syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

راما طالبة مستجدة : هل "اتكلم" مع الشباب في الجامعة ام ابتعد عنهم ؟
اسأل مجرب

من المعلوم بانه في سوريا ، معظم المدارس العامة والخاصة في المرحلة الاعدادية والثانوية غير مختلطة ، ومع انتهاء المرحلة الثانوية  يكون الدخول الى الجامعة بمثابة اكتشاف عالم جديد لكلا الجنسين ، يخوض كل طرف فيه تجربة الاختلاط ربما للمرة الاولى في حياته.


وراما شابة جامعية ، دخلت الى هذا العالم حديثا ، تطلب النصح فيما يخص الاختلاط و"التكلم" مع شباب الجامعة.

تقول راما في رسالتها القصيرة " أنا فتاة أقبلت الأن على الحياة الجامعية وانا في حيرة من أمري هل أتكلم مع الشباب في الجامعة بشكل طبيعي مثل ماأتكلم مع الفتيات أم أبتعد عن الحديث معهم ومخالطتهم"؟

وتتابع راما بتوضيح هاجسها والحيرة الوقعة فيها اذ تسأل " وفي كلا الحالتين كيف ستكون نظرتهم الي"؟؟

ونحنا كما هي العادة نضع سؤال راما في عهدة اهل الخبرة من الطلاب الجامعين القدماء والخريجين ، ليفيدوا راما في كيفية تعاملها في موضوع الاختلاط مع شباب الجامعة؟


2010-09-14 10:41:35
شاركنا على مواقع التواصل الاجتماعي:



شارك بالتعليق
sarah2010-11-21 00:33:15
طالبة آداب سنة اولى
على فكرة انا من اول مادخلت المدرسة يعني كان عمري 6 سنين مدرستي مختلطة يعني انا متعوده ع هالجو بس لما الواحد بيكبر بيكبر همو لاتنسي نحنا مجتمع شرقي واحيانا مننظلم بس هاد واقع تعودنا عليه وصدقيني مابحسن الا متل اخواتي عنجد وما بفكر بغير شي ولهلأ بعدني بشوفن ياريت ضلينا صغار والله كان احسن (نحنا بنات الحركة محسوبة علينا)قال نص المجتمع قال
سوريا
sarah2010-11-21 00:22:39
طالبة آداب سنة اولى
ليكي راما انا جديدة متلك ومحتارة كمان مع اني ماصرلي غير 3 شهور تقريبا مداومة بالجامعة حسيت الجامعة وعتني وكبرتني وفهمت شي انو البنت لي واثقة من حالاومرباية منيح بتعرف تتصرف وتكون اد حالا ولو حطوها بين مليون شب وانا لهلئ ماعندي رفقات شباب بمعنى رفقات يعني مافي غير مرحبا واهلين مو اكتر اساساانا مالي مضطرة انو رافق شباب بس مشان البنات مايقولو عني متخلفة (ومعئدة)عنجد هي الكلمة بتعئدني بالنهاية متل مافي بنت منيحة وبنت لا اكيد في شب منيح وشب لااذا بدك تردي ع كلام الناس مابتخلصي لساتنا بأول الطريق
سوريا
زاهر2010-10-29 23:06:39
اي يا راما
نصيحة من شاب خاض تجارب البنت المحترمة و خاصة اذا كنت مسلمة ما بتحكي مع حدا نفسها عفيفة ما عليك بحدا يحكو شو ما يحكو في بنات بساعدوك و بتساعديهم اذا هالوقت الواحد لازم يكون حذر من يلي بنفس جنسو بنت من بنت و ذكر من ذكر فكيف من بنت مع ذكر احذري التعامل و اتقي الله و اذا اضطريت فخليك بالرسمي و الجدية بالتعامل هيك بترحي و بترتاحي و بعدي عن شي اسمو الحب لانو وجع راس و ضرره اكتر من فائدته نصيحة بعدي عن كلشي بسبب ضغط نفسي و عدم ارتياح و اهتمي بدراست
-سوريا
أبو سسسسسسسسسسسسسسسسسسسسسسميح اللادئاني المغترب2010-10-16 16:19:39
إلى rana
مس رنا _ الانسة عم تقول الشباب مو قالت وحوش!!!! أما النصيحة يلي قمتي بها فاسدة وسيئة و لففتي البنت ورجعتيها للحيرة ذاتها كيف بتفكروا _ وأي نوع من التسلية بتفكروا البنت يلي طرحت السؤال لينة بالحياة فلا تدوخيها بتعليق ملاحظ به دون تفكير!!!! المهم - في عاداتنا وتقاليدنا كل شيئ وله حدود اذا كانت العلاقة دراسية وين الغلط. وأما كما نعرف المقولة : ( الشب مافينو يوقف بنت - والبنت فينها توقف شب ) يعني _ ان كان الشخص يأتي ليدرس الجامعة أمامه أما إذا ؟؟؟؟؟؟؟؟؟؟ فسوف. 
-اليونان
rana2010-09-25 00:29:02
ديري بالك
راما الشباب مو قلال وما بيفكروا بطريقتنا نحنا البنات نحنا منفكر بعاطفة و احساس و ما بيخطر ع بالنا التسلية مع شب اما الشباب فيتباهوا كم بنت حكت معهم ومع مين طلعوا وبعدد يللي عرفوهم مجتمعنا ذكوري و بيسمح للشب بالغلط اما البنت لا انتي من بيئة مو مختلطة فهاد يعني ما عندك الخبرة الكافية رح توقعي بايدهم بسهولة انا برايي اول سنة لا تختلطي اتعرفي عالناس و الجامعة و افهمي الجو العام هيك بتمتلكي الثقة و بتصيري تعرفي اتقيمي مين السيء و مين الجيد وقتها اتعرفي عالشباب عادي و رح تكوني قد حالك
-سوريا
KRAM HADI2010-09-19 08:38:46
من الجزيرة
كونك جديدة لسا فممكن تحتاري لكن موضوع الاختلاط هاذ شي اجباري وخاصا الجامعة مو سنة وحدة فبحكم المدة رح تخالطين
سوريا
أرادوس2010-09-18 21:12:57
تجربة شخصية
أنا خريج اقتصاد وحاليا خاطب خطيبتي كانت زميلتي بالكلية. بالبداية أعجبت فيها بس ما أقدمت على هالخطوة إلا بعد ما راقبت سلوكها بالكلية لفترة من الزمن وباختصار وبصراحة لو لقيتها حكت مع شب أو عندها علاقة مع أي شب كنت نسيت الموضوع من عين أصله. لأنه بصراحة وعلى بساط أحمدي ورح أحكيلك كشاب وعم شوف اسمع كل الشباب اللي بعرفهم شو بيحكوا لما بينطرح هالموضوع ما حدا بيقبل بنت عندها علاقات كتيرة مع شباب أو تكون حكيانة مع 100 واحد قبله انها تكون زوجته وأم لأولاده في المستقبل
-سوريا
عبد الحكيم2010-09-15 14:27:28
متابعة المشاركة السابقة
أختي رموش متابعة لمشاركتي بعنوان "مافي أحلة من البعد عن العلاقات.." بس حابب وضحلك أنه انا جامعي وبعرف جو الجامعة تماما وبسبب بس الحكي والرفقة مع البنات بشلة الشباب رفقاتي يللي كانوا أحلى شلة دخل بينهم الغيرة والحسد وقلة العقل كل واحد صار بده يبرز نفسه قدام الصبية موبشت المشاكل وانشطرت الشلة لقسمين ومع الأسف بعد 10 سنين من الحادثة لهلأ ما صرجعو اصحاب مهندس مدني
سوريا
حسام2010-09-15 10:09:18
كوني كبيرة
ليكي رمروم الجواب عندك , مو عند أي حدا مننا , بس يلي بدي الك ياه انو انتي هلق بمرحلة التعليم العالي بكل مافي هالعبارة من قداسة,وكل حياتك بعدا بتعتمد على الجهد والنضج يلي حصلتي خلال هالمرحلة,اهتمي بدراستك حددي هدفك بالحياة,شاركي بإخلاص بالانشطة الخيرية والثقافيةوالمنتديات ذات الفائدة,وقد ما فيكي كبري شخصيتك,ولمابتكتشفي وظيفتك بالحياة,يلي انخلقتي مشانها,وقتا الإجابة على هيك سؤال مارح تاخد من وقتك ثانية
-سوريا
سورية2010-09-15 09:46:44
وين المشكلة
راما طول ما انت واثقة بنفسك و قد حالك ما في أي مشكلة تحكي مع شباب و تعملي صداقات معهون كمان يعني أنا تخرجت من الجامعة من 3 سنين و أصدقائي الشباب لساتون لهلأ أصدقائي و كتير بعتز برفقتون...يعني الشغلة ما بدها تعقيد احكي مع الشباب و البنات و اللي بيقلك غير هيك بتكون نيتو سيئة و انت عليكي من حالك و بس.. ولا تهتمي لحكي العالم كتير لأنو ( إرضاء الناس غاية لا تدرك)
-سوريا
عمر سكر2010-09-15 09:37:31
ولله يا أم الريم تركيها للصدفة
يعني أنتي كونك بنت الشباب هنن رح يحكو معك مو أنتي يللي رح تبادري ... ولا تندمجي كتير يعني لا تكوني رومنسية كتير خلص كلنا متل الأخوات (;
سوريا
عبد الحكيم 2010-09-15 09:11:27
ما في أحلى من البعد عن العلاقات العاطفية قبل الزوا
أختي راماصدقيني نتائج المصاحبة مع الشباب أول الشي بخطوة صغيرة بعدين لوين بتودي الله أعلم لا تخاطري بمستقبلك العاطفي مع زوجك والله تأثيرها خطير جدا صدقيني أنا جربت ما رافق بنات والحمد لله رايق مع زوجتي كتير وزوجتي الحمد لله نفس الشي لأنه بالزواج كله بينكشف ! صدقيني بعرف شباب وبنات مشيو بها الطريق كانت نتيجتو زنا أو ألم عاطفي بأحسن الأحوال وبعدين فشل بالزواج ومشان تعرفي ضوابط الإختلاط بين الجنسين بنصحك إقرأي ..تحرير المرأة في عصر الرسالة لعبد الحليم أبو شقة والإسلام دين ضبط ما كبت !
سوريا
مسلم2010-09-15 09:10:24
رأي
بما إنك سالتي عن الموضوع أنو صح ولا غلط معناتها الموضوع في غلط بالتكلم مع الشباب لغير الحاجة العلمية لانو الطبيعة البشرية بطبيعتها بتدلك على الصح والخطأوبكل الأحوال الدين واضح وصريح بهالموضوع وهو أحسنلك من كل هالحكي والسلام.
-سوريا
charmingmoon2010-09-15 09:05:44
يعني درر
يعني والله الواحد بس يقرا الموضوع و يشوف الردود ما بيعرف " ما هي المشاعر التي تنتابه" يعني يبكي أو يقتل حالو أو يضحك ... يعني الموضوع من الاساس مو زابط, يعني يا حبيبتي ما بعرف شو الله بيضرب هالبنات حتى بيقضوا كل حياتون يدورون حول محور الشباب , يعني لازم ما احكي مع شباب الجامعة حتى يجي شب يتزوجني, ليش انت مغلك كيان مستقل حياة خاصة لك على القليلة الله عطاكي عقل و جسد و روح يعني استخدميهن بشكل جيد و انت ميزي الخير من الشر, حبيبتي الشباب مو بعبع و لما بتكوني قوية رح تعرفي تدبري امورك
-سوريا
انسان2010-09-15 09:00:03
لا تخافي ما في مشكلي
لا تخافي ما في مشكلي الشب انسان مثل البنت. في المنيح وفي العاطل نصيحتي: بعدي عن العاطلين من البنات والشباب. وحكي مع المناح
-الإمارات
Samer2010-09-15 08:59:19
الدين افيون الشعوب
يا جماعه لسه بيقولو الاختلاط حرام وشعر المرأه عوره ومدري شو خلص حاجه خرافات ولسه نتبع النبي لما عمل هيك ولما نام هيك في امور كتير اتغيرت ولازم تفكيرنا يتطور بالنسبه للاختلاط هاد شي طبيعي لانو نحنا بشر واللي بدها تكون محترمه بتكون محترمه غصب عن الكبير والصغير راما خليكي طبيعيه وواثقه من نفسك ولايهمك البشر اللي بيحاولو يخلو المرأه عبده لاتختلف المرأه عن الرجل في شئ فكلاهما بشر
سوريا
نظرة شاب جامعي للبنات2010-09-15 08:57:26
خليكي وازنة
اذا حدا طلب منك شي ردي عليه ولا تكوني مغرورة وبالأخص اذا كنتي شاطرة ومجتهدة ولما حدا يطلب منك تعارف او صداقة سكري الباب بوجهو وطنشي ولا تحكي معو وهيك بتكبري بعين كل الشباب والبنات وبتكون سمعتك حلوة ونضيفة امام الكل واذا حكيتي مع حدا كوني مأدبة واكلمة لضرورية بس واياكي والمياعة
سوريا
ابو طلال 2010-09-15 08:56:14
مقسوم لاتاكل وصحيح لاتقسم وكول لتشبع
يعني فهموني ببوس ايدكن لا بالجامعة لازم البنت تتعرف ولابالشارع ولاعلى الانترنيت ولا ولا ولا ولا ومليون لا طيب وبالنهاية كيف بتقابل شريك حياتها على الصورة مثلا ؟؟؟؟ والكل بيقلك الزواج التقليدي بيقرف والبنت نفسها بتشتكي انو مافيها ترتبط بشخص مابتحبو طيب والحل شو بدكن الشباب يخلو البنات يحبوهن بالريموت كونترول ليتزوجو ؟؟؟؟؟ بشرفي جنان ومجتمع بس بيقول لا من دون طرح حلول ؟؟؟؟
سوريا
وحيد2010-09-15 08:55:16
وحيد
ماتحكي مع لا واحد ولا وحدي لا واح ولا واحة أرقى شي الواح يعيش حر وحيد مثل النسر لاحدا الو عندو شي
-الإمارات
شكري2010-09-15 07:52:32
كل شي مو حرام مو عيب
في الحديث الشريف ( فحول الجاهلية هم فحول الاسلام اذا فقهو بالدين) البنت المحترمة محترمة بغض النظر عن اي شي
-سوريا
my silence is just another word for my pain2010-09-15 04:19:44
رموش اتكلمي مع شباب
الكل عم يتكلم عن الشباب وكانهم وحوش يا جماعة هالايام الشب صاير هو عم يهرب من البنات انا هلا سنه تانيا جامعه والبنات تركض وراي منشان تحكي معي ونصيحه مني الك يا رموش اتكلمي مع شباب لان الفترة الوحيده يلي فيكي تكوني شخصيتك وتتكلمي مع الجنس الاخر هي فترة الجامعه بس انتي اذا كنتي بنت ذكية فيكي تحطي حدود للشب لان اي شب ما بيقدم خطوة الا اذا البنت سمحتلو ةنحنا الشباب عندنا فوبيا من انو البنت تفهمنا غلط او تصدنا لهيك نحنا ما منقدم ولا خطوة الا اذا البنت سمحتلنا  
سوريا
شعب عجبه2010-09-15 03:59:42
حاجه بقا .... قرفناااااا
لك شو بدو يحكي الواحد يعني في ناس حرام يكون عندون الحق أنو يعلقوا لأنو حديثون كلو عالفاضي و قصدي طبعا المتخلفين يلي علاقة الشب والبنت عندون محصوره بالجنس و الشهوه والشك و الذئاب البشريه يعني ما بقا غير أنو يقترحوانفصل البلد و نساويها تلتين للشباب و تلت للبنات على أساس كتير لاحقين الدين و الشرع لك حاجه بقا هاد التشدد الزايد هو يلي عم يكره الناس و يبعدا عن الدين يلي هو يسر مو عسر بس في بعض المخاخ الناشفه بدا تعسر كل شي بحجة الدين و الأخلاق بس بحب قول لهدول الناس يلي في شوكه بتنخزو و حاجه بقا قرفا
-سوريا
هل من آذان صاغية2010-09-15 03:54:03
الى سيريا نيوز
الى سيريا نيوز ارجو من القائمين على هذا القسم بالذات وضع سؤال استفتاء لأن اغلب المواضيع تكون اجابتها مع او ضد فتوفر على الباحث والقراء قراءة التعليقات التي تكون عادة متراوحة بين المثقف والدخيل وما تحمله التعليقات من مشاجرات ومهاترات كلامية بعيدة كل البعد عن سياق الموضوع طبعا لا اطالب هنا بالغاء التعليقات ولكن دلالة استبيانية لمعرفة الرأي العام وتسهيل تقييم الموضوع
-سوريا
شعب عجبه2010-09-15 03:24:58
حاجه بقا .... قرفناااااا
لك شو بدو يحكي الواحد يعني في ناس حرام يكون عندون الحق أنو يعلقوا لأنو حديثون كلو عالفاضي و قصدي طبعا المتخلفين يلي علاقة الشب والبنت عندون محصوره بالجنس و الشهوه والشك و الذئاب البشريه يعني ما بقا غير أنو يقترحوانفصل البلد و نساويها تلتين للشباب و تلت للبنات على أساس كتير لاحقين الدين و الشرع لك حاجه بقا هاد التشدد الزايد هو يلي عم يكره الناس و يبعدا عن الدين يلي هو يسر مو عسر بس في بعض المخاخ الناشفه بدا تعسر كل شي بحجة الدين و الأخلاق بس بحب قول لهدول الناس يلي في شوكه بتنخزو و حاجه بقا قرفا
-سوريا
ناظر حيادي2010-09-15 02:05:20
القصة بسيطة....ما بدا نقاش
يا جماعة الخير القصة كتببر بسيطة و ما بدا الواحد كتيير يعقدها و يعمل فيها حلال و حرام.... يا إختي الكريمة إنتي بالجامعة إذا عملت علاقات صداقة مع شباب ضمن حدود الأدب و الأخلاق فما حدا إلو عليكي شي و ما حدا فيو يقول غلط أو حرام و شكرا
سوريا
ابو حمزة2010-09-15 01:49:22
بسيطة السالفة
بسيطة السالفة لك خيت .....خلي الامور تمشي طبيعي وان صار موقف واحتجتي تحكي مع اي شب اكيد رح تكوني بكامل الادب والحشمة ورح تمشي امورك ببساطة ماهيكي؟.............. 
سوريا
موفد في فرنسا2010-09-15 00:46:00
اللي واقع بين نارين
الى كل الذين يفتون ويسهلون قلة الحياء ودفع الفتيات الى ما هو غير محبز بمجتمعنا أقول هل منكم من يقبل ان اخته او زوجته تكون فعلت ما نصحتم به راما التي همها بالجامعة هو الشباب وليس الدراسة والتحصيل العلمي هنا يوجد كم طالبة سورية موفدة معنا يعني رفعوا راس السوريين وبرهنوا للشباب الفرنسين وغير الفرنسين وواحدة منهم حتى الان بدأت تقنع الشباب من الاصول الافريقية مدى تحضر البنت السورية وانفتاحها وخبرتها وانها كتيير موديرن وكوول وانهم ليس عندهم مشكلة في اقامة العلاقات الجنسية عبقلكم شي بخجل
-سوريا
عاشق سورية2010-09-15 00:37:05
مؤسف
يعني من المؤسف فعلاً أن يكون هذا الموضوع أول ما يفكر به الطلاب عند دخول الجامعة وكأنهالواحد منهم كان صايم و عم يسأل عن موعد الإفطار ,أنا بس بدي أعرف إلى متى ستظل هذه المواضيع هي الشغل الشاغل لعقولناالصدئة. شوفو العالم برا الكل بيحكي مع الكل بدون مشاكل و بدون تعقيد و بدون ما يصير قلة ادب أو يخافوا من هالشي أنه يصير مع أنهم ليس مجتمع إسلامي !!! طالما الواحد متربى منيح يحكي مع اللي بدون خوف .
ألمانيا
بيبرس2010-09-14 23:56:46
الحل الجذري
يجب أن يكون التعليم مختلطا في جميع المراحل ولن تطرح هكذا أسئلة والسلام
-هولندا
خريج آداب2010-09-14 23:40:19
بنصحك اتبعدي عن الشباب
ما في شب بفيدك بشي هاد غير انو يا بدها تتحرك مشاعرك تجاهو يا مشاعرو هو اتجاهك و يلي بيحكي غير هالحكي عم يكزب على حالو و كمان ديري بالك من البنات
-الإمارات
emad2010-09-14 23:21:46
.......
بدي الك شي كتير ضروري لكل بنت هو انو مو ضروري تحكي او تاخدي و تعطي بس المهم انك دائما تكون اخلاقك عالية لانو الاخلاق اهم شي بالنسبة لأي بنت و ازا بدك تحكي احكي الكلمة الضرورية لانو مو كل الشباب صايرين عم يفهمو الكلام بنية طيبة و حاولي انك دائما البنت الرزينة بنظر كل الناس سلااااااااااااام
سوريا
Mr.HG2010-09-14 23:17:05
ما بعرف بتسألوا اسئلة غريبة من نوعها
يعني وقت الوحدة بتسأل هيك اسئلة يا بتكون غير واثقة من نفسها و اما بحياتها و ما حكت مع شب!.احكي و رافقي الشباب و البنات و هذا شي اقل من عادي و كوني واثقة من نفسك.و شكرا
-سوريا
فاعل خير أصيل2010-09-14 22:59:06
خبرة طويلة وغنية عن التعريف
اختي راماأناأولاأحيي خصلة الخيرالموجودة في قلبك والتي يهمهاان تستفسرعن الخطأوالصواب في كل خطوةتقومين بهافي حياتك وسوف اقدم لك هذه النصيحة المستندة الى خبرتي الطويلةفي الحياة انا لاانصحك بمصادقة اي شاب في الجامعةمهما كانت الاسباب هذا امر مفروغ منه صدقيني وليس هناك داع من الفلسفة الزائدةالتي تبيح هذاالنوع من العلاقات عليك باختيار صديقاتك(البنات طبعا)بعناية فائقةوكوني حذرةوحريصة في هذه المسألةلان هناك عددا كبيرمن الفلتنات التي تحصل في الجامعةواما لكيفيةالتعامل مع الشباب في الجامعةفمجردزملاء
-سوريا
علي2010-09-14 22:56:04
مدرس تعليم عالي
أنصحك أختي الكريمة بالابتعاد عن الشباب نهائياً فلا توجد صحبة بين شاب و فتاه و شهدنا مشاكل تشيب لها الولدان بسبب الثقة التي تمنحها الفتاة لشاب مخادع استدرجها سنوات حتى أوقع بها
-فرنسا
ايهم2010-09-14 22:50:46
ليش ياطرطوسية
طرطوسية عم تقول انو شعرت من خلال التعليقات انو كانها بتورا بورا؟؟سبحان الله ليش ياطرطوسية وين مفكري حالك بلوس انجلوس؟ولا بهوليود؟اصلا مجتمعنا من يوم يومه محافظ وهو اللي علم باقي المجتمعات المحافظة وليس العكس.والحقيقة اللي بيقرا تعليقات البعض بيستغرب والسؤال اللي بيطرح نفسه مين منكم بيرضى اختو تحكي مع شب غريب؟او مين واي وحدة بترضى اخوها او جوزها يحكي كلمة وحدة مع بنت غريبة؟بقى حاجي حكي وحاجي تشويه لمجتمعنا المحافظ باغلبيته الساحقة ولا تشوفي ضيعتين اوتلاتة تفكري انو الكل هيك.
-سوريا
مغتربة2010-09-14 22:00:24
تجربة
انا درست بمدارس مو مختلطة ولما رحت عالجامعة عانيت من مشكلة الخجل الشديدوكنت اتوتر كتير لما كون واقفة مع رفقاتي ويجي شب يحكي معون وكنت اهرب عنجد وشوي شوي خف هالتوتر وصرت ما اهتم لوجود الشباب بالقاعة واتصرف على طبيعتي وزادت ثقتي بنفسي وصرت ما اخجل ابدا وما عندي مشكلة احكي مع اي شب بس مع هيك ما حسيت هالموضوع مهم عندي وكنت اتعامل مع الكل بطبيعية وبحدود وومبادئي ما تغيرت وما همني اذا قالو عني مغرورة او معقدة باخر السنة اكتشفت انو ما حدا كان يقول عني اني مغرورة وكان الكل محترمني ومعجب بشخصيتي
-سوريا
Salma2010-09-14 21:37:15
مشكلتك متل مشكلتي
أنا قرأت مشكلة راما وهي نفس مشكلتي ع التمام يعني أنا واثقة بنفسي وبتربيتي وأهلي تاركيلي حرية اختيار أصدقائي من بنات او شباب بس بخاف من يلي حولي شو بدا تكون نظرتون عني اذا صار عندي أصدقاء(أصدقاء فقط) شباب بالنسبة الي الموضوع عادي بس لغيري مابعرف؟
-سوريا
Yaser2010-09-14 21:23:38
بل الإنسان على نفسه بصيرة
الكلام مع الذكور في نطاق الحاجة العلمية و ضمن حدود الأدب و عدم الإنجرار وراء المعصية القلبية و البدنية لا أظن فيه مشكلة. لكن لا أحد يستطيع أن يقرر لك إذا كنت تستطيعين أن تتجنبي الوقوع بالمعصية أو لا .أنت الوحيده التي تعرفي نفسك جيداً فاستفتي قلبك و إن أفتوك و أفتوك ..و بالنهاية كل إنسان سيعرض و حيداً على ربه.
ألمانيا
مسعود2010-09-14 20:46:40
يوجد فرق بين الكلام والمصاحبة
اكيد السائلة تقصد الصداقةوالمصاحبة بين القتاة والشاب في الجامعة ,إن كان قصدك من التعارف الصداقة ووصولا للزواج فارجو معرفة ان الشباب ينقسمون لقسمين فمنهم الطيب ومنهم الخبيث ولا تستطيعي تفريقهم بسهولة والطيب منهم بمعظمهم باحوال مادية متوسطة ولن يستطيع تامين نفسه ماديأ للزواج إلا بعد التخرج بخمس سنوات على الاقل يعني ليصير فوق الثلاثين وإن انتظرتيه فهو غالبا بعد ان يملك المال لن يقبل بزوجة بالثلاثين ولديه امكانية الزواج من فتاة بال23 وأما إن كان قصد التعارف للصداقةوالمصاحبة فتخسيرين السمعة الطيبة
-سوريا
عبود2010-09-14 20:26:43
طالب قديم ضحكني يفضح عينو
أول شي الكلام يلي قالو طالب قديم هو كلام موجود و لكن مو عند كل الشباب هو عمم بس للأسف أخطأ، مو كل الشباب أغراضهون جنسية أو مفاخرة بين الشباب، فعليا في كتير شباب بيعتبرو أنو الرفقة بين البنت و الشب شغلة عادية كتير و ما نهون قاتلين حالهون ليتعرفو ع كل البنات و يصيرو مختار الجامعة بالأمور العاطفية و التعارف، بس للأسف أنا ما بقدر قول أنو طالب قديم كان حكيو 100% خطأ لأنو في نسبة كبيرة من الشباب همهون الوحيد هو المصاحبة، ردا ع سؤالك أنا بأيد طرطوسية بحكيها، المهم تكوني تعرفي مع مين عم تحكي و ليش.
-سوريا
مجد2010-09-14 20:16:44
تعقيد
هوي مجرد التفكير بالموضوع انا شايفو غلط يعني انت بتعرفي شو بدك وخلص تركي الامور تمشي بشكل عفوي أصح .... بس صرتي تفكري بحي وما بحكي ما عد تحكي بشكل طبيعي
-سوريا
عشائر2010-09-14 19:32:52
نصيحة لوجه الله
نصيحة لوجه الله حذاري والتحدث مع الشباب فالاكثرية ذئاب بثياب البشر والسمعة الحسنة خير من كل شئ انظري حولك كم من فتاة لعب عليها شاب وفضحت ونشرت صورها على الجوال اياك والانفراد بشاب حتى ولو في الظهيرة فان بعض الظن اثم
-سوريا
مغترب مبسوط2010-09-14 18:59:54
عيشي حياتك الجامعية وانبسطي
والله يا راما انا بعتبر سؤالك بمثابة انذار خطر لانو بنت بعمرك تسأل هيك سؤال يعني في خلل اجتماعي كبير بالتركيبة السورية و بحب قلك انو هدول الشباب اللي معك بالجامعة هنن بالاصل بشر مروا بنفس المراحل العمرية والدراسية اللي مريتي فيها وع الاقل 95% منهن جايين من عائلات كريمة ومربايين متلك وانتي بهالعمر اكيد بتمييزي الصالح من الطالح وبتعرفي طبيعة الشباب اللي ممكن تحكي معهن واللي ع الاغلب رح يكونو قريبين كتير لبيئتك ...خديها نصيحة من مهندس سوري اختبر 5 سنين بعتبرهن احلى ايام عمري احكي وتعرفي وعيشي
الإمارات
ابو اردوغان2010-09-14 18:40:17
الخير لقدام
يعني هادا هم البنت السورية بالجامعة وهدفها بالحياة!! يعني البنت تبلش تحكي مع الشب ومن بعدها بصير اعجاب وقعدات مقاصف ورحلات ومن بعدها عشق ومن بعد حب ومن بعدها قعدات بزوايا حدايق الكلية ومن بعدها لشي شقة مستأجرة ومن بعدها لدكتورة نسائية وترقيعة صينية ومن بعدها تاكلي سطل مي باردة وبقلك مو مفكر اتزوج وبدي اسس حالي وهون تكوني صرتي على كل لسان بالجامعة وبالنهاية تتزوجي عالطريقة التقليدية عن طريق الخطابة وبيعلق فيكي شي واحد الله غضبان عليه... واسألي الاف البنات وهنن بيجاوبوكي اذا كلامي صح
-سوريا
كيوبيد2010-09-14 18:55:36
هيك الله خالقني
ليكي راما ... انسألت هالسؤال من قبل اختي .. بعد ماشافت انو انو إلي صديقات كتار .. بصراحة تفاجأت بالسؤال.. بس كان جوابي واضح انو: قدرتك على تقييم الشخص هي اللي راح تفيديك بهالموضوع, يعني احنا كلنا شلة من 3 شباب وخمس بنات ... بس علاقتنا كانت محددة من بدايتها ,, انا اخوة بعهد الله وهيك قضينا سنين الجامعة واشتهرنا بعلاقة الأخوة اللي بيناتنا ... برأي حددي غايتك من العلاقة ولاتنغري بالمظاهر, واتذكري انو \"كما تدين تدان\" ولا تنسي كمان انو أخلاقك هي للي راح توجهك بهالجو الجديد الله يوفقك ويحمي
-سوريا
عيسى2010-09-14 18:24:13
eesa
لا ضير من التعرف على الشباب بس بدي قلك انو احيانا ممكن البنت تأذيكي اكتر من الشب لهيك اي علاقة بتحتاج لدراسة ودقة ملاحظة سواء مع شب او بنت
-سوريا
الجوكر2010-09-14 17:48:01
اسحى
اسحك تحكي مع شباب لأنون بياكلو بنات.. وبالليل بصيرو مصاصين دماء.. وعالصبح بياكلو ولاد.. عملي اي شي بس لا تحكي مع شباب وبس ليمر شب من قدامك غطي وشك بايديكي وركدي بسرعة
سوريا
أبو حميد2010-09-14 17:26:37
الأكتر الأحسن
إحكي مع أكتر قدر من الشباب والبنات, تعرفي على العالم أكتر مافيكي, الحياة هي علاقات بالنهاية, والتعامل مع الشباب رح يوسع مداركك و حيخليكي تعرفي تختاري شريك حياتك بطريقة افضل. أنا شخصيا بفضل ارتبط بوحدة شايفة ومعاشرة شباب وعرفانة شو بدها. هادا رأيي.
-سوريا
مهندس خبير2010-09-14 16:35:39
الاثم ما حاك في صدرك وكرهت أن يطلع عليه الناس
وقت درست بالجامعة بالتسعينات وكانت الأحوال أفضل من الآن وخاصة بعد ما سيادة الوزير حرم المنقبات من الجامعة... أكثر شغلة بندم عليها أنو مشيت مع بنات وبحت بمشاعري لهم ... وشفت بنات بالجامعة كن يترفعن عن التحدث مع زملاء معروفين بسوء حالهم وكنت معجب بإحداهن وكنت أفكر بخطبتها لكنها صرخت مرة في قاعة الامتحانات مخاطبة أحد الزملاء المعروفين بسلوكهم المنحرف : بحباااك ...بحباك ما بقدر عيش بلاك ... فسقطت من عيني ومن عيون الجميع فالمرأة ضعيفة أمام عاطفتها ومشاعرها وغالباً ماتكون الخاسر الأكبر
-سوريا
بلال2010-09-14 17:02:18
أحلى شي - غيداء سكر
بصراحة لما الواحد يسمع حدا عم يحكي متل غيداء سكر بفكر انه صارت الشخصية وقوتها مرتبطة بشكل وثيق بالعلاقات مع الشباب والرحلات والحكي الفاضي , يا ريت الواحد فينا لما بدو يعلق على موضوع معين يراعي المنطق, وما يحكي كلمة من الشرق وكلمة من الغرب, قوة الشخصية بتنبثق من الذات ولما يكون الانسان محترم نفسه فبخلي العالم غصب عنهن يحترمو, وبالنسبة للرحلات المختلطة فهى أكبر مساعد على الانحلال وضياع الشخصية لأنها كلها مسخرة بمسخرة ,,, وبالنهاية الله يعافيكي ولا يبلينا
-سوريا
جورج ناصح2010-09-14 16:40:29
تحذير
صدّقيني يا راما , أول شيء يسألونه حول الفتاة الجامعية حينما يتقدم لخطبتها أحد : هل كانت تكلم الشباب في الجامعة ؟ هل لها صدقات وشلل شبابية ؟ طبعا وفاعلو الخير كثيرون , ثمّ ما الفائدة من الاحتكاك بشباب لا هدف له سوى غريزته , مصروفه من والده , يبكي إذا جاع ! يقتدي بالفنان الفلاني ويعشق الفنانة الاستعراضية فلانة ؟ الرجال الحقيقيون يا راما أندر من الكبريت الأحمر , وبالمناسبة المعلومة التى ستسألين عنها الشاب تعرفها زميتك الفتاة وربما بشكل أدق والحديث مع بنات جنسك أكثر راحة وصدق
-سوريا
سامح2010-09-14 16:37:59
ما حدا بياكل حدا
طالما الصلة بين الشب والبنت هي محددة ( دراسة - عمل - زواج - .. ) فما بصير اي مشاكل او ووجع راس، وطالما الطرفين واعيين ما رح يصير أي مشاكل أو "خروج عن الطريق"، للأسف متل ما قال "شاب مشيب" انه ليش العلاقة بين الشب والبنت مقتصرة عالحب والزواج والجنس ؟؟ انا صار معي كتير خبرة بالتعامل مع الجنس الاخر بالجامعة وفهمت طباعهم وهلق شغلي معظمه مع الجنس الآخر وعلاقتي فيهم محترمة جدا وملتزمة جدا وواعية، يا راما احكي بإطار الاحترام والوعي واعرف شو بدك واقتربي من الشباب الاوادم والفهمانين
سوريا
أحمدسامي2010-09-14 16:22:21
تصرفي بأريحية... مع اعجابي برأي طرطوسية و syrian و
مرحبا زميلتنا, أنا خلصت جامعة من 2005, بس هاد ما بيمنع اني أعطي رأيي. التطور النفسي والتطور الروحي الطبيعيين عند البنات بيحتاجو لوجود الشب دائماً, و هاد بينطبق عالشباب كمان يللي هن بحاجة للصبيايا لتساعدن يتطورو بشكل سليم, بنصحك تحكي مع الشباب و تنسطي بصحبتك معن, و لا تهتمي شو رح ينحكى عليكي, ﻷن الناس بدا تحكي حتى لو قعدتي بالجامع, كوني طبيعية, اختاري شباب عندن أخلاق و توكلي ع ربنا,و عقبال التخرج بأفضل علامات و أفضل خبرات و أفضل صداقات, صدقي ما رح تنسي أيام الجامعة شو حلوة...سلام
-سوريا
احمد- جامعة دمشق2010-09-14 16:22:15
الانسان حكيم نفسوا
اكيد ما حدى حيفيدك بهل الموضوع لانو انتي بدك تقدري بس بشوف وقت تلاقي حدى محترم خرج تحكي معو ليش لاء انامع البنات هيك بتعامل اذا لقيت البنت محترمة فليش لحتى ما حاكيهاويلي بقلك مافي هيك عالم بيكون مالوا فهمان لانو ما بتخلى مع احترامي للجميع وكلنا ولاد عالم وناس .
-سوريا
feras2010-09-14 16:25:52
ان استطعتي
عزيزتي ان استطعتي مقاومة هذه المتعة (الحديث مع الشباب ) فانصحك بالامتناع عن هذا الاختلاط قدر الامكان فنسبة 99% من الاحاديث المشتركة بين الشباب والبنات في جامعاتنا وللاسف هي هدر للوقت وللقدرات الذهنية عند الطرفين اتمنى لك السداد في الراي والتوفيق في حياتك الجامعية ومن يهد الله فما له من مضل
-السعودية
هلا2010-09-14 16:09:58
رأيي 2
بعدين إنتي بتفرقي بين الصداقة والتسلاية والحب والزمالة طبعاً إّذا كنتي متربية تربية صالحة ومبين هيك من محتوى رسالتك حتى لازم تنتبهي مش بس من صداقات الشباب وحتى البنات ،، في بنات ممكن يكونوا سيئين ولا تنسي بالجامعات في شبكات دعارة وفي حشيش ،، مابدي خوفك بس ديري بالك هذا الكلام يلي عم أحكيه بعد وجودي حوالي 7 سنين بالجامعة وهي خبرة سبع سنين وبالمقابل ممكن تلاقي الحب وتلاقي الزوج المنيح المثقف وهذا الحمد لله يلي صار معي وزوجي عرفته عن طريق دراستي الجامعية بكل الأحوال الله يوفقك للخير.
-سوريا
ناصح أمين 2010-09-14 16:00:03
هدفنا من العلم مرضاة الله والنهوض بالأمة - 2
ولا أستبعد ان تتعرضي لشاب يريد خطبتك،فتريثي واطلبي النصح وادرسي أخلاقه جيدا من بعيد وإياك ان تصادقيه أو تفتحي ادنى مجال للتعارف بينكما لانه إن كان صادقا فسوف تسقطين من عينه وإن كان كاذبا فسيوقعك في شباكه،وعلى أقل تقدير سيسيء إلى سمعتك، وإذا وجدت منه شابا تقيا عاقلا ،يعرف للعلم قدره،أؤكد على أن يكون مقدرا للعلم حتى يعرف قدر دراستك ولا يظلمك بعد سنوات الدراسة،إذا كملت عندك صورة حسنة له فلا تترددي بالقبول ولكن بأن تعرفيه على أقرب شخص متفهم من عائلتك ، أبوك أخوك خالك .... وهكذا تجري السفينة بامان .
سوريا
هلا2010-09-14 16:03:17
رأيي 1
يعني كمان لا هيك ولا هيك بس صداقات الجامعة الجدية بتبدأ من السنة الثالثة والرابعة والدراسات العليا وهيك وبتثمر وبتصير صداقة قوية جداً وممكن تنتهي بعلاقة حب وزواج بس .. صداقة طلاب السنة والاولى والثانية هي صداقة ولاد لأنه طالب السنة الاولى فات عالجامعة ومفكرها متل المسلسلات وبيصير بدو يحب ويعشق ويقلد المسلسلات .. وهون رح تصير علاقة مو زابطة أبداً لأنه رح يقلك بحبك وبعد شوي بيحب غيرك وهيك عواطفه مو مستقره بعدين يمكن يكون عمره 18 إذا مو 17 كمان فهذا مراهق
-سوريا
ناصح أمين 2010-09-14 15:45:02
هدفنا من العلم مرضاة الله والنهوض بالامة - 1
أختي الغالية بما أنك طلبت النصح فسيهديك الله تعالى للرشاد،أنا طالب جامعي منذ 5 سنوات وسأنقل لك خلاصة ما رأيت وعايشت من احداث ووقائع،فاسمعي مني ما أقول:ستتعرضين حتما لأسئلة من شباب جيدين وخبيثين ، فليكن جوابك مليئا بالثقة وعلى قدر السؤال دون خضوع بالقول أو ابتسامة،فإن كان السائل يريد حقا أن يعرف جوابا لسؤال يخص الدراسة فسيكتفي بجوابك وينصرف ويمتلئ تقديرا لحيائك،وإن كان خبيثا فسينزعج ويمتلئ غيظ لأنك كنت امامه كالقلعة الشامخة ولا أستبعد أن يطلب أحدهم خطبتك فتريثي .... يتبع
سوريا
سنفور مفكر2010-09-14 15:52:58
كلمة بسيطة 2
و هنا يتعلق الامر تماما بعاملين, الأول ماذا تريدين أنت من الشاب و الثاني ماذا يريد الشاب منك. أما الأول فيمكنك تقريره أنت و أما الثاني فإما أن ترفضيه و إما أن تقبليه. فإذا كانت لديك رغبة في التسلية و حتى لو كانت جن***ة فيمكنك أن تجدي ما تتطلعين إليه, و إذا كانت لديك رغبة بالبحث عن شريك الحياة فعليك برفض عروض التسلية حتى الحصول على طلبك. الأكيد في الأمر أنه لا يمكنك أن تجدي ما تبحثين عنه إلا عندما تتكلمين مع الجميع.أما الحديث عن علاقة أخوية فيمكنك رميه في القمامة لأنك و لأنهم بشر
-النمسا
zidanco2010-09-14 15:50:18
نصيحة اخوية
نصيحة اخوية بلالك هالوجع الراس وخليكي بدراستك بلا هم لأن الشباب مافي منهم غير وجع الراس .........
-سوريا
سنفور مفكر2010-09-14 15:36:31
كلمة بسيطة 1
مرحبا عزيزتي راما. رغم الوقت الضيق أحب أن اكتب لك شيئا و لا أقصد بذلك أن أجيب عن سؤالك لأنه الحقيقة سؤالك يدل على فهم خاطئ للأمور من قبلك و جوابي على سؤآلك سيكون بمثابة تدخل في حياتك الشخصية التي يجب أن تكوني أنتي صاحبة الكلمة الحرة بها و التي يجب بدورها أن تكون عن تفكير و ليس عن عواطف و أوهام جياشة. عزيزتي. إن الخقيقة و الطبيعة الانسانية تقول بأنك كامرأة لا بد أن تكونين محل إعجابنا نحن الشباب بلا استثناء, و لا بد أننا كلنا نتمنى التقرب منك و الفوز بودك
-النمسا
متخرج من الجامعة 2010-09-14 15:40:07
نصيحة
نصيحة مني أنا كشب متخرج .. بعدي عن كل الشباب لا تقولي هدا آدمي و هدا حباب نحن هون بمجتمع شرقي و الشب مكبوت أكتر من البنت و بشوف بالجامعة مكان للتنفيس و تفريغ الشحنات العاطفية إزا كان و لا بد من الاحتكاك بالشباب لأمور الجامعة خلي العلاقة سطحية جداً و مع الكل
-سوريا
المهندس2010-09-14 15:32:46
بالطبع لا
طبعا مو ضروري تحكي مع الشباب لأنو الاختلاط حرام شرعاً بغير ضرورة و الضرورة تقدر بقدرها
-سوريا
كل شي ماشي2010-09-14 15:22:20
عدوك هو نفسك
كلمتين ورد غطاهن : البنت القوية الفهمانة تقعد مع مية شب عاطل ما حد ا قادر يجي صوبها بكلمة او بفعل عاطل إلا إذا هيي بدها هادا الشي ملاحظة : المشكلة أنو ما حدا رح تعرف الشب العاطل غير البنت الفهمانة الراكزة وبالمحصلة ما رح تتعرف عليهن
-سوريا
عز الحر2010-09-14 15:15:36
تذكرة
مابعرف شو بدي ارد بالضبط بس صراحة بقلبي حرقة عا شباب الجامعة وعا حالهم بدي اسال طلاب الجامعات الي بيشجعو هالبنت عالكلام مع الشباب بحكيله انت ترضاها لاختك تتكلم مع شباب الجامعة وانت ادرى الناس فيهم ؟؟ وانت تعرف شو بعد الحكي بيجي ,شيلو من بالكم هالامركة والتقليد الاعمى للغرب وشوفو لوين راح نوصل وشوف عزنا كيف بيرجع بس طول مافينا هيك ضعاف نفوس راح نضلنا بالحضيض واكبر همنا الكيف والخبائث هي جامعة للعلم ماهي كافي للتعارف مع الشباب والبنات اتذكرو انو اهاليكم بعاتينكم للدراسة وبس
-سوريا
بحبك يا بلدي2010-09-14 15:12:25
ليكي رموشة 2
بتطلعي من الجامعة وانت عايشة احلى سنين عمرك ومحققة ذاتك..انا عن تجربتي بقلك مافي داعي للشباب ابدا ( الا للضرورة )لانك هيك بتكوني صنتي حالك من القيل و القال ..وحياة عينك طلعت من 4 سنين يمكن حكيت مع شب او 2 بس للدراسة.. بينما بالماجستير كان عنا حلقات بحث مشتركة وكان لازم يكون في اخد وعطا بس كله بحدود لانو يا عيوني ماحدا بيقدر يفوت عقلب حدا او يعرف بشو عم يفكر.. وانشالله يارب بتطلعي من الجامعة من المتفوقات وما بكذب عليكي الجامعة على الرغم من مسموعياتهااحلى سنين عمرك وبتبني شخصيتك
-سوريا
بحبك يا بلدي2010-09-14 15:06:35
ليكي رموشة
حياتي رموشة انا صبية محجبة درست بكلية التجارة جامعة دمشق ومن المتفوقين الحمد لله: هلأ سؤالك الو شقين: 1-اذا عم تدرسي بكلية مو بحاجة لنشاطات جماعية متل كليتي او غيرها من الكليات اللاتطبيقية فبعدي عن الحكي مع الشباب وحياة عينك مارح تعتازيون ابداخاصة اذا رفقاتك البنات مجدات متلك والك مني وعد عن تجربة انك رح تكبري بعينن ويحطوكي على راسن2- اما اذا كنت بكلية تطبيقية (مثلا فيها مخابر وغيرها) فأكيد حيكون بينكن حديث فخليه بس للدراسة وبأدب وحشمة وشوفي كيف ماحدا حيتعرضلك او يزعجك و بتطلعي من( لها تتمة)
-سوريا
أبو عبدو2010-09-14 14:57:21
نصيحة أخوية
إذا بدك تتجوزي جازة تقليدية ما تحكي مع شباب لأنو رح يسألوا عليكي و لما رح يعرفوا أنك بتحكي مع شباب و بتقعدي معن رح يقلبوا انا برأي خلليكي طبيعية بس خدي حذرك و قدري الأمور لحالك يعني ما تحاولي تتواجدي مع شباب لحالك يعني إذا كان لا بد من الحكي معن لأمر ما خللي رفيقتك معك و هاي نصيحة من واحد ما بيعرفك وأنت حرة
-سوريا
نمير العلوني2010-09-14 14:52:46
قلبك عم يقول حق بق لتحاكيهم
يا صديقتي أنتي الظاهر جاي لتحاكيهم مو لتدرسي و إلا ما كان هالسؤال خطر ببالك خليكي على سجيتك لا تساوي للقصص أيدين و أجرين ليش مثلا أدعاء البراءة أنو يا الله بحكي ولا لا يعني بلكي أكلوها الوحوش (الشباب) أنتي و حركاتك أذا بتحكي معن مية سنة ما تخافي منن بيعرفو المحترمة و ما بيرمو عليها وردة و فهمك كفاية سوري بفخر
سوريا
شابة متخرجة من كلية الهمك2010-09-14 14:51:16
عزيزتي راما
الحقيقة سؤالك كتير صعب بس الحقيقة أنا جربت الاختلاط وجربت عدم الاختلاط بدي قللك ضغلة رفقة البنات كتير صعبة لأنه 90% منهن تافهين ما بفكرو غير بكيف يلفتو نظر الشباب والشغل معهن كتير متعب كل وحدة بترتكي عالتانية ولما تعبت منهن وحاولت رافق الشباب كان الأمر مختلف يعني تفكيرن غير ومو تافهين بس صدقيني الشب عند أول محنة رح يتركك مشان ما ينزع صورته قدام رفقاته فنصيحتي إلك لا ترافقي حدا ووقت بدك تشتغلي بشي مشروع لاتشتغلي إلا مع شب بس بحدود الشغل و العلم وبس....
-سوريا
الخطيب( مغترب)2010-09-14 14:25:13
انت حرة نفسك
بداية اتمنى لك حياة جامعية سعيدة ومشرفة وناجحة ثانيا:- الكلام مع الشباب او عدمه محكوم بثقافتك وتربيتك والكلام ان لم يكن به خضوع بالكلام ((0دلع))وميلان وخروج عن الاداب العام اتوقع كلنا نتفق انه غير مرغوب به بل ومنبوذ . ثالثا:- انت في مرحلة اتوقع ان يكون همك بها هو التحصيل العلمي وليس التسائل اتكلم مع فلان ام لا. لذا اتمنى ان يكون سؤالك هل سانجح ام لا! بدلا من اكلم مع الشاب ام لا رابعا :- الاختلاط ضمن الحدود الشرعية والاسلامية لاعيب به مع ضرورة وضع الله عز وجل امام ناظريك ((صح))
السعودية
سيسو2010-09-14 14:25:07
خليكي طبيعية
الحياة اكبر من انك تخالطي شب او تحكي معو يعني الله خلقنا ذكر وانثى خليكي طبيعية بعيدة عن الحساسيات والترباية يلي اكتسبتيا من بيت اهلك طبقيا واحكي مع مين ما بدك بس بحدود اما انو تبتعدي عن الشباب مو شرفية واخلاق بالعكس في بنات اخطر من الشباب بمليون مرة خليكي طبيعية لتعيشي طبيعية
-سوريا
أبو المجد 2010-09-14 14:11:57
احكي بس اختاري الاصدقاء الشباب بعناية فائقة
عزيزيتي مو كل الشباب نفس التربية والاخلاق في منهم بيحكي مع البنات للتباهي ,ومنهم لأهداف ليست بريئة اطلاقاً وهم اخطر نوع,ومنهم للتسلية ولكي يعيش جو الجامعة,بس المهم انو الشب المحترم رح تعرفيه اكيد وتميزيه من بين كل الشباب من خلال: 1-لباسه وترتيبه ومظهره الخارجي ونظافته وحتى نظاقة ثيابه,ومستواه الاجتماعي 2-اصدقائه من هم وشو اخلاقهم 3-المقاييس السابقة هي هامة جداً لكن الاهم هي التعرف الى الشاب عن قرب والاهم انك انتي تحترمي نفسك حتى تفرضي احترامك على كل شباب الجامعة وانتبهي على
-سوريا
Roula2010-09-14 14:13:24
الاختيار الصح
برأي دائماً بالحياة في المنيح و القبيح و لازم من الاهل يوعو ولادهن و يعطوهن الثقة و بالنهاية نحن عايشين بمجتمع مفتوح يعني إذا مرقت فترة الدراسة بلا شباب رح يكون في بالجامعة و بعدين بالشغل و بكل ميادين الحياة ،الشب أو البنت بالنهاية انسان و المفروض الواحد او الوحدة يكون بيعرف يميز و يختار صداقاته و علاقاته و يلي بيفرض احترامو و أخلاقو ما حدا بيقد يأذيه عيشي حياتك عادي و اعتبري العالم كلهن متل اخواتك شباب ولا بنات بس خلي مخك شغال
-سوريا
rowdha2010-09-14 14:10:17
راما طالبة مستجدة
عادي شوفرق الشباب عن البنات كلهم زملاء وطلاب دراسة وعلم وانتم ذاهبين للدرس وليس للتسلية
-سوريا
عبد السلام2010-09-14 14:07:16
شو؟.. خايفة تحكي مع الشباب
يا عمي أحكي ومو بس تحكي أمزحي وأضحكي معهم بتتحسن أمورك أكتر وبتذداد ثقتك نفسك أكتر ليش ياعمي أنتي طالة جامعة مو طفلة صغيرة وبعدين بيني وبينك تلات رباع هل الشباب بتاخديهم على البحر وبتجيبيهم عطشانيين خلي ثقتك بنفسك كبيرة وبدك الصراحة صداقة الشباب ماراح تسببلك مشاكل متل صداقة البنات نصيحة وانا شخصيا لا أثق ببنت ما بتعرف تحكي مع الشباب أكيد ماراح تكون زوجة تتمتع بالثقة والمسؤولية
سوريا
بنت واقعية2010-09-14 14:04:06
تجربة واقعية -2
البنات اقسام شي للتسلاية وشي للصحبة وشي للزواج وبعمرها ما كانت بنت التسلاية بنظرهن تصلح زوجة ولما بدو يتزوج بروح لعند الماما تخطبلوا بنت الحشمة والادب وهالحكي معروف عنا وياما بنات جامعةتعلقوا بحبال الهوا لانو الشب عنا ذنبو مغفور اما البنت يلي مشت مع فلان وعلان حتى لو صداقة عادية مجتمعنا ما بيرحمها وبحط فيها النوايا السيئة كلها نصيحتي الك التعامل الضروري بس وتاكدي انو البنت صاحبة الشخصية هي بترتاح كتير من المشاكل ووجع الراس وهي نصيحتي مو بس بالجامعة وبالحياة الوظيفية كمان
-سوريا
طالب دراسات عليا2010-09-14 14:00:39
من سؤالك واضح الجواب
أنا تزوجت من طالبة معي بقسم الدراسات, ((ولو كنت أعرف بس أنو كانت تحكي مع شباب بالجامعة ما كنت فكرت فيها , نحن هيك مجتمعنا وهيك تربينا)) وكل مين بيحكي غير هيك عبيغالط نفسه وببرر لغيره ولنفسه, كلنا شباب وبنعرف شو الغرض من الحكي مع البنات, إما أغراض غير شريفة, أو تباهي بين الرفقات أنو عنده صاحبات, وبالمناسبة بيصير إسمك (( صاحبته )) مو صديقته , طبعا التعميم غلط, وممكن يكون في ناس بتنظر غير هيك بس عم أحكي بالغالب
-سوريا
زهرةالنور2010-09-14 14:01:37
فتاةجامعيةمن سنتين
أولاًأنت مجبرةعلى الحكي مع الجنسين بشكل عام لأنوالمكان الدراسي يلي أنت فيه يطلب منك ذلك بس حاولي مايكون في تجاوزات للحدودإن كان منك أومن زملائك وزميلاتك..........وشكراً
-سوريا
ن و ج2010-09-14 14:02:54
أي شو بعرفني
يالطيف ها السؤال شو غبي يعني شو نحنا الشباب من كوكب تاني ولا من المريخ جايين بعدين شو فيها اذا حكا الشب مرحبا شو اكلك
-سوريا
بنت واقعية2010-09-14 13:48:49
تجربة واقعية -1
من خلال تجربتي الجامعية بكلية عملية انا كنت من البنات يلي ما بتحكي مع شباب الا اذا طلب منهن حدا محاضرات مني كوني كنت متفوقة فكنت اعطيهم المحاضرات ولا كلمة زايدة وفي بعضن ممن كان له علاقات عميقة مع صديقاتي يبعت اهلو لخطبتي من تحت لتحت وطبعا انا كنت ارفض وما قول لرفيقتي حتى ما اجرحهاولهلق وبعد 7 سنوات من التخرج ما زال بعضن اذا شاف زوجي صدفة بقللو والله اخدت زينة بنات الجامعة.الشباب كلن بنفس النظرة وعلى فكرة انا مو كتير متدينة بس الشغلة وجهات نظر واتاكدي اي شب شرقي هي وجهة نظرو بالبنات
-سوريا
معلق2010-09-14 13:41:32
إلى متى
إلى كل من يهمه الأمر قال الشاعر آثارنا تدل علينا فانظروا من بعدنا إلى الآثار يعني إذا أشكل عليكم الشجر فانظروا إلى الثمر المجتمع السوري الآن يزداد تفسخا و انحدارا يوم بعد يوم و يلي ما بدو يصق يشوف نسب الطلاق و العنوسة و الخلافات الأسرية و و بين الجوارو عقوق الآباء فكل مؤشرات الأداء الاجتماعي إلى الوراء سر و المسؤلية بالدرجة الأولى على مؤسسات التربية و التعليم و الجامعات أهمها فهي لا تدعو إلى الفضيلة و الأخلاق أبدا بل بالعكس و لكن الحمد لله لقوله (و لا تزر وازرة وزر أخرى)
-سوريا
S.ODEH2010-09-14 13:43:21
كل شي بحدودو حلو
الجامعة هي مجتمع صغير وبكل المجمعات في اختلاط بين الجنسين وطبعا كل علاقة الها حدودها ونطاقها برأي تعاملي مع الشباب والبنات بأريحية وعلى طبيعتك بس طبعا قبل هاد انتي حتكوني بتعرفي الحدود اللي لازم توقفي اي شب عندها الاختلاط مو عيب العيب ببعض الناس اللي بتتمادى بمفهوم الاختلاط كلمة العيب متفاوتة حسب كل عيلة وكل تربية وانتي الوحيدة اللي بتقدري تقدري الغلط والصح بالنسبة الك فرسمي الحدود ببالك وعيشي الحياة الجامعية بايامها الحلوة
سوريا
حسوني الطرطوسي2010-09-14 13:43:41
طرطوس وبس
لو كانت راما دارسة بطرطوس ما كانت واجهت هالمشكلة ابد لانو نحنا منربا نحنا والبنات مع بعض ما منحس باحساس راما بعدين شو هالعيب ولووووووو لسا لهلق مدارس مو مختلطة والله عيب واكبر دليل شوفو شو صاير براما والله نحنا ما مناكل اعتبريهم متل اخزاتك متل ما بتتصرفي مع اخواتك تصرفي معهم وبس
سوريا
من فرنسا2010-09-14 13:35:51
مقارنة
أنا درست بسوريا ودرست بفرنسا وياريت الناس يللي عم ينصحوكي بالاختلاط يجو ويشوفو....هون ببلد منع الحجاب بالجامعات، أغلب البنات مع البنات والشباب مع الشباب، بالكافيتيريا وبالعملي وبالحديئة ووين ماكان.... حافظي على سمعتك ولا تختلطي مع الشباب إلا للضرورة القصوى... أنا شب وبعرف..ما بتتخيلي شو بيحكو الشباب عن البنت يللي يترافئون
-سوريا
مأمون المغترب2010-09-14 13:23:36
أول سؤال عن الشباب
أول شيء سألت عنه راما وهي مقبلة الحياة الجامعية هو التحدث مع الشباب . كأنها كانت محبوسة طيلة حياتها وستخرج اليهم . صديقتي اسألي عن العلم والثقافة والهوية الشخصية التي ستحدد مسار حياتك في المسقبل . أنا لست ضد الاختلاط الواعي مع شلة من الاصدقاء لكن أنصحك بعدم التفرد بعلاقة مع شخص واحد لأنه في هذه الحال سيبدأ القيل والقال
الإمارات
مدرس جامعي2010-09-14 13:28:54
الحذر واجب
يا أختي... الحذر واجب مالبنات قبل الشباب..ياما بنات جرو رفأتون لمشاكل ماإلها حدود... نصيحتي إلك هيي إنو تلتزمي بدينك، الإسلام بيئلنا إنو الاختلاط يللي مالو داعي محرم... يعني حاولي قدر الإمكان تبعدي عن الشباب، لا تئعدي جنبون بالمحاضرات ولا تشاركيهون بالعملي ولا تتمشي معون بالجامعة ولا تعطيون رقم موبايلك أو إيميلك.... والأهم إنو تنتئي رفأتك البنات بحذر شديد .... أهم شي التزمي بحشمتك ودينك واتئي الله بكل كلمة ونظرة وسبحي واستغفري الله كتير بإذن الله ما بتعاني من اي مشكلة 
-سوريا
سالم2010-09-14 13:26:23
سؤال منطقي
أولا شكرا على الثقة التي تظهرها راما بقراء الموقع، أما عن اختيار التحدث مع الشباب أم لا، فهذا أمر يرتبط بأمور كثيرة أخرى في حياة اﻹنسان لا مكان لنقاشها اﻵن. بالمناسبة أنا حابب اسأل شو صار بالمرأة السورية التي لديها ثلاث بنات للزواج؟
-سوريا
رهف اغا 2010-09-14 13:08:12
نصيحة
ابنتي الجامعية المستجدة اذا كان هدفك من دخول الجامعة طلب العلم فستجدين ذلك بوفرة .اذا كان دخولك الجامعة لاغراض اجتماعية..فالطيور على اشكالها تقع والطيبون للطيبات ونصيحتي لك ...."الشر ماحاك في صدرك وخشيت ان يطلع عليه الناس " والنصيحة الاهم ان فريضة العلم "اقرا" نزلت اولا فالعلم يفتح لك كل الابواب والجهل يهدم بيوت العز والكرم ,ابنتي بهدفك السامي وهو طلب العلم تستطيعين ان تخالطي الشباب والبنات وتفرضي احترامك على الجميع مهما كان شكلك او دينك اوملتك.الذكاء الاجتماعي رصيد يصلح لكل زمان ومكان فت
-سوريا
ريتا2010-09-14 13:03:07
عزيزتي راما
ما في أي مشكلة انك تحكي مع الشباب. فهنن بالنهاية مو جايين من كوكب تاني بس انتبهي منيح انو عبارة البنت بتكبر قبل الشب ما اجت من فراغ والشباب بسنين الجامعة الأولى بيكونو مو عارفين يفصلو بين الصداقة والحب و90 بالمية منهن مو مخالطين بنات من صف السادس لذلك عليكي انو تخففي قدر الامكان العلاقات معهن ما ندر ومع هيك بقلك انو أنا أكتر رفقات انبسطت بصحبتن ايام الجامعة كانو الشباب ولهلأ على اتصال مع أغلبهن
-سوريا
Syrian2010-09-14 12:56:22
Hi
راما تصرفي ع طبيعتك وبس،واتركي الامور تاخد مجراها الصحيح، اللي بده يفهمك غلط حر لانه براسه في الف عقدة ومفكر الناس متله،وبالناقص منه يحكي معك هيك واحد معقد،واللي بيقلك الحكي مع الشباب بيوقف النصيب بيكون كذاب ،الحكي ضمن حدود معقولة وضمن نطاق الاحترام مارح ينقصك شقفة، ومشان الزواج اذا الك نصيب رح تاخديه في بنات موبس بيحكوا مع شباب عاملين علاقات قبل الزواج وليكهم عايشين ومتزوجين وعندهم أولاد،واللي مابده يتزوجك لانك كنت تحكي مع شباب بالناقص منه لانه رح يعذبك ولو مافي مية قصة بحياته ما بيشك فيكي
-سوريا
نضال2010-09-14 12:52:58
الى مغترب و من لف لفه
صديقي ** انا , كشاب سوري , جامعي , اتفوق بحريتي و ثقافتي و حياتي من منطلق سورييتي اولا , وبالنسبة للاختلاط شو رايك اذا شب قالها مرحبا , تلطشوا كف او تجبلو ( هيئة الامر بالمعروف ) يا بنت , الشباب و البنات , بيتشاركوا بالانسانية و كل حدا في منيح و في عاطل , سؤالك مو بمحلو , تعاملي مع الكل وبلا عقد , و كل بنت بتقدر تحط حدود لاي شب سيء ,  
-سوريا
zein2010-09-14 12:51:09
بلاها ............
مرحباااا انا هلأ خريجة , وصدقيني بكل سنوات الجامعة الاربعة يلي قعدتهن بالزور لقيت شلة بنات فهمانين ماعم قلك انو بديت الجامعة وحابة متلي متل الكل عيش هالحياة الجامعية . بس للأسف الشب الشرقي بيضل شرقي وهي حطيها ببالك ,كتير نادر منهن يلي يعتبرك صديقة . هلأ في ناس محظوظين وعملو رفقات كتير بالجامعة بس لازم تكوني كتير حذرة . ركزي على دراستك اهم شي وخلي علاقتك فيهن هااي وباااي احسن شي ويلي عم يقولو ويتمألسو انو منقبة ومحجبة والله ما دخل لا حجاب ولا نقاب هي قناعات وشغلت مبدأ
-سوريا
الناصح2010-09-14 12:52:45
دعوة
اللهم ارنا الحق حقا وارزقنا اتباعه وارنا الباطل باطلا وارزقنا اجتنابه
سوريا
سوري عتيق2010-09-14 12:45:14
نصيحة بعدي عن الشباب قدر الإمكان
بصفتي شاب جامعي و زوجتي أيضا جامعية ، نحن الشباب نعرف أن الغرض من الحديث مع البنات إما للتسلية أو لأهداف أكبر ليست بريئةو كنا نحترم البنت التي ليست لها أبدا احتكاك مع الشباب.ولو علمت أن زوجتي كانت تتحدث مع الشباب لما تزوجتها.تخبرني زوجتى أن جميع صديقاتها اللاتي كن لا يتحدثن أبدا مع شاب تزوجوا بلا استثناء على الرغم من جمالهم المتواضع,وأن الفتيات اللاتي يتنقلن بن الشباب إلى اللان لم يتزوجن. فنصيحتى اجتني مخالطة الشباب أو الحدث إلا لضرورة قصوى بحدود السؤال و الجواب فقط من غير إضافة.
سوريا
ALI2010-09-14 12:39:52
العلم هو هدفك
بحب قلك انسة انو الحياة كلها معاملة وإحسان،لقد اددت أجمل ايامي في الجامعة وكان لي اصدقاء وصديقات.على طول الشب له دائماً نظرة مخباية وله هدف معين،البنت هي اللي بتحط الحد وتفرض شخصيتها. ومن هنا العلاقة اما تستمر او تتوقف.اصلاً مرحلة الجامعة هي تجربة ومن خلالها سوف تضعين أُُسُس لحياتك وخصوصاً مع الرجل اللي يرافقكِ في المستقبل.اقول للمعلقين~ اخ قي الله و سنغفور~انوالمرأة نص المجتمع ولها دور كبير واساسي وخصوصاً في تربية وتعليم اولادها، افكاركم باطلة وهي تدهور المجتمع.بالتوفيق انشاء الله
-سوريا
Sandy2010-09-14 12:28:46
!
انا و بعد حوالي 8 سنين ضلو رفقاتي شباب الجامعة مخلصين لرفقة اكتر من البنات وانتي قادرة على تحديد نوع العلاقة ولاتردي على حكي انو حرام تخطلطي لانو هي عالم من العصور الحجرية
-أفغانستان
شاب من التناقضات2010-09-14 12:30:20
الى شاب مشبب
أخي الكريم سؤالك وجيه جدا...سيكون جوابي بمثابة سؤال مضاد هل لك أن تعرف الحياة فيما اذا انتزعت منعا المال والجنس. طبعاالجنس هنا أعني الحلال. رجائي أن تستند الى المراجع في تعدد الزوجات لدى جميع الصحابة والتابعين. لان العلاقة الزوجية هي اساس تقدم المجتمع وتأخره. لذلك لابد من نقاش هذه الناحية لاننا نخلط الامور وخرجنا عن الجوهر في عصرنا هذا ولم نعد نميز مابين هو حرام وما هو عيب. ومامبين حرية الرأي وفرض الرأي. نقاش يحتاج الى وقت طويل لمعالجنه ولكن ضمنالاحترام المتبادل.
-بلجيكا
الكيميائي2010-09-14 12:13:23
dreammanyous@yahoo.com
بنصحك لأ خصوصا شباب هالأيام , ورح قلك السبب انا شب موظف بشهادتي الأولى و عم أدرس جامعة , و قريبا رح أختار زوجة من بين زميلاتي بالجامعة , من أول مادرست بالجامعة أثار إعجابي 4 زميلات , بس اللي خلاني ألغي التفكير فيهون هو علاقاتهم مع الشباب و الإختلاط اللي مالو لزوم أنا ماني مضطر أتجوز بنت ممكن تقبل فيني بظرف معينة و بعدها أكتشف أنو لازال قلبها معلق بشب من علاقاتها بالماضي
-سوريا
مواطن سوري شريف2010-09-14 12:16:12
نصيحة أخوية
أنصحك بعدم التكلم مع الشباب و الانتباه من أنواع البنات فأيضا في بنات فاسدات و التفاحة الفاسدة بتحاول تعمل كل تفاح الصندوق متلها أي تكلم مع شب محسوب عليكي بحياتك و بقلك في بنات كتير بتعنس بسبب هالموضوع سئل سقراط بيتك صغير يا سقراط فأجاب سأكون سعيد لو استطعت ملئه بالاصدقاء فالاصدقاء الصادقون بحال الطبيعة نادرون. و لا يغرك بعض كلام الناس انه معليش احكي انا نصيحتي لا تيحي مجال لاي شب و أمر أخر خلي مرجعك للنصيحة من قبل ناس بتحبك متل اهلك أو حدى فهمان بالعيلة عندكم لانه في كتير ناس ما بهماتفيدك
-سوريا
المغترب2010-09-14 12:06:14
الى نضال
يا سيد نضال مو ملاحظ انك بتتمسخر عشعوب محددة وهي الشعوب بدك الف سنة لتوصل لثقافتهاواللي سالت عن الاختلاط بالشباب بنصحها ما تختلط الا بالشي المفيد لانو عنجدشكلك مو شايف شو في بالجامعات الله يرحم لما كان اسمها جامعات بس هلا بتشبه كل شي الا الجامعات
-سوريا
طالب متقاعد2010-09-14 11:42:24
كوني جامعية ولا تبالي
اذا كان التعامل مع الشباب يخيم عليه الانوثة ستحظين بكم هائل من الشبان الذين يدعون الرجولة. واذا كنت من فئة أصحاب الماكياج واللباس محدود القياس وشعر يذهب مع النسمات ستكونين نسمة لكل غانج. اما اذا كنت من فئة المتحجبات أو الرزينات ستكونين منبوذة. خيرا لك أن تكوني منبوذة من أن تكوني رهينة للمياعة. على كل حال هي مسألة قناعة.
-سوريا
طرطوسية2010-09-14 12:04:17
البعض هون أكيد موسوريين
لما بقرأ بعض التعليقات بحس اني بتورا بورا مو بسورية!! شو صاير بالعالم؟؟ لا و التاني السنفور بيقلا اقعدي بالبيت ولا تكملي دراستك!! بدك ياها تنطر النصيب اللي ممكن يكون مابيسوى لحتى تلاقي حالها بدون سند بالحياة؟؟ راما لا تردي خدي شهادتك ومتل ماقلتلك تعاملي مع الكل الشباب متل البنات في منهم الكويس وفي منهم العاطل وبعد السنة الأولى رح تتبلور علاقاتك ورح تقرري مع مين رح تستمري بس أهم شي هالعلاقة ماتطلع خارج حدود الزمالة ضمن الجامعة وبس
-سوريا
جوانا2010-09-14 11:57:38
نصيحة من أخت لأخت
بحكيلك عن تجربتي أنا كنت بمدرسة متفوقين و هي مختلطة و كان كل شبابنا أكابر و مرتبين.و قت دخلت الجامعة ضلت هيدي الفكرة براسي أنو نحن مجتمع منفتح,للأسف حكي مع شباب وإن كان بمواضيع الدراسة جبلي مشاكل ووجع راس و صار أسمي على كل لسان بالسنة الأولى بالتانية قطعتلون كرت لكل اللي بعرفون و بظرف7شهور تقدملي 14 شب من الكلية..و أنا مالي ناوية أتزوج بس للأسف في مجتمعنا لسا ناس بتنظر للبنت اللي بتحكي مع شب على أنها زانية.ما عبقلك أنو لا تحكي بس خليا ضمن المعقول و الضرورة لأنه مجتمعنا ما بيرحم.
-سوريا
طالب جامعي2010-09-14 11:51:10
للضرورة فقط
بسم الله الرحمن الرحيم راما لا تتكلمي مع الشباب إلا للضرورة والضرورة الملحة أيضاً,والله الشباب ما يحترموا إلا يلي ما بتحكي مع الشباب,دبري كل أمورك مع زميلاتك ومع أساتذتك وما في داعي تطلبي أي شلىء من الشباب والله خبرة مجرب وشكراً
-سوريا
شاب مشيب2010-09-14 11:44:37
سؤال بسيط برسم الإجابة
سؤال بسيط عالماشي لو سمحتم لماذا أغلب أسئلة هذا الباب تتمحور حول الجنس والزواج؟ فمن يتابع أغلب أسئلة هذا الباب سيجدها متمحورة حول الزواج وعلاقة الرجل بالمرأة والشباب بالنساء..؟ لماذا؟ ماذا دهاكم ياشباب سوريا؟ هل الحياة كلها جنس ؟ سؤال برسم الإجابة. وشكراً
-سوريا
Milk-Man2010-09-14 11:29:55
Take it easy.......^_^
أختي الكريمة أنا درست بمدرسة مختلطةفكان تعاملي مع البنات طبيعي,وقت دخلت الجامعة تكركبت من نظرة الشباب للبنت و كأنه اللي بيحكي مع عدد أكتر زادت عدد النياشين على صدره.أكيد حكي مع شباب بس ما تفلتيا و برأي تخلي أول سنة جامعة مراقبة لزملائك من الجنسين و نقي اللي ممكن ينحكى معون,و بصراحة البنات اللي كبروا بمدرسة مختلطة بيعرفو مين اللي بيسوا و مين المتملق اللي ما بيسوا....و بالفعل معظم الشباب بهل الأيام هدفون واحد.
-سوريا
نضال2010-09-14 11:28:56
ولو
لا طبعا , شو تحكي مع الشباب , الشباب كللن ذئاب بشرية ولوو , حتى اذا عندك دكتور بالجامعة او معيد لا تحكي معو و غمضي عيونك حتى ما تشوفيه , و البسي نقاب حتى ما يشوفك و وقت الامتحان لازم موظفة تقدملك الورقة دكتورة تصلحلك وحالي تلاقي طرقات بالكلية ما بيمشوا فيها الشباب , وحتى لما بتحضري تلفزيون احضري قنوات السعودية وخلافه طبعا بشرط ما يكون ( دكر ) اللي عم يحكي , ووقت بتتخرجي لاقيلك شي وظيفة مافيها شباب , وحاولي انو المراجعين تبعوتك يكونوا بنات كمان و عالجنة انشالله فورا
-سوريا
أخ في الله2010-09-14 11:23:28
الاخت راما
السلام عليكم :ان الله تعالى لم يحرم شيء الا لمصلحة العبد فالله حرم ان تتخذ المرأة رجلا صديقا او الرجل امرأة صديقة فقال في كتابه الكريم: ولا متخذات أخدان والخدن هو الصديق الذكر والافضل لك ان تتخذي من الاناث صديقات لك وتعاملي مع الذكور بشكل طبيعي يعني اذا احدهم سألك سؤال اجيبيه لا مانع ولكن بحدود السؤال ليس اكثر وبكل الاحوال الشاب يحترم الفتاة التي ليس لها علاقات مع الشباب والله الموفق
-سوريا
غيداء سكر2010-09-14 11:15:16
إذا لم تتكلمي ستندمين. لكن كوني واعية وصادقة وحذرة
طبعاً يجب أن تتكلمي ووتبني شخصيتك القوية التي تؤثر في الآخر, وتتعرفي أكثر على زملائك فيما يخص الأمور الدراسية والجامعية . ثانيا المشاركة في كل نشاطات الجامعة من اجتماعات ومحاضرات ومسرح وربما رحلات ثالثا حتى يكون عندك خبرة وفكرة مسبقة عن الشخص الذي ربما ترتبطين به في المستقبل . لكن دائماً يجب أن تكوني صادقة في علاقاتك سواء مع الإناث أو الذكر , كما يجب أن تكوني حذرة من كثير من الأنواع البشرية التي تجيد التمثيل والكذب والتصنع، وهنا أقصد من كلا الجنسين. أخيرا أتمنى لك حياة سعيدة لك ولزملائك.
-سوريا
سنفور غاضب2010-09-14 11:16:46
عوجا ياراما عوجا
والله يا راما نصيحة مني مافي داعي للجامعة بالاساس لان صارت الجامعات عنا بؤرة للفساد والانحطاط الاخلاقي وفي حال كنتي عم بتدوري عالشهادة فبقلك انسي الموضوع لان مالها طعمة نهياتها تتلزق عالحيط هي ازا ماتحطط عليكي شي دكتور ووقفلك تخرجك واستنفزتي ومن هالحكي الفاضي عوجا
-سوريا
آلاء 2010-09-14 11:10:34
BOYS&GIRLS
مين قال أنو اذا حكيت لح يصير شي مشين ؟؟ احكي عادي اذا كان في ضرورة... و طبعاً كلو بحدود حتى مع البنات و أنا بحب قلك شغلة أنو الحكي مع الشب بيكون راقي أكتر ...خليون يعرفو لأي مدى فيون يحكوا معك وبأي شي انت بتحدديه و أي شي انت بتسمحي فيه و لا لاء..بالعكس اذا كانو أهل الثقة ممكن يكونوا رفقة مخلصين و أخوة
-سوريا
طالب قديم2010-09-14 10:59:22
رجل لقدام ورجل لورا
يعني انطبق عليكي المثل اللي بيقول مشتهي ومستحي.وانارح قلك بصراحة انو لالزوم ابدا لكلامك مع الشباب.وبالنسبة للشباب رح قلك انو كلهم-اي نعم كلهم-هدفهم من العلاقةمع البنات امااغراض جنسيةاو للتباهي امام زملائهم بانهم مرغوبون ومحبوبون من البنات ولديهم معجبات.وبعتقدالطرف التاني مواحسن كمان.وطبعا كل هذا يتم تغليفه باغلفة براقة مثل الحب-الصداقة-التفاهم بين الجنسين-الرقي-التحضر-التقدم..الخ..بس انا عم انصحك وعم احكي معك عن الجوهر والمضمون.وبالاخيرتربايتك هي اللي رح تحددطريقك واسلوبك بالحياة موفلان ولاعلان.
-سوريا
طرطوسية2010-09-14 10:59:03
خير الأمور وسطها
بما أنك عم تسألي مجرب فأنا تجربتي مختلفة كوني درست بمدارس مختلطة من الابتدائي حتى الثانوي وبحياتي ماحسيت بفرق بين الشباب والبنات وهالشي أخدتو معي عالجامعة وكان الي زميلات وزملاء بدون أي عقد.. بعتقد صعب تتجاهلي زملائك اللي أكيد في منهم شباب مربايين ومحترمين بس أكيد مو الكل هيك.. هون الدور بيكون على حدسك لأن أكيد رح تتعاونو على أمور دراسية كتيرة لكن خلي علاقتك فيهم بحدود الدروس والمحاضرات ولاتفتحي مجال خارج الحرم الجامعي لحدا فيهم لأن في منهم بس وحدة تضحك بوشهم بينجلقوا.. حاصلو, خليكي قد حالك
-سوريا
اندرويد2010-09-14 11:04:15
رأي مواطن
طالما دخل براسك السؤال والشك فانصحك بالقليل في التعامل مع الشباب, والاقرب الى ذلك الابتعاد عنهم. ومن وجهة نظر أخرى كي تتضح الصورة, الامر يتعلق بكيفية تعاملك مع الشباب والفتيات وابعاد هذه العلاقة. فمن السليم ان لا تتعدى علاقتك معهم كما لو ان ابوك وامك ينظران اليك.
-سوريا