syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
قداح: زيادة الرواتب مرتبطة بموازنة الدولة وتأخير صدور قانون الأحزاب سببه الدراسة المتأنية
الاخبار المحلية

قال نائب رئيس الجبهة الوطنية التقدمية في سورية سليمان قداح إن "مسألة زيادة الرواتب والأجور مرتبطة بموازنة الدولة وإيراداتها وبالسياسة العامة للحكومة".


ولفت قداح, خلال اجتماعه مع أمناء وأعضاء فروع الجبهة الوطنية في محافظة الحسكة, إلى أن "الخطة الخمسية العاشرة بما يخص زيادة الأجور والرواتب نفذت بالكامل باستثناء 35% منها 18 % ترفيعة وبقي 17 % قد تحقق في حال كانت موازنة الدولة جاهزة لذلك".

وفيما يخص قانون الاحزاب, قال نائب رئيس الجبهة إن "تأخر صدور قانون الأحزاب هو الدراسة المتأنية والدقيقة والتي تضمن فاعلية وقوة هذا القانون ويخدم أحزاب الجبهة في مسألة التنافس ويضمن انضواء الجميع ضمن هذا القانون واستبعاد كل من هو خارج الخط الوطني إن وجد".

وفي سياق اخر, بين قداح إن "الأسعار في الدول المجاورة أكثر بثلاث أضعاف عما هي عليه في سورية", لافتاً الى أن "تطبيق نهج اقتصاد السوق الاجتماعي ليس انحرافاً نحو الرأسمالية بل هو تماشياً مع متطلبات العصر", مؤكداً على "الدور الاجتماعي الكبير الذي تلعبه الدولة في هذا المجال".

وأوضح قداح أن "مشكلة البطالة نسعى لمعالجتها من خلال دعم الاستثمارات وتقويتها وفتح أفاق للاستثمارات جديدة في مبدأ تنتهجه سورية منذ صدور قانون الاستثمار عام 1991 ".

من جهة اخرى, بين قداح أن "تجربة الجبهة الوطنية في سورية هي تجربة سياسية فريدة من نوعها على مستوى الوطن العربي والتي تؤكد على تلاحم وقوة الشعب السوري من خلال القرارات المصيرية التي تمتلكها هذه الجبهة كمسألة السلم والحرب".

وتأسست الجبهة الوطنية التقدمية في سورية في 7 آذار من العام 1972 بقيادة حزب البعث الذي يعتبر حزباً قائداً للدولة والمجتمع.

وتركزت طروحات الحضور حول ضرورة إيجاد حل للمشاكل الزراعية التي اعترضت الموسم الزراعي هذا العام, وتعويضهم عن الأضرار التي لحقت بهم وإعفاء الفلاحين من الفوائد المترتبة عليهم من المصرف الزراعي وضرورة تمويل الفلاحين للموسم الزراعي الجديد بغض النظر عن المديونية وضرورة تنمية محافظة الحسكة بشكل عام من خلال إقامة مصانع تسهم في الحد من البطالة والهجرة ، وضرورة تخفيض أجور الأطباء وتثبيت العاملين الذين مضى على تعينهم أكثر من عامين وضرورة الإسراع في تنفيذ مشروع دجلة الذي سيحل الكثير من مشاكل المحافظة، وإحداث مشفى للأمراض السرطانية والقلبية وإنشاء محطة لتحلية المياه في المناطق البعيدة والنائية والتشديد على الفلاحين لتطبيق الري الحديث ، وزيادة الاهتمام بالقطاع الصحي وتطوير المشافي وتأمين احتياجاتها ومستلزماتها.

أيهم مرعي - سيريانيوز – الحسكة


2010-10-14 18:37:12
شاركنا على مواقع التواصل الاجتماعي:



شارك بالتعليق
موظف من الفئة الاولى و تحصيل علمي عالي 2010-10-18 21:44:36
بدنا جواب نهائي؟
مع احترامي لكل المسؤلين الشرفاء فقط !! فالمدراء و غيرهم من المسؤليين لا تهمه الزيادة ابدا لانه لا يفكر( ليس عنده مشكلة طبعا) كيف بدو يعمل ميزانية خاصة للمازوت و الشتاء على الباب . و خصوصا هل الشهرين الصعبين على الموظف الشريف ( مدارس و روضات و مونه مكدوس و زيتون و زيت و برغل و عدس .....) سؤال : برأيك بعبئ برميل كل شهر ولا نص برميل ايهما اصلح للاقتصاد و الخطة الشهرية تبعتنا ؟؟
سوريا
احمد حسن الغزالي 2010-10-17 11:56:45
الحكومة تريد عصر المواطن
ما زالت الحكومة تتحدث عن ان الاسعار في سورية هي اقل من الاسعار في جميع دول العالم دون الالتفات الى ان المواطن السوري راتبه هو اقل راتب في العالم و يقولون اننا لن نزيد راتب المواطن السوري الا بزيادة الاسعار نسب تفوق نسبة زيادة الراتب بكثير و هذا دليل على ان الحكومة لا تحترم المواطن و تعتبره كخروف عندها
-سوريا
الطير2010-10-17 11:00:34
شاطرين بالسرقة و بس
يعني هل المسؤلين مو شاطرين غير بالشعارات و الكذب لما بدو يقارن الأسعار مع دول الجوار يقارن كمان الرواتب و أيضا الثروات الباطنية و الزراعة و غيرها مع دول الجوار يعني سورية من الدول الغنية بثرواتها و راتب الموظف يا حرام بيبكي ، وين عم تروح هل الثروات ...؟ اسالوا من كان بها خبيرا ..
-سوريا
دكتوراه في الاقتصاد2010-10-16 19:51:28
توضيح و تصحيح (متبقي 35% ) و ليس 17%
أوضح بحسب معرفتي الفرق بين زيادة الأجور و الترفيعة الترفيعة هي حق طبيعي للموظف بحسب قانون العاملين الأساسي يأخذه كل سنتين بمقدار 9% من أجره الشهري المقطوع ولا علاقة لها بزيادة الرواتب فزيادة الرواتب تأتي بناء على سياية الحكومة بهدف رفع مستوى المعيشة وتماشياً مع ارتفاع الأسعار ولتحريك السوق و حركة البيع والشراء فلماذا يتم التهرب من الـ 18% الباقية بهذه الطريقة من قبل المسؤولين ألا يعلمون أن الأسعار نار و راتب الفئة الأولى في سورية لا يتعدى 200دولار ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
سوريا
حــسـكاوي ســـــوري2010-10-16 18:21:53
قال مستثمريــــــــــن
تقول تشجيع الاستثمارات في الحسكه فكيف سيتشجع المستثمر في هذه المحافظه والمستثمرين يحاربون اي أن!!!!!؟فكيف تتم ذلك وأمورهم معقده علما أن الدوله تشجع الاستثمار في المنطقه الشرقيه أفليست الحسكه منها
-سوريا
راغب2010-10-16 16:45:45
متى
متى الزيادة الممسوخة بفتوى ماأنزل الله بها من سلطان ولو رفعو الرواتب 50% مارح تتوازى مع ارتفاع الأسعار على الأقل بالمقارنة مع السنة الماضية
-سوريا
محمد2010-10-16 16:36:48
الترفيعة بس 4.5 %
الترفيعة لبعض الموظفين اجتنا 4.5 بالمية بس يعني شي لا يذكر ( اللي صارلهم سنتين ) و راحت لشركات التامين الصحي كلها تقريبا
-سوريا
نـ ـمـ ـر2010-10-16 11:31:34
هالحكي مو صحيح بنوب ..!!
وفي سياق اخر, بين قداح إن "الأسعار في الدول المجاورة أكثر بثلاث أضعاف عما هي عليه في سورية", بطلب من السيد قداح ينزل ع السوق ويتأكد ؟
سوريا
سوق الخليل 2010-10-16 11:17:12
سوق الخليل فقط
هل يستطيع أحد أن يضبط الأسعار في سوق الخليل بمساكن برزة ؟ أم أن موظفي التموين يدخلون يوميا صباحا ويقبضون نصيبهم ويخرجون منذ سنوات وتحولوا لأثرياء , هذا السوق التي يخدم مئات الآلاف
-سوريا
سعود2010-10-16 11:06:44
يااخوان نرجو منكم مسامحتهم بباقي الزيادة ....حرام
يااخوان نرجو منكم مسامحتهم بباقي الزيادة ....حرام وحاجتنا زيادات ومزاودات واستخفاف بعقول العالم
سوريا
مافي داعي2010-10-16 10:54:11
موبيد الفساد بي سوريا الحبيبه
انا اعيش في دوله الامارات المتحده ولله انو صارت امارات ارخص من سوريه الله هل عالم يلي عيشين بسوريا ميزانيت خروجيت المطار بس يلي سوريا يعني مافي متله بي اي دوله بلعالم بطعطي معاشات كل دول العربيه
-الإمارات
موظف2010-10-16 01:48:05
كيف زبطت معو
يا جماعة انا بدي اعرف كيف زبطت معهن انو الترفيعة من اصل الزيادة , بعدين الترفيعة 9% مو 18 , بعدين والله هالمسؤولين دوخونا كل واحد بيعطي تصريح شكل وبيحكوا حكي كأنهن مو عايشين بهالبلد , وقال استثمارات وفرص عمل ومدري شو , من 500 سنة عم نسمع نفس الحكي وما شفنا شي. بعدين وين نحن ووين دول الجوار مع احترامي للمسؤولين ( المقارنة لا تجوز لانو ما في نسبة ابداً) هون احسن بكتير لانو هون اغلى واكيد الغالي سعرو معو يا جماعة شر البلية ما يضحك وفهمكن كفاية ( لو يعيشو على رواتبن كم شهرر لشوف شو بدن يقولو )
سوريا
عربي سوري 2010-10-16 01:49:33
متطلبات العصر
لا تفهموا غلط متطلبات العصر تعني ضرورة عصر المواطن حتى ما يضل فيه ولا نقطة
-سوريا
مقهور2010-10-16 01:35:02
زيادة الرواتب
طيب المتقاعدين المنتوفين اللي ماعندهم ترفيعه راحت عليهم والله حرام يعني تقاعدهم يادوب ثمن دواء هؤلاء لازم يموتوا
سوريا
ملينا من السمع2010-10-16 01:29:15
عالوعد يا كمون
حاج وعود ما بيتنفذ منها شي الحسكة صارت من المحافظات المنسية ما بيسألوا عليها اذا حدا سأل كم محافضة بسوريا قولوا 13 +1 (أغنى المحافظات افقرها ) متل افريقيا اغنى القارات افقرها
-سوريا
المعرفة2010-10-16 01:25:44
الواقع
ايها السادة نظام الأجور غير عادل يعني الي ديرس جامعة معاشو 10 و الي بكالوريا معاشو 7 هذا هو الغلط اي زيادة لن تصحح الوضع فمثلا 7 تصبح 10 و العشرة تصبح 13 و بالتالي يبقى معاش المتعلم نفس معاش العامل اما حولنا العامل نفسه بس المتعلم 3 الى 4 اضعاف وهكذا يجب ان تفعل وزارتنا اما الذي بتكلم عن أميركا فحالت الغير متعلم متل عنا وهذا هو المظبوط
-سوريا
عاشق سوريا2010-10-16 01:23:28
المضحك المبكي
يقول:"الأسعار في الدول المجاورة أكثر بثلاث أضعاف عما هي عليه في سورية", يا اخي رواتب اعلى + حتى دول الجوار متل لبنان و الاردن رواتب اعلى و دول من غير موارد .... يعني اذا اميركا قارنت حاها مع المكسيك يلي هي دول جارة لها ما عاد تشتغل شي لمليون سنة .. حاج بقى تاحدوا يلي بدكون و تككبو (ما تحكوا) يلي ما بيعجبكون .. شي مستفززز
-سوريا
sameer2010-10-16 00:51:05
syria 4 ever
أنا متعين جديد و الحمد لله بس يمكن إذا صارت زودة إنشاالله بكون استفدت ب٨٢ بالمية و راحت ال١٨ بالمية
سوريا
مابيهم2010-10-16 00:31:07
استفسار
ياترى أديش حاتزيدولنا هالرواتب بالخطة الجديدة!!!!
-سوريا
صقر الفرات2010-10-15 22:19:54
مشان الله ما بدنا زيادة رواتب
مشان الله ما بدنا زيادة رواتب لك والله شعب راح يموت من زيادة الرواتب
سوريا
سلمان2010-10-15 17:30:13
طيب بلا الامارات
انا هلء ما رح قارن الوضع بدبي كوني عايش هون حاليا بس انا كنت من سكان دمشق لمده 22 سنه(ثمانينات و تسعينات) كان ابي يشتغل شغلتين و يحصل عشرة الاف بس بوقتها كنا ناكل لحم ضاني و نروح عالمطعم و نسافر عاللاذقيه ودرسنا جامعه ببلاش وما كنا نهكل هم المازوت و المواد التموينيه و ما كنا نخاف نطلع بالتكسي باختصار كان في شي اسمه طبقة وسطى و اليوم انعدمت
-سوريا
كونتيسا2010-10-15 15:49:46
اول شي ناقشو زيادة الاسعار
يا شباب ياريت تنزلو ع سوق الخضرا وتشوفو بعينكون زيادة الاسعار يلي بتخلي الواحد يصوم طول السنه وما يقدر يشتري كيلو الخضرا الا بطلوع الروح ونحنا البلد المعروف بانتاجو للخضرا صرنا نشتهي كيلو البندورة مو معقول هادالوضع . صرنا من الناس المحتاجين للاعانات لو سمحتو فكرو بالبلد منيح وفكرو بالشعب الفقير
سوريا
محمد2010-10-15 14:31:22
الاسعار و الرواتب
طيب شي بالمنطق : لو قارنا الاسعار لدينا مع الرواتب بجارتنا تركيا مثلا و موظف خريج جامعي : كم كيلو غرام من لحم الغنم بيستطيع السوري يشتري و شقد التركي ؟ اذا منا نحسبها هيك منعرف بالدقة طيب بلاها هي : انا اذا حبيت اشتري بيت ملك بمنطقة صالحة للسكن الآدمي ( مو منطقة مخالفات ) كم راتب بدي يعني كم سنة و كم سنة هو بدو يعني التركي ؟ هيك منحسبها صح و احسن من مقارنة البندورة لان انا بحسن اشتري الكيلو حاليا ب 50 و التركي بيحسن يشتريها ب 50 و نصف على ما اظن
-سوريا
زيادة الرواتب كارثة في سورية2010-10-15 14:31:00
زيادة رواتب= غلاء أكثر
الإبقاء على نفس الرواتب أرحم في سورية من الغلاء المرافق لزيادة الرواتب
-سوريا
مشان الله لا تزيدوا الرواتب2010-10-15 14:20:06
لا تزيدوا الرواتب $$$$$$$
المشكلة عند زيادة الرواتب يرتفع كل شيء ويزداد سعره. وأي شخص ليحسب بالورقة والقلم غلاء المعيشة عند كل زيادة سيجد أن الديون زادت عليه. بمعنى آخر اذا كان راتبي خمسة آلاف وأنفق شهريا خمسة آلاف أفضل من أن يكون راتبي 20000 وأنفق شهريا 100000....افهموها راتب أكبر يعني دين وغلاء أكبر...زيادة الرواتب في سورية جريمة كبرى 
-سوريا
اي عصر--2010-10-15 14:25:55
تغيرات العصر دون تغيرات الاشخاص و----
هل متطلبات العصر تقضي التخلي عن المكاسب الاشتراكية وبيع المعامل وشركات القطاع العام مع عمالها بحجة ضمنان حقوق العمال وزيادة الدخل القومي هل تسريح العمال التعسفي وفق قانون العمل الجديد هو ضمان لحقوق ومكاسب العمال اليس مشاركة العمال في مجلس الادارة واخذ نسبة من الارباح تتناسب مع زيادة الانتاج خير للمعمل والعمال اليس افضل للعمال عدم تسريحهم بدون معرفة الاسباب ماعلاقة حماية العمال من الظلم والقهر بتغيرات العصر.
-سوريا
الى وزير الاعلام2010-10-15 13:54:45
يا حكومة مكتب اعلامي خاص للتصرحات والانجازات الح
نحن نطلب من الحكومة وجود مكتب اعلامي من اجل عدم تضارب تصريحات وانجازات المسئولين وكذلك عدم تدخل الاعلام وسوء الفهم يعني مثل البيت الابيض شخص واحد يتعامل مع الاعلام ياريت ياحكومة لو السيد وزير الاعلام هو الذي يحق له اعطاء التصريحات عن انجازات الحكومة والخطط الخمسية وزيادة الرواتب وقانون الاحزاب ووو حفظا على المصداقية والاختاصية وسوء الفهم
-سوريا
Bashar2010-10-15 12:49:18
لاااااا
يبدو ان السيد المسؤول لا يعيش في هذا البلد او لا يعرف ما هي الاسعار في سوريا اليوم فالحقيقة ان اسعار المواد الغذائية في سوريا اغلى من اوربا وامريكا وانا اطلب من جهة مستقلة عمل بحث حول الموضوع لاني رايت هذا واضحا خاصة خلال السنتين الماضيتين وربما لا يعرف ان رواتب الدول المجاورة عشرة اضعاف الرواتب عندنا والله انا في العادة ان لااحب التعليق ولكن كلام السيد المسؤول مع احترامي له مستفز*
إسبانيا
عصام 2010-10-15 12:59:48
يارب
على كل حال أنا شخصيا مصدق هالتصريح , لكن أتمنى وأدعو الله رب العزة أن تعود لتعيش على هذا الراتب وحينها لا نعرف هل سنسمع استغاثة أم تصريح ! لأنو بصراحة الحكي سهل !!!
-سوريا
yaser2010-10-15 11:29:40
لا حول ولا قوة الا بالله
يا جماعة الخير شو بينقصنا لو كانت الدولة مأمنة لكل الشعب أبسط حقوقنانحنا ما جبرنا على الغربة الا قسوة الحياة بالبلد بالامارات لما بيخلق الولد بيكون مأمنتلو الدولة حياتو دراسة وزواج بيت ليعيش فيه من شان ما يعيش مع أهلو الأسعار هون متل سوريا ويمكن بسوريا أغلى من هون بس الرواتب هون بالامارات بتساعد اما بسوريا بتخنق أختنقنا من الغربة
الإمارات
واحد معصور2010-10-15 10:03:21
ليس انحرافاً نحو الرأسمالية بل هو تماشياً مع متطل
والله ما فهمت شي....أنو عصر ...يمكن قصده العصر من العصير ... على كل حال من كثر ما انعصرنا ما بقي شي ينعصر...وما بقي عصر أكتر من هيك
-سوريا
م-عامر2010-10-15 09:23:05
لفت نظر
السادة المسؤولين هناك عدة نقاط يجب لحظها: 1- الترفيعة الدورية لاعلاقة لها بالزيادة المأمولة ، وهي لم تدخل سابقاً في الحساب خلال هذه الخطة ، وإدخالها اليوم تهرب من المسؤولية . 2- الرواتب في البلاد المجاورة أعلى من (5-10 )مرات من رواتبنا،ولامانع من وضع أمثلة . 3- أسعار العقارات هي الأعلى في العالم. 4- أسعار الكثير والكثير جداً من المواد أغلى عندنا ، وإلا فكيف تنافس المنتجات المستوردة بضاعتنا المحلية .
-سوريا
samer USA2010-10-15 06:50:20
mahmom
ياجماعة الخير انا عايش بامريكا بولاية تكساس وانا هون جديد بداعي الزواج صدقوني الاسعار تقريبا مثل سوريا وفي شغلات اغلة شوي وفي ارخص وخاصة المواد الاساسية سكر رز زيت واجبان ولحم وفروج اااااالخ حتى البنزين والله ارخص بس المشكلة بسوريا نستلم الراتب باليرة السورية ونشتري بالدولار بينما بامريكا تستلم دولار بتصرف بالدولار تصورا كيس الاسمنت هون ارخص من سعره بسوريا ليش مش عارف مهو تراب من هالارض مش اختراع ااااه مش عارف شو بدي اقول اكتر من هيك بس بالفعل الي استحو ماتوا
-الولايات المتحدة
أبــو شملــة2010-10-15 04:20:10
لا حول لا قوة الا بالله
قال الاسعار ب سوريا ارخص ب 3 مرات عن الدول المجاورة عطيني سعلة ب سوريا ارخص من مجاوراتها شو عزت انا رح قلك المواطن ب سوريا هوي الوحيد الارخص بقارنته مع الدول المجاورة لك خلاص بقا والله حراام والله حرااام بيرفعو الرواتب من هوون وبتغلى الاسعاار وبتصير نااار من هوون ومابترح غير عالمعتر يلي مانو موظف لانو الموظف عم يرفعولو راتبو وعم يغلو الاسعار يعني ما فرقت عندو لانو هيك هيك اول خمس ايام بيطير الراتب اما هالمعتر يلي مانو موظف شو بدو يسوي بحالو دخيلكن بلا زيادة رواتب دخيلكن بلاهاهالزيادة
-سوريا
موظف مؤقت مضى عليه سبعة سنوات 2010-10-15 01:26:37
رجاء
يرجى من السادة المسؤولين اخذ طلبنا بعين العطف لاننا مللنا ابتزاز مدرائنا لنا سواء كنا جامعيين او حتى عمال نظافة و سائقين
-سوريا
من هالبلد2010-10-15 00:04:09
مو عيب
تصور على هالانجاز : " لخطة الخمسية العاشرة بما يخص زيادة الأجور والرواتب نفذت بالكامل باستثناء 35% منها 18 % ترفيعة وبقي 17 % قد تحقق في حال كانت موازنة الدولة جاهزة لذلك" يعني 35% نسبة صغيرة ؟ تقريبا النصف منيح ما قال تنفذت بالكامل ياستثناء 90%
-سوريا
ابن البلد2010-10-14 22:37:32
شكر من مدينة القامشلي
نشكر لكم جهودكم لتطوير محافظة الحسكة
سوريا
سوري مغترب الى اشعار اخر2010-10-14 22:13:33
كل شي ارخص هون
انا عايش باميركا كيلو لحم البقر عنا ب 200 ل.س 4 دولار يعني مع انو الموظف هون بياخدلو شي 2000 دولار اقل شي التياب والسيارات وحتى البنزين ارخص والبيوت ارخص وكل شي ارخص سوريا من اغلى دول العالم فحاج تضحكو علينا بقى
-سوريا
أبو هاشم2010-10-14 22:05:07
18%
السادة المسؤولين ، إن اعتباركم الزيادة 18% الدورية والتي تمت هي عبارة عن تهرب من طرفكم من الزيادة الفعلية والتي وعدتم بها وهي 100% فالزيادة الدورية موجودة في كل الأنظمة الوظيفية ، وقولنا الزيادة ستكون 100% أي أن الخريج كان سابقا يفبض 10000 سوف يقبضها الآن 20000 وليس 18200
سوريا
طبيب2010-10-14 21:49:23
شو هالحكي
يعني تركو الدنيا كلها ولحقوا الأطباء إذا الدكتور ما لازم يعيش متل الخلق والعالم بعد ما قضى أكتر من 12 سنة دراسة فمين اللي لازم يعيش يعني لازم كل طبقات الشعب تشحد؟؟؟؟ وبس المسؤولين يعيشو برفاهية مفرطة....... والله شي غريب
-سوريا
أبو شلاش2010-10-14 21:35:02
سيريا نيوز
أنامافهمت شو يعني 18% ترفيعة حدا يفهمني
سوريا
باسل2010-10-14 21:15:43
ترفيعه
ماعلاقةالترفيعات بزيادة الرواتب
-سوريا
حسان البرجق2010-10-14 21:00:40
هل الرواتب في سوريا كدول الجوار
في الحقيقة معدل دخل الفرد في سوريا أقل بسبع حتى العشر مرات منه في سوريا عن دول الجوار وعندما تريدون ذكر أسعار السلع في دول الجوار إذكروا لنا رواتبهم لنتمكن من المقارنة الصحيحة، وهناك ملاحظة أخرى عن ال35% حيث قسمت إلى 18% ترفيعات لايستفيد منها المتقاعدون وهل يعني بأن الزيادات الناتجة عن ترفيعات الموظفين منذ تعيينهم حتى الآن كانت ضمن الخطة الخمسية العاشرة أعتقد أنه أسلوب للتهرب من الزيادة المخططة وللقول بأن الزيادة المخططة نفذت بالكامل وأماال17% المتبقية فالغلاء الحاصل يجعلها غير كافية
سوريا
انا سوري2010-10-14 19:41:11
أوفوا بالعهود
ذكرتوني بنكتة الأب يلي بيقلوا لابنو ليش العشر ليرات؟ حاجتك خمسة،*
-سوريا
زيد2010-10-14 19:35:17
عيب
* قال الاسعار بالدول المجاورة قال وماذا عن رواتب الدول المجاورة
سوريا
خضر2010-10-14 19:16:58
ماذا يعني قد تحقق ؟
على أساس خطة خمسية عاشرة و زيادة 100 % فماذا تعني كلمة قد تحقق ؟
-سوريا
ابو زين2010-10-14 18:57:44
شو هالحكي
*شلون الاسعار اكتر من الدول التانية المجاورة ب 3 مرات طب شوف الراتب هناك اكيد اكتر ب 10 مرات انا اسكن في فرنسا واقسم بالله الاسعار ارخص من سوريا بكتير مع انو الراتب هون اكتر من راتب سوريا بحوالي 10 مرات فعلى مين عم تضحكوا
-فرنسا