syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
مصدر برلماني رفيع: قانون تعديل بدل خدمة العلم للمغتربين درس ولم يقر بعد
الاخبار المحلية

"الأربعاء المقبل سيحضر وزير الدفاع ووزيرة الشؤون الاجتماعية والعمل إلى مجلس الشعب للبت بالقانون قبل رفعه لرئيس الجمهورية"

برلماني سوري: القانون اقر من قبل لجنة الأمن القومي والشؤون الدستورية والتشريعية وسيناقش تحت القبة الأربعاء المقبل

قال مصدر رفيع في مجلس الشعب لـسيريانيوز إن لجنتي الأمن القومي والشؤون الدستورية في مجلس الشعب درستا قانون تعديل مبلغ بدل خدمة العلم للمغتربين ليصبح 6500 دولارا للبلدان العربية والأجنبية على أن يتم إقراره في وقت لاحق.


وكان عضو مجلس شعب قال لـسيريانيوز إن التعديل أقر بحيث يدفع المكلف المغترب في أي بلد سواء كان عربيا أو أجنبيا بدل إعفائه من خدمة العلم مبلغ 6500 دولار بعد أن كان مغتربو الخليج يدفعون مبلغ 5 آلاف دولار بعد انقضاء 5 أعوام على اغترابهم.

وأضاف المصدر الذي فضل عدم الكشف عن اسمه أن "القانون يتضمن بندين الأول مساواة كل المغتربين بدفع مبلغ واحد سواء كانوا في دول عربية أو أجنبية إضافة إلى إسقاط قضية مدة الاغتراب التي لن تلعب دورا في تحديد مبلغ البدل أما البند الثاني فيتعلق بتحديد مبلغ 500 دولار لمن ولد في دول الاغتراب وبلغ سن التكليف هناك".

وأشار المصدر إلى أن "جلسة الأربعاء المقبل لمجلس الشعب ستشهد حضور وزير الدفاع علي حبيب ووزيرة الشؤون الاجتماعية والعمل ديالا الحج عارف للبت بالقانون تحت قبة مجلس الشعب قبل رفعه للسيد رئيس الجمهورية بشار الأسد وإقراره نهائيا".

ويأتي نقاش هذا القانون بعد نحو ثلاثة أشهر من إصدار مرسوم تشريعي يلغى فقرة من قانون خدمة العلم تسمح بدفع بدل نقدي لمن يفرزون للخدمة العسكرية الثابتة, إلا أن هذا المرسوم لم يطل حينها بدل المغتربين الذي ظل يتراوح بين 500 دولارا و15 ألف دولار, وذلك بحسب دولة المغترب والعمر وقت الخروج من سورية.

 

وعن المغتربين الذين بلغوا في الاغتراب سن الإعفاء من الخدمة, قال المصدر إن "بدل من تجاوز سن التكليف المحدد بـ42 عاما حدد بـ 500 دولارا", لكنه أشار إلى أنه "ليس أي شي نهائي إلى الآن فكل الأمور قيد النقاش".

 ويدعى كل سوري تجاوز الثامنة عشرة من عمره إلى خدمة العلم وتؤجل الخدمة لمن يتابع الدراسة حيث يعاد طلبه مع انتهاء دراسته ويبدأ التكليف في اليوم الأول من شهر كانون الثاني من السنة التي يتم فيها المواطن الثامنة عشرة من عمره وينتهي بإتمامه مدة الخدمة الإلزامية أو بإعفائه منها أو بتجاوزه سن الثانية والأربعين.

واعتبر المصدر أن "القانون سيكون عادلا ومناسبا للجميع", مشيرا إلى أن "أي قانون لن يصدر إذا لم يراعي مصلحة المواطن بالدرجة الأولى".

من جهته, أكد عضو مجلس الشعب غالب عنيز ما ذهب إليه المصدر الرفيع, مشيرا إلى أن "القانون أقر من قبل لجنة الأمن القومي والشؤون الدستورية وسنناقشه يوم الأربعاء المقبل".

يذكر أن المرسوم التشريعي رقم 30 للعام 2007 المتضمن قانون خدمة العلم، حدد مدة الخدمة الإلزامية وأسس التكليف وقواعد تأجيل الخدمة الإلزامية وقواعد الإعفاء من الخدمة الإلزامية كما حدد كيفية قبول البدل النقدي من المواطنين العرب السوريين ومن في حكمهم الخاضعين لخدمة العلم والمقيمين خارج سورية في دول عربية وأجنبية، كما حدد المرسوم أيضا قواعد الخدمة الاحتياطية والمستبعدين من الخدمة الاحتياطية.

لوركا خيزران-سيريانيوز


2009-11-25 13:05:12
شاركنا على مواقع التواصل الاجتماعي:



شارك بالتعليق
صوت الحق2011-03-13 20:32:39
نداء الى سيادة الرئيس بشار الاسد
انا المواطن العربي الشريف الذي يحمل مئسات كل شباب سوريا في الغربه املين ان هاذ النداء يلفت نضر الكثير من الجهات المتخصصه بموضوع البدل اتمنا من سيادة الرئيس بشار الاسد ان يدرس موضوع البدل الذي يشكو من الكثير من شباب سوريه الاسد نرجو من سيادة الدكتور بشار الاسد دراسته باسرع وقت نحن في بلاد الغربه شباب مكافحين من اجل العيش بكرامه والرواتب التي ناخذها غير كافيه لسدد المصاريف في سوريه من اجار سكن في سوريه وكهرباء وماء ومصاريف العيش اتمنامن ادارة سيريا نيوز ان يوصلو صوت الانسانيه
البحرين
غريب2010-04-02 10:00:12
مع الاسف
مارح ارجع لبلدي ورح اشرب كاسك ياوطن.....
سوريا
ابو ماهر2010-01-02 17:51:51
وين مفكرين حالكن
بس بكفي حكي ياشباب هلق انتوا رح تعرفوا مصلحتكن احسن من الحكومة يعني هذا الشي اكيد لمصلحتنا ولا ما كانوا عملوا يعني اكيد غير لتلاقوا شي شغلي هون ولا هون بمصلحتنا ( يعني مثلا : زيادة قدراتنا على العمل و برهان للعالم انو المواطن السوري يملك مقومات خارقة و خارجة عن الطبيعة ) ولا لا
سوريا
اعشق سوريا2009-12-22 11:28:50
البدل
يا جماعة او يا حكومي والله الغربي صعبي وهم نطالع اليرة منموت قبالا بفكي غربتنا بس منشان الله بس فكرو باشياء ثانية تريح المواطن منا بيت ومنا نتزوج ومنا نشتغل منين هالشي منا نجيبو تعو شو الغربي كيف تعو يا حكومي تغربو كم شهر لتشوفو المعاناةبس بكفي بعرف مافي فائدة
-سوريا
مواطن يحب سورية اكثر من نفسه2009-12-17 18:13:00
حراااااااااااااام
و الله صعبة كتيرة صارت .. كنت بتوقع انو ينزل البدل شوي عشان انبسط و ارجع على وطني مرفوع راسي متل اي مواطن في بلدو من كل دول العالم .. ارحمونا بحياة الله .. مو سوريا الله حاميها ؟؟ طيب ليش بدكم تخلوني اشحد .. كنت ناوي اشتري بيت .. هلأ لغيت الموضوع .. حرام يا حكومتي حراام
سوريا
مغترب ماكل هوا2009-12-16 01:05:19
لايمتا بدنا نضل نسمعلهم انا طقيت والله
اني صارلي سنتين عم اشتغل زي الحمار ويالله عم لحق مصارف اخوتي الصغار بالمدرسة ومصاريف البيت وكهربا ومي واسقوفيات وشرفيات شوارع عند التزفيت وما بعرف شو كمان بدي ضل لبكرا وانا عم اكتب ما بخلص ارحمونا كرمال الله ارحمونا وبعدين مع هايي الحاله لك هون المواطن الاماراتي الدولة بتعطيه كلشي ولما بدو يتزوج بتعطيه بيت ومصاريف الزواج ولما يدخل الجيش بعطوه راتب 80000 الف سوري وبعدين مع الحالة هاي
سوريا
Medo2009-12-07 18:06:58
قرار رائع شكراً والله من زمان
نتمنى أن يتم تطبيقه في أسرع وقت ممكن... تحية للسيد الرئيس بشار الأسد وللقيادة الحكيمة ( من مغتربين أوروبا).
-بلجيكا
فادي2009-12-06 10:23:55
شو الفايدة؟
أنا لازمني كام شهر لاكمل المدة وفرحت لما اسمعت بهلخبر. مع انه نص المصاري ادينتن عشان اخلص, بس اليوم اتصلت بالسفارة السورية وللاسف قالوا ما سمعنا شي ولا اجانا أي شي وحطوا السماعة..فلبين ما يوصلن بكون مرت الفترة الي كنت حوفرها واتخلفت ومشي الحال
-سوريا
د. أساسي2009-12-06 00:30:20
الغربة في الوطن ؟
بنفس العنوان شاركت سابقآ وأرى ردود كثيرة بخصوص البدل الداخلي وخاصة لحملة الشهادات ,لم يكن المقصود ان تكون الخدمة للفقراء فقط انما للحد من هجرة ذوي الخبرة ,ولرفع المستوى العلمي لدى الجميع الراغبين باتمام الدراسة . وهنالك اقتراح جديد في حال لم يمكن وضع قانون للبدل الداخلي وهو تخفيض مدة الخدمة للجامعيين .وهنالك تساؤل حول الطلاب الذين درسوا في الخارج وعلى حسابهم الخاص دون ايفاد والذين وضعوا تحت الاشراف هل القانون الجديد سوف يشمل هؤلاء ام لا ؟ وشكرآ لمجلس الشعب الموقر والذي خصص لمصلحتنا.
سوريا
mohmmad2009-12-02 19:19:41
الى اين ؟؟؟؟
الله المستعان انا سوري معترب ليس لي اي دخل دخل سوريا او اي مساعدة من الحكومة حتى لو 1 ل س !!! بالمقابل مغترب (وحالتي حاله) ادفع روسوم مخلفات كهرباء وماء وا......الخ اي نصرف على الحكومة دون اي مقابل ارحمنا يا رب ارحمنا اخ...................
-سوريا
راجي رحمة ربه2009-11-30 22:07:42
مشان الله خفضو البدل لا تزيدو
من وين بدنانلقاها ولا من وين ما بيكفي هم الغربة عن الوطن والاهل يا الله ارحمنا برحمتك نناشد وزيرة المغتربين أمناالحنون بثينة شعبان ان تتدخل وتطالب بتخفيض البدل الحياة ما عادت تنطاق والله ملينا ولو بطلع بايدي مابرجع لهيك وطن فيه هيك مسؤولين ارحمونايامجلس الشعب بشي قرار حكيم وعادل ولو لمرة واعتبروها غلطة
-سوريا
الغربة صعبة2009-11-30 21:09:19
الغربية صعبة
بلشت حيات الشغل والتعب ولك وحتى وانا عم ادرس وخلصت بكلوريا وما طلعلي شي فسافرت على الامارات والله يا جماعة كنت طالع اكتر وانا بسورية بس شو بدي ساوي مشان الجيش تركت اهلي واخواتي وراتبي هوا 1750 درهم يعني بلسوري حوالي 20 الف سؤالي كم بدي سنة لحتى طالع 6500 دولار مشان الله ارحمونا والله حرام صرلي 3 سنين وما عم صمد ولا شي يالله يكفو مصروف اهلي مشان الله ارحمونا والله كرهنا الغربة ولك الهندي والبنكالي والباكستاني مبسوطين اكتر هون بس تخيلو ابنكو بهاد الموقف ونشالله بكون قراركو حكيم
-سوريا
قسوة وطن2009-11-30 18:26:48
ذل الغربة وقسوة وطن
من اللأخر ياشباب هاد القانو لازم يلتغا ومو بس يلتغا لازم يخفضو بدل الخدمة كمان حرام الشب فينا يفني شبابو بالغربة ويحرم حالو حتى من الأكل والشرب مشان يدفع كل المبالغ في ناس عم تضل خمس سنين ما عم يكون متوفر معها بدل الجيش شو الحل يعني مافي غير الواحد يضل بالغربة ومايرجع بعمروا يمكن هاد الحل الوحيد بعدين يلي عايش بأوربا كلها 3 سنين وبياخد الجنسية وبقلك سلملي على سوريا وعلى بدل الخدمة تبقى ومارايحة إلا على الشباب يلي بالخليج وأغلبو عم يشتغل بالمطاعم أرحمنا ياوطن لاتعزب فينا نحنا منحبك
الإمارات
اقتصادي2009-11-30 02:53:37
شو مشان الموفدين
نحنا هون بألمانيا عم تطلع روحنا لحتى ناخد الشهادة المطلوبة للتعيين بالجامعات السورية. الموفد موقع عقد مع الدولة أنو الدولة تصرف عليه مقابل أنو يخدمها ضعفي مدة الدراسة يعني كلو دين. بس بدي أعرف شو الفرق بين موفد وغير موفد. نحنا إذا ما أخذنا الشهادة المطلوية لح يلتعن أبو أفتطاسنا بالديون و فوق كل هاد ما لح نقدر ندفع بدل للعسكرية وإذا أخدنا الشهادة و ما رجعنا ودفعنا للدولة كل قرش حطوا علينا منشان نخلص منهم ما لح نقدر كمان أنو ندفع بدل. وإذا رجعنا مشان نخدم الدولة ضعفي مدة الدراسةكمان مافي تدفع بدل
-ألمانيا
سوري2009-11-29 21:33:57
الانتحار
بس كنت حابب استفسر اذا الواحد انتحر في مجال ترجع جثتو لسوريا من دون ما يدفع البدل ولا لازم يدفع وشكرا لالكن ولقراراتكن يلي بجد عم تخدمنا
سوريا
نجم الدين2009-11-29 18:46:02
ع راسي الشباب
(\"أي قانون لن يصدر إذا لم يراعي مصلحة المواطن بالدرجة الأولى\".)مسخرة
-سوريا
ابو عمار2009-11-29 16:16:45
مصلحة المواطن أولا أم اخيرا
أرى أن يتم تعديل المقال إلى عدة مراعاة مصلحة المواطن أبدا لأنه أي مصلحة للمواطن في رفع البدل بمبلغ الف وخمس مئة دولار وما ذنب من تغربو لثلاث او اربع او خمس سنوات وينتظر دفع البدل هل سيشمله هذا القرار الجائر ارجو لمن سيصوت على القرار ان ينظر بعين الرحمة للمغترب بالدول العربية مع العلم ان الخمسة آلاف دولار هي هم كبير على المغترب خاصة بعد الازمة العالمية وانخفاض الرواتب والاجور وتسريح الكثير من العمال شاكرا لكم تعاونكم
-سوريا
مغترب حزين على الوطن2009-11-29 12:35:16
تساؤلات 4
أليس في تحديد سن الـ 42 للاعفاء من خدمة العلم مبالغة؟ أي رجل يتجاوز الـ 35 ولديه القدرة البدنية على الاضطلاع بأعباء التدريب العسكري كماهي لدى الشاب ذو الـ18 عاماإلى 25 عاما. ألا يقال على من يلتحق بعد الثلاثين بالخدمة الالزامية "جدو". أغلب المتأخرين لما بعد الثلاثين هم من الحائزين على شهادات عليا أو محامين أو قضاة أو دبلوماسيين أو أطباء. لماذا لايعفي من تجاوز الـ 35 عاما ممن يحمل شهادة جامعية من الخدمة لقاء بدل؟ كم عدد هؤلاء؟ ألسيوا بالمئات فقط، أليست خدماتهم في حياتهم المدنية أثمن؟
-الدانمارك
مغترب حزين على الوطن2009-11-29 12:26:34
تساؤلات 3
عدد كبير من السوريين يغتربون للهروب من خدمة العلم وكثير من الموفدين لايعودون لذات السبب، وأغلبهم من حملة الشهادات العليا والتخصصية، لماذا لا يفتح المجال لهم لدفع البدل في وطنهم لمن يقدر، أليس في ذلك مكسب مشترك للخزينة وللشخص ذاته؟ عندما ترفع رواتب العسكريين بسبب تخفيض عددهم أولا، وبالاستفادة من النقود التي دفعت للبدل ثانيا، وبتوفير ماكان سينفق على من دفع البدل، ويصبح الجيش السوري محترفا، أليس ذلك أفضل للجميع؟
-الدانمارك
مغترب حزين على الوطن2009-11-29 12:26:07
تساؤلات 2
لماذا تتم زيادة قيمة البدل للمقيم في الدول العربية؟ أليس من المعروف أن أغلب المغتربين في هذه الدول يعملون أعمال خدمية وبسيطة، وبالتالي ليست لديهم الامكانيات المالية لتسديد مبلغ 5 آلاف دولار أساسا؟ المقيمون في الدول العربية هم أكثر أبناء الجالية تواصلا مع الوطن لأنهم سيعودون بالتأكيد له وهم يعملون لبناء مستقبلهم فيه وسيعودون بما كسبوه له. لماذا التضييق عليهم؟ المغترب في البلاد الأجنبية يحصل على الجنسية غالبا ويؤسس لمستقبله هناك، لماذا لايتم التسهيل عليه بتخفيض المبلغ للعودة لبناء الوطن؟
-الدانمارك
مغترب حزين على الوطن2009-11-29 12:15:36
تساؤلات 1
لماذا يستثنى الطلاب الموفدون والدبلوماسيون من دفع البدل وهم الذين يخدمون بلدهم مثلهم مثل غيرهم على الأقل ويدفعون من عمرهم في الغربة من أجل سورية ويملكون أفضل الكفاءات في الوطن، بينمايسمح لمن عمل في دول المهجر أياً كان تحصيله العلمي وأياً كان عمله بالدفع!! تساؤل، أليس من الأجدى تمكين المغتربين من الموفدين والدبلوماسيين من دفع البدل ليخدموا وطنهم في مواقعهم؟ كم عدد هؤلاء بالنتيجة، أليسوا بالعشرات كل عام فقط؟ أين يمكن الاستفادة من خبراتهم في الجيش اكثر من مواقعهم في الدولة؟
-سوريا
مغترب2009-11-29 07:28:18
كيف؟؟؟؟؟؟؟؟؟؟؟؟؟؟؟
كيف عادل و مناسب للجميع؟ كيف براعي مصلحة المواطن بالدرجة الاولى؟ كيف كيف كيف ؟؟؟
-سوريا
مواطن محب لبلده2009-11-26 22:51:16
ياريت سيريا نيوز هالطلب
عندي طلب صغير من سيريا نيوز او من اي شخص تاني على صلة بالمسؤولين: ياريت يمرو على المكتوب في التعليقات قبل اتخاذ القرار يعني مافي شخص واحد مع القرار وهاد معنhه بصراحة انو ما بيلبي حاجة المواطن>> يا خفضو المدة في مقابل زيادة المبلغ يا لا تزيدو يعني كل الناس بتقدم لقدام .... بس مو حرام نحنا نرجع لورا وفي الختام : قانون البدل الداخلي يرح يحفظ للوطن شبابه اللي رح يضل يحب الوطن طول عمره
-سوريا
nazeer2009-11-26 20:29:37
اقتراح دفع البدل للمقيمين في سورية من حملة الشهادا
السيدات والسادة المهتمين الذين قد يقرؤون وهم في موقع المسؤولية واتخاذ القرار. كما يلاحظ من معظم التعليقات على هذا الخبر فإن معظم من يغترب من الشباب يكون اغترابه بهدف دفع البدل النقدي, سواء كان عاملا لدى الدولة أم لا. وعليه فإن المنطق يقتضي إفساح المجال أمام الشباب المؤهل علميا (حملة الشهادات الجامعية والشهادات العليا) لدفع بدل نقدي (كما كان قديما) مما يوفر للوطن الكثير من الموارد المالية والبشرية (وهي الأهم). نشكر موقع سيريا نيوز المتمير الذي يفسح المجال لإبداء الآراء بحرية منطقية.
سوريا
hayoubee@hotmail.com2009-11-26 19:29:32
المغتربين ليسوا مجموعه واحده
3-المجموعه الثالثه وهي الطلاب وهم ليسوا مغتربين و مكان الدراسه ان كان حلب او باريس لايعني شئ فهو يستخدم الجواز السوري وهو بمهمه محدده ولو كان موفد فانه يتقاضى بدل مالي على مهمته و بالتالي عليه كافة التزامات الي يجب ان يؤديها و برائ عليه التزامات اكثر من الاخرين فهو اخذ علي الاقل فرصه للتعلم و زياده عليها تقاضي مالا في حين ان الاخرين لم ينالوا جزء صغير مما ناله وربما يستحقون ذلك عشرات المرات اكثر منه
هولندا
Reese2009-11-26 19:18:57
المغتربين ليسوا مجموعه واحده
2-المجموعه اليانيه من المغتربين هم الذين يسافروا الى خارج البلد بهدف العمل و الارتزاق و تحسين وضعهم المالي و يستخدمون جواز سفر بلدهم,.فهذه المجموعه يطلب منها ما يطلب من المقيمين داخل الوطن و ربما يستثنون من امور مقابل دفع مبلغ نقدي و شخصيا اعتقد ان هذا الشخص لو كان قادر داخل الوطن ان يعيل نفسه لمل سافر,برايي المتواضع ان هذه الفئه تستحق ان تأخذ منحه و مكافئه سنويه من الدوله لانهم قاموا بتامين عمل لانفسم و ادخال اموال للبلد وتركوا مكان عمل لشخص اخر من الداخل
هولندا
Reese2009-11-26 19:18:25
المغتربين ليسوا مجموعه واحده
1-أظن ان المغتربين ليسوا مجموعه واحده,فهناك المهاجرين و الذين يحملون جنسيات موطنهم الجديو يتمتعون بتسهيلات موطنهم الجديد ولايكلفون موطنهم الاصلي سوريا بهذه الحاله أي شئ وعلى العكس يجلبون لوطنهم الاصلي العمله الصعبه من خلال زياراتهم السياحيه او التحويلات و المساعدات لآهلهم,و انتماؤهم لبلدهم هو انتماء سياسي ويجب ان لايحملوا ماليا تكاليف هذا الانتماء و بصراحه لانعرف كيف يمكنني ان اشرح لابني الذي غادر سوريا و عمره 3 اشهر ان عليه ان يدفع الاف الدولارات لمن و لماذا,لن يفهم
سوريا
الفراتي2009-11-26 15:51:53
دافع بدل
شباب انا بلنسبة لي دفعت البدل من ثلاث سنوات 5000 دولار بس بطلوع الروح والله يعينكم على 6500 دولار يعني بدل ماتغترب خمس سنوات سويهن سبعة
السعودية
NAIF ALI2009-11-26 14:36:41
وزير المغتربين
لو بيتكرمو يدعو السيد وزير المغتربين لحضور الجلسة حتى يعبر عن رأي المغتربين اذا كان لهم رأي اصلا
سوريا
المحقق غادجيت2009-11-26 14:26:22
أيهما مصلحة الوطن؟
هل مصلحة الوطن أن يغرب أبناؤه (بل وخيرة أبنائه) من أجل جمع الدولارات؟ أم في وضع بدل نقدي مقبول لدى الجميع وليكن 2500 دولار لحملة الشهادة الجامعية بدون شرط الاغتراب، وهكذا نحمي كرامة الشباب السوري ونبقيه في البلد كنواة عمل وعلم، ونحصل أموالاً أكثر بكثير. قد يقول قائل: عندها يصبح الجيش للفقراء. لا ليس كذلك لأن الكثيرين حتى ولو معهم مصاري يخدمون في الجيش، وأصلاً الجيش بحاجة لمحبي خدمة الجيش وليس للمشحوطين عليه. أرجو أن يلقى اقتراحي آذانا صاغية.الذي أمضى عشر سنوات غربةلن يعودوالله حرام
-سوريا
كرستينا2009-11-26 12:31:38
OK
انا قررت خلي ولادي الاتنين يتجوزو اوربيات وياخدو جنسيتهم هيك بيضربو عصفرين بحجر واحد،اول هم انو ب13000 دولار بيتجوزو الولدين بدون مهر وعرس وبطيخ الفجل وتاني شي انو بياخدو جنسيات ومايخدمو جيش
-الإمارات
غريب الدار2009-11-26 12:23:29
مافي رجعة عالضيعة
الله يلعن بي الغربة شو سوت بحالي مرة ومرمرتلي قلبي ...... وسرقت مني الغالي .... قلنا منسافر يومين ومنرجع عالضيعة ......... ضاع العمر وبعدو حسين ما خلص هالبيعة...... بتنطبق الغنية على شباب سوريا الضايع بلغربة.. والله الحالة ما بتنطاق ... وما حدا بيحس فينا ......**
-البحرين
خريج جامعي2009-11-26 11:30:43
أيضا البدل الداخلي
عند صدور البدل للمغتربين كان السبب أن هؤلاء المغتربين يجلبون عملة صعبة للبلد لكن ما لاحظته من التعليقات أن معظم المغتربين يسافرون من اجل الهروب من الخدمة الالزامية لماذا لا يتم طرح البدل الداخلي للهروب من هذه المشكلة حيث يضطر الخريج الجامعي للهروب إلى أي بلد آخر و ربما يضطر العمل هناك باجور بخسة لمدة خمس سنوات فقط من اجل البدل و من أجل عدم الخدمة فأفضل حل هو طرح البدل الداخلي و الاحتفاظ بكرامة أبناء البلد و بإمكانياتهم أرجو طرح هذا الموضوع للنقاش
سوريا
Hero2009-11-26 11:32:36
مشان الله
مشان الله فتحو البدل الداخلي مشان الله مشان الله
سوريا
الطلاب الموفدون2009-11-26 11:32:17
خدمه العلم
الی مجلس الشعب الموقر ماذا بشان الطلاب الموفدین الا یستحق هذا الطالب بعد سنوات الغربه والتعب المستمر لنیل الشهاده ان یکافا بعد عودته الی الوطن ؟؟؟؟؟؟ هل خدمه الوطن فقط بحمل البندقیه هل عودت الموفد الی مکان عمله ومساهمته فی بناء المجتمع لیس خدمه للوطن ؟؟؟ یرجی النظر بهذا الامر ولکم الشکر
-سوريا
كرهت الغربة مشان الله لا تزيدوها علينا2009-11-26 11:24:30
إذا بتعرفوا الله وشي إسمو إنسانية خفضوا البدل مشان
خفضوا البدل لل2000 دولار باعالم لا تزيدوه
سوريا
بالله عليكم لا تظلمونا2009-11-26 11:08:44
أحلفكم بالله بهالأيام المباركة يا تزيدوها علينا
إلى كل من له قلب أو ألقى السمع أحلفكم بالله لا تزيدوها علينا كنت مفكر أنزل على سوريا أعيد بسوريا بس بعد القرار هلأ صرت أفكر أكثر كيف بدي أوفي هالبدل والله مليت من هالغربة يا من وكلنا أمرنا لكم يا وزراء يا مسؤولين حسوا فينا شوي مشان الله والله مو عم نجمع المال من شوارع الغربة في براسنا مليون شغلة من البيت لإعانة الأهل الفقراء وللزواج وللأسرة والله طالبين السترة وبس أنا خريج جامعة دمشق ومتغرب ولا تفكورا حالتنا فوق الريح يا دوب ماشية أمورنا خفضوا البدل لل2000 دولار باعالم لا تزيدوه
سوريا
مجهول2009-11-26 10:43:19
وداعا ياوطن
بلنسبة الي انا حصلت حديثا على دكتوراة في العلوم الفيزيائية النووية . وحصلت على منصب مرموق بلاضافة الى جوازالسفر البريطاني وباي حال انا لن اعود لبلادي ولكن بلمناسبة استطيع العودة متى شئت لان اسمي تغير على جواز السفر البريطاني ولكن لا يوجد مايربطني بلوطن لان الوطن طردني مذ كنت في سن التاسعة عشر .الغرب عاملني بكل حفاوة وكرم لا يمكنني ان احصلهم في بلدي سورية. ولكن انا اتكلم عن هؤلاء الشباب المغتربين في اوربا والخليج ولم يحصلو على فرصة حتى الان كفاكم يامسؤولي سوريا هدرا لطاقات بلدكم الشابة
-بريطانيا
محمد عبد الرحمن2009-11-26 10:35:48
ما عاد ارجع لسوريا بحياتي
انا مهندس كومبيوتر في الامارات صارلي خمس سنين راتبي 3000 درهم فقط و بعد عدة اشهر يستحق دفع بدلي بس مامعي ربع المبلغ (5000$) و الان كما يقال سيصبح 6500$ !!! لزلك الحل الوحيد اني ابقا بالامارات و اترك سوريا نهائيا **!؟!؟ صحتين عليكم الوطن.
-الإمارات
دادو الحلبي2009-11-26 10:30:48
ضحك على اللحى
مشيرا إلى أن "أي قانون لن يصدر إذا لم يراعي مصلحة المواطن بالدرجة الأولى".
سوريا
واحد فهمان2009-11-26 09:22:31
رسالة شكر
السادة مجلس الشعب مع الشكر العميق لكم والى كلى المعنيون الذى حسو فينا وكل عام وانتم بخير
أستراليا
محمد2009-11-26 09:17:54
soboh.85@hotmail.com
انا سوري عايش بالامارات شو يعني راحت علينا ورح ندفع بدال 5000 دولار 6500 دولار
سوريا
مهندس في البلد2009-11-26 09:00:21
البدل الداخلي
لماذا لا يكون هناك بدل داخلي و خصوصا للجامعيين أنا اعمل في البلد و عملي جيد لماذا اكون مضطرا للسفر خارج البلد لمدة خمس سنوات(قد لا يكون العمل جيد) حتى استطيع دفع البلد النقدي و أظن أن اغلب الجامعيين مستعدين لدفع 6500 دولار مقابل عدم الخدمة(قرض من المصرف) أرجو دراسة البدل الداخلي **
سوريا
مقهور2009-11-26 08:49:08
كفانا ذلاً
للأسف كلما قرأت أخبارك يا بلدي...أحببتك كما العادة، ولكني أكره يوما بعد يوم البقاء فيك لأني أشعر بالمهانة عندما أرى أن كل شيء قيمته أعلى من قيمة المواطن. نسافر لنوفر حياة كريمة لأهلنا وأنفسنا فنجد أنفسنا في دائرة مغلقة بسبب القوانين الناظمة وما بها من إجحاف. مبارك بالبلد على من فيها وارحمونا يستر على عرضكن بنا نعيش نعيش نعيش........
-سوريا
م ناصر72009-11-26 08:37:36
الله يسهل و ما يعتمد القانون هاد إلا بما يتناسب مع
زيادة مقدار بدل الخدمة عبء كبير على المغترب فوق غربته و الأجدر أن يتم تخفيض البدل كقيمة مادية و مدة اغتراب و يستفيد الوطن من العقول المهاجرة بدل تطفيشها ...
سوريا
عايف حالو2009-11-26 08:18:05
سلام يا شام
كنت لما قول انأ سورياو انا رافع راسي كان الكل يتطلع علي مستغرب و ما اعرف شو سبب هل التطليع كنت حس انو نحنا مع كل الشي الي عم بصير بالبلد من احسن شعوب العالم بس بعد الي عم بصير كل يوم عم تتفتح عيوني على الحقيقة المرة خلص هلكتونا بقراراتكم الي بتحسها جاي عن عالم ساكنة بالمريخ مو عايشين بسوريا و شايفين الوضع
-سوريا
غريب2009-11-26 08:10:57
مدة الغربة
اقترح تخفيض مدة الاغتراب الى سنتين...
-الإمارات
مجنون2009-11-26 08:10:26
اخر ايامك يا شام
انا كنت ناوي ارجع بس ادفع البدل و اعملي شي مبلغ من شان اقدر بلش فيه بسوريا بس يعني بعد هل القرار صار دفع البدل بكلف نفس تكلفة الهجرة على شي بلد محترم من الدرجة الاولى بالنتيجة ليش لاارجع و ضيع مصاري على شي فاضي خلص بدطلع باخد الجنسية من شي بلد و هيك بأمن مستقبلي و مستقبل ولادي بنفس المبلغ الي بدي ادفعوو **. بااي سورياااا....
-سوريا
حسن2009-11-26 08:00:32
مدة الأغتراب شرط غير عادل
نطالب بتخفيض مدة الأغتراب لتصبح أربع سنوات بالنسبة للخليج والا مافي داعي لزيادة مبلغ البدل
سوريا
سوري2009-11-26 07:43:54
بلاد الله الواسعة
رحمونا يا ناس .......رحمونا سافرنا وتغربنا لانو مافي شغل والوظائف كلها بالواسطة اسى لاحقينا لهون؟!!!!! يعني فوق كل الأزمة العالمية وشايفين العالم عم تتفنش من شغلها واسى عم تزيدوا المبلغ !! يعني نحنا منضل كل حياتنا نشتغل تنشتري حالنا؟ اي اذا بدفع هالمبلغ باخد جنسية كندية
سوريا
شاب كان يحمل الجنسية السورية فقط والحمد لله صارو ا2009-11-26 06:58:46
العبد لا يكر
الحمد لله انوا سورياالله حاميها لانوا اغلب الشباب صلاب وغيرهن بينزل اجازة ع سوريا كل شيئ سنتين بيرجع طاقق عقلوا من هيك بلد شيئ وزارة التعليم وشيئ الوظيفة وشيئ وزارة الدفاع وشيئ الجامعة . بصراحة البلد بس للمسؤولين والتجار صارت والشعب صار اسفل سافلين شيئ غلاء وشيئ قوانين بالية ع قياس المسؤولين واولادهن وشيئ بطالة وشيئ فساد وشيئ وجع راس. يعني بصراحة هديك البلد ماعد تنطاق ابدا . الزلمي يدبر حالوا ويسافر ويترك البلد **
-الدانمارك
محمود2009-11-26 04:27:54
الى الاخوة المعلقين
انشالله مفكرين المغترب بأوروبا وأمريكا وكندا عميلم المصاري بالشوالات !! لا يا عيني هادا كان زمان .. الله وكيلكٌ عمينحرق دمنا مشان 6 و7 دولار بالساعة وأخر شي عميرحو تاكس وأجار ومصروف لك حتى اجازات ما عمنحسن بقى يا ريت المجلس الموقر عل أقل معاملة مغتربي الخليج من ناحية القيمة المادية للبدل
-سوريا
أرسطوطاليس العربي2009-11-26 02:19:22
ياريت
ياريت يصير استفتاء شعبي على هالقانون وكل القوانين حتى تتعدل نحو مصلحة الوطن والمواطن، ياريت نقتني تكنلوجيا متقدمة للتصويت الفوري وحساب الاصوات وهاد شي سهل اذا توفرت الارادة والحس الوطني، هالقانون ضد مصلحة الوطن والشعب وياريت مجلس الشعب يحدد موقفو
-سوريا
تعيس بهل الحياة2009-11-26 02:10:08
معيد موفد عزابي ورايح على 35
السادة الكرام ما رح أطلب شي منكن لأنو أقتنعت أنو كلشي بهل الدنيا ماشي غلط فأكيد طلبي رح يكون عل فاضي وشكرا ويلعن الساعة الي جيت فيها على هل الدنياوأنا أسف كتير من الكل
-فرنسا
أوزيريس الشامي2009-11-26 02:10:15
حلول
نرجو رفع السن للموفدين من 32 الى 37 وخفض البدل الى 2500 دولار واعفاء اصحاب المستويات العلمية العليا من الخدمة مقابل خدمة مجانية للدولة في وظائفهم لعام ونصف، لتكن الحلول معقولة لامجحفة
-سوريا
كاسك يا وطن2009-11-26 02:06:58
كاسك يا وطن
الحكي ما بيفيد هادا كلو تمهيد للشعب مشان يعرف انو رح يعملوها 6500 مفكرين الواحد بيروح بيعبي مصاري وبيرجع مو عرفانين انو نص الشباب السوري عم يطلع براتب 1200 درهم بس ليخلص من الجيش حرام ارحمونا حرااااام وداعا وطني وداعا ارضي لن اعود لن اعود خلين يروقوا بسورية واللي فيها  
-سوريا
دكتور في الكيمياء النووية2009-11-26 01:47:00
لاعوده
انا موفد و رح ناقش رساله الدكتوراه بعد فتره، و إذا ما نشملت بالبدل مارح ارجع، و خلي العامل اللي مامعو اي شهاده يرجع عالبلد بعد مايدفع بدل،،،، لأني هو احسن مني ـ طبعآ من وجهة نظر وزاره الدفاع ـ
-الدانمارك
Mahmoud2009-11-26 01:42:46
الموفدون
ما هو المنطق وراء ذهاب حامل الدكتوراه في الطب أو الهندسه أو الاقتصاد أو إدارة الأعمال إلى قطعه عسكريه /مع كل الاحترام والتقدير/ لكن المنفعه الحديه لهؤلاء و أمثالهم ستكون حتما في أماكن عملهم الاساسيه التي تنتظرهم و بعد أن استثمرت الدوله مبالغ هائله في رأس المال البشري هذا فحرام عدم وضعه مباشرة في العمليه الإنتاجيه كماهو حرام شراء آلات حديثه لمصنع ما و وضعها في المستودعات عاما وبعض العام. ثمة ما يسمى بالاهتلاك المعنوي لرأس المال /ماديا كان أم بشريا/ فنرجوكم ـ نحن الموفدين لأكثر من
-سوريا
محمد2009-11-26 01:27:48
آآآآآآآآآآآآآآآخ من هالبلد.
حكومة مستوردة ومجلس شعب لاحول ولا قوة.. شو اللي بعدو ياترى ؟! صارت سورية بلد الضرايب والغلا والشحد. له؟لأ عم فكر كيف بدي أجيب شهادة شحادة من شيخ شي جامع مشان المازوت... خرباااااااااااااانة وعوووووووجة.
سوريا
غربة مغترب2009-11-26 01:24:15
غربة غصة وعصة وازمة قلبية بعيد الشر
لك شو بدو يحكي الواح تيحكي الواح يعني اذا كان مشروع القانون طلع فوراً من بعد ما وجدو حل لبدل المازوت يعني (تيتي تيتي متل مارحت جيتي) بالاضافة لمعونة كمان,لأنو متل هالمبلغ رح يغطي خدمة10 الى15 نفر كأنو نسيو بسورية في نفط وغاز, ونسيو انو خيرات البلد بتكفي بلدين, يمكن شافونا بالمنام انو نحن عمنلم فلوس من الشجر والشوارع والرمل قلب وصار ذهب وفانوس علي بابا معنا على شان ما ننساه كمان,,,ولك بيكفي مسخرة وتفاهات الغو البدل من اساسو وشوفو كيف شباب الوطن وزهرته رح يرجع الحيوية للبلد ..
-سوريا
الأغر2009-11-26 00:56:26
لا تقولوها وتقرروا
لك معقول نحنابالخليج ندفع 6500دولاربعد ماكنابدنا ندفع 5000 ليش هالحكي بقا ماحاجةمابامنولنا شغل بسوريابدن يلاحقونابالخليج شولتكونومفكرين عناابارنفط هون انابعرف انوراينامارح ياثرعالقرار بس هيداحرام وظلم يعني والله عيب هيك قرارظالم بحقنا وهيدا يلي فكر بالقراراكيدابنوعندو مرسيدس ومو مفكر فينا بتنمى يكون في استثناء لدول الخليج اوعلى الاقل للذين تقدمو باوراق اقامة سابقة ولم يبقى له سوى سنةاواثنتين ليدفع البدل والله عيب فكروفيناشوي نحناتغربنا لناسس حياتنابسوريا لا تقتلو فيناامل الرجوع للوطن
-الإمارات
مغترب2009-11-26 00:52:33
الرجاء الرجاء تخفيض مدة الاغتراب
نطالب بتخفيض سنوات الاغتراب، نطالب بتخفيض سنوات الاغتراب، نطالب بتخفيض سنوات الاغتراب، نطالب بتخفيض سنوات الاغتراب، نطالب بتخفيض سنوات الاغتراب، نطالب بتخفيض سنوات الاغتراب، نطالب بتخفيض سنوات الاغتراب، نطالب بتخفيض سنوات الاغتراب، نطالب بتخفيض سنوات الاغتراب، نطالب بتخفيض سنوات الاغتراب، نطالب بتخفيض سنوات الاغتراب، نطالب بتخفيض سنوات الاغتراب، نطالب بتخفيض سنوات الاغتراب.
-سوريا
مواطن ولكن2009-11-26 00:33:17
انا سوري اه يا شحاري
من الصيفية وهن بيدرسو كيف بدن يدعمو المازوت وآخر شي بيطلعولنا ب10 آلاف ولكن بجلسة او بجلستين بيزيدو البدل 15000 دولار يعني حوالي ال 70 الف والله العظيم انو اكثر المغتربين بيجي وقت البدل وما معن 1000 دولار وهادا الشي بيدفعن لحتى يدينو من هون ومن هون انا اللي 3 اخوة مغتربين واحد صارلو اكتر من 7 سنوات لحد هالسنة لحتى قدر يتزوج ونص تكلفة زواجو على الدين وين مصاري الخليج اللي عم تحكو عنا واللي اخ بدلو بعد شهر ما معو منو 10 دولار منين بدو يجيب 6500 دولار خاطب اكتر من سنتين ومو قادر يتزوج شو الحل يا..
سوريا
بكري2009-11-26 00:23:59
مصلحة المواطن
"أي قانون لن يصدر إذا لم يراعي مصلحة المواطن بالدرجة الأولى" أي أن مصلحة المواطن أن يدفع 6500 دولار بدلا من 5000 دولار! ولكن المواطن جاهل لا يعرف مصلحته.. كفوا عن السخرية من المواطن
-سوريا
مغترب2009-11-26 00:24:32
المدة يا مجلش الشغب
مشان الله...ع القليلة ظبطولنا عدد السنوات المطلوبة...يعني ما معقول ضل 10 سنين براة بلدي لانو ما مسموح ادفع البدل قبل عشر سنين اي شو هالبلد يلي بحب ولادو هالقد
-سوريا
المواطن احمد2009-11-26 00:16:38
والخير لقدام
يلا زودوا كمان يعني بدل ما تنزلو البدل العالم بدول الخليج عم تنطرد وعم تنزل رواتبهم وانتم ضيقو كمان وشو مجلس الشعب لح يناقشها على اساس لح يطلع معه شي متل ما طلع معه وقت المازوت لنشوف شوفي كمان شغلات جاية ع الطريق
-سوريا
موفد2009-11-26 00:19:56
ياأعضاء مجلس الشعب، لاتنسونا نحنا الموفدين
الرجاء شمل الطلاب الموفدين بقرار البدل، العمر الوسطي للطالب الموفد قبل الرجوع للوطن حوالي 34 سنة، شو بدو يعمل الواحد بعد مافني العمر بالدراسة؟ الرجاء ناقشوا وضعنا خلال جلستكم القادمة. والله أعرف العديد من الطلاب الموفدين الذين قرروا عدم الرجوع بسبب الجيش. هي خسارة مادية كبيرة للوطن، الرجاء شملنا... لاتنسونا لا تنسونا
سوريا
مواطن سوري2009-11-26 00:12:32
ومتى البدل الداخلي؟
والله ياريت تسمحو بدفع البدل الداخلي وبلا غربة وبلا ما نضحك على بعض وخلصونا من هالسيرة والخزينة بتعمر بالمصاري تلال تلال
-سوريا
سوري2009-11-26 00:11:25
سوري
يطالعوا بدل خدمة عسكرية لكل الناس,_عاديين ومغتربين_, اللي داخل وخارج سوريا, ويرفعوا رواتب الجنود المتطوعين في الجيش , وما بصير في نقص بأعداد الجيش , وهاد احسن حل , _أو يساووا الخدمة الالزامية 6 شهور و يطالعوا قانون بدل لباقي الخدمة الالزامية, واللي ما بيدفع بدل ,يكمل باقي الخدمة , والله هيك كويس؟؟؟
-سوريا
طالب جامعي2009-11-26 00:07:38
و الله خايف اتخرج
قسما بالله خايف اتخرج مشان ما شوف شبح الغربة للي صار عم يقرب كل يوم ورا التاني صرت خايف اتخرج مشان ما روح ع الجيش طيب ليش ما يطلع قرار بدل داخلي ويفتحو باب التطويع للي بدو يدفع وللي بدو يخدم والله بتزيد ميزانية البلد ومنها ماعاد يكون في هدر بالمصاريف العسكرية والله بحبك يا بلدي بحبك نطلب من سيادة الرئيس الدكتور بشار الأسد ان يمن علينا كما عودنا بانه من الشعب بقرار البدل الداخلي
-سوريا
Cast Away2009-11-26 00:05:36
زمان ال لا وطن
نحن في زمان ال لا وطن وطنك بيتحدد سب حسابك ح في البنك
-الإمارات
مهندس2009-11-25 23:59:36
يارب
الله يديم عمرك يا سيادة الرئيس ويديمك فوق راسنا يارب . هل من المنطق انا تدرس خمس سنوات جامعة وسنتان دراسات علية لكي تؤخذ على خدمة العلم اذا كنت لا تريد الخروج من وطنك سوريا الحبيبة نترجاك يا سيدي ادامك الله لنا بمرسوم بدل داخلي هل يستطيع أحد ن يخبرني ما الفرق ان نغترب لكي ندفع هذا البدل ام نبقا في بلدنا سوريا وندفع هذا البدل لا اريد السفر لا
-سوريا
حدا تاني ضايع وميدور ع حالو2009-11-25 23:49:12
بدل بدو بدل
يا ريت تفهمونا شو بدنا نعمل بحالنا صرلنا 3 سنيين ونص شو بدنا ندفع ولمين بدنا ندفع ياريت يا دكتور بشار يا تاج راسنا انك ترفض هالقراراو ع القليلة تخلي القانون من 2009 او لمن لم يدخل سن التكليف حرام بدنا نخلص سنة ونص ونرجع ع سوريا الحبيبة منحبك يا بلدنا والله 1500 دولار بتكسر الضهر اكتر من ال5000 ياريت حدا يرد علينا ويفهمنا كيف وليش صار هيك ......بحبك يا بلدي
-سوريا
مطرب كرهان حالو2009-11-25 23:44:31
دفع حق سيارة مسؤول
لمن طلعنا من سوريا قلنا 5 سنيين ومنرحع بس صاروا 10 مو مشكلة بس ليش بدون يرفعو 1500 دولار وكيف وليش وايمت حدا يفهمنا انو اللي خلص 3 سنيين ونص شو بدو يعمل عملو قانون متل الخلق والعالم ماتتركو مجال انو حدا يسرق وينصب حرام نحن سوريون بدنا نرجع ع بلدنا شو بس البلد الكون كم الف بدنا ندفع حتى نرجع ونعيش بكرامتنا شوفو كيف عيشين ببلاد برا مانو منحوش مصاري عن الشجر بس حدا من الشباب انو يفهمنا ماعنا سفارة متل الخلق والعالم وكل سفير محسوب ع حدا والقنصل ع حدا تاني .حيوتي اتو
-سوريا
مغترب قطر2009-11-25 23:41:28
هههههههههههههههههه تعودنا
القرار التعسفي فشل ونجح صوت الشعب للمرة الاولى وعمل صدى بالشارع بشكل واضح جدا. يوم الاربعاء انتظروا احدى اثنين 1-يبقى البدل 6500$ وتنخفض مدة الاغتراب ل 3 سنوات 2- يعود الى 5000$او5500 مع تخفيض مدة الاغتراب لحوالي 3-4 سنوات والله اعلم وهو ولي التوفيق مودتي للجميع
-سوريا
rami Hussein2009-11-25 23:42:42
badal iktirab
good news if the new badal is passed although it seems that there is some confusion. Yesterday it was passed in parliment today it isn\\\'t. Is it homsi wednesday?
سوريا
خلف2009-11-25 23:29:43
يا ريت يحسبو حساب يلي عم بيدرسو
ان شاء الله يحسبو حساب يلي بيدرسو دراسات عليا على الاقل الواحد بيرجع على البلد وبفيد هالبلد بشي حاكم الواحد برجع ايد من ورا وايد من قدام وبدو يخدم عسكرية بصير خراب بيوت من وين بدو يصرف على حالو وبكون عمر الواحد 35 سنة شو بدهم بالشهادات العليا
سوريا
المجلوط2009-11-25 23:18:27
الكل نازل
يعني أنا خلال نص ساعة صرت حاكي مع شي 14 شب من سورياوالكل ماعندو ال 5000 دولار المطلوبة فما بالكم بال 6500 الجدد على فكرة الكل مفكر انو ينزل و يخدم هالسنة و ثلاث أشهر اللي عليه( ما الكل ما شاء الله جامعي وعنده ستة أشهر تدريب) يعني هيك لحد هلق راح على وزارة الدفاع شي سبعين ألف دولار خدوهن لأنو سبعين ألف أحسن من 14 شب
-الإمارات
مغترب شحاد2009-11-25 23:22:37
بلدي يا بلدي
بلدي هي التي أعمل بها وآكل من خيرها وأترفه بها , مو حرام لكن انو بلد غير بلدي بتخليني اشتغل وبتعفيني من الجيش ونحنا ولاد سوريا بيحكمو علينا بالابعاد القسري 5 سنوات وفوقا 6500 دولار والله نحنا عنا أهل ليش هيك عم تعملو فينا
-الإمارات
موطن سوري ياحسرة2009-11-25 22:47:04
في الموتة عصت قبر(ياحسفة)
يامن قائمين على هيك قرارات فكرتو لحظة لو كان عنك ولد...عم يبق الدم بالغربة ويلم ريال فوق ريال وهيك على البرد والمستريح بتزود 1500والله هدول بدل سنة لحتا يلتمو معاناوالله الهندي والباكستاني صار احسن منا...ارحمو من في الارض يرحمكم من في السمماء ززشكرا سوريا عيديتكم محد رح ينساها ابدا؟؟؟؟؟
-سوريا
مغترب محب2009-11-25 22:36:13
أحبك ياوطني
سيادة الرئيس الدكتور بشار الأسد الله يشهد إني أحبك والحمد لله إنك رافع راسنا في الغربة , الله يحفظك ويحميك ,ياسيادة الرئيس الغالي أرجو أن تخفض مدة الإغتراب الى 3 سنوات ,وأدامكم الله ذخرا وفخرا للوطن ياسيدي
سوريا
مشان الله2009-11-25 22:42:21
مشان الله
مشان الله طلعولنا بدل داخلي بوس ايدكون والله مابدي سافر والله بدي ضل ببلدي سوريا الحبيبة نريد من حضرتكم إما تحكذيب شائعة ما يقال في الشارع السوري أنه يوجد بدل للجامعين أو تصديقه نريد أن نعرف ماذا نفعل هل من المعقول أن يقوم بعض من الشباب بالخداع في السابق للحصول على خدمات ثابتة وقد تم الغائها لانه كشف أمرهم نريد بدلا داخليا أو حلا غير الخدمة التي تضيع من أجمل ايام حيتنا نريد أن نعمل ولا يوظفوننا بحجة خدمة العلم هل تريد حكومتنا ان نهاجر وأن لا نعود اقسم أنا من الاشخاص الكثر للي بسافر
-سوريا
لؤي2009-11-25 22:36:17
لا عدل
لا عدل لازم يكون البدل 60000 الف دولار لانو منلاقي المصاري بل الخليج بل الشارع حسبي اللة ونعم الوكيل لازم الواحد يرمي جوازو ويضل بل البلد الي مقيم بيها
الإمارات
علاء2009-11-25 22:38:53
سوريا الله حاميها
سوريا الله حاميها بتمنى من مجلس الشعب السوري أنو يوقف بصف المغتربين كلهم ويخفضوا البدل لأن دول الخليج ماعادمتل قبل ياجماعه والله كتير صعبه العيشه (غلاء معيشه كتير)والله بيعلم حالتنا هون بالأمارات على كل حال أذاالوطن طلب الروح والله الروح بترخص كرمال الوطن يفضل حروحصن منيعز ياشباب بكم قرض وكردت كارد على ماأظن بيمشي الحال هههههههههه
-سوريا
assan2009-11-25 22:29:23
new york
you people talk too much and instead of crying go make ur service military like a men and if yu dont want to make it just pay it thats how you serve ur country as for me i dont want t o pay so i did my service i can go back to my syria country anytime i want.for example the marlborro cigarette was in new york 10 years a go 2 doolers and fifty cent but now in 2009 the pack of marlborro is 10 dollors so you see the diffance by urself just shut up and pay its not that much.love and ki
سوريا
ابرهيم المغترب2009-11-25 22:30:18
دام عزك يا بلد
انا عندي سؤال كم سنة بدي أشتغل حتى جيب المبلغ الشب بيهرب للخليج عشان يرتاح من الجيش والي بيصير في مومعنى هيك يهرب من الجيش ليقضي عمرو بيلم فلوس البدل انا من عندي بقول للسادة الي اقرتحو هالقرار تركنالكم البلد اشبعو فيها والحلو انو عم ناخد رحمت بلد تاني لأن عنا جيش
سوريا
مغترب2009-11-25 22:28:17
اقتراح يمكن يكون صح ويمكن لا
السادة المسؤولين تحية طيبة وبعد نرجو تحديد البدل على اساس عدد الاشهر لما يحقق العدل بين الطلاب وغيرهم يرجى التفضل بالاطلاع
-سوريا
موفد المانيا2009-11-25 22:27:05
منطق لانقش حوله
على مجلس الشعب و حكومتنا و رئيسنا المفدى بشار حافظ الأسد، أن يراعو وضع الموفد للخارج، و أن يمنحوهم نفس حق المغترب ، كفانا هجره عقول بسبب خدمه العلم، و لنحارب عدونا بعلمنا قبل ان نحاربه ببندقيتنا٠ هذا هو المنطق
-سوريا
حزينه على الشباب السوريين2009-11-25 22:25:45
ليش تخسرو الشباب يا حكومة
يعني حرام على الحكومة الموقرة اصدار هيك قرار لا تفكرو الشباب هون كتير مرفهين في 90%من الناس عم تنزل يا جماعة في شباب مثقفة ومتعلمة عم تتبهدل هون كرمال تساعد اهاليها انا بنت وعم اشتغل لحتى ادعم اهلي كيف الشب الي عندو التزامات ما عدا قصة المازوت كانت صدمة.انا املي بالدكتور بشار كبير هوي شب ومثقف وبحس بالناس بغض النظر على مكانتو بالحكومة ...سوريا الله حاميها بس الشباب بدن الله والوطن والله يرحمك ياوطن ضوعت شبابك
سوريا
ballak992009-11-25 22:21:53
رجاء
ارجو من كل المعنيين تخفيض مدة الاغتراب من خمس سنوات الى ثلاث سنوات والله دبحتنا الغربة وبدنل نرجع بقى على ارضنا الحبيبة
-البحرين
علي الطرطوسي2009-11-25 22:17:39
حرام عليكن يا اوادم
كرمال الله الوضع بيهوي والازمه الاقتصاديه ماخلت حدا بشغلو وتعوا شوفوا العالم بدبي عم يموتو ميه موته كرمال يطلعو يوميتن ويادوب 6500 دولار يعني قمه الظلم  
الإمارات
علي ونوس2009-11-25 22:12:17
مدة الغتراب
نطالب بتخفيض سنوات الاغتراب، نطالب بتخفيض سنوات الاغتراب، نطالب بتخفيض سنوات الاغتراب، نطالب بتخفيض سنوات الاغتراب، نطالب بتخفيض سنوات الاغتراب، نطالب بتخفيض سنوات الاغتراب،
-الإمارات
باسل2009-11-25 22:02:17
حلوة
(\"أي قانون لن يصدر إذا لم يراعي مصلحة المواطن بالدرجة الأولى\".) حلوة
-سوريا
Info2009-11-25 21:58:10
Info
Please add this comment as you are fair: this military service is the reason behind the sadness and immigration in addition to bad economical condition to young men in Syria, every one knows it is a nightmare for the young men they do not want how run away of it to the administration to look at this problem and let the young men serve the country as they love to for example the engineer can build the country in his field more than doing push-ups
سوريا
محمد سلمان2009-11-25 21:06:36
إلى السيدة بثينة شعبان وزيرة المغتربين ..
حين غادرنا أرضنا الغالية حملنا في حقائبنا هموم الحياة وما فني من العمر على مقاعد الدراسة وفي قلوبنا اشراقة الأمل أن ننال طموحنا ونعود...نحن هنا في بلاد الخليج نعاني الأمرين من ألم الغربة وشقاء العمل ولايزال نظام الكفالة يقييد حريتنا لاننا في حال فقدنا وظئفنا فاننا مهددين بالابعاد فإدا كانت بلادنا التي هي أرئف بحالنالا تأبه بمشاكلنا فلن يرئف بنا أحد...فبدل أن يأتينا من بلادنا ما يطيب خاطرنا هاهو القرار الجديد يثقل كاهلنا ويعمق معاناتنا ..فزاد البدل النقدي أما مدة الاغتراب فقيت.(الرجاء النشر).
-الإمارات
الموفد2009-11-25 21:45:59
الموفد
ارجوكم ثم ارجوكم من اجل الحد من هجرة الادمغة ارجوكم اعتبرو الموفد الذي يحصل على شهادة الدكتوراه موظف ببلاش عند الجهة الي اوفدته مدة الخدمة الالزامية او على الاقل عاملوه معاملة المغترب ويدفع البدل بعد خمس سنوات اغتراب. يعني بالحساب الدولة تدفع قسط للجامعة مايقارب 4 مليون ليرة سورية ومصاريف اخرى مايقارب 7 مليون يعني كل موفد عم يكلف الدولة 11 مليون ليرة . بالله عليكم شو رح تستفد الدولة اذا توقف عن العلم مدة الخدمة ثم اصبح كان لم يوفد ابدا.
ألمانيا
مغترب بالغصب2009-11-25 21:39:13
فكروا
طبعا الكفلاء بدول الخليج بيعرفوا اني الواحد بالصرماية قاعد عندهم فبضلوا بيعفسعوا فينا على الطالع والنازل وطبعا السفارة لا بتحل ولا بتربط وعلى راسي الشباب
-السعودية
طالب دكتوراة2009-11-25 21:39:29
رجاء من سيريانيوز يذكروا مجلس الشعب فينا
مشان الله يا سيريانيوز.. الله يخليكم .. نحنا الطلاب الموفدين على البلدان الأجنبية أكيد رح ينسونا وما حدا رح يتذكرنا... مالنا غيركم نحنا أمانة برقبتكم.. خليهن يلاقولنا حلة.. صارلنا اكتر من خمس سنوات بالغربة وصار عمرنا أكثر من 33 سنة ... إما يخلونا ندفع بدل متل بقية الناس او نخدم بالجهة التي اوفدتنا.. هي أمانة برقبتكم أذا ما وصلتوها للمجلس رب العالمين ما رح يسامحكن
-الدانمارك
الموفدون2009-11-25 21:18:11
سيادة الرئيس المفدى
سيدي الرئيس أنا موفد وتجاوزت 36 عاما ولدي أطفال سوف أضطر الى ترك زوجتي الموفدة وأطفالي من أجل خدمة العلم وهوواجب وطني وأخلاقي ولكن بقائي الى جانب أطفالي اليس واجب أبوي ووطني وأخلاقي وانساني حيث أنني سأبتعد عنهم سنتين على الأقل بحكم إيفاد زوجتي في وقت هم بأمس الحاجة الي. سيدي الرئيس أنت أب ولديك أطفال وتعرف جيدا اهمية وجود الأب الى جانب أطفاله فضلا عن مشاعر الشوق واللحنان لذا نرجو منكم إن لم يكن بالامكان منح الموفد الذي اغترب لسنوات عن وطنه امكانية دفع البدل تخفيض سن التكليف الى35 سنه
سوريا
طالب موفد2009-11-25 21:31:33
نريد السماح للطلبة الموفدين بدفع البدل
مشان الله يا جماعة الله يخليكم .. نحنا الطلاب الموفدين على البلدان الأجنبية أكيد رح ينسونا وما حدا رح يتذكرنا... مالنا غيركم نحنا أمانة برقبتكم.. خليهن يلاقولنا حلة.. صارلنا اكتر من خمس سنوات بالغربة وصار عمرنا أكثر من 33 سنة ... أما خليهم يخلونا ندفع بدل متل بقية الناس او نخدم بالجهة التي اوفدتنا.. هي أمانة برقبتكم أذا ما وصلتوها للمجلس رب العالمين ما رح يسامحكن
-الهند
أنا سوري أه يا نيالي2009-11-25 21:32:05
أنا سوري أه يا نيالي
اصدروا حكم باعدام جميع الشعب(ما عدا المسؤولين )بركي ترتاحوا من الشعب عم يعذبكم كثير
-سوريا
نحن الطلاب الموفدون2009-11-25 21:05:59
إلى سيادة الرئيس
نرجو من سيادتكم النظر في أمرنا فنحن قد أخذت منا الغربة مأخذها و لم نعد نقدر على مواصلة هذا الطريق الطويل جئت للدراسة وعمري ٢٠ سنة وسأعود لأهلي بعد سنة لغة وست سنوات دراسة و سنة تعديل وسنتين عسكرية وعمري عندها سيكون ٣٠ سنة لا أعرف ياسيادة الرئيس ان كانو في مجلس الشعب جديرون بالبت في هكذا موضوع ،أملنا فيكم كبير يا سيادة الرئيس،فإن كان ولا بد من الخدمة فلتكن لصالح الجهة التي اوفدتنا حتى لا نفقد ما تبقى من عقولنا في الجيش و انتم ادرى سيادتكم وا
-سوريا
طالب دكتوراه موفد2009-11-25 21:25:47
نرجو السماح للطلاب الموفدين بدفع البدل
أرجو من أصحاب الشأن الكرام مناقشة موضوع المعيدين الموفدين الذين يقضون أكثر من خمس سنوات للحصول على المؤهل المطلوب. معظم المعيدين يعودون وهم أصحاب عوائل وعليهم تأمين حاجياتهم. إن الخدمة الإلزامية تشكل مشكلة كبيرة جدا لنا نحن المعيدين العائدون. وهي بصراحة السبب الأول لعدم عودة الكثير من الموفدين بعد إنهاء دراستهم. أليس من الأفضل للدولة والمجتمع أن يعود الموفدون و يبدأون بشكل مباشر خدمة جامعاتهم عوضاً عن الذهاب إلى خدمة العلم؟ أليس من الأفضل تعليم الأجيال العلوم الحديثة
-الهند
بلجيكي2009-11-25 21:24:10
مقارنه تطرح نفسها
انا طالب موفد ببلجيكا صرلي ست سنين، و بعرف سوري جاء منذ اربع سنوات للعمل، فهل يعقل ان يعطى هو حق البدل، و أنا لا،،،، اصلآ ما هو سبب التفرقه بيني و بينه،، اهو أفضل مني؟؟؟ أرجو الإجابه
-بلجيكا
بدر2009-11-25 21:09:17
الغربه ماتنسكن كلها عقارب سود سوريا هيا الوطن لا
انا سوري وياليتني مو سوري والله ذبحتونا والله الغربه ذبحتنا ذبح والمعاش مايكفي لاخر الشهر والدول الي مقيمين فيها دول الخليج طالبين علينا شروط وشهايد وقامات بفلوس من وين نجيبها وانتم همين ملاحقينا والله العظيم نريد الرجوع لسوريا والستقرار فيها بس مانقدر لان مافيها شغل ولا فيها مكان عيش ولا رجععنا ماسكينه علي الحدود خدمة العلم ولك شتو تبون فينا هلكتونا لي 12 سنه مغترب وبعدين ولي متى
سوريا
مغترب سوري في أوروبا2009-11-25 21:09:24
الرجاء النظر في مدة الاغتراب اللازمة لدفع البدل
رجاء حار الى السادة اعضاء مجلس الشعب والسيد معالي وزير الدفاع وكل المسؤولين عن مناقشة القرار: نرجوا منكم تخفيض مدة الاغتراب بالنسبة للمغتربين في اوروبا وامريكا فمدة 12 سنة كما في القانون القديم مدة طويلة جدا وهي تثقل علينا كثيرا فكم من مغترب في اوروبا وامريكا فقد امه أو أبيه ولم يستطع العودة لوداعهم قبل دفنهم بسبب هذا القانون القديم..نرجوا منكم تخفيض مدة الاغتراب الى 5 سنوات فقط أسوة بالمغتربين في الخليج فنحن كلنا ابناء وطن واحد ولايجوز التمييز بيننا ودمتم ذخرا لوطننا الحبيب
-الدانمارك
ما على راسي ريشة2009-11-25 21:06:16
يا ناس تعالوا على اوربا
القانون القديم سبب هجرة كبيرة على الخليج.مراكز الابحاث والشركات الكبيرة مليانه هنود وصينيين وامريكان جنوبيين وواحد بالمية بس عرب, صحيح مراكزناكبيرة واثبتناجدارة, لكننا كسوريين اقل من واحد بالمليون. يا ناس اوربا مش بعبع فيها تعب وشغل ودراسة و حريه ومصاري, قدموا طلبات دراسة وشغل وما تخافوا, حاجتنا خليج. يلي بيسعى بيلاقي جهده,تركوا الخليج لجنوب شرق اسيا
ألمانيا
مسافر2009-11-25 20:57:31
مدة الاغتراب !!!!!!!!!!!!!!!!!!!!!!!!
الرجاء كل الرجاء كل الرجاء الاخذ بعين الاعتبار مدة الاغتراب فالقانون الحالي يتطلب البقاء خارج البلد لمدة ١٢ عاما في البلاد الغربية قبل ان نتمكن من دفع البدل. الرجاء من سيريا نيوز العمل لايصال هذا الرأي الى من سيناقش هذا القرار البالغ الاهمية.ولتكن مدة الاغتراب مثلا ضعفي مدة خدمة العلم فلا اجد اي مبرر لهذه المدة الطويلة .
-الولايات المتحدة
لا عودة2009-11-25 20:40:33
الله عالظالم
بتمنى من حكومتنا العظيمة تدرس وضع المغتربين بشكل أفضل وبتمنى من وزيرة المغتربين يكون إلها دور إيجابي إيجابي ماسلبي متل العادة بهالموضوع أو الحل التاني إلى الأبد ياغربة
سوريا
عمار2009-11-25 20:30:13
تكملة التعقيب على البدل وعاشق سوريا
فانتم وكما كل اعضاء المجلس يعلمون بان المغتربين وخاصة من هم في دول الخليج غير قادرين على دفع مثل هذه المبالغ ايريد ان يعيل اهله ام يريد ان يتزوج ام يريد ان يتملك غرفة يتاوى بها ام ام ام لااعرف ولكني ارجوكم رجاء خاص بان تاخذو بعين الاعتبار الاوضاع الاقتصادية المتردية على كافة الاصعد اينما كان وعدم قدرة الاغلبية من المغتربين في الخليج على سداد مثل هذه الارقام ولسيادتكم جزيل الشكر وتقبلو كلمتي بفائق الاحترام والتقدير من سيادتكم المرسل عاشق سوريا
سوريا
محمد2009-11-25 20:26:37
إلى مازن من أمريكا
يا هيك الاقتراحات يا بلا, لازم يوحدو البدل؟ لأنو الدخل بأمريكا متل الدخل بالسعودية مثلاً ما؟ طيب شيلك من الدخل, بس ليش كتير متحمس وعم تأكد أنو لازم تكون مدة الاغتراب 5 سنين؟ يعني عم تقترح وتقترح هليهون يوحدوهاويساووها سنة واحدة أو سنتين مو حاجة؟! لازم الواحد ينحرم من أهلو عمر مشان يسمحولو يدفع البدل؟
-سوريا
سامي2009-11-25 20:24:10
قرار رائع
انشالله يطبق هالقرار بكون شي رائع والاسبوع الجاي نازل ادفعلهن واخلص من العسكرية وبالنتيجة هاي مساعدة مالية للبلدنا
-فرنسا
مغترب يبحث عن جواز سفر اجنبي2009-11-25 20:16:52
ليش 12 سنة باوروبا
بس سوال برسم الحكومة ومجلس الشعب اللي فشل بقانون المازوت جاية يشتغل على المواطنيين التعبانين,ليش السوري باوروبا بده 12 سنة مشان يدفع البدل ,ليش الغربة مو غربة وين ما كان ,ثانيا اللي راح يظل باوروبا 12 سنة ما راح يدفع البدل لانو بيكون خلص راح يصير عمره 42 سنة بيدفع ساعتها 500 دولار,,يا ريت يكون في مساواة على الجميع ويا ريت الحكومة تساعد المغتربين بالخليج اللي تم الاستغناء عنهم بفتح باب البدل للجميع لمدة شهر وهيك منحل مشاكل اجتماعيةوقصص خير الله
-فرنسا
عمار2009-11-25 20:10:36
التعقيب على بدل الخدمة
اتوجه بالشكر الى قياداتنا الحكيمةوالى كل من سيساهم بالمشاركة في البت وانهاء موضوع بدل خدمة العلم اولا اريد ان انوه على موضوع صغير قبل الب ابة الا وهوقيمة البدل فنحن المغتربون اجمع كنا على امل ان تقوم قياداتنا بدراسة تخفيض البدل وليس كما اتفاجا بزيادته فيا سيادة اعضاء مجلس الشعب ويا سيادة وزير الدفاع ووزيرة الشؤون الاجتماعيةارجو ان تاخذو بعين الاعتبار بان معظم الشباب المغتربين قد خرجو من بلادهم لكسب عيشهم ولتامينهم مايكفيهم حاجة السوال ولكي يقوموا بتامين مستقبلهم الطويل وساكمل بالرسالة التا
سوريا
ارحموا من في الارض يرحمكم من في السماء2009-11-25 20:13:43
إلى رئيس مجلس الشعب إلى رئيس مجلس الوزراء
نحن شباب عمرنا 26 سنة واقسم بالله راتبنا لا يتجاوز 2000 ريال واقسم بالله انني اصرف اكثر من 1000 ريال وانا اصرف على اهلي ويتبقى لي 200 -300 ريال انا بالغربة من 2006 ولم اصمد غير 40 الف سوري ...اتوسل الى رب العالمين واليكم الرحمة
-سوريا
مغترب2009-11-25 20:15:46
الشغلة بدها شوية منطق!!
لازم يمزل البدل مو يطلع.. بسبب الاوضاع الاقتصادية المتدهوزة بالخليج وبالغرب.. ولانو كمان مدة الخدمة بحد ذانها صارن أقل ولنفس الأسباب لازم تخفض مدة البدل.. ولازم تكون كمام موحدة بين الخليج والدول الغربية بعدين الطلاب اللي بالغرب وعم يأجلوا دراسيا لازم يكون بمقدورهم دفع البدل.. مو أحسن ما يقعدوا عشر سنين بالمغترب ويتجوزوا ويستوطنوا هنيك وتخسزون البلد؟؟؟؟؟!!
-فرنسا
Citizen2009-11-25 20:13:14
لاتشكيلي لابكيلك
انا شايف جماعة الخليج مفكرين جماعة اوروبا بالhigh،،، طولوا بالكن ياجماعة كلنا بالهوا سوا ووضع الناس باوروبا مو احسن منكن--لاتشكيلي لابكيلك..والمسكين اللي ولد بالمغترب شودخله يدفع هاي مافهمته
-سوريا
محتاج لحضن الوطن2009-11-25 20:11:21
سامحيني يا امي
ماني دافع ولا رح اخدم وما رح ارجع لسوريا وان ما كبرت ماتصغر سامحيني يا امي سامحيني هما الي حرموني شوفتك بدي رضاك وانا والله مادفعلهم عرق جبيني وتعب سنيني لو اشوفهم في الجنة مبروك عليكم سوريا عيشو وتنعمو ياامي ادعي عليهم حرموني منك وداعه يا سوريتي وداعا يا وطني
سوريا
أب سميرة2009-11-25 20:08:18
أنا والله فكري هنيك
طيب على الأقل نزلو مدة النفي (الإغتراب)! والأحسن خدوا بدل داخلي وحلوا هالمشكلة كلها من أصلا, بعدين شو بدكون فيني إذا قعدت سنة برة وللا مية سنة؟! والله هالبلد هي بلد العجائب! فرحانين أنو الناس بعز انتاجها وغالباً اللي عندها مهارات أحسن أو على الأقل أنشط وطموحها أعلى من غيرها عم تطلع من البلد؟! شو هالبلد اللي بتطرد أبناءها مشان كم دولار وعم تخسر كتير مقابل هالشي؟
-سوريا
Maher from London2009-11-25 20:06:42
اتمنى ان يشملنا نحن الموفدين
آمل ان يشمل هذا القانون الموفدين للدراسةخارج القطر. على مبدأ (فيد واستفيد). فمعظم الموفدين لنيل شهادة الدكتوراه يتغربون خمس سنوات على الاقل. ليعودوا للخدمة الالزامية. فيخسرون رواتبهم في الجامعة وترفيعاتهم(ضعف هذا المبلغ) بالاضافة الى انن يمكن ينسوا الحليب اللي رضعوا بقى كيف معلوماتهم. اليس الافضل ان يتم الاستفادة منهم في مواقهم الاصلية بدلا من الجيش الذي لن يحصل اي فائدة منهم بل سيتكلف اطعامهم ولباسهم وهم سيتكلفون(مصاريف) مايساوي هذا المبلغ خلال فترة خدمتهم
-بريطانيا
سوري في الداخل2009-11-25 20:05:36
الحل بالبدل الداخلي
نرجو من مجلس الشعب اقتراح قانون بدل داخلي , لك يا عالم نحن اصحاب الشهادات فنينا شبابنا بالدراسة و أنا مستعد بيع حالي لدبر مصاري البدل, لك خلي الدولة تاخد المصاري احسن ما نعمل تنمية بالخليج و نسافر و نتعتر بهل الأزمة الاقتصادية. هلأ بهل الازمة الاقتصادية ما حدا مستعد يحارب, خلي الدولة تاخد مصاري و تفيد و تستفيد. أرجو من اصحاب الضمائر في البلد ان يفكرو في مشاعر و متطلبات الشباب في الداخل, لك والله الحياة صعبة, لسا بدنا نشتري بيت و نتجوز و نعيش نحنا وأولادنا حياة كريمة
-سوريا
أب سميرة2009-11-25 19:55:56
شكراً وإلى الأمام
بظن أنو "المغتربين" بدول الخليج أكتر من غير دول وأنو بيحولو مصاري أكتر (طبعاً من كتر نجاح الحكومة ما في لا إحصاءات ولا سخام الطين لحتى نعرف شو عم يصير بالظبط) على كل, مشان الصناعيين ينبسطوا (كالعادة) ربطوا الليرة باليورو فغليت الليرة قدام عمل دول الخليج اللي هي مرتبطة بالدولار, لأنو اليورو بطلوع والدرولار بنزول, فقلت قيمة التحويلات (الله يعطيكون العافية) وهلق كمان لازم يغلو البدل مشان يعوضو, بس ما فهمت ليش رخصتو على اللي عايشين بأوروبا مثلاً؟! بالأصل اليورو عم يقوى!
-سوريا
وائل2009-11-25 19:53:11
اقتراح عادل
انادفعت البدل من عمري سنتين و نصف صارف فيهن و انا باالجيش لا يقل عن 20.000 ليره سوريه هاد غير عذابي ...و للانصاف اعتقد ان الدوله صرفت علي الكثير ايضآيعني خساره للجميع و انا اعمل في الخليج منذ 7 سنوات و اقسم باالله الى الان ما حسنت صمد 500 ريال مو دولار و الله يعين يلي عندوعسكريه و السوري الوحيد يلي بيتهدد من كفيلوا با العسكريه و ما خفى اعظم *
-الإمارات
محمد2009-11-25 19:50:18
زيدو وكترو
والله كان قلبي حاسس من زمان أنو 5000 دولار ما عاد تكفي...بسيطة, 6500 دولار مني ما رح تشوفو, من الأصل ما كنت ناوي أرجع على البلد وهلق صار الموضوع نهائي بالنسبة إلي...
-سوريا
د. بسيط2009-11-25 19:45:57
ترهات
عندما أشتاقُ للوَطَنْ أحملهُ معي إلى خمَّارة المدينَهْ.. وأضعُهُ على الطاولَهْ أشربُ معه حتى الفجرْ وأُحَاورُه حتى الفجرْ وأتَسكَّعُ معه في داخل القنِّينة الفارغَهْ.. حتى الفجرْ.. وعندما يَسْكرُ الوطنُ في آخر الليلْ.. ويعترفُ لي أنَّه هو الآخرُ.. بلا وَطَنْ.. أُخْرِجُ منْديلي من جيبي وأمسحُ دموعَهْ..
-الإمارات
Mr.HG2009-11-25 19:43:39
اقتراح و عرض مناسب لكلا الطرفين
انا بقترح انو يعملوها ب6500 ليرة سورية شهريا .يعني بالتقسيط بس من دون دفع فوائد! بتصير اريح و اسهل للمواطن المسكين.الله يكون بعونه
النروج
وحداني2009-11-25 19:39:55
السعودية
شبكن يا شباب شو بدكن أحلا من هيك عيدية
-سوريا
wissam2009-11-25 19:36:31
students
نتمنى على أصحاب القرار أن لا ينسونا نحن الموفدين الذين قضينا أكثر من خمس سنوات في بلدان الاغتراب /إي و الله الصبايا نسوا الشهاده و ما بيرضوا فينا بدون شهادة تأدية الخدمه: ف إما بتعفونا أو بتلزمونهنَّ بالخدمه معنا/
-فرنسا
بدلوف2009-11-25 19:33:31
الله يزيدكون من نعيمو و يزيد كرومكون برتقان و تفاح
يعني بصراحة انو كان الجبل ناقصوا كم تفاحة قمنا دورنا ع كم تفاحة وين لقيناها ؟بدول الخليج يلا في تفاح كتير خلي نعطيهون شوي حرام كرمال ولادهون ما يموتوا من الجوع
-الهند
ميناس2009-11-25 19:32:32
ما بعرف شو
بلد غريب عجيب ولا الهون علاقة بشي اسمو مصلحة المواطن. بتحس حالك بلعبة كمبيوتر مو بلد. اذا بدون يطفشونا يحددوا سنين بدون مبلغ و اذا بدون مصاري يشيلو السنين. لك حيرونا. قال نرجع قال...
-الكويت
Abu Ibraheem2009-11-25 19:33:09
مالي فهمان لشو ال 12 سنه
يعني اذا الواحد قعد 12 سنه بامريكا ايه ماعديرجع بجميع الاحوال وبينتظر ليصير عمره 42 سنه وبدفع 500 دولار وبيخلص--المختصر يجب المساواه بالمبلغ وبالمده الا اذا ما بدكون يللي باميركا يرجع على بلده من الاساس-- 5 سنين للجميع و انتهي الموضوع
-سوريا
Mohamed2009-11-25 19:25:41
حق الوطن واجب شرعي
الجهاد في سبيل الوطن واجب شرعي علينا جميعا إما بالنفس أو بالمال وهذا ما يؤمن به كل مغترب سوري شريف وهي النسبة الطاغية لمغتربي الوطن وما نطلبه هو قرارات منطقية وعصرية تأخذ بعين الإعتبار الوضع الإقتصادي العام وكذلك كون الكثيرون أصبحوا آباء بل ومنهم من أصبح له أحفاد,وأقول أن مبلغ 6500 هو في حدود المعقول ولكن بالتقسيط!! ولكن أسفي من بعض التعليقات الحمقاء وأقول للذي يريد أن يتخلى عن جنسيته السورية لأجل حفنة من النقود أنه لايفعلها إلا من يبيع أمه!!
فنلندا
أبو العبد2009-11-25 19:19:30
وطني غالي
يعني ليش ما بيعملو البدل أقل من 5000 ولا كل شي عندون بالزيادة. هيك الشباب بيدفعو و بيرجعو على البلد حتى يطوروه ما بيقضو طول عمرون بالغربة!!! حاسس أنو المسؤولين ما بدون يانا نرجع على الوطن الله يفرجها
-أوزباكستان
علاء9952009-11-25 19:18:29
ياعيب الشوم
حررررررررررررررررررام ليش هل الظلم لازم يكون القرار على الشكل التالي 6500 دولار بدل نقدي للمغتربين في البلاد الاجنبية و 3500 دولار للمغتربين في البلدان العربية غير هيك رح يكون في ظلم كبير للمغترب وخاصة في البلدان العربية وبعتقد لازم يرفض هل القرار من قبل مجلس الشعب لاني مجلس الشعب هة اسس لكي يدافع مع المواطن وليس ضد المواطن ولنشوف
سوريا
ولك ااااااااخ2009-11-25 19:16:58
حسب على الايام والحظ الردي
يا جماعه شو عم تحكو نحنا لبلخلج عايشين ملوك ولك يحرق اخت الشغله ولك رحمونا شوي راتبنا كلو 3 تالاف درهم نصون سكن واكل من وين بدنا نجيب واذا نزلنا على سوريا ما منجيب ربعو ولك حلو عنا شوووووووووي رحمونا ولا طبقو هيك قرار نحنا ناطرين تنزلوه و انتو بدكون تزيدوه من وين رح نجيب فهموني بس
سوريا
سعييد2009-11-25 19:07:47
مع انوا اسمي سعيد
مع انوا اسمي سعيد لكن مافي شي من اسمي معي كوني سوري صار هاد اكبر سبب لتعاستي -لاني شايف البلد كرهان شبابه ومش عايزهن -
الكويت
ابو امير2009-11-25 19:08:49
حكومتنا المعتره
اين الوظائف الشاغره المغتربين ومازلتم تدعمو القطاع العام وتنسون القطاع الخاص ومن الحسن تأمين الوظائف العاطلين عن العمل في سوريا بدل من زيادة العاطلين عن العمل في حال لم يستطع المغترب الذي يستحق عليه البدل النقدي من الرجوع البلد وهل تعلم حكومتنا انه متوسط دخل المغترب الذي لا يملك شهادة جامعية في الغتراب هو ما بين 500الى 750 دولار ويقبلون بها بحيث انه يوجد عمل متواصل ليغطي مصروف اهله الشهري 
-قطر
بشير2009-11-25 19:00:02
الى الدكتور بشار
الكلام الذي أريد إيصاله أنا ومئات الآلاف في كل بلد خليجي ( و عددنا أكثر من كل المغتربين بباقي الدول) هو هل يعقل أن تقوم الحكومة الآن في ظل الأزمات العالمية المالية و التنفيش الهائل هنا في دبي و تخفيض الرواتب و انخفاض سعر صرف الليرة أمام الدرهم بشكل حاد حيث خسرنا ليرتان من كل درهم ( كان الدرهم 14.5 و الآن 12.3) أي خسرنا 15 بالمئة من صافي التوفير... أيعقل هذا؟
-سوريا
عماد2009-11-25 18:58:45
مكتوب عليك الشقاء يابلد
عادي تعودنا عقراراتكن الي بعكس ارادة الله وبعكس ارادة الشعب -انتوا عبتقولوا للناس اكرهونا واحكوا علينا - كل الشباب المغتربين معنا من الدول التانية وضعهن احسن مننا لان الهن دول تحب اولادها-اما انتم لابارك الله فيكم ولا كنتم وطنا ياوطن
المغرب
ابو فيصل2009-11-25 18:50:50
فيد واستفيد
كرماااااااااااااااال الله خفضو مدة الاغتراب والله العظيم هلكنا بالغربة من الذل وياريت عم نستفيد يااخي غلو البدل بس خفضو المدة او الغوها وخلص انتو بتستفيدو ونحنا بنستفيد
-السعودية
مغترب تعبان2009-11-25 18:47:19
كرمال سوريا
الرجاء من اعضاء مجلس الشعب الموقرين وخاصة اصحاب الضمير الحي مناقشة موضوع تخفيض المدة اللازمة لدفع البدل النقدي من 5 سنوات الى 3 سنوات او حتى 4 سنوات لانو نحنا تعبنا كتير وعم نتبهدل كل يوم بالغربة من شان الله حسو فينا
-السعودية
واحد2009-11-25 18:35:18
إعفاء الحاصلين على شهادات عليا
كل حاصل على درجة دكتوراة ينبغي أن يعفى من خدمة العسكرية وهذا ما هو مطبق في كثير من الدول وبذلك نشجع الطلاب على الجد والعمل للحصول على شهادات عليا والنهوض بالمجتمع.
-سوريا
Makzoon2009-11-25 18:21:23
pour notre pays
نلتمس من الساده المسؤولين أن يشملوا الموفدين الحاصلين على درجة الدكتوراه و الذين أمضوا خمسة أعوام في بلد الإيفاد مع زمرة المغتربين المعنين بالقانون المزمع نصه لما فيه خير البلد و الموفدين الذين سيتمكنوا إذ ذاك من مباشرة مهامهم في وظائفهم دونما انقطاع وكان الله معكم
-فرنسا
alaa2009-11-25 18:20:19
معترين
اتمنى ان تخفض مدة الاغتراب من 5 سنوات الى 2 ونصف الله وكيلكن عفن قلبنا من اكل الاندومي متل الهنود راتبنا ما عبيكفينا اجارات سكن نااار ومواصلات وتليفونات ع سورية,ويا دوب عم يهدي القرش والناس ضاربتنا بالحجر الكبير مفكرين انو نحنا هون عم نغرف المال غرف مو عارفين انا لقمة مغمسة بالدم ناهيك عن نظرة الخليجيين.اه نسيت بعد عنا بيت وجواز ولا ما بدكن نتجوز؟ولا ضروري الواحد يصير عمرو 50 سنة ليعمل اسرة؟والله شي محير فعلا ومع ذلك منضل نقول بلادي وان جارت علي عزيزة.
-الإمارات
محمد2009-11-25 18:29:36
سؤال
هل يشمل هذا القرار الطلاب الموفدين
-سوريا
مغترب :2009-11-25 18:10:59
مصائب قوم عند قوم فوائد
من الجيد المساواة بين الجميع فكل المغتربين يعانون الأمرين حتى يتمكنوا من توفير مبلغ ... ولكن لماذا لاتكون المساواة بدفع 5000$ أو أقل حتى يتمكن الجميع من العودة والمساهمة في بناء بلدهم بدلا من قضاء عمرهم في بلد الإغتراب.نتمنا أن تصل الأصوات الى المسؤولين السوريين الحقيقين الحريصين على سوريا بلدا وشعباوليس المهتمين ببناء قصورهم الخاصة من عرق الآخرين. لو دامت لغيرك ماآلت اليك لابد للظالم من يوم. حسبنا الله ونعم الوكيل
-سوريا
ابو احمد2009-11-25 18:16:38
حرام
يا اخواني الكرام هاد القانون في ظلم للمغتربين بالدول العربيةلانو الرواتب بالدول العربية مو متل الرواتب بالدول الغربية وهيك مبلغ اقل شي ثلاث سنوات لحتى يتجمع هيك مبلغ بهيك ظروف وازمة مالية ضاربة دول الخليج هيك حرام مو قادرين ندبر امورنا شخصيا منين بدنا نلحق فوق غربتنا وبعدنا عن اهلنا كمان ندفع مافوقنا وتحتننا للخدمة والله حرام
-الإمارات
مغترب2009-11-25 18:18:09
حسبي الله ونعم الوكيل
شكرا بلدي ؟
-السعودية
كتكوت الامور2009-11-25 18:10:58
ما برجع
اذا البدل بيصير 6500 ماني راجع ومارح ادفع ولا ليرة للحكومه ورح سافر على اي بلد اوربي وارفع دعوى على انو انا مضطهد ببلدي وسقط جنسيتي السوريه وماني زعلان رح كون لانو الدوله ما بدا الشباب ترجع ولك اكتر من 60 % من الشباب مسافرين كرمال الجيش يا جماعه في حدا من الحكومه بيوم من الايام شاف مطالبون سألون ليش انتو مسافرين ليش ما بدكون ترجعو عالبلد ؟؟يا حيف بس
سوريا
غياد2009-11-25 18:08:58
استفسار
تأكيد على موضوع الطلاب المغتربين غير الموفدين، هل يشملهم القرار أيضاً؟؟؟؟
-سوريا
عضو مجلس الشعب عن منطقة الخليج2009-11-25 18:02:18
أيها السادة :..............[2]
إنه لمن الجديرذكره في هذاالسياق ،أمر ٌمستجدٌّوغاية في الخطورة.يتمثل بعمليةاستغلال واستنزاف الشاب السوري في دول الخليج من قبل الكفلاء أو أصحاب الأعمال (ومنهم سوريون أيضا)،فهم يجبرونهم على القبول بشروطهم وبأجورلا تتماشى مع مستوى المعيشة (في دولة مثل الامارات مثلا)مستغلين رزوحهم بين مطرقة الحاجةللعمل وسندان الخدمة الالزامية،أيها السوريون من أصحاب القرار نداء عاجل: حرّروا أبناءكم من العبودية الجديدة.
الإمارات
مظلوم من الالاف2009-11-25 18:01:07
هذا ظلم كبير
هذا القرار يفيد المغتربين الذين موجودين في دول اوروبا و اميركا 100% بما انه كان 16 الف دولار اصبح 6500 دولار فيجب ان يكون اكثر عدلا للناس في دول الخليج اذا ان كان 5 الاف فيجب ان يصبح 2500 دولار و هذا يكون عدل بين الناس لانه كان من انخفاض المغتربين الذين في اوروبا اكثر من 100% و للموجودين في دول الخليج زيادة اكثر من 20% فأين العدل يا مجلس ...... الله يعينك يا مغترب
-سوريا
مغترب بالخليج2009-11-25 17:46:55
العدالة للجميع
لك ازا بدكن العدالة اعملو لن بدلن 5000 بس مو ترفعو بدل الخليج لك و الله غير الفقير و المعتر ما بيسافر عالخليج لك احسبو معدل الرواتب بالخايج هلق بعد الازمة الشاطر يلي عم يحصل 6000 و المعيشة بالنار
-سوريا
س2009-11-25 17:47:32
ولك اااااخ
ولك منين الواحد بدو يلاقيها منيين بس قلولي
-السعودية
محمد2009-11-25 17:45:49
نرجو إقرار مشروع البدل الداخلي للجامعيين
نرجو من القيادة الحكيمة إقرار قانون البدل الداخلي للجامعيين وهذا مفيد للمواطن وللدولة حيث يكون البدل الداخلي بحدود 300 الف وتنتهي المسألة
سوريا
NN2009-11-25 17:38:24
الطلاب المغتربين
طيب و الطالب يلي عم يدرس برا على حسابه و مالو موفد. بيعتبر مغترب كمان؟!
-سوريا
bjamireon2009-11-25 17:23:41
مين بيسمع صوتنا
بدي اطلب من مجلس الشعب فتح باب التصويت ع القرار عبر النت حتى يشوفو شو النتائج بتكون ........ بيكفي الاستهتار بامور الشعب اللي بينام ع قرار وبيصحا ع تاني وكل قرار ما شاء الله افظع من التاني ... بيكفي بقى في ناس وفي بلد ولا شوووووووو
الإمارات
مغترب رغما عني2009-11-25 17:26:16
سوري
أنا متمسك بأني سوري حتى العظم ولكن أتمنى أن يكون لدينا أعضاء بمجلس الشعب من الشعب **
سوريا
مسافر بلا رجعة2009-11-25 17:18:42
يا وطني
كم هو متوسط دخل المواطن السوري بالخليج مع الأزمة العالمية منذ عامان لم اجمع 500 دولار واعمل 12 ساعة بين ناس قساة القلب ولكنهم ارحم من اعضاء مجلس الشعب السوري
سوريا
واحد جلدو تمسح2009-11-25 17:16:59
شو منشان ؟؟؟؟
يعني هدول يلي عم يجتمعو و يطلعو بقرارات يطلعو على المهندسين و الدكاتره يلي كانو بالشام و عملو تدريب جامعي بعادل ست شهور من الخدمه يعني بدل ما ينزلو البدل كمبلغ أو يقللو فترة الإغتراب بدون يزيدو المصاري؟؟؟فعلا:لكل داء دواء يستطب به إلا ذكاء جماعتنا أعيا من يداويها
-الإمارات
قصي يوسف مطرد من السويداء (مقيم في لاهاي- المملكة2009-11-25 17:13:32
تابع- قرار عادل
السفارة السورية في بروكسل أعلمتني بأن كل مغترب في أوروبة أو أمريكا عليه الإنتظار 12 سنة في الغربة ودفع 16000 ألف دولار لكي يتمكن من دفع البدل .
-هولندا
بررو2009-11-25 17:14:27
هل تُسمع اصواتنا ...هناك
طلب خاص لسيريا نيوز : نحن من شعب سوريا, والقرار يخصنا كمغتربين ارجوو \\\"مشكوريين\\\" ان توصلوو هذه الاصوات(لمحة عن التعليقات) الى مجلس الشعب على الاقل ولو لواحد منهم ان يخرج ويعطي لمحى عن ما يبدي شباب سوريا الواعد من اراء.
-سوريا
قصي يوسف مطرد من السويداء (مقيم في لاهاي- المملكة2009-11-25 17:12:27
قرار أكثر من عادل
نرجو من سيادة الرئيس الدكتور بشار الأسد الموافقة على إقتراح البرلمان لأن القرار عادل ويشمل جميع المغتربين السورين بغض النظر عن زمان و مكان دولة الإغتراب. السفارة السورية في بروكسل أعلمتني بأن كل مغترب في أوروبةأو أمريكا عليه الإنتظار 12 سنة في الغربة ودفع 16000 ألف دولار لكي يتمكن من دفع البدل.كل المغتربين السورين في أوربة فخورين بك سيدي الرئيس و يناشدوك بمساوتهم بالقوانين التي تتعلق بالمغتربين السورين في الدول العربية. نرجو حل مشكلة دفع البدل لكي نتمكن من زيارة سورياالحبيبة والمشاركة في بنائها
-هولندا
زياد2009-11-25 17:02:36
العدالة
الى الشباب اللي عم ينادوا بالعدالة والمساواة بين جميع دول الاغتراب أقول العدالة هي الغاء هذا البدل من اساسه.... ليش البدل بس مصاري ؟؟؟نحنا عم ندفع عمرنا بالغربة هدا البدل مابيكفي ؟؟؟؟
السعودية
واحد متفائل كتيييير... فوق ما تتصوروا2009-11-25 16:57:39
على مهل يا شباب لا تستعجلوا
أنا برأيي لا حدا يستعجل بالحكم والأفضل ماحدا يتفائل من الآن لأنو يوم الأربعاء رح يدوب التلج ويبان المرج... وانا بتوقع أنو يساووا البدل 10000 يورو (مش دولار) ويمكن يمددوا السنيين لتصير 10 سنين للكل ، بس أنا بقترح على مجلسنا الموقر أنو يبدؤوا بسن تشريعات بتخص التحول الجنسي لأنو الحل الوحيد لحتى نرجع لبلادنا هو أنو نصير بنات وما أظن العملية رح تكلف أكتر من البدل يلي رح يلطشوا بس على الأقل منكسب الوقت ومنرجع على بلدنا قبل كم سنة.. يالله باي يا صبايابتوصوا شي؟ ياختيييييي (بروفا)
-سوريا
انا سوري اااااااااااااااااااااااه يا نيالي2009-11-25 16:49:19
قانون تعديل بدل خدمة العلم
يا عيني عليهن شو هالقرارات يلي عبتيجينا متل البلسم زيدونا قرارات بعد يا خطي مش عبنامو الليل من كتر تفكيرن براحت المواطن. قال شو قال مساوات بين المغتربين قال. الله يعين.........
سوريا
مغترب بلا رجوع2009-11-25 16:48:16
بحبك يا وطني
الحق يقال أنو حكومتنا عم تتعب مشاننا و مجلس الشعب ما عم يعرف كيف بدو يحللنا أزماتنا و مشاكلنا . العدل أنو البدل الجديد يطبق على الناس اللي بدها تطلع هلق مشان تعمل حسابها و تذكرو عطول أنو المصاري اللي عم تندفع هي تعب و عرق ولاد بلدكن لا أبونا ورتنا ياها و لا مدينا إيدنا للحرام . و بتمنى أنكن تشجعونا نرجع لنخدم وطنا بدل ماكل يوم تبعدونا عنو بقرارتكن الحكيمة و ببقى بقول بحبك يا وطني
-سوريا
محروق قلبي من المعلقين2009-11-25 16:44:29
بلا هل الشغل تبع الخيار و الفقوس
محروق قلبي من المعلقين , خافوا من الله , يعني مافي بالعالم الا اوربة و الخليج و امريكا , في خيييييير الله بشر بتركيا و روسيا, افرقيا بدها ترجع و ما عندها لا 10000 $ و لا 15000 $ و صار عمرها مو خرج جيش , قسما بالله انه معكم اكثر مننا, يا اخي يا اما بتدفعوا قدنا 15000 $ و 15 سنة يا اما نحن مثلكم 5000$ و 5 سنيين المهم الكل قد بعض , و بلا هل الشغل تبع الخيار و الفقوس لانه و الله ظلم
-سوريا
سفيان2009-11-25 16:37:56
لالي لالي لالي
صراحة أنا كنت متردد أني حط اغنية الاستاذ الكبير والرائع والشامخ والمناضل والصامد عبد الرحمن آل رشي أنا سوري آه يانيالي بس هلأ صراحة صار بدها شو هالحكي هادا لازم حطها
البحرين
صباح و مسا2009-11-25 16:36:35
شي ما بينتسا
بتعرفو انو نجنا بدول الاغتراب عم نحمل مكنسة و نكنس الدهب و المصاري عن الطرقات و عم فتح المي على الصبح و عم يطلعلنا الماس و ذهب و مجوهرات خلينا تنبرع شوي للدولة معليش حرام ما في معها مصاري
-السعودية
لو سمحتوا2009-11-25 16:28:33
مدة الاغتراب
ايام زمان كانت مدة الاغتراب ضعفي المدة (الخدمة 2,5 سنةفترة الاغتراب 5 سنوات) الان الخدمة سنة و تسع اشهر المفروض فترة الاغتراب ثلاث سنوات و ثمانية اشهر) يجب اخذ تخفيض فترة الخدمة بعين الاعتبار و مشكورررررررررين يا مجلس الشعب
سوريا
مغترب بالسعودية2009-11-25 16:12:38
رد على الفهمان مازن من الولايات المتحدة
الاخ مازن ممكن انت عايش بأمريكا و عم تستلم راتبك بالدولار و نسيان انو نحنا رواتبنا بالريال او الدرهم بالاضافة للفرق الهائل بين الرواتب بدول الخليج و اوربا او امريكا ومع قرار فك ربط الليرة السورية بالدولار زاد الطين بلة وازدادت الامور سوء و الشخص الموجود بالخليج بيعرف كيف الشركات موقفة كل الزيادات و الترقيات بسبب الازمة مشان هيك هذا القرار جائر و ظالم بحق كل مغترب بالخليج العربي و لمصلحة (السوريين) الحاملين للجنسية الاجنبية وما بهمن لا 6000 ولا 100 الف دولار ولا حتى بهمن الرجعة لسوريا
-السعودية
Tamara2009-11-25 16:18:15
الله يعين الشباب
بتمنى من الحكومة ترأف بحال هالشباب كل واحد متل الوردة بيترك بيتو وحياتو وبيتغرب ليأمن حالو وعيلتو وفوقا يدفع بدل .. بيتشنطط وبيتمرمط وبيلتعن سلافو وهلق جايين تعملوا قوانين وتاخدو مصاري .. لاقولن حلول بدال ماعم تطفشون برات البلد الغربة بتخنق .. ليش ما بتستفيدو منن وبتعيشون بكرامتن ببلدن؟؟ ولا ما بتعرفوا وين بدكن تروحو فين فبتطفشون مشان ما تعرفو تأمنو فرص عمل وحياة كريمة.. هيك أحسن منحرق قلوب الأمهات والشباب وما منضطر نأمن فرص عمل ..شو على بالكن أكيد ولادكن معفيين خلقة!!!!
-سوريا
اوقفو هجره الشباب من سوريا2009-11-25 16:11:25
الى الوزيره الشوؤن الاجتماعيه
نرجو طرح فكره تخفيض المده لكي يستطيع اولاد سوريا وشبابها بالعوده ليست المشكله بالمبلغ بل بالمده اغلب المغتربين هربو من الجيش وبدوا باعمالهم حرام هجره الشباب
-سوريا
دكتور طافش2009-11-25 16:07:03
المغتربين في الدول العربية عونطجية\1
يا شبابنا المغتربين في الدول العربية ليش عم تميزوا حالكم عن غيركم, 1-يعني انتوا رايكم او انه المغترب في الدول العربية وضعه اصعب و معاناته اكثر و انا الي بعرفه انه هل الحكي كذب 2-شو الفرق بين تركيا و الاردن , روسيا و السعودية ,اسبانيا و المغرب 3-بالعكس الي بالبلاد الاجنبية اذا رجع على الاغلب بيكون متعلم و متحضر اكثر تقنيا و لغويا و مهنيا و بحاجة تشجيع اكثر حتى يرجع
-سوريا
طارق صالح2009-11-25 16:02:07
من سوريا الغاليا
ارجو من الجميع فهم الموضوع جيدا قبل ابداء الراي والي جالس بدون شغل ما يحكي حكي مالو طعمة مثلو يفهم الموضوع بعدين يحكي وحترنا فيكم بقولو بدنا نزل القانون بتحكو واذا قالو بدنا ندرس الموضوع بتحكو وكانو انتو الي بدكو تحددو الموضوع ارجو من الجميع ان يتكلمو بأدب لانو كل واحد بحكي باصلو
سوريا
مفترب2009-11-25 15:52:42
مقترحات
مشاركة المواطنين في نقاش امور هامة مثل الخدمةهي عطاء كبير من سيادة الرئيسالأسد فنقدم اقتراحات محترمة ومقترحي تخفيض سن فوات الخدمة من 42 إلى 35 سنة أو اقل أن امكن مع الخفاظ على البدل النقدي باعلى من 500 دولار وهو ما يخدم فئات واسعة من الشباب ويتجنب تعقيدات الاقامة في الخارج اقترح تخفيض البدل والمدة في الخليج إلى سنتين ونصف وألفي دولارأما الجامعيين اقترح زيادة عدد معسكرات التدريب الجامعية إلى ثمانية مرتين في السنةوتطويره ويعتبر اتمامها هي الخدمة العسكرية
-سوريا
واحد فهمان2009-11-25 15:58:25
30 سنه اغتراب
لاوز تعفو المغترب من الخدمة يكفى انو مغترب متشرد اوولاده بدون مدارس حكوميه بدون جامعات مجانية بدون سكن ملكة حتى صرنا بدون قبض رواتب منذو اكثر من ستة اشهر الله يديم مجلس الشعب عليكم
أنغولا
عامر شريدي2009-11-25 15:57:56
يرجى الافادة
نرجو من الجميع طرح فكرة البدل الداخلي للجامعيين, وبهذا نستطيع الحد من مشاكل الاغتراب ونعيد شريحة لابأس بها من الأخوة المغتربين فقط لهدف دفع البدل ,ونمنع نزف الأدمغة..... يرجى التحرك لانجاح لتحقيق هذا المطلب... لكم مني جزيل الشكر وفائق الاحترام.
سوريا
مفيد2009-11-25 15:55:31
تخفيض سنوات الاغتراب
نرجو تخفيض سنوات الاغتراب الى 3 سنوات، فقد خفض الجيش من 2.5 سنة الى سنة و9 اشهر
-قطر
مغترب عايف حاله2009-11-25 15:46:44
كل يغني على ليلاه
الأخ مازن من الولايات المتحدة .. انت مع أنو البدل ينزل للستة ألاف وخمسمية بالنسبة للمغتربين بأميركا طيب شو ذنبنا نحنا أنو يرتفع البدل عندنا بالخليج ؟ يعني وين المساواة اللي عاجبتك ؟؟ بيكفي انك باميركا معك جواز سفر اميركي وامتيازات المواطن الاميركي .. بس احنا بالخليج عايشين كلاب .. او عبيد لسه لاحقنا على البدل .. لك وكل الله يا رجل .. واحنا .. إلنا الله والله لا يسامح مجلس الشعب
-السعودية
ضريبه2009-11-25 15:47:11
سوريتنا عبء علينا ام فخر لنا
عودتنا حكومتنا الموقره على المفجئات الساره ...يعتقدون ان الرفاهيه الخليجيه هي من صنع السوريين فيها.ونسوا ان مجمل الشباب الفار من بلده سوريا يعمل بوظائف خدميه اجورها لاتكفي الا للشعوب المقهوره مثله..كفاكم ظلما فوالله قراركم اشبه بصكوك الطاعه
-البحرين
باسل2009-11-25 15:35:31
أخيرا ...... يجب التوضيح
***************** لأنو لو شو ما صار دمنا فدا البلد بس وحياة يلي خلقكن مو منشان شي لأنو من ترابها والى ترابها نعود ولو بالتوابيت بالاخر لوين بدنا نوصل ما بعرف الله يساعد الله يعين كاسك يازياد الرحباني
-الكويت
Mohamed2009-11-25 15:35:12
المطلب العادل
الدفع بالتقسيط مثلا تقسيط شهري أو كل ثلاثة أشهر سيدفع المغتربين جميعا للإفادة منه ويخفف عنهم بعض الأعباء المالية والحياتية فليس كل المغتربون يسبحون بالذهب والدينار وأغلبهم يرسلون لأهلهم في الوطن إعانات مالية وعلى ذممهم قروض وديون للبنوك والنقابات!.
فنلندا
باسل2009-11-25 15:29:54
تتمة
اما بالنسبة للمخ الاقتصادي العبقري (( الدردري )) يروح يبني البلد من ناحية الاقتصاد ويعمر المصانع ويوظف ولاد البلد ويأمن معاشات تليق بحياة اي انسان كريم بدل ماالسوريين مشرشرين ببلاد الغربة عم يدورا ع لقمة العيش منقصوين كرامة منشان اخر الشي يدفعوها على الاختراعات العظيمة للفريق الحكومي بدنا نكون شحادين لناخد دعم المازوت بدنا نشحد لنأمنلكن البدل انتو مفكرين انو بالخليج عم نتفسح ولا عم نشم هوا ونلملم فلوس ....؟؟؟؟؟!!!!!!!! تتمة
-الكويت
المحب للوطن2009-11-25 15:29:05
الرجاء العدل
يرجى أن يطبق القرار إن كان ولا بد على الذين سيسافرون لخارج البلد من بعد ان يتخذ هذا القرار وأن لا يشمل من هو مسافر الآن وشكراًً
سوريا
عامر الفراتي2009-11-25 15:29:12
باي باي للمستقبل
والله انا عن نفسي مارح ادفع ورح اضل عايش برا لمن يوقفو يعطوني جواز وادفع رشوة لمن اتجاوز ال42 ومارح ادفع ولو انجبرت راح اجي واخدم بلدي واح ثنين اح ثنين واقفا جالسا والله شي يبكي فوق هم الجفاف بدير الزور والاهمال الحكومي طلعنا برا ليش ملاحقينا حلو عننا ملينا تعبنا انذلينا ليش انكتب علينا الذل احنا اريد اعرف بس حسبي الله ونعم الوكيل وامانة يامغتربين لاتدفعو امانة
-سوريا
من البلد2009-11-25 15:33:21
البدل الداخلي
الرجاء من مجلس الشعب مناقشة البدل الداخلي للمواطن السوري يعني لازم الواحد يتغرب مشان يدفع البدل و هذا الأمر مفيد للشباب الحاصلين على وظيفة و مستقرين بعملهم ومفيد لخزينة الدولة ايضا
-سوريا
باسل2009-11-25 15:29:28
بس بدي افهم ......؟؟؟؟؟؟؟؟؟؟
يعني بشرررررررررررفكن لجنة الامن القومي وين عايشي ؟؟ اذا عايشة على القمر او على شي كوكب تاني تحكي ....!! منشان نعرف حالنا ولك حاج مسخرة بمسخرة .. اتبهدلنا كتير واسا عم تمرمطو بربنا ما بيكفي الغربة والذل والتعتير والقهر وفراق الاهل اسا بدكن ... .. ارحموا هل الناس يلي متغربة وهمومهابتكفيها يتبع
-الكويت
معيد موفد يريد أن يعود2009-11-25 15:28:46
الرجاء المساعدة
أرجو من أصحاب الشأن الكرام مناقشة موضوع المعيدين الموفدين الذين يقضون أكثر من خمس سنوات للحصول على المؤهل المطلوب. معظم المعيدين يعودون و هم أصحاب عوائل و عليهم تأمين حاجياتهم. إن الخدمة الإلزامية تشكل مشكلة كبيرة جدا لنا نحن المعيدين العائدن. و هي بصراحة السبب الأول لعدم عودة الكثير من الموفدين بعد إنهاء دراستهم. أليس من الأفضل للدولة و المجتمع أن يعود الموفدون و يبدأون بشكل مباشر خدمة جامعاتهم عوضا عن الذهاب إلى خدمة العلم؟ أليس من الأفضل تعليم الأجيال العلوم الحديثة و القيلم بالبحث العلمي؟
-الولايات المتحدة
Yamen2009-11-25 15:21:19
طول عمرك يا سفرجله
قال اي قانون لن يصدر ان لم يراعي مصلحه المواطن قال اللي بيعرف بيعرف واللي ما بيعرف بيقول مصلحه المواطن مع الاعتذار لكل المسؤولين بس اخر مابتفكروا فيه هو مصلحه المواطن الله يعين هالمواطن شو بدو يتحمل ليتحمل كلو راكب ع ضهرو و خمسميه محروقه لعمو مواطن
-قطر
مازن / الولايات المتحدة2009-11-25 15:15:43
المساواة في مدة الاغتراب
نأمل من مجلس الشعب إقرار مدة ومبلغ الاغتراب نفسها بالنسبة للمواطنين الموجودين في الدول العربية والأجنبية، وهي مدة خمس سنوات، ودفع مبلغ 6500 دولار. وهذا ما سيدفع العديد من المواطنين الموجودين في المهجر للعودة إلى الوطن والمساهمة ببنائه وتطويره. إنه فعلا قرار حكيم وصائب.
سوريا
مغترب2009-11-25 15:23:24
لاتظلمونا
ارجو ان لا يكون له اثر رجعي فمن تغرب وارسل سند اقامة فهو قرر دفع البدل على اساس مبلغ 5000 دولار وينتظر ان يتم الخمس سنوات فارجو ان لاتظلمونا بمثل هذا القرار لماذا لايبدا من بداية 2010 لمن يريد الاغتراب لان ان يغترب ويدفع البدل بحيث يدرس اموره على اساس المبلغ الجديد وعندها يقرر امانحن الان وقعنا بين نارين الاولى المبلغ الجديد والثانية اصبحنا في سن ووضع لانستطيع فيه الذهاب للجيش هيك يالله ماشي الحال فارجو النظر بموضوعنا
سوريا
عربي سوري2009-11-25 15:18:43
انقاص سنوات الاغتراب
السيدة وزيرة الشؤون الاجتماعية والعمل نرجو منك ان تعملي على المطالبة بانقاص سنوات الاغتراب ، حتى يعود الشباب الى حضن امهاتهم ويساهموا في بناء وطنهم، والله بعين على 6500 دولار
-الإمارات
فادي محمد2009-11-25 15:16:33
و ماذا عن الطلاب الموفدين
ارجو ان يتم مناقشة القانون بحيث يشمل الطلاب الموفدين في الدول العربية والأجنبية و الذين يمضون عدة سنوات من اجل الحصول علي الماجستير و الدكتوراه. لان كثير منهم لا يعودون للوطن بسبب خدمة العلم التي تنتظرهم بعد سنوات من الدراسة والتحصيل العلمي ناهيك عن اغلبهم قد تجاوز الثلاثين من عمره و اصبح زوجا وابا لاطفال . 
-سوريا
سوري أه يانيالي2009-11-25 15:14:56
سنوات الضياغ (الاغتراب)
انا مع الاخ مغترب صاحب التعلق الأول نرجو تخفيض مدة الاغتراب في دول الخليج وباقي الدول الى 3 سنوات أو 3.5 علما انه لا يمكننا الاعتراض على مقدار البدل لانه يأثر على صحة وزير المالية
-البحرين
سوري مغترب2009-11-25 15:16:18
شيئ غريب
يعني بالله عليكم انتم مجلس شعب؟ ؟ ؟ ؟ حسبي الله فيكم , ماذا تريدون منا ان نعمل في الخارج كي ناتي اخر العمر وندفع لكم 6500 دولار , والمضحك في هذا الامر انهم لا يقبلو دفع البدل الى بالعملة الامريكية ( يعني اذا ما دفعت دولار مابتمشي ) وخلي سطرين تحت كلمة ما بتمشي , ادفع دولار بتمشي ) حسبي الله عليكم مابتكفي غربتنا وفوق هيك دفع فلوس , بلدي الغالية اسمعي ماسأقول لك فليفعل كل مايريده الفاسدون وليفعل مجلس الشعب مايريد لن انساكي ياسورية فأنت أمي وابي واخي انت عمري الذي افنيه في الغربة أ
الإمارات
مغترب متفائل2009-11-25 15:14:26
سوريا الله حاميا والاسد راعيها
انا متأكد انو إذلال المغتربين مش من شيم الحكومة السورية. ومتأكد انو رح تنحل قضية الشباب السوري المغترب الي عم يتعذب ببلدان الاغتراب , اتمنى انو يتم ربط قيمة البدل بالمدة يعني كل سنة إغتراب تنقص من قيمة البدل بمبلغ محدد وهيك نكون حققنا العدالة. مع الاخذ بعين الاعتبار انو الاوضاع المالية لاغلب المغتربين تأثرت كتير بعد الازمة وفي شباب كتير مغترب ما عم يقدر يرجع للبلد برغم الذل الي عم يتعرضه, كله بسبب تنه يا ام مش محقق المدة المطلوبة انو انه ما استوفى المبلغ المطلوب.
-سوريا
مغترب رغمأ عنه2009-11-25 15:05:23
مجبر اخاك لا بطل
راتبي 3600 اصرف 1000 ريال على الطعام (علما اني احضر الباس ومعظم احتياجاتي من سوريا)وابعث لأهلي 1500 ريال مصرف (اساعد والدي لاطعام 10 اخوة) فيتبقى لي 1100 ريال في نهاية الشهر كل سنة 1100ْْْْْ*12 =13200 ريال (بدون حساب الهديا) مجموع الخمس سنوات 13200*5=66000 ريال اذا كنت سأدفع بدل 6500 ريال أي ما يعادل 24000 ريال سأكون قد ادخرت 42000 ريال خلال خمس سنوات أي ما يعادل525000 ليرة سورية اي مئة الف بالسنة. متى سأتزوج ومتى سيصبح عندي بيت، سيقل البعض اذا عدالى سورية لو أني وجدت عملاً ما سافرت
-سوريا
Mohamed2009-11-25 14:56:50
مشروع قانوني عادل جدا
هذا المشروع عادل جدا لأن دفع مبلغ 15000 دولار لمن هو في أوربة زائد بدل إغتراب يعني كارثة مالية لمن لديه عائلة وأطفال ويعمل في ملاك الجامعات فرواتبهم أقل من نصف رواتب زملائهم في جامعات الخليج وكذلك العاملين في الشركات الخاصة ناهيك عن الباطلين عن العمل لسبب ما كالإفلاسات الحالية لآلاف الشركات المتوسطة! أما المطلب العادل الثاني فهو قبول الدفع بالتقسيط وهذا شيئ سيدفع المغتربين جميعا للإفادة منه ويخفف عنهم بعض الأعباء المالية ويحقق دخلا مستمرا للوطن.
فنلندا
مغترب عايف حاله2009-11-25 15:03:38
بيكفي استهتار فينا بقا
مشان الله بدي افهم هاد اللي درس القرار .. على اي شي استند بقيمة المبلغ اذا بدكم تنصفوا المغترب ببلد اجنبي . الله يكتر خيركم .. بس شو ذنب المغترب بدول الخليج ؟ والله عيشتنا هون مو عيشة ، بس حتى نخلص الخمس سنين وما نكون عبء على بلدنا الله يعزها .. بس انتو حسو فينا شوي والله العظيم راح اخلص الخمس سنين وما بعرف من وين بدي جيب الخمس الاف .. لسه بتزيدوها علي ؟؟ يعني لو بشتغل سنتين زيادة ما بقدر لمهم والله دول الخليج غالية ويا دوب عم نقدر نعيش اعتقونا .. عيشوا وخلوا الناس تعيش .
-السعودية
salim2009-11-25 15:03:38
بدل الخدمة العسكرية
سلام لشعب سوريا الحبيبة يعني بدل ما يخفضولنا الخدمة العسكرية او البدل العسكري رفعوا شو لسا بدن من شباب سورية ما نرجع ع البلد منبطل الله لا يسامحن
-سوريا
SYRIAN2009-11-25 14:59:52
I AM SORRY
شكرا لكم خليتونا نفخر كوننا سوريين شكلي رح تم بلخيج وما بدي ارجع لوطن الوطن مابحاجة الشباب
أفغانستان
يبحث عن .... وطن2009-11-25 14:54:12
غرييييب
مساواة المغتربين في الدول الاوربية والامريكيتين مع المغتربين في الدول العربية هو نوع من الغباء أو الجهل وحاشا أن يكون أصحاب الرؤوس المنتفخةمن التفكير ( أعضاء مجلس الشغب والوزراءعندنا) حاشا لله أن يكونوا هكذا !!!!الله يوسع عالجميع
-الإمارات
مهندس2009-11-25 15:00:51
ليكن البدل موحد 5000
اذا اردتم أن تساعدوا السوريين في اوربا فليس على حسابنا في دول الخليج، اجعلوا اليدل 5000 دولار لجميع المغتربين، وهناك ايضا مسالة عدد السنوات حتى الآن لم تخفض رغم تخفيض مدة الخدمة الالزامية
-السعودية
مش مهم2009-11-25 14:58:24
على اساس ديمفراطية
مش ضروري تعرضو عل المجلس لأنهم مامنا نحكي بس عملوا شغلة وحدة منيحة انو تخفضوا سنوات الاغتراب منشان مانكون عبيد هون للخليجية
-السعودية
سوري حتى اشعار آخر2009-11-25 14:58:16
والله بدل غالي كتير
نطلب أن يبقى البدل كما هو لان الحياة اصبحت غالية جدا هنا في دول الخليج ونطلب تنزيل عدد السنوات الى 3 سنوات فقط
-السعودية
طالب موفد ولكنه ليس مغترب2009-11-25 14:55:42
رساله لوطني
اين العداله إذا لم يتم مساواه الطالب الموفد بطالب المغترب، فآلأثنين بعيدين عن الوطن ويدفعون ثمن الغربة غاليآ،،، ارجو إعادة النظر بهذه القضيه، وإلا لن يكون القانون عادلآ
-فرنسا
حمدو2009-11-25 14:54:42
والله اني مفلس
من شان الله ارحمو من في الارض يرحمكم من في السماء انا منين بدي ادفع ؟؟؟؟؟؟؟؟؟؟؟؟
-الكويت
ميكانيكي انترنت (Syrian in Kuwait)2009-11-25 14:45:49
والله حرام عليكون
والله حرام مفكرين الواحد عايش برا ملك ولا أمير وبلاقي فلوسو بالشارع.. والله حرام بدل ما تشجعونا اننا نترك الغربة ونرجع عالبلد لعند أهلنا عبتصعبوها علينا والله حرام عليكون.. شو بدو يقول الواحد ليقول..
سوريا
غريب بالغربة2009-11-25 14:51:40
فوضتنا امورنا لله
حسبنا الله ونعم الوكيل
-السعودية
Remiiiiiiiiiii2009-11-25 14:42:28
مسخرة مسخرة بمسخرة
يعني لايمتى المسخرة رح تكمل عناااا وما بنعرف ناخد قراااااار بيفيد الشعب السوري ولايمتى هالمساخر بدنا نضل نسمعهااااا يعني ع اساس هنن بيعرفوا الشعب السوري شو بدو انا بس بدي اسال شي واحد من هالمجلس في حدااا قدم شكوى او اقتراح للمجلس وقلهن دخيلكن ارفعواااا البدل لانوا قليل ولا هيك القرارات وشو هالدراسات العظيمة عنااا بالنهاية ارحموا من في الارض يرحمكن من في السماء
قطر
اسماعيل2009-11-25 14:44:16
تخفيض سنوات الاغتراب
نرجو أن تنقص سنوات الاغتراب مع بقاء البدل المالي نفسه واعطاء فرصة للمغترب حتى نهاية السنة السادسة للدفع، يعني خلو سنوات الاغتراب 3 ونص واسمحوا للمغترب حتى نهاية السنة السادسة بالدفع
-الإمارات
سوري معلق2009-11-25 14:42:32
خير خير خير
يا جماعو بتمنى دراسة القانون منيح لانو مفكرين عم نجيب المصاري بالخليج هيك مثل اوربا اول شي الازمة خربت بيتنا وهلق بدكم تزيدو الطين بلة وبتمنى انو مايصير هيك قانون
-الإمارات
مغترب عايف حاله2009-11-25 14:42:36
عجبتني
عجبتني هاي الجملة بالخبر " واعتبر المصدر أن "القانون سيكون عادلا ومناسبا للجميع", مشيرا إلى أن "أي قانون لن يصدر إذا لم يراعي مصلحة المواطن بالدرجة الأولى". " يعني حسيته عم يحكي عن شي دولة اوروبية أوخليجية على أقل تقدير لك حاجتكم بقى والله ملينا منكم ومن قوانينكم ومن تخبيصكم انا شب سوري معي ماجستير بالصيدلة هجيت من البلد وما عم اقدر ارجع عليها مشان البدل تبعكم واجيتوا ه زودتوه مشان بطل ارجع بعمري لك حاج حاج الله ياخدنا مشان نرتاح وانا سوري أييييه يا نيالي .. مشان الله انشر يا
السعودية
فقير في الغربة2009-11-25 14:41:04
لماذا هذه الزيادة
والله 6500 دولار كتير، بكرا برخص الدولار برجعوا بزيدوا البدل، الأفضل أن نقول البدل 250000 ليرة سورية تدفع بما يعادلها بالدولار، وهناك ايضا مدة الاغتراب 5 سنوات مدة طويلة جدا لماذا لا تختصر الى ثلاث سنوات ونصف
-السعودية
مغترب2009-11-25 14:37:51
مدة الاغتراب
كانت مدة الخدمة الالزامية سنتان ونصف وبالتالي مدة الاغتراب 5 سنوات (ضعف مدة الجيش)، الان بعد أن اصبحت مدة الجيش سنة وتسعة اشهر لماذا لم يتم تخفيض مدة البدل مع بقاء البدل المالي نفسه، نرجو من اعضاء مجلس الشعب أخذ ذلك بعين الاعتبار
-قطر
نسيان الرياضيات2009-11-25 14:33:49
فك طلاسم إذا بتقدر تفك
بيقول الخبر: إضافة إلى إسقاط قضية مدة الاغتراب التي لن تلعب دورا في تحديد مبلغ البدل ..هات لنشوف ..فك هالطلسم الغريب العجيب ..جيب أبعادو و حسوب الجيب و التجيب إذا بيطلع معك نتيجة ..شكلو هالمصدر رفيع كتير لدرجة أنو ما رفع الكلفة و الخاطر للشرح أكتر
الإمارات
مواطن سوري2009-11-25 14:27:35
الرجاء .. البدل داخلي
بتمنى من المجلس دراسة ضرورة وجود بدل داخلي وخاصة للجامعيين للحفاظ على ابناء البلد والاستفادة من طاقاتهم داخل البلد .. أما إذا كان الاجتماع هدفه فقط رفع قيمة بدل المغتربين فعلى الدنيا السلام.
-سوريا
طالب موفد2009-11-25 14:29:56
نرجو أن يشمل القرار الطلبة الموفدين
نرجو من مجلس الشعب ان يراعي وضعنا نحن الطلاب الموفدين للحصول على درجة الدكتوراة في البلدان الاجنبية.. حيث أن معظمنا تجاوز سن 33 سنة. ونعاني من الغربة من أكثر من خمس سنوات.. نرجو ان يشملنا البدل او أن تكون الخدمة في الجهة الموفد اليها الطالب او حتى الاعفاء منها.
-سويسرا
موفد - PhD2009-11-25 14:27:31
اقتراح خاص
معاملة الموفدين في حالة العودة الى الوطن خلال 3 اشهر من الحصول على الشهادة المطلوبة بشكل مشابه للمغتربين الذين تجاوزو 42 عاما سيساهم بكل تاكيد بعودة معظم الموفدين الى سوريا الحبيبة بعد التخرج والمساهمة في بناء الوطن
-النمسا
Husam2009-11-25 14:30:20
مغترب
والله حرام يلي عم يصير ، لأني انا وكتير من الشباب المغتربين طلعنا على بلد الاغتراب قبل سن التكليف وأتممنا ال15 وال 20 سنة ، وعلى القانون يلي أصدروا سيادة الرئيس لازن ندفع 3000 دولار .... أما الآن شو رح يصير فينا ندفع 6500$.. هالشي الله ما بيرضاه ... يا حكومة يا مجلس الشعب يا برلمان يا دنيا يا عالم اتقوا الله في الشعب... لا حول ولاقوة إلا بالله
سوريا
Saad2009-11-25 14:21:55
Happy for Everyone
Dear All I am so happy to hear that it was reduced to $500 but at the same I am very upset that I just paid $6,000 so what is going to happen now, is there a refund for people who recently paid or that is it and forget about it. Meeting half way between $8000 and $5000 may sound ok, but going all the way down from $6000 to $500 is very good and excellent, but people who paid $6000 within the last 12 months should be compensated.
سوريا
كنان2009-11-25 14:20:17
ألا يكفي المغتربين في الخليج
لماذا نزيد الطين بلة على المغتربين السوريين في الخليج!!! ألا يكفيهم معاناتهم وغربتهم والطرد التعسفي ومشاكل الكفيل وغيرها!! لماذا تزيدون مبلغ 1500 دولار عليهم، وهل يعقل أن يتساوا العامل في أروبا أو امريكا مع العامل في الخليج من ناحية الأجر، وماذا عن دفع البدل للمقيمين في بلدهم والراغبين في خدمته مدنياً،اقترح أن يكون المبلغ بالنسبة للمغتربين في الدول العربية 5000 وفي باقي البلدان 7000 وفي داخل القطر 6500 كما يرجى مراعاة المستوى التعليمي بالنسبة لكل من الفئات السابقة، أرجو أن يؤخذ كلامي بالاعتبار
-سوريا