syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
مقاطع تهدئة سرعة مسبقة الصنع بدلاً من المطبات في مدينة دمشق
الاخبار المحلية

تعمل محافظة دمشق على تطوير نماذج من مقاطع تهدئة السرعة المقرر استخدامها عوضاَ عن المطبات المنتشرة في مدينة دمشق، بحيث يتم تنفيذ تجربة المشروع على أرض الواقع الأسبوع القادم.


وقال مدير الصيانة في محافظة دمشق محمد عادل الأزهر لسيريانيوز إن "النماذج الجديدة لا تسمى مطبات بل توصف بمقطع تهدئة سرعة، بحيث تعمل هذه المقاطع على تخفيف سرعة المركبات فور دخولها فيها، ومن المنتظر أن تطبق تجربة هذه المقاطع الأسبوع القادم، ليتم بعد الموافقة عليها  اعتمادهما عوضاً عن المطبات المستخدمة حالياً".

وتنتشر في شوارع دمشق المطبات البلاستيكية التي لم تحقق الفائدة المرجوة منها في تخفيف الحوادث، بحيث تعددت مضارها على السيارات وخاصة مع عدم وجود شاخصات مرورية وعاكسات فوسفورية تحذر بوجود المطب.

وأضاف الأزهر إن "هذه المقاطع خالية من الارتفاعات وهي مستوية تماماً، إلا أنها مصنوعة من البيتون المطبّع أو حجر اللبّون الذي يدفع السائق إلى تخفيف سرعته فور سيره فوقها نتيجة ارتجاج دواليب السيارة"، لافتاً إلى أنه "لا تسب الارتجاجات أي أضرار للسيارة".

وأوضح الأزهر إنه "يمتاز مقطع تهدئة السرعة بطوله الذي يبلغ 20 متر، وعرضه بعرض الشارع الموضوع فيه، كما أنه يحتاج لثماني ساعات فقط لتركيبه نظراً لكونه مسبق الصنع، بحيث لا نحتاج لقطع الطريق لأيام كما كان الوضع سابقاً عند وضع المطبات الإسفلتية".

وحول اعتماد نموذجين من مقاطع تهدئة السرعة، أوضح مدير الصيانة إن "استعمالات البيتون المطبّع تختلف عن استعمالات حجر اللبّون، حيث سيتم استخدام حجر اللبّون في الطرقات التي تسير عليها المركبات ذات الحمولات العالية كمركبات الشحن نظراً لصلابته، بينما يستخدم البيتون المطبّع في الطرقات الأخرى التي تخدم السيارات ذات الحمل العادي".

وأشار الأزهر إلى أن "سورية تعد الدولة الأولى التي تعتمد هذه التجربة وتطبقها، وقد بدأت الفكرة لهدف تجميلي على طريق الربوة بوضع 14 مقطع ليس مسبق الصنع، إلا أنه لاحظنا فائدتها في موضوع تخفيف السرعة، لكن يتم الآن تطوير النموذج بتحويله إلى مسبق الصنع لتقليل زمن قطع الطريق، كما يوجد مقطع تجريبي على طريق نادي المحافظة".

وحول التكلفة المادية، قال الأزهر إن "تكلفة المقطع الواحد أكبر من تكلفة المطب الإسفلتي، لكن المقارنة الاقتصادية لا تقف عند هذا الحد فالفائدة المتوقعة من حيث ديمومة المقاطع ومقاومتها للعوامل البيئية والحد من حوادث السير وتلوث البيئة الناتج عن دخان السيارات عند انطلاقها السريع في نهاية المطب، إضافة إلى أن تصنيع كميات كبيرة من القطع المكونة للمقطع يجعل استخدام مقاطع تهدئة السرعة أوفر اقتصادياً وبيئياً".

يذكر أن فرع مرور دمشق أدخل كاميرات مراقبة مرورية، لضبط السرعات ومنع المخالفات على طرق المدينة.

 

أروى المصفي -سيريانيوز


2010-11-01 17:03:54
شاركنا على مواقع التواصل الاجتماعي:



شارك بالتعليق
scorpion2010-11-06 14:43:59
syria
يعني أول ماشفت الخبر نزلو دموعي من الضحك على الخبر بفكرو انو تجربتهم الأولى بالمنطقة يعني ولا كأنهم شايفين شي بحياتهم.....؟؟؟ أولا هالمطبات أو منطقة تهدئة السرعة مثل ماسموها موجودة بالإمارات من فترة طويلة وبطريقة أفضل بيكون المطب بمستوى الرصيف ليأمن معبر للمشاة بنفس الوقت وبكون في اشارة ضوئية بشغلها يلي بدو يقطع الشارع يدويا نحنا بنتمنى نتطور للأفضل بس ياريت بطرق مدروسة بعناية أكثر....!!!!!
-سوريا
salah2010-11-02 22:42:34
شكرا سيريانيوز
أنا بدي أشكر سيريانيوز على المتابعة الميدانية للإحداث كبيرة كانت أم صغيرة .. وفقكم الله
-فرنسا
شنكوتي2010-11-02 21:42:59
في حل
اولا في حلب المدينة القديمة كلها مرصوفة بحجر بازلت قديم وهو بيخفف السرعة تلقائياًً ثانيا في اختراع جديد اسمة مطب اوتوماتيكي اذا كنت في سرعة فأن المطب يعمل عمل المطب المطاطي واذا كنت في سرعة خفيفة فأنك لن تشعر به ابدا وهذا هو الحل شوفوا على الانترنت
سوريا
نور ابن الشام2010-11-02 13:08:09
اتقو الله
يعني الحكومة شوما بتعمل موعاجبكون انا عندي حل كل مواطن بيخاف من الله يسوق بذوق واخلاق وصدقوني ماعنا مشكلة
سوريا
abo adnan2010-11-02 12:46:11
تطوير للفكرة
الفكرة رائعة ويمكن الإستفادة من ضمن هذه ال20 متر برفع حولي 3 متر بعرض الشارع,لإرتفاع مساو للرصيف, وبطبقة أنعم ليتسنى للمقعدين والأمهات مع عربات أطفالهم قطع الشارع بدون صعود ونزول ,مع وضع أعمدة فوق الرصيف عند تساوي الارتفاعين لمنع صعود السيارات(هذه الطريقة مطبقة بشكل رائع في دبي)ودمتم
-سوريا
حمصي2010-11-02 11:46:21
رح غير مصلحتي
أحلى شي يا شباب بصير بيع دواليب .لأنو الحكومة يكثر خيرا رح تهري دواليب العباد . ومصائب قوم .....
-سوريا
سنفور خبير مطبات2010-11-02 10:16:07
جربو أول شو بتخسرو
أي اختراع لتخفيض السرعة ممتاز وبأي وسيلة كانت ما في مشكلة نحن معكم, لكن بأي بلد يتم تجريب المطب بمخبر بوزارة النقل و المسؤولين عن الطرق وسلامة الركاب والسيارات بيعطو التقدير اذا كان صالح أو لا, ما شاء الله في مطبات كوتشوك مسبق الصنع بيخلع العامود الفقري للراكب وخصوصا إذا ما كان منتبه, والمطب الإسفلتي يؤذي السيارة والراكب, المطبات موجودة بكل دول العالم لكن رجاء يكون شكل المطب ومكان وجودة والمادة المصنوع منها يكون عن دراسة وتجربة في مخابر قبل وضعها على الطرق ونرجع نشيلها ونقول غير صالحة مشكورين
-سوريا
بالعلم ترقى الامم2010-11-02 10:10:28
بالعلم ترقى الامم
إخوتي المسؤولين عن تخطيط وإدارة المدن لكم مني كل الإحترام والتقدير لجهودكم المبذولة لخدمة وتطوير البلد ولكن المشكلة لاتكمن بنوعية المطبات المستخدمة والحل لايأتي بتغيير شكل المطب و نوعه، بنطرة سريعة شنجزم أن المشكلة مصدرها الفرد بذاته وثقافته ووعيه ومدى إيمانه بقدرته على التغيير بالمجتمع، فلو خصصنا نصف ساعة إسبوعية من الثقافة المرورية بدء ً من المرحلة الابتدائية وحتى الثانوية ولاضير الجامعية، فخلال 10 سنوات سنحصل على جيل واع يمكن ردعه بكلمة وخطين بسيطين على طرف الطريق وشكرا
-سوريا
م/ابو براء2010-11-02 09:58:09
حقل تجارب
شايف انو صارت شوارعنا حقل تجارب كل يوم واحد مسؤول بتئل عل عشا وبروح ينام بشوف كابوس على شي شارع بئروح الصبح بياخد قرار بخللي الحلم حئيئة , احسن شي جيبوا كم شرطي وعطوهن بواريد كل ماشافوا واحد سرعته زايده يطلقوا النار على دواليبه هيك اكيد راح تخف سرعتو للصفر مع مخالفة وخسائر ,عجبي من هيك مخططين بارعين
-سوريا
Eng haetham yousefee2010-11-02 09:24:08
the effect vibrating thermoplastic road marking pa
ان استخدام الدهان ثيرموبلاستيك الذي يعطي رجة خفيفة للسيارة ينبه السائق لتخفيف السرعة هو الحل الافضل لان عندما نحفر الطريق لكي نضع الحديد ونصب الكونكريت (ان هذه الطريقة استخدمت للارصفة وهي تتحمل المشاة وليس السيارات) نكون قد اضعفنا الطريق من ناحية طبقة التاسيس ,اصبح اختلاف في المنسوب وتجمع مياه بالاضافة للسماح للمياه للدخول الى طبقة التاسيس والتاثير على هبوط الطريق بالاضافة الى مكانية تشقق هذه الكتلة اذا كانت كمية الحديد المستخدمة ونوعية لاسمنت غير مناسبةالا اذا استخدمنا مواد مناسبة
الإمارات
أنس2010-11-02 09:51:49
وطني
فكرت أنهن عم يعملو تجارب جديده على فكره بتخفف سرعة السياره ونكون أول ناس بالدنيه منعملها بس عوجا
سوريا
سائق محترم اخواتي المشاة2010-11-02 09:27:09
فكرة عجبتني
الفكرة من المطب براي انها تذكير للسائق انو يخفف السرعه وغير مضرة للسيارة وانا برأيي مشكلتنا مو نوع المطب مشكلتنا انو بدنا شويه ذوق ونحترم الغير من مشاة وسيارات والله مافي احلى من الذوق والرقاء بالمعامله وانا بنظري كل ما كان الواحد متقن للقيادة كل ما كان بيسوق بهدوء شوماخر اللي بتحكو عنو ما بتطلع سرعت السيارة فوق 110 هاد بطل العالم بالسيارات يلا الله بيعين الله يحمي سوريا وشعبا بلدي الغاليه لو
-سوريا
صلاح 2010-11-02 09:23:51
ناشيونال جيوغرافي
لازم تراسسلو قناة ناشونال جيوغرافي مشان ينزلو هل القكرة ببرنامج تقنيات عملاقة ضروري
سوريا
لؤي2010-11-02 09:21:55
رسالة عبر البلاك بيري
عزيزي وزير الداخلية بخصوص الكاميرات المحمولة والثابتة بكل شوارعنا..... ستار أكاديمي مثلا!!!!
-سوريا
عادل الجازم2010-11-02 09:14:06
خطوة حلوة
قبل المطبات والرادارات ياريت يكون في شوارع للسيارات بالبلد يعني معقول هيك الشوارع تكون؟؟ بعدين وين النظام المروري؟؟ معقول الشارع خطين بنلاقي اربع سيارات وبيناتهم شاحنة بالنص وكم موتور ماشيين مع بعضهن؟؟ يا جماعة القانون المروري مهم جدا لتنظيم حركة النقل وتفادي الحوادث والله بستغرب كيف الناس ما بتعمل حوادث بشوارعنا..
-سوريا
NON CAR DRIVER2010-11-02 08:59:00
مطبات
ما عندي سيارة ولا في أمل يصير عندي سيارة عملوا مطبات اد ما تقدروا
-سوريا
مغترب ب دبي 2010-11-02 08:49:30
سورية ليست الاولى في تطبيق هذه الفكرة
فكرة مهدئات السرعة مُطّبقة في بعض مناطق في دبي (موتور سيتي) منذ اكثر من عام .. شكراً
-الإمارات
مواطن2010-11-02 08:13:26
مقاطع فاشلة
تصنيع هذه المقاطع من البيتون سيتسبب بانزلاق السيارات عند استخدام المكابح لتخفيف السرعة أثناء المرور عليها وخاصة عند هطول الأمطار مما سيؤدي إلى مخاطر وحوادث للمشاة والسيارات المستخدمة للطريق
-سوريا
حمدي شاهين2010-11-02 07:41:32
حجر اللبون
أعتقد أن تجارب الغير قد أثبتت نجاحها عالميا،ً لذلك يتم تطبيقها في المجتمعات الدولية، والمسامير الصفراء أوالمسامير البيضاء في أكثر من خط عرضي على الطريق والمضاءه فوسفورياًفي الليل أثبتت نجاحها مع وجود شاخصات تنبه بوجودها نهاراً ستكون أفضل من حجز اللبون الذي سوف يؤثر يساعد على هلاك السيارات مستقبلاً .
السعودية
سيريانو©2010-11-02 07:33:52
يا سلام
يعني ماشاء الله اكتر وزارة شغالةبهل البلد وتحسين البلد هنن وزارة المواصلات و شرطة المرور اي شو هل الشرطة مطبات بلاستيك بسامير و شي 900 ألف رادار وهلأ هي الي بتكسر السيارة يعني اي يا ريت كل الوزارات عنا تشتغل متل ما وزارة المواصلات عم تشتغل فينا وهما الوحيد هو خربان بيت المواطن عفواً عفواً حماية المواطن من الحوادث !!!
سوريا
محمد2010-11-02 07:12:52
حل جيد
الحل المقترح لتخفيف السرعة جيد ومستخدم في الولايات المتحدة منذ سنوات طويلة لتخفيف سرعة المركبات عند اقترابها من حاجز دفع رسوم استخدام الطريق السريع
-قطر
عبدو 2010-11-02 07:12:53
عنددي فكرة
ليش ما بكون هاد تنبيه انو في بعدو مطب مو احسن من الشاخصات يعني بتركبو لهاد وبتركبو بعدو المطب بمسافة ما بكون احسن
سوريا
مهتم2010-11-02 06:14:17
لابأس
إلى السيد مدير الصيانة: مشكورون على هذه الفكرة ولكن يرجى متابعة صيانة هذه المقاطع بجدية ومن خلال برنامج زمني مدروس بعناية لأنها ستتكسر ولا بد(حتى حجر اللبون تكسر في الحميدية ونزلة الحلبوني من جسر الرئيس) - والله الموفق
سوريا
من البلد2010-11-02 03:42:23
نحو الأفضل
جزاكم الله خيرا هيك احسن لانو كانت المطبات بتخض البدن خصوصا اذا وحدة كانت حامل وماشافت المطب
-سوريا
132010-11-02 01:18:32
13
والله خبر منيح نسبيا الله يعطيهون العافيه بس انا اللي ما عم افهموا ليش ما بنستورد تجربة ألمانيا الجاهزة بكل شي يعني من النظام للشوارع مرورا بحل المشاكل ما بنكون وفرنا دراسات؟
-سوريا
نضال2010-11-02 00:58:34
نحنا
ولك نحنا جبال ما بتهدينا منك الو ....
-سوريا
احمد 892010-11-02 00:11:15
عيب والله عيب
صراحة انا ماكنت انتبه على اخلاق السواقة ئلا بعد ماسافرت لاوروبا وشفت قديش بيحترمو السير وبس رجعت فكرت طبق هل شي على حالي وصرت وقف للناس والكبار بل عمر ليقطعو الشارع وانتظر سيارات لتصف لقيت انو صارو يحترموني ويسلمو عليي بدال مايسبوني ويدعو عليي والله حلو هيك نكون مو كل مين ماساق سيارة خلص صار شوماخر ودائما مستعجلين منعقد كل النهار بل بيت من دون فائدة وبس نصير بل طريق بيركبنا ميت عفريت انا طلعت عن موضوع خبر بس من حرقت قلبي
سوريا
أبو مروان2010-11-02 00:08:04
عجيبة
هههههههههههه والله فكره كتير حلوة بس مافي داعي اطبقوا بالشام لأنو كل الطرقات محفورة بها الشكل وخاصةالمنطقة مابين المرجة وجسر الرئيس .
سوريا
فادي2010-11-02 00:06:50
كملت
ياحبيبي كملت اي شوارعنا بدون هالاختراعات مصممة لتكسير السيارات أكس السيارة عندي كل ٦اشهر بغيره وبعد هالاختراع انشالله رح صير كل ٣اشهر.شايفلكن روح بدل هالسيارة بتركتور احسن شي بهالبلد....عماااار ياشام
-سوريا
ميكانيكي2010-11-01 23:44:07
عيييييييييييييييب
اقسم بالله قاعدين عم يجربو فينا، ولا خطة من خطط المرور أو غيرها من المديريات مدروسة دراسة صحيحة بيجي مستثمر بدو شوية مصاري وبيعرف فلان وفلان بيقلن عملولي هالمشروع بيروحو بيعملو وبيجربو كم سنة لحتى تثبت فشلها بيكون اجا غيرو وهكذا، شي كاميرات محمولة وشي كاميرات مخفية وشي كاميرات بسيارات مجهولة وشي مطبات بلاستيكية وشي مواقف مأجورة وشي وشي، ولأ شو لماجابو المطبات البلاستيكية قالو هي أحسن من مطبات الزفت ليش ما عرفت وهات صرف من خزينة الدولة بلا طعمة ومورايحة غير على هالشعب المعتّر، الله يعينا ويساعدنا
سوريا
د.م. عبد الله قلاش2010-11-01 23:35:11
ملاحظة هندسية
الفكرة جيدة ولكن برأيي يلزم مراعاة عوامل الاهتراء والانتظار لمرور فصل الشتاء. إن نقطة الوصل مع الزفت العادي تكون في هذا النوع من الأرضيات ضعيفة ويلزم تكتيمها بشكل جيد. مساحة القطعة الواحدة كما هو واضح من الصورة صغيرة وبالتالي يلزم عدد كبير وهنا يجب الانتباه مرة أخرى للفواصل بين البلاطات خصوصا بعد فترة الصقيع. أظن من الأفضل إطالة المطب على الأقل ثلاث مرات قبل النقطة الحرجة كي يصل السائق إلى هذه النقطة وسرعته لا تتجاوز الثلاثين. ولا تنسو إشارة تخفيض السرعة إلى الثلاثين عند بداية الشارع
-ألمانيا
nibrass.ing2010-11-01 23:34:53
هل الموضوع مدروس كفاية
الفكرة جيدة وهي تعمل على التهدئه لسرعة السير ولكن هل تمت دراسة النقط التالية (لأنو شفنا كتير مشاريع ومعظمها يثبت فشلهبعد انجازه رغم رفض القيمين عليه ذلك): حالات السرعة والإسعاف وشو رح يصير بالمريض؟؟؟ شو مشان المشاريع المستقبلية ، من تمديد صحي وهاتف وكهربا، في آلية مناسبة للحفر؟؟ شو مشان الإضاءة ، ما تحطو إنارة أرضية مثلاً . صارت وصارت.. والضيوف الأجانب رح يجو يهزو عنا ويطلعو يحكو عن هالهز ... الموضوع السياحي
سوريا
مشارك2010-11-01 23:21:42
تفكير سليم
يعني فعلا ايجاد طريقة لتخفيف السرعة عن طريق البيتون المطبع متل ماشفنا بالصورة فكرتها جيدة جدا وإذا ثبتت نجاحها فهذا يحسب نقطة إيجابية للأزهر وتفكيره السليم
سوريا
waseemooo2010-11-01 23:14:09
وصلت الشتوية
الفكرة كتير حلوة وخاصة انه دخل الشتاء يعني مسابح في كل مكان وخود تطريش ........تعا بورد يا حباب .... ويلي بقول بدنا نخفف السرعة بكون غلطان لانه مافي اي مرتفع ولا منخفض حتى نخفف السرعة الفرق انه احجار متناثرة يعني شوارعنا ما اختلفت كتير ...... بس الخلاف انه صار في تنظيم للاحجار ودمتم
-ليبيا
متابع2010-11-01 23:12:36
فكرة جيدة
الحقيقة أنا متابع لمشاريع المحافظة وهي الفكرة بتخفيف السرعة عن طريق حجر اللبون اثبتت جدواها في طريق الربوة ,ايضا جماليا منظر حلو نقول بالتوفيق لمدير الصيانة عادل ازهر ولمحافظة دمشق على كل مشاريعها
سوريا
ابن البلد الزعلان2010-11-01 23:16:30
طلعنا اول مين بيطبق هالاختراع
يعني الغريب بالخبر انو طلعت كل دول العالم متخلفة ومنحنا المتقدمين من خلال كلامالسيد مدير الصيانة انو مافي اي بلد طبق هالاختراع
سوريا
ابن الشام2010-11-01 21:51:50
قطر
ياريت من يلي عم يعطينا نصايحو من تعليقاتكم يبادر بشي فكرة مفيدة تفيد بلدنا احسن ما تعدو تتمسخرو لك ولله عيب اي ولله مافي احلى من بلدنا روحو شوفو دول الخليخ لسى الصرف الصحي ماوصل لعندون اي الله يحميكي يا شاممممم
سوريا
OM ADAM2010-11-01 21:15:50
ما بيعجبكون شي
بدي أفهم انتو يلي عم تعلقو بالسلب على كل خطوة,,شو عم تعملو لهل بلد شي منيح..بدي افهم..ياترى انتو كاملين اسم الله عليكون..كمان لولا سواقتكون العرناء يلي كل واحد بفش كل عقدو بالسواقة ما كنا حتجنا لهيك شي..بس مافي ذوق بالسواقة ابدا...
-سوريا
درويش2010-11-01 20:49:36
برافو
والله فكرة حلوة
-سوريا
سعيد2010-11-01 20:16:18
سعسع
شامم ريحه مو حلوه من هالخبر , فيه أنا
-سوريا
سوري بسكاكا2010-11-01 19:41:19
لبون؟؟و الله انتهت صلاحيته
بصراحة اختراع عظيم جدا يرجعنا عقود للوراء و برايي المتواضع لازم ناخذ براءة اختراع عليه لانه بكره كل دول العالم بتقلده و الخوف الاكبر انو المختبرات العظيمة اللي عنا و اختبرت هالمطبات على الدهس و الضغط و الشد و الانكماش و الاهتراء اكيد عندها تقنيات عالية جدا و لازم نسجلها كمان مشان ما حدى يسرقها؟؟بصراحة اقولها و بكل اسف عيب ان نجلس لنحيي افكار ماتت و هناك تجارب عالمية كافية و وافية للمطبات بامكاننا اخذها و تطويرها بس لبون شكله مسلسل باب الحارة لاحس عقول الناس كتير؟؟؟؟ما بعرف شو هالخبص
-السعودية
عمار2010-11-01 19:41:56
حلب
الحمد نحن بحلب كل الشوارع مقاطع فمافي داعي لهالتقنيه الجباره
-سوريا
fadi2010-11-01 19:37:37
مراعاة الجودة
نرجو من مديرية الصيانة أن تراعي جودة هذه المقاطع نظراً لتكسر بعض المقاطع الموجودة على طريق الربوة وخصيصاً المقطع الموجود بلقرب من مطعم القصر
سوريا
sami2010-11-01 19:24:02
مطبات؟
اولا شلون هالمطبات ما بتسبب اي اضرار للسياره بعد فتره من الطجطجه بدها السياره ترصيص يعني شد براغي قبل ما يهر منها شي ثانيا مو حاطين لوحات لتحديد السرعه ليش المطبات ثالثا واذا بدكن تحطو مطبات لونوها بالوان فوسفوريه حتى ما يتفاجأ السائق ويهدي السرعه قبل وقت...ز
-سوريا
مغترب2010-11-01 18:55:33
مستغرب
يالها من مطبات تهدئة !!! لماذا تطبقوا المطبات ذات المواصفات العالمية ؟؟!! ذات اللون الأصفر والتي تكون بعرض حوالي 30سم وبارتفاع 1سم أو أقل وعلى شكل حزم متجاورة يزداد قربها من بعض كلما اقتربت السيارة من المكان المراد التهدئة لديه ؟؟!! أما هذه الصورة لمطباتنا فكارثة لم يسبقنا أحد إليها .. اختراع جديد يشبه اختراع طراطير حلفايا !!!!!!!!!!
-سوريا
سرحان2010-11-01 18:42:06
كاميرات مراقبة أفضل
بدلاً من الخوض في تجارب ستفشل بسبب جهل الكثيرين لقواعد المرور وافتقار بعض المسيئين إلى أدنى الثقافية المرورية, فاني أرى رغم تواضع خبرتي في هذا المجال بالاستفادة من تجارب دول أخرى (أوروبية) وزيادة عدد الكاميرات الثابته والمتحركة لمعاقبة المخالفين.
سوريا