syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

زوجتي لها رائحة فم منفرة.. ماذا افعل؟؟
اسأل مجرب

الرسالة المختارة اليوم واضحة وصريحة، فـ "بكري" يعاني من رائحة فم زوجته؟


 

يقول بكري "أسعد الله أوقاتكم بكل خير زوجتي لها رائحة فم... منفرة جدا... وباستطاعتكم القول إنها رائحة التنفس... طبعا... راجعنا طبيب الأسنان والوضع سليم...

 

ولا يريد صاحب الرسالة "الخوض في التفاصيل أكثر..." ويلمح بالقول "فالمتزوجون يدركون ذلك تماما فما هو الحل برأيكم".

 

ويعلمنا من باب المعلومات الإضافية لأصحاب التجربة بأنها "شاطرة ونضايفية وطباخة ممتازة".. على حد تعبيره؟


2010-11-13 02:09:46
شاركنا على مواقع التواصل الاجتماعي:



شارك بالتعليق
ساري الليل 2011-01-20 02:05:40
خير الكلام ماقل و دل
رأي الطبيب المغترب بالسعودية صحيح و لك ن خير الكلا م ما قل ودل ... يا لطيف كم نحب الكلام الكثير ... طبيب أسنان ثم طبيب أنف و أذن و حنجرة فقط .....!!!!!!!!!!!1
-سوريا
ساري الليل 2011-01-20 02:00:22
بسيطة بسيطة جدا ً
لماذا خلق الله طبيب الأسنان ثم طبيب الأنف والأذن و الحنجرة ؟ سبقني الف فيلسوف في الرد عليك نصيحة : عليك بطبيب الأنف و الأذن و الحنجرة و قبله طبيب الأسنان فقط ...فقط فقط !!!!!!!!!!!!!!!!!!!!!!!!
-سوريا
طبيب مغترب بالسعودية2011-01-13 11:13:12
مشكلتك كبيرة و الها حل
المصارحة عزيزي صعبة بس حسب ما بتعرف زوجتك و درجة حساسيتها صارحها بالموضوع و لا تحاول متل كتير ناس تتعايش مع القصة و تفشل طبعا .. و تخللي هالقصة تاثر على علاقتكماما تاني باشتان... راجع طبيب انف اذن حنجرة شاطر لانو المشكلة حتما بالامور التالية : اللثة و الاسنان او التهاب لوز مزمن او جيوب و ناميات او بالدرجة التانية بالجهاز الهضمي و اخطاء التغذية اما المشاكل الكبيرة بالكبد او الكلية و غيرها ما بتخبي حالهابسبب الاعراض التانية اللي بتكون اوضح عادة . هي الامور تدرس بكليات الطب اكيد بتنحل
-سوريا
ياسمين الشام2011-01-06 03:34:14
الفــــــــــــلاجــــــــــــــــــيل احسن حـــــ
عنجد الفلاجيل كتير منيح انا عندي نفس المشكلة والفلاجيل ما بقطعو من عندي السبب انو ما بشرب موي كتير وما باكل خضروات بشكل مستمر خليها تكتر شرب موي وخضروات وصدقني بيمشي الحال الفلاااااااااجييييلللللل
-سوريا
حلبية تعشق الدير عشقا2010-12-05 00:59:56
هههههههه
ههههههههههههه
-السعودية
شــنتر أبن عـــداد2010-11-22 02:57:59
بـــــسيطة
هديها بعيد ميلادها فرشايه سنان ومعجون اسنان هي لحالا بتفهم ........ والله يكون بعونك ولابقى تكتب هيك مواضيع عييييب
سوريا
اسأل مجرب2010-11-22 01:22:12
كان عندي نفس المصيبة
الفلاجيل الفلاجيل يابكري ان حبوب الفلاجيل فعمل على القضاء على جميع انواع البكتريا والفطور اللتي يفرزها الجسم يعني اذا كانت تعاني من مشاكل في اللوزات او الامعاء او الاسنان اوالجيوب او حتى في الجهاز التناسلي سوف تلحظ نتيجة مثل السحر ابدأ باعطاءها حبتين دفعة واحدة قبل النوم وباليوم التاني ابدأ بحبة الصبح وحبة المسا لمدة شهر وللعلم الفلاجيل يتناوله المقبلين على الزواج قبل بليلة استعدادا للقائ الحميم ورح تدعيلي يابكري
-سوريا
اسأل مجرب2010-11-22 01:22:12
كان عندي نفس المصيبة
الفلاجيل الفلاجيل يابكري ان حبوب الفلاجيل فعمل على القضاء على جميع انواع البكتريا والفطور اللتي يفرزها الجسم يعني اذا كانت تعاني من مشاكل في اللوزات او الامعاء او الاسنان اوالجيوب او حتى في الجهاز التناسلي سوف تلحظ نتيجة مثل السحر ابدأ باعطاءها حبتين دفعة واحدة قبل النوم وباليوم التاني ابدأ بحبة الصبح وحبة المسا لمدة شهر وللعلم الفلاجيل يتناوله المقبلين على الزواج قبل بليلة استعدادا للقائ الحميم ورح تدعيلي يابكري
-سوريا
mosho2010-11-18 10:04:59
غير
تغييرطريقة الطبح والطعام
بلغاريا
كنان2010-11-16 05:09:12
بطلت اتجوز
بطلت اتجوز
-سوريا
صاحبك2010-11-14 14:25:39
نصيحة اخوية
نصيحة اخوية بدلا باحدث انت الكسبان
سوريا
مجرب ناجح2010-11-14 14:15:28
حل بدون مواربة
حبيبي حقك الطبيعي تسأل عن هالمسألة وهالشغلة موجودة عند كتير من الناس على كل حال إليك الحل الجزري من المشكلة: لا تتوقع أن الحل من شي بخاخ او مسكة او سكرة أنت بدك تعالج السبب و هو( شربة زيت خروع بشروط صحيحة يعني قبل النوم تماماً و تكون معدتك فارغة أي بعد 5 ساعات من الأكل أقل شي لأأنو هالريحة مؤشر واضح على انتانات بالمعدة و المعي الغليظ بالذات من تراكمات برازية ملتصقة بجدار المعي الغليظ بسبب الأكل الموجود من وجبا ت سريعة وغيرها ) أخي الكريم جرب هالحل ياللي أنا كنت متلك وماصدقت لجربت
سوريا
واحد2010-11-14 13:50:15
شوووووووووو
مشكلة سخيفة؟؟؟؟؟؟؟؟؟؟
-سوريا
علي2010-11-14 13:00:59
من الممكن أن المشكلة ليست في الفم
صديقي العزيز رائحة الفم قد تنتج عن التهاب في البلعوم أو مشكلة في المعدة أو الأمعاء اذا كانت زوجتك تواظب على تنظيف اسنانها و استعمال دواء مضمضة وعلى سبيل النتة(مالك الا تشربا كاس عرق)تحياتي الك
-سوريا
حلال المشاكل 2010-11-14 12:16:45
العلاج عندي
ياسيدي انت اكيد ما بدخن لان الدخان بيقتل حاسه الشم هي واحد 2 والحل الانسب بس يصرلك خمس سنين متجوزظ تلقائيا بتروح الريحه بتعرف ليش لانك رح تنا م لحالك اسالني انا بعرف وشكرا ههههههههههههههههههه
سوريا
السرياني السوري2010-11-14 11:22:41
سال مجرب ولا تسال حكيم
هاي مشكلة بتتعالج عند طبيب وكمان مابشوف شي معيب بالقصة بالعكس كترت الاراء بتعطي فكرة موسعة وبتفيد يلي اسا ماتزوجو لينتبهو من روائح فمهن بالاول وبعدين تم البنات يلي بيتزوجوهن وطبعا الريحة بتنكشف بسرعة من خلال الحديث مواجهة مع المقابل وكتير من النساء والرجال بيعانو من هالمشكلة الكريهة وسؤال المجرب عالاغلب بيكون جوابو احسن من راشتة طبيب مختص وانشالله تلاقي جواب يريحك وانا شخصيا ستفدت من اكتر من موضوع بفقرةسال مجرب
سوريا
سوري فهمان2010-11-14 11:27:29
عن تجربة
حبيب قلبي مانك سمعان عن معطر الفم روح روكض عصيدلية و جيب منو علماً أنوا في منو على عددة نكهتات كرز فريز........... الله يجعلها اكبر المصايب
سوريا
فهمان 2010-11-14 10:54:46
فهمان
شو هل سؤال هاد هلىء كلشي بحياتك تمام وهي مشكلتك بالحياة .... لك ناس قايئة ورايئة بربي ....
سوريا
R-Q2010-11-14 10:28:29
3 حلول
أخي الكريم مع أنه الموضوع مالازم ينتشر عالسيريانيوز لكن هاد اللي صار .. هلأ بدنا حل ، في عندك 3 حلول 1- لازم مدامتك تعمل صورة بانورامية للأسنان لحتى تنكشف المشاكل اللثوية لأنه في مشاكل لثوية مابتنتكشف بالفحص السريري، 2- خليها تشرب شربة زيت خروع أو ملح انكليزي لتنظيف المعدة تنظيف جذري ، 3 - فحص الحلق يمكن يكون في التهاب وهي موحاسة عليه، بتمنى الشفاء والسعادة وراحة البال إلك وإلها
سوريا
محمود2010-11-14 10:14:16
ربما السبب هضمي المنشأ .. لتأخذ فلاجيل
السلام عليكم الرائحة قد تصدر عن مشاكل في الجيوب الأنفية، مثلاً تضخم القرينات يحبس الإفرازات وأحيانا تتدلى إلى أعلى سقف الفم فيعلق فيها الطعام، وأحيانا يكون اللسان هو مصدر تلك الرائعة، أحيانا تكون أمراض المري والجهاز الهضمي هي السبب، يجب أن تفحص عند طبيب هضمية، كل ما عليك فعله الآن إعطاءها فلاجيل 4 حبات دفعة واحدة، وراقب هل تحسنت الرائحة؟؟
-سوريا
سالي2010-11-14 09:57:53
عزيزي لا تقلق فالسبب معروف والحل موجود
غالبا ما يكون الامر متعلق بالمعدة وليس بالاسنان لأن المعدة هي السبب في صدور رائحة الفم الكريهة اذا كانت الاسنان سليمة وهذه المعلومة علمية لان تخمرات الطعام قد تؤدي الى رائحة فم وانواع الطعام لها تأثيرها ولا تلقق الامور بسيطة ومحلولة علاج المعدة
-سوريا
ابن هالبلد2010-11-14 09:51:48
نصيحتين
النصيحة الاولى انو تستعمل السواك وبنفس الوقت تراجع طبيب هضمية ليشوف اذا كان عندها انتانات وتاني نصيحة ياسيد يلي عم تسأل هيك سؤال الواحد بيشوف اطباء وهنن عندهن السرية والمصداقية بس مو تروح تنشر القصة عالنت والله عيب وحرام حتى لو ما ذكرت اسمك انت وزوجتك المبدأ غلط
-سوريا
obay2010-11-14 09:51:55
مسا الخير عليكم جميعا
ممكن تكون المشكله في عادات الطعام أو تكون المشكل ضمن المنطقه السكنيه الي ساكن فيها لكن من الممكن تطبيق تجربه خلي زوجتك تحاول انها ماتاكل لوقت متأخر وشوف النتيجه وبنفس الوقت خلي تكون التجربه خارج منطقة سكنك
-سوريا
واحد2010-11-14 09:31:45
اسرار
ليش ما بتعالج المشكلة انت وزوجتك بدل من التعرض للكتابات التي نقرأها و يمكن هي مسألة حساسة بالنسبة لزوجتك لازم تراعي مشاعرها
-سوريا
مالي متجوز2010-11-14 08:20:42
معاناة
والله للأسف ما حدا عم يفهم المشكلة والإحراجات يلي عم تصير مع بكري.. القصة مو قصة قبلة ولا لقاء حميم بينه وبين مرتو لأنو أثناء هاللقاء بتقدر تاكل علكاية كلورتس وبيمشي الحال بس المشكلة وقت ينامو بتخت واحد ويغطوا بالنومة يتحمل روائح نفسها أو العكس طول الليل هون المصيبة خصوصي اذا التحت كان صغير وديق .. المهم في مضامض فموية ظريفة بتنباع بالصيدليات لها الشغلة وفي لزقات بتنحط عاللسان بتقضي على رائحة الفم .. الله يعافينا ويعافيها لأنها فعلاً مصيبة
سوريا
كونن2010-11-14 07:54:29
كونن
النساء ارق المخلوقات بالكون واحساسهن مرهف يعني يا اخي الزوج السائل حاول ان لا تجرح شعور زوجتك بسبب هذا الموضوع؟ولكل داءءء دواء ولعلم تتطور فقط حاول ان تحل هذه المشكلة بالكتمان بينك وبين زوجتك ؟ولو كانت المشكلة معك انت فتأكد ان الزوجة ستقبللك بكل مافيك ؟؟وتقبل مروري
المكسيك
ساحر القلوب2010-11-14 07:48:56
ما بتقدر اتقول
والله لو مرتي قالتي ثمك الو ريحه على طووووووول بتجوز عليها .. البنات على قفا مين يشيل
سوريا
ابي الفداء2010-11-14 06:04:42
السواك
بعد التاكد من خلو الفم والاسنان من اي التهابات او مشاكل صحية وايضا فحص الجهاز الضهمي ، المسواك افضل وسيلة للعلاج ، بس والله يا شامية ما بعرف قصة القرنفل بعرف انو بيحطوه لوجع الاسنان افيدينا بها الموضوع اكثر
سوريا
zizo2010-11-14 05:39:06
advice
إلى السائل، لا غلط في سؤالك على اعتبار أنك تركلت الإسم مجهول. أنا أحمل شهادة دكتوراه في الأحياء الدقيقة ولذلك فسوف أبدي رائي من هذه الزاويه. إن رائحة الفم تنتج عن نمو الأحياء الدقيقة على قاعدة اللسان و- باقي أطراف الفم مستفيدةً من بقايا الطعام. أنا اتبعت هذا الروتين مع شخصين وأدى إلى إزالة رائحة الفم لديهم بشكل كامل. 1. تفريش الأسنان وإستعمال الخيط في التنظيف بشكل مستمر (تفريش مرتين في اليوم) 2. تفريش قاعدة اللسان من الخلف إلى الأمام بإستعمال فرشات الأسنان. يجب إستعمال ال
كندا
yana2010-11-14 05:20:30
---
الحل موجود دائماً انا عانيت منها لفتره قصيره وتبعت كل الحلول والان الحمد لله مرتاحه ١ـ تاكد انها ما بتعاني من أي مشاكل صحيه بالمعده او الاسنان ٢ـ تفريش الاسنان صبح ومسا واستعمال معقم فم بشكل يومي ٣ـ تحول تنظم التنفس يعني شهيق من الانف وزفير من الفم هي بتساعد على راحتها نفسياً في حال السبب نفسي ٤ـ تاكل تفاح اخضر انا استخدمت هي الطرق ونفعت معي والحمد لله
-فنزويلا
طبيب اسنان2010-11-14 04:58:00
كل شخص يختلف عن الاخر
اسباب رائحه الفم الكريهه متعدده فالنخور او الحشوات و التيجان القديمه تلعب دورا كبيرا بالاضافه الى طبيعه النظام الغذائي و انعكاسه على اللعاب و اللثه, ثم الغازات المعويه و كثرة التجشوء. اهم عرض يغفل عنه العديد هو التهاب اللوزات المزمن حيث لا اعراض له و هو غير مؤلم. برايي استشير اكثر من اخصائي حتى لو بنفس المجال فمن سهى عن امر يجده غيره
-سوريا
أميرة في دنيا حقيرة2010-11-14 04:49:23
عااااااادي
جيب من عند الصيدلية عكبر النحل وخليها تستعمله بكترة والنتيجة سريعة موفق
سوريا
الدكتور الباحث2010-11-14 04:28:21
CAUSES of halitosis
halitosis او رائحة الفم الكريهة يجب معرفة السبب اولا لكي نعالجها اسباب halitosis 1- مشاكل في الكبد 2- فشل كلوي 3- مريض سكر شبابي نمط 1 4-التهابات في الامعاء بكتيرية او فطرية 5- التهاب في المعدة (قرحة معدية) 6- نقص في نظافة الاسنان او خرجات سنية 7 نوعية الطعام -- تسبب امساك 8- تقرحات في الحنجرة او التهاب مزمن للوزتين عليك تحري السبب ثم مراجعة طبيب مختص ولكن السبب الأشيع 90% هو عدم العناية بالاسنان والخرجات السنية
الولايات المتحدة
nermin2010-11-14 03:22:58
الموضوع محزن ولكنه مهم جدا
الله يعينك ويشفيها واكيد فيه علاج لهالحالةاماتاخدها عند طبيب اسنان شاطراو عند طبيب هضمية وامراض باطنية وانشالله تتعافى واذا ما مشي الحال فهي مصيبة كبيرة ومابعرف شو بدي اقلك اذا ماقادر تتحمل ابعد عنها مع انه حرام وانا متاكدة انه الها علاج
سوريا
صيدلانية مغتربة 2010-11-14 03:15:15
ليس الحل دائما عندج طبيب الاسنان
ابحث عن أصل المشكلة .. فليست الأسنان هي المسبب الوحيد لرائحة الفم .. هناك مسببات أخرى مثل الإلتهابات النسائية المزمنة .. أو إلتهابات المعدة والأمعاء .. كلها مرتبطة برائحة الفم الكريهة .. برأيي اذهب بها إلى طبيب هضمية .. وطبيبة نسائية .. قد يكون العلاج من هناك .. وفقك الله
-سوريا
Red Love2010-11-14 02:29:59
رائحه الفم
حل بنظري تشرب زيت زيتون ملعقتين وبس وشوف الصحه كيف بتصير
سوريا
خرفان 2010-11-14 00:46:02
اسال مجرب
اتبع الطرق العلمية وبس ولا تدوخ راسك الطب هو الحل الوحيد
-سوريا
شهناز2010-11-14 00:41:15
شكرا
اشكر كل من شارك في هذا الموضوع وابدى رايه واعطى كل هذه الحلول كي يسفيد منها كل من يعاني من هذه المشكلة عافاكي الله يا سيدتي وكل به عله مثل هذه
سوريا
Sam Star2010-11-14 00:22:36
شكرا
بعض الناس علقت تعليقات جارحة والأفضل لو كانوا يجاوبوا بشيء مفيد بدلا من إضاعة وقتهم بأجوبة غير مفيدة. وأحب أن أشكر بشير الزين و samrasdy وغيرهما لأنهم جاوبوا بكل جدية أجوبة مفيدة بتحليل منطقي.
-سوريا
MZ2010-11-13 22:35:16
العطل وين؟؟
العطل اكيد مو بمرتك , انا برأي انت تروح لعند شي دكتور اذن انف حنجرة , خليه يفحص حاسة الشم عندك
-سوريا
دكتورة ياسمين2010-11-13 22:29:15
أخي الكريم
يجب عليك البحث عن السبب وعلاجه وهذا يتطلب منك أن تأخذ زوجتك لعدة أطباء مختصين وأنصحك لا تعالج العرض فقط.يجب إزالة السبب الأساسي وعلاجه .
-سوريا
بكل صراحة2010-11-13 22:24:57
شو هالسؤال
بشرفي عيب عليك تسأل هيك سؤال روح دور ع شي دكتور بدل ما تسال هون ولو شو صاير بالشعب عفوك والله
-سوريا
شامية2010-11-13 09:42:36
زوجتي لها رائحة فم
طلقها وخلوص منها
-سوريا
احمد ابو وسام2010-11-13 22:04:13
استعمال السواك
انصح باستعمال السواك بشكل يومي وهو سنة عن الرسول محمد صلى الله عليه وسلم (قال رسول الله صلى الله عليه وسلم :السواك مطهرة للفم , مرضاة للرب, يستعمل السواك بعد الطعام وقبل النوم وعند الاستيقاظ وعند الوضوء وعند كل صلاة .
سوريا
زعلان2010-11-13 21:41:03
أخي بكري
أنا كنت أعاني من نفس المشكلة وأصدقائي قالولي صاير لتمك ريحة_ الحل باختصار 1_شوف مرتك اذا مركبه جسور قديمة خلها تغيرهن كلهن 2‏_‏ تنظيف بين الأسنان بخيط (أهم شي) لأن فضلات الطعام أكثر شي بتتعفن بين الأسنان 3‏_‏ تفريش اللسان بشكل يومي وخاصة عند وجود طبقة بياض 4‏_‏ تقليل شرب القهوة وعدم التدخين 5‏_‏ ليس للمعدة أي علاقة برائحة الفم فهي معزولة تماما 6‏_‏ تفريش الأسنان بعد كل وجبة طعام 7‏_‏ تناول تفاح أو جزر وخاصة قبل النوم 8‏ ‏_ اذا مامشي الحال طلقها
سوريا
سمهر2010-11-13 20:10:39
عندي نفس المشكلي
انا بشتغل مدير مبيعات بالسعوديي ورغم اني بشتغل بكل انواع العطورات والمنكهات ولكن ما عمال يمشي حال ريحة تم مرتي اللي احيانا بشعر انو اجت عل بيت من اول الشارع من ريحة تمها شو اعمل اغيسوني
-السعودية
الدكتور رامي حمدان2010-11-13 19:44:51
العلاج
زوجتك من المرضى الذين عندهم فوبيا طبيب الأسنان وهي بالأصل من النوع العاطفي الدرويش ..وعند محاولتها تفريش أسنانها ينزل الدم فورا وهي بدورها تخاف وتتجنب التفريش والعناية مما يزيد في الطنبور نغما ... وهذه السمة الشخصية لمريضي اللثة ...والحل هو فتح وتجريف اللثة في الفكين عند الطبيب ..ومن هون لتروح خليها تجيب معجون أسنان للثة من الصيدلية مع فرشاة جيدة ومخدر فموي وتقوم بالتفريش الدموي وكلما نزل الدم بيكون أحسن يعني لا تتوقف واستعمال زيت الزيتون بالتفريش فالعلاج بالدم لانه أفضل مطهر طبيعي .
سوريا
remy2010-11-13 19:35:44
لكل داء دواء
اخي اذا هيي بتعرف انه انت بتعرف مومشكلة بتتعالج هي موبس من الاسنان ومن المعدة كمان جرب طبيب هضمية وكل يوم بعد الغدا تمضغ حبة كزبرة مطحونة او ورقة بقدونس وعليكن العافيي
-سوريا
الطب النبوي2010-11-13 19:22:21
حل مجرب ومضمون
سلام عليكم في وصفة بكتاب الطب النبوي وهيي كما يلي ومجربة ونتيجتها فورية وحلوة كل يوم شي مرتين تلاتةقبل الاكل احسن شيء تاخد معلقة زغيرة من الكزبرة المجففة المطحونة مخلوطة مع شوية سكر ولتقدر تاخدن بدها وراهن كاسة ماء حوالي عشر أيام تبأه هيك وبعدين لضمان الاستمرارية فيها تاخد كل يوم ملعقة واحدة مثلا وجربوها وما بتندموا والموضوع المزمن غالبا بيكون سببه هضمي معدي واهلا وسهلا
-سوريا
Abo alreem2010-11-13 18:14:20
Sho am taakol
الاخ الكريم تعلم ان رائحة الفم ناتجة عن طبتعة الغذاء, محاجة أكل خس...
-كندا
العقاب2010-11-13 17:58:53
الله يبارك فيكن
أنا على فكرة ما كنت أعرف انو الشاي بالقرفة مع العسل يساعد على بقاء رائحة الفم جيدة. شكراً للجميع من كتب هذه المعلومة, و ننصح الكاتب بتطبيقها)))))
-سوريا
د/ فرحان الرويلي2010-11-13 17:46:23
هذه مشكله
بسم الله الرحمن الرحيم اخي السائل هذه مشكله يعاني منها كثير من البشر في العالم بنسبة ما يقارب من 50 - 60 % من عامة الناس من ظهور رائحة كريهة للفم ولكن هذه المشكله تختلف من شخص لاخر فبعض الناس لاتكون مزعجه جدا في حين يمكن السيطره عليها لكن في بعض الحالات تكون مزعجه ولايمكن السيطره عليها للاسف لايوجد حل جذري لهذا المشكله وجميع الحلول التي نصح بها الاخوان هنا لاتملك العصا السحريه للخلاص من هذه المشكله
تايلاندا
Periodontist 2010-11-13 17:20:59
السبب واضح ومعروف
المعروف ان نسبه كبيره من سكان وطننا الحبيب لها رائحه فم ولكن بدرجات مختلفه العلاج بسيط وهو استعمال الخيط للتنظيف بين الاسنان (يوميا)يوميا --يوميا يوميا يوميا بعد تفريش الاسنان وخاصه قبل النوم والغريب بالامر ان غالبيه الناس لايذهبون لطبيب الاسنان الا عند الالم الشديدوللاسف بعض اطباء الاسنان يقومون بمعالجات غير صحيحه تؤدي الى تراكم فضلات الطعام وتسبب هذه الروائح وفهمكم كفايه
-الولايات المتحدة
محمد2010-11-13 17:38:47
الله يعينك
شوف طبيب هضمية والله يشفيها بتكون فطور بالمعدة بتسبب هيك روائح
-سوريا
طبيب أسنان2010-11-13 17:36:38
بخر الفم
السيد بكر : لبخر الفم أسباب عديدة أهمها وجود خراجات سنية ولثوية ولكن في حال أن الأسنان سليمة فالأغل أن الأسباب معوية فالأفضل استشارة أخصائي هضمية
سوريا
دكتور رامز2010-11-13 16:29:35
اللثة
معلم نصيحة خذها نظفلها اللثة وبتشوف بعدين
سوريا
Basel2010-11-13 16:14:56
الحل الأمثل
أن اسف تصحيح شاى بالقرفه مع العسل صباحا ( ضع عيدان القرفه في الماء و اغليهاتتعقد ثم أضف لها العسل) واذا بدك مع الشاىز المهم مسحوق القرفه مع العسل
ألمانيا
Khaled2010-11-13 16:20:49
mouth odor
She needs to brush her tongue when she is brushing her teeth
-الولايات المتحدة
Basel2010-11-13 15:59:44
الحل الأمثل
كل ما قاله المعلقون جيد. الناس في أمريكا الجنوبيه يشربون كل يوم في الصباح شاي بالقرفة مع العسل( بدل السكر) لتبقى رائحه الفم عطره. هذا هو الحل الأمثل للمعدة. لا تنسى تتدعيلى.
ألمانيا
syrian-beloved2010-11-13 15:24:14
كمامة
خلص حط كمامة وانسى - ئرفتني الجواز يازلمة
سوريا
أميرة في دنيا حقيرة2010-11-13 14:52:01
عااااااااااااااااادي
كل مشكله وإلها حل روح لعند الصيدلية جيبلها وخليها تستعمله أكتر مافيها وشوف التغير السريع موفق
سوريا
ابو نصرالله2010-11-13 14:51:50
لالالالالا
لا تشكيلي ببكيلك ابوس ايدك
سوريا
شاميه2010-11-13 14:40:42
الحل سهل وبسيط
اول شئ أقول للأخ بكري هي مو مشكله لأنو في كتير اختراعات لتغير رائحه الفم يعني في بخاخات بكل انواع الفواكه والنعناع لتغير رائحه الفم وجميع أنواع العلطه المعطره وفي اختراع كتير سهل وبسيط ورخيص نبته اسمها القرنفل تضع المرءاه او الرجل حبه قرنفل في فمه وتصبح رائحته طوال اليوم جميله ألا حد ينتبه كل من يتكلم مع الشخص برائحه جميله أثناء الكلام معه بتتمنى كون فدتك قدر الامكان
السعودية
بشير الزين2010-11-13 14:21:16
إلى علوش أبو الحلول
لم يكن من الحكمة أن تذكر أسماء الأدوية العبقرية لطبيبتك العبقرية فما يصلح لحالتك لايصلح لغيرك فكل حالة لها دراسة خاصة سيما وأن طبيبتك على مايبدوا لم تزعج نفسها لتعرف مرضك وأعطتك أدوية متعددة لتغطي لك عدة أمراض قد تسبب لك مشاكل أكثر من النفع فمثلا أعطتك مضاد للحموضة وكان يمكن أن يكون كافيا وهو موكسال ولكن أعطتك دواء مضاد للأميبا بدون فحص براز وتأكد من وجودها وهذا خطأ وهو فيورازول وأعطتك بروأنزيم زيموجين وقد لاتكون بحاجة له وعلى الأغلب لست بحاجة له لذلك أرجو منك أن لاتعمم الضرر بحسن نية
سوريا
د.عمار2010-11-13 14:17:45
موضوع بسيط شكلا لكنه حساس وخطير مضمونا
الاخ السائل اسباب رائحة الفم الكريهة لخصها لك الاخوة المعلقين في معظم تعليقاتهم لكن هكذا موضوع اختصاصي والمفروض ان تراجع عدة اطباء من اكثر من اختصاص طالما الموضوع ينغص حياتك بهذا الشكل.وعموما هكذا مشاكل تبدو بسيطة شكلا لكنها خطيرة جدا على الحياة الزوجية كهذه المشكلة ولكن الامر الاساسي صيغة طرح المشكلة مع الطرف الاخر دون ان تجرحه,وثانيا تفهم الشريك للمشكلة وتعاونه في حلها.
-ألمانيا
سوري2010-11-13 14:08:39
ماء وملح
الاسباب كثير ومتعددة ، ولكن عليك بالماء والملح قبل النوم وبشكل مستمر فهو فعال.
-سوريا
محمد علماني 2010-11-13 13:58:18
حل بسيط
طبيب داخليه وهضميه شاطر . الأكثار من الخضار النيئه مثل الجزر والخيار والخس والملفوف , زهره مسلوقه إلخ الأبتعادعن أكل الطعام المطبوخ بالسمن والدهن ،وجميع أكلات السوق ، والرغرغره بسائل الليسترين الأخضر وإنشاء الله بتشفى بسرعه
-سوريا
طرطوسية2010-11-13 12:40:00
عليها بالسواك
اذا كانت المشكلة غير فموية والأسنان واللثة سليمة فأكيد المشكلة داخلية يعني ممكن أن تكون من الدم في حال مريضة بالسكري أو ابيضاض الدم أو هناك مشكلة في الجهاز التنفسي أو في المعدة بسبب تكدس الطعام.. أعتقد في هذه الحالة ينصح بالابتعاد عن أكل التوم والبصل واستعمال ((السواك)) بشكل دائم فهو يبيض الأسنان ويزيل الروائح بشكل عجيب, وكذلك العناية اليومية بنظافة الفم واستعمال غسول معقم والإكثار من أكل الخضار كالخس والملوخية والتقليل من الألبان.. مع تمنياتي لها بالتخلص من هذه المشكلة لأنها بالفعل منفرة
سوريا
ابو عمر2010-11-13 12:23:42
الله يعينك
معظم الناس اللي بيطلعن ريحة فم بيكونو بياكلوا توم و بصل كتير مع الاكل او في مشكلة بالأسنان
سوريا
عبد الرحمن2010-11-13 12:19:44
نصيحه
انا بقلك انو اذا ماكانت مشكلة اسنان اكيد شايلة اللوزات و وهاد امر ما بيتعالج ابدا لانو من اساس العملية و هي صغيرة ما تعالجت بنصحك بخاخ
سوريا
يزن2010-11-13 12:19:29
بيجوز ما فهمنا عليه
اسف للكل بس انا ملاحظ انو سؤاله مو ع نصيحة طبية سؤاله عن حياة زوجية فيا غصة وهيه ريحة التم يعني كل متزوج بيعرف انو في غصة فعلا بهيك شي بس مو ذنب زوجته ولا ذنبو انو ينحرم من شغلات روتينية بالحياة الزوجية
-سوريا
ابو محمد2010-11-13 11:29:47
الحـــــــــــــــل
اذا لم يكن هناك مشكله في الأسنان فعليك بمراجعة دكتور (اذن أنف حنجره)لأنه يمكن أن تكون قد أدخلت في أنفها وهي صغيره من باب العبث واللعب حبة خرز أو قضامه أو ماشابه ذلك فالجسم عندها يقوم بتكليس هذا العضو الغريب فينتج عن ذلك رائحه كريهة (برازيه)لاتنتهي إلا بإزالة السبب الممرض فسارع إلى ذلك والسلام*****
سوريا
علللوش ابو الحلول2010-11-13 11:31:20
دواك عندي
انا بعاني من نفس الموضور ورحت من يومين ع دكتورة داخليه وهضمية وعطتني 3 انواع دواء وصرللي 3 ايام عم استعملا وحسيت بفرق كتير كبير حود اسم الدوا وا وادعيللي موكسال حب مص 3 مرات بليوم فيورازول 2 حبة صباح و2 حبة مساء زيموجين حبة بعد الاكل
سوريا
عيد2010-11-13 11:11:41
طلقها أحسن شي
إذا ما رضيت تعالج نفسها من نفسها ....طلقها، بس يا خوفي تجيك غيرها تكون ريحتها كلها مشكلة...لذلك ساعدها للتخلص من هالمشكلة و أظن لها عدة أسباب ، منها نظافة الفم، أو الحلق أو من المعدة...طبعاً الأطباء يستطيعون تحديد ذلك، راجع طبيب هضمية مثلاً أو داخلية مختص.
-سوريا
eng.yousef2010-11-13 11:01:07
علبة زاهي
صديقي مشكلتك كان ممكن تنقال باسلوب غير هالاسلوب اقل الامور احترام الزوجة ...انا مارح نظّر عليك لانو مشكلتك بعاني منها بس اكيد ماني متزوج انا بعاني منها مع الزباين والموظفين ..لذلك دائما مخرطش عمكتبي علبة ديدورانت وبضل بخبخ للعالم وكمان ازا اجاني واحد نفسو غليظ بضيفو زاهي وخلصنا اما مشكلة زوجتك تماما متل ماحكوا اللي قبلي طبية ....راجع دكتور هضم..والك مني السلام ..
سوريا
ماجد2010-11-13 10:54:08
اخي الكريم
خدها عند دكتور سنان او اسأل دكتور عن هالموضوع
-سوريا
انا مارة بنفس الموضوع2010-11-13 10:44:28
أول شي لازم
لازم تلفت نظرهابطريقة غير مباشرة انو رائحة الفم كتير شي مزعج حتى تنتبه لانو الواحد ما بيحس على حالو..وانا زوجي كان هيك بس انا على طول كل مايجي بعطي مسكة يا أما بخاخ فريش ياأما بقلو فرشي سنانك ..وبتمنالك الخير
سوريا
ابن الريف2010-11-13 09:42:22
هناك شعوب تعتبر الضراط طبيعياً فلا تقلق من ذلك
لايوجد سؤال غبي ولكن هناك طريقة أفضل من أخرى. لو كان سؤالك عاماً عن رائحة الفم، أسبابه وعلاجه لكان برأيي أفضل وأقل إحراجاً لزوجتك. كما ذكر المعلقون هناك أسباب كثيرة منها جراثيم تعيش في أجزاء الفم أو الجهاز الهضمي وتفرز مكونات كبريتية طيارة أو بعد أكل أطعمة معينة (ثوم، بصل،كراث،قهوة..)حيث تسبب غازات تحللها تلك الروائح. التنفس لفترة طويلة من الفم وجفافه قد يساهم أيضاً في تلك الرائحة. إفراز وبلع التّفل (البصاق) قد يخفف نوعاً ما تلك الرائحة لذا فالعلك (بالنعناع..الخ) يزيد اللعاب ويخفف الرائحةالكريهة
-سوريا
هلا2010-11-13 09:29:39
أنا استغربت العنوان بالبداية
أنا بصراحة استغربت العنوان من البداية بس رح قلك شغلة في كتير مواقع طبية عالنت بتقلك شو طريقة التخلص من رائحة الفم ممكن تكون الشغلة سببها المعدة وفي أمراض تانية كمان ممكن تعمل رائحة فم تشتري بخاخ نعنع من الصيدلية كل حقه 50 ليرة وعلكة على نعنع أو تتمضمض بماء وملح هذا كتير منيح لهي المشكلة بس إذا الموضوع مستعصي جدا يفضل استشارة طبيب هضمية مشان يكتشف المشكلة ويحلها من الأساس وبالشفاء انشاء الله
-سوريا
معاناتي..2010-11-13 09:55:58
معاناتي..
عالغالب يكون السبب من اللسان اذا كان لونه ابيض او من التهابات الجيوب الانفية والحلق فالأفضل ان تزور طبيب اذن انف حنجرة مع تمنياتنا بالشفاء..
-السويد
زياد2010-11-13 09:46:35
مو معئول
لا اعرف معظم التعليقات للقراء الاعزاء تتبلور حول فكرة المسخرة والاستهزاء وكأننا شعب اصبح لا يتقن الا الاستهزاء على كل شيء فبات الناس مثلهم مثل الحطيئة ان لم يجد احد ليهجيه هجا نفسه بنظره الى الماء والفكرة او الموضوع مطروح من اجل الفائدة كما يقول المثل اسئل مجرب ولا تسأل حكيم لنرى ان معظم التعليقات تهكمية مسخرة وهذا امر معيب فالنبي الاعظم قال من كان يؤمن بالله واليوم الاخر قليقل خيرا او ليسكت صدق النبي العربي الكامل المكمل فلنتعلم اصول الخطاب والنصح ولنبتعد عن التهكم في الامور ال
سوريا
yaser2010-11-13 09:30:55
جوابي 2
لقد أجبت سابقا على السؤال و لكن. لفت إنتباهي سخرية بعض الإخوة من السائل بطريقة غريبة و غير مفهومة. مثل الأخ GNOM و الأخ أبو طارق.. الأخوة الكرام .. السخرية من الناس هي مرض نفسي أو هي جهل و تخلف.. هذا سؤال مشروع و هذا هو مكان طرحه فلم السخرية فالسائل لم يذكر أسماء و لم يشهر بأحد!! بدل أن تسخر ..اقرأ و أستفد أو جاوب بشكل جاد و أفد الناس.. ولا تزكم أنوفنا بنتن سخريتك من أخيك الإنسان..مع احترامي
ألمانيا
yaser2010-11-13 09:06:41
جوابي 1
الأخ الكريم.الرائحة الكريهةأمر طبي بحت و قابل للمعالجة بإذن الله فلا تقلق. كثير من البكترياوالأمراض الفطرية في الجهاز الداخلي قد تسبب هذه الرائحة. قبل أن تراجع أي طبيب أريد أن أنصح زوجتك بأن تذيب كل يوم صباحا و مساء ملعقة عسل كبيرة في ماء فاتر و تشربها لمدة شهر. العسل الآن قد تقرر و في عدة أبحاث علمية أنه مضاد ميكروبي رائع. أنا لا أتكلم من دافع عاطفتي الدينيةعن العسل (فهي أمر شخصي) بل من وجهة علمية بحتة أعيشها. أتمنى لكما حياة سعيدة و لزوجتك الشفاء. يتبع
ألمانيا
rokito2010-11-13 09:17:01
الحل الوحيد هوي ...؟؟؟
انا رأيي تراجع عيادة نفسية لأنو هيك شغلات ما لازم تقولها لحدا وتشتكي حتى لو عالنت معيبة لأنك عما تشكك وتقلل بأحترام العلاقة الزوجية انا بعرف عالم خبوا شغلات أكبر من هيك وتحملو على حساب سعادتهم وكانو متزوجين بس بالاسم بس كانو بيحترمو الطرف التاني وما يجرحوه ولا في حدا بيعرف شبهن وما عرفنا لبعد الوفاة انا برأيي تتعلم من هالشي
سوريا
shami.cool2010-11-13 09:11:13
عندي حل
حط بتمها علبة ملطف جو وحل هاالمشكلة ليش معزب حالك بالتفكير
سوريا
طبيب سسسسسسسسوري 2010-11-13 08:47:15
بقدونس ومجرب
أخ بكري خليها تستخدم الخيط بتنظيف الاسنان بعد أن تأكل بقدونس ملفوف بخبز ( يعني تلف وجه من الخبز مدهون بزيت وملح وتوضع كمية ليست بقليلة من البقدونس فوقه ) ولمدة أسبوع وانشاء الله بتروح الريح واذا كان السبب هضمي البقدونس اكبر طارد للريحة ومعقم امعاء (كذلك إن امكن بعد ما تأكل ما ذكرنا كوب من اللبن وانشاء الله تجد ضالتك (وما بدي الا تدعيلي )
-سوريا
ابو الوليييد2010-11-13 08:47:15
مرحبا شبيبه
انا تعليقي بس على هالفهمان اللي كاتب طلقها وحابب اسئلو اذا بنتك هاي البنت والها ريحه تم بتخلي زوجها يطلقها ويخرب بيتها مشان هيك شغله ما في شي ما الو حل نحنا ما رح نصييير بشر بحياتنا لان بنعالج الغلط بغلط اكبر قال طلقها قال الله يعين النسوان على عقولناالمتحجره قسما بالله عيييب صار القصه بدها حيا ياااا؟؟؟؟؟
سوريا
السفينة الضائعة2010-11-13 08:43:29
مسكة
خلي بيجبتك دائما علبة مسكة على نعنع وعلى حسب الطعمة يلي بتحبها
-الإمارات
عرفان2010-11-13 08:28:48
ممكن؟!؟!؟
بالله عليك ما بتستحي اللي اختشوا ماتوا روح لاقيلك حل وبلا فضايح الشغلة مو مستاهلة بس الحق مو عليك ,الحق على الموقع اللي نشر رسالتك اسف لهذا الاسلوب بس ما اقدرت امسك حالي
-سوريا
صبيه2010-11-13 08:29:36
تفاصيل مهمه
يعني مابعرف شو اكتب بغض النظر عن الاسباب الممكن تكون مرضيه والها علاج يعني مع احترامي للخانم الشاطره النضايفيه بحب قول انه شويه انتباه لحالها ونضافه شخصيه واهتمام مابتنرفز زوجها وبتوصله لهالمواصيل يعني اكيد الخانم موحاطه فرشايه سنان بتمها بحياتها ولامطهرات صار في مليون وسيله ونوع للاهتمام بهيك امور النضافه موبس الظاهره النضافه بتبلش من التفاصيل الصغيره وهي اهم بكتير من اشيا تانيه الزوج مارح يشتكي من قله الطبخ بس رح يشتكي من شي بخص زوجته عالصعيد الشخصي الله يكون بعونك يابكري
-سوريا
بشار2010-11-13 07:28:29
استفسارات مهمة
هل هذه الاعراض حديثة العهد ام من لحظة الزواج ؟ ومنذ ظهور هذه الحاله هل توقفت عن تقبيل زوجتك من فمها او الاقتراب منها ؟ هل تعلم زوجتك تماما بهذه المشكلة لديها ام لا؟ بانتظار الاجوبه اقول لك مبدئيالاتقترب كثيرا من فمها سواء للرومانسية او للتقبيل كما عليك ايجاد طرق اخرى دون ان تجرح شعورها لان هذا الامر ستكون عواقبه خطيرة عليك وغالبا ما تنتهي بالطلاق او الالتفات الى غيرك ممن قد يحب رائحة فمها!!
-كندا
سوري2010-11-13 07:21:23
ءءء
يا أخي المشكلة معوية و يمكن معالجتها.
-سوريا
سيريانو©2010-11-13 06:54:55
في معنا شخص
في معنا شخص هون فاضي كل ما يشوف مواضيع لها علاقة بالزوج والزوجة تعليقه طلقها او طلقيه ههههه يعني يا اخي انت شو قصتك آخد حبة أنتي كابلز وبدك تفرق كل تنين مع بعض هههه
سوريا
سيريانو©2010-11-13 06:48:12
سؤال ونرجو الإجابة
اخي هذه الرائحة شي جديد ولا شي قديم ولو شي قديم معقول ما اكتشفته وقت الخطوبة وفي حال لم تكتشفه تعتبر خداع من قبل الزوجة ويحق لك الإنفصال عنها فوراً وبدون مقدمات او مؤخرات ولكن في حال الأمر شيء جديد لا تهمل الأمر لأن بسبب نفور من زوجتك وهذا شي كما الكل ملاحظ ان انت ما بدك ياه وبدك توصل لحل لهيك اخي مشكلتك طبية اكثر من كونها مشكلة عامة وممكن علاجها بس توصل لدكتور فهمان والمعطر مو نصيحة لأن الرائحة الكريهة تختلط مع الرائحة العطرة وبصير ريحة مقرفة كان عنا مدرس عربي له رائحة فم ويستعمل معطر لا تعليق
سوريا
sam2010-11-13 06:45:50
hej
اذا بتريد يوجد هنا في السويد بخاخ يسيطير على رائحة الفم لمدة اربعة وعشرون ساعة ...اذا بتحب ممكن ان اساعدك في هذا المجال ..
السويد
مغتربة2010-11-13 06:19:07
ما بدها خجل الئصة
يعني انت بدل ما تفضح الئصة علنت بكل سهولة كنت حاكي زوجتك وئلها انو في عنا مشكلة ولازم نحلها ومتل ما بتعرف انو المعدة بيت الداء والحمية رأس الدواء فمشكلتك مزالها متل مو واضح انو اكيد مو من الاسنان فمباشرة روحو عند دكتور هضمية وانا برأي انك ما بتنلام لانو هي فعلا مشكلة حتى لو مو زوجتك بس هلامر حساس جدا وانا مريت بهيك موقف وكان ردة الفعل جدا شرسة طبعا مو زوج بس قريب واخر شي لا انا استفدت ولا هوة لانو ما راح عالج حالو بس لازم تلائي حل ضروري وطبعالازم تكون بغاية اللطف لما تطرحالمشكلة عليها
الولايات المتحدة
GNOM2010-11-13 05:58:04
له له له يا زلمة
أنا برأي انه انت بدك دكتور نفسي لانك مريض ، حدا بينشر شغلات بتخص زوجته على النت قد ما كانت تافهه يعني معقول ما خطر ببالك تروح على دكتور هضمية وقال راح على دكتور سنان ، ليش ما فهمك الدكتور شو تساوي ووين تروح \" أكيد قلك بس انت ... \"
سوريا
samrasdy2010-11-13 05:04:24
مشكلتك مريت فيها وانحلت
نفس المشكلة وقعت فيها مع العلم أنها كانت تملك أسنان مثل اللولوولكن المشكلة أحيانا قد تكون من المعدة أو لوجود إلتهابات في الحلق وليس من نخرفي الأسنان أووجود فراغات بينهم فنصيحتي لك تكملة المشوار باستشارة أطباء باطنية ومجاري تنفسية(أحيانا أيضا تكون الرائحة بسسب الجيوب الأنفية لاداعي للدخول بالتفاصيل) والأهم من هذاعدم جرح شعورزوجتك وكحل مؤقت إلى أن تعالجها وتشفى إن شاء الله حاول أن تحضر لها من الصيدلية غسول للفم و دعها تتناول شيئا من الفاكهة قبل اللقاءات الحميمةلتغطية الرائحة المنفرة
مصر
ابراهيم2010-11-13 05:03:27
طبيب
السبب الرئيسي لهذه الرائحة هو نوعية الاكل الذي تاكله
-سوريا
مدبر حلوم2010-11-13 04:00:54
الحل بسيط للغاية
الجواب عندك يا سيدي: فقط ضع نفسك في الموقف ..فلو اشتكت زوجتك من رائحة فمك....فماذا أنت فاعل?? بالمناسبة: رائحة الفم في 90 % من الحالات ذات مصدر هضمي وليس فموي. فعليك بمراجعة طبيب هضمية..فإذا عجزعن الحل فعليك أن تعاملها كما تحب أن تعاملك هي لوكانت رائحة فمك هي الكريهة
-سوريا
dr.maher2010-11-13 03:50:52
another thing
هلا انا بدي اكد انو تاخد الموضوع على محمل الجد لانو الفم السليم النظيف(باسنانه و لثته ولسانه) لا رائحة له وبالتالي بقاء الرائحة مؤشر لوجود سبب داخل الجسم وانا شرحتها سابقا ...اذا نحنا بدنا نحل المشكلة بمعرفة السبب طبعا هاد ما بيمنع خلال هالفترة انو تستعين بالمضامض الفموية المطهرة وتفريش الاسنان مرتين على الاقل واي اسئلة انا جاهز
سوريا
dr.maher2010-11-13 03:26:18
الراي الطبي
هلأ رح اعطيك تشخيصي الطبي: رائحةالفم في معظم الحالات يكون سببها الفم والاسنان(التهاب اللثة,الخراجات السنية...) وانت عمتقول انو طبيب الاسنان قال ما في شي ,وهون منروح عالاسباب العامة (يعني في حال فحص الفم والاسنان سليم) واللي اهمها :امراض تنفسية,او هضمية(التخمة مثلا),او امراض استقلابية كداء السكري
سوريا
أبو العطور 2010-11-13 03:36:16
دغدغه
عفوا يعني بكري شم ريحة تمو حتى يحكي ع غيرو ..ما بظن لأنو دود الخل منو و فيه خليه يفحص حالو أول ...
-الولايات المتحدة
دكتور مختص2010-11-13 03:36:55
مابدها شي
اذا ما فيها معليمية عليك اخي الكريم بمكانك تااخد مرتم لعند دكتور اخصائي هضمية لانو متل هااي المشاكل غالبا ما تكون ناتجة عن التهابات في المعدة ولا ترجع للاسنان انا من رأي ك دكتور بقلك انو لازم تاخدها ع دكتور اختصاصي داخلية وجهااز هضمي وانشالله ما يكون السبب كتير صعب بس هادا احسن حل واذا في التهابات بالامكان معالجتها وبالتالي بتتخلص من الرائحة انشالله
-سوريا
Khaled2010-11-13 03:35:04
شيئ غريب
شيئ غريب والله مابعرف شو بدي جاوبك خليها تشتري بخاف على نعنع وتبخ منو بتروح ريحة هادا افضل حل برئي
سوريا
بشير الزين2010-11-13 02:50:05
جواب على السؤال (تابع)
أريد أن أقول أن التهاب اللوزتين أو التهاب الجيوب الأنفية يمكن أن يكونا سببا لهذه الظاهرة ولكن اذا لم يكن هناك سبب عضوي واضح يمكنها تحسين الوضع بمضغ علكة وهناك بخاخ معطر للفم في الصيدليات يمكن استعماله حسب الحاجة هناك امور اخرى تتعلق بحالة الجسم بشكل عام الرياضة مثلا تساعد الجسم في الاحتفاظ بتوازنه الفيزيولوجي أو إعادة هذا التوازن إليه والله اعلم
سوريا
أبو سامي2010-11-13 02:29:03
أسئل حكيم ولا تسئل مجرب
أخي الكريم بكري إن رائحة الفم تنشأ عن تخمر فضلات الطعام -التي غالباً تعلق بين الأسنان وفي النخور- وجفاف الفم (تجنب التنفس من الفم لإنه يؤدي إلى جفافه) والتهاب اللثة،عليهاأن تقوم بتنظيف كامل للأسنان و معاينة اللثة عند طبيب الاسنان، وبعد ذللك الاعتناء بنظافة الأسنان من خلال استعمال الفرشاة الخيط السني والغسولات الفموية التي تبقي النفس عطراً لعدة ساعات وتقضي على الجراثيم التي لا يطالها الخيط أو الفرشاةوخاصة قبل النوم. وإذا لم تستفد عليها مراجعة طبيب أذن-أنف-حنجرة
-بريطانيا
بشير الزين2010-11-13 02:20:22
جواب على السؤال
رائحة النفس الكريهة يمكن أن يكون مصدرها الأسنان أو اللسان أو الجهاز الهضمي أو أنتانات الجهاز التنفسي لذلك على السيدة زوجتك أن تتفحص لسانها فإذا كان مكتسي بطبقة بيضاء أو ملونه فعليعها أن تقوم بتنظيفها لازالة الطبقة المليئة بالجراثيم أما إذا كانت تعاني من زيادة حموضة المعدة فهناك أدوية لهذا الغرض بالاضافة لتنظيم التغذية والابتعاد عن التدخين وشرب القهوة فهما مسببان لهذه الظاهرة أما إذا كانت السيدة تعاني من التهابات في الجهاز التنفسي فهناك أطباء ليتعرفوا على المسبب لهذا الالتهاب ومعالجتها والله أعلم
سوريا
ابو طارق2010-11-13 02:27:45
الجمل لو شاف حردبتو
وانت ممكن تذكر العلل يلي فيك
-سوريا
طلقها2010-11-13 02:27:01
طلقها
طلقها
-سوريا
سوري دهب غالي2010-11-13 02:16:47
خدها لعند دكتور هضمية
عدة امراض هضمية ممكن تعمل هالشي.
-سوريا