syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
لوحات السيارات الجديدة بداية العام المقبل.. والأرقام المميزة ستباع في المزاد العلني
الاخبار المحلية

النقل: أصحاب الأرقام المميزة القديمة سيسقط حقهم في ملكيتها لأنها ليست ملكهم في الأساس

كشفت مديرة المعلوماتية في وزارة النقل ريا عرفات لسيريانيوز أنه "تم رفع مقترح إلى رئاسة مجلس الوزراء يتضمن النموذج الجديد للوحات السيارات، إضافة إلى بيع أرقام لوحات السيارات المميزة بالمزاد العلني، ومن المقرر المصادقة عليه خلال الفترة القريبة القادمة".


وأضافت عرفات أن "الأرقام المميزة التي ستباع للمواطنين في المزاد العلني تتضمن الأرقام التي لها تسلسل معين كالأرقام الأحادية مثل (00001) والأرقام الثنائية مثل (00002) بالإضافة إلى الأرقام ذات المدلولات الخاصة أي التي لها وقع معين فيكون الرقم يتكرر نفسه على كامل اللوحة مثل (878787)، بحيث يكون عائد بيع هذه اللوحات لصالح خزينة الدولة"، مشيرة على أنه "يتم العمل على إيجاد صيغة معينة أو تشريع معين لتعامل هذه اللوحات معاملة خاصة من حيث قدرة صاحبها على بيعها ونقلها من سيارة إلى أخرى".

وعن مصير اللوحات القديمة والأرقام المميزة فيها أوضحت مديرة المعلوماتية أنه "توزيع اللوحات الجديدة سيكون بشكل عشوائي وصاحب اللوحة القديمة ذات الرقم المميز سيسقط حقه في ملكيتها لأنها ليست ملكه في الأساس, بالإضافة إلى إفساح المجال أمام وزارة النقل من بيع اللوحات المميزة".

وفيما يخص المميزات الجديدة لهذه اللوحات تابعت عرفات أنه "مقاس اللوحة سيتغير قليلاً ليحاكي النموذج الأوروبي والأميركي، بالإضافة إلى معايير الحماية الجديدة بحيث تكون اللوحة غير قابلة للتزوير و الرادارات تستطيع أن تقرأ اللوحة أوتوماتيكيا وتقليل نسبة الخطأ في قراءة اللوحة وعدم تدخل العنصر البشري فيها".

وتعمد وزارة النقل على تغيير لوحات السيارات لأن أرقام لوحات السيارات تتكرر في أكثر من محافظة سواء كانت السيارة حكومية أو خاصة أو عامة, وهذا الأمر يحدث إرباكات في إدارة المرور عندما يكتب الشرطي مخالفة السير ولا يذكر نوع أو فئة السيارة، بالإضافة على أن نظام اللوحات القديم يعج بالمعلومات مما يصعب التعرف عليها لوجود (الرقم مكتوب بالعربي والانكليزي، اسم الدولة بالعربي والانكليزي، اسم المحافظة) فاللوحة الجديدة تعتمد على الأرقام فقط.

وأردفت عرفات أنه "سيتم في المرحلة الأولى إنتاج مليون و200 ألف لوحة للمركبات بشكل مبدئي ومن المتوقع إنتاج 440 الف لوحة لتلبية حاجة السوق من اللوحات".

وعن آلية تغيير  لوحات السيارات بيّنت مديرة المعلوماتية أنه "من المتوقع بعد المصادقة على النماذج من قبل رئاسة مجلس الوزراء أن يتم التغيير بداية العام القادم حسب طاقات مديريات النقل وحسب تجاوب المواطنين، ومن الممكن أن يتم التغيير في مراكز الفحص الفني للسيارات إذا تم إلغاء ترسيم السيارات وإضافته على البنزين".

يذكر أن عدد السيارات المسجلة في مديرية نقل دمشق بلغ حتى النصف الأول من العام الحالي حوالي 2 مليون و47 ألف سيارة، حيث بلغت قيمة الرسوم المحصلة من هذه السيارات 6 مليارات و 377 مليون و 731 ألف ليرة .

أسامة مكية- سيريانيوز


2010-08-10 18:36:42
شاركنا على مواقع التواصل الاجتماعي:



شارك بالتعليق
عاشق سوريا2010-11-06 16:44:03
شي حضاري
فكرة بيع اللوحات المميزة بالمزاد هو شي حضاري وعادل عالاقل بكون فيه عدل ومافي محسوبيات يعني الي حابب يتميز يروح يدفع مصاري للدولة وبمزاد علني احسن ما يرشي الموظف مشان رقم مميز....وعلى فكرة بالامارات عندن هدا النظام وانباع اغلى رقم ب14 مليون درهم....وطبعا تعزينا الحارة لاصحاب الارقام المميزة القديمة لانه راحت عليكم وما اظن الموظف الي اخد رشوة ليعطيكم الرقم راح يرجعن ههههه...والله يحمي هالبلد ويخفف الحرامي والمسيئين فيها يارب
-سوريا
samiafgali2010-10-22 21:19:23
اللوحات الجدد
كما اللوحات الجدد فيها خيار وفقوس ومزايدات ليش طيب
سوريا
أبو عصام2010-10-21 09:42:29
مصاري وبس
في البداة تغيراللوحات وناخد مصاري بعد إلغاء الترسيم وبعدين ناخد مصاري ثمن اللوحات مع العلم أن المواطن السوري لا يملك شيئ في البلد حتى خط الهاتف في البيت إستئجار لصالح المؤسسة وليش باللغة الغير عربية بحجة الحضارة ؟مشان الشرطي على اساس صقافة الشرطي عالية ؟يمكن لانو برا بعترفو على لغتناكعرب يا عرب؟ بالنسبة للمسؤولين العرب بحبو يجيبو الحضارة يلي بدفع الشعوب مصاري حتى لو ما عندن فهم فيها قبل ما تجيبو مشاكل حلو مشاكل أسفي على وضع أشخصاص بغر مكانهم الصحيح
-سوريا
أبو عصام2010-10-21 09:42:29
مصاري وبس
في البداة تغيراللوحات وناخد مصاري بعد إلغاء الترسيم وبعدين ناخد مصاري ثمن اللوحات مع العلم أن المواطن السوري لا يملك شيئ في البلد حتى خط الهاتف في البيت إستئجار لصالح المؤسسة وليش باللغة الغير عربية بحجة الحضارة ؟مشان الشرطي على اساس صقافة الشرطي عالية ؟يمكن لانو برا بعترفو على لغتناكعرب يا عرب؟ بالنسبة للمسؤولين العرب بحبو يجيبو الحضارة يلي بدفع الشعوب مصاري حتى لو ما عندن فهم فيها قبل ما تجيبو مشاكل حلو مشاكل أسفي على وضع أشخصاص بغر مكانهم الصحيح
-سوريا
ibrahem alset2010-10-18 23:18:25
سورية الله حاميها
ياجماعة حسو بها النعمة يلي انتو عيايشين فيها وحاج تزمور والله يخلينا الرئيس بشارالاسد ويطونا بعمرو وينصرو على االعدو وشكرا لوزير النقل السيد يعرب بدر وسوريا الله حاميها
سوريا
sam2010-10-18 10:06:26
أجمل شي
يا جماعة انا شفت بماليزبا شكل النمر تبع السيارات و كانت شغلة كتير حلوة و راقية لون اللوحة أسود و الأحرف أبيض بس عنجد شغلة
الإمارات
غزوان الشماط2010-10-18 09:10:21
تغيير لوحات السيارات
نشكر وزارة النقل على هذه المبادرة وفغلا أصبحت اللوحات قديمة وبحاجة الى التغيير والتغيير حلو
سوريا
طفشون2010-10-17 15:20:02
خطط قراقوش
إذا كل الأرقام المميزة رح تنباع بمزاد علني يعني الترقيم هاد رح يخلص بسنة أو سنتين... يجب أن يتم تسعير الأرقام المميزة حسب الأهمية و بيع الأرقام التي لا تحوي إلا على رقم واحد ليس صفراً بالمزاد العلني... دائما خطط قراقوش ناطرتنا
-سوريا
العربي2010-10-17 14:41:06
زيادة للمعلومات
يا شباب فقط لزيادة المعلومات، هذه الأرقام المسماة الأرقام العربية أي (1234567890) أيضا منشؤها من الهند و لكنها سميت بالعربية لأنها انتقلت الى الأوروبيين عن طريقنا نحن العرب.
-سوريا
شامي2010-10-17 13:22:27
لو مرة بتسمعونا
ياأخي أنا أنضم لأقتراح بعض المعلقين بضرورة طرح مسابقة لأفضل تصميم لوحةالسيارة بجائزة مالية والإعلان عنها في كافة الوسائل الإعلامية تضعون فيهاشروطكم كما فعلت اليابان لخطوط طائراتهاالجويةوبذلك نصل لأفضل النتائج وشكرآ بالتوفيق
الإمارات
مغترب و شايف2010-10-17 12:21:13
يا شباب بلاجنبي احسن
يا جماعة بللاتيني احسن لانو في ظاظات عم يطلعوا بسياراتون على اوروبا و كل دورية مرور بتوقفه على نمرتوا السورية الغير مفهومة فلذلك بللاتيني احسن
-سوريا
نعمان2010-10-16 23:17:22
انتباه
يا شباب ,,,,أحلى تعليق, ,,,, شبكن مبحوتين متل القباوة, هاد لازم تقروه كلكن,
السويد
عماد2010-10-16 21:04:20
هناك الأفضل
لماذا كل هذا النعقيد في الأرقام لماذا لانفعل مثل السعوديه مثلا لدمشق دمشق0872727 سبعة أرقام و أيضا شام 0902082 سبعه أرقام وتكون اللوحتان سوداوين وهذا سيغطي الشام و ريقها لخمسين سنه و ليس لعشر سنوات ثم أرجعوا من أول و جديد وللعامه شام 191999 ستة أرقام و دمشق 909009 ستة أرقام فقط و اللوحتان حمراوان وكذلك حلب 0087654 و شهباء 9898376 لحلب وريفها أما الحكومي فيكتب حكومي أ 63636 بالأخضر وهكذا المهم ما نرجع بعد عشر سنين ندفع و نغيرونحتارو لكل اللوحات SYR باللاتيني و إنتهى الأمر
سوريا
مليت 2010-09-18 20:50:15
يرحم لوحات زمان
لك يا جماعة تركتوا كل الموضوع ورحت عم تتقاتلوا شو الأرقام عربية او هندية ياجماعة بغض النظر اللوحات الجديدة باينتا ما بتختلف عن القديمة و الي بحب يشوف لوحات حلوة و رائعة يشوف لوحات سيارات سورية بفترة الخمسينات و الستينات لما كانو الأحرف نافرة و اللوحات شكلها كتير جذاب وا>ا حبيتو تعرفو شكلها اكتر هي كتير بتشبه لوحات السيارت الوزارية بلبنان وحاج بقى نحكي بهالمنطق بلدنا ناقصها بس شوية مصممين على مستوى جيد
-سوريا
yaser2010-08-13 17:05:01
canada
هل من المعقول الذي يحصل انا لااملك رقما مميزا ولكن معقول الذي دفع ثمن رقم قبل 5 سنوات مجرد تغيير اللوحات يفقد احقيته بهذا الرقم فعلا اصبح الامر مهزلة وما هو الاباب من ابواب السرقةفي وضح النهار
كندا
Syria1232010-08-13 02:09:35
أغلى رقم؟
بالمناسبة أغلى رقم تم بيعه هو رقم احادي لاحدى الفئات في ابوظبي وهوالرقم واحد(1)بمبلغ 52,2 مليون درهم يعني بعملتنا الجديدة يعادل 660330000(ستمئة وست وستون مليون وشوية فراطة.......)
الإمارات
مغترب غصب عني في الإمارات2010-08-12 22:48:28
والله شي بيبكي
الشغلة الوحيدة إلي بيخليني ضل على استمرار بقراءة أخبار سورية عموما هوي الأمل والتفاؤل بشي جديد بيخفف عني الغربة وذل الغربة وبخليني اتسلح بإنو غداً يوم جديد وأني لعائد إلى سورية التي أعبد وأعشق ترابها ولكن المبكي أن الوزارة تسارع بتقليد نظام الإمارات ببيع لوحات السيارات المميزة ليعود مشهد الأسى وخصوصا عندما تشاهد المباراة بين الكروش الكبيرة على امتلاك رقم السيارة الأكثر تميزا ولترى الأموال الطائلة هذه الأموال نبكي لنجمعها من أجل أن تكون العودة إلى الوطن أقرب
سوريا
عبد الله من سوريا2010-08-12 12:13:28
لو أحرف و أرقام أحسن بكثير
نقترح على وزارة النقل استخدام ثلاثة أحرف لاتينية و ثلاثة أرقام عربيةفتصبح النمرة أبسط و أكثر سهوله للقراءة وأكثر عددا مثال [ XWZ-145 ] هذا النموذج يخدم حوالي 17.5 مليون سيارة مثل بعض الدول الأجنبية
-سوريا
العربي2010-08-12 09:57:24
اهلا بعودة الارقام العربية
شكرا للمسؤلين لاعادتهم استعمال الارقام العربية والتي هي من اكثر الارقام استعمالا وشيوعا في العالم طبعا الرقم الهندي هو للاسف كان دلالة للكتابة العربية علما ان هنام ثقافات وشعوب تستعمل احرف العربي
سوريا
معلق اول مرة2010-08-12 02:05:35
الى نسيم
فقط لزيادة المعلومات في جميع دول العالم السيارات الحكومية والشرطة والجيش وحتى في بعض الدول السيارات الدبلوماسية يتميزون باشكال والوان
-سوريا
هيثم2010-08-12 01:39:38
ياحبذا
ياحبذا لو أنه يتم الإعلان عن جائزة أو مسابقة لأفضل تصميم لوحه للسيارات وذلك لأفضل تصميم ولكن للأسف دائما التفكير بالقبض وليس الدفع وبيع الأرقام بالمزاد وتحصيل المال
سوريا
نسيم2010-08-12 00:39:01
تطوير
لماذا لا يكون لدينا لوحة واحدة لكل السيارات وما هو مبرر ان تتميز لوحات السيارات الحكومية وسيارات الشرطة والجيش ؟؟؟؟؟؟؟؟ لماذا؟؟؟؟
سوريا
حمصي متكهرب2010-08-11 23:18:06
حاج تخويت
المرة الماضية لما تم تبديل اللوحات من ارقام فقط إلى ارقام و اسم المدينة صرعوناعالتلفزيون باللوحات الجديدة و ان اللوحة مع اسم المدينة رح تسمح بعدم حدوث خطأ و لن يتكرر الرقم طلع كله علاك، بس اخذوا حق اللوحات، هلق نفس الشي بس بعتقد السبب اهم من مجرد تبديل لوحات و اخذ حقها انا بعتقد مشان حصر اللوحات المزورة و السيارات الغير نظامية و بس مشان هيك رح نبلعها و ندفع ثمن اللوحات الجدية و امرنا لله.
-سوريا
عربي2010-08-11 21:03:57
الارقام 123 هي العربية
اذا ذهبت الى لوحة التحكم ببعض نسخ الويندوز واردت ان تتحكم بنمط الارقام بالنظام ترى ان مايكروسوفت اعترفت ان الارقام 123 هي الارقام العربية.. لمذا درسنا وتعلمنا الارقام الهندية كل هذا الزمن لا ادري! اتمنى ان تتعمم الارقام العربية بكل مكان لتخفيف اللبس والمشاكل
سوريا
مصمم اللوحات2010-08-11 20:37:33
والشكر لمن
للمعلومات العامة ولمعلومات وزارة النقل أن هذا المشروع مطروح على اللجنة القائمة عليه من تاريخ 2007 وقام أحدهم (المصمم) بتصميم هذا النموذج المطروح من تاريخه وتم التعديل عليه أكثر من 10 مرات وتم طرح النموذج على الوزير و .. و... ولكن للأسف في بلدنا ما بينذكر يلي تعب واشتغل وانما يلي عمبيتبروز.. والدليل موجود عند الطلب
سوريا
ابو الحروف2010-08-11 19:17:37
حاجة فزلكة
للذين يقولون ان الارقام 123 هي الارقام العربية!! لماذا لا تدرس بالمدارس على انها هكذا وهل سنبدأ بستخدام هذه الارقام من لوحات السيارات!!!؟؟
-سوريا
سريانو2010-08-11 17:38:38
وماذا عن العروبة والثقافة العربية
شو منشان انو غيروا اسماء محلات للعربي كرمال عاصمة الثقافة شي تاني شوفو معي يا شباب ... وستذهب الأموال لخزينة الدولة جد شي مضحك وتقليد أعمى الإمارات هي مين بدأت بإستصدار فئات جديدة للسيارات وبيعها بالمزاد العلني بس سؤال المصاري راحت لخزينة الدولة ؟ المصاري كلها راحت للجمعيات الخيرية ولا انفتح بالمرور باب سرقة جديد ؟ وا أسفاه يا بلدي الغالي ....
سوريا
مواطن2010-08-11 17:19:17
قياس اللوحات
تم تصميم اللوحات بقياسين مستطيل ومربع حيث يتم توزيع لوحتين مستطيلتين أو مربعتين لكل سيارة. سيكون من المناسب لعدد كبير من السيارات أن يتم توزيع لوحة مستطيلة واحدة ولوحة مربعة واحدة، لأنه يختلف شكل الحيز المخصص للوحة في مقدمة هذه السيارات عنها في مؤخرتها، وهذا الإجراء سيؤدي إلى عدم وضع اللوحة بشكل مشوه
-سوريا
horan2010-08-11 17:20:47
النفاق
يعني اللي عم يتفلسف ويقولي ارقامنا عربية وكأنو تركها الناس من كم سنة بس ونترك الارقام اللي متعودين عليها من الف سنة كثير صرتوا وطنيين وحريصين على الارقام بدكم ترجوعها طيب جيبولنا شي غبي اجنبي طالب بترجيع الارقام الي نستخدمها حاليا المتعارف عليها يعني هيك بتحافظو على عروبتكم
-سوريا
مواطن2010-08-11 17:00:21
منطق غريب
ممكن اي احد يفهمني شو المنطق انو تقوم حملة( متخلفة) على لوحات اعلان المحلات لانو حاطين كلمة اجنبية حتى لو كانت (ماركة) ممكن للسائح انو يقرائها وبالاخر بتطلع لوحات السيارات السورية بالاجنبي سؤال : هل منظر لوحات المحلات مغلفة بالنايلون او تم ازالتهااو تم كتابة ماركة مشهورة بالعربي هل هذا التشويه مقبول لو كان هناك من لديه اجابة مقنعة ارجو الرد
سوريا
محمد السوري2010-08-11 16:20:37
؟؟؟؟
السلام عليكم وكل عام وانتو بخير لك بجد شو في والله كل يوم طالع قرار ببلدنا جديد والمشكلة انو مومفهوم منها شي والقرار اللي بيكون مفيد بينزلز اعلانو بتصير بدك مترجم لتفهمو مع انومافي يابالعادة ؟؟ ولما بيكون القرار في خسار النابتلاقي الاعلان ولا في بسهولة قرائته الله بيعننا بس والله يحمي بلدنا
سوريا
AMORE AMORE2010-08-11 14:22:04
شكرا
شكرا لأنكم خلصتونا من الهندي و شكرا على البساطة و الوضوح ...
سوريا
سوري2010-08-11 14:02:12
هريتونا
هريتونا تحديث وتطوير.. رح نسبق أمريكا تقريبا بالتحديث
-سوريا
muhammad2010-08-11 13:57:01
شي حلو كتير
بالفعل لوحات كتير حلوه ومميزه وأنيقه .. مشكورين كتير وبالتوفيق ان شا الله
-سوريا
سومر2010-08-11 13:37:28
شو الفائدة
مرة سمعت انو شيخ اماراتي اشترى رقم سيارة بمليون درهم.وكل ما بفكر بالموضوع بقول لحالي يا ترى هالمليون لو انصرف على المحتاجين او في بناء مشروعات مو احسن ماينصرف على لوحة حديدية عليها رقم لا يسمن ولا يغني من جوع؟ ولا الانسان من حقو انو ايشوف حالو بغض النظر ازا كان في جوعانين مو لاقيين ياكلو؟
-سوريا
سنفور غضبان2010-08-11 13:00:15
أنا أكره الرياضيات
أنا كل المقال بلعته ووقفت عند 2 مليون سيارة في مديرية دمشق.. إذا كانت أرقام السيارات سداسية فهذا يعني وجود مليون رقم في دمشق. ممكن تفهموني المليون التاني شلون مسجل؟ يعني في عنا مليون سيارة مسجلة تحت اسم ( شرطة) و( محافظة)و( مادخلك )؟ فهموني شلون هي صارت فهموني !!!!!!!!
-سوريا
محظوظ2010-08-11 12:42:34
الحظ بيلعب دورو
بكرة بالصدفة بتطلع الارقام المميزة لموظفي وأقارب موظفي المواصلات والمدعومين طالما بدها تتوزع بشكل عشوائي وهيك بيريحونا من المزادات ..
سوريا
safeer2010-08-11 12:39:17
الغاء الاطار الخارجي
اللوحات حلوين ومرتبين وياريت تستخدموا نفس نمط الخط باللوحات الاوروبية واذا بتلغوا الاطار الخارجي للوحة يعني تكون كلا بيضاء احلى وجربوا وشكرا
-الإمارات
لوسي2010-08-11 12:29:59
كتير حلوة
فعلا اللوحات الجديدة كتير حلوة. وانا شخصيا حبيتا. بس اللي عم يسأل ليش 440 مليون لوحة ... بجاوبو انو هيك منيح بطلع لكل واحد رقم مميز و 20 رقم عادي وهو بعدين يختار اللي بدو ياه. وهيك ماحدا بيزعل من التاني ولا حدا بيحس انوحقو برقم مميز راح.
-سوريا
LEVSKI2010-08-11 12:29:57
إلى عابر سبيل
إلى عابر سبيل لا يوجد أرقامةعربية هندبة!! الأرقام هي نوعين الأرقام العربية التي يستعملها الأوروبيون الان، والأرقام الهندية التي نستعملها نحن. فما الخطأ في أن نستعمل أرقام أجدادنا؟ أتمنى من الله أن يفرضوها في المدارس أيضا
-بلغاريا
فاهم الدنيا صح2010-08-11 12:24:02
لوحات السيارت اصبحت تجارة
في المستقبل يزدون رقم او ينقصون رقم وتصبح اللوحات القديمة غير سارية المفعول وعلى المواطنين تغيير لوحات سياراتهم واللوحات المميزة تطرح للمزاد وهكذا
السعودية
جود2010-08-11 12:21:27
لصوص
بالإضافة إلى إفساح المجال أمام وزارة النقل من بيع اللوحات المميزة على اي اساس سوف تبيعون اللوحات المييزة طالما اللوحة القديمة ليست ملكه؟ مبدأ الأغتصاب يعني؟
-سوريا
بسام علي2010-08-11 12:06:19
لوحات مميزة وارقام مميزه
الحضارة بهيك شي من لوحات و ارقام ؟؟ طيب ممكن اشتري رقم مميز ؟؟ ولو ما عندي سياره ؟؟ بيعو و بستفضا بحقو ؟؟ مشكورين يا وزارة النقل على ها المشروع الضخم و البناء ؟؟ و الله يديمكن و يديم ارقامكم ....
سوريا
عابر سبيل2010-08-11 12:05:55
لا ولو
يعني ما فينا الا ونتشبه بالغرب ليش ما بيكون فيه ترتيب للأرقام العربية " الهندية" وتنوضع لوحات مناسبة شرط يعني بهالطريقة
-سوريا
محمد الحمصي2010-08-11 11:44:04
هادا الحكي كلو علاك ومابيفيد حدى غير بعض المسئولين
شو هل الحكي خلينا ان نفكر شلون بدنا ان نعيش بمستوى قريب للناس بالدول العربية المجاورة .هذا الحكي كلو لتعمية عن رفع الحكومة يدها عن حماية سعر المازوت يلي لح يصير بالتأكيد فوق سعر 40 ليره كما بظن كمان انات بأمل يرجعولنا سعر الفروج متل ما كان , شي عجيب ان الفعليات الأقتصادية عنا ما عم تشبع من المصاري صار 75 % من الشعب ما عم يكفي راتبه لأخر الشهر , وبالشين فينا بهل العلاك يلي ما بجيب خبز لهل الشعب يلي مو عرفان كيف بدوا يصوم بهل الشوب متله متل شعوب الدول الفقيرة , ياريت يرجع نظام الكوبونات
-سوريا
دكتور مغترب من زمان2010-08-11 11:36:27
الارقام العربية هي 0123456789
عني انا بستغرب من صاحب المقال عندما يكتب ان نظام اللوحات القديم يعج بالمعلومات مما يصعب التعرف عليها لوجود الرقم مكتوب بالعربي والانكليزي....مع العلم ان الاغلب بيعرف انو الارقام التي نكتب بها هي غير عربية,لانها هندية.على الرغم من.نحن عرب ونطلب ان نكتب بارقامنا العربية وليست الهندية. ومنتمنى انو اتكون اللوحات متعوب عليون وعاملينون بشكل حضاري.ما هات ايدك ولحقني
-سوريا
مهاجر2010-08-11 11:22:50
عم نتركلكون البلد بما فيها
لك متوسط راتب الموظف (ما عم قول دخل الفرد) بسوريا 150€ لك سعر اقل سيارة بلا ضرايب شي 4000€ لك اديش بدو هل موظف يعيش بلا اكل وبلا شرب لحتا يقدر يشتري سيارة .. ازا لغو الجمارك بدو الواحد يضل اكتر من سنتين بلا اكل و بلا شرب لحتا يقدر يشتري سيارة  بما معناه اغلب العالم مو فارقة معا ازا بغيرو النمرة بس يلي فارقة معون ازا بكفيون الراتب لاخر الشهر بقى خلي هالشعب يشبع خبز بعدين فكرو ازا بدكون تبيعو ارقام مميزة ولا بطيخ
-سوريا
حسين2010-08-11 11:26:25
تغيير الأرقام
أمتمنى من وزارة النقل تكبير حجم اللوحة أو عدم ذكر تفاصيل أكتير متل اللوحات الأوربية‎ ‎
-سوريا
عمار2010-08-11 11:16:29
ffffffffffff
نشالله مابصير عنا سيارة مشان نضل محرومين من هالعطاءات الكبيرة
سوريا
ميدو المشاكس2010-08-11 11:05:33
هي أرقام عربية
لكل الشباب يلي مفكرين انو هي أرقام أجنبية لك ياشباب هي أرقام عربية والارقام القديمة هي أرقام هندية , !!!! واللوحات حلوين وماشبهن شي , وحاجة نق !!!
-سوريا
Hani XP2010-08-11 11:04:14
شو هالتناقض ؟؟؟
"ومن المتوقع إنتاج 440 مليون لوحة لتلبية حاجة السوق من اللوحات" شوفو التناقد : "يذكر أن عدد السيارات المسجلة في مديرية نقل دمشق بلغ حتى النصف الأول من العام الحالي حوالي 2 مليون و47 ألف سيارة" طيب ليش الـ 440 مليون لوحة ؟؟؟ إذا عدد سكان سورية افترضنا 30 مليون نسمة (رجال ونسوان وولاد ) طيب فهمونا ليش عالعدد الكبير والله مافهمت !
-سوريا
باسل2010-08-11 11:02:25
دمشق
يا جماعة هي الأرقام العربية الصحيحة، ليش مفكرين أن هي أرقام أجنبية، الأرقام يلي عم تقولو عنا عربية هي هندية و معروفة عالميا
-سوريا
نبيل السيوري2010-08-11 10:53:22
الى السيد خالد عبد اللة
يا سيد ان هذة الارقام هي ارقامنا العربية الحقيقية اما الارقام القديمة فهي هندية وليست عربية
سوريا
محسن2010-08-11 10:44:11
الأرقام الجديده هي الأرقام العربيه للعلم
الأرقام الجديده هي الأرقام العربيه(0123) وأرقامنا القديمه هي الهنديه
سوريا
ابو عساف2010-08-11 10:42:40
لوحات اجنبية
لوحات اجنبية؟؟؟؟ ليش الشرطي خالفني وقت كانت الكتابة العربية مو واضحة والاجنبية واضحة ...وقتها قلي انو ابوك وجدك بيعرف يقراها ؟؟؟؟؟ شو صرلو جدي فجأة صارت ثقافتو عالية ....والله مسخرة ....ولا الاختام تبع الفواتير قال ليش مو كاتب عربي ..مين يلي بيقرا اجنبي وهي مخالفة ...فجاة تغيرت ثقافتنا ...يا هيك التطور يا أما بلا
-سوريا
ابو احمد2010-08-11 10:33:09
برأفة شي حلو كتير
اولا تصميم اللوحة حضاري جدا و أخيرا أراحونا من الأرقام الهندية و حافظا على الأرقام العربية و أنا مع انو يسقط الحق عن الأرقام القديمة المميزة لانو بالاصل الدولة لم تبيع هذه الأرقام و لم تستفيد خزينة الدولة بل كان هناك أشخاص يستفيدون منها اما هلا فالدولة رح تبيعها و بحقلك تحتفظ بالرقم شكرا للدولة و حاجة نق ما حدا عاجبو شي
-سوريا
أرادوس2010-08-11 10:33:48
رقم سيارتي مميز
أنا سيارتي رقمها مميز مع انو ما فيها رقم بيشبه التاني. الشغلة ما بالرقم المميز الشغلة باللي راكب السيارة. صرنا بدنا نقلد الخليجيين بهالشغلة الفاضية بصراحة هي اسمها قلة عقل وبتوقع ما في حدا تعبان بحق سيارته رح يدفع حق رقم مميز غير اللي لاقيين مصاريهم بالطريق أو ...
-سوريا
EMAD2010-08-11 10:32:57
رد على السيد خالد عبد الله
ياسيد خالد : للرد على (لماذا الارقام الاجنبية العربية احلى ) التي تقول عنها هي ليست عربية بل هندية ونحن العرب نستخدمها لسهولتها . أما الارقام 1 2 3 4 5 فهي اصلاً الارقام العربية ويستخمها كل دول العالم ماعدا العرب ... عجبي
-سوريا
فضل2010-08-11 10:23:03
تصحيح للسيد خالد عبد الله
الأرقام الجديدة هي الأرقام العربية , بينما الأرقام القديمة هي الأرقام الهندية و يمكن التحقق من ذلك عن طريق الآلة الحاسبة في الويندوز إكس بي و هي مفخرة لنا نحن العرب ببقاء أرقامنا و استخدامها من قبل الأوروبيون .
-سوريا
يزن الحمود2010-08-11 10:21:52
عم نواكب التطور
ممتاز شي حلو شو يعني عم نواكب الحضارة و التطور ,,, يا ريت بكل شي نواكبها
سوريا
عامر2010-08-11 10:21:01
أخيرا
أخيرا تم التخلص من الأرقام الهندية والتي لا يزال البعض يعتقد بأنها عربية!
-سوريا
ليش الاستنفار2010-08-11 10:16:55
شبكن مبحوتين متل القباوة
ليش تفكيركن محدود انشالله يساووها من خمسين رقم ليش زعلانين أنت اللي يتعذب بحفظها وإذا كان شكلها حلو أو غير حلو المهم الغاية من وجودها وبعدين لاتشتري رقم مميز في حدا يسهل مهمة الشرطي ليخالفك بالعكس اختار رقم صعب الحفظ على كل حال إذا متوفر الرقم 000 00000 أنا باخدو إذا ما متوفر رح ضل بالسرافيس والباصات ودمتم
-سوريا
ابن الشام2010-08-11 10:13:51
يا سلام
هلأ داقة عينهون على النمر طيب قبل ما يغيرو النمر يروحو يغيرو هالطرقات المزفتة بس شاطرين بلم المصاري من هالعالم بعدين شو هالشغلة المهمة هي النمر شبها عين الله عليها واضحة بعدين في نوع من التفرقة بموضوع النمر الجديدة لك يا جماعة في شي أهم من هل الموضوع هاد .. ارحموا هالشعب
سوريا
الاستفتاء2010-08-11 10:04:59
القرار
ياويلي 440مليون لوحه اي شو بدنا نغطي سيارات الصين وبعدين ياشباب انا برأيي انو نعمل مسابقه على مستوى الوطن ونطلب من هالشعب تقديم نماذج لوحات وبعدين عالتصويت منختار عشرة نماذج لتدخل السباق الكبير ومنعمل برنامج بالتلفزيون للمسابقه وكل حلقه منستبعد لوحه وبيكون التصويت عالموبايل وهيك حتى نصل للوحه الفائزه وانا خايف عليكن ليكون هادا الرقم الكبير من اللوحات مخصص للمواطنين
سوريا
خالد عبد الله2010-08-11 09:53:37
لماذا اللوحات العربيه
ولماذا الأرقام الأجنبيه؟ اللوحات العربيه كانت أجمل.
-سوريا
wassem2010-08-11 09:56:00
النقل: أصحاب الأرقام المميزة القديمة سيسقط حقهم في
ارضي ليست ملكي في الاساس بيتي ليس ملكي في الاساس موبايلي سيارتي نضاراتي ليست ملكي في الاساس .... شي حلو
-سوريا
مهم2010-08-11 09:51:14
عيب
اول شي انا عم اكتب بلا نفس لأنو ملينامن الحكي طبعا ماعندي سيارة .ارجو ان من الدولة توزيع ارقام السيارات بشكل مجاني وبيع الأرقام المميزة بالمزاد.أكرر وأقول تبديل الأرقام الجديدة بالقديمة بالمجان !!!! يا حكومتنا ارجو الرأفة علينا واعتقونا مشان الله ماضل معي ولا ليرة ادفعها الكون من ضرايب وغيروا وراتبي 10000ليرة وعندي ولدين ومستأجر يعني عم اشحد من الفقر والعوز خافوا الله لأنو ماعاد عنا صبر.
سوريا
مواطن مسكين2010-08-11 09:40:57
راحت علي
و الله راحت علي لأنني دافع ثمن رقمي المميز ما بصير يعطوني رقم مثل الأول كل رقم بسيارتي مكلفني هيديك الحسبة ياالله بعوض الله بركي هل المرة بتروح لجيبة الحكومة
-سوريا
Zoazi2010-08-11 09:34:05
بشعةةةةةةةةةة
يا جماعة بس بدي اعرف مين الفنان اللي صمم هاللوحات المخيفة بعدين يعني شو بيمنع انو نخلي اسم المحافظة بالعربي بدل الرقم المعبر عن المحافظة يعني لفينا و درنا و رجعنا للنمر بعام 1990 لما كانت مثل هالنموذج : 12345/027 يعني شو اخترعنا بهالعشرين سنة الماضيين لحتا ارجعنا هلأ لهاد النظام بعدين سيارات الأجرة شو نوع نمرتها ؟ و ليش لهلأ تمييز للنمر الحكومية عن العادية شو الحكومة من دهب و نحنا من طين ؟
-سوريا
سواق عمومي2010-08-11 09:23:49
هلكتونا
تبديل لوحات السيارات تقليد للإمارات و مزادها من جهة، و لكن الأهم انهم بكرو بيدفعونا دم قلبنا سعر اللوحات الجديدة و يضيعولنا وقتنا بمعاملة تغييرها و الرشاوي اللي بتتبعها...هلكتونا انتو و السيارات صار لازم نركب حمير يمكن بنرتاح
-سوريا
rami2010-08-11 09:23:20
hiz
وصاحب اللوحة القديمة ذات الرقم المميز سيسقط حقه في ملكيتها لأنها ليست ملكه في الأساس تعي يا ريا ع الامارات وشوفي ازا في رقم بطير من صاحبو حتى لو احادي بس مبررات بلا طعم قال شو مو من حقو لانو مو ملكو بعدين من حلاوة الارقام شو لوحه تتكون من 8 ارقام ههههه
الإمارات
جلال2010-08-11 08:57:36
الدهان
دخلكن هلأ الدهان تبع هي اللوحات ما بينمحا ولا كمان كل ست شهور لازم ندهنن بعدين ضريبة الرفاهية بحد ذاتها تميز كمان صارت عاللوحات والله هالخليجيين عم بأثرو فينا
-الإمارات
محمد2010-08-11 08:49:07
لوحات حضارية
وفقكم الله. أخيراً لوحات مقروءة وحضارية وخلصنا من الأرقام الهنديةالتي تسمى بالخطأ عربية
-قطر
علي بابا2010-08-11 08:34:52
والله سوريا بلد العجايب
هالخطوة مهمة لإنها تنظيمية ويمكن لازم من زمان كان لازم تقوم فيها الدولة يعني بدهن يعملو متل الامارات بس الفرق بين هون وسوريا انو كل انسان حافظ على حقه بالرقم المميز تبع سيارتو مع انو ملك للدولة حتى الوافدين للدولة حافظوا على حق ملكية ارقام سياراتهم بس بسوريا لا يحق لا يحق لا يحق وكأن المواطن حياته ملك للدولة **
-الإمارات
راعي غنم2010-08-11 08:09:28
ماذا املك في وطني؟
استوقفتني عبارة (أصحاب الأرقام المميزة القديمة سيسقط حقهم في ملكيتها لأنها ليست ملكهم في الأساس) نهنىء على هذا الانجاز الكبير وهيك صرنا منعرف اصحاب الطبقة الاولى من الثانية لكن الاهم هو ماذا املك انا في وطني اذا كانت الارض تصادر والبيت يهدم بحجة المصلحة العامة وحتى رقم سياراتي يسحب فماذا بقي لي؟ سوى حب الوطن وتعلقي به والدعاء هو الوسيلة الوحيدة لاصلاح الحال؟
سوريا
أبو فهمي بياع اللوز2010-08-11 08:01:18
ملعوووووبة
ما حدا فهم لسا شو المقصد من هالعملية ,, هادا يا سيدي عمو الشرطي من كتر ما عميكتب مخالفات صار معو (عمى لوحات) مشان هيك وحفاظا على (صحة الشرطي) غيرولو الستايل حتى يتناسب مع الراحة النفسية ,, والجيبية ,, ويلحق يكتب اكبر عدد مخالفات بأقل وقت ,, شنوو ما عمتوفي معو 20000 مخالفة باليوم لازم يطالع 50000 لتوفي معو على هالغلا والله معو حق لك ارحمو الشرطة يا جماعة شو ما عندكم احساس ؟؟؟؟ ما بتحسو بأخوكم الشرطي (الفقير) ؟؟؟؟ لسا ناقصو كسوة لشاليه البحر وسيراميك لفيلا بلودان :)
سوريا
أحمد م س2010-08-11 08:00:46
فكرة حلوة كتير
((كالأرقام الأحادية مثل (00001) والأرقام الثنائية مثل (00002))) مابتوقع رقم 2 ثنائي أما بالنسبة للفكرة فهي جيدة جدا وارجو تطبيق فكرة الفئات وبذلك يكون من كل رقم عدة فئات
-الإمارات
سوري وطني للنخاع2010-08-11 07:52:13
لوحات جميله
هي اللوحات جميله ولكن حبذا لو كانت باللغتنا العربيه التي نفتخر بها .. زائد أحرف وأرقام على غرار لوحات السيارات في مصر والسعوديه .. ولكن بشكل عام اللوحات جميله والى الأمام ياسوريا الصمود
-المكسيك
مغترب2010-08-11 07:48:33
تقليد
خطوة جيدة ولكن لماذا تم تقليد لوحات السيارات المعتمدة في الامارات ( ابو ظبي ) بالتحديدلأن التصميم الجديد يشبه الى حد 99% تصميم اللوحات في ابو ظبي... ما في امكانية وضع تصميم مجديد و غير مقلد و الله عيب لهون وصل التقليد كمان
-الإمارات
michael2010-08-11 07:00:13
النقل
ارجو ان تكون الافضلية باعطاء الرقم القديم لصاحبه قبل ان يطرح للبيع
أستراليا
محمد2010-08-11 06:50:39
اقتراح شكل أخر للوحة
في دبي مثلا فئات أحرف - في أبوظبي فئات أرقام احمر -- وشكل اللوحة كتير حضاري -- الرجاء اعادة النظر فيها
-الإمارات
أبو يامن2010-08-11 06:22:04
دفع مصاري
يا حبيبي وانشالله هلء في دفع مصاري كمان مشان نغير اللوحة يلا قلة ما عم ندفع هون وهون
سوريا
خلدون2010-08-11 05:46:35
أقتراح
لماذا لايستخدم ارقام مع الاحرف لسهولة حفظ الرقم مع الحرف أكثر كما في بعض الدول كالسعودية بما ان خانة الحرف تتكرر اكثرافضل من الارقام الطويلة
-سوريا
سيريانا الدمشقي2010-08-11 05:30:42
تصحيح و تعقيب
الأرقام في اللوحات القديمة هي بالارقام العربية و الهندية و ليس الانكليزية و الأرقام في اللوحات الجديدة هي أرقام عربية و ليست أننكليزية و بما اننا دولة عربية و نتغنى بالقومية العربية فياحبذا لو تم اعتماد الارقام العربية في حياتنا العامة بدلا من الارقام الهندية السخيفة...للأسف العملات الورقية الحديثة صدرت عليها الارقام الهندية أما التعقيب فعن اتباع حكومتنا الرشيدة لخطى دبي في بيع ما يسمى بالارقام المميزة حيث ان الدول الرأسمالية الكبرى لم تفعل ما تفعله دبي ونحن نقلدها وهذا خطأ
-كندا
رامي2010-08-11 05:25:03
احرف + ارقام = عدد اقل من الخانات
كثير من دول العالم تستخدم الاحرف و الارقام بلوحات السيارات و هذا يعني استيعاب عدد اكبر و بعدد خانات اقل. اكيد بعد ما يغيروا اللوحات و ياخدو الرسوم سيتم اقتراح لوحات احرف و ارقام يعني رسوم جديدة و مناقصات جديدة و فهمكم كفاية
-سوريا
وليد2010-08-11 05:09:14
رجعنا للقديم
يعني لفو ودارو ورجعو لطريقة الترقيم القديمة واللي كانت عل اليسار رقم المحافظة وبعدين رقم السيارة بقا ليش كل فترة هل التغيير اللي مالو لزمة الأفضل تكون النمرة تلات أحرف وتلات أرقام متل معظم الدول
-سوريا
سوري2010-08-11 03:55:04
400 مليون
ومن المتوقع إنتاج 440 مليون لوحة لتلبية حاجة السوق من اللوحات التعداد السكاني في كل سورية لا يتجاوز 25 مليون انسان فكيف 440 مليون يعني لكل مواطن 5 لوحات وبيقولو ما في دعم
سوريا
Omar2010-08-11 03:36:00
alphabet
ألم يحن بعد أن نكون أذكياء بان نستعمل حروف الأبجدية من ضمن اللوحة لكى نختصر شوربة الأرقام
-إيطاليا
فايز2010-08-11 03:22:22
العنب والناطور
النقل الله يخلينياها بدها العنب والناطور سوى يعني عم تفكر كيف بدها تبيع لوحات بالمزاد العلني قبل ماتصدر اللوحات هههههههههههههههههههههههه بدي افهم مين هالعباقره يلي عم يفكرو هيك تفكير بانسبه الي رقمي المميز هو 3758964 قديش لح يحسبولي ياه
-سوريا
وليد2010-08-11 02:54:31
بحب لوحتي
بس قديش سعر اللوحة الجديدة ؟ انا رح نقي أبشع رقم بالمديرية , لأن شغلة رقم السيارة المميز شغلة التافهين بس. وعيب النقل تنزل لهيك مستوى من السخافة .قال رقم مميز قال. ايها السادة في مديرية النقل : التميز بيكون بالالتزام و بالعلم واللباقة والاخلاق . شو دايرين ورا رغبات المراهقين ونزواتن. شوفو كيف تنظموا الطرق وتجددوها وتحلو أزمة السير و ....
-سوريا
عدنان2010-08-11 02:51:53
عيب!!!
شو ما عنا ارقام بالعربي لنساوي لوحات سياراتنا بالارقام الاجنبية؟؟؟!!! بحياتي ما شفت دولة اجنبية ارقام سيارتها بالعربية! والله العظيم عيب!!!.
-سوريا
ziad2010-08-11 02:30:57
شي بيرفع الراس
يا جماعة أنا يلي مجنني انو أنا من فترة 6 شهور قتحت محل تجاري حتى استرزق و إذ تاني يوم بطبو عليني جماعة البلدية ليشششششش؟؟ قال لأنو اسم المحل إفرنجي أو إنكليزي أو غربي يلي هوي و الشباب جاييين يشمعوا المحل اذا ما بغيير الأسم و بحطو عربي... ببساطة..!!! فعلى إي أساس بحاربو الغرب بأسماء المحلات و فجأة بغيروا لوحات السيارات من العربي و الأنكليزي للأنكليزي و الفرنجي ....!!؟؟ إي صار بدا حلقة ببقعة ضو
سوريا
zzz2010-08-11 02:28:32
مبتكرة
فنة مبتكرة وحلوة للتشليح ومقنعة...بس الهوى أللي عم نتنفسه لهلق مالقيتولو شي فنةلفرض شي غرامة او رسم لتكونوا نسيانينو
-سوريا
رايئ و مو مندايئ2010-08-11 02:22:50
ما هيه هيك كانت
يعني لوحاتنا هيك كانت كان رقم اللوحة مجزء لرقم من خانتين بيدل على عائدية المحافظة وفاصلة ورقم من اربع خانات هو عبارة عن لوحة السيارة يعني كرمال الله ليش غيروها مدام رجعوها الله يوفقن
سوريا
ty damascus2010-08-11 02:15:39
و الله كل شي زابط بس النمر لا ؟؟؟؟
ياجماعة والله عجبة .هلق تركو كلشي من شوارع تعبانة < حتى بعد اعادة التزفيت لأنو نوع الزفت كتير عاطل> ومشكلة الكازيات يلي عم يحتار المواطن ب الاخيار منين يعبي ولا من نوع البنزين يلي هو من الأسوء ب العالم< مو تاركين في ولا شويت اوكتان> لتحسن ه السيارة المسكينة تمشي . و أكتر شي بحيير بأنو بدون يضيفو الترسيم ع البنزين طيب شلون بدها تزبوط؟يعني يلي محرك سيارتو مثلا 1.5 سي سي بتصير بتكلفو متل واحد سيارتو 5.0 سي سي لأنو أغلب السيارات الكبيرة ما بمشوها صحابها كتير وأخ..... و أخ
سوريا
MetalliCaN2010-08-11 02:22:37
خطوة جيدة
بصراحة وبغض النظر اديش شعبنا بحب يحكي وينتقد كل شي بس خطوة جيدة من الحكومة وبنالسبة لبيع الارقام المميزة .. بصراحة فاجئني نظام التفكير الصحيح ..يعني احسن ما تروح رشاوى لفلان ولعلان .. لأ خليها تروح للخزينة افضل بالف مرة .. واللي ما بدو رقم مميز ما حدا جابرو يشتري ان شالله يضل التفكير المتحضر ماشي بهالبلد ..
-سوريا
احمد العكاري2010-08-11 02:15:16
وليييييييييييي
بس على هالحالة بدها تكتر المخالفات كتير كتير والحسد وديقة العين وبدو يصير كل ما مرق واحد من حدك يطلع عليك وانت بالسيارة غيير عن الحرامية واللصوص بس ترى ياجماعة اللي بدو يصير انو البنات بدون يصيرو يطلعو عاللوحة وماعد حدا يطلع عالسيارة هههههههههههههه
-الإمارات
walking disaster2010-08-11 02:14:40
يا عيب الشوم
انو بيع النمر بالارقام المميزة بالمزاد العلني يعني ليلي معو مصاري اكتر تكريس تافه للتمييز الطبقي وهيك دولة عم تدعي النهج الراسمالي بكل مفاصلها اول شي لازم يكون صاحب الدخل المتوسط عايش فيها ككائن بشري ..بعدين كيف ( صاحب النمر المميزة القديمة سيسقط حق صاحبها به فهي بالاساس ليست ملكه؟؟؟) شو هالتناقض والغباء ؟ كيف ستسقط ملكيته وبنفس الوقت هي ليست ملكه اساسا ؟تعا ولا تجي يعني؟؟ هيي اساسا ليست ملكه ايه مزبوط بس مو بتسقط ملكيته بعدين مادام مو ملكه كيف بدن يبيعوها بمزاد علني للجديدة المميزة
سوريا
أبو عبدو الغباغبي2010-08-11 02:00:50
سياحة و أصطياف
يا حبذا لو تخبرنا سيريا نيوز اذا كا نت الحكومة تنوي أعادة طرح لوحات "سياحة و أصطياف" من جديد، نظرآ لرغبة الحكومة تشجيع السياحة السورية و أضفاء طابع "منا و فينا" للسواح المغتربين و العرب.
سوريا
كونن2010-08-11 01:42:32
10
حتى اشتري السيارة بحلول العام 2070 ارغب باقنتاء الرقم (10)الرقم محجوز شباب الرجاء عدم الاحراج؟
بنغلاديش
شوشو2010-08-11 01:31:40
ارقام ممیزه
لیش العالم بتحب الارقام الممیزه ...مشان تسهل عل شرطی یعنی؟؟
-سوريا
نضال2010-08-11 01:32:31
ولو
على فكرة هنن غيروا اللوحات بس كرمال انو يبيعو الارقام بالمزاد العلني , ما عم يعرفو لك يا خيي من وين بدن يشلحونا مصاري , اساسا انا مامعي سيارة , و بمشي ع رجلي , ولكني مواطن من هذا الشعب ,
-سوريا
راعي الكامري2010-08-11 01:11:46
نصب واحتيال
ليش هو الناس ملاقية تاكل لتشتري أرقام مميزة وبعدين من هلق كل الأرقام رح تروح للجماعه توووووت وبعدين على أساس شو رح يسحبو الأرقام المميزة القديمة ؟ وطبعا ً بكرة الرسوم بتكون شي 10000 لتغيير الرقم كالعادة ما منلحق نركض لندفع للدولة البارحة سحبو المازوت وبكرة بيعملوا الهوى بمصاري
الإمارات