2018-03-11 06:33:31
بعدما أفلست.. زوجتي وأولادي ابتعدوا عني

الدنيا عسر ويسر، وكثيراً ما تتغير أحوال الناس وخصوصاً في ظل الحرب، منهم من كان يصنف بين الاثرياء وأصبح اليوم مفلساً، ومنهم من كان محدود لدخل وتاجر في هذه الأزمة ليصبح غنياً.


وأرسل لنا السيد "سالم" رسالة يقول فيها: "لقد كنت فيما مضى ميسور الحال، لدي معمل وعدد من المتاجر، لكن كلها دمرت ونهبت في هذه الحرب".

ويضيف صاحب الرسالة : تعودت عائلتي على مستوى معيشي معين، وبعدما أعلنت إفلاسي بدأت زوجتي وأولادي

بالشكوى وعدم تقبلهم أن نعيش بحالة مادية أقل مما كنا عليه، وبدأوا يبتعدون عني، هذا ما يضيف إلى الضغوط المادية المترتبة على عاتقي ضغوط نفسية في منزلي لم أعد اتحملها.. فماذا أفعل حيال ذلك، أنصحوني


فوج اطفاء النسوان الزعران 2018-04-10 05:51:10
اسعاف يلي عألاتا خفاف
اذا بدك الدغري يا اسعاف طلعتي هبلا وما بتستاهلي الواحد يضوع وقتو بالنقاش معك لانو الواحد بيحاكيكي من الشرق بتحاكيه من الغرب وهذه مشكلة كبيرة للرجال الذين يعيشون مع هذا النوع من النساء
-سوريا
بنت من سوريا 2018-04-09 20:28:52
لكل فعل رد فعل
لما الرجل بيتزوج وحدة ما بيعرفا بس منشان تنضفلو بيتو وتجبلو ولاد والزوجة بتقبل فيه بس لانو هاد للي رح يدفع مهرا ويصرف عليا وقتا الزواج بيكون صفقة ولما حدا من الطرفين ما بيحصل عاللي بدو ياه حقو ينسحب. لو كنت شب كنت بستفيد من هالمشكلة ومن التعليقات اني ما اتزوج بنت بتقبل فيني بس حتى اصرف عليا وكنت بدور عانسانة مستقلة وما بحاجة مين يصرف عليا وتحبني متل ما انا مو عمصرياتي.. محلك بحاول حب مرتي وحكيا حكي حلو وشجعا تشتغل واذا ما عجبا هالشي وطالبتني اني اسرق منشان رفاهيتا وقتا بنفصل عنا
-سوريا
اسعاف المنجدة 2018-04-04 09:19:45
رد عليك يرتد
يلي مسمي حالك فوج من ردك مبين عليك انت المشراني وانت يلي ولاه مو انا وليه ردك مثلك قبيح وانت مثل كل رجال مابيخاف الله وانت يلي اسمك عزيز انا مو شغلت الزمور بدون مااخد العنوان انت وشاكلتك مالكن اصل ولاعنوان اصلا لك مو شاطرين غير تتهجموا على الضعيف وتتجبروا على مكسورات الجناح لك بالفعل لايكرمهن الا كل كريم ولايغلبهن الا كل لئيم
سوريا
حلبي مغترب 2018-03-26 05:36:54
3 حلول
هلق عندك 3 خيارات اما انك تشوف عيلتلك وتحاول تقنعهم انه الحياة فيها العسر واليسر وانه كلشي بيتعوض اهم شي انه النستن يضل بصحته وما يخسر ضميره والتاني انك تدبر شي واسطة وتتوظف بمكان فيه هبر كتير وتعوض خسارتك والتالت انك تنساهم وتتجوز وحدة جديدة
-كوريا الشمالية
عزيز اللزيز 2018-03-26 01:01:00
بعدولا لاسعاف
متل النسوان تمام...تركتي المشكلة و لحقتي كلام الناس بالتعليقات...و ما في داعي أكتب أكتر من هيك...يا ريت نصحتي الزلمة شي نصيحة او سألتي شي سؤال مفيد... شغلني زمور الإسعاف و مشيتي بدون ما تاخدي العنوان
-سوريا
فوج اطفاء النسوان الزعران 2018-03-25 16:38:05
ليلي مسمية حالها اسعاف
ليكي وليه اسعاف كلامك سليم اذا كنتي صادقة بس من لهجة كلامك مبينة وحدة مشرانية اذا عاملتي زوجك متل ماعم تحكي فالمفروض يحترمك ويخلصلك ويحبك بس اخونا يلي عم يعرض المشكلة ما شاف الا كل شي قبيح من مرتو مع انه عاملها معاملة طيبة فبدلا من انك تتهجمي عالرجال روحي تهجمي على هالنوع العاطل من النسوان
-سوريا
فادي ابو رضوان 2018-03-25 06:33:40
المشكلة حلها لسيط
اساس مشاكلنا في كل العائلات هو مايلي البنت بس تتزوج عم تدخل لسجن مع الاشغال الشاقة والزوج هو السجان ممنوع تفوت ممنوع تطلع ممنوع تتعلم غسل وجلي وطبخ ونفخ وغلاظة بيت احمى وحماية متسلطة وزوج همه بطنه وقلة مصروف واولاد وجحيم لايطاق والزوج لابيساعدها ولابيحب اهلها وكثير من الاحيان بخيل لك منين مابدها تعمل الزوجة العمايل وفوقها احيانا زوج سكير وعقل حيوان وبيحشش وبيسب وبيضرب لك كيف بدها تبنى عيلة لك عطيها لزوجتك حريتها وساعدها وحبها وحب اهلها ساعتها شوف كيف بتلاقيها الزوجة المخلصة والبيت جنة
سوريا
وائل 2018-03-25 04:34:20
ست الستات
لك و الله احلى ست الستات بس اليلي مين يلي زاعزك .. لجبلك خبرو و الي ما بيحب النسوان الله يبعتلو حما
-سوريا
اسعاف المنجدة 2018-03-24 11:31:49
سمع هوص الكل يبعد بدي نتف بسناني هل المفتري اللص
شوف انت وياه وياه يلي بيحكي علينا لحنا البنات امه ماجابته وانا اسعاف ست الستات كل واحد عامل حاله شريف منير ومو شاطر غير بالطبل والتزمير روح شوف مين المقصر بتلاقي الرجال هو المفتري وهو معتر زوجته من الهم والغم والتقصير لحنا الخير ولحنا البركة عطينا القليل وخود الكتير بتعطينا شوية خضرة بنعطيك احلى طبخة بتعطينا نطفة بنعطيك احلى ولد بتعطينا محبة بنعطيك سعادة بس اذا رميتنا ببحصة بنرميك بصخرة تفعسك
سوريا
الجريح المستريح 2018-03-24 11:22:08
كل شيئن انكشفن وبان
اباه اماه تيتاه واواه هذا اخر ماتفوهت به بعد خروجي. من غرفة العمليات من الجلطة يلي جابتها لي المقصوفة مرتي .. كنت كل يوم عامل نفسي ليها مداس وانفذ طلباتها بكل احساس وامرها نافذ ان رضيوا او غضبواالناس لك بعت كل مااملك كرمال بنت الناس لكن لكن لكن تووووووووت .... ياخسارة وقف جهاز نبضات القلب ياناس اترحموا على المرحوم الدفن بالدحداح وصالة العرس لزوجها الجديد بالمزة هي الحياة ياحبيب القلب الزوجة يعني الفلجة
سوريا
كمال سعد 2018-03-24 07:37:56
يابناتنا انتبهوا العائلة اجمل شيء في الحياة
البنت عم تشوف حياة الغرب والسهر والتفلت عم تركض وراء سراب عم تجرب اكثر من تجربة وتسعى للاستقلال بنفسها وتسعى وراء السراب وان نزوجت تدمر عائلتها بالمشاكل والجري وراء السراب والسهر والتفلت لكن في النهاية ستصل لطريق مسدود ولاتوجد سعادة في نهاية هذا الطريق لكن ستكون خسرت نفسها وزوجها واولادها نصيحتي لبناتنا احبي زوجك واخلصي لعائلتك وحافظي على نفسك السهر والتفلت جحيم مدمر اجعلي لك زوج محب ابعديه عن تدخل امك بحياته احبيه وكوني متواضعة له اما انت يارجل عليك المسؤولية كلها ان تكون اب وزوج صالح ومخلص
سوريا
المساعد هشام 2018-03-22 09:14:56
انا خبير مشاكل اسئلني
محسوبك مصاب بالجلطة من النسوان مئة مرة اخر مرة قاموا لي العمود الفقري وركبوا لي جريدة قال الجريدة يتسندك وقت الجلطة من مرتك بتطلعها وبتقراها وبتنسى همك .. ايه اخي قلت لي تركوك مهيك حابب ألك انت الأن اسعد انسان في الكرة الارضية لامرا تنق ولاولد يسق عليك ببودرة طناش يعني طنش تعش تنتعش الله وكيلك تربينا غلط ماقالوا لنا انه الزواج تبعنا مثل زواج العقارب بعد فترة حب وتفاهم وبس العقرب يتزاوج مع العقربة اوم العقربة بتاكلوا للعقرب وهيك لحنا بحبك بالاول وباكلك بالاخر الرجل حاليا بس للانجاب
سوريا
طلق حبيبي ودور غيرها 2018-03-17 16:58:03
تذكر قول النبي محمد
موقفك يوكد قول الحديث: قَالَ رسول الله ( صلى الله عليه وسلم ) : أُرِيتُ النَّارَ فَرَأَيْتَ أَكْثَرُ أَهْلِهَا النِّسَاءُ ، يَكْفُرْنَ - ، قِيلَ : أَيَكْفُرْنَ بِاللَّهِ ؟ قَالَ : يَكْفُرْنَ الْعَشِيرَ ، وَيَكْفُرْنَ الإحْسَانَ ، لَوْ أَحْسَنْتَ إِلَى إِحْدَاهُنَّ الدَّهْر ، َ ثُمَّ رَأَتْ مِنْكَ شَيْئًا ، قَالَتْ : مَا رَأَيْتُ مِنْكَ خَيْرًا قَطُّ - . ( رواه البخاري )
-الولايات المتحدة
فادي العجلوني 2018-03-17 01:33:20
مشان الله يانساء ارحمونا
قصتي مثل قصتك تركتني مرتي وتركوني اولادي .... لما كان الخير حطوني على الأسكي وشربوني ماء ورد ولما ضاقت الحالة رفسوني من الباب وقالوا بالناقص قرد يعني بالمختصر المفيد في عملة بيركبولك الحطب على النملة مافي عملة بتاكلك القملة هي الحياة حبيبنا بزنس ايز بزنيس وكما قال الشاعر وي وي وي وي اسف اخي مات الشاعر من قهر مرته وطلبوا له الاسعاف ولك وي وي وي
سوريا
كاتب عدل 2018-03-16 06:53:38
انهض وعش حياتك
ياسيدي انهض وعش حياتك واترك كل شيئ خلفك أنا مررت بمثل وضعك مرتين اول مرة 16 سنه والمرة الثانيه 14 سنه الشهور الثلاث الاولى صعبه .. وحاول أن تتعلم من الماضي وعدم الوقوع بالغلط مرة اخرى الحياة جميلة وعيشها كما تحلو لك ....
-سوريا
سومر 2018-03-15 17:14:08
اغلب النساء
يا سيدي الكريم , الرجل بالنسبة للمرأة هو البقرة الحلّابة و مصدر المصاري و الحياة الرغيدة , بيشتغل متل الحمار مشان يأمن الها حياة رغيدة و هي بتبقى تحلب فيه , و ازا الزمن غدر و دار الدولاب و صار الرجل بوضع اقتصادي سيء بتبلش المرأة تنفش ريشاتها عليه, طبعاً هالكلام عن 90 بالمية من النساء . و باللغة الإنكليزية يوجد مصطلح اسمه كره النساء misogyny و لكن لا يوجد كره الرجال لأن المرأة بالأساس ترى الرجل صيدة.
-سوريا
ناصح 2018-03-15 06:25:39
رأي
يقول المثل : الصديق وقت الضيق ... فكيف بالزوجة ؟ التي من المفترض أن تكون كالسيف إلى جانب زوجها وخاصة في أوقات المحن ؟ وإن لم تفعل ذلك فهي من الناس ذوي المعادن الرخيصة التي لا أندم لحظة واحدة ( لو كنت مكانك )على رميها في المكان الذي يناسبها ( حاوية ال) الشرط الوحيد هو أن تكون رجلاَ قوياَ وتبحث عن كل الوسائل الممكنة كي تنهض من جديد على قدميك كي تحظى باحترام الناس وأولهم عائلتك وأما الخمول والكسل والانكسار فليست من شيم الرجال الذين يفرضون احترامهم على الاخرين
-سوريا
أحمد ديراني 2018-03-14 15:42:25
عادي
""المرا بتاكل و بتنكر مثل القطط "" الرجال الحمار هو هلي بصدق أنو المرا ممكن تصون العشرة أنا صار معي نفس الشي و مرتي صارت ترفس بدها مصاري و مابدها تصبر على الحال حتى يتحسن الوضع و صارت تدور على رجال تاني و لما لاقت واحد صارت تكرهني حياتي مشان طلقها و أنا كنت باقي على العشرة لكن هيك مرا ما بتستاهل الواحد يخليها على ذمته. طلقتها و ارتحت منها و من فجورها. و هلأ عايش لوحدي و عم ربي ولدين و إن شاء الله بلاقي وحدة منيحة و إلا حضل عايش بلا مرا أحسن و أستر!
-سوريا
إياد الشامي 2018-03-13 18:13:40
لا تحزن 2
و سافرت لأبني نفسي من جديد في بلاد الغربة. الأولاد لا فائدة منهم لأنهم متطبعين مثل أمهم لذلك فقدت الأمل فيهم. أنصحك بالطلاق و عوضك على الله و إبني نفسك من جديد و لا تثق بأي إمرأة بعد الآن!!
-سوريا
إياد الشامي 2018-03-13 18:04:32
لا تحزن 1
وضعك يذكرني بما حصل معي مع زوجتي السابقة .. نفس القصة قدمت لها كل شيء لمدة 12 سنة كاملة و حتى " لبن العصفور" كان يحضر لها و لما تأزمت الأحوال في البلد نتيجة الحرب أثر ذلك على تجارتي و هي التي عاهدتني أن تعيش معي على الحلوة و المرة لكن بدأت تتململ و تشتكي و بدأت تهينني و تشتمني و تنكر أنني قدمت لها كل شيء. صارت تنكر أنني طوال 12 سنة ماقصرت في حقها أبداً و صارت تطالبني أن أدبر نفسي و لو حتى بالسرقة. صدق من قال أن هؤلاء النسوة يأكلون و ينكرون .ماكان أمامي سوى الطلاق !!
-سوريا
باسل الأصلي 2018-03-12 02:57:52
إلى صاحب الرسالة
إذا كان الوضع كما وصفت فعلا..و أنهم تركوك أو عم يتمقطعوا فيك بعد أن تغير حالك...الأفضل تركهم و الابتعاد عنهم و عدم تلبية مصاريفهم...و اللي باقي من مواردك اصرفه على حالك و بس... أولادك الكبار اللي استطعت تدريسهم و تزويجهم اديت رسالتك معهم..اللي لسا بعمر الدراسة و التكوين و لسا بتقدر تقدم شي فقدمه...أما زوجتك اذا ما صبرت عليك فطلقها بأسرع وقت ممكن و أولادها الكبار بيصرفوا عليها مجبورين فيها...لا تظلم حالك كرمال أي شخص مهما كان...اذا ما كنت مكتفي فلن تستطيع أن تقدم أي شيء للذي أمامك..
-سوريا
رجاء كاترينا 2018-03-11 23:25:50
مالبورن استراليا
الوضع يلي عماتمر فيه البلد مو سهل أبدا خسرت كل شي مادي ، الله بيعوضك عن قريب أكيد. حاول توقف على اجريك بسرعة . وصلي وحاول تجذب عيلتك بجانبك بالحكي حتى يدعموك . فينا نعبر عن محبتنا بدون مصاري ونجذب الأشخاص بصفنا . انا واثقة انك انت قصة نجاح وراح بسرعة توقف مرة تانية وتعرف طبيعة مرتك وولادك لتقدر تجذبهم لصفك مثلا: ادعيهم لتصلوا سوى حتى تطلعوا من الأزمة يلي إنتوا فيها ، وأي حدث صغير وقت الله يسمع منكم ركزوا عليه بيكبر ، بدل التركيز على شو خسرنا . ركزوا نشكر الله لساتنا عايشين .
أستراليا
copy rights © syria-news 2010