسيلة واحدة فقط وفهمكن كفاية
-سوريا
محمد نور قطماوي2010-11-25 23:05:18
شكراً
والله شكرا للسيد الوزير ما قصّر.. محمد نور قطماوي رئيس تحرير مجلة آنسات الأعمال
سوريا
مهند الخالد2010-11-25 21:14:22
العين بالعين
يعني معقول هالحكي؟ اقتربنا من معرفة المعلمتين؟ عيب يامديرية حلب شوفو المقاطع ع اليوتيوب كمان وجهن واضح متل عين الشمس, مع احترامي لتعليق الجميع الطرد مابيكفي والعين بالعين, ,وين حق الاطفال وذويهم؟ لازم تتراقب المدارس بالكاميرات متل البنوك لانو اطفالنا اغلى من المصاري.
سوريا
يزن اللحام2010-11-25 19:41:32
إلى السيد "وائل الحلاق"
سيد وائل المحترم هل سمعت في حياتك عن جمعية الرفق بالحيوان؟ نعم كلنا نعلم عنها سبب إيجادها هو تعنيف الحيوانات و قتلها و ضربها و ذبحها...في ما رأيك في حال كان هذا الحيوان هو إنسان؟ طيب هل ترضى لإبنك الصغير ذو ال 10 سنوات الضرب؟ 10 سنوات يعني ما يزال جاهل!!! يعني بدك تتوقع منه كلشي...يا سيد وائل الطفل لازم ينحضن و يكون الاستاذ اب مو عدو...بدك الطفل يحب يروح عل مدرسة...يا سيد وائل صار لازم نطلع من العقد النفسية تبعنا و نحاول نبني جيل جيد... جيل متعلم..يا ريت تعيد التفكير لأنك على خطأ ...سلامي الحار
سوريا
يزن اللحام2010-11-25 19:35:35
إلى "مدرس جديد"
يا سيدي إن عملية التدريس لا تعتمد على شهادة ICDL و هذا ما يدل على ضغر حجم تفكيرك لأنك لا تزال تظن أن شهادة هي المغزى...يا سيدي هناك مواد تربوية و اسلوب تعليم نفسي, أين انت من هذه المفاهيم؟ و هل علموك اي من هذه المفاهيم و كيفية التعامل مع الطفل و الطالب و كيفية توصيل الفكرة لجميع و مختلف العقول...أم انك تقراء الدرس و من ثم تذهب لتشرب المته مع زملائك؟ في عيد المعلم اذا لم يقم الطالب بشراء هدية لك ما هو نوع الغضب الذي يحل على الطالب...في حال اردت إكمال النقاش فبريدي الإلكتروني موجود(اذا عندك ايميل)
سوريا
ابو عبدو راعي المعزة2010-11-25 19:39:00
والله ما بعرف
والله بيستاهلو هالمعلمات بس شو هاد الفيسبوك؟؟؟؟
-سوريا
يزن اللحام2010-11-25 19:29:44
إلى
هل تفتخر بشهادة ال ICDL? ** ... هذه الشهادة هي شهادة للأممين في الحواسب و ذلك لا أعتقد أن اي مدرس في سوريا قد يستطيع فهمها ... اذا كنت تريد قعلاً الدخول في النقاش فأتمنى منك أن تعلم ان هذه الشهادة لها فحص خاص و هو باللغة الإنكليزية و لا أعتقد ان المدرسين عندنا يملكون الكفأئة في اللغة الأنكليزية و أما بالنسبة لعملي فانا مبرمج و مطور نظم فأتمنى منك أخذ الحذر لأني على معرفة كاملة بتفاصيل التدريس لدينا في سوريا...(يتبع)
سوريا
feras2010-11-25 07:44:22
عملتو زينة العقل
هذا ما تعودناه من حكومتنا الموقرة فصل للمدرستان وهو الحل الامثل والاسهل على كل حال ان اردنا ان نفصل كل مدرس يقوم بضرب الطلاب لن يبقى من كوادرنا التدريسيه سوى 15% وهو العدد الحقيقى للمدرسين المؤهلين في وزارة التلربية اقترح وجود رقم للشكاوى من هذه التجاوزات في وزارة التربية لردع بعض المدرسين من تفريغ هموم كونهم سوريين في طلابهم والشكر موصول للسيد رئيس مجلس الوزراء على الصورة البهية والحضارية لسورية وخصوصا في مجال التخطيط(العمراني-التربوي-العلمي)
-سوريا
قال وزارة تربية قال2010-11-25 02:47:41
وزارة التعتيم
لازم وزارة التعليم او بالاحرى (التعتيم) تتخذ اجراءات مشددة والقيام بتفتيش المدرسين قبل و بعد الخروج من المدرسة بحثا عن الاسلحة النووية و الهيدروجينية اللتي يقومون بقصف الطلاب بها بالاضافة للقنابل العنقودية و مواد النابالم
-سوريا
مدرس جديد2010-11-25 02:33:14
راي من تجربة
انا ضد الضرب بس بشرط انو تكون الصفوف نموذجية يعني اقل من عشرين طالب و يقعدوا بالشعبة على شكل صندوق مفتوح امام اللوح و وسائل الايضاح التعليمية و المدرس و بمناهج تفاعلية اما تجي تحطلي مناهج تفاعلية لشعبة فيها 40او 50 طالب و الله هادا كفر و حرام بحق التعليم و الطلاب قبل الاساتذة
-سوريا
مغترب هربان2010-11-25 00:44:11
قرار صحيح وكان اصح لو في عقوبة قضائية
القرار جيد جدا . والى الاخ ارحموا المدرسين . اخي الكريم الاهل موقعهم غير المدرس بعدين انت اذا عندك ولد وتشوفوا هيك عم ينضرب بتسكت ؟؟؟ اكيد لا ... بعدين للعلم هدول الطلاب سبب الضرب كان مو ببسب قلة اخلاقهم .. مالوا كاتب الوظيفة ... تخيلوا
-سوريا
مستاءة2010-11-25 00:02:17
التربية
في مثله كتير وخاصة معلمي الصف الخامس و السادس الذكور الذين يضربون بالخراطيم والأحزمة الجلدية في بستان القصر
-سوريا
عبدو ترمانيني2010-11-25 00:01:25
حرام الشي
شو ماافي لا اب ولا ام والله الظاهرة من زمان عناوبشكر سيادته عل اللفتة الهامة وارجو المتابعة
سوريا
حسام ابو ناصر2010-11-24 23:10:12
قليل
الحق اولا على الاهل لانو سمحولمدرسين مرضى نفسيين يضربوهن ولوكنت مكان اي اب كان ماانتظرة 6 سنوات لحتى السيد الوزير ايحل الموضوع وبحكي لاهالي ما يسكتو عن اي موضوع بهين اولادبالضرب
سوريا
سوري غيور2010-11-24 22:55:21
الضرب شرط لازم غير كافي
يعني يللي بدي قولوا بصراحة إنو الضرب من أساسيات التربية لكن وقت بيتحول الضرب لعنف يمكن أن يسبب لدى التلميذ أذى معين أكيد وقتها رح نقول الضرب ممنوع بل و محرم بس يا أخي و الله في بعض التلاميذ بيحتاجو للأسلوب هذا من باب الترغيب و الترهيب أما إذا اعتمدنا أسلوب وحيد يلي هو الترغيب مارح يمشي الحال و اسألوا أساتذة الارشاد النفسي أديش نسبة نجاح أساليب الاقناع مع الطلاب
سوريا
السوري المتابع2010-11-24 21:51:40
رد على ابن اللاذقية
إذا المدرسين زيادة على المجتمع بنظرك .... إذا ماذا تقول عن المتسكعين ورواد الكازينوهات ومن يعملون بشقق التأجير وخلافه ... ماذا تقول عن من يخربون الوطن من الداخل مستغلين مواقعهم من موظف مرتش أو قاض يقلب الحقائق بل ماذا تقول عن طالب همه الوحيد التشويش على الدرس والطلاب والتطاول على المدرس وعلى النظام العام للمدرسة .. والمدرس مجبر على تحمله لا يستطيع طرده من الصف لن إخراج الطالب من الصف ممنوع
-سوريا
مأساة مدرس2010-11-24 21:54:25
نموذج من الطلاب
شو رأيك اذا سمعت طالب يتكلم بكلمات منافية للاخلاق و الادب و اي شي و يقوم باشارات جنسية خلف زملائه و خلف المدرسات و يقوم بأفعال شائنة(قياس ال***) في دورات المياه مالذي يمكن ان تفعله علما بان المرشد الاجتماعي متل قلته بالمدرسة
-سوريا
ابو الموت2010-11-24 20:45:27
متصفح للفيس بوك
شلون السيد الوزير والسيد رئيس الوزراء مشكورين دخلو على الفيس بوك ؟؟؟؟؟؟؟ أكيد عندون بروكسي او الترسيرف .. ياريت تراجعو قراراتكم بحجب هالموقع
-سوريا
غسان2010-11-24 20:22:53
ارحموا المدرسين
انا ضد الضرب ولكن المدرس انسان .... قولوا لي هل يوجد اب او ام في العالم لا يضربن اولادهن من اجل التربية الصحيحة كما يظنون .....
سوريا
شادي2010-11-24 19:07:54
تعليق
برايي قرار وزير التربية كان موضوعي وسليم اكتر من السيد عطري
-سوريا
Osama Ibrahim2010-11-24 17:35:47
ابن اللاذقية
احد المدرسين عم يقول انو اكتر شي مظلومين هني الندرسين بسوريا ... وانا رح قلو انو يسكت وحاج يحكي كلام يخلي الواحد يمرض ... المدرسين هني زيادة على المجتمع لأنو عم ياخدو راتب بدون اي انتاج يعني حوينة هالراتب فيهن ... شو ما عملو فيهن المسؤولين ما بيقصرو فيهن
-سوريا
مستغرب2010-11-24 15:55:33
بكير
بدري من عمرك سيدي الوزير!!!!!!عجبي!!!!!
-سوريا
يوسف2010-11-24 15:34:18
في حادثة أخرى
هناك حادثة أخرى لأستاذ يجبر طالبين على ضرب بعضهما أمام الصف ويبدأ الاثنان بالبكاء وهم يضربوا بعض وهو يضحك ويتسلى أنا شفتها على الموبايلات
سوريا
واحد من الناس2010-11-24 15:14:15
وين صرنا
وقفت عالاساتذة؟!! المحامي نصاب و الطبيب جزار و الموظف مرتشي و العامل بلا ضمير..!!!
-سوريا
سعودي مقهووووووور2010-11-24 14:59:57
احتج
احتج وأستنكر بشدة على هذا القرار الجائر بحق الحرائر msra2587@yahoo.com
السعودية
ماجد2010-11-24 14:39:00
حلوووووووو كتير كتير
الله محيي اصلك يا سيادة الورزير و يا ريت كل انسه و استاذ من هالنوع يصرفوهم لان الطفل عم يخاف يروح المدرسه بسببهم
-سوريا
مدرس تعبان2010-11-24 13:36:50
اعتنوا بالمدرسين
نحن المدرسين اكثر الموظفين مظلومين و خاصة من ناحية الطبابة و الاستشفاء عدا عن عدم تاهيل المدارس و تضاعف عدد الطلاب في كل صف عن الحد المقبول بأضعاف يا ريت نشوف حدا واقف معنا بغض النظر عن الحادثة و موضوع الضرب لنقدر نفيد الطلاب و العملية التعليمية ككل و اجتماعات النقابة اللي عندنا كلها حكي عالفاضي ولا مرة استفدنا منها او قدمنا اقتراح لقي اذان صاغية و خاصة في حمص فنحن لا نهتم الا بالشكليات و نترك الجوهر فالمدرس القرفان عيشتو اكيد ما حيقدر يدرس بشكل جيد
-سوريا
معصبة بس خفت العصبية شوي 2010-11-24 13:47:26
سؤال
شو هي حادثة سلملي عالبابا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
سوريا
معصبة مرة اخرى 2010-11-24 13:32:24
شو هل تخلف!!!!!!!!!!!!!!!!!!!!!!!!
يلي عم تحكوا ضد منع الضرب في المدارس رح يصير بيوم من الايام باولادم هلشي لك هدول بني ادمين مو حيلله مو واللا بتربوا بالضرب والتعنيف الانسان بدو معاملة سلسة لحتى على القليلة يمشوا بجنازتك واللا عم تعتبروا اولادكم لعبة تفشوا خلئن فية ايمت ما بدكون وبعدين اذا كان الطالب اليل ادب فهال شي مو لانو الاستاذ ما عم يضرب ....لانو امو و ابوه مو عرفانين يربوه واغلب الاحيان الصياعة و قلة الادب بتيجي نتيجة الضغط النفسي وعدم اعطائهم الحرية و الحقوق من قبل اهلهم في البيت
سوريا
ارض الفساد2010-11-24 13:32:45
شو بقيان منيح عندنا؟!
الموظف مرتشي .. المحامي نصاب.. الطبيب جزار .. البياع غشاش .. العامل بلا ضمير .. هيك صرنا
-سوريا
مدرس جديد2010-11-24 13:23:01
الى يزن اللحام
اكيد عم تحكي عن شي خمس سنين لورا او اكتر يعني من عصر الانقراض الحجري لأن المدرس يا حباب ما ضروري يكون ما نو مجمع مجموع بالبكلوريا ليطلع مدرس ممكن يكون بيحب المهنة او ظروفوا خليتوا يا خد اسرع الطرق... و بعدين عندنا بسوريا اختراع اسمو (تأهيل تربوي)بيعملو كل استاذ و حاليا صار دبلوم و الاستاذ لازم يحصل عICDL حتى ينقبل فخبرني انت عندك شي منهم و للا شاطر بس ترمي بلا و تزت حكي بالمناسبة انت شو بتشتغل؟!و للا خايف تحكي
-سوريا
فادي2010-11-24 13:20:21
قطع الاعناق و لا قطع الارزاق
يعني تركو كل شي بوزارة التربية : مناهج جديدة تعبانة ! مباني عمينحشر بالصف فيها 50 طالب و دورات المياه لا تصلح حتى للحيوانات ! أبنية بتقرف تطلع فيها ، راتب المعلم ( اللي عميطالعو من خط الفقر هو و عيلتو أكييييد ) مثلو مثل اي موظف عميروح و يجي عوظيفتو وبلا وجع راس الطلاب و بلاويهم !تعيينات بالريف للمعلمين ما عادت تنتهي و لا تخلص ابداً ! وبنعطي المدينة لطلاب بكالوريا و جامعات ! شركة تأمينية شي فوق فوق !طلاب قليلين تربية بالبيت و كل واحد مستعد يسب أبوه ! و بقيت عنا هالمعلمتين !
-سوريا
الفراشة2010-11-24 13:20:14
ضروري ننفضح لتتخذ الاجراءات
والله بهدلة يعني الموضوع من ست سنوات ولهلئ لحتى اتخذ القرار ، لأ ولسه في ناس عم تدافع عن المجرمتين بس حطو حالكن بدال الأهل بترضوها عولادكن والولد يلي مو متربي ببيته مو العصاية هي اللي بتربيه أبدا ،بالعكس تماما رح تخليه يكره شي اسمه تدريس ، بعدين نحنا ما رح ندخل بتفاصيل تربيته بالبيت هدول معلمات مجرمات وأخدو حقن نقطة انتهى
-سوريا
ابن حلب 2010-11-24 13:04:43
قرار متسرع
قطع أرزاق الناس ورميهم في الشارع من اجل غلطة لايجوز شرعا ، هناك عدة وسائل للاصلاح قبل الصرف من الخدمة
سوريا
l'entrant au mur2010-11-24 13:03:36
كنا طلاب و منعرف
في كتير طلاب جايين عالمدرسة غصب و بدهن يقطعوا وقت و بالنتيجة كانت تروح علينا لأن بيروح الدرس بين اقعود و اسكوت و مياعة هالطلاب و من وقت اللي منعوا الضرب زادت المياعة يعني بكون ماشي بالشارع بيطلعوا طلاب المدرسة بتسمع كلام مقرف غير لائق بمجرم فكيف بطلاب جايين لياخدوا علم و الله شي بيقرف و بيخلي بالقلب حسرة على ايام اللي كانت العصا صاحبة الكلمة مع هيك نماذج من الطلاب
-سوريا
الفيس بريسلي2010-11-24 12:47:24
الف شكر للسيد العطري
-البحرين
مازن2010-11-24 12:37:41
بحب نوه لكل المدرسين اللي ضد قرار إقالة المعلمة
لكل المدرسين اللي قريت تعليقاتهون بشجب قرار إقالة المعلمة إزاء التصرف الغير مبرر ضد طلابها, انا بحب قلكون أنو اذا متعودين على نظام قمع الطلبة والترهيب والعين الحمرة بأول يوم بالمدرسة بتكونوا فكرين حالكون بغابة مالكون بمدرسة, خليك مستوعب انو اللي عمتدرسهون هنن بدي آدمين وأجيال ما بتعرف ممكن يطلعوا احسن منك ومني ويفيدوا وطنهون اكتر منك انت اللي ما رضيت بإبعاد المدرسة وكأنك عامل عصابة عالطلاب, انظر للموضوع بنظرة إدارية وليست شخصية انظر كنظرة تهم المجتمع اكثر من كونها خاصة بمصلحة فردية فقط!
سوريا
مازن2010-11-24 12:32:37
صديقي وائل اللي باكول العصي مو متل اللي بيعدها
الولاد ابتهدلوا باسم التعلم والتربية, والمخلوقة اللي اسمها مدرسة مفكرة حالها هتلر ولا جروج بوش عمتحاسب الطلاب بالضرب والقمع, ما بيصير ينضربوا باي حال من الأحوال, وبعدين القرار اللي أتخذ بحقها هو اقل شي ممكن تواجهه, بقا لا يكنلك فكر, بكرا بتجي معلمة حبابة بتحن عالطلاب بعد عناء دراسي طويل
سوريا
sheiro2010-11-24 12:31:27
و الله ما فيها شي
يعني شو صار عليهم بالعكس ما بتوقع حدا من جيلنا اتخرج من المدرسة بلا ما يكون اكللو عصايتين تلاتة من المدرسين او الموجهين و ابدا ما منزعل لأن منعرف عم يضربونا لمصلحتنا و ما في استاذ الو تار مع الطالب لحتى يضربو تبللي بس الحقيقة في طلاب حرام يفوتوا على مدرسة
-سوريا
وائل الحلاق2010-11-24 12:15:39
السيد يزن الحام .. وحياتك .. العملية التربوية خربت بعد منع الضرب في المدارس
-سوريا
وائل الحلاق2010-11-24 12:10:08
ياحرام
يعني الانسات عم تتعب وتربي الاولاد وهي بتكون مكافأة نهاية الاخلاص بالعمل بيقطعوا رزقهم يا حرام
-سوريا
معلم متقاعد2010-11-24 11:25:54
ما حدا بيعرف شي
كل من قام بالتعليق ما بيعرف والله في تلاميذ وطلاب حرام الواحد يوسخ ملقط حمام فيهم. بس شاطرين نتفلسف على بعضنا. مو حرام طلعت برأس المعلمتين وكان لازم تطلع براس امهات التلميذين. زمان أول كان الأب يقول للاستاذ اللحم الك والعظم النا يعني ربي منيح - اليوم يالطيف تلطف.
-سوريا
sefooo2010-11-24 11:14:33
المدارس في سوريا
** يخرب بيتها تقول عبتعاقب يهود موهيك .. لك والمشكلة أطفال صغار لك مالها ام هي لعما شو هل البشر
-قطر
محامي دفاع2010-11-24 10:18:40
مقهور
حاج بقا يا شباب طيب من يوم يومو المعلم بيضرب تلميذو وين الغلط بعدين العصا لمن عصا مو هيك .بعدين يلي عم يدافع عن الطلاب ربو ولادكن بعدين تعالو حكوا وحطوا حالكن محل اي استاذ او انسه وصدقوني رح تعملوا نفس الشي بس نحنا شعب بدنا شي نعلك فيه مو أكتر وبتمنا من رئيس الوزراء اعادة النظر بقرار‎ ‎‏ الفصل لأن حرام كمان هنن تعبوا حتى صاروا مدرسات .وشكرا‎ ‎
سوريا
ابو الوليييد 2010-11-24 10:00:22
خخخخخخخ
والله شي بيضحك كتييير شوهادا صح العصا لمن عصا بس كمان لازم نحاسب على قد الخطأولا شو رايكم يعني هالمجرمه اللي عم تضرب الطلاب والله بدها حرق ليش لو كان ابنها بالمدرسه بيسترجي حدا يلمسو سالوني على ابناء الاساتذه للبلي الله لا يقيمهم مجرمات مو معلمات هدوول انشالله ايديهم تتكسر والله محي العطري على طردهم وانا معو 100 بالميه قسما بالله منظر ببكي يا جماعه **
سوريا
سوري2010-11-24 08:31:04
التعليم
وتحية للقرار وإن جاء متأخراً وسبب تأييدي له أن المعلمتين كانتا بسرورتان أثناء الضرب، أما بالنسبة للمدرسين فحالهم يرثى له والافضل أن تعطى صلاحية أكبر لمدير المدرسة باخراج الطفل قليل الادب من الفصل وطلب أهله وإذا كان أبوه بدو مصلحته يربيه كويس، أما الطفل الغبي (كما يقولون)فمهمة تعليمه على المدرسة، فلو افترضنا أن ابويه أميين، ألا يحق له أن يتعلم. وبالنسبة للذين ينتقدون المستوى العلمي للمعلمين المطلوب من الانسان أن يتقن عمله أياً كان، فلن تستقيم الحياة لو كان الناس كلهم أطباء مثلا. فسبحان الله.
-سوريا
أبو حفص 2010-11-24 08:24:31
لازم ومو لازم
هز سيفك ولا تضرب فيه
مصر
بروكسي2010-11-24 08:01:33
اقوياء ولكن....
ولك ياخوان ياللي عميتهجوم على المعلمتين انا بتمنى انو يرجعو الضرب على المدارس اصلا اغبى قرار اتخذتو وزارة التربية الغاء الضرب يانو الاستاذ ماعاد يعرف كيف يتصرف..اذا مد ايدو على شي طالب يالطيف قتل الطالب..ولسا هداك قال بيفرم الاستاذ وبيعملو كباب ولك روح فرم همجيتك المتدنية لادنى مستوى اخ لو اني استاذ وشي طالب بيقلل ادب لامسح الارض فيه....ولك حلو عنا يا...تخلف مابيلحق حدا يلمو قال بدكون تبدو اراؤكم..هففففف
-سوريا
مغترب2010-11-24 06:56:14
الى من يهمه الامر
هاد اللي الله قدركن عليه تفصلو المعلمتين ..وشو مشان الفساد المستشري بالبلدوالرشاوى اللي عم تتاخد والدوائر اللي ماعادت تطاق..يعني شومشان الاسعار ومشان الناس اللي على دراساتكن 12% منهن رح يعانو الفقر ..هدول كلهن عادي ..حليتو كل هالقصص وفضيتو للمعلمتين ؟؟؟؟ ..ارحمو ابناء بلدكم يا ابناء بلدنا
-سوريا
حلوش2010-11-24 02:17:08
سوريا
حيو العدل انا من جهتي بعتبر ضرب الا طفال حرام وما في سبب منطقي بيخلي معلمه تقتل طفل بهل الهمجية وهدا الضرب بيأثر ع نفسية الطفل ومافي أهل بيرضو ابنن ينضرب مهما كانت الاسباب
سوريا
اصلان2010-11-24 01:19:58
الظلم ظلمات يوم القيامه
انا شاهدت المشهد في اليوتيوب وتقطع قلبي لحال هالاطفال الابرياء العما كأن بحضيرة مو بمدرسه شو هالارهاب هذا هيك بحياتو الطفل ما رح يحب المدرسه والتعليم في اساليب للتعليم ارقى من هيك ولو كان هالولد ابني او احد اقربائي ما بقبل شي إلا اضرب المدرسه متل ماضربته حسبي الله ونعم الوكيل بس
-سوريا
جلال2010-11-24 01:04:55
تربية 2011
يوجد بلفعل طلاب سيئين و وقحين و كذالك يوجد مدرسين معقدين و هدول المدرسين غالبا ما تكون احكامهم ظالمة أي لا يستطيعون معاقبة سوى الطلاب الضعفاء و الدراويش الذين يامنون شرهم العقاب ضروري ولاكن بحق وليس من حق المدرس معاقبة الطالب حتى لو وجه اسائة شخصية له بل يجب عليه ابلاغ الادارة وهي تتولا معاقبة الطالب تحت اشراف مجموعة من المدرسين و بعد التاكد من خطئ الطالب
-سوريا
مدبر حلوم2010-11-24 01:17:09
قصاص عادل 2
..فلماذا عوقبت هاتان المعلمتان بتلك الشدة مع أنهما نفذتا بالطلاب عقوبات عادية ولم تسببا عاهات مستديمة? السبب هو قيامهما بتصوير العملية و بأكثر من 50 فيديو موجودة عالنت, مما يؤكد وجود نفسية مريضة لاتستحق أن تتواجد في مؤسسة تعليمية وكون الشهادات التي تحملها المعلمتان تعليمية ولكن دون أحقية فوجب طردهما من الخدمة وليس تسليمهما منصبا لسن مؤهلات له وعلى مبدأ (الحسنة) كما في معظم مؤسسات الدولة
-سوريا
مدبر حلوم2010-11-23 23:55:34
قصاص عادل 1
طبعا الضرب الذي شاهدناه في مقطع الفيديولم يكن ذاك الضرب العنيف بل ضرب عادي و للأسف فإن ماكان يحصل من ضرب في مدارس أخرى لهو أشد و أعنف بمرات مما شاهدناه في الفيديو بل ونشرت الصحف الرسمية أنباء وفاة أحد التلاميذ نتجة الضرب الشديد , ناهيك عن الإصابات المستديمة التي تعرض لها بعض التلاميذ. ولم تتم محاسبة أي من أولئك المعلمين حتى الأن (وأرجو من التربية إعادة التحقيق في هذه الملفات و معاقبة الفاعلين) ..فلماذا عوقبت هاتان المعلمتان بتلك الشدة مع أنهما نفذتا بالطلاب عقوبات عادية ولم تسببا عاهات مستديمة?
-سوريا
أسعد2010-11-24 00:53:07
كيف تم الكشف ؟؟؟
أعزائي .. لولا موقع الفيسبوك لما تم كشف المجرمتين (المعلمتين) .. الرجاء إعادة النظر في موضوع موقع الفيسبوك
-سوريا
Palmyra2010-11-24 00:41:08
العصا لمن عصا
منع الضرب في المدارس هو احد الاسباب الرئيسية لتسيب الطلاب و تخلفهم و قلة ادبهم و عدم احترامهم للمعلمين فالضرب يهذب الطلاب و يخيفه..نحن لا نستطيع ان نطبق قوانين تطبق في اوربا حيث الطالب غالبا وحيد لأهله و جاهز تربويا اما عندنا فحدث و لا حرج..ووزارة (التربية)هي الجهة الكفيلة بذلك و لكن بدون عصا مستحيل!!
-سوريا
يزن اللحام2010-11-24 00:06:52
مستواكم العلمي
أما مدرس الكمياء و الفيزياء يظن نفسه عالم مع انه يعطي امثلة عن اشياء قد يضحك الطفل لسماعها...و ما اكثركم و هناك نقطة مهمة أن جميع المدرسين هم طلاب فاشلين في الأصل لأن مجموعهم في البكالوريا كان قليل و لم يستطيعوا دخول الإختصاصات المهمة و بالتالي هذا يفسر وجود عقد نفسية لديهم و ايضاً يوجد نوع من المدرسين يخافون من الطلاب المدعومين فيقومون بوضع العلامات (مدرسين مادة التربية العسكرية و هم يظنون نفسهم ضباط و انا اعلم ما هي حقيقتهم التافهة), حان وقت رحيلكم يا جهلة الى مكب نفايات العلم...
سوريا
يزن اللحام2010-11-24 00:01:27
مستوتاكم العلمي
هل يا ترى هذا المربي أو المربية (ولا اعلم اذا كان يصح لنا أن نطلق عليهم هذه الألقاب و من الأفضل أن نستبدلها ببائعين العلم) هل مستواكم العلمي يصح للتربية؟ دعونا نبدأ بكم واحد تلو الاخر.. مدرس اللغو الأنكليزية و يا له من مهرج يتكلم اللغة الإنكليزية و لا تفهم منه شيئ لأن لغته الأنكيزية مستمدة من اللغة الصينية في جنوب افريقيا و اما مدرس اللغة العربية هو ليس سوا شخص يقراء و لا يملك ادنى فكرة عن اسلوب التعليم أما مدرس الرياضيات فحلوله للمسائل هي الصحيحة دوما و لا يقبل اي حل اخر (يتبع)
سوريا
يزن اللحام2010-11-23 23:56:34
الى كل مربي و مربية علقوا على هذا الموضوع
الى جميع المربين الذين علقوا على هذا الموضوع : من انتم و ما هي صفتكم حتى تقوموا بضرب الطلاب أو اللإسائة لهم و وضع الحق على الطلاب و على فرض أن الطالب سيئ فهو ما يزال طالب و هو صغير في العمر و لا تنسوا انفسكم عندما كنت صغار و ايضا اذا كنت تربية الأطفال فياليت أن تتعلموا اسلوب التربية لأن طريقة تربيتكم للأطفال ليست سوا مرض نفسي يصيب اي إنسان بسبب وجود نقص و منها أنكم قد ترون الأطفال الذين تضربوهم افضل من اطفالكم ما يكون عندكم الغيرة و لا تملكون سبيل إلا بالضرب (يتبع)
سوريا
شاوي2010-11-23 23:45:58
حدا بيستر أو بيسترجي أو بيقدر
يعني شمعنى المعلم والمعلمة مساكين ، وينكم عن بتوع الدولايب والكرابيج والذي منه ، بنسكت أحسن.
-سوريا
أواديس2010-11-23 23:43:44
للأسف
من شي شهر كنت عم بحضر قنات تركي على الفضائية وللأسف فرجوا من الأخبار هذه المشهد كيف المعلمة عم تضرب الطالب و قال المذيع انو هذا بسوريا.فللقرار بمحلو
-سوريا
moosheglak2010-11-23 23:26:23
أضعف الإيمان
أنا بعرف شخص في الخمسين من عمره ترك المدرسة من الصف الرابع وقضى حياته بتعاسة جراء عقوبة قوية من مدرس جعلت جسده أزرق اللون ، الحل هو تركيب كاميرات في الصفوف ليضمن جميع الأطراف حقوقهم، فضرب الأطفال غير مبرر مهما كانت الأسباب
-سوريا
اولادي بعد ربي 2010-11-23 23:14:35
متنا مية موتة لشفناهم
اخ خ خ خ بس على مايجي شي استاذ او انسة وتضربلي ابني لفرجي كل امة الله شو رح ساوي فيه عيب عليي اذا ما بفرمها كباب
-سوريا
جوجو2010-11-23 23:14:57
مظلوم
يا جماعة الخير انا لم كنت بالابتدائي اتهمتني الانسة اني عامل عصابة وانا والله العظيم ماني عامل لاعصابة ولا شي وكف ياخدني وكف يجيبني شي ربع ساعة طيب هي لو كانت متصورة كانت تعاقبت يا ترا اذا بدكون بقلكون اسمها
-سوريا
ايبو2010-11-23 22:59:09
بشان الله
اظهر الفيس بووك محاسنه , والان حان الوقت لإلغاء حجبه في سوريا ,
-سوريا
طالبة ثانوي 2010-11-23 22:41:14
سوريا
ووالله نحنا عايشين احلا عيشة بمدرستنا لاضرب ولاشي وكل المعلمين والمعلمات مت امهاتنا بيسبنا ولادون ياريت كل المدارس فيها هيك ملمين وحتى التوجيه والمديرةكلن مناح بس اذا حاول حدا يمد ايدو علي لاكسرو ياها وحملو ياها
-سوريا
فائز2010-11-23 22:26:17
لا حول ولا قوة الا بالله
يعيني بيستاهلو هيك مدرسات بدن 100 سنة تاهيل عقلي لحتى يحسنوا يدرسو
سوريا
الفوهرر2010-11-23 21:29:15
علمانية ومن لف لفها
طالما انك تحدثتي عن الحمير,ربما لا تعلمين ان العصا العادية التي يتم بها لكز الحمار او الحصان استبدلت بأخرى كهربائية اكثر فاعلية بحسب رأي الكثيرين.اقترح على وزارة التربية توزيع عصا كهربائية لكل استاذ على ان يسدد قيمتها بالتقسيط.....فهذه العصا( كهربائية) وصديقة للبيئة
-سوريا
lolo2010-11-23 21:10:03
حرام والله حرام
حسبي الله ونعم الوكيل بجماعة فيس بوك هالمعلمتين انقطع رزقهم بسببكم بس بدي قول انو في أولاد بيستاهلوا أكتر من الضرب لأنهم بيكونوا مو بس اغبياء وكمان وقحين وقليلين تربايةولاتنسوا أنو العصا من الجنة والله لا يسامح اللي سبب بقطع رزق هالمعلمتين
-سوريا
syrian-beloved2010-11-23 21:01:44
حلو كتير
حلو كتير القرار بس بنتمنى من وزارة التربية تعطي حقوق أكثر للمدرس لأنو الطلاب بتزودها احياناً والاستاذ مابلائي طريقة إلا الضرب والحكي مو متل الشوف
سوريا
شاعر في ولاية الفوضى2010-11-23 20:14:20
غريب و الله غريب
أدعو جميع المسؤولين لفصل جميع مدرسيننا بالابتدائي لأنهم كانوا افظع ... شو نتذكر و لا شو أنا بالنسبة الي تضايقت من ضرب الفتيات بس بس الصبيان في بعضهم أشقياء و بيستاهلوا تماما اللي شفناه عالفيس بوك .. كتير من الأولاد اذا استاذهم ما بيخوف ما بينتظموا و في منهم بينتظموا من دون ضرب ... ما بعرف شو بدي قول بس خلونا نحكي بالنتائج و الارقام .. الجيل اللي تخرج من مدراس زمان أفضل من جيل هالايام .. يا جماعة الطفل بيعرف كل انواع المسبات و بيدخن كمان
سوريا
السوري المتابع2010-11-23 20:17:02
شو بدن يشتغلوا
طيب حرمتوهن من مورد رزقهن شوبدهن يشتغلوا ببيع السكاير ولا بيع المسكة ولا تنضيف البيوت ولا ......... استغفر الله العظيم حرام والله حرام وبكرا الطلاب بيتفاخروا وجماعة الفيس بوك بهالانجاز العظيم .. أدبنا معلمة .. أدبنا من خرج الطبيب والمحامي والوزير .. ادبنا من قاده حظه التعس لمزاولة مهنة صاحبها هو الحلقة الاضعف في وزارة التربية
-سوريا
علمانية2010-11-23 19:53:12
الفوهرر
العصا حتى منعوها عن ضرب الحمير و اسا انت عم تطالب بترك ضرب العصا للانسان. الله يزيد فضلك !
-سوريا
استاذ المستقبل 2010-11-23 19:31:13
سوف ادخل ميدان التدريس مستقبلا
طيب يا شباب يا شاطرين انا بدي صير استاذ بالمستقبل القريب يا ترى كيف بدي اتعامل مع الطالب قليل الادب مع العلم اني ما بقدر طالعوا من الدرس اذا شاغب ؟؟؟؟ عطوني شي طريقة طيب انا بقترح من وزارة التربية تلاقي شي طريقة ما ينظلم لا الاستاذ ولا الطالب ..... طريقة تحفظ كرامة الاستاذ اولا لانو الاستاذ اللي بلى كرامة لا يستطيع التعامل مع الطلاب يعني اذا الطالب انسان انا مو انسان شكرا
-سوريا
صحفي2010-11-23 18:59:38
جريمتهم لا تستحق العقوبة هيدي القاسية
تعرفواشباب أنا من ضمن مجموعة الفيس بوك بس كأنو ا حرام قطع الأعناق ولا قطع الأرزاق . ما كان بدنا هيك بدنا تتعالج المشكلة لأنو في كتير أمثلة عليهم مو بس هن
-سوريا
أبو أديب2010-11-23 18:51:08
يرجى حذف عبارة التربية
اسعد الله اوقاتكم واتمنى ان تنتبه مديرية التربية ان مهمتها باتت تعليمية وان التربية حذفت من قاموس الكثير من الاباء والاهل انا لست معلم او استاذ ولكن انا كأب اخاف ان ارسل ابني الى ابتدائية طلابها يفتقرون الى الحد الادنى من التربية . أمور لا تهذيبية على اطفال من المفترض ان يكونو ابرياء او سكاكين أو . وبعد كل هذا صف يتسع الى 52 طالب كمنطقة مثل المشهد وقرار بنقل طلاب من مناطق الى مناطق تحت مسمى غريب انا حتى لم تعد لدي رغبة بذهاب ابني للمدرسة او التعلم لأني بت اخاف عليه من زملاءه اكثر من املي بدراسته
-سوريا
مستغرب2010-11-23 18:23:42
يابلاش
ياجماعة احد الدول الغربية منعت التدخين بالاماكن العامة ولما ما تطبق النظام عدمو بعض المدخنين بمكانن وغير دولة اصدرت قرار اي سيارة بتتقدم عن خط اشارة المرور الحمرا بيقصو الجزء الي بعد الخط كلو ونحن شو ساوينا؟؟؟؟؟؟؟
سوريا
متابعة2010-11-23 18:23:30
يا فوهررررررر
شو قصتك انت . غريب امرك معقول تطلب تكريم هلمجرمات!!!!!!!!!!!!!
-سوريا
معلم2010-11-23 18:17:51
يا ريت بس تتاملو الواقع
! بتعرفو هالكلام غريب عالسادة المعلقين : انا مثالي جدا جدا و متدين بس كمان بعرف انو يا جماعة التربية المنزلية عنا فاشلة جدا و المعلم بدو يكون عالقليلة محترم و لو شوي من هالطلاب ! منشان يقدر يعطي الدرس و ما تقولوا بجهنم لان بعد شوي الطالب المشاغب نفسو بيطلع بيشتكي علي و بيقول انو ما عميفهم ! هيك الشغلة صايرة و اللي ما مارس هالمهنة المتعبة و المميتة ما رح يستوعب هالحكي
-سوريا
معلم 2010-11-23 18:16:14
اسمعوا ولا تاخذكم المثاليات بس
الضرب ممنوع صحيح و ابصم بالعشرة بس روحو شوفو المدن و الارياف و حتى اشباه المدن اللي عنا شلون بيكون فيها الطالب قليل حيا و ما بيستحي من ابوه ! يعني اذا ما كان خايف من شي عقوبة ( من امن العقوبة اساء الادب ) بدو يتنمرد و يعطل شغل المعلم و بيجوز يسبو بابوه وامو ! بتعرفو هالكلام غريب عالسادة المعلقين : انا مثالي جدا جدا و متدين بس كمان بعرف انو يا جماعة التربية المنزلية عنا فاشلة جدا و المعلم بدو يكون عالقليلة محترم و لو شوي من هالطلاب ! منشان يقدر يعطي الدرس و ما تقولوا بجهنم لان بعد شوي الطالب
-سوريا
معلم قرفان المهنة2010-11-23 17:48:45
عقوبات غير الضرب
طيب كانو عمنقول انو اترك الصف شلون ما كان و اعطي درسي و لو ما سمعوه غير اول مقعدين لان هاد الظاهر هو المطلوب ! ياسيادة وزير التربية فعل المقترحات منشان يصير و لو شوية احترام للمعلم من قبل الطالب و ما عمقول الضرب بكرر ما قصدي الضرب بس العقوبات اللي بتخلي المعلم يعطي و هو مرتاح ! اي والله الطلاب هلكونا من تعفيس بالحكي و شغب و رذالات و ما في داعي نشرح انو نسبة واضحة هي من قليلي التربية اللي مستعد يطاول حتى على ابوه ! انشروا يا سيريا نيوز لنشوف آخرتا : من امن العقوبة اساء الادب
-سوريا
Mr.HG2010-11-23 17:15:46
عطري يصرف من الخدمة معلمتي الفيسبوك
تكريم مثالي فعلا و يستحقن هذا التكريم!.اسبحو شهاداتهن التعليمية و منعهن من اية وظيفة تتعلق بالدوائر الحكومية لمدة خمس سنوات على الاقل و وضعهن في السجن لمدة سنة مع غرامة مادية ايضا.بكرا بضربو المواطنين كمان بالعصا!
-سوريا
لسا عوجـــــــــا2010-11-23 17:23:57
ما بتروح إلا عالصغير
يعني كل فضايح التربية لم تحرك ساكن في قرارات وزارة التربية أو الجهات الرقابية، أين محاسبة الإداريين المسؤولين عن الهدر للمال العام؟؟وعن حالات الانتحار المتفشية بين الطلاب والسرقات في مالية التربية والصفقات المضروبة، وتدني أحوال الأبنية المدرسية.كل ذلك أوصلنا لتفشي حالات تسول وعمالة واغتصاب الأطفال، وانحدار حالة التربية والتي يتحمل مسؤوليتها (المسؤول) قبل المأمور.
-سوريا
dandooshi2010-11-23 17:13:01
..............
الله يصطفل فين يلي ما بيخافو الله...لك هدول الأطفال ما بينضربو بوردة...لازم ياكلو فلقة قبلما ينفصلو من الخدمة...
-سوريا
طالب تعبان2010-11-23 16:11:57
تعالوا
تعالوا و شوفوا مدارس المليحة اضرب منهيك بيئة مرة بس مو الكل و الله في اساتذة بينحطوا على الراس خاصة مدرسة عبد الوهاب الانكليزي مع ذلك فيها ضرب يرجى الانتباه لها من قبل الوزراة 
-سوريا
شي بروكسي بمعيتكن2010-11-23 16:08:22
شو مشان الفيسبوك؟؟؟
اسمها صارت و صارت هالقصة بركي يا سوريا نيوز بتسعولنا بشي بروكسي من مدير مكتب السيد الوزير و شكرا
سوريا
د. جمعة2010-11-23 15:56:01
الضرب له أصول
ضربني المديركفاًعلى وجهي مثل فراق الوالدين عندماضبطني أدخن سيجارةفي الصف الرابع،والحمد لله لم أذق السجائرمن حينها، وكان الخوف من ضرب المعلم أوالمعلمة سبباًمهماً لكتابةجميع الوظائف المنزلية،والحمدلله أصبحت طبيباً، وكان ضرب أبي لي عندماتفوهت بعبارات سيئةرادعاًقوياً لي حينها،والحمدلله الناس يقولون عني أني مؤدب، وفي القرآن للزوجةالناشز (وَاللاَّتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ)وفي الحديث الصحيح(مروا أولادكم بالصلاة وهم أبناء سبع واضربوهم عليهاوهم أبناء
-سوريا
مجد2010-11-23 15:54:26
اقتراح
في البداية كل الشكر لسيد ناجي عطري على قراره الصائب , وعندي اقتراح صغير كي لا يظلم المدرس ولا الطالب نحن بحاجة الى الرقابة سواء على الطالب أو على المدرس ويمكن ان يتحقق ذلك بوضع كاميرات مراقبة في صفوف المدرسة , ومع وجود الكاميرات لن يستفز الطلاب الاساتذة ولا الاساتذة سيظلمون احد الطلاب مع العلم ان كلفة تركيب الكاميرات ليست كبيرة ...وشكرا
سوريا
سامي2010-11-23 15:43:53
شو عم تضحكو علينا؟!!
يعني هيدا منظر طبيعي جدا بمدارسنا...و اذا الشغلة فيها معاقبة فالمفروض يعاقبو 99% من المعلمين... هيدا ظهر بالصدفة بالفديو و كلنا منعرف متل ما المسيو رئيس مجلس الوزراء بيعرف انو ما خفي اعظم...بكثير!
سوريا
ما بكفي 2010-11-23 15:28:54
اصرار
أقل من الاعدام مافي شي برد حق هل طفلتين... قاسية بس رادعة
-أنغولا
Azza2010-11-23 15:15:57
شو دخل الفيس بوك
قصة معلمة للاسف لا تفقه شي عن التعليم قامت بضرب وحشي لطفلتين ليس لهم اي ذنب و قرار وزاري بفصلهن قرار مهين بحق الطفولة كل هاد الكلام جيد و لكن اين الفيس بوك من هذا الخبر و لماذا ندخل الفيس بوك مع كل خبر ونربطه بكل حادثة و نعيل عليه كافةالمصائب !!! والطريف انه ممنوع في سوريا
سوريا
مراقب اخبار2010-11-23 15:07:02
ايه والله شي عظيم يعني
وبدون خجل ناشرين الخبر اننو تم فصلهم من الوظيفة ايه ساويتو شي عظيم يعني حلال على ربكن جريمة متل هي بدا سجن عالقليل 10-15 سنة قال فصلوهم قال والله شي غريب عجيب عند تجاوز حدود السرغة المحددة للسيارات حبس من 3-6 شهر +25000+حجز المركبة+سحب شهادة و مافي اذى لحدى وقت تعذيب الاطفال فصل من الوظيفة عيش يا منطق
-سوريا
الفوهرر2010-11-23 15:03:00
لا للقرار
يجب ان يتم تكريم المعلمتين وكل المعلمين الذين مسكوا عصا وضربوا الطلاب.شاهدوا طلاب اليوم كيف اصبحت اخلاقهم وسلوكياتهم وتصرفاتهم .لا يحترمون لا استاذ ولا آنسة ولا حتى المدير.يجب ان يعود مدرب الفتوة لكي ينضبط هؤلاء المراهقين بدلاً من الفلتان داخل وخارج المدرسة والكلام البذيء الذي يصدر من افواههم.تحية لجميع الأساتذة الذين ضربونا في الصغر.
-سوريا
سيريانو©2010-11-23 14:58:18
الى سوري ضحكان
ههه والله انت عمرك اطول من عمري هههه كيف السيد عطري بيفتح الفيس بوك انا بظن بيستعمل بروكسي >>.. بالنسبة للموضوع الضرب مانو شي جديد وعنا الأساتذة بيتفننوا بأساليب التعذيب كان استاذ عنا يضرب الطلاب بالمفتاح واستاذ كان يحط قلم بين اصبيع الطلاب ويشد وغير المساطر والمشاورات ليش ما وزارة التربية بتركب كميرات مراقبة بكل الصفوف الدراسية ويبقى التسجيل عند المدير والرجوع له عند الضرورة ؟؟؟ انا بتعهد للمشروع بأسعار خيالية لو بدكون سلام ... !
سوريا
نوشين2010-11-23 14:43:32
يسلموووااااااا
بيستاهلوا والله ... ولك مو حرام هدول أطفال ... طيور الجنة يتعاملوا بهالطريقة !!!! شكراً سيادة الوزير
سوريا
معلم 2010-11-23 14:43:16
قانون ولكن ؟؟؟؟؟؟
لا حول ولاقوة الا بالله تركو الدنيا وبلاويها وفصلوها من الخدمة على اي اساس قانوني بتم هالشي ويا ترى اذا تلميذ طرب المعلم مين بياخدلو حقو التربية مثلا على حال هالمسكينتين انقطع برزقهن والله لا يوفق يللي كان السبب
-سوريا
الفيس بوك2010-11-23 14:16:09
بوك فيس
مو على اساس الفيس بوك ممنوع بسوريا وكل النت كافي عنا ما بتسمح باستخدامه فكيف السيد رئيس الوزراء عم يدخل انا ضد مخالفة القانون حتى من قبل المسؤولين ارجو النشر
-سوريا
مغتربة2010-11-23 14:17:30
الى السيد سام
بحب قول للسيد سام انو شبون خريجين وخريجات المعاهد؟؟؟؟ليش حطيتون مع الي مو مكملين دراسة؟؟؟؟في معلمات دارسين معهد متفانيات ومهتمات بالاطفال وتعليمون اكتر من الي معون جامعات...ما في داعي والواحد يعمم عالكل ..الموضوع مو حسب الشهادة..الموضوع حسب الثقافة والضميروفي كتير انسات عندن ضمير ومثقفات ومو بس جايين يعلمو كرمال الراتب
-سوريا
مهندس - الرياض2010-11-23 14:14:21
دمرونا نفسياً
يعني انا شخصياً تعرضت لضرب وحشي من انسات واساتذة على مدى دراستي وانا مالي كتير كبير يعني حوالي 25 بقى شو متوقعين اكيد الامور بدها تسوء اكتر انو ماحدى عم يحطون عند حدون وبقلولك الولد فشل اي انو نفسياً مدمر كيف بدو ينجح بحياتو وحتى بعد مايتخرج وهل ذكريات الأليمة والاهانات يلي تعرض ألها كلها رح اضل تجرحو كل مايتذكرها ويقول حسافى يابلد
-السعودية
حسان2010-11-23 14:08:09
نرجو التمعن
سيادة الوزير شكرا لهذه الحركة التي قمت بها من اجل اطفاء نار الشارع بعدما انتشرت مثل هذه الفضائح وغيرها على الانترنت لكن السؤال سيادتكم لاتصلكم تقارير بسلوكيات المدرسين والمدرسات؟؟ لاتصلكم تقارير كافية حول اننا بوضع مزري وكل مدرس يحتاج مرشد نفسي؟؟ آرجو التمعن لا ان يتم فصلهن فهم ك غيرهم نرجو التمعن سيادتكم أن استطعو ان تصلو لملفات الفيس بوك فابلتأكيد سوف تنظرون الى هذه البقة نرجو التمعن الى نظام المرابحة الذي أصبح بين الطالب والمدرس ايضا أقصد المرابحة المادية طبعا!! اصب
سوريا
Saad2010-11-23 14:03:29
أذى جسدي
أنو بس هيك ! و الاولاد يللي اكلوا القتلة ما الهون حق .. فصل من الخدمة غير كافي، في أذى جسدي للأطفال.. كمان عاقبوا المجني على الفتاة بحادثة سلملي عالبابا
-سوريا
hassanm2010-11-23 13:37:48
كيف الطالب بيحترم استاذ خايف منو ؟؟؟
نظام التربية الجديد اخد من المعلم الوسيلة الوحيدة يلي كانت تمكنو من ضبط الصف وما أعطاه وسيلة جديدة بالمقابل انا ضد الضرب بس أين البديل وخصوصي انو هالجيل مابيخاف غير ع جلدو ????
سوريا
الطهقان 2010-11-23 13:27:31
سؤال
ابن المسؤل اللي دعس الطالبة..وتشاجر وأهان شرطي المرور ..شو اخباره ..وتم الأكتفاء بالقول ..لاتعيدها مرة تانية؟؟؟؟؟؟؟؟؟؟؟؟؟؟؟؟؟
-سوريا
مغترب2010-11-23 13:10:21
عقوبة
ليس شرط الطفل ان يكون يحترم المعلم بالضرب ممكن بالحب لوكنانتعامل بالمدرسةوالمنزل باحترام لذاك الطفل لما كان لدينا احد فاشل
-مصر
مندهش2010-11-23 12:58:10
عقوبة
وماذا عن الملاحقة الجنائية بتهمة الضرب والتسبب بالأذى الجسدي والنفسي؟؟؟ ألا يوجد في القانون السوري العظيم مادة تعاقب من يستبب بذلك.. **
-سوريا
H@R2010-11-23 12:47:10
فتح محل
فتاح محل بالمهنة يلي بتعرفها
سوريا
sam2010-11-23 12:30:38
----
تعرفوا في كتتير مساطر من هؤلاء المعلمين في مختلف المدارس هدلون جايين فقط وحدة عاملة بكالوريا و اذا أحسن شيئ معهد أو جامعة سنة أولى همهم فقط الراتب عم بقول ليس أغلب شعبنا عم يطلع همجي و غير متحضر من أفا هذا النظام المتبع لتاهيل الصغار و ليس فقط الاساتذة البنة التحتية الكاملة لتعليم الأطفال الحل الجذري صعب لكن لا بد من مدارس نموذجية خاصة
-سوريا
مواطن مغترب منتوف2010-11-23 12:25:51
حادثة سلملي عالبابا
نريد أن نسمع خبر معاقبة المتسببين بحادثة دعس الفتاه اللي صارت من أسبوعين .مو تروح عالمساكسن وبس . *
-سوريا
مواطن تعبان 2010-11-23 11:55:27
عطري يصرف من الخدمة
شو الجديد يعني كل المدراس بسوريا هيك ؟؟؟؟!!!!! ومافي حدا بشوف يلي بيصر والمخفي أعظم
-الإمارات
وسام2010-11-23 11:46:51
....
صحيح متاخر,بس والله احلى خبر شفتو على موقع سيريانيوز. وبتمنى من المواطنين حين ملاحظة اي مخالفة لا ستحو,ويحاولو ينشرو الموضوع باي طريقة.حتى المخالف ينال جزائو العادل
-النمسا
سوري ضحكان2010-11-23 11:38:57
ممنوع
بس انا بعرف انو الفيس بوك ممنوع كيف السيد العطري عم يفتح عندو
-سوريا
لينا 2010-11-23 11:29:46
سبب حجب الفيس بووك !!!!!!
الى متى سيبقى الفيس بووك محجوب بسوريا وما فائدة الحجب اذ ان معظم السوريين يملكون صفحات خاصة على الفيس بووك, وبالتالي فان معظم المواقع المخلة بالآداب لا تزال تعمل, هل من جواب من أحد المعنيين بوزارة الاتصالات حول سبب حجب هذا الموقع الأجتماعي؟
-سوريا
55002010-11-23 11:20:57
تصرف صح
بالرغم من انو بشكل عام الاطفال لابد انو بيصير عندهم خوف من المعلم لحتى يتابعو وبيحسبو حساب اما كمان مو تعامل بوحشية واذا بدنا نكون واقعيين الجيل السابق انجح من هذا الجيل برأيي وبشكل كبير لان الطالب حاليا لا ياخذ بال للمعلم بسبب الحرية الزائدة يلي استفاد منها الطالب بغرض غير يلي كان مدروس الو يعني بكل سهولة الطالب صار بيرد على معلمو وما بقا بينهم اي حاجز كمعلم وطالب
-سوريا
وحش2010-11-23 11:04:39
الضمائر الحية
موشايف انك تاخر ت شوي سيادة الوزير يالله ان تأتي متأخرا افضل من أن لاتأتي.
-سوريا
مواطن2010-11-23 11:01:21
تعبنا
الحق ليس على المعلمتين فالنظام بالكامل خاطئ ... ولكن غرر بهم وأصبحوا كبش فداء .. لسياسة تعليمية خاطئة
سوريا
سري2010-11-23 10:56:54
جيد ولكن
هناك دكتورة في كلية الطب , هوايتها تدمير مستقبل الطالبات ولأسباب تافهة وهي مدعومة جدا" ولها ضحايا كثيرات , أرجو النظر بشأنها , وهي معروفة من قبل أعضاء لإدارة الكلية .
-سوريا