syria-news.com
syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
المساهمات في هذا الباب لاتعبر بالضرورة عن رأي المركز
الفتاة العادية و الغير عادية بمجتمعنا .. بقلم منار
مساهمات القراء

منذ عدة أيام و بينما كنت أستعرض بعض محطات التلفاز لأنتقي منها ما قد يغريني بالمتابعة ... استوقفت عند قناة فضائية

سورية من الجيل الحديث .. أي غير حكومية ..


وقد لفتني وجود مجموعة من عدة شباب و صبية في استديو متواضع هو أقرب لأن يكون غرفة جلوس من أن يكون استديو لبرنامج بحد ذاته ... فتفاءلت بأن يكون الموضوع هام و يناقش شيء يخص جيل الشباب أو على الأقل يستعرض هم من همومهم .. علم من علومهم .. أو موهبة من مواهبهم ...

فتسمرت باهتمام لأرى ماذا لدى شباب الوطن ليقولوا على فضائية تتابع في عدد من البلدان و من كثير من المشاهدين ...

المفاجأة أو الصدمة كانت أن النقاش يدور حول " ما هي العبارات المستخدمة من قبل الشباب في معاكسة البنات "

نعم ... هذا هو الموضوع المهم الذي كانت تتم مناقشته !! و كان هناك شاب يتحفنا ويستعرض خبراته أمامنا بكيفية انتقاؤه للمعاكسة حسب صفات البنات و أشكالهن !!

أما ما مناسبة عنوان المقال ، فهي أن المذيعة الصبية استفسرت" هل تعاكس البنت المحجبة مثل البنت العادية " ؟؟

الحقيقة أني لم أهتم بسماع الجواب الفذ ... بل توقفت مطولا عند كلمة بنت عادية .. و قلت لنفسي أنني و لسنين طويلة كنت أعتبر نفسي فتاة عادية و لست من فئة خاصة ، و أن أمي و جارتي و العديد من صديقاتي هن أيضا نساء و بنات عاديات و لا يعاني أي منا من عقدة أو مرض أو تناذر يصنفنا مع فئة نادرة أو غير عادية ...

 وكنت أعتقد أن هذا المفهوم قد يكون سائدا فقط في الدول التي لا يعتبر فيها ارتداء الحجاب أمرا شائعا ..

أما أن يكون هذا تفكير فئة من شباب و بنات الوطن .. فهذا ما اعتبرته صدمة , فاقت صدمتي في الفكرة السطحية التي تناقشها الحلقة .. و اعتبرته

تفكير غير عادي نعم .. هناك محطات جيدة و برامج هادفة ، و لكن أتمنى أن تتطور محطاتنا الفضائية بشكل جاد و حيوي أكثر .. و أن يكون التطور و الإبداع في برامج  مهمة و جذابة للمشاهد .. بعيدة عن الرتابة و الروتين .. و مترفعة عن السخف و السطحية .. فكم من برنامج _ ناطق بالانجليزية قادم من بلاد العم سام_ استطاع أن يجذبنا و يحصل على اهتمامنا و متابعتنا رغم اختلاف الثقافة و اللغة و البيئة ... و الأمثلة كثيرة و معروفة للجميع و لا داعي لذكرها ...

الإعلام والإعلام فقط هو سلاح هذا العصر ... و به نستطيع أن نصل للعالم بأسره لنريهم من نحن بحق .. لا أن نستعرض أمامهم كيف نعاكس البنات !!!

و لا أن نريهم ماهي نظرتنا للفتاة المحجبة .. و المفارقة أننا نطالبهم باحترام و تقبل الآخر مهما كان دينه أو عرقه أو شكله .. و نطالب دائما بأن يكون الجميع عادي  .

لذا فإن إعلامنا و القائمين عليه يحملون رسالة غالية و هي كيفية تمثيلنا في الخارج ... نرجو أن يكونوا على قدر هذه المسؤولية ..

مع تحياتي


2010-09-28 00:35:21
شاركنا على مواقع التواصل الاجتماعي:



شارك بالتعليق
ميلا2012-03-28 09:45:44
الي كاتبة المقال
ببساطة لازم نتخلص من فكرة اللباس لتقييم الاشخاص...يعني الفتاة هي نفسها اذا ولدت عن عائلة ملتزمة رح تتحجب و اذا ولدت عند عائلة اخرى ما بتتحجب ... نحنا ما منختار وين منولد و لا شو هيي عيلتنا و رغم هاد نحنا بالبلاد العربية متفوقين في الحس بالفوقية و قتل الاخر بناء على انتماؤه ..اذا زعلانة من التصنيف الغلط ..فغيرك مقهور من القتل الطائفي و السب العلني ..اصفني شوي بكلامي و فكري فيه بتعرفي نحنا عنجد لوين وصلنا ..و الله يحمي سوريا
-سوريا
sam2011-01-21 15:35:28
الى حساااااااااااااان
يا سيد حسان لا تنسى انو في كتير محجبات يستتروا وراء الحجاب حتى انهن اساو للحجاب. والشب يلي بدو يدور عالبنت المحجبة لانو بيكون مريض نفسي . بيتزعرن مع البنت يلي مو محجبة وبدو يتجوز محجبة . بس الله رح يطلعلو اياها ببناتو تأكد. ورح ياكل كم من الزوجة المحجبة يلي رح يتجوزها ........
-سوريا
ريري2010-10-10 14:38:59
القاهره
اشكركم علي هذا الكلام الحقيقي الجميل فعلا كل حاجه ف حياتنا دلوقتي بقت سطحيه وتافهه وكلامك فلا صح جدا
سوريا
مستفسرة2010-09-29 15:52:16
إلى علماني
وهنا تضعني كذلك ضمن إطار تخترعه أنت وصدقا لا فرق بين كلامك وكلام عبودي الذي ذكرته بالمعنى والقيمة فكليكما يشط في الأحكام والنظرة على طريقته والأثر ذاته لكلاميكما من حيث السلبية كيف تحكم على إيماني وبما أؤمن أيها (العلماني)؟ هل هذه هي العلمانية التي تدعي الاتصاف بها؟ وهل بحق القول الذي استشهد فيه عبودي يحمل المعنى الذي تحدث عنه في تعليقه؟ إن كان عبودي لا يفقه معنى القوامة فليس الذنب على الدين كما انه ليس ذنب العلمانية أنك تدعيها وجوابي لسؤالك: لا ارضى وديني يا سيد لا ينادي بهذا أبدا
-سوريا
مستفسرة2010-09-29 15:41:53
إلى علماني
الأحكام المسبقة اللي يحملها كلامك فيها إلغاء غير محترِم لي ك(آخر) وإغلاق لمجال المناقشة ومادام كلماتك وتفكيرك هكذا فاكيد لن يكون هناك نقاش فأنت تسأل السؤال وتجيب عنه وتؤكد على الإجابة فاي منطق وعلمانية في حوارك ونقاشك؟ من ادراك ما املك من رد على الحجاب أو عدم فرضه وما رأيي حول الموضوع؟ فقط كوني عارضتك بتوجهك الأحادي التفكير؟ صدقني تعليقيك الآن يؤكدان فقدانك للعلمانية كمبدا حقيقي ويؤكدان أيضا إنك تحفظ كم جملة وتكررها حول موضوع الحجاب والدين وهذا واضح بالكلام عن العورات الذي أسمعه أول مرة بحياتي
-سوريا
سحر2010-09-29 14:37:59
الى عبودي
يا اخ عبودي الاية التي ذكرتها تدل على القوامة الرجل على المراة في ان يرعاها ويؤمن لها العيش الكريم ولا تدل على التحكم والسيطرة والقهر ارجو ان تطلع على معاني الايات جيدا قبل الخوض فيها وغريب انك لم تسمع بنساء حكمن ويحكمن كامثال المستشارة الالمانية ميركل واغلبية الحكومة السوسرية هن من النساء ناهيك عن ملكات مثل زنوبيا و شجرة الدر والكثير غيرهن ارجو ايضا الاطلاع على العالم المحيط بك قبل الخوض في موضوع لا تفقه فيه شيئا
-سوريا
مي2010-09-29 08:45:59
الى علماني
سيدي الكريم , ليست المرأة هي من تعتبر نفسها عورة فالحجاب فرض من الله تعالى ولا يمكن للانسان العيش كما تأمره نفسه وانما كما يامره الله لأن نفسه لا تمتلك القدرة لفعل شيء بهذا الكون ولا أعلم ما علاقة كون المرأة أم وزوجة وأخت بالحجاب ما دخل مظهرها ان أدت واجباتها كاملة , مظهرها حسابه عند الله .. شكرا
-سوريا
علماني2010-09-29 01:49:33
إلى مستفسرة
أرجو أن تقرأي تعليق عبودي لتعرفي نظرة الرجل الذي يؤمن بما تؤمنين إلى المرأة، وأتمنى أن تجيبي هل ترضين أن تكوني هكذا؟ وهذه ليست أفكاره الشخصية إنما استشهد بقول، فهل عرفتِ الآن لماذا المرأة المحجبة غير عادية؟
-سوريا
علماني2010-09-29 00:41:18
إلى مستفسرة
أعرف بأنه لا يوجد لديك الردّ المنطقي على موضوع الحجاب، أنا لا أطلب أن تتعرى المرأة، كل ما أتمناه أن يكون للمرأة كيانها وقيمتها وحقوقها وحريتها كإنسانة، ويبدو أنك مقتنعة بالقول "إن للمرأة عشر عورات فإذا تزوجت ستر الزوج عورة واحدة فإذا ماتت ستر القبر العشر عورات" ، فلا مجال للمناقشة
-سوريا
ابن البلد 2010-09-29 01:13:23
غير المحجبات
سؤال لكل من يتضايق من الحديث عن الحجاب، من فترة كان في إعلان عالتلفزيون السوري عميصور بنت انها بغابة وكل الوحوش عمتنهش فيها وبس تخجبت صارت بمكان امين و رائع ـ سورية بلد فيها من كل الطوائف و ومتعايشين و مأاخلانا ليش لنقول انو البنت المو محجبة ما منيحا وبس تتحجب بتصير ملاك ، ليش؟؟ وعلى التلفزيون الرسمي كمان؟؟ و هلق كلما حدا جاب سيرة الحجاب ميت واحد بصير يكفرو، ؟؟
-سوريا
منار2010-09-28 23:04:28
رد إلى علماني (مع إنه الحجاب ماكان موضوعي الرئيسي)
أنا برأيي إنه لما بيكون عندك شي غالي و ثمين فبتحرص عليه و بتخبيه و مابتعرضه للعلن و لأي حدا. الحجاب بالنسبة إلي هو تكريم للمرأة لأنه بيبعد عنها الكتير من النظرات الرخيصة اللي بتنظرلها كجسد فقط .. و إلا ليش كل هالاهتمام برؤية جسد و شعر المرأة ؟؟ طالما بنظر كل الناس الحضاريين المرأة هي كيان و عقل و شخصية و فكر .. فليش الاهتمام برؤية جسدها و شو لبسها؟؟ يعني فيني شبهلك القصة مثلا بحبة اللؤلؤ اللي مخباية بغطاء محكم لتضل بعيدة عن أي شي يجرحها و يلوثها .. و هيك المرأة غالية و ثمينة و قيمتها كبيرة .
-الإمارات
منار2010-09-28 22:55:00
شكرا للجميع
بتشكركن جميعا على تعليقاتكم ... و شكر خاص للتعليقات الإيجابية و بيسعدني إني ممكن كون عبرت عن شي حدا غيري عم يحس فيه :) بس حابة وضح شي للبعض من الأخوة .. أنا ماعم طالب بإعلام ديني حصرا, أنا عم طالب بإعلام هادف و راقي و مسلي و مفيد بنفس الوقت و بعتقد هالشي من حقنا كمشاهدين كلنا على فضائياتنا العزيزة. و عم طالب بنظرة مساوية للجميع بمجتمعنا بغض النظر عن الدين و طريقة اللبس. شكرا مرة تانية للكل
-الإمارات
قمر الليل2010-09-28 21:41:54
لكل جواد كبوة
مع احترامي للقناة اللي عرضت البرنامج، لكنها كانت غير موفقة من حيث الموضوع لأنه سخيف جداً وتافه، وكان من الممكن مناقشة مواضيع تخص حياة الشباب ومستقبلهم ومشاكلهم وتستضيف من يجيب على أسئلتهم. لذلك و بمنتهى البساطة قلبت المحطة لأني ما قدرت كمل البرنامج. القناة حلوة وكتير بحب شوفها بس ياريت القائمين عليها دائماً يحسنو اختيار البرامج ومقدميها. وشكراً.
-سوريا
رانيا2010-09-28 20:13:51
شكرا للكاتبة
بالفعل من الفراغ والتفاهة اللي عنا بالبلد و صايرة كتيري ماعاد لئواعناعالتلفزة الامواضيع سخيفي ليش لانوماحدن قاعدبمحله الاصلي فلوكان المعد او المذيع اختصاصه هالشغلي الي عم يشتغلا صدقوني حتكون البرامج اكترنفعا واكتر مشاهدة وبعدين الحجاب وجوده اوعدمه لايؤثرعلى اخلاق البنت اذاكانت وؤدبة فهي كزلك مع اوبدون ونحمد الله على نعمة الاسلام
-سوريا
هبوشة2010-09-28 18:44:45
المحجبة غير شكل
على فكرة نحن بنسمع الحكي يلي بيطلع ببرامج اسخف من السخيفة ومنعصب ومننزعج بس لو فكرنا شوي لحتى لقينا انو هالشي كلو مالو طعمة لانو لو البنت مقتنعة بالحجاب ما بيهما شو ما عم يقولو عنا عادية او غير عادية وانا بنت محجبة ولقيت انو الشباب بيحترمو البنت المحجبة اكتر من البنت يلي مو محجبة
سوريا
مستفسرة2010-09-28 18:29:16
إلى علماني
وماذا برأيك تصنف المرأة المتعرية (لا أعني الغير محجبة فقط) نفسها؟ لعبة بأيدي تجار الموضة؟ أو تجار الجنس والرقيق الأبيض؟ أو تجار الأفلام والإعلانات؟ أو الشباب والرجال الراغبين بإشباع الرغبات الجنسية والشهوات وتمتيع النظير ببلاش؟ أو مدعين التحرر الذين يخرجون هم بلباس محتشم بينما تكون المرأة إلى جانبهم نصف عارية بدعوى الجمال والأناقة والحضارة والتحرر؟ ابتعد أنت وغيرك عنا واتركونا لنكون بخير تحجبنا أ, لم نتحجب هذه امور تخصنا والأفضل تنشغل بشي مفيد كأن تتعلم كيف تكون علماني حقيقي مثلا
-سوريا
ندى وهبة2010-09-28 17:04:13
بأيد أقوالك2
بتمنى من الاخوة المشاركين انهم يفكروا مزبوط ئبل ما يحطو تعليقاتهم لانو في تعليقات مالها علاقة بالعقل البشري و لابالدين حتى بالنسبة للي عم يستشهدوا بآيات قرأنية
-سوريا
ندى وهبة2010-09-28 17:01:59
بأيد أقوالك
مزبوط كلشي ئلتيه اختي الكريمة نحنا بقنواتنا ماعاد عنا الا الاشيا السخيفة نحكي فيها اشتهيت شي مرة برنامج مفيد بدون سخافة بشكرك مرة تانية
-سوريا
عبودي2010-09-28 16:18:20
هههههههههههههههههههههه
قال تعالى :(الرجال قوامون على النساء) لك هاد الناقص انو المرا تحكم الرجال لك مو عيب اي المراة على عيني وراسي والها حقوق متل الشب بس انو تحكم فهاد مستحيل تخيلو انو مراة تحكم بلد لك المراة ما عم تقدر تحكم بيت لتحم بلد وبعدين في مقولة انا بتعجبني كتير وهيي : خااااااااااائنات ولو عبدوك
-سوريا
مغترب2010-09-28 15:44:15
معك حق
البرامج الحواريه السوريه وخاصه في القنوات الخاصه فاضيه ولاحد من الجمهور العربي يتابعها... واذا ما تابعها صدفه فسرعان ما يغير المحطه ولو الى كراميش الاطفال ؟؟؟؟
-سوريا
نور2010-09-28 15:16:47
كأنك بقلبي
والله مشكورة والف شكرا انا نفس النقطة لفتت انتباهي انو البنت المحجبة صارت مو عادية او من كوكب تاني يعني ليش محملينها كتير للقصة البنت المحجبة متلها متل غيرهابس هي نتيجة التحرر بالمسلسلات
-سوريا
مي2010-09-28 15:06:36
الى الأخ ibrahim
مع احترامي لك ولكنك لوفكرت قليلا ما الذي دفعها لفعل ذلك لعرفت أن الله حرم المصافحة ما بين الذكروالأنثى ولكن فئة كبيرة من الناس يتجاهلون أمر الله كما يتجاهلون الكثير فاعذرها لأنها التزمت بما أمرها الله به وليس لتقصد احراجك وأنا أعرف الكثير من غير المحجبات لا يصافحون لاعتبارهم المصافحة ملامسة خاطئة وليست حقا لرجل أجنبي , أرجوك لا تهين الحجاب والمحجبات .. شكرا لك
-سوريا
علماني2010-09-28 14:39:05
إلى الكاتبة
نعم أيتها الكاتبة، الفتاة المحجبة غير عادية، وهي تهين نفسها لأنها تعتبر نفسها عورة يجب تغطيتها، ولا تدري بأن المرأة هي أم وأخت وزوجة، والتي تتحجب ترضى بأن يقال عنها ناقصة عقل ودين، وووو، فهل عرفت الآن لماذا المحجبة فتاة غير عادية؟
-سوريا
سامح2010-09-28 14:28:05
خلينا ما نظلم المذيعة
هلا المذيعة بما أنها غير محجبة، فرح تعتبر حالها "عادية" .. فلو كانت المذيعة محجبة لقالت على الفتاة المحجبة "عادية" وميزتها عن غير المحجبة، ونحن منعرف كيف البنات المحجبات بهاجموا غير المحجبات وبعتبروهم "سفيهات" ... ما عم عمم بس أغلب المحجبات بتهجموا بشكل وقح على غير المحجبات، ومشان الموضوع الهادف يلي عم يحكوا عنه بالبرنامج .. المعلقين قبلي كفوا ووفوا .. 
سوريا
ibrahim2010-09-28 13:39:57
اعذريني على جرأتي
كنت اعتبر الفتاة المحجبة دائما عادية حتى في أحد الأيام التقيت بصديقة محجبة لم أرها منذ سنتين فاندفعت باتجاهها بعفوية مادا يدي للمصافحة ,, لكنها رفضت أن تصافح بابتسامة مصطنعة جعلتني أحس أنني ذكر قذر أو شئ منكر .. أو شئ وسخ لا يجب لمسه... في ذلك الوقت أدركت أن الفتاة المحجبة هي فتاة ليست عادية بل إنسانة مليئة بالعقد,, مع احترامي لمشاعرك
-سوريا
اكرم2010-09-28 13:39:27
لك بكفيكون
لسا بس بدكون شي ديني و بس تعصب و حجاب الناس وصلت على المريخ و انتو لسا بالحجاب لك الحجاب سار ظاهرة غير حضارية ابدا بس كيف بدكون تتخلفو اكتر بهل طرق و كيف الرجل بدو يسيطر على المرأة كمان بهل طرق و بالدين ما عرف طريقة احسن لاني بقا شوي تعقلو لاني سار موضوعكون متخلف
-سوريا
مواطن2010-09-28 13:22:21
إلى ابو فادي
السيد الفاضل لم يظهر ابدا من حديث مقدمة المقال اي ذكر للبرامج الاسلامية أو التعصب الديني، ومع علمي بأن مضمون حديثك يهاجم فكر الحجاب بشكل عام ولكن لم يتطرق أحد لهذا الموضوع. الموضوع ببساطة إذا لم تكن مقتنعا بوجهة نظر الآخرين، فلا تعتنقها ولكن كن واقعيا ولا تهاجمها. لأنك بهذا تلغي حق الآخر في حريته الخاصة. انا لا انتقد غير المحجبات ولكنني ايضا لا انتقد المحجبات بوصفهن (غير عاديين). كما أن للمذيعين اخلاق مهنية عليهم الالتزام بها واهمها الحيادية في الرأي حتى تكون المعلومة دقيقة وغير مجروحة المصدر.
-سوريا
ميساء2010-09-28 13:28:53
لا للحجاب
و لا لطغيان الرجل على حياتنا
-سوريا
مي2010-09-28 12:37:11
......
أخت منار .. بظن أنها كانت زلة لسان متل ما ذكر أحد المعلقين يعني المذيعة كانت حتقول بنت سبور فقالت عادية .. بس بشكل عام هالزلة سببا أنو كل انسان بيشوف مجتمعو طبيعي وعادي وأي حدا مخالف اله هو مو عادي لأنو مغاير اله , فالفتاة الغير محجبة حتعتبر البنات الغير محجبات هنن العاديات بالنسبة الها لأنها نشأت على هالشي والمحجبة كذلك ..
-سوريا
ابو فادي2010-09-28 12:35:00
تتمة
و تطالبون ببرامج اسلامية لانها بنظركم هي الهادفة -- و قد نسيتم اهم موضوع و هو الانسان و حياته اليومية و نظرتم الى الامور بتعصب ديني ليس اكثر و ان كنت تريدون هذا التوجه فبامكانكم مشاهدة محطات اسلامية التي تشجع على الحجاب و طاعت المرأة لزوجها فقط و نسيان العالم كله من اجل رجل واحد نعرف جميعا ما انطباعه عن المرأة و عن الحياة بمجملها اطلب منكم التعقل قليلا و النظر للموضوع بنظرة عقلانية اكثر و لا نترك التعصب يطغي على كل حياتنا و دمتم بود
-سوريا
رامي2010-09-28 12:22:09
برنامج سخيف
أنا كنت عم قلب بالقنوات و طلعلي هاد البرنامج، بالفعل برنامج سخيف و سخيف جدا، حتى انو كان عم يعلم و يشجع على معاكسة البنات و التفنن بالتلطيش، برنامج فارغ و دون، و بجسد السطحية و الفقر يلي بيتمتع فيها نسية كبيرة من شباب هالعصر، بدل ما نكرس الأدب و الأخلاق عم نكرس قلة الأدب و الانحطاط و عم نشجع هالجيل على انو يكون تافه و سطحي...منتمنى انو يكون في مراقبة على هالبرامج حتى نرفع سوية الشباب الأخلاقية و الاجتماعية و العلمية وما نخلي هيك نماذج من الشباب الفارغين يصيرو قدوة لغيرهم...
-سوريا
ابو فادي2010-09-28 12:29:57
كونو واقعين
ايها الاخوة الاحباء قرأت المقال و التعليقات على ما يبدو بان الكاتبة تنقد و لم اعرف لماذا و بعض الاخوة المعلقين ايضا يشدون على يدها و ينقدون جميع المحطات السورين مع انها هي افضل المحطات العربية و بل من الاجنبية ايضا و المسلسلات السورية قد اثبتت و حققت نسبة مشاهدة عالية جدا على المستوى العربي و هناك مسلسل ترجم الى اللغة الفارسية ايضا و ان كنتم من مشاهدين هذه المحطات اعتقد بانكم ستعجبو ببرامجها ايضا من صباح الخير الى اخر المساء -- و الذي لاحظته انكم تطلبون توجه اسلامي لا اكثر يتبع
-سوريا
حسان2010-09-28 12:20:57
ولايهمك ابدا!
هؤلاءنتيجةلحشوعقولهم عبرعشرات السنين بمصطلحات فارغةعن العلمانيةوالتقدم والرقي والتخلف والمجتمع المكبوت والمغلق والذكوروالفكرالظلامي والنيرالخ..الخ../طبعا وكل مصطلح سلبي من التي عددتها يلصقونها بالاسلام والدين والمتدينين.وكل همهم هو هدم المجتمع المحافظ ونشرالفوضى والعهر والانفلات الجنسي تحت اسم الحرية!اختي الكريمة:المحجبة درة مصونة وتعبرعن حدمن الالتزام.ويكفيكي ان الشباب بشكل عام عندماتدق ساعةالحقيقةويشغلواعقولهم بعيداعن اهوائهم ويريدون الزواج يبحثون عن المتحجبة.أليس لهذادلالةكبيرةوكافية؟
-سوريا
fatima2010-09-28 11:34:43
عادي
طيب يا منار ومتل مابتعرفي دوما و بكل شي في عادي و في أدنى من العادي و في أكثر من العادي.. وأنا برأئي الفتاة المحجبة و التي استطاعت أن تحافظ على دينها وعلمها وبنفس الوقت تجدينها فاعلة ومؤثرة في محيطها ومجتمعها هي شيء غير عادي و أكثر من العادي في هذا الزمن غير العادي.. فلا تعصبي يامنار لأنه صارت هيك اشياء كتير عادي و أقل من العادي.
-سوريا
حلبي متطور2010-09-28 11:24:44
الى من لا يعجبه الاعلام السوري
طفي التلفزيون او اقلبو على برامج العم سام متل ما معجبة هل اخت المحجبة بهديك البرامج بقا بكفيكون لهون و احسن فضائيات هي السورية بس انتو مبين حابين تعيشو عصر طالبان في افغانستان و الي بدو يحجب حريمو كلون و على فكرة بالدين متل ما طبقوه طالبان الدين الحقيقي كل شي فيو حرام و الانترنيت حرام كمان لازم تبيعو الكومبيوتر كمان لاني حرام
-سوريا
امجد2010-09-28 11:13:09
ماعرفت شو بدك
بدك اعلام هادف طيب حددي اي اعلام يعني الاعلام الاسلامي هادف او شو الهادف المحجبة احسن من الغير محجبة و اذا الاعلام السوري ما عاجبك طفي التلفزيون مع انو مرة طلع برنامج هيك مانو اكتر بس مبين ظاهرة التعصب مسيطرة على اغلب الشعب السوري و سار بدكون تعيشو متل افغانستان
-سوريا
NaNa2010-09-28 10:59:16
الدنيا قناة محترمة
الدنيا محطة رائعة ومحترمة وكلنا تابعناها برمضان ورجاء حاجتكن فلسفة ونقد لمجرد النقد فقط وخليكن تابعوا قناة المجد أحسنلكن وأتركولنا محطاتنا السورية هللي منحبها
-سوريا
أبو دياب الحباب2010-09-28 10:55:12
إلى المعلق عمر
مين قلك المحطات السورية أقل المحطات مشاهدة؟؟ فقناة الأورينت مثلا حازت أكبر نسبة مشاهدة بسبب مسلسلي ماوراء الشمس وضيعة ضايعة فيرجى عدم رمي الكلام لمجرد الكلام فلسانك سيشهد عليك يوم القيامة وياجماعة هللي مو عاجبو البرنامج يغير القناة ببساطة وليش كتر الحكي الفاضي بلا طعمة؟
-سوريا
مواطن حلبي2010-09-28 10:53:40
ياجماعة ممكن زلة لسان
لاتحملوا الموضوع أكتر مابيستاهل ممكن زلة لسان .. وكمان ببساطة غيرو القناة ومافي داعي تعملوا مقالة وتعليقات عليها
-سوريا
محمد المصري2010-09-28 09:54:20
نعم صحيح
للأسف وبكل أسى تابعت10دقائق من بدايةهذاالبرنامج السخيف الذي يندى له الجبين.فعلاوة عن التحيز الذي تطالعنا به بعض القنوات الرخيصةتجاه أبسط تعاليم الدين الساميةكالحجاب مثلاً نجد أن الإفلاس الإعلامي والسفاهةأصبحتا سمةالبرامج في هذه البرامج..وبعيداً عن موضوع الفتاة المحجبة والعادية في البرنامج فإن ما يصعقنا هو تطرق البرنامج لموضوع أخلاقي مزموم وهو التلطيش والذي يجاهر به البعض ملء أفواههم.هنا نسأل أين الرقابة؟الشباب اعترفوا بخرق قانون الآداب العامةفلماذا لايتم توقيفهم وإحالتهم للقضاء
-سوريا
ZigZag2010-09-28 09:47:35
التقليد الأعمى والإسفاف
هي صفات إعلامنا المكتوب والمرئي لا تستغربي عزيزتي أن تصبحي ومن مثلك فتيات غير عاديات وتصبح غير المحجبة المحتشمة في لباسها غير عادية لتكون العادية والجميلة هي تلك الراكضة وراء الموضة بالقصير والضيق والممزق والمفتوح الصدر أو الكاشف عن الجسد اكثر مما يستر فهذا عصر هؤلاء وهم العاديات وبلادنا مثل غيرها تقلد وتسير عيونها معصوبة عمياء وراء التفاهة بدعوة التطوير لكن ولا يهمك ابقي وغيرك غير عاديات وتأكدي إنه لازال في بلادنا شباب غير عاديون كذلك يحترمون المرأة لخصالها وتفكيرها لا لما تعري وتعرض
-سوريا
بحبك يا بلدي2010-09-28 09:31:44
والله ضربت عالوتر الحساس
ما بعرف ليش النظرة النا كمحجبات و كأننا جايين من المريخ او ابعد يمكن من بلوتو؟!!مع انو انا من البنات الناجحات و الحمدلله في دراستي وعملي و على صعيد علاقاتي الشخصية واعيش حياة عادية جدا مع اني محجبة والحمد لله لكنني استغرب من نظرة الناس القاصرة مع ان الحجاب زينة وليس حجز للمرأة...كما استغرب تفاهة الشباب اليوم على الفضائيات رغم انني ومنذيومين تابعت على قناة الدنيابرنامج how its made وصعقت بمدى الدقة والجودة في الصناعات الامريكية وما وصلتني هذه الصورة الامن خلال الاعلام فلنكن نحن كذلك
-سوريا
حلبي أصيل 2010-09-28 09:09:44
تحياتي لك منار
لقد أصبتي كبد الحقيقة لقد أصبح مع الوقت كل شيء شاذ أمر عادي و أصبح كل شيء جميل أمر غير عادي فلذالك لا تتفاجئي كثيرا من هكذا عبارات تدل بالنهاية على أن أصحابها لا يملكون أي مخزون ثقافي فهم يتشدقون امامنا على شاشة التلفاز فقط لانهم يملكون واااســــطة و ليس لأنهم يحملون فكرا ورسالة ،، والأهم بالموضوع انهم يمثلون بيئتهم وليس المجتمع بأكمله و أمثالهم يقال فيهم ( كالبهائم تحمل أسفارا ) فلا عتب عليهم و لاعتب على من جعلهم يحدثوننا عبر الشاشات و لاعتب على مدراء هكذا محطات
-سوريا
محمود2010-09-28 09:05:36
عادي
لا تهتمي بما يقوله بعض الإعلاميين، فنحن في كثير من الأحيان نشاهد كيف يصورنا الإعلام بشكل سطحي وغير واقعي، وكأننا نشاهد قنوات غير سورية، ولا نشعر بأنها تمثلنا، أو تنطق باسمنا، لو كانت هالقناة بتعتبر أنو المحجبة هي عادية لشاهدتِ فيها مذيعات عاديات محجبات، لكن هن بيعتمدوا على الشكل فقط، بنصحك ما تتحسسي كتير، مع ضرورة أن نعمل جميعاً كل حسب استطاعته لكي نغير.
سوريا
elham2010-09-28 08:33:18
كلو عادي
الغير عادي هو من يقوم بتصرف غير عادي و انا فتة غير محجبةولكن الامر يتعلق بمستوى الثقافات للاسف
-سوريا
عمر 2010-09-28 08:22:10
اوافق
اوافق الاخت / منار ... مع ملاحظه ان القنوات الخاصه السوريه هي اقل القنوات متابعه على الاطلاق في الوطن العربي وذلك لضيق افق القائمين عليها ...
سوريا
أبو شــملة2010-09-28 08:15:04
ليش ابو ليلى شبوو
عم تلومي برنامج ما حدا يمكن شافو ليش ما بتلومي ابو جانتي و ابو ليلى و تلطيشاتو بدراما صرعونا فيها صرع و مفتكرينها رح تجتاح العالم العربي و الدولي بالنجاح المنقطع النظير !!!
سوريا
hazarba2010-09-28 07:46:21
هذا هو الفرق بين الإعلام العادي و الإعلام المحجب .
فالحجاب كما هو معلوم هو الستار، و الإعلام المحجب هو المستور و المحجوب عن التطور الفكري و المحاط بقوة المحسوبيات على حساب الأجدر و الأصلح ، و النقيض من ذلك بعض المحطات الخاصة من بلادي التي استطاعت أن تشكل بصمة فارقة تجذب أنظار كثير من المشاهدين في شتى أسقاع الأرض، أذكر في مقابلة تلفزيونية مصورة مع أحدهم "و كنت أحد أفراد طاقم العمل " و رداً على سؤال المذيعة قال لها أن من أهم الذين كنت على علاقة بهم هو المرحوم عبد الوهاب فاستطردت قائلة و هل لا زالت العلاقة بينكما الى الآن!!فقد تم تعيينهابالواسط
-الإمارات
لانا2010-09-28 03:53:52
أنا معك
فعلا بحس في كتير تفرقة بهالموضوع للبنت المحجبة بالدراماو بالقصص اللي بتتناولها يعني مابيعطوها حقها و صورتها الحقيقية
-الكويت
محاسب قانوني2010-09-28 02:47:21
الفشل الإعلامي
أختي الكريمة نحن لا نعاني من الغزو الإعلامي والفكري الغربي بقدر ما نعاني من الفشل الإعلامي والفكري المحلي والأدلة كثيرة على ما أقول ( المسلسلات السورية الهابطة - البرامج السخيفة والسطحية - ندوات الثرثرة والإسفاف ) و نحن ما زلنا نتدحرج باتجاه الهاوية بينما يحاول البعض إيهامنا بأننا نصعد إلى القمة والهدف من كل ذلك انتزاع تصفيق باهت ورخيص لتزيين الفشل !!! تقبلي مروري ومحبتي
-الولايات المتحدة
السيف الدمشقي2010-09-28 01:54:47
اذا ما عجبك
اذا ما عجبك اقلبي المحطة ولا تهزي بدنك,الريموت خلق لهيك شغلات,الحرية الشخصية بتعطي الحق انو نتناقش بهيك امور مهمة جدا للشباب ومالك مضطرة انو تتفرجي عليها معنا, هلا اجا الجد ...كتبتلك هيك لانو رح تلاقي مية حيعلقوا متل ما علقت اناتحت اسم الحرية الشخصية وحرية الراي و...الخ من هالكلام,بالفعل كم سنة تانية رح تصير القنوات السورية +18,رح نشوف الاخوة العلمانيين شو رايهن بالمقال يلي ما بيرضي لا دين ولا اخلاق,لا وياريت الموضوع اتناقش كمشكلة بالمجتمع ولازمهاحل متل اي برنامج محترم؟؟!!تحياتي للكاتبة
-ألمانيا
suzan2010-09-28 01:44:04
ليش مستغرب
أولا نحنا تعودنا على السخافات اللي بيحكوا فيها على القنوات هي يعني ماعاد شي مدهش تسمع موضوع تافه ثانيا الحق معهن الفتاة المحجبة فتاة غير عادية لأنها شجاعة وقوية تحدت الموضة في هذا الزمن الصعب طبعا عم بحكي عن المحجبات المحتشمات الخلوقات هنن عن جد بنات غير عاديات بل رائعات
-سوريا
//////2010-09-28 01:21:35
I will tell you why
Because we have nothing to talk about, nothing interesting at all.we only talk about cars, mobile phone, the last video clips, and how Hayfa Wahbee looked in her last song and how all the silly actresses on the TV r having plastic surguries..thats what we know.I feel sorry for this whole generation of loosers.Try to discuss any subject with western person of 20 and person with the same age from here and y ll see the difference.... 
-سوريا
ليلى2010-09-28 01:21:48
و أنا صدمني هذا البرنامج السطحي, فاسلوبه و ضيوفه و مضمونه لا يرقى بقناة مهمة كقناة الدنيا!!! بالفعل هذا البرنامج و ما يثيره هو سقطة يجب تداركها. و انا شاهدت الحلقة التي تكلم عنها كاتب المقال و كانت الطامة الكبرى ان هناك شاب كان يتشدق بغزله بأي بنت و أنه يقضي وقته بانتظار اي فتاة ليلطشها, و عندما سأله أحد : ما موقفك اذا شاهدت شباب يلطشون بنت و ضايقوها , فقال المتشدق أتدخل و أبعد الشباب عن البنت. فهل هذه البرامج تحترم عقل المشاهد ؟؟؟؟
-سوريا