2018-01-07 17:31:34
مغترب وأنوي الارتباط بفتاة من بلدي ولكني أتوجس من التعارف عن طريق وسائل التواصل الاجتماعي

معظم الشباب في بلدنا اضطر للهجرة والاغتراب هرباً من الحرب، وجزء كبير منهم يفضل الزواج بفتاة عربية، ولكن يفتقرون في كثير من الاحيان إلى الوسيلة التي تجمعهم بالفتاة المناسبة.


يقول صاحب الرسالة " انا شاب سوري مغترب في الصين منذ سبع سنوات، وأنوي الارتباط بفتاة من بلدي لكن لا استطيع السفر إلى سوريا بسبب بعض العوائق".  

ويضيف "بسبب قلة السوريين في البلد المقيم فيه حالياً، لا يوجد أمامي سوى وسائل التواصل الاجتماعي للتعرف على فتاة سورية، ولكن لا اقتنع بهذه الطريقة للتعارف ولا اعتبرها كافية لاتخاذ قرار صعب كالزواج.. فأرجو منكم مساعدتي من واقع تجاربكم وخبرتكم".


مغترب حلبي 2018-02-24 11:36:37
3 حلول
هلق عندك 3 حلول الاول انك تتعرف على بنت حلال من الانترنيت واذا كنت صادق بتروح لعندا وبتتجوزا والتاني انه تخلي اهلك يدورورك على بنت من معارفهم يخطبولك ياها والتالت انك تتزوج الإمرأة الصينية اللي عبيصحونا فيها هل الايام وهيك بتريح حالك من مسؤوليات الزواج ومشاكله ووجع الراس
-هونغ كونغ
وداد عزام 2018-02-18 02:28:28
وين أهلك؟
أخي صاحب الرسالة : وين أهلك؟ مالك أهل في سوريا. أكيد عندك عائلة أو أقارب في سوريا و هم قادرين يبحثولك عن فتاة مناسبة : ممكن أختك أو أمك أو خالتك أو عمتك أو ... أي واحدة ممكن تساعدك في البحث و تجد لك فتاة مناسبة و بعدين تتواصل معها عن طريق الهاتف أو السكايب أو الشات . إلخ حتى تتفاهموا مع بعض و بعدين ممكن تسافر لعندك. إذا ماكنت حرك شلون بدك تتجوز ؟ حرك حالك شوي و خليك رجال قد حالك!!
-سوريا
مجد التيناوي 2018-02-16 10:08:58
احذر الزواج عن طريق مواقع التواصل
تعرفت على فتاة رائعة الجمال عن طريق موقع للزواج وصارت تتحدث معي كل يوم اكثر من عشر ساعات انا في العمل في البيت في الطريق احببتها بكل صدق وعرفتني على ابوها وامها واختها وتحدثوا معي وارسلت لي صورة جواز سفرها وبعد عشرة اشهر وبعد ان ارسلت لها عدة مبالغ تنجاوز الاربعة ملايين ليرة كهدايا ومصروف حتى لاتعمل عند احد وعندما علمت بقدومي للزواج قالت لي انت احمق وهذا ليس ابي وهذه ليست امي وانا متزوجة وحتى صورة جواز السفر مزورة واغلقت الهاتف واختفت احذر احذر
سوريا
Jamel 2018-02-05 09:53:02
هي الطريقة أحسن؟
اذا كنت غير مقتنع عن طريقة النت ومواقع التواصل !!!ليش جيت لهل الموقع ( مع كامل الاحترام للموقع ) الكثير من الشباب اخ حيران ماني عارف كيف بدي أتعرف الخ،، يا اخي اذا كانك عارف كيف ، كيف بدك تتزوج؟ أبوس إيدك بلا لف ودوران مافي مكان بل العالم مافي سوريين او عرب . بل الصين او الهولولولو. كتوب موضوع مفيد مو حابب التعرف، بدك بوزه؟؟؟؟
زمبابوي
صيني اصلي 2018-01-27 06:22:54
روح عالاردن او لبنان
اذا كنت قادر تسافر من الصين فيك تروح عالاردن او لبنان او تركيا وفي كتير عائلات سورية محترمين مع شوية اسئلة ومعارف بتترتب الامور
-سوريا
هبه 2018-01-17 03:06:01
من معارفك
الزواج هو شراكة عمر وانك تصير مع حدا تاني واحد بكلشي، كتير صعب تنزل ع سوريا؟؟؟ اذا متذكر من ايام المدرسة أو الجامعة شي وحدة كانت عاجبتك فيك ترجع تسأل عنا وتتواصل معا الدنيا نصيب.
-سوريا
QQQ 2018-01-15 03:33:36
تجربة حياة جديدة حزينة
أنا عزابية جربت العيشة مع أختي و بيت الصهر في الغربة في بلد عربي بسبب ظروف الحرب بس عيلتها ما كانت متحملتني و هي كانت تقسى علي منشان تغيرني لأنها ما بيعجبها طبعي السكوتي الانعزالي و غير ممكن أتغير بعدما كبرت و صارت مشاكل بيننا و طول الوقت تعيرني بأنانيتي و حركات وجهي بس الله لطف و رجعت لعند بيت أهلي معززة مكرمة بس ازدادت عقدي النفسية تجاه الزواج و صرت على يقين أن الزوج و بيت الإحمى و الأولاد مستحيل يتحملوني و يتقبلوني لذلك في المستقبل قررت أبقى لحالي منشان ما أظلم حدا معي.
-الدومينيكان
وليد أبو العبد 2018-01-14 03:49:04
إعمل متلي
أنا مثلك مغترب في دولة أوروبية. لا أنصحك بوسائل التواصل الاجتماعي لأن معظمها مضللة و ثبت لي ذلك بعد أن جربتها. مافعلته بعد ذلك أنني حاولت الانفتاح على بعض الأسر العربية و تعرفت على الكثير من الناس المحترمين حتى وجدت إمرأة مناسبة للزواج في أسرة جزائرية كريمة. صحيح أن الزواج من سورية هو أقرب للتفاهم ولكن الله يفتح لك الطريق إذا نويت بإخلاص على الزواج إذا كنت تؤمن بذلك فعلاً.
-سوريا
رجاء كاترينا 2018-01-13 08:00:46
مالبورن استراليا
مافي عندك مشكلة جيب بنت بلادنا يلي احتمال عاجبتك تتزوجها برا البلد وأصرف وقت معها احتمال كبير لازم يكونوا بابا وماماواخوها وخياتها معها منشان يدرسوك بشكل كامل متل وقت بتفوت على بيتها
أستراليا
سوري أميركي 2018-01-12 14:45:05
نفس القصة
هاي المشكلة مع كل مغترب مع إنّو هون في جالية كبيرة بس التعارف صعب و البنات ما بترد علا مواقع التواصل ،، مع إنّو كل شي متوفر
الولايات المتحدة
مغترب 2018-01-10 09:27:07
نفس المشكلة
كان عندي نفس المشكلة بس انا اسهل شوي كوني بالخليج وبقدر انزل عا سوريا ما الك غير مواقع التواصل بس حاول تدور عا بنت تكون من منطقتك تقدر تسال عنها او انو حدا من معارفك او قرايبينك يعرفك عا وحدة من معارفو وبتقدرو تتعرفوا عابعض اكتر بالتواصل
-عمان
صباح سكر 2018-01-08 20:56:42
القرار عندك
ياسيدي انت في الصين وتتطلع لبنت بلدك هل تفكر بلعودة يوما لبلدك فتش على بنت بلدك لعلمك البلد الذي تركتة لن يعود قبل 6 سنوات ولو بعد 50 سنة . واذا تفكر بالبقاء في الصين توكل على الله وخذ صينية لأن بناتهم ليست مثل بضائعهم
-زمبابوي
باسل الأصلي 2018-01-08 01:32:24
إلى صاحب السؤال
ما قي حل لمشكلتك الا بأن تكسر شيء من واقعك....يعني يا بتقتنع بوسائل التواصل الاجتماعي...يا يتترك الصين...يا بتاخد بنت من اللي بتتعرف عليهم شخصي بغض النظر عن جنسيتها... و النصيحة الأخيرة..اذا رح تضل بالصين فالأفضل تاخد وحدة صينية..الصدمة الحضارية بالصين يمكن تكون أقوى من الينت السورية و ما تكمل معك
-سوريا
HG 2018-01-07 21:01:31
نصيحة مغترب!
بعدين اذا ملاحظ بعد ما ننشر التواصل الاجتماعي في البلدان العربية منشوف و بنفس الوقت منحس انو البنت العربية غير مكترسة كتير بشغلة العلاقات الزوجية أو غيرها لانو بتكون هي كمان وصلت لمرحلة اليأس عن طريق الانترنت على كتر ما بطلبو منها الشباب المغتربين و غيرهم علاقات زوجية و غيرها و اخر شي ما بتشوف واحد منهم انسان جدي و بتشوفهم متقلبين و مذبذبين و ما بيعرفو على شو عم يدورو!لذلك هي البنت كمان بتفضل انو تلتقي بالشخص على أرض الواقع.
-سوريا
HG 2018-01-07 20:59:49
نصيحة مغترب!
الانترنت أو التواصل الاجتماعي لحتى تتعرف على أي شخص كان كا خطوة أولى جيدة، الخطوة الثانية انو تتحدث مع الشخص عبر الهاتف، و بعدين بيجي آخر خطوة الثالثة انو تلتقي بالشخص على أرض الواقع وجه لوجه!. لانو هلق صرنا بعصر التكنلوجيا و الفوتوشوب، يعني الوحدة بتبعتلك صورتا أو بتشوفها على صفحتها و بتروح تتفاجأ ساعة اللقاء الأول انو مو هي البنت يللي صرعتني بجمالها! و هيك حركات ما بتشوفها الا من البنت العربية! عقد النقص!. لذلك آخر خطوة هي أهم خطوة انو تشوف البنت على حقيقتها لا مكياج و لا فوتوشوب!!
-سوريا
copy rights © syria-news 2010