syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
السكن الشبابي بدمشق....هل تحول الحلم إلى سراب ؟
تحقيقات

مكتتبون: لم نستلم بيوتنا التي وعودنا بها منذ عام

صاحب مكتب عقاري : تلاعب في بيع المنازل دون ضمان حق المواطن

تعلقت آمال الكثير من شباب دمشق بالحصول على وحدات سكنية، بعد صدور المرسوم الرئاسي القاضي ببناء مساكن للشباب الذين لا يملكون سكن في عام 2002 ، فتقدموا حينها للاكتتاب لتصبح المنازل التي لم تتجاوز مساحتها الـ65ــ85 تشكل "الأساس لبناء حياة زوجية مستقرة ".


وبعد تسليم الوجبة الأولى المؤلفة من 604 وحدة سكنية زارت سيريانيوز المشروع في ضاحية قدسيا للوقوف على حقيقة تحول " الحلم إلى حقيقة" ، لتجد أن غالبية البيوت مؤجرة بعقود وهمية تظهر عكس ما تخفي فضلاً عن بيع البيوت المخالف للقانون ، فيما لم تلتق أحداً كان راض عن كسوة المنازل المسلمة، عدا عن أن الكثيرين من الشباب ما زالوا بانتظار استلام منازلهم التي كان من المفترض استلامها في العام الفائت.

 

تأجير البيوت ومؤسسة الإسكان تنفي مسؤوليتها عن ذلك

لم تستطع سيريانيوز الوصول إلى المالك الحقيقي لغالبية المنازل فنسبة جيدة من السكان يقطنون بالإيجار، يقول محمد ( أحد المستأجرين ) "استغل صاحب المنزل حاجتنا له فوقعنا عقد ايجار بـ 3000 ليرة سورية لكننا ندفع 7000 آلاف ، ولايمكننا الاعتراض لأننا مهددين بالطرد في حال الإفصاح على الاتفاق الحقيقي ".

ويشتكي الشاب من وضع الضاحية التي باتت بيد أصحاب الأموال والسماسرة مؤكداً أن ما يزيد عن 70% من سكان ضاحية قدسيا يقطنون بالإيجار وبأسعار تختلف عن ما يدون بالعقد مشيراً إلى أن البناء الذي يقطن به بالكامل يشبهون وضعه".

كلام المستأجرين أكده مدير فرع الديماس لمؤسسة الاسكان المهندس مجدي السيروان مشيراً إلى أن الوضع العام بسورية يعطي المالك الحق بالتأجير أو الوهب أو البيع، ولكنن وبحسب القانون رقم/ 39 / يعتبر أصحاب السكن الشبابي حالة استثنائية" فالمواطن يدفع 10% من قيمة المسكن ثم يستلمه ويقوم بتسديد الـ90% المتبقية على مدى 15 عام، وصدر تعديل بعام 2005 فزادت المدة إلى 25 عام ، فلا يحق لهذا الشخص التصرف بالمسكن بيع أو فرغ أو وهب إلا بعد تسديد الأقساط ، لكن من حقه أن يؤجره لمن يشاء ولا سلطة للمؤسسة عليه".

وأوضحت سوسن الشيط من قسم محاسبة الزبائن بفرع الديماس "أن المكتتب لا يحق تقديم طلب اكتتاب في حال كان لديه أملاك تتجاوز الثلاثين ألف ليرة بأية محافظة لذا يسقط حقه بالحصول على سكن".

 

عقد إيجار لمدة 99 عام !

حالات بيع كثيرة يشهدها السكن الشبابي للمنازل بحسب أصحاب المكاتب العقارية رغم مخالفة ذلك للقانون كون البيوت "مكرمة من السيد الرئيس"، فقال صاحب مكتب عقاري لم يرغب بالكشف عن اسمه " يوقع صاحب المنزل عقد إيجار لمدة 99 عام بينه وبين المستفيد ويسجل لدى المحافظة ويقومان بكتابة عقد بيع عند المحامي ويستلم صاحب البيت ثمنه كاملاً، وبالطبع هذا العقد لا يضمن حقوق المستفيد أو الورثة فبعد مضي 99 عام قد يطالب ورثة صاحب المنزل الأساسي بالمنزل ،إضافة إلى المسائلة التي سيتعرض لها البائع في حال علمت إحدى الجهات ان صاحب المنزل الأساسي مستفيد من منزله فهذا يدل على انه لديه أملاك أخرى ولا حق له بالحصول على منزل في السكن الشبابي"..

ونوه صاحب المكتب العقاري " مع كل تلك الظروف الموحية بخطورة شراء منزل في السكن الشبابي لعدم ضمان الحقوق إلا أن الكثيرين قاموا بذلك بدافع الحاجة " .

 

الحلم تحول الى حقيقة منقوصة

لم تقتصر شكاوى أصحاب المنازل على تأجيرها وبيعها إذ ارتفعت قيمة الأقساط بعد تسليم البيوت لأصحابها، فقالت أمل فضلو( مالكة) "اكتتبنا بناء على إعلامنا بأننا سندفع فقط 10 % من سعر المنزل أي ما يعادل 60 ألف ليرة سورية ثم نسدد أقساطا شهرية بحدود 2000 ليرة ولمدة 25 عام ، لكننا ومع استلام الشقق فوجئنا برفع القسط الى 5000 آلاف ليرة سورية وهذا سيقصم ظهرنا لإعتبارنا من الدخل المحدود جدًا "

الأمر الذي أوضحته سوسن الشيط من قسم محاسبة الزبائن فقالت" عند بداية الاكتتاب لا يكون هناك تخمين للمنازل وبعد استلامها تجتمع لجنة التخمين المالي لتقوم بتقدير ثمن المنازل وتقسيطها على دفقات ما يؤدي إلى ارتفاع القسط الشهري للسكن".

 وبينت أن المكتتب لديه حرية اختيار عدد السنوات التي يريدها لتسديد الأقساط وتبدأ من الخمس سنوات وحتى 25 سنة ، ويترتب على ذاك فوائد للبنك كلما زادت عدد السنوات قد تصل إلى 600 ألف ليرة سورية وبإمكان المكتتب تسديد القسط دفعة واحدة دون أن تترتب عليه فوائد.

وعن وضع المنزل أثناء الاستلام قالت سهام ابراهيم ( مالكة ) " وُعدنا أن نستلم المنزل كامل الكسوة وكان كذلك ، لكنها كسوة تسمى بالعامية سكاجة ، أي استعيض عن الدهان بالطبشور ،والخلاطات من أردأ الأنواع ، وكذلك البلاط "...

وأيد أدهم ( أحد الملاك ) ما قالته سهام مشيرا إلى رداءة الكسوة إضافة " لضعف خدمات منطقة السكن الشبابي لاسيما المواصلات التي تبعد حوالي الـ 500 متر عن الشارع الرئيسي، عدا القمامة التي باتت مرتعا للناموس والحشرات".

وعن رداءة الكسوة قال مدير فرع الديماس مجدي السيروان إن" ادعيت أن العمل المنجز بمستوى عالي سأكون غير واقعي فلا بد من وجود نسبة من الأخطاء ، وقد قامت المؤسسة بدورها في إحدى العقود بالكشف وإصلاح الخلل، فالمواطن بالقانون لديه حق تعويض عام ".

وتابع " مواصفات الإكساء هي مواصفات سكن شعبي لها حدود وليست عالية لتجنب الكلفة الإضافية الغير محتملة للمواطنين ، وبالنهاية ينص العقد على إصلاح المؤسسة لأي خلل".

 

تأخير بالتسليم

مشاكل المكتتبين لم تكن واحدة فمنهم تذمر من القسط المرتفع وآخر من الإكساء الرديء لكن خلود الدبس ( مكتتبة ) وجدت أن مشكلتها الأساسية تكمن بالتخوف من التأخير بتسليم الوجبات كما حدث في هذا العام ".

وأيضا أشار أحمد فوزي (مكتتب من الفئة ج) إلى التقصير من قبل المؤسسة في تسليم المنازل إذ أنه إلى الآن لم يستلم سكنه.

ويقسم مشروع السكن الشبابي إلى عدة مراحل ، منازل يجب تسليمها بعد خمس سنوات من الاكتتاب لبيوت مساحتها 65 متر(فئة ج)، والمرحلة الثانية تسلم البيوت فيها بعد 7 سنوات لمنازل مساحتها 75 متر(فئة ب)، أما المرحلة الثالثة يتم تسليم منازلها بعد عشر سنوات من الاكتتاب وتبلغ مساحة البيوت 85 متر( فئة أ).

وأرجع السيروان أسباب التأخير في تسليم المنازل إلى ارتفاع الأسعار والظروف التي مرت بها البلد لافتاً إلى أن المباني المخصصة للفئة ج توجد في أماكن مستقلة عن الفئتين أ و ب ، وأن التأخير استمر لعام واحد فقط وليس عامين، فعلي الرغم أن الاكتتاب تم في عام الـ2002 إلا أن تسديد الدفعة المصرفية حدث في عام 2003.

وأضاف " خصصنا منذ أكثر من شهر ونصف 604 وحدة سكنية ومتبقي 2200 تقريباً لإنهاء مرحلة الخمس سنوات ، وفي الشهر العاشر لدينا 1200 وحدة سكنية لتخصيصها وفي شهر كانون الأول سيخصص 878 وحدة سكنية وبذلك نكون قد أنهينا العدد المطلوب ".

وفي حال عدل المكتتب عن رأيه بامتلاك المنزل فإنه يقدم طلب انسحاب ليأخذ مدفوعاته كاملة ، وعند وفاة المكتتب تتم عملية حصر إرث ويسلم المنزل للورثة كاملاً .

 ويشار إلى أنه من أبرز أهداف المشروع عند إطلاقه في عام 2002، "التشجيع على الاستقرار الاجتماعي(الزواج) من خلال تأمين المسكن، وما له من منعكسات إيجابية على استقرار المجتمع، ومحاولة استهداف الزبون المتوقع لمناطق السكن العشوائي ببديل صحي منظم ومنافس بالسعر والمواصفات، إضافة إلى تشجيع فئات الشباب على الاستقرار في مجتمعاتها ومدنها الأساسية والحد من الهجرة باتجاه المدن الكبرى".

 ويتوزع السكن الشبابي في كل المحافظات تقريباً حلب – اللاذقية – طرطوس – السويداء – كما تم الإعلان بالمنطقة الشرقية في دير الزور والرقة .

سـلاف ابراهيم ـ نـور عـكة ـ سـيريانيوز


2009-10-31 23:43:11
شاركنا على مواقع التواصل الاجتماعي:



شارك بالتعليق
ابو جوليا2009-11-05 15:27:31
ضاحية قدسيا مدينة الأشباح
والله هالمشروع للاسف متل الفرحه اللي ما تمت,نتيجة جشع التجار والمقاولين والقائمين عالمشروع,رغم تعليمات السيد الرئيس بانه يكون هالمشروع لمساعدة هالشباب الي متل حالي باول طلعتن لا قدامن ولا وراهن وقاصدين الستر,وبعدين مافي اي خدمات ومقطوعه وحاويه شكيلات ربنا من برا الشام ومن برا سوريا وباعداد هائله,وبعدين عندي استفسار للساده المسؤولين اذا عميقروا الجرايد الاعلانيه الاسبوعيه,دائما فيها اعلانات بيع لبيوت بالسكن الشبابي,وعلى علمي ان هي البيوت لا بتنباع ولا بتنشرى والمالك الوحيد هوالمكتتب للابد
-سوريا
زياد الارفلي2009-11-03 15:48:16
اتمنا المساعدة
انا مستاجر بيت ب12000 اتمنافتح اكتتاب على بيوت شباب.ويكون بس يلي ماعندو بيت باسمو وبيوت شباب كلن من اصحاب لمال. يعني اذا دولة ماساعدت شباب مين بدو يساعدن. نهج من هل بلد.وربي حرام
سوريا
زعلان2009-11-03 12:20:08
انتظار
انا من الناس يلي اكتتبوا من 2002 على اساس لمدة 5 سنين ولهلأ ما تخصصت ولا استلمت وانالو كنت بعرف انو سعر البيت رح يزيد والفائدة عالية كنت اخدت بوقتها قرض واشتريت بالمنطقة يلي بدي ياها وما استنيت 7سنين علاقل كنت خلصت من الشنططة عملت الكسوة يلي بدي ياها وبكل الاحوال لازم ادفع فائدة بس المرسوم وقت طلع كان على اساس ما في فائدة وقيمة البيت 400 الف بس شو فائدة لو وياريت بس نصيحة لا حدا يتورط ورطتنا
سوريا
الى الشامية من الامارات2009-11-03 11:09:46
اسمعي النصيحة
نصحك اخونا العزيز وانا متلو بكررلك النصيحة وانا كمان بعت وبمربح 50 الف بعد انتظار 5 سنوات وبعد ماشفت الكسوة والبناء والمهزلة تمنيت ان ابيع بخسارة .... ولكن اجاني مين يشتري ويربحني ..... وكل واحد عم يقلك انو منيح فهو مغرض وسمسار لهذه البيوت ... اي شقة بتشتريها وبتآخدي قرض من البنك ما لح يختلف شي بطريقة التعامل عن السكن الشبابي ..... الله يسامحهم على هيك مساكن بدهن يسكنوا في البشر ....
سوريا
شامي22009-11-03 10:00:51
من شامي الى حلبي
انا بصراحة مابعرف ليش معصب انا بشوف حلب احسن من الشام بكفي انو مدنينة الها هوية مو متل الشام الي كل حي من احيائها جاية من محافظة طول بالك وخلي روحك رياضية
-سوريا
حلبي ولي الفخر2009-11-02 19:24:25
الى الشامي
اولا بالنسبة لاتهامك الجريمة بحلب فهاد الشي بصير دايما بالمدن الكبرى ومتل ماقلتلك حلب فيها كتير ناس من برى حلب طبعا تاني شي هاد ما بيعني انو الجرائم الي بالشام العن بكتير من حلب اما بالنسبة للبضاعة والتجارة الحلبية فبظن انو التجارة الحلبية وصلت للعالمية بالوقت الي غيرها لسا عميفكر يصدر لريف دمشق أما العتالة ومابعرف شو فهدول موجودين بكل مكان بسوريا ولا ما عندكون عتالة بالشام الله يكبر عقلك بس ، بس الي بحب قولو انو الحلبي معروف بتجارتو وكرمو وبالمناسبة عازمك على اكلة كبة وقلك بالشامي ( ماتاكووول )
-سوريا
سوبر مخ2009-11-02 18:24:05
الى السيد الحلبي و له الفخر
شو مشان حاجة سلبة...كلنا عم نقرأ سريانيوز و عم نشوف الجرايم و الإغتصاب. هيك بيساوو الناس البطرانين تبعك..شو ما بتتذكر لما واحد بحلب قتل التاني مشان 25 ليرة........عيب كلنا سوريين.
سوريا
شامي اصيل2009-11-02 14:45:10
الى حلبي ولي الفخر
بالنسبة لموضوع حبيبي فانة يفتقد الى المصداقية فالمعروف عن البضاعة الحلبية انها مثل بضاعة الصين رخيصة ورديئة والأصل للغالي الي حقو معو ولو متل ما عم تحكي على البطر ما كنا شفنا زيادة الجريمة والعنف في محافظة جميلة مثل حلب مع العلم ان معظم اصحاب البسطات والبويجية والعتالة من حلب أنا لا أريد التعري من الواقع وفي النهاية كلنا أبناء سوريا الغالية ونتمنى الازدهار لها وللوطن الحبيب لا فرق بين عربي أو أعجمي ألا بالتقوى
-سوريا
عادل2009-11-02 13:32:15
دور معروض للبيع
ممكن أعرف كم قيمة الدور لمن أراد بيع دوره قبل اكتمال البناء؟ الشقة 85 متر والمرحلة 12 سنة منذ 2003.
-سوريا
بشار صالحي2009-11-02 10:30:08
مشروع ممتاز
الاخوة الاعزاء ان الكثير من الهجوم على المشروع فيه الكثير من الظلم فوجود بعض الاخطاء الصغيرة لاتفقد المشروع اهميته فانا احد المستفيدين من المشروع بدمشق و المنزل بشكل عام مقبول جدا جدا حتى الكسوة اكثر من معقولة واقول للذين يقولون بوجود واسطة و تمييز بانهم على خطأ كبير
-الإمارات
الرجاء السماح ببيع البيوت لقطع الطريق على السماسرة2009-11-02 08:07:39
فلتأخذ المؤسسة 200 الف من الذي يريد بيعه
يقومون ببيع البيوت بشكل وهمي - يعني يوقعون عقد بدفع مبلغ كبير في حال عدم نقل الملكية بعد 15 سنة نهاية دفع الاقساط
سوريا
الـطـيـر الـمهـا جـــر2009-11-02 05:45:00
الـى الـشــا مــيه الـمقـيـمـــه فــي الامــــا را
- اسمعي مني لا تكتتبي وانسي لموضوع والله بتكرهي حالك اذا علقتي بالسكن... كلهم كذابين انا احد الشباب الكان عندي تجربه وبعد عذاب انسحبت... كلهم كذابين وكلهم شافوا في السكن فرصه للسلبطه والشفط هيده هية فرصتهم بالشفط الله وكيلكم يا ناس والله لاتوجد رقابه على عملية البناء من الاسمنت بحطواالقليل الفليل شغل هات ايدك والحقني ,ولكم التوفيق.
-سوريا
حلبي ولي الفخر2009-11-01 23:17:48
الى صاحب التعليق ( من الشام )
حبيبي ممكن تقول مين مابدك بيشتغل بالشام الا الحلبية لان اول شي الحلبية عندهن نفس المشكلة تبع الشام ثانيا حلب الشغل فيها افضل من الشام بمسافات طبعا وفيها فلوس اكتر من شامك والحلبية بعمرهن مانزلو اشتغلو بالشام بتعرف ليش لانهن حلبية وحلب خيراتها عامة سوريا كلها ومعروفين الحلبية بالغنى والبطر كمان اذا بدك وادروش واحد حلبي فيو يشتغل بحلب شو مابدو ولا بيعجبو الشام وتعتير الشام خليلي عينك انتبه منيح واحكي واقع وبالنسة للموظفين يعني حسب التعيين يعني مو بكيفهن حبيبي
-سوريا
من الشام2009-11-01 21:18:52
السكن الشبابي لاهل الشام
على اساس السكن الشبابي لاهل الشام ويلي نفوسو من الشام بس لما اكتتبوا مافي حدا من اهل الشام طلعلو يسجل وكل يلي سجل جاي من برات الشام يعني بالعامي الشام فيها كم شامي وانا بعرف كتير معي موظفيني شي من حمص وحلب ومن اللادئية وبالعامي يلي معو واسطة كلهممسجلين وانا من الشام ماصحلي سجل سيدي مافي شي بينبكا عليه
-سوريا
حسن2009-11-01 20:34:49
إحذروا الوباء القادم
ياوزارة البيئه أنقذونا من الرماد المسرطن الذي يبثونه من على جبل معربا كل يوم نتيجة حرق القمامة اليومي لقد ذهبت ورأيت جريمة يرتكبونها بحق أهالي مدينة دمشق متى ستتحرك السطات عندما يقع الفاس بالراس !!!!!!!!!!!!!!!!!!!!1؟
سوريا
-2009-11-01 19:01:18
-
لك على قولة المتل ....شحاد و مشارط، و اللي معه بيرش عالمخلوطة و فهمكم كفاية شعب نقاق
-سوريا
نـاجـي بــق الـبـحـصـة2009-11-01 17:18:32
طلاقنا مع سيريانيوز واقع منتظر
بعد انقطاع طويل عنكم, بسبب التزامكم معاداة كل فكرة إيجابية إصلاحية وعدم نشرها, لاشتباهكم المستمر السلبي بكل ما يعرض من نقد بناء, وتفضيل كل ما هو عادي وسطحي وخفيف بلا لون أو طعم. حاولت العودة هذا الصباح بتعليق جيد صحيح وتساؤل منطقي تحليلي عن غياب السلطة كليا في مراقبة من يقوم عمدا وبهتانا باستغلال المواطنين العاديين. وتأملت أن تنشر كلمتي واقتراحي. ولكن مع الأسف الشديد عاداتكم الطبيعية القديمة بالرقابة والحذف لم تتغير. ولن تتغير. لهذا أعود إلى حقي بالانسحاب من القراءة والتعليق.آسفا.
سوريا
تحسين2009-11-01 16:41:44
محلولة
حسب ما سمعت ان المتعهدين درجة ممتازة والموقع المختار احلى من المهاجرين في دمشق والتنفيذ رائع والدولة غير مقصرة في متابعة العمل والكسوة الداخلية مناسبة ومتناسبة مع الشروط العقديةوالقسط الشهري ممتاز والمواصلات مؤمنة ... ماذا تريدون بيت ببلاش
-سوريا
sally.e2009-11-01 16:25:03
مهزلة
صراحة الوضع مهزلة بكل ما تحوي الكلمة من معنى .... الله يعين هل الشعب شو بدو يتحمل ليتحمل
سوريا
حسن حسون2009-11-01 14:00:12
بتمنى
والله انا بتمنى انو صاحب فكرة السكن الشبابي او بس يعمل مشوار على المنطقه ويشوف نوع هالابنيه يلي عم بتمبنى ويشوف هالاكساء يلي بلاه بيكون احسن وبيوفر على صاحب البيت عناء ازالتو وتركيب غيرو وياريت تتحقق امنيتي ويتحاسبو هالمقاولين والمشرفين والمهندسين يلي عم يستلمو البيوت بس بيشرط يطلع بشكل مفاجئ
سوريا
ابو عادل المزاوي2009-11-01 13:54:25
ناطر الفرج 2
شكراُ لسيريا نيوز لفتح هذا الملف الهام الذي هو ألم جميع الشباب الذين ينتظرون السكن بفارغ الصبر بعد الوعود للزوجات والخطيبات التين ينتظرن الزواج في بيت المستقبل والذين يسكنون في الأجار نرجو المصداقية والسرعة بالتسليم لان الموضوع لا يتحمل التأخير وكافيه لنا التأخير سنتين وزيادة الأسعار من 650ألف للفئة أ ال حوالي المليون و300 ألف أي الضعف ومع ذالك ردائة بالأكساء وتاخير بالتسليم الله يجيرنا أحسن شي والصبر مفتاح الفرج الله يصبرنا قولو أمين
-سوريا
ابو عادل المزاوي2009-11-01 13:49:00
ناطر الفرج من الله
يا جماعة أنا مسجل بالسكن الشبابي من 2002 وبلش الدفع ب2003 لمدة خمس سنوات مع العلم أن المؤسسة عليها دفع غرامة تأخير عن كل يوم تتأخر فية بالتسليم أي يجب التسليم ينهاية 2008 والأمر الثاني ما ذنب المواطن بأرتفاع الأسعار فكان سعر البيت منذ 6سنوات أقل بكثير من ألان والي متى يتحمل المواطن تاخير المؤسسة بينما هي لا تتحمل التأخير بالدفع يجب النظر بموضوعية ووضع حد لهذة المهزلة وبالنسبة للكسوة فالمواطن يدفع ثمن كل شيئ تم وضعة في البيت فهل من المعقول أنة لا يوجد لجنة لاستلام البيوت من المتعهد
-سوريا
أب سميرة2009-11-01 13:19:58
شو حبيبي؟
"عند بداية الاكتتاب لا يكون هناك تخمين للمنازل وبعد استلامها تجتمع لجنة التخمين المالي لتقوم بتقدير ثمن المنازل وتقسيطها على دفعات ما يؤدي إلى ارتفاع القسط الشهري للسكن"!! مالي فهمان ليش ما يكون السعر محدد مسبقاً؟ أما هي سمعة! يعني على الأقل حتى لو ما بدكون تحددو السعر مسبقاً لأنو أسعار المواد بتتغير قولو للمكتتب هلقد تكلفنا وهي مربحنا (إذا في مربح), يعني بدال هالحركات لو الدولة نظمت وشجعت على الاستثمار بمجال البناء ما كان أحسن؟! الله أكبر رح موت ولسا نفس المشاكل بهالبلد
-سوريا
نـاجـي بــق الـبـحـصـة2009-11-01 13:03:46
تساؤل مشروع : أيـن الـسـلـطـة؟
أين سلطة القانون؟ ماذا أصاب بلدنا؟ هل نحن دولة متحضرة حديثة تطبق فيها القوانين بجدية ووضوح. أم هناك فئات تسرح وتمرح وتحتال وتسرق وتنهب, بلا أي رادع ودون خشية القوانين العادلة التي تطبق في جميع دول العالم المتحضرة. عندما أقـرأ هذا النوع من الأنباء, أتساءل لماذا لا تتدخل السلطة المسؤولة على معاقبة المسؤولين عن هذه الاحتيالات الفاجرة الواضحة وتصادر أموالهم المنقولة وغير المنقولة وتعوض المتضررين...لماذا؟ ألف ألف مرة لماذا. أين السلطة؟
سوريا
ماهر2009-11-01 12:49:51
السكن الشابي
متل ما تفضلتو أحسن تسمية للبيوت الشبابية هو بديل للسكن العشوائي الشعبي.
-سوريا
شامية2009-11-01 12:41:12
كيف بدي اكتتب
كيف بدي اكتتب ولا راحت علي انا مقيمة بلامارات وعمري 22
سوريا
سوووري2009-11-01 12:37:15
الحقيقة ومن واقع التجربة
الحقيقة ومن واقع التجربة نقول أن سمعة الجمعيات السكنية الخاصة في الحضيض والقوانين لا تحمي المواطن من الوقوع ضحية عملية نصب بيوت وهمية، أما جمعيات للقطاع العام السكنية فالرغم من كثرة ا جمعيات الدولة السكنية والتابعة لوزاراتها ولمؤسسة الاسكان و للنقابات ولمؤسسات القطاع العام الأخرى فإن سمعتها سيئة جدا، فهي لم تقم بتسليم أي مشروع على الإطلاق بدون تأخير 20 أو 30 سنة فما الذي استجد في السكن العجائزي حتى يقوموا بتسليم البيوت في الاوقات المحددة لها؟ خصوصا بلا محاسبة المقصرين؟؟؟
-سوريا
منزعج2009-11-01 12:11:10
شي فاشل
شي فاشل.. انا سجلت على سكن شباب منذ حوالي ثلاثة سنوات على اساس انه سيتم التسليم بعد خمس سنوات لكن لحد الان لم يضع المسؤولن عن هذا المشروع حجرا على حجر
-سوريا
مكتتب حزين2009-11-01 12:59:33
اقتراح حل نهائي للمشكلة
ان سبب التأخير يعود الى رغبة عارمة لدى المؤسسة بتسليم المساكن مكسية من الداخل بشكل كامل و هذا غير مبرر ان تجبر جميع المكتتبين على ذلك فلنترك الخيار لهم بل يمكن اجراء استفتاء على الاكساء الدخلي. فان قامت المؤسسة باجراء الخدمات الخارجية كما تفعل الجمعيات السكنية و تترك الاكساء خيار لاصحاب الشقق و هذا سيكون له تأثير كبير على المكتتبين و المدة و الاقتصاد الوطني و اليد العاملة حيث سيقوم السكان بالتعامل مع عدد كبير من الورشات و شراء المواد من مصادر متنوعة و هذا حل شامل
-سوريا
محمود2009-11-01 12:46:42
نريد حلا
نحن سكان الشبابي نطالب بباص نقل داخلي خاص بنا لايمر عبر الضاحيو او قدسيا وانما يذهب الى السومرية من طريق الصبورة وكفانا ضياع وقت في مكاري الضاحية التي تلف فينا الضاحية والهامة و قدسيا ودمر البلد و الربوة الى ساحة الامويين لتقطع 20 كيلومتر خلال ساعة ونصف
-سوريا
مراقب2009-11-01 12:43:39
خديعة الشبابي
المؤسسة قالت وقت سجلنا ثمن البيت 490 الف تدفع 10 % وتقسط الباقي وقت الاستلام عام 2008 قالو ثمن البيت مليون ومية الف ان اردت التقسيط تدفع 700 الف زيادة وهذا ماحصل واتصلنا وقتها بسيريانيوز زاتى صحفي ونشر الارقام والمؤسسة تعللت بارتفاع اسعار البناء مع ان ابنيتنا بنيت قبل ارتفاع الاسعار ولم نستفد شيئ والان تقرير سخيف عن الايجار ب3 و 7 و99 سنة هذه ليست القضية ابدا وانما هذه دسيسة مكاتب عقارية في الضاحية رخصت قيمة البيوت والايجارات عندهم في الضاحية لوجود السكن الشبابي و يسعون لاصدار قرار منع التاجير
-سوريا
مراقب2009-11-01 12:35:16
سخافة التقارير
الزبالة و بعد المكروباصات و عدم انارة الشوارع وعدم اكتمال التزفيت وبقاء ابنية غير منجزة وعدم وجود اي اسواق او اكشاك او محلات هي مشكلتنا في الشبابي اما الايجار والبيع فهذه ليست مشكلتنا و قبل رمضان تم تخصيص الف بيت والاسبوع القادم الف بيت وبنهاية السنة الف وخمسمائة بيت ومعظمها 80 متر وليست كما كتب الصحفي ان 5 سنوات هي ج """"""" ياريت الصحفي ناقش ليش بدنا ساعة لنوصل على المزة مع انها خلفنا تماما 6 كيلو متر بيننا وبين المزة ولايوجد طريق وانما دويخة
-سوريا
عبد الله2009-11-01 12:06:27
معتر
شكرا إلكن ياsyria newsلأنو تذكرتوا تحكوا عن هيك موضوع هام بس العتب عليكن إنو ماغطيتوا الموضوع منيح أديش عدد المكتتبين وأديش عدد اللي استلموا منن بعدين خليكون واقعين شوي يعني اللي معو 30000ل س فيو يشتري بيت ولا الأسعار رح تم ثابتة 10سنين ولا 12 سنة بعدين رح يسلموا 1200 شقة بالشهر العاشر وشهر كانون أول بس ماحكيتوا أنو سنة ولا شو مصيير البيوت تبع ال12 سنة إذا لهلأ مااشتروا ارض وماحدا بيعرف وين عيش يا......... الله يصلحنا على هالغلطة
-سوريا
HaNoDy2009-11-01 11:45:28
خطييير
رح خبركن شي , طبعا الخبر للي ما بيعرفو , أنا بأكدلكن انو مو بس هدا المشروع في غيرو كتير وكالعادة شغل بيقرف وبناء من قفا ايدهن وان الجاج احسن
سوريا
كنان2009-11-01 11:33:16
أحد مستلمي البيوت
استلمنا المنزل وهو جيد نسبيا ولكن هناك ملاحظة الحمام لم يركب فيه بياضات ولكن وضعو لنا آظان نوع رديء، السعر نعم اختلف صار السعر بيتوقف على هوا البناء والطابق والمساحة الفعلية وبالنسبة الي صارت الكلفة مع فوائد مليون وثلاثمائة وثمانون ألف، وطبعا هاد مخفف لأني اخترت قسط عالي 7000 بالشهر أما لو 5000 بيزيد حوالي 180000 التنظيم جيد والخدمات متوفرة المواصلات قليلة لقلة السكان حاليا
-سوريا
ماهر2009-11-01 11:31:18
878وحدة سكنية
يرجى الإيضاح بالنسبة لــ878 وحدة سكنية في أي عام يتم تسليمها وأيضا ماذا عن السبع سنوات وعن العشر سنوات ..وأين مكان توضعهم ( هل صحيح المكان هو يعفور بدلا من ضاحية قدسيا) وشكرا لسيريا نيوز
سوريا
Bahaa2009-11-01 11:19:57
شو هالدقة
بالنسبة لسكن الكهول أن دفعة القسط يجب أن تتراوح حول القسط المخمن لا أن يصبح ضعفين ونصف ثم ما هو المبرر لرداءة الإكساء غير انتقاص المخصصات وضعف نفوس لجان الاستلام ... رجاء الحقوا يلي فيكن تلحقوه قبل أن تطالكم يد القانون
-سوريا
مواطن صابر2009-11-01 11:20:37
مشروع الادخار
وماذا عن مشروع الادخار في مشروع توسع دمر الجزيرة رقم 24 سجلنا في عام 2001 ووعدونا بتسليم المساكن بعد خمس سنوات وها هي السنوات الخمس انقضت وتبعها اربع أخرى, أنا اتمنى فقط ومهما تأخر تسليم المساكن أن يفصحو وبصدق عن الزمن المتوقع الحقيقي لتسليم هذه المساكن حتى يتسنى لي معرفة كم سنة أخرى سأظل اسكن في بيت مستأجر علما انني مستأجر منذ اربع سنين.
سوريا
شامي سوري عربي في قطر2009-11-01 11:15:49
موبايلين
\"أن المكتتب لا يحق تقديم طلب اكتتاب في حال كان لديه أملاك تتجاوز الثلاثين ألف ليرة بأية محافظة لذا يسقط حقه بالحصول على سكن\". يعني يللي عندو موبايلين ما بيحئللو يكتتب ؟ شيه راحت علينا
-قطر
مستلم2009-11-01 11:07:02
جواب
نعم
-سوريا
أبو عبدو2009-11-01 10:52:25
هناك خطأ في المقال
"يقسم مشروع السكن الشبابي إلى عدة مراحل ، منازل يجب تسليمها بعد خمس سنوات من الاكتتاب لبيوت مساحتها 65 متر(فئة ج)، والمرحلة الثانية تسلم البيوت فيها بعد 7 سنوات لمنازل مساحتها 75 متر(فئة ب)، أما المرحلة الثالثة يتم تسليم منازلها بعد عشر سنوات من الاكتتاب وتبلغ مساحة البيوت 85 متر( فئة أ)". و الصحيح أن الفائزين بالقرعة لتسلم بيوتهم خلال خمس سنوات الأولى من المشروع قد سجلوا على بيوت من مساحات مختلفة تتضمن 65 و 75 و 85 متراً مربعاً، فاقتضى التنويه
-سوريا
.Mr2009-11-01 10:40:43
الى الأخ حسام
طبعا اختلف السعر النهائي عن القيمة التقديرية
-سوريا
samer2009-11-01 10:14:23
السكن الشبابي
شكر كبير للسيدالرئيس على كل اهتمامه و خصوصا الشكن الشبابي الحقيقة كانت انو المساكن فكره حلوه بس الاسكان لما رفع الدفعه بعد الاستلام من 2000 لشي 5000 ليره الواحد صار يفكر كتير كيف بدو يدبر حالو فممكن يفكر ان يبقى ساكن عند اهله او يؤجل زواجه و يؤجر بيته ريثما يجد حلا لهذه الدفعه الكبير نسبيا
-سوريا
شجاع2009-11-01 10:15:13
لازم يكون أسمها جمعية النصب والإختلاس الشبابية ... يعني حرام يلي عم يعملو بهل عالم والله حرام أولو في يوم قيامة يا بشر؟؟؟
-سوريا
محمد2009-11-01 09:02:30
السكن الشبابي
فكرة المشروع ممتازة حيث كان الهدف هو مساعدة الشباب على امتلاك البيت المناسب لتكوين الأسرة وبشروط ميسرة جداً. ولكن التنفيذ كالعادة لايلبي الطموحات. مثلاً قمنا بالاكتتاب دون أن يوضح لنا أحد شكل تصميم الشقق أو موقعها أو الخدمات في المنطقة إلخخخ. وفي كل مرة هنالك أخبار جديدة وآخرها أنه إذا دفعت دفعات كبيرة في الأقساط فقد تستلم شقتك بشكل اسرع!!! وبالنسبة لتقرير سيريا نيوز فشكراً ولكنه لم يجب على كثير من التساؤلات.
-سوريا
مثقفون2009-11-01 09:18:54
وعود أم عهود
"ومتبقي 2200 تقريباً لإنهاء مرحلة الخمس سنوات ، وفي الشهر العاشر لدينا 1200 وحدة سكنية لتخصيصها وفي شهر كانون الأول سيخصص 878 وحدة سكنية وبذلك نكون قد أنهينا العدد المطلوب ". نطلب من المسؤولين عن حاجة المواطن ان يفوا بوعودهم و كفى تلاعبا فهم ايضا مواطنين في النهاية و اكيد لديهم مصالح لدى جهات اخرى و سيتم التلاعب بهم مما ورد 1200 وحدة في شهر 10 أي سنة؟؟ لانه انتهى شهر 10 و لم يتم شيئ و الاحلى انه سيتم تخصيص و ليس تسليم الوحدات. اذا المرحلة الاولى مضى 7 سنوات و لم تسلم فما حال الدفعة الاخيرة
-سوريا
مواطن2009-11-01 08:09:44
حسبنا الله ونعم الوكيل
السيد سيروان المحترم لا نريد ان تكون الكسوة ديلوكس ولكن أيكون هناك كسوة وليس ما يسمى بكسوة يعني لو تم تصوير أي بناء من الابنية لظننت ان عمرة شي 20 سنه ولو دخلت اي بيت لوجدت العجب باب البيت كله شقوق الأنترفون منظر لو رفعت السماعة بيهر تمديدات صحية وهمية فقط حنفيات مركبة بالحائط مشاكل كبيرة بتمديدات الكهرباء الرجاء الرجاء من الإخوة المحررين الذهاب لأحد الأبنية مع السيد سيروان وتصوير المآسي لأن الأخ السيروان يتحدث عن شيء آخر غير مشروع السكن الشبابي ناهيك عن الأسعار وزيادتها والأمور الأ
-سوريا
مواطن2009-11-01 07:47:07
التعاون السكني والشبابي مدارس للفساد
المساكن الشعبية والتعاونية في دول العالم لايجوز بيعها , وللمشترك فقط حق الانتفاع , والملكية تبقى للدولة , ويدفع المستحق مبلغا رمزيا كايجار , لماذا لاتستفيد الدولة من تجارب الاخرين ؟ ارجو من وزير الادارة المحلية ووزير الاسكان الاتصال بالاتحادات التعاونية للسكن في المانيا والنمسا ( ام التعاونيات ) للاستفادة من خبراتهم في هذا المجال , فالغاية من هذه المشاريع قد انحرفت عن طريقها واصبحت هذه المشاريع في سوريا مدرسة للفساد, فهل من يسمع ؟
-سوريا
الـطـيـر الـمهـا جـــر2009-11-01 06:26:47
النهب والسلب باي وسيله
عيب عيب وين الرقابه والتفتيش وين الضمير كله بدو ياكل .. الله يعين الشعب السوري الشعب الجوعان اذا الكبار جوعانين شو العتب على الصغاررر لهيك انا مسافر مغترب اريح من الزل والنهب بالبلد:
-سوريا
حسام2009-11-01 04:56:11
هل السعر ثابت
سؤال يرجى الاجابة عليه ممن استلموا: هل السعر النهائي للشقة معروف ومحدد , أم أنه قد اختلف عن القيمة التقديرية الاولية
-سوريا