syria-news.com
syria-news.comi
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
المساهمات في هذا الباب لاتعبر بالضرورة عن رأي المركز
آآآآآآآآآآآآآآه يا بلدي .. بقلم موظفة
مساهمات القراء

والله شي بحيّر كنير............

كنت طول فترة الدراسة أحلم كيف رح أتخرج وأصير أشتغل وفيد سورية على قد ما بقدر

وتحقق نص الحلم وتخرجت بس.....ما لقيت غير التخلف بوجهي.......


فبعد ما توظفت بشركة صناعية أجنبية وكنت متحمس كيف ممكن شارك بهيك صناعة يلي لساها جديدة بسورية،

ما لقيت غير الإهمال وعدم الاكتراث من الموظفين السوريين نفسهم وعلى اختلاف درجاتهم العلمية ما في شي فارق معهم! المهم يقبضو الراتب ويداوم كام ساعة ويروحوا عل البيت !!!!!!!!!

لك حتي ما كان يفرق معهم إذا كان شغلهم مانو منيح وممكن يموتو عالم كتير من وراه .......... كلو مثل بعضو!

وبلشت اكتشف شي تاني وهو الأسوأ انو هاي الشركة الأجنبية  نفسها ما كان فارق معها لا صناعة ولا غيرها وانو الشي المهم بالنسبة لإدارتها انو تعزز عقائد قديمة متخلفة وتدعم الطائفية !!!!!!!!!!!!!!

وبعد ما عارضت هي الأفكار المتخلفة بشكل صريح ............ صار وجودي بالشركة مزعج جداااا

بعد 4 سنين اشتغلت فيهم  بقلب ورب وما قبلت أي شي غلط اكتشفت بالأخير انو الشغل مانو مطلوب

 واني إذا ما كنت من المؤيدين فمالازم ارفع راسي عارض انو يتوظفو عالم ما منشان الخبرة ولا الشهادة بس منشان اعتبارات ثانية متخلفة.

 وبعد تفكير طويل لقيت انو الحل الوحيد اني احمل حالي واطفش. لا خوف ولا هرب بس حسيت اني عم ضيع مستقبلي ووقتي بهيك شغل لابيرضي الضمير ولا الله ولحتى العبد نفسو  ولا رح يطور البلد ولا شوي بالعكس رح يرجعنا شي 1400 سنة للخلف!!!!!!!!

وهلا طبعا أنا بلشت بشغل جديد وبأمل جديد بمكان ثاني بس ما بعرف كيف رح يكون... والله يستر ما التخلف يلي كان موجود بشغلي الأول يحلقنا ويحاصرنا لحتى ما يبقى إلنا مكان ببلدنا........... ونطفش على شي بلد ونموت ونحنا غريبين

أنا متأكدي انو في كنير شباب متلي كتييييييييير بحبو بلدهم بس ماعرفانين شو بدن يعملو وأنا متأكدي انو رح يجي يوم ردد فيه شعر نسيب عريضة:

عد بي إلى حمص ولو حشو الكفن

 واهتف أتيت بعاثر مردود

واجعل ضريحي من حجار سود

 


2010-09-23 10:00:31
شاركنا على مواقع التواصل الاجتماعي:



شارك بالتعليق
fatima2010-09-23 18:51:08
لا شيء يدوم تأكدي
لم تعد الآه كافيه يا عزيزتي ، الأمور زادت جدا و للأسف اصبحنا نشعر بأننا نرتكب جرما خطيرا مجرد أن نشير لبواطن الخلل، وتصبحي عدوة للجميع و يستمر الضغط على من اشار لذلك حتى يقرف و يطفش من تلقاء نفسه ويترك الساحة لهم يعيثون فسادا.. وياليتنا نعود 1400 سنة للوراء لأنه صدقيني سيكون الوضع أفضل 1400 مرة من اليوم..
-سوريا
بنت البلد2010-09-23 14:16:46
معك حق وكل الحق
كلامك صح وصح الصح..عانيت كتير من الطائفية والمحسوبيات بس صبرت كتير الله أكرمني بأروع شركة يقدرون الموظف على مستوى عقلو وحسن شغلو..لا تيأسي يا صديقتي لا يصح إلا الصحيح خلي عندك أمل..وطالما كفائتك العلمية عالية وانت على خلق فلابد ان تنتصري في معركة اثبات الوجود..متلك متل كتير من الشباب..بس في سؤال عم يراودني اذا انا عم اتذمر وانت وهو وهي وهم وكل الشعب مين المسؤول عن الخط الأعوج..مين الكذاب والمخادع والطائفي و..و..؟؟ وكل واحد خبير بنفسو الله يجمل أمورنا بالتيسير والستر..بحييك ودمت سالمة
-سوريا
ماهر نطفجي2010-09-23 14:07:31
............
هيك الدنيا مافيني قول غير هيك مقال حلو كنت متلك انا من زمااااااااان
سوريا
وطني2010-09-23 13:04:05
لتعم الفائدة
لكي يكون للمقال مصداقية وحتى ننتبه لهذه الشركة ونشاطها المضر بالوطن كان عليك ذكر اسم الشركة والكلام بوضوح أكثر خاصة وأنك قد بركت العمل في هذه الشركة
-سوريا
محمود طليميات 2010-09-23 12:30:11
شكوى من صاحب مكتب سياحي
ولك اشتهيت شي دليل سياحي تسألو اذا فاضي بشهر اكتوبر و يقلك ايه و اذا كان فاضي بيطلب 6000 و 7000 ل.س بالنهار ... ولك مشان الله هاد الدليل بيدفع شي ضريبة ؟؟؟ وشو هالمعلومات الفظيعة يلي عم يقولها للسايح هاد اذا صح ؟؟ وزارة السياحة ليش ما عم توضع حد لهالطمع و وساخة الأدلاء الى هاذا الحد أصبح أدلاؤنا استغلالييييييييييين ؟؟؟؟؟
-سوريا
محاسب قانوني2010-09-23 12:06:16
معك حق
بس أحيانا بيبدأالإحباط من الجامعة نفسها متل ما صار معي لأني شفت شغلات كتير بالجامعة والعياذ بالله وخاصة من الدكاترة الأفاضل لذلك اختصرت الطريق وقلت لحالي إذا أساتذة الجامعة اللي هنن نخبة المجتمع غالبيتهن عم يتصرفوا بهالشكل فما في داعي جرب بقية المجتمع !!! لذلك طفشت والباقي بتعرفيه منيح !!!
-الولايات المتحدة
محمود2010-09-23 10:37:03
طولي بالك
الأخت كاتبة المقال، لا تستسلمي، وأكيد هناك أناس جيدون وطموحون دائماً، وفقكِ الله
سوريا