syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
بالصور: العملة الجديدة فئة 200 و 100و 50 ليرة سورية
الاخبار المحلية

بدأ مصرف سورية المركزي يوم الثلاثاء بوضع أوراق نقدية جديدة من فئات 50 و100 و200 ليرة في التداول.


وكان حاكم مصرف سورية المركزي أديب ميالة قال في وقت سابق إن الأوراق النقدية الجديدة سيتم وضعها بدلا من الأوراق المنتهية الصلاحية والأوراق المهترئة والأوراق التي أصبحت صعبة التداول من السوق تدريجيا, لافتا إلى أن إصدار هذه الأوراق لن يكون لها تأثير على التضخم.

وتتضمن الفئات النقدية الجديدة تصاميم ورسومات تعكس المظهر الحضاري والثقافي والتاريخي لسورية, بالإضافة إلى عدة مزايا أمنية.

ويحتوي وجه الورقة النقدية الجديدة من فئة الخمسين ليرة صورة لرقمين فخاريين احدهما دائري والأخر مستطيل, يمثلان الأحرف الأبجدية الأولى التي انطلقت من سورية لتتحف العالم, إذ أن الرقم الدائري الشكل هو من مكتشفات القصر الأثري في ايبلا ويعود تاريخه إلى القرن الرابع والعشرين قبل الميلاد, في حين أن الرقم المستطيل هو من رأس شمرة, في حين يحتوي الوجه الخلفي للخمسين ليرة سورية على صورة لمكتبة الأسد وتمثال للرئيس الراحل حافظ الأسد.

ويتضمن الوجه الأمامي لورقة المئة ليرة صورا لبوابة بصرى ومسرحها فيما يتضمن الوجه الخلفي صورا لمبنى مصرف سورية المركزي, ومبنى الخزنة في صحن الجامع الأموي, في حين تتضمن فئة 200 ليرة صورة لنواعير حماة على الوجه الأمامي, وصورة لسقف معبد بل في تدمر على الوجه الخلفي.

وتمتع الأوراق النقدية الجديدة بالمزايا الأمنية ذاتها, فأطرافها مطبوعة ومصنوعة بشكل نافر وهي ميزة أمنية من ناحية, وميزة للمكفوفين من ناحية أخرى أي انه اخذ بعين الاعتبار شريحة من المجتمع يمكن لهم التعرف من الأوراق النقدية من خلال أطرافها, كما أن هناك مزايا أمنية في الوجه الخلفي للورقة من خلال خطين ملونين لا يمكن لأي آلة تصوير أن يصورهما, وهناك خط معدني مكتوب عليه المصرف المركزي.

يشار إلى أن آخر ورقة نقدية تم طرحها في سورية فئة 500 ليرة في 1998 وقبلها فئة ألف ليرة في 1997.

يذكر أن آخر ورقة نقدية تم طرحها كانت بتوقيع كل من حاكم المركزي آنذاك بشار كبارة ووزير الاقتصاد محمد العمادي فيما تحمل الفئات النقدية الجديدة توقيع كل حاكم المركزي الحالي أديب ميالة ورئيس مجلس الوزراء محمد ناجي عطري.

 

سيريانيوز


2010-07-27 17:19:20
شاركنا على مواقع التواصل الاجتماعي:



شارك بالتعليق
شبيه الريح2010-07-31 00:36:09
تنقيـــر عالخفيف
ياريت الحكومة تبطل تطبعلنا عملة من نوع التيفال الذي لا يلصق بيد المواطن .. وكل المشكلة إنها مختومة بختم عدم البركة على كل ورقة ..
سوريا
قوات خالصة2010-07-29 17:44:18
بيلبئلنا
العز للرز واليورو شنئ حالو صارت العالم تعمل انفاق لتحافظ على العملة الجديدة ونحنا لازم نقبع البلاط وندفن العملة تحتو مشان نكون حضاريين ومتحضرين ونسعوالى التقدم والتطور مع تحيات وش وش وكش كش معك دائماً 24ع24 الاتصال على 111كلفة المكالمة 50ليرة سورية جديدة حصراًً
سوريا
قوات خالصة2010-07-29 17:41:36
بيلبئلنا
سوريا
abdaspr2010-07-29 12:24:40
الله يعطيكم العافية
الله يعطيكم العافية واتمنا من الناس جميع المحافظة على هذه العملة الجديدة
سوريا
سوري2010-07-28 23:17:20
مبسوط :)ههههههههههههه
طولو بالكن عليهن شوي لسا كل ما عملو شي بتستلمو عشرة بلدي هاد بدو الدير وهداك بدو القلعة لك خلص منيح حسو فينابليرة ههههههههههههههههههههههه
-سوريا
سوري آه يا نيالي2010-07-28 17:12:12
حاجتكن بقاااا
اللي عم يقارن الدولار واليورو بعملتنا السورية.. المفروض تقارنو الشعبين شعبنا مو متل شعب اوروبا والله ازا حطولنا العملة من الفولاذ بدنا نهريها لأنو شعبنا بياكل الحديد!!! :)
سوريا
nour2010-07-28 13:53:03
كيف بغيرهم
طيب سؤال اليوم قبضت راتبي كاش و كلو خمسميات مشقشقة كيف بدي بدلهم
-سوريا
رونالدو2010-07-28 13:28:48
الى سوري عتيق
ولا يهمك يمكن يحطوا صورة قلعة حلب على ورقة ال500 أو ورقة ال 1000, قول انشالله .
-سوريا
ابو العبد الحموي2010-07-28 11:10:57
شي فاخر
اليوم الصبح شفت 200 ليرة جديدة وبصراحه شعرت بالفخر بتحس ملمسها رقي مختلف وتطور وبصراحه حسيت حالي في بلد اوربي خطور رائعه وشكرا على النواعيرالحلوة احلا مصرف بالعالم مواااااه هههه
-سوريا
ابن الفرات2010-07-28 10:11:31
مبروك
حلوة , بس في استفسار : مافي عينات مجانية بتتوزع عالشعب !!!!!!!!
-سوريا
مواطن2010-07-28 08:55:58
التواقيع على العملة
بالعادة يوقع على العملة حاكم مصرف سورية المركزي ووزير الاقتصاد الذي استبدل هذه المرة برئيس مجلس الوزراء.هل من سبب ياترى؟؟
-سوريا
رباح2010-07-28 08:23:39
حلو
الحقيقة التصميم عجبني ... ماشي حالوا .. بس لو حطيتوا رمز من حلبون (زهرة سورية) أو من رنكوس أو من منين أو التل مثلاً .. أو النبك.. على راسي جبل القلمون كله
سوريا
امجد2010-07-28 07:57:14
..
اي شو هاد شي بيخل العقل شكلها كأنها اليورو بس انشالله تكون مصنوعة من نوعية كويسة
-سوريا
سوري عتيق2010-07-28 07:47:47
قلعة حلب
بيهمني اعرف وين راحت قلعة حلب ؟؟؟؟
سوريا
العملة بتعمل2010-07-28 04:39:39
لفتة مضحكة
بما أنو طبعة جديدة شو بيخسرو لو يطالعو طبعة مجانية من كل فئة وتتوزع لكل مواطن , بس أكيد لو عملوها لح يكتبو عليه نسخة غير مخصصة للتداول فقط للذكرى
إيرلندا
ملك الحكم2010-07-28 03:45:47
تذكرة
انشالله تكون العملة مفيدة بإقتصاد البلد
سوريا
مستغرب جدا2010-07-28 03:28:43
سورية قلب العروبة النابض
هلا الألوان مو زاهية مو مشكلة , بس نحنا بسوريا منفخر بلغتنا العربية و بإنو حتى لهجتنا قريبة من اللغة العربية الفصيحة , فيا ترى ماحدا شاف لما طبعوا العملة انو الألف في كلمة "مائة" تكتب ولا تلفظ ؟؟؟!!!!! الله يرحم أيام اللغة العربية
-سوريا
محمد2010-07-28 03:06:22
حاج تلوموا الحكومة
حاج تلوموا الحكومة لسه كل ما عملو شي جديد منطلع على السلبيات مو ع الايجابيات على فكرة نوع الورق المستخدم كتييير منيح و حجم الورقة مناسب كتيير فشوفوا قبل ما تحكوا
-سوريا
حمووووووووووووودة2010-07-28 02:58:34
شي جخ
يعني اخيرا جخو علينا وغيروا العملة الحمد لله رح تتغير العملة ابل ما اموت .. انا نفسي من زمان اشوف 100 ليرة مو مهترية يلا الله يخليلنا هالدولة .. بس سؤال صغير كيف بدي اخليهم يحطو صورتي على العملة الجديدة ???????
سوريا
الشمري2010-07-28 02:13:47
العمله السورية الجديدة
كتصميم حلو ورائع وهي قريبة من العملة الخليجية كلون فقط
إندونيسيا
Hamdoudi2010-07-28 01:41:20
مبروك
عنجد كتير كتير حلوين. كل الشكر الى من اتخذ هذا القرار. نعم و الف نعم للتطوير و التحديث في بلدنا الحبيب. مبروك
-سوريا
ahmad2010-07-28 01:14:33
شعب مافي فايدة منو
والله انا شفتها اليوم شي حلو كتير والله يعطيهن العافية نحنا الشعب السوري بس شاطرين بالنقد ومو عاجبنا شي الصراحة العملة الجديدة جدا راقية ونوعيتها ممتازة من ناحية انو مارح تنهرا اكيد رح تنهرا لأنو اذا شوفير التاكسي والميكرو جعلكها وحطها بجيبتو واذا الميكانيكي نشف الشحم فيها والصغير بضل ماسكها بايدو شي طبيعي تنهرا شو يعني بدكن عملة تتحمل شعبنا المرتب والله بعمرنا مارح نصير عالم طالما مارح نغير عاداتنا
-سوريا
الكبتن2010-07-28 00:22:01
يا سلام
عنجد شي حلو كتير صاريت شبه العمله السعوديه عجب في فراطه جدادبتكمل معنا
سوريا
محمدمنير2010-07-27 23:42:13
سوريا
بصراحة الرسوم جميلة لكن الألوان مو زيادة فياترى الوقع مختلف عن الصورة
-سوريا
أبو علي2010-07-27 23:10:16
بس في شغلة
انا بسمع انو التزوير بصير للخمسمية و للألف طيب ليش ما تكون هالميزات موجودة بفئة 500 و 1000 مو أهم و أحسن ؟؟؟؟؟؟؟
-سوريا
شحرتني الحياة2010-07-27 22:51:19
ماسايعتني الفرحة
يمكن ينزلوهم على السوق وماحدا ينتبه انهم تغيروا ..لأنو المية ليرة والميتين مابيلحئو يهدو بالإيد بكونو طاروا بسبب موجة هالغلا..انا برأيي تعلمو وحدة فئة ال 10 آلاف ممكن الواحد يصفنلوا فيها شي ساعتين..الله يرحم ايام زمان وقت كنا ناخد عيدية 25 ليرة ونروح ننجلط من الفرحة
-سوريا
عمار2010-07-27 22:40:47
على زمة حاكم مصرف سورية
ذكر حاكم مصرف سورية ان الورق المستخدم هو نفس الورق المستخدم في يورو وان من صمم هذه العملة هو نفسه من صمم اليورو..
سوريا
ديري2010-07-27 22:08:46
سوورييين
حرام يعني لو حطيتوا شي من الدير ...نتمنى شي يوم نشوف عملة عليها رمز من الدير
-سوريا
petra2010-07-27 21:30:01
العملة الجديدة ..
مو حلوة ألوانها غير نضرة ..يعنى غير مفرحة .. تشعرك بأنك تريد التخلص منها بسرعة وصرفها بسرعة كى لاتبقى بحوزتك فترة أطول..
سوريا
!!!!!!2010-07-27 21:19:25
السيد فادي
ممكن تشرحلنا شو يعني العملة الخليجية يا فهيم زمانك
-سوريا
حبيب2010-07-27 21:16:29
هدر
يعني كل فترة والتانية بيعملو اصدارات جديدة للعملة وما يترتب على ذلك من تصميم وطباعة ورسوم... ما عاد في داعي كل مرة تغيرو التصاميم. حرام كلفة وهدر زيادة. اثبتو على شيئ لمدة 100 عام. الدولار الأمريكي بيضل هوهو. ما حدا بيفكر يغير التصميم. العبرة انو خلص هدون مصاري وبدنا نستعملن. بيكفي هدر يا مصرف سوريا المركزي
-سوريا
george2010-07-27 21:12:39
قريبة كتير
والله يا فادي هية هية قريبة كتير من العملة الخليجية وخصوصا القطرية بس حلوة احلى من السابق
-قطر
فادي2010-07-27 19:38:41
حلوة
قريبة من العملة الخليجية
-سوريا
برشلوني للصاجة2010-07-27 18:51:03
اتمنى
منقول ان شاء الله ما تكون نوعية الورق المستخدمة نفس نوعية الورق القديمة يعني هي الدولار الامريكي ليش ما بينهرا متل العملة السورية بتمنا تكون نوعيتها متينة
-سوريا
ناصر2010-07-27 18:47:26
عملة جديدة
ان العملة الجديدة تبدة حضارية ، لكن ما اود ان اضيف لماذا ترجمة اسم العملة السورية الى " باوند " من المفروض ان يبقى اسمها syrian lira ،ملاحظة برسم المصرف المركزي
-سوريا
غيور2010-07-27 18:39:34
نوعية الورق
بنتمنى أنو نوعية الورق المستعمل بالعلمة الورقية يكون ذو جودة أفضل ...يعني مثلا لما نشوف نوعية ورق اليورو وكيف انو صعب يتجعلك بسهولة او يهتري ... وانشاء الله تكون العملة الجديدة فيها بركة وتقعد بجيوبنا أكتر شوي من القديمة...
-سوريا
مواطن2010-07-27 18:16:44
وين الفراطه
سؤال ليش ما في فراطه بالأسواق ؟ شو السبب وهل بالأمكان الآجابه
-سوريا
سونا2010-07-27 18:08:29
مبروك
عنجد حلوه كتير ومشكورين يا من بيدهم هكذا قرار وان شاء الله تكون واحدة من خطوات التطوير التي تجعل من سوريا رمزا من رموز التطوير والتحديث
-سوريا