2018-04-27 10:45:37
ظروف الحرب تمنعنا من الزواج

تردي الأوضاع الاقتصادية هي نتيجة تلقائية للحروب، وأكثر الناس تضرراً منها هم الطبقة الوسطى.


وارسلت لنا فتاة "ر.س" رسالة تقول فيها: " قبل عام ونصف تقدم إلى خطبتي شاب خلوق، متعلم، ومجتهد يعمل في نجارة الموبيليا، وكان لديه ورشة في إحدى الأرياف التي شهدت عمليات عسكرية، ولم يعد يستطيع الوصول إلى عمله مما أدى إلى تدهور أوضاعه المادية بشكل كبير".

وتكمل صاحبة الرسالة "هذا الأمر لم يجعله يستسلم وعاد ليبدأ من الصفر بعد أن خسر كل شيء، ولكي تتعقد الأمور أكثر تم طلبه لأداء الخدمة العسكرية الاحتياطية في منطقة حدودية، مما أدى إلى تأخير موعد زواجنا إلى أجل غير مسمى".

فماذا أفعل.. هل انتظره لكي يعود من الخدمة العسكرية، أم افسخ هذه الخطوبة مع العلم أني أحبه؟


حلبي مغترب 2018-05-08 05:03:40
3 خيارات
عندك 3 خيارات اما انك تاخدي حسبك الله وتنتظري وعلى الاغلب هو مارح يرجع لانه روحته من النوع اللي ما بكون فيا رجعة على الاغلب والخيار التاني ان تشوفي وين موجود وتخاطري بحياتك وتروحي لعنده وتتزوجو وتنبسطلوكم كم يوم وعسى انه تكون حظكوظكم كويسة وتجيبو ولاد وتعملو عيلة والخيار التالت وهو الافضل برأيي انك تلاقي وبسرعة شي واحد غيرو وتلحقي حالك وتتزوجي عشان ما تعنسي متلك متل حال اغلب السوريات هلق ، اصلا ليش باقي شباب بالبلد حتى تتزوجون يا حسرتي عليكن ما بقيلكم ضهر تسندو عليه
-جنوب إفريقيا
باسل الأصلي 2018-05-02 00:24:19
إلى صاحبة السؤال
بعيدا عن الرومانسية و قصص الحب... الموضوع بيعتمد على عمرك انتي اولا...اذا عمرك بيسمح لك تستني 3-4 سنين كمان...ممكن...تانيا بيعتمد كم عريس ممكن يجي بداله....أخيرا بيعتمد عليه انه بعد ما يرجع ما يكون تغيرت اولوياته (و هاد من حقه) و يكون صبرك طلع على فاشوش...انتي هلق بتحبيه لانه الشخص الوحيد بحياتك و ممكن تحبي عيره لا تخافي على حالك....أهم شي تقرري بسرعة و تبلغيه قرارك ...و اذا قررتي تبقي معه ساليه هو اذا بده يضل معك...بيجوز على الظروف اللي مرت عليه من وقت تعرف عليكي يصير يتشاءم منك..لا تزعلي مني..
-سوريا
رجاء كاترينا 2018-05-01 13:58:54
مالبورن استراليا
هادا زواج والزواج معناه أني أتقبل ظروف الشريك المنيحة والردية ومافي شي مضمون كل شي بيتغير ومافي شي ثابت غير التغيي . المهم تكون نيتكم صافية تجاه بعضكم وتشاركوا حياة بعض على الحلوة والمرة . تزوجوا على القليل وعيشي قريب من ماهو عايش واشعري بيلي عمايمر فيه مازال بتحبيه . الحب بيغطي عيوب كتيرة وبيغطي بنفس الوقت ظروف صعبة بعدها بتعرفوا طعم السعادة وقت بتصلوا سوا لأنكم بتكونوا فخورين بنفسكم إنكم تغلبتوا سوى على الظروف الصعبة . الحياة صعبة ويلي بدو يصل وهدفه حياة كريمة مابيهم سهل وصعب .
أستراليا
zahi ahmad 2018-04-29 10:04:42
الإنفصال أفضل
لا ينصح أن تستمر الخطبةفترة طويلة فالحياة يعتريها متغيرات عديدة، و مغريات كثيرة، فأن تتحول فتاة الى وقف لشاب محدد بعينه الى مدة من الزمن لا يعلم الا الله مدتها فهذا ظلم كبير للفتاة و أيضا للشاب لذلك إتفقوا على الإنفصال فإنه الحل الأفضل لمن هو في وضع خطيبك ألحالي
سوريا
كاتب عدل 2018-04-29 04:37:54
اتركية
لا أعرف ماهو مفهومك عن الحياة الزوجية الرجل له ظروفة الخاصة وكما شرحتها والحياة الزوجية هي شراكة كاملة بين شخصين .. وأنت تريدي كل شيئ جاهز اتركة افضل لك وله
-سوريا
واحد قرفان 2018-04-28 11:34:38
لعما شو اصيلة
يعني لي بيسمعك بفكر مليان شباب على باب بيتك .وبصراحة اكتر انتي ما بتستاهلي ع اول ديقة فكرتي تتركي مجرد ما فكرتي فصدقيني بين اصلك
-سوريا
هبة 2018-04-28 07:52:35
اذا تركتي بترتاحي
سألك حالك هل السؤال ؟؟؟؟ اذا تركتي بترتاحي؟؟ يمكن يكون اسؤ، ميشان هيك اصبري عليه.
-سوريا
copy rights © syria-news 2010