syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
فيسبوك : مجموعة "لا لقتل أسعد وجودة" في ضيعة ضايعة ؟!
الاخبار المحلية

أنشأ أحد متصفحي موقع التواصل الاجتماعي "فيسبوك" مجموعة جديدة تحت اسم "لا لقتل أسعد وجودة"، وهما الشخصيتان الرئيسيتان في مسلسل "ضيعة ضايعة" الذي يعرض حاليا على شاشات التلفزيون، وذلك ردا على "أخبار من عدة مصادر كشفت أن نهاية المسلسل السوري ستكون مأساوية وذلك بقتل جميع أهل ضيعة أم الطنافس"، بحسب مؤسس المجموعة، في حين قال الفنان نضال سيجري لسيريانيوز إنه "لا يتذكر ذلك".


وأشار مؤسس المجموعة إلى أنه "وردت أخبار من أكثر من مصدر بأن نهاية المسلسل السوري الشهير ستكون مأساوية وذلك بقتل جميع أهل ضيعة أم الطنافس من خلال تلوث إشعاعي"، موضحا أن "المعلومات المتقاطعة من خلال بعض المصادر، والمعلومات التي وردت في مقابلات للمخرج والممثلين في العديد من وسائل الإعلام أشاروا من خلالها بأن النهاية ستكون غير قابلة لإعادة إنتاج أية أجزاء أخرى أو توظيف الشخصيات في مسلسلات جديدة".

وطالب بأن "يتم تعديل النهاية بحيث لا تتضمن القتل، لأن هذه الشخصيات عاشت معنا لفترة طويلة وأحببناها كثيرا ومن غير المنصف أن تكون نهايتها الموت".

في حين لم ينف أو يؤكد الفنان نضال سيجري في اتصال لسيريانيوز معه هذه النهاية، ودعا المشاهدين إلى متابعة المسلسل لمعرفة ذلك في نهايته.

لكن ردا على سؤال هل من العدل قتل من جلب البسمة لوجوه السوريين، أجاب سيجري بسؤال "هل من العدل أن يظلوا لعشرة أجزاء مثلا وأن يصيبوا المشاهد بالملل"، لكنه استطرد قائلا "لا أذكر أنه قتلناهم".

ويجسد الممثل نضال سيجري شخصية أسعد الذي لا يفترق عن صديقه "اللدود" جودة الذي يلعب دوره الفنان باسم ياخور، رغم أن الأخير دائما ما يدبر المقالب لأسعد، ويحاول دائما أن يكون في حال أفضل منه.

كما قال منشأ المجموعة في تعليق على حائطها "ونحن ندعو في حال كان هذا السيناريو حقيقي، بأن يعدل أصحاب المسلسل عن تحقيق هذه النهاية المأساوية والمظلمة والتي ستترك حزنا عميقا في قلوب محبي ومتابعي المسلسل، ونقول لا في وجه أصحاب المسلسل في حال كانت هذه المعلومات مؤكدة"، مضيفا "لا .. ليس من حقكم أن تقتلوا أهالي أم الطنافس، لا ليس من حقكم أن تقتلوا أسعد وجودة ؟؟؟".

كما أعرب أعضاء المجموعة في تعليقاتهم عن دهشتهم واستنكارهم لقتل أهالي بلدة أم الطنافس، حيث قالت هبة " ليس من حقكم أن تقتلوا وتموتوا وترجعوا"، مضيفة "نحن الجماهير ونطالب بنهاية سعيدة، ولا داعي أن تصوروا جزء ثالث، المهم أن لا تحزنونا".

في وقت عبر مؤيد عن امتعاضه من ذلك بقوله "إن شاء الله يموت دهس الذي سيقوم بقتلهم، لأنه سيقتل من يرسم البسمة على وجوه ملايين البشر"، ووافقته جهينة بقولها إن "أسعد وجودة أطالوا عمرنا 100 سنة من كثرة الضحك".

وكان الجزء الأول من مسلسل "ضيعة ضايعة" حقق نجاحاً كبيراً، وتم تصويره في قرية السمرة ببلدة كسب، للكاتب الدكتور ممدوح حمادة، ومن بطولة باسم ياخور، ونضال سيجري، وزهير رمضان، وجرجس جبارة، وتولاي هارون، فادي صبيح، أمال سعد الدين، وإخراج الليث حجو.

وكان مخرج العمل وأبطاله ألمحوا في العديد من المقابلات أنه لن يكون هناك جزء ثالث للمسلسل الذي حقق نسب مشاهدة قياسية على مستوى العالم العربي .. فهل ستكون نهاية أسعد وجودة وأهالي أم الطنافس الفوقا الموت؟!.

حسام بلح ـ سيريانيوز

 

اقرأ أيضا :

قد تكون الأولى في سورية..مواطنون يعتزمون مقاضاة وزارة الكهرباء

طيور اللقلق تغطي سماء حمص في طريق هجرتها من افريقيا إلى أوروبا


2010-08-24 17:23:46
شاركنا على مواقع التواصل الاجتماعي:



شارك بالتعليق
شامي بالغربة2010-09-09 15:22:43
لط حرام تروحو الضحكة من وجوهنا ووجوه اطفالنا
من اروع المسلسلات على الاطلاق بساطة وطيبة قلب اييييييييييييه ياضيعة والله لح نشتألك كتير ارجو ان يعملو عشرة اجزاء ما المانع والله ما عم امل من مشاهدة المسلسل ابدا ابدا لك اذ بترسمو الابتسامة على وجوهنا ليش بدكون تحمونا منها والله العظيم هادا المسلسل بحط مسلسلات غوار بايامو بجيبتو الصغيرة بس شاطرين باب الحارة تعملو 5 اجزاء والله شي سخيط ومملل لدرجة الغثيان 
-السعودية
Daniel2010-08-30 14:40:06
لأ ولو
ظلت على أم الطنافس الفوقا
قطر
نديم الجابر2010-08-30 10:59:21
تشبسوا
المسلسل بسيط و يمكن عمل الف حلقة و ذلك كونه لا يوجد سياق درامي متصل بين الحلقات و هذا يسهل عمل حلقات جديدة و عرضها تباعا دون ان ندخل بمتاهة جزء اول و جزء ثاني عاشت ام الطنافس الفوقا عاش المختار البيسة
-سوريا
لي لي2010-08-26 03:19:15
اي لا ولو
بئلو لليث حجو دعك من ذلك خطي حرام هلشعب الفئير بللادئية مشاعيرون بتتجروح والله منموت من فئعنا ما صدئنا حدا يترجم حكينا لك بحضي ما حا بيفهم شو عمنترغل
-سوريا
Hasan2010-08-26 02:06:39
حرام هيك
يعني بالكوميديا برأيي مو غلط انو يكون في اجزاء حرام انو يوقفوا اسعد وجودة والله كل الناس بتحبون.. يعني "friends" ضحك الناس وضل عشر مواسم وما فشل وضل اكتر مسلسل متابع بالعالم. برأيي باسم و نضال فيون يضحكونا عشر سنين لسا ليه الخوف من المتابعة؟
-سوريا
ضيعة ضيعة2010-08-26 01:34:09
اهئ اهئ
ياربييييييي ليش ؟ مابدنا المسلسل يخلص لازم يستمر لانو بيجنن حرام حرام يوقف
-سوريا
zodiac2010-08-26 01:07:36
ضيعة ضايعة
طاولة يا طاولة فهنه فوقك سر و الفرشاية عل الميزان بطل من المختار البيسة سليل الاقطاع انو يتدخل مشان ما يموت اسعد و جودي بنهاية المسلسل مع تحيات ابو نادر سيدي هههههههههههه عن جد مسلسل رائع
-سوريا
انـا ســـوري اه يـا نـيــــالي 2010-08-25 22:17:41
مشكورين على هذا العمل الناجح
- كل الشكر الى جميع من ساهم في انجاح هذا المسلسل الرائع -
-الإمارات
عمرو الحلبي2010-08-25 21:03:35
المضحك حتى البكاء
له , ليش يا زيد , وين الجهل بالموضوع , الكوميديا موجودة لدى كل شعوب العالم , صحيح عنا جهل بس مو بهالموضوع , و بعتقد أنو الكوميديا و الدراما السورية في تطور مستمر من ناحية الأفكار و الامكانيات و صارت متفوقة على مستوى العالم العربي , بس صار لازم ندخل عالم السينما لأنو سورية حتى الآن غير موجودة سينمائياً , بتمنى أشوف فيلم سوري على مستوى مرموق قريباً
-سوريا
safy2010-08-25 20:44:45
حلوه بس
الحقيقة مسلسل حلو وناجح والحزء التاني حلو وبمتوى الجزء الأول. فكرة إنو يموتو فكرة حلوة ونهاية حلوة ومانها مئساوية برأي ما يقلبوها باب حارة وكل سنة خلص يبدو شي جديد بكون أحلى. بس ملاحظة إنو معظم المواقع السورية صارت شارك فيسبوك طيب شو مشان محجوب بسوريا يعني فيها تشجيع ع كسر البروكسي ولا شو
سوريا
زيد حلبي2010-08-25 17:10:23
المضحك المبكي
يا أمة ضحكت من جهلها الأمم
-سوريا
جهينة2010-08-25 16:18:26
شكر كبير انكم زكرتوا رايي
اي والله طولوا عمرنا مية سنة لقدام دخيل ربهم مااهضمهم وهاد اكتر مسلسل له شعبية وكل ممثليه مهضومين دون استثناء واتمنى انه كل سنة يكون له جزء ولن نمل ابدا وتحية للجميع وطلب خاص للكاتب والمخرج كل سنة يعملولنا جزء
-سوريا
متطور2010-08-25 16:07:43
بلا سخافة وتفاهة يعني إذا ماتوا شو بدوا يعمل
بصراحة وبعقلانية هاد المناضل يلي عمل مجموعة على الفيس بوك وسوا كل هل الشي السخيف، ليش لينحط الضو عليه وينكتب عنوا بسيريانيوز، (بدي جواب من سيريانيوز) بعدين ان المخرج موتون بأخر المسلس هل المناضل شو بدوا يعمل رح يكسر الشاشة ولا رح يشيل الفيش، معلش بلا سخافة لسا كل شو بيطلعوا بمجموعات تافهة مالها قيمة شعب فاضي، كبروا عقلكون يا عالم وحاج تفاهات العالم عم تتطور ونحنا عم نرجع ونتخلف، **
-سوريا
خالد2010-08-25 15:02:54
اجمل مسلسل
اجمل مسلسل يعرض على الشاشة الممثلين رائعين خاصة اسعد
سوريا
عاشق عفوفة2010-08-25 14:32:36
كلو الا عفوفة
يا همالالي وشو راح يصير بعفوفة بنتحر اذا بصيبها شي اجمل فنانة سورية كلها دلع وانوثة وجنون نحن كلشي جميل ومبدع منحاربو ومنفشله اجمل عمل كوميدي وابداع غير مسبوق بالدراما السورية هو ضيعة ضايعة والجزء التاني احلى من الاول والتالت راح يكون اكيد احلى رجاء الى الليث حجو لا تكون متل بسام المللا لانك صاحب مستوى رفيع وتلعب بمشاعر المشاهدين
-سوريا
Flame2010-08-25 14:22:41
شو الفكرة
طالما المسلسل كل حلقة فيه غير مرتبطة بباقي الحركات، فلا يوجد داعي لإنهائه، فكل يوم هناك أفكار و مقالب متجددة و إن كان هناك خوف من نضوب هذه الأفكار يمكن للقائمين على العمل أن يستعينو بالمشاهدين لكتابة لوحات
-سوريا
قلوب حساسة 2010-08-25 12:21:32
في اليوم القصير يموت الاف الناس العراق فلسطين افري
يسلملي كل الناس السطحييين والمسطحين وليكن حلم الملايين حلما تافها ولتكن الارادة مسلوبة فأصبحنا نحزن على صغار الامور وعلى التمثيل اكثر من الحقيقة واصبح فلم كوميدي يفرحنا اكثر من العطاء او ابتسامة طفل
-سوريا
ايهاب2010-08-25 11:51:30
لاء ولوو
أي... سمعو عهالشوفة لا والله شوفو عهالسمعة.. معقول هيك ينهوها، طب والمواطن المسكين ما بيسألو عن مشاعيرو... أنا بقول دعكون من هذا هلأ وخلينا نستمتع بالمسلسل
-سوريا
Drama 2010-08-25 09:56:34
شخصيات لن تموت
كل ممثلين ضيعة ضايعة نجوم والثنائي أسعد وجودة إذا كتب لهم الإستمرار سيصبحان اعظم ثنائي في تاريخ التلفزيون العربي وربما يتخطون شخصية غوار في أهميتهاولكن غستمرارية البيئة المحيطة بم فيها من ممثلين ومكان عوامل كفيلة بالنجاح نعم لا تقتلوا الفرحة قبل أن تكتمل
-سوريا
حزين على اسعد وجودي2010-08-25 10:02:06
هههه اخر سمعة
يعني ازا مات جودي واسعد شو بدو يعمل الهمالالي بالمسلسل مو هما يلي مشغلينو
-سوريا
جبل الشام2010-08-25 09:57:45
كل شي الا عفوفة
يا جماعة رح سوي موقع لا لقتل عفوفة لانو ما منحسن نعيش بدونها تابر حماتي و من شان الباقيين عادي منو كتير خخخخخخخخخخخخخخخخخخخخخخخخخخخخخخخخخخخ
-سوريا
أب سميرة2010-08-25 09:56:08
لااااااااء
أحلى مسلسل, عن جد مو طبيعي, مستطيل يقتلوهون ولو, شوفو لهالسمعة, سمعو لهالشوفة!
-سوريا
خادم الأوادم2010-08-25 09:47:39
تافه
مسلسل سخيف وبايخ ومخصص للاطفال بدل افلام الكرتون-عياره حلقتين وانتهى-لماذا هذه الأجزاء السخيفة والمملة-متابعيه اسخف
-سوريا
شامي معتق2010-08-25 09:46:28
أرجوووووووكم
أرجوووووووووووكم .... لاتعملوا أجزاء من هالمسلسل، لاتحولوه لباب الحارة او 5 نجوم .... انا متابع قوي لمسلسل ضيعة ضايعة ومع هيك بقلكم لاتعملولو جزء 3 .... حرام ...بيصير بايخ ....وبيصير تجاري متل غيرو
-سوريا
أبو منير2010-08-25 09:11:40
مسلسل رائع وممكن ان يكون سلسلة
إن جمالية ضيعة ضايعة تنبع من كونه يتسم بالبساطة والسلاسة واعتقد انه من الممكن ان يكون سلسلة لعدت اجزاء وما المانع فالذي ابدع بالجزء الاول ونشاهد الان الابداع بالجزء الثاني يستطيع الابداع بالاجزاء البقية والمجموعة رائعة جدا وحرام نخسرهم .. دامت جهود أم الطنافس الفوقا حياتي اته كيفكن فيا.
-سوريا
عاشق الضيعة2010-08-25 08:35:42
الخبر اليقين عند ........عادل الفساد
بتعرفو الخبر اليقين عند عادل الفساد...........هو الوحيد الي ممكن يقول شو رح يصير بنهاية المسلسل............طبعامو فسادة بس حفاظا على امن الوطن؟؟؟؟؟؟؟؟؟
الإمارات
سوري مغترب2010-08-25 07:10:48
ضيعة ضايعة
من اجمل المسلسلات اللي عرضت من سنتين .واذا في مجال يعملو اكثر من جزء وين المشكلة .مسلسل رائع وممثلين رائعين ليش لحتى يموتوهن دغري وبعدين هاي مسلسل باب الحارة صار ابيخ مسلسل وعملو منو 5 اجزاء فليش يا سبحان الله بدهن ينهو ها المسلسل .بالله المستعان والله كبير عليهن
-الإمارات
ياهمالالي2010-08-25 06:32:15
ياهمالالي
والحشا ازا هالحكي صحيح بدي قاطع كل مسلسلات ممدوح حمادة اسمعوا لهالشوفة شوفوا لهالسمعه قال يقتلوا جودة واسعد اسفين ازا جعزناكن بس حبينا نعبر عن رأينا يالله بالاذن بالانف بالحنجرة
-سوريا
هندسة2010-08-25 04:37:58
فيس بيك
انا دريت انه اسرائيل بثت الـ (فيس بيك ) فينا مشان يدب الخلاف بيناتنا بس نحنا ايد وحدة وما بينضحك علينا بس لاتستغربوا بكرة معتز وأبو حاتم يسرقوا بروكسي من أبو جودت ويفوتو مشان يفضحوا مأمون ويدحروا الاستعمار الفرنسي
-سوريا
غريب الدار2010-08-25 04:10:43
تواصل اجتماعي
متصفحي موقع التواصل الاجتماعي "فيسبوك مادام اجتماعي ليش محجووووووووووووووووب
-سوريا
السـ حسام ــوري2010-08-25 03:33:01
دخيلكون بلا غلاظه
شوالمخرج المبدع فعلا الليث رح يعمل متل (باب بيت حاره الملا) ..ويحي ويميت ..مابذكر بتاريخ الكوميديا بانو عمل كوميدي انتهى نهايه مأساويه بتوقعي العمل الكوميدي بالاساس ترفيهي لجلب البسمه والبعد عن التعقيدات والكوارث الي شبعانين منهابالاخبار وحتى بالمسلسلات السوريه هاي السنه ...بعدين مارح اتفصحن ووبدي قول كلو الا هل ضيعه شبهون داقت عينون عليا بهل شوب والكهرباالي عم تخدق خدق والاخبار البهدله ..اي من تلات ايام لهلق عم اضحك ع الهوملالي بكلمتو ( شو رح تعملولي جوليو ورومييت )
-سوريا
محمد سعد 2010-08-25 03:36:33
لغة المسلسل الرائعة سبب نجاحه
سبب نجاح هذا المسلسل الرائع بالاضافة للاخراج المتميز اللغة الساحلية السلسة والحلوة...التي تشبه لغتنا في شمال سوريا...لقد تذكرت اليوم كلمة قبوع التي يستمعلونها في بلدي كفرتخاريم...هنيئا من كل قلبي لاسعد وجودة والليث حجو
-سوريا
محمد2010-08-25 03:31:04
احسن مسلسل
ضيعة ضايعة اهم واجمل مسلسل سوري بلا منافس
-سوريا
ابو ليلي2010-08-25 03:16:48
اجمل مسلسل
يعملو 100 جزء بس لاتتغير ولاشخصية اما اذا بدون يغيرو فبقا يوقفوا المسلسل مو متل باب الحارة فشل كتير
-سوريا
نور2010-08-25 03:13:29
إلى المعلقين
إلى المعلقين بقلكم الفيس بوك محجوب صح بس في ألف طريقة وطريقة بندخل عليه ....... بس انا ما بستعملو وما لي شغل فيه
-سوريا
بدر شاويش2010-08-25 02:33:49
سأستمتع بكل حلقة
لا يهمني ما يقال هنا و هناك، سأستمر بالاستمتاع بكل حلقة من ضيعة ضايعة بكل شخصياته التي سكنت القلب و الوجدان.. و في حال كانت الحلقة الأخيرة بهذه المأساوية (مع أني أستبعد ذلك) فأنني سأشعر بالأسف على سقوط مروع لليث حجو و ستكون نهاية هذا المسلسل وصمة سوداء لن تمحى من تاريخه و ستذكره الأجيال القادمة بكلمة تختلف عن كلمة الله يجزيه الخير على اعتبار أنه هو من قتل أهل أم الطنافس الفوقا..  
سوريا
وجدت فكرة الجزء الثالث2010-08-25 02:21:34
بعد ثلاثين سنة
الفكرة دمج الوجه الاجتماعي بالقصة الاولاد المدرسة المؤسسات ارجو منحي فكرة المسلسل
-سوريا
subhi2010-08-25 02:06:49
غلط درامي قاتل
قد يكون الكلام مجرد اشاعات ليس الا ولكن المشكلة الأساسية تكمن في صلب الدراما السورية,يعني ليش بيكون الموت هو الحل لنهاية اي شخصية فنية او نهاية اي عمل فني ليش دائما بيهرب الكتاب للموت اذا بدهون ينهو عمل.انا من جهتي بقترح على الكاتب انو يخلي ياهما لالي يبعتهون على جبرص احسن ما يوديهون الكاتب عالموت طبعا هاد اذا كانت النية انو ينهو المسلسل دون جزءثالث وشخصيا بفضل ينتهى هون لانو عدوى الاجزاء بلشت تتفشى ضمن جسد الدراما بشكل قاتل واخطر من داء السرطان
سوريا
general2010-08-25 01:13:59
رجاء لا تجعلوه الجزء الاخير
بتمنى يستمر هالمسلسل باجزاء قادمة .... والله مسلسل رائع و نورنا على مناطق رائعة بسوريا و بحب ضيف انو من بين هالالف مسلسل يلي عم ينعرضو ماعم شوف غير ضيعة ضايعة فقط فقط لانو معظم المسلسلات البقية همها اثارة الجدل بلقطات او مشاهد او حوارات او لقطات خلاعية فقط ليشهروا مسلسلاتهم ...
-سوريا
أبو جانتي ملك التاكسي2010-08-25 00:38:29
الفيس بوك ...!!
والله ...!!! .... مو على أساس الفيس بوك موقع إمبريالي صهيوني استعماري متحالف مع الرجعية العربية ولهذا السبب تحجبه مؤسسة الاتصالات العظيمة ... معقول يوجد سوريون متصهينون يزورون ويستعملون هذا الموقع ...!!
-سوريا
ابو زيد2010-08-25 00:02:29
شو القصة
ليش وين الفص بوك مو على أساس ممنوع ؟؟؟؟ ولا في خيار وفقوس ؟؟؟
-سوريا
someone2010-08-24 23:51:03
ماملكت ام الطنافس ام ماملكت يمين انزور
اظن ان مسلسل كضيعة ضايعة يدخل البهجة والسرور الى النفس يعادل الف مرة (ماملكت يمين انزور)
-سوريا
سومر2010-08-24 23:26:02
لا تحدقوا بي
صدقوني يا شباب أنو أنا ما كسرت البروكسي لفوت عالفيس بوك وجبلكين الأخبارصدقوني.هلق عرفنا مين كمان عميفوت يا عيبو.
سوريا
Mr Hassan2010-08-24 22:11:51
الأجزاء و المحتوى
مو المشكلة بالأجزاء...المشكلة بمحتوى هالأجزاء...فاذا في امكانية للاستمرار بنفس الجودة ليش لاء...أما غير هيك فلا...و قامت و خلصت
-سوريا
غنى عبد الجليل 2010-08-24 21:53:05
صديقي حسان
بداية يقول ممدوح حمادة مؤلف المسلسل : ( وكما هي العادة في كل المجازر التي تحصل هناك ناجين وحيد... ام الطنافس ) ومن وجهة نظري بان ممدوح حمادة يحلم بام الطنافس منذ البدايات حيث مسلسل عيلة خمس نجوم وما تلاها من اجزاء فام الطنافس هي حلم الكاتب القديم ولا اعتفد بانه قد يستطع قتل حلمة . في لقاء حديث مع احد ابطال العمل قال قد يكون هناك اجزاء وليس جزء ثالث فقط مما يعني ان الامر ما زال معلقا . وسيبقى حتى نهاية هذا الجزء .
الدانمارك
mimi2010-08-24 20:32:23
شو هالحكي؟
ندرا عليي اذا بينتهي المسلسل بموتون لما بقى احضر اي عمل للمخرج الليث حجو ,,,,,هيدا المسلسل هو الفسحة الجميلة في ايامنا المليئة بالملل والضغوط,,,,,وبعدين باب الحارة بشو احسن منو؟؟؟؟؟؟؟يااااااااااااااريت تعملو هالمسلسل كل سنة جزء,,او حتى جزئين بالسنة ,, بنكون ممنونين والله,,,,, 
-فرنسا
أحمد2010-08-24 20:23:47
عجيب
عجيب مع أنو الموقع الأجتماعي فيسبوك محجوب عنا كيف دخلو هاد
-سوريا
حسان محمد محمود2010-08-24 20:12:26
سؤال برسم القائمين على العمل
هذا الكاركتر الكوميدي نادر ومن الصعب إيجاد بديل له، وصار عربياًبامتياز وتستطيع الدراما السورية الفخر بأنها قدمت هذا الكاركتر (أم الطنافس) أو (شخصيتي جودة وأسعد) أسأل: منذ متى لم تقدم الدراما العربية وليس السورية فحسب مثل هذا النموذج؟ ولماذا ننهي المسلسل نهاية نضطر بعدها إلى البحث عن مخارج درامية إذا ما ندمنا على هذه النهاية؟ لقد سأم المشاهد المخارج الدرامية التي لا تحترم عقله (وخاصة عودة الأموات إلى الحياة).
-سوريا
nawar2010-08-24 19:58:05
حرااااااااااااااااااااااااام..................
بغض النظر جمال المسلسل الكوميدي وبراعات الممسلين بأداء أدوارون وقدرتون للوصول لقلوبنا في زاوية تانية من المسلسل بتتطرق لأمور بناءة للأخطاء اللي عم تصير ببلدنا وفضحا أو مو فضحها هيي واضحة بس الجرأة بمواجهتا وتغير نظرة المواطن صاحب القلب الطيب تجاه أي شي بيصير بالوطن ودعوته ليفكر بعقلانية انو هوي الغسراااااااااان وما حدا أكلها غيرو عكل حال هوي مسلسل كتير حلو ونحنا متمنى يستمر بانتاجوا اتلرائع
-سوريا
حسان محمد محمود2010-08-24 18:42:53
من أي شيء تخافون حتى تهربوا باتجاه الفناء
أعذر الأستاذ نضال سيجري على هذا الغموض وذلك بسبب عقود السرية التي يوقعها الممثل مع الشركة المنتجة، لكن في كل الأحوال أريد أن أسأل: هل من الحصيف إنهاء وجود كاكتر كوميدي ثنائي، وكاركتر ضيعة كاملة؟ هذا الكاركتر قد يكون وعاءً للكاتب يفرغ فيه إبداعاته مستقبلاً، فضلاً عن كتاب آخرين، فلماذا الهرب من بعبع الأجزاء الفاشلة؟ هل هرب (لوريل وهاردي) و (غوار و حسني) و (توم وجيري) من هذا البعبع؟ ألم يكتب نهاد قلعي و محمد الماغوط لشخصية غوار عدا عن كتاب آخرين؟أم هي الرغبة باحتكار العمل؟
-سوريا