العيد على الابواب ..ونحن في سيريانيوز كل يوم لدينا عيد بوجودكم معنا...كل عام وانتم بخير, , ,

هناء

أسرار ومعلومات غير معلن عنها حول "فيسبوك"
بالصور .. انتخاب ملكة جمال الكون المكسيكية هيمينا نافاريتي
شركات اسبانية تتقدم لتنفيذ التصميم الأولي لمترو دمشق بـ 8.5 مليون يورو


شروط مسابقة المقال
هذيان سوري على مدرجات المونديال *
مقالات واراء

أخذت مقعدي بين آلاف المشجعين ، و كان الملعب يتلون بألوان الدنيا كلها ، مباراة وراء مباراة ويوما بعد يوم حملت فوق رأسي علماً كبيراً لسوريا،


فانا لا اطيق ان احمل علماً سواه .. ورحت الوح فيه فوق رؤوس الجموع ، و أصيح .. سوريا .. سوريا ..

وعندما يعزف النشيد الوطني .. أي نشيد .. أي موسيقا .. انتصب ، مرفوع الهامة .. واردد حماة الديار.. بأعلى صوتي وملء حنجرتي واصفق لنفسي عندما ينتهي النشيد .. واخذ مكاني بين الحشود واراقب ..

اقف مع كل هجمة واصفق لكل هدف واتأوه لكل فرصة ضائعة .. واركض بين المدرجات حاملا العلم يرفرف في كل ارجاء الملعب .. فرحاً .. اقفز وانحني واضحك .. واغني وانشد تواشيح المشجعين في سوريا .. من "هاتو غيرو" .. الى "باي باي مع السلامة" .. وصولا الى "معليش شو صار" ..

 

معليش شو صار

 

كانت تمر معي اسماء فرق لم اسمع بها في غانا ، سلوفينيا ، سلوفاكيا ..‬

 

معليش شو صار ..

 

لم يكن هناك أي اثر لاي شيء سوري سواي ، لا حكم ولا كرة ولا تي شيرت ، ولا حتى اعلان لشركة تجارية خدمية ، نقل .. تصوروا ان القدموس لم يفتح فرعا هناك ، وغابت اعلانات صناعتنا الرائدة في مجال العلكة .. وكانت دهشتي كبيرة لانه لم تطل علي اعلانات علكة مسواك ( نط .. نط ) .. وعلكة منطاد ( لا تمزح ) ، لا عم احكي جد .. ولا اوغاريت كولا (شو بتشرب .. آه ه ه .. ) .. حتى كلمة ( يا هلا ) افتقدتها هناك .. تصوروا ..

 

معليش شو صار ..

 

حتى المعلقين ، والمراسلين والصحفيين ، والرسميين والحرامية ولك حتى الـ 400 الف مومس اللواتي تكلمت عنهن الصحافة العالمية ، لا اثر لنا هناك .. مصور .. مطهر .. مخرج .. منتج .. مراسل .. سفير .. وزير .. معارض .. رئيس مكتب الطلبة في المانيا .. راقصة ، مغني .. كان اقرب شيء علي.. ظهور اليسا في اعلانات البيبسي كولا .. فرحت بداية ومن ثم غضضت النظر لاني تذكرت بانها محسوبة على تيار الحريري ..

 

في وسط حماسي .. وفرحتي .. باحد الاهداف التي لم اعد اذكر لصالح من كانت .. نظر الي احد المشجعين هناك و قال لي بانكليزية طليقة .. انت مع من بالتحديد .. اجبته بانكليزية مجعلكة ..

انا مع سوريا

قال : سوريا .. !؟ في أي مجموعة ..

قلت : في مجموعة عدم الانحياز ..

قال : اقصد رقم المجموعة .. ؟؟ الاولى الثانية .. ؟؟!

قلت : كنا قبلا في مجموعة الدول الثالثة .. اما اليوم رح نصير عشرة على عشرة .. ما شاء الله

قال : يعني مع غانا .. توغو ..

قلت : لا يا زلمة شو جاب لجاب ..

قال : مين في لاعبين مشهورين في فريقك

قلت : اخر واحد اذكر اسمه كان وليد ابو السل لان اسمه متلازم مع وباء خطير لا يمكن نسيانه

قال : يعني مع من يلعب فريقك ..

قلت : مع سلطنة عمان ، وجيبوتي ، والسودان وربما منغوليا ..

قال : هذه الفرق ليست في المونديال ..

قلت : معك حق هذا كان في التصفيات ..

قال : وماذا حدث ..

قلت : بتعرف .. حظ سيء للعام الخمسين على التوالي ..

قال : اذا.. كيف وصلتم الى المونديال .. ؟

قلت : من سوريا.. الى هنا مباشرة بالطيارة .. 5 ساعات ..

قال : اين سوريا

قلت : في الشرق الاوسط ..

قال : لم اعرفها بماذا تشتهر بلادك ..

قلت : الخيل والليل .. عنترة ، الفرزدق ، ابن سينا ، ابن النفيس ، الزهراوي .. حمورابي ، سيف الدولة الحمداني والنوفرة ..

قال : اعرف ابن سينا .. لكن هذا في العصر القديم .. اليوم بماذا تشتهرون..

قلت : باشياء كثيرة

قال : مثلا ..

قلت : بنعيم حمدي فقد فاز في بداية التسعينيات بجائزة في مسابقة الاغنية في كوريا الشمالية ..

قال : من نعيم حمدي هذا ..

قلت : هو صاحب مذهب استعراضي فريد ..

قال : كيف

قلت : يقف امام الضوء باتجاه الكاميرا ..وبحركة سريعة .. يتنحى (يخلي) للضوء من ورائه ليسطع مباشرة في عدسة الكاميرا ، مرة على اليمين ومرة على الشمال.. وبهذا يبهر المشاهد بضوء شديد متقطع .. وهو يقول : إيه..إيه..إيه

قال : يبدو مهما ...

قلت : ماذا .. لو حدثتك عن وجيه شويكي ..

قال : لا اعرفه . . ماذا لديكم ايضا ..

قلت : نحضر لدخول كتاب غنيس بقوة هذا العام ..

قال : كيف

قلت : اكبر قرص كبة لـ حمص ، واكبر جاط تبولة لـ حوران ، ولم تعد الكلمات المتقاطعة في الجرائد تكفينا .. واليوم نحضر بطلا سيدخل كتاب غينيس  بعدما صنع بمساعدة الشعب السوري اكبر شبكة كلمات متقاطعة .. تعلم لدينا الكثير من الوقت لنحلها ..

قال : فقط هذا ..

قلت : لا عندنا اطول قانون طوارئ ، واخفض مرتب للموظفين ، واكبر عدد من المشاركين في برنامج تلفزيون الواقع " سورفايفر " ( الناجون ) .. ، وشو بدي عدلك لا عدلك ..

قال : اذاً متى مباراتكم القادمة ومع من ..

قلت : اي مباراة ؟

قال : هنا في المونديال ..

قلت : نحن لا نشارك في مثل هذه المونديالات الهابطة ..

 

نظر الي نظرة فهمت انه يشكك في قواي العقلية .. وانصرف عني ..

 

عدت اشجع واقفز واصيح .. سوريا .. سوريا .. واصافح واضم وافرح وابكي واترقب وانتظر .. امر بالجموع المنكسرة فانكسر ، و تغمرني فرحة الفائزين فاسعد .. واتجول في المدرجات اسمع الكلمات والاحاديث واضرب كفاً بكف وأتقول .. واشارك في التوقعات واحسب النقاط اتمنى الفوز للجميع واتهيب من الخسارة ..

عرفت كل شيء عنهم ، بلدانهم ، اسمائهم واسماء صاحباتهم ، ارقام قمصانهم .. ، ونمرة احذيتهم ، اعمارهم ، الوان اعلامهم .. والبستهم الداخلية ..

تفرح الجموع وتلتهب .. يحتفلون .. يرقصون يحلمون .. ويرحلون ..

ابقى وحدي في كل ليلة .. اجلس في المدرجات الخالية في الظلام .. يشعّ نور الاضواء الكاشفة فجأة .. ويصدح نشيد بلدي .. حماة الديار .. انتصب .. واغني .. تمتلئ المدرجات .. ويعلو علم بلادي الرؤوس ويغطي الوجوه ويرفرف فوق الصواري .. ويتعالى الهتاف .. ويصول اصحاب القمصان البيضاء والحمراء الملعب .. يدافعون يهاجمون .. يلعبون بشجاعة .. ويسجلون .. هدف .. هدف .. هدف ..

اقفز مع كل الحاضرين ونغني النصر والفرح . .. وتصرخ الجموع بملء حناجرها .. " كوووووول " .. وتدمع العيون وتنتعش الابدان بعد ان سرت فيها بعد غياب طويل نشوة النصر ..

النصر .. ؟؟ النصر .. !!!

ها انا وحيد في المدرجات الفارغة .. اواجه الحقيقة ، التحف بالعلم عله يدفء جسدي البارد.. وانظر الى جدول المباريات .. افتقد بلدي الغائب .. وابكي بحرقة .. وانتحب ..

كل مونديال وانتم بخير ..

نضال معلوف

‫* نشر هذا الموضوع من اربع سنين في مونديال 2006‬
‫ومازال صالحا للنشر حتى الان ، وآمل ان تنتهي صلاحيته قبل المونديال القادم‬
2010-06-20 02:19:10



شارك بالتعليق
2010-08-02 18:45:59
باسل
احتكار دنيء!
مقال ممتع الحقيقة! تذكرت وأنا أقرأه الأيام الأخيرة للزمن الجميل السبعينيات والثمانينيات عندما كان لدينا فعلا منتخب نباهي به! قبل بداية المونديال سمعت أقاويل عن إهداء شركة ام تي ان النقل المباشر للمباريات للتلفزيون السوري كونها الراعي الرسمي وعندما سألت مجددا عن هذا الموضوع علمت أن شبكة الجزيرة الرياضية فعلت ما فعلت لمنع هذا العرض! وحرمت المواطن السوري من الاستمتاع بالمونديال مع العلم بأن المباريات كانت مباحة على المحطات الأرضية في معظم دول العالم مجانا!.......يتبع
سوريا
-

2010-07-16 00:55:40
غزوان قهوجي
اجب بنعم ام لا
يا استاذ نضال انا مواليد1980 وكثير من رموز هذه التحفة أثرت في جيل كامل جيل يبكي عندما يتذكر محمد فارس وعدنان بوظو ويضحك عندما يتذكر عزة الشرع ويخاف من ذكر مهران يوسف هل تعلم أن نعيم حمدي عقد جيلنا كاملاً بتتذكر أغنيته الي بيطلعلك فيها 6 نعيم حمدي سؤالي هل حضرتك من هذا الجيل وياريت تتابع محاولاتنا المتواضعة على سيريا نيوز وتعطينا رأيك
سوريا
fada.arts@hotmail.com

2010-07-10 16:37:34
spectrum
شكرا أستاذ نضال
تسلم أيدك أستاذ نضال أيقظت ذكريات المتوسط وهزيمة اليونان و فرنساوبطولة المتوسط وبعدها بعام البطولة العربية في عمان وغيرها وغيرها.... الله يرحم هديك الأيام على الله تعووووووووووود ونسمع كوووول سورياااااااااا
سوريا
spectrum_s7s@hotmail.com

2010-07-09 03:56:42
el venezolano
viva siria
مقال رائع لأن صلاحيته سوف تنتهي بعد ألف عام
فنزويلا
-

2010-07-07 12:35:11
لاعب رياضي
لا يوجد أمل
ربما تصل سورية إلى كأس العالم في عام 3000 أو 7000 أو ........... الله أعلم متى عندما يصبح العالم في المريخ أو خارج المجموعة الشمسية
النروج
-

2010-07-06 14:01:28
hala
لاتستحو من سوريا
صباح الخير سوريا العزيزة صدقوني يا شباب نحنا مو اول بلد ما بيشارك بالمونديال ولا اخر بلد ليش مين من دول الخليج او بلاد الشام شارك والواحد ما لازم يستحي من هالشي كل واحد الو امكانياتو بيكفي نحنا شعب مسالم وبالنسبي للي قالو الاخ عن الامريكي اللي ما بيعرف شي عن سوريا هادا اكيد جاي من المريخ لان عنا بالسويد الناساكترها بتعرف تفاصيل عن سوريا يمكن اكتر مني يعني حكيو فيو مبالغي شوي ودمتم ودامت سوريا الحبيبة
السويد
hlkhattab@yahoo.com

2010-07-05 21:40:18
تحدي الوصول
شــــاركونا التحـــــــدي
شاركونا بآرائكم .. ولننقل الحلم إلى تحدي ومن ثم حقيقة تحدي الوصول Syrian National Team World Cup 2014 Challenge http://www.facebook.com/album.php?aid=73561&id=619261700#!/group.php?gid=138328172846969
سوريا
-

2010-07-01 23:14:54
خليل يونس
سوري في جوهانسبرغ
مضى على وجودي في جوهانسبرغ 33 يوما .. والى الان مازل علمي السوري في حقيبتي .. ابحث عن فرصه سانحه لاخراجه .. اشعر بالخجل والغيرة من العلم الالماني مع العلم انني مشجع ممتاز لالمانيا .. ولكن دائما اتخيل لو انني ارى علم سوريا بين تلك الاعلام المانيا برازيل حتى كوريا .. اورغواي ,, ولكن اعدكم اني سوف اظهره في المباراه النهائية .. تحيا سوريا
سوريا
khalil_yones@hotmail.com

2010-06-30 23:29:12
رشا
اي حلا بقا
انشالله بقا يخلص مفعول عالموضوع اي عنجد حلاااااااااااا
سوريا
-

2010-06-25 23:41:08
messi
حلم المونديال
حلم سوريا بالمونديال حلم بليس بالجنه. لكي تملك منتخب بامكانه الترشح لكاس العالم انت بحاجه1:اتحادكرة قدم نظيف غيور على مصلحة البلد2:دوري محترم3:لاعبون يمتهنون كرة القدم محترفون داخل وخارج البلد4:مدارس لتعليم كرة القدم 5:مدربون جيدون اصحاب خبره. باختصار نحن بحاجه لكل شيء له علاقه بكرة القدم. والله مشتهي شجع منتخب سوريا بكأس العالم قبل ما موت.
الإمارات
-

2010-06-25 13:42:43
مشجع الماني طرطوسي
حقنة بالعضل
ما بنكر المقال قيم بس فيه حقنة وطنيات كتيرة للاسف سيد نضال راح تستغل ممن يجيدون الاستغلال على اصوله بغير الغاية المرجوة ولكم في تعديلات اسس انتخاب اتحاد كرة القدم مثالا بلد بتستحق اكتر من هيك خاصة باللي بيسموها مناصب قيادية بالرياضة ولو حدا يفهمني جيل الشباب من شو بيشكي وبما انو اللي مستلمين الرياضة على اساس خبراء فيها وطلعوا فاشلين ليش تكرار التجربة ولا التكرار بيعلم ال؟؟؟؟
سوريا
hassan0000963@yahoo.com

2010-06-25 10:51:39
الورد الجوري
حبيبتي سوريا
برافو عليك نضال رميت السهم في مصابه حلم لذيذ لواقع مرير بس اجحفت شوي بحف سوريا لانها من ضمن منظومه ماتزال تعيش العقل القبلي والتفاخلر بامجاد الماضي والسيف والرمح يعني اللوم والعتب على الدول العربيه مجتمعة لهذا التخلف اللامنطقي في ظل اكبر ثورة تكنولوجيه يشهدها العالم الحديث ونحنا على قولتك بدنا نفوت غينيس بصحن حمص وتبوله والحمد لله من جديد باكبر طبق كبسه
سوريا
alsaati@msn.com

2010-06-25 04:33:25
مغترب سابق
اخ يا سوريا
كنت مغترب منذ 10 سنوات مع الأسف كم شعرت بالألم و الأسى العديد من المرات عندما كان يسألني أحدهم عن بلدي فأقول له سوريا فيسألني باستغراب و أين تقع سوريا و كم كان يؤلمني أن العديد يقول لي في النهاية أأهه سوريا تقع قرب اسرائيل ولولا اسرائيل لما عرف معظمهم اين تقع سوريا.
سوريا
-

2010-06-25 03:33:47
حمصي متكهرب
قال لا اثر لنا هناك قال اي ما صح
أول شي المقال ظريف جدا و الأسلوب رائع و الحبكة ولا باب الحارة بأجزاؤه الأربعة صدق من الأسلوب شعرت و كأني معك أو كأني اشاهدك على المدرجات، المهم انا بعتقد انك غلطت بس بشغلة لما قلت ما كان النا أثر بنوب طيب أنت جربت تحكي على الحكومة و تسبب شوي عليها لو مجرب كنت لقيت دورية من الشباب الطيبة سحبوك من على باب الملعب ساعتها كنت رح تعرف أننا متواجدون في كافة المحافل الدولية.
سوريا
-

2010-06-23 15:01:43
Syrian UK
الى مغترب فرنسي
انا باحد اكبر جامعات انكلترا ولست بقرية معزولة والشي اللي عم قوله صحيح مية بالمية وبيخجل للاسف بس هي الحقيقة وحاج نكذب على حالنا
سوريا
anonymous@shuf.com

2010-06-23 09:40:30
مغترب
شكرا
ان من الشعر لحكمة..... ان من البيان لسحرا.....
سوريا
-

2010-06-22 19:21:16
مشوب كتير
برافو
برافو لكل الشباب المتفائل بامكانيات البلد المنيع ... مقال عادي جداً وشاطر بانتقاء العبارات جميل اجمالا يعطيك العافية ويا ريت نحنا كسوريين سواء مغتربين او مستقرين بالبلد الام سوريا يا حبيبتي انو بلا ما نزاود على بعض ودمشق قديمة على عيني ومعروفة كمان على عيني بس نسبة الاغتراب عم تكبر وكل واحد فينا بيتمنى يظل ببلدو وبين اهلو ... ازا بلدك ما فيها خير لأولادها لمين بدو يكون الخير ؟؟؟؟؟؟؟؟؟؟؟؟ تصبحو على وطن ضائع وابناء مشرد....... 
سوريا
rabeh.awad22@yahoo.com

2010-06-22 12:20:09
فادي ع.
عظيمة
مقالة عظيمة أستاذ نضال .. جدا عظيم هالمقال .. لعثمتني العبرات ولم أعد أجد في معجم اللغة العربية كلمات أطري بها على مقالك .. فتحتلنا جروحات عم نحاول ننساها كل يوم يا أستاذ نضال ..
سوريا
-

2010-06-22 09:52:10
عادل نادر
good
اقرؤها للمرة الاولى.... اضحكتني قليلا وابكتني كثيرا
سوريا
-

2010-06-22 06:19:48
المحقق غادجيت
تعليق بسيط
ما نيل العلم بالتمني إنما تأتي الدنيا غلابا. ألمانيا وفرنسا وهولندا والبرازيل والأرجنيتن وكل الدول الرائعة التي ما انفكت تصل للنهائيات في كأس العالم لم تأتي بالصدفة ، ودع الواسطات جانبا، لكنها أتت من قاعدة شعبية عريضة تعلب يوميا كرة القدم، أتت من مئات الملاعب الدولية الموجودة في كل بلد من هذه البلدان ومن عشرات آلاف الملاعب الصغيرة التي تتبع للأندية المغمورة التي تولد عباقرة كرة القدم. إذا كان الدوري الألماني أو الإنكليزي يوزاي بنكهته كأس العالم، فاعلم أن خلف ذلك ملايين اللاعبين
سوريا
-

2010-06-21 11:23:36
Engineer
ردا على المغترب الفرنسي
يا صديقي هناك فرق بين ان تكون فخورا ببلدك سوريا وهذا طبيعي وكلنا فخورين اكتر منك ببلدنا العزيز سوريا ولكن هناك فرق بين الفخر والانتماء الوطني والقومي وبين الحقيقة والواقع الذي يعرفه الجميع وخصوصا المغتربين .. فمثلا في المانيا من كل مية المان التقيتهم لم يعرف سوى واحد او اثنان من هي سوريا واين تقع وان عرف فيقول لي مبتسما هل لديك قنبلة في جيبك؟ سوريا ليست معروفة على الاطلاق في بلدان العالم الاول ربما في فرنسا الوضع مختلف فالفرنسيين احتلو سورياوقسموها طائفيا وعشائريا لذلك يعرفونهاجيدا
ألمانيا
-

2010-06-21 00:44:24
محمد في السعودية
مزمار الحي لا يطرب
مساهمة اكثر من رائعة ابهجت قلبي فنحن في غربتنا نتمزق الاف المرات كل يوم بتمنى اسمع شي حلو عن سوريا إرجع تحصني تدفيني بس للأسف!!!!! ياربي عفوك ورضاك
السعودية
rndrnd1@maktoob.com

2010-06-21 00:23:43
فراس
انشالله المونديال الجاي
انشالله المونديال الجاي منكون مشاركين هدية لنضال http://tinyurl.com/2vlajfz
سوريا
abc@hotmail.com

2010-06-20 23:28:08
خالد
مرتاح البال
الله عليك يا رجل والله ذكرتني بنكته حمصيه عن واحد حمصي خربط بعنوان ملعب كره القدم بحماه فباعوه بحمص تذكره القطار الغلط.هوهوهوهو
سوريا
-

2010-06-20 23:15:47
رامي
ايييييييييييييييه عمار يابلد
والله اشتقت للرجعة للبلد بس المشكلة اني كل مابدي ارجع بيخوفوني الناس وبيقولولي شو بدك من هلعلقة بهالبلد بطالة وسرقة وجرائم جديدة ورشاوي ومحسوبيات قديمة بس عم تتجدد وشو بيعرفني
سوريا
rami_sy2000@yahoo.com

2010-06-20 22:59:43
مغترب فرنسي
رد الى الاخ syrian uk
اذا كنت مصر انوا ما حدا بيعرف سورية وانوا سورية ما فيها شيء تشتهر فيه فعلى ما اعتقد اذا كنت فعلا مغترب بانكلترا فانك عايش بشيء مزرعة بعديدة عن البشر ولا يوجد عندك الا الحجر . دمشق هي اقدم مدينة مسكونة وليس من 1300 سنة بل من 5000 سنة خرج من جبل حوران سيدنا ابراهيم عليه السلام خرج من اوغاريت اول الاحرف المسمارية نحن شعب سامي وعريق وكل العالم يعرف ذلك الا انت . في معلولا لغاية الان الشعب يتحدث اللغة الارامية.مشافي فرنسا وانكلترا مليئة بدكاترتنا السوريين.انا فخور ببلدي وسفير لبلدي.عاشت سوريا
فرنسا
-

2010-06-20 22:27:57
باسل
مقال عادي
مقال عادي جدا يا كوتش نضال روح دور ع مقالات نغير فيها جو حاج مئت و كلام فاضي
سوريا
-

2010-06-20 21:39:13
R.m
عادي كتير
حتى ابن سينا منو عربي لتشوف حالك فيه هو فارسي ومعروف باسم ابو علي سينا
سوريا
-

2010-06-20 20:46:48
جهينة
هههههههههههههه مهضوم كتير كتير
مساهمة مهضومة كتير ضحكت من كل قلبي وتذكرت وقت دورة البحر المتوسط من زمان يمكن بقية الدول خسرت حالها قصدا مشان نربح يعني تأثروا علينا ياحسرتي حتى بالطابة موفالحين ولهلأ عايشين على ذكرى ابن سينا مع انه ماعمل شي متل بقية العالم وتحياتي الك واكتر
سوريا
-

2010-06-20 20:36:14
دمشقية
لقد أسمعت إذ ناديت حياً
لقد أسمعت إذ ناديت حياً لكن لا حياة لمن تنادي
إيران
-

2010-06-20 20:10:40
برافو
برافو
انا ببداية المقالة كنت عمأضحك كتير بس بآخرها والله غصت الدمعة بعيني يعني بالمجمل مقالة رائعة قدرت تلعب بأحاسيسي صعودا وهبوطا .......برافو
سوريا
mmm@kkk.co

2010-06-20 19:36:35
أودين
انا ما رح احكي غير عن شغلة
عن سياساتنا الاعلانية الفاشلة اللي وصلتنا لانو كل ما شافني حدا بدي اعطي درس جغرافيا ليعرف وين بلدي..بينما لبنان معروف بكل محل ..لك اكلنا صار اسمو لبناني..خبزنا لبناني حتى الابجدية الاولى لبنانية..ليش؟؟لانو نحنا ببساطة ضعيفين وبهالحالة حتى اللي الك ما بيعود الك
السويد
-

2010-06-20 19:00:54
mohamamd
black irony
black irony . impressive articl
سوريا
m_katkout@yahoo.com

2010-06-20 17:50:44
أبو الوليد
شكراً للحكومة
أولاً عليك سيدي نضال أن تشكر الحكومة و ذلك لسببين أنها سمحت لك بأن تتكلم عن الطوارىء و الثاني أن الحكومة العتيدة جعلت مقالك صالحاً بعد أربع سنوات و يمكن أربعين سنة و الله أعلم ولذا علينا أن ندعو الله أن يطيل عمر الحكومة التي لا تحب تبذير الأموال على شي مالو طعمة وبالمرة بتوفر المال للفقراء و العاطلين عن العمل( يعني كرة مصنوعة من جلد وشوية مجانين بيركضوا وراهالذا الحكومة تريدنا كباراً متزنين والعالم ما يضحكوا علينا لأنو نحن أناس أكابر ولا شو رأيك ) الله يخلينا الحكومة التي ترفهنا
سوريا
-

2010-06-20 17:56:16
عمر
سوريا
انا بقترح انو سوريا تستضيف مونديال 210لانو هاد رح يكون الحل الوحيد لتتأهل سوريا ع كاس العالم...........
سوريا
o-s-91@hotmail.com

2010-06-20 17:12:27
ممدوح حمدي
متى ندخل المونديال
هناك جهتين مسؤؤلين عن عدم وصولنا للمونديل الاولى نحن انفسنا و الحل عندما نتعلم ان نرفع علمنا في سماءنا و فقط علمنا و علم من تفتخر سورية بهم و عندما نتعلم كيف نؤسس حضارتنا السورية نحن منذ بدء التاريخ بنينا في بلدنا لكل الحضارات و لكن لم نبني لانفسنا لم نتعلم ان نرفع علمنا في سماءنا تعودنا ان نرفع اعلام الاخرين اما الجهة الاخرى فهي دولتنا و التي جعلتنالا نرفع علمنا من كثرة الغلاء و الضرائب و الضغوط حتى امسينا نحلم بيوم نستطيع ان نرفع به علمنا
الإمارات
ALMISHKAT@YAHOO.COM

2010-06-20 17:01:15
اخ
مافي حدا
لكل المغتربين بس تحسو بهي المشاعر السخيفةالرجاء التوجة الى اقرب سفارة واذا كانت الحالة مستعصية معكن ممكن تنزلو اجازة قصيرة لسوريا وانا متاكد انها رح تختفي ولو انها ممكن ترجع بعدين بس كمان في نفس الدوا انا بالنسبة الي بس اوصل ع المطار ويلاقولي الشباب الطيبة ع التفتيش بكتفي
كندا
-

2010-06-20 16:39:36
ابو علي
سوريا الحبيبة
الى الحبيب الذي خجل من بلده للتذكير: اول ابجدية في التاريخ من سوريا اول عجلة في التاريخ من سوريا اختراع الزجاج من سوريا اقرأ مغامرة العقل الاولى لـ فراس سواح و لتحيا سوريا الحبيبة.....
سوريا
-

2010-06-20 16:23:20
مهندس بيئي
قوية وصالحة لشي 4 او 5 مونديالات
يا سيدي انا بحييك على هالجملة \" اكبر عدد مشاركين بتلفزيون الواقع سورفاير \" ;)
سوريا
-

2010-06-20 15:32:21
Syrian UK
Reply
يعني اللي عم بيقول انو سوريا معروفة بالعالم هواكيد ماعاش برا سوريا. بعدين احد المعلقن بدو مننا انو نقول انو دمشق كانت عاصمة لدولة كبيرة من 1300 سنةوقت حدا يسالنا بشو مشهورين . واللي شي بيضحك
بريطانيا
anonymous@shuf.com

2010-06-20 14:44:19
احمد
!!!!
الي نحكا صح الا حد ما ...... بس ايمتى رح نصير فعالين ؟؟ مو شاطرين غير بفن الكلام والتنظير...
سوريا
-

2010-06-20 13:37:30
واحد طفشان
مقال تاريخي
اشكرك على هذا المقال التاريخي الذي صلح قديما ويصلح حالياً وسيصلح مستقبلاً إلا إذا : انتهى عصر الواسطة والفساد الإداري وهذا محال يا صاحبي في ظل الراتب الضعيف وغلاء المعيشة . نتمنى أن تتحسن الأحوال والظروف لكن تبقى أمنيات وأنا أنتظر كملايين السوريين مارد المصباح ليحقق أمانينا  
سوريا
heshamq8@hotmail.com

2010-06-20 14:03:11
مواطن
وطني
شكللك مدعوم يا سيد نضال لانو عم تحكي كلام ممنوع دير بالك يسكرولنا الموقع
الولايات المتحدة
-

2010-06-20 13:38:28
سوري خجلان
قصة قال باعها قال
ذكرتني يااخي الكريم نضال بقصة( قال باعها قال) وصرت عم قول لحالي قال نشارك بكأس العالم قال وين رايح بها العتمته قرد قول بدنا نشارك بكأس العالم للفساد وشوف بتحداك اذا حدا بيطلعلو معناورح بيقى الكأس بخزائن سوريا الا اذا غشنا الحكم.طيب الله عيشك لابقى تغلط وتحلم مره تاني وتقولها ماشي .
إيرلندا
-

2010-06-20 13:42:01
راايق
تعليقات اخرى
في تعليق تاني كان نهفة لا تنسى :صباح جميل زميل جوزيف .... صباح جميل جميل زمال (زميل جمال) كامل ...كامل ...هل تسمعني؟ لا أسمعك زميل وجيه !!!! ولا التعليق تبع المطر : - مطر مطر زميل إياد !! - إي شو فيها زميل جوزيف... الله يبعت الخير!! - لأ زميل إياداللاعب رياض مطر يسجل هدف رائع!! وبتقلولي بدنا كأس عالم يا جماعة ؟؟ اذا لما واحد بيشوط شوطة بعيدة عن المرمىبيقله: لوييييييين ياااااا كأنو عميقلو لوين يا ابن ا لـ.... والتاني بيقلك : لو كانت الكرة داخل الشباك لكانت هدفا مؤكدا
سوريا
annositto@hotmail.com

2010-06-20 13:38:24
رااايق
زكرتني بالمعلقين عنا
زكرني مقالك الرائع ببعض التعليقات الخالدة بملاعبنا الخضراء .. مثلا لما لعبنا مع البرازيل : يهاجمون كمانهاجم و يدافعون كما ندافع .. و الهدف الأول للبرازيل . هجماتهم مؤثرة وهجماتنا مؤثرة ايضا .. و الهدف الثاني للبرازيل . هم أبطال أمريكاالجنوبية و نحن أبطال اسيا.. و الهدف الثالث للبرازيل . و بالاخر . ليس المهم النتيجة و إنما المشاركة ..حلوين شبابنا اليوم .. و الهدف السادس للبرازيل .... او المعلق التاني : لو كانت الكرة داخل الشباك لكانت هدفا مؤكدا
سوريا
annositto@hotmail.com

2010-06-20 13:09:09
j.o
سوريا يا حبيتي
إلى معظم المعلقين الذين لايرون إلا السواد والبؤس في وطنهم أقول لهم العيب فيكم وليس بالوطن وبأمثالكم لن يكون الوطن قادرا على التطور وللذين يخجلون عندما يسألهم الآخر بماذا يشتهر بلدكم ولا يعرفون بماذا يجيبون أقول لهم أنتم سفراء سوء بجهلكم ولكن هذا لا يغير من الواقع شيئا من أن سورياهي مهدالتمدن البشري ودمشق من 1300عام كانت عاصمة الدنيا وفي العصر الحديث هي قلعة الصمود والممانعة للمشاريع الإستعمارية في المنطقة أما ماذكرتم من سلبيات فهي موجودة فتعالوامعالنعالجهابدءا من معالجة الجهل فينا
سوريا
-

2010-06-20 13:03:15
مغترب فرنسي
نشارك عندما نكون جاهزين
مقال حلو بس انا افضل عدم المشاركة اذا لم نكن جاهزين . ما نفع المشاركة اذا بدو يصير فينا متل فرنسا رغم كل الامكانيات الهائلة المقدمة للفريق والفرق بيننا وبينهن نحن نؤسس للبنية التحتية بعد اما هم فقد انتهوا من هذا من زمان . اما بالنسبة الى الاخوة المغتربين الذين يقولون لن سورية غير معروفة. انا استطيع ان اقول انه في فرنسا يعرفون سوريا وقائد سوريا وقد شكروا السيد الرئيس على نشرة الاخبار عدة مرات على مساعدته على حل المشاكل ب لبنان الشقيق وعلى مساعدته على اخلاء سبيل المحتجزة في ايران ودكاترتنامالئين ا
فرنسا
-

2010-06-20 12:41:47
مغترب مشتاق جدا جدا جدا
بسمة حزن
فعلا انا هون بالمانيا وفي كتير المان بيسألوني وين سوريا ؟بجوابهن جنوب تركيا.فورا بيجاوبوه اه سوريا. وانا كل مااشتاق كتير للبلد بكمش التلفون وبحكي مع السفارة ببرلين بيطلعلك موظف شايف حالو واسطته كبيرة مابيفهم بتتخانق انت وياه بيخليك ترجع لحالتك الطبيعية وبيخليك الطيب من الشوق للبلد وهذا العلاج ناجع لكافة حالات الشوق الشديدة والامراض العاطفية المستعصية . بس بينقهر الواحد وقت يشوف طلاب من كل دول العالم عم تشجع بلادها وانا ماني قدران شجع بلدي . تصبحون على وطن
سوريا
-

2010-06-20 12:54:50
zaher
dubai
مقال كتير حلو واليوم و أنا راكب بمترو دبي وعم شوف النظام و الاحترام صرت فكر و دور عالفرق و قول ليش هنن صارو بالرغم انو هي البلاد كلها صحرا و أخ يا بلدي شو بحبك
الإمارات
-

2010-06-20 12:56:23
ABC1234
عم قول لحالي
عم قول لحالي وين قاريها يالطيف على الأيام شلون عم تمر2002 - 2006 - 2010 - 2014 يعني احتمال بنشوف هالمقال بالـ 2014 لأنو صلاحيتو من النوع الممتاز
سوريا
-

2010-06-20 12:54:17
lol
سعادة
في مبارة البارحة بين الدنيمارك والكاميرون شاهدت علم سوريا على المدرجات وشعرت بسعادة غريبة مع حرقة قلب كبيرة
سوريا
lol_dr@hotmail.com

2010-06-20 12:36:16
شامي معتق
شي بيقهر
المقال جميل ومؤلم بذات الوقت، المباراة الأولى التي حضرتها في هذا المونديال كانت لكوريا الشمالية مع البرازيل والثانية كانت للجزائر مع انكلترا،ليش مانكون متل الجزائر او كوريا، ليش مابيعمل الاتحاد الرياضي ميزانية كبيرة مشان مدرب متل العالم ولعيبة بيتم اختيارهون حسب المقدرات وليس حسب الواسطة، وبينعمل لكل واحد فيهون راتب مهم آخر الشهر ومكافئات أحسن مايشتغلوا بعد تدريبهم شوفيرية تكاسي وكراسين مطاعملأنو ماعم يلاقوا ياكلوا،يعني والله شي بيقهر،خلونا شي مرة نشوف علم بلادنا.
سوريا
-

2010-06-20 12:24:59
syrian
مؤثر
يعطيك العافية شي مؤثر جدا وواقعي ورح يضل واقعي والأحلى اني كنت عم بسمع موسيقى رضوان نصري وأنا عم بقرأ الموضوع شي مبكي *_*
سوريا
k_eagle25@hotmail.com

2010-06-20 12:20:23
مواطن مقهور
راااائع
من كل قلبي بحييك أستاذ نضال , دمعت عيني وغص قلبي من الوجع .. أنا بالغربة فكرت حالي نسيت بس \" للأسف \" ( ان شالله تصير محلها بعدين عبارة \" الحمد لله \" ) : الوطن ساكن فيني
سوريا
-

2010-06-20 12:01:49
صاحب النفس السوري
أحلام وأمنيات مستحيلة المنال
أنا بهنيك يا أستاذ نضال على هالمقالة الحلوة وبحب ألك (بلا أحلام يازلمة)سوريا ممكن تتدخل أشهر الملاعب بالعالم وتلعب مع أهم فرق وتنتصر كمان بس هاد الشي بيصير بطريقة واحدة يلي هي يتغيروا كل القائمين على المنتخب السوري وكل مين ألو علاقة فيه وينحط بدالهم عالم بتحب وبتعشق شغلتيين بس بحياتهم الطابة (كرة القدم) والعلم السوري وسوريا وبس وأنا متأكد أنو سوريابتربح مونديال ال 2014 بالبرازيل
سوريا
-

2010-06-20 11:38:21
مغترب
سوريا
اخوتي الكرام انا اعيش في أحد الدول الاوروبيه ذهبت لاسجل نفسي في أحد الدوائر فكان سْؤاله من أي بلد أنت قلت له بفخر واعتزاز أنا من سوريا(فهي كانت موظفه يعني متقفه وحاصله على المعهد العالي)قالت لي نعم ولكن أين تقع في أي بلد ؟ قلت مدهوشا في أي بلد ماذا تقصدين ؟ قالت يعني سوريا تقع بالمغرب أم تركيا...... قلت لها ماذا..انها دوله مستقله ألم تسمعي بها من قبل ....ولكن سورياأنا اعتز بها مهما سمعت ومهما حصل.... والشكر
سوريا
-

2010-06-20 11:29:56
فوزي غازي
الى فجـــر ابراهيــم باشا
لا شك انك تتابع كأس العالم و لا شك أنك شاهدت اليابان فبربك قل لنا ماذا انت فاعل لتتجاوز هكذا منتخب كلنا يعلم ما هي امكانياتك مع احترامنا لك و لكن المرحلة تحتاج لوقفة صادقة لهذا كم ستكون نبيلا و صادفا و وطنيا حينما تعلن على الملأ أنالمرحلة القادمة تحتاج امكانيات مدرب استثنائي و معسكرات خارجية و مباريات على مستوى عالي ... و آقول انها فرصتك من عدم جعل العشرين مليون سوري خصوما لك و بالتوفيق لك و لسوريه
سوريا
fawzi11@gmail.com

2010-06-20 11:24:20
مواطن مع وقف التنقيذ
المضحك المبكي
مقال صحيح جدا و معبر جدا عن وضعنا العام، و ليس الكروي فحسب... للأخ يللي عم يقول أنو سورية مو معروفة ببلاد برا بقلو هي معروفة و كتير كمان، لكن مسموعياتنا عاطلة ليللي ما بيعرفنا من ناحية الأمان، و ليللي بيعرفنا بالغش و النصب و الاحتيال... بلدنا سياحي بجدارة بس بدك شعب غير الشعب... الله يصلح حالنا أحسن شي
سوريا
-

2010-06-20 11:24:56
ابو الليث
هلا والله
بس حابب قول يعطيك العافية على هالمفال الرائع وعلى كل حال هاد هو الواقع... واقع العلكة بس العلة حتى العلكة المشهورين فيها ما بتتاكل ............عاشت بلدي سوريا عزيزة كريمة  
سوريا
babnikdiavol@mail.ru

2010-06-20 11:22:14
سكرجي
سبب عدم التأهل
يبدو أنك يا نضال لا تدرك الأبعاد (الثقافية) لعدم تأهلنا، إليك بعضها: كأس العالم مشبوه لأن كلمة (كأس) تستخدم بكثافة من قبل السكرجية حين يقولون لبعضهم (كاسك) عندما يتبادلون الأنخاب، لهذا ومنعاً لشبهة إقدامنا على فعل يتنافى مع ثقافتنا لا نتأهل، ثم لا تنسى ما يقال عن فساد (الفيفا) و(بلاتر) هل تريدنا أن نشارك في نشاط تنظمه جهة فاسدة؟؟؟هذا هو السبب وليس أي شيء آخر.
سوريا
-

2010-06-20 11:20:26
مغترب مشتاق
المال صالح لمدة 500 سنة
مع اسفي الشديد ومع تفاؤلي الكبير بمستقبل مشرق للوطن الحبيب أظن أن هذا المقال سيبقى صالحا لمدة 500 سنة قادمة . ÷ذا إن لم نغير أنفسنا وقناعاتنا وأن الوطن للجميع وليس ملكا لطبقة أو فئة واحدة وأن كل منا يفيد البلد بما يعلم ويعمل
الإمارات
blackfantom99@hotmail.com

2010-06-20 11:19:48
مغترب مشتاق
حام أم هذيان
متى استيقظت من حلمك يا أخ نضال . والله ضربت على الوتر الحساس , التطور بالرياضة يلزمه تطور في السياسة والاقتصاد والمجتمع الانساني المدني . مازال هناك من يقتل زوجته أو أمه أو أخيه بسبب الشك باخلاقهم , ومازال هناك تخلف بالعلم والتعليم , كيف تريد للرياضة أن تتطور بمعزل عن باقي أطر الحياة في سوريا
سوريا
blackfantom99@hotmail.com

2010-06-20 11:19:40
سليمان
الالم لايفيد
عندما قرأت المقال في 2006 انتابتني ضحكة مؤلمة مع دمعة للعين .وضع الاصبع على الجرح اصبح يؤلم في سوريا القرن 21 انا في بلاد الاغتراب اخوض التجرية هذه كل يوم على مدار سنوات لماذا لانملكها في سوريا لماذا لانعمل هكذا لماذا لماذا اتعبني التساؤل فتذكرت موظفين الجوازات والمطار وشعب التجنيد فقلت في داخلي اذا هيك موظفين الاتحاد الرياضي فحتى رياضتنا فاسدة للاسف اكتشفت ان الاتحاد الرياضي هو مدرسة الفساد الحكومي في سوريا نسبة الموظفين الفاسدين في الحكومة 100%ولاتزعل ايها الشريف لانه لانسبة لك
سوريا
-

2010-06-20 11:19:09
أبو جولان
شي بجنن ****
ليش إنتو مستخفين بسوريا بدال ما تحكوا بهالمواضيع روحوا شتغلوا وطوروا أنفسكم ومن ثم المجتمع والبلد نحن ما رح نقدر نشارك بالمونديال إذا ما كانت البلد قوية من جميع النواحي ..... مع أحترامي لكاتب المقال ويلي علقوا لازم نكون واعيين لهالأمور كتير وشكراً
سوريا
surakia@hotmail.com

2010-06-20 11:01:33
مجنون يحلم بان بلده ستستضيف المونديال عام *****
ههههههههههه
فعلا كلام رائع ومعبر امبارح كنت عم فكر اين عام رح نفوت المودنيال ياترى وبعدين فكرت قلت من هون 2030 أكيد ما في أمل شوفوا قطر بدها تنظم المونديال عأرضها بعد 12 سنة بس ونحنا لسا عم نفكر شلون منا نشارك بس أمر محزن ومحبط حقاما احلاه مونديال ببلادي بس للأسف لساتنا مشغولين بالوقوف على أفران الخبز وتأمين الربطة حتى ننام شبعانين الحمدلله عكل حال
سوريا
-

2010-06-20 10:55:45
الطائر الحر
قوية
شو نحكي , والله شي بيياس, بس برايي نكب المته ع جنب و الاركيله و الحكي ع الناس و نعمل شي للبلد ,بس شو بايدنا نعمل؟
سوريا
-

2010-06-20 10:42:38
بديع الزمان الهمذاني
لكل من لايعرف سوريا
لمن لا يعرف بماذا تشتهر سوريا فقط اقول انكم لا تقدرون وطنكم فسوريا تشتهر بحضارتها القديمة و حاليا الثالثة عالميا بانتاج الزيتون وزيت الزيتون و القطن السوري يصدر الى ايطاليا وفرنسا. عدا عن كم الاطباء و المهندسين و الفنيين الذين يعملون خارج الوطن ولكنهم سوريون ... هناك عدد من المستفيدين من الوضع الحالي الان ولكن لو كل لامور تصل لسيادة الرئيس فانه لن يقف مكتوف الايدي و لكن ايضا كفا واحدا لا يصفق ... انا ابدا من نفسي و سوريا ياحبيبتي..... ودمتم
سوريا
tg5600@hotmail.com

2010-06-20 10:46:03
Syrian UK
Syria
مشكلتنا انو مفكرين حالنا معروفين بكل العالم. صدقوني نص العالم باوروبا ماسمعانيين بسوريا واذا سمعانيين بيكون بسبب حالة الحرب. انهضوا شوي ببلدكم ياسوريين وموغلط لو بكرة القدم لانو كتير دول مانها معروفة متل هندوراس صارت معروفة هون لو بالاسم بسبب المونديال
بريطانيا
anonymous@shuf.com

2010-06-20 10:33:55
لورانس
مقال رائع
مقال جمييييييييييييييييييييييييل شكرا استاذ نضال
السويد
lourans@live.se

2010-06-20 10:27:03
سوري
نفسي شجع فريق بلدي وبس فريق بلدي
الطريقة الوحيدة التي يمكنن ان نشاهد فيها منتخبنا في مونديال كأس العالم وهي ان تقوم سوريا بتنظيم كأس العالم فكرة مو هيك هههههههه المضحك المبكي
سوريا
nowsyria@yahoo.com

2010-06-20 10:24:27
بيبرس
برواظ
يرجى تفصيل براويظ لهذا المقال و إرساله إلى اتحاد كرة القدم المعين والمنتخب وإلى كل الأندية.
هولندا
-

2010-06-20 10:24:25
هنداوي
العلم السوري في جنوب أفريقيا
أقسم بالله ظننت أن هذا يحدث الآن, والذي أكد شكي مشاهدتي للعلم السوري يرفرف على مدرجات الملعب في إحدى المباريات. أحيي كافة الوطنيين من أمثالك يا أستاذ نضال وأتمنى أن يكتب لنا الأخ الذي يرفع العلم السوري في جنوب أفريقيا ويبين لنا مشاعره كما بينت أنت, وشكرا
سوريا
-

2010-06-20 10:18:38
وجدي
كووول
مابنساها كلمة كول وقت كان يقولها عدنان بوظة كانت طويلة كتير وكان يتميز فيها انشالة مندخل على المونديال شي يوم
سوريا
princewajdi@hotmail.com

2010-06-20 10:12:36
fatima
رياضة قال
وهل برأيك يا استاذ نضال المؤسسة الرياضية ستختلف عن أي مؤسسة في هذا البلد.. الحل هو تحويلها إلى شركة مساهمة مغفلة تمهيدا إلى الخصخصة الذي بات الطريق الوحيد للنجاةأو بالأحرى لم يتركوا غيره.
سوريا
-

2010-06-20 10:08:25
محمد هزاع الحراكي
دوام الحال ..من المحال
حقيقة اخرجت الكثير من الالم , والحزن , لن اقول السخط , ولن اقول الغضب , فهي ملوثات لا تصلح للنشر , الى متى سنبقى اقدر العالمين على كبت حزننا والمنا ورقص الدبكة في جميع المناسبات ؟!
الإمارات
-

2010-06-20 10:03:54
هبة
أنت فظظظظظظظظظظظيع
انت فظيع من زمان ما ضحكت وبكيت بنفس الوقت
سوريا
heba.ww@hotmail.com

2010-06-20 09:53:38
عبادة
قسما بالله معك حق
لك و الله معك حق قسما بالله وقت سافرت على قطر صرت افتخر بالوحدة الدمشقي قسما بالله لمدة سنة و الناس تتمسخر علي كل ما كلم حدا يقلي قال الوحدة قال و حتى علماء الدين و حتى السياسيين و حتى كلشي بتتوقعو لك ما حدا بيعرف سورية
سوريا
-

2010-06-20 09:47:15
مغترب غصب عني
ولك آخ
صباح الحب على سوريا وعلى الشام وعلى امي...يعني لازم تبكونا كل يوم ما بيكفي اللي فينا...مقال اكثر من رائع...يسلم ايديك استاذ نضال.
السعودية
-

2010-06-20 09:43:07
مختار جامعة البعث(مرهف)
هذا هو المفرح المبكي
والله مقال جدا قوي ومؤثر دائما بتتحفنا بمقالاتك القوية يا استاذ نضال كل الشكر والمودة لك ... وفعلا كلام واقعي ولكنه لا ينطبق بس على كاس العالم بصراحة هاد الوضع السائد وكان في ضمن التعليقات الاخ (لست من هواة كرة القدم ) بالفعل تعليقه كمان كتير موثر وبوجهلو تحية كبيرة .... بس بالنهاية بيضل بلدنا غالي علينا وبدمنا ورح نرجعلو باذن الله ... وهاد الحكي ما بيحس فيه غير المغترب ليعرف قيمة بلادو والله .. لتصير تنسو كلشي اسمو تكنولوجيا وتطور ومصاري وتتمنو على فنجان قهوة بحديقة صغيرة او عالبحر
سوريا
mrhaf_3m@hotmail.com

2010-06-20 09:39:33
عربي قومي تحرري
النصر للعرب
اخ نضال احيي فيك هذه الروح الوطنية والقومية وهذا الانتماء الكبير للعرب ولسورية واني متفائل بأن المنتخب السوري سيتأهل لكأس العالم 2014 بفضل الروح القومية والنضالية التي يتمتع بها اهل سورية واني اشد على يدك في ضرورة اجتهاد العرب لتمثيل عربي مشرف في المحافل الدولية نحمل من خلاله الراية العروبية ونثبت للعالم اننا اهل ماضي مشرق ومستقبل واعد واننا اهل الانتصارات والحضارة وما تمر به الأمة العربية يعد عثرة بسيطة في طريق بناء الامة العربية الموحدة الاشتراكية ودائما كان النصر للعرب وهكذا سيكون
سوريا
-

2010-06-20 09:35:56
جاد الشامي
صباح اخير يا وطني
أبدأ صباحي يوميا مع سيريا نيوز لأدفئ قلبي من غربتي. ابكيتني هذا الصباح يارجل. استاذ نضال انت تعزف دائما على الوتر الموجع وأنا من المتابعين المسستمتعين بكتاباتك الشيقة. اشكرك
سوريا
-

2010-06-20 09:33:06
انا سوري وأرضي عربية
الطريق إلى المونديال
مقال أكثر من رائع الحل الوحيد للوصول الى المونديال هو عزل كل من له صلة بكرة القدم لأنهم جميعا وصلوا الى ما وصلوا اليه بالوساطة والمحسوبيات بما فيهم اللاعبين الابطال,وبعدين يتم تشكيل مدريبن اكفاء همهم الوحييييد الوصول الى القمة وليس جيوبهم... انا امارس الرياضة كل يوم في احد الملاعب الشهيرة لفت انتباهي بعض من لاعبين العاب القوى ومدربيهم وكأن وقت التدريب في الملعب مخصص للتسلي مع زميلاتهم الفاتنات فمتى سيكون وقت التدريب.
سوريا
anasouri@syria-news.com

2010-06-20 09:03:13
raed
رحم الله عدنان بوظو
رحم الله عدنان بوظو الذي قال في بداية السبعينيات وحيث كان المنتخب السوري يحسب له حساب على المستوى الأقليمي ان سوريا لن تتأهل الى كأس العالم قبل بدايىة القرن القادم. صدقت يا عدنان فالقرن القادم أتى ولا يوجد بارقة أمل في الأفق. ونحن أبناء "القرن القادم" بعدك نأكد مقولتك ونعيد ان منتخبنا لن يتأهل قبل القرن القادم.
سوريا
-

2010-06-20 09:14:33
الغربتلي
كنت بالطرف التاني
وانا كمان يا شريك كنت بالطرف التاني وحسيت بمتل ما انت حسيت بس ما اقدر اكتب فمشان هيك بكيت وضليت ابكي ولح ابكي ومن كل البي لانو والله العظيم شي بيحرق القلب
سوريا
HAMZA-CHAM@HOTMAIL.COM

2010-06-20 09:04:05
محمد مستو
أكثر من رائع
مقال أكثر من رائع لا أظن أني قرأت أجمل منه , ما ضرك ما كتبت بعد هذا المقال أخ أستاذ نضال سلمت يداك
سوريا
-

2010-06-20 09:13:41
سوري متشائل
....
حشاش ...بس لا تعليق
سوريا
-

2010-06-20 09:07:20
yasoo
لماذا
لماذا وصلنا الى الحضيض في كل شي كل يء بدون استثناء ؟ ! ببساطة الفساد لقد تغلغل الفساد في مجتمعنالقد وصل النخر الى العظم انظر الى قطاع من قطاعات الدولة وانظر الى الفساد الذي استشرى (الصحة-التعليم-الخدمات-الصناعة-الرياضة -...) والمشكلة الاكبر ان الفساد وصل الى الجهات التي يفترض بها ان تحارب الفساد واي موظف في الدولة يستطيع ان يعرف ذلك بسهولة (قصدت الموظفين لانهم على احتكاك بالرقاقة والتنبيش ) وآه يا وطن
سوريا
-

2010-06-20 08:56:32
عاشق سورية
555
لا تحملها زيادة وإذا يعني ما لعبنا بالمونديال وبالصدفة شفت شي متخلف ما بيعرف سورية دولة العلم و السياحة و التطور الغير محدود و هي ليكنا ما شاء الله علينا لح ندخل كتاب غينيس بكتير مجالات و نفقأ عيون المعتدي و لا يهمك .بس عالذمة مانك من هنيك ؟؟؟ عم تفهم عليي ما ....
ألمانيا
alisyr@hotmail.com

2010-06-20 08:59:25
يا عينيي
يا سلام
تمثيلية حلوة
سوريا
-

2010-06-20 08:56:11
مغترب
مونديال؟
ترى لو صولنا مونديال 2014، نكون حققنا تقدما؟ نكون تجاوزنا سخافات المشاركة في كتاب غينيس كاكبر سيخ شاورما وابر صحن تبولة؟ تخلفنا على جميع الاصعدة،البطالة المقنعة، تهجير العقول،تقييد البداعات بالروتين والبروقراطية وغيره وغيره؟ ترى برأيك وصولنا للمونديال يعني شيئا بوجود ذلك كله؟ أم ستقول شي أحسن من ولا شي، وان قلته فلا الومك
سوريا
-

2010-06-20 08:48:45
abu badr
شر البلية ما يضحك
يحرق حريشك على هالعبارة "اكبر عدد من المشاركين في برنامج تلفزيون الواقع " سورفايفر " ( الناجون ) .. "...يعني شو بدي قلك....وجعتلي قلبي من عند هالصبح
سوريا
-

2010-06-20 08:47:16
محمد
رائع
أكثر بكثير من رائع. هذا هو السوري الحقيقي ولو كل واحد منا أو على الأقل واحد من بين كل عشرة بيحب سوريا مثلك ويعمل لأجلها عن جد لكان الوضع مختلف جدا. ولكن للأسف ....
إسبانيا
-

2010-06-20 08:43:11
ابو كلبشة
وضعنا عجيب
الله يعطيك العافية استاذ نضال ..وبحب قلك انو صلاحية المقالة رح تضل فعالة بكل المونديالات لأنو متل ما قلت نحن لا نشارك في متل هذه المونديالات الهابطة .....يعني الموضوع موضوع مبدأ ...رغم انو من جوات قلبي بتمنى ان ياغير هالمبدأ ....تحياتي إلى من دمر حياتي
الصين
-

2010-06-20 08:34:58
أمينة السوسو
شكرا أستاذ نضال
مقالتك لازلت صالحة للنشر وأعتقد لعام 2050 وكيف سندخل المونديال والرياضة عند في الحضيض والواسطة والمحسوبيات تنخر فيها كالسوس والفساد ينتشر فيها كما ينتشر في باقي الدوائر الرسمية وغير الرسمية والمصيبة الرياضي عنا ينبغي أن يلعب ويعمل لتحصيل لقمة العيش وأن ينحج ووو ماذا بقي لنا والمصيبة أن توقيت المونديال أيام الامتحانات ويفتح باب للتجارة الرابحة بطرق عجيبة في بلادنا العربية... 
سوريا
-

2010-06-20 08:31:01
Mohmad
what is this Mr. Nidal
والحرامية ولك حتى الـ 400 الف مومس اللواتي تكلمت عنهن الصحافة العالمية ، لا اثر لنا هناك .. !!!!!!!!!!!!!!!!!!!!!!!!!!!!!!!!!!!
سوريا
mh80_mh@hotmail.com

2010-06-20 08:30:02
ساسوكي
رائع
نضال انت رائع بس قبل ما تحلم ندخل المونديال ياريت نحكي بس عن قلة الضمير الماشية بالبلد عن الرشوة والظلم والسرقة والتعدي على حرمات الجيران ..... حتى لو كانت الدولة مقصرة ببعض النواحي هاد ما بيعطينا الحق لنقتل قيمنا وندفن عاداتن اللي بصدرنا
سوريا
kothar18@yahoo.com

2010-06-20 08:29:19
ابن اللاذقية بالرياض
حرقة قلب
بكيتني من القهر يا اخ نضال والله من الصبح تنكدت بعد ما قرأت هالمقال الحو تسلم ايدك
سوريا
-

2010-06-20 08:08:46
المهندسة نور الحلبية
علواه
يا ريت فعلا تنتهي صلاحية هل المقال قبل المونديال القادم وما يصير مسلسل مكسكي 100حلقة.
سوريا
-

2010-06-20 08:04:04
لست من هواة كرة القدم
أبكيتني رغم أنني أبكي كل يوم منذ غادرت سورية
نعم أبكيتني يا نضال معلوف بمقالتك رغم أنني لم أنقطع عن البكاء منذ غادرت الوطن. الوطن الذي طالما حلمنا به أن يكون رمزا للحضارة. عبث العابثون بك يا سورية الحبيبة فطردوا محبيك وتركوهم تائهين في أصقاع الأرض حتى لا يشهدوا على الفساد. نعم نشاهد الذل الذي وصلنا اليه بفعل المجرمين الداخليين والخارجيين ولا يسعنا إلا أن نقول "ولولا أن أهلك أخرجوني منك ما خرجت"
سوريا
-

2010-06-20 08:07:04
Abd
شي حلو
قووووووووووووويه يا نضال معروف ح يت ايدك على الجرح
قطر
-

2010-06-20 08:01:01
Amer
يسلم تمك
يسلم تمك بس اذا ما رحنا علمونديال احسن ما تجينا الف جلطة بكل مباراة
الولايات المتحدة
-

2010-06-20 07:58:05
انس
اخ يا بلدي
والله ذكرني هالمقال بمرة سألني فيها بروفسور بجامعتي هون بأميركا. سألني: ممكن تقللي شغله وحدة مشهورة فيها بلدك سوريا ؟؟ عصرت و عصرت و عصرت وكل الطلاب عم يتطلعوا فيني وعم يستنو الاجابه.  قلتلو. مممم..... بالحقيقه. مممم و....لاشي :(.  مابينتسا هالموقف :(
الولايات المتحدة
Damascus-4-ever@hotmail.com

2010-06-20 07:33:19
akram
رائع
قابل للقراءة إلى آخر حرف ..رائع بل اكثر من رائع
سوريا
-

2010-06-20 07:16:58
حلبي مغترب
بص شوف الاهلي بيعمل ايه
بجد صح لسانك وصح قلمك على هالحكي اللي بيهز جبال بس للاسف لا حياة لمن تنادي حلوة يا بلدي
الإمارات
-

2010-06-20 07:09:43
Human
wonderful
It is so good, Nidal, thank you.
سوريا
-

2010-06-20 06:52:29
نيمو
منتخب المتوسط
هه مقال حلو ومر بنفس الوقت، أتذكر أن المنتخب السوري كان له اسم أيام دورةالمتوسط وفاز على فرنسا، ولكن الفساد ضرب كل شيء في المجتمع السوري ومنها كرة القدم ، وتحية إلى وليد أبو السل أبو الضربات الصاروخية مع أن اسمه أبو السل
سوريا
-

2010-06-20 06:43:30
ايلي
جرحي
الله يخليك شيل اصبعك عن جرحي وجعني كتير
الولايات المتحدة
-

2010-06-20 06:49:36
Mahmoud
USA
I do remember this article very well , hope to watch the syrian team in the next world cup.
سوريا
-

2010-06-20 05:43:00
مواطن
كاسك يا وطن
أحييك سيد نضال على هذا المقال الجميل، متمنياً دوام النجاح لكم سيريا نيوز، وفعلاً نتمنى أن نرى بلدنا الحبيب سوريا مشاركاً في المونديال وبطلاً للمونديال، ولا أدري إذا كان هذا الموضوع مدرج في إحدى الخطط الخمسية ، لن أزيد خليها بالقلب تجرح،
الولايات المتحدة
-

2010-06-20 04:50:01
محمد
و صالح للنشر
ايه ما بقة نعرف نطالع فريق يتاهل لكاس العالم و لو مرة في احد الالعاب الرياضية ؟
سوريا
-

2010-06-20 04:40:45
ابن سينا
عبد القادركرغلي
لك يحرق حريشك مالذك على هالمقالةالرائعة .انا الان جيت من الشغل تعبان ..وقريت المقالة واللة ماضحكت ضحك مثل الان من ذمان ..خاصة المحادثة مع الانكليزي...دخيل عينك زيدنا اكثر بهيك مقالات ..ممزوجة بالنقد الساخر..واشكرك على جرأة الطرح ..احلى استاذ نضال
سوريا
ebsdena@maktoob.com

2010-06-20 04:33:40
الحشاش الأكبر
فضيحة الـ 500 مليون ليرة!
خليها لله، لو هالـ 500 مليون ليرة اللي دفعناهم على نقل 20 مباراة حطيناهم على المنتخب الوطني، ما كنا ضمنا المشاركة بكأس العالم 2014 بالبرازيل؟ ما كانوا اللاعبين قدروا يتركوا أشغالهم التانية و يتفرغوا للعب والتدريب؟ لك آآآآخ يا بلدي آآآخ، كله عالمكشوف وما حدا سائل، هاتلك شحطة هات
سوريا
-

2010-06-20 04:09:58
مهندس-غيور على الوطن
تحية إلى الوطن
أما عن الصناعة فلقد نسيت صناعة المحارم .. ديمة .. ديمة .. ديمة .. ديما ... , ونسيت حلب بأطول سيخ كباب .. , وأما عن تيار الحريري فقد عاد إلى رشده فاتجه بالمسار الصحيح وعرف من الصديق ومن العدو .. ماعدا جعجع الذي مازال يجعجع مع أسياده الصهاينة , وأما عن المقالة بشكل عام فقد أبدعت بما كتبت , ويبقى علم سورية مرفرفاً خفاقاً رغم أنوف الأعداء بإذن الله ومن ثم بقيادة قائد الوطن وأبناء الوطن الشرفاء .. تحيتي لكَ أخي الكريم نضال معلوف ولطاقم سيريا نيوز .. مع جزيل الشكر ..
سوريا
-

2010-06-20 03:37:35
أبو خز
مقال ممتاز شكرا
يعني صراحة مقال ممتاز وأسلوب كتير حلو ومميز ونتمنى انتهاء صلاحيته قريبا وأيضا انشاء وزارة للشباب والرياضية اسوة بجميع الدول الأخرى العربية والأعجمية
سوريا
gf_3827@hotmail.com


علوم وتكنولوجيا


أدخل بريدك واشترك معنا بالنشرة الإخبارية



Content on this page requires a newer version of Adobe Flash Player.



 

  
All rights reserved © Syria-news.com 2010
Powerd By:Syria news IT