2017-07-22 23:58:45
أولادي يريدون أن يضعوني في دار المسنين

"ربوا وتعبوا" بهذه العبارة افتتح أبو عبدالله رسالته التي يقول فيها:


رزقني الله بـ 4 أولاد ذكور، ربيتهم بمفردي بعد أن توفت والدتهم وهي تلد ولدنا الأخير، تعبت كثيراً في تربيتهم، وبعد أن هرمت وثقلت حركتي قرروا أن يضعوني في دار للمسنين، وأنا لا أريد ذلك فماذا أفعل..


يوسف 2017-09-17 21:09:35
في شيء غلط بالموضوع
مسسستحيل يعملوا فيك كذا الا في حاله حاجتين يياانه دين برقبتك او تخفيف ذنوب عليك والله اعلم
سوريا
BBB 2017-08-30 10:02:13
مثل العزابية
للأسف بيقولولي تجوزي منشان أولادك يلموا كبرتك بس الواقع مو هيك الزواج غير استقرار مثلما بعتقد المجتمع الشرقي ، لما الانسان بيصير فوق ال80 ما بقى يحسن يطلع على حاله بس قبل مو بحاجة لحدا و للأسف الشديد الصهر و الكنة ما بيتحملوا نق و مسؤولية الكبار في السن أو بيكونوا أولادهم في الغربة بعيدين عن أهلهم أو عندهم مسؤوليات ثانية ليسوا فاضيين لذلك أريحله يروح على دار المسنين على القليلة الذين بيشتعلوا هنيك موظفين براتب.
-سوريا
ابواحمد 2017-08-29 10:32:45
حجي
حجي الله يسعدك بس خبرولادك يجهزو حالهم ليروحو ع دار المسنين وقت يصيرو بعمرك وبلنسبة لمشكلتك اقسم باالله زعلت عليك كتير وهدول ولادك مجبورين فيك بس للأسف ياحجي لو مخلف كلاب احسن من ولادك ع لقليلة لكلب وفي بس معظم بني لبشر غدارين
الإمارات
نجم 2017-08-04 18:04:39
اريحلك
دار مسنين رح تكون اريح الك من ولادك لانو ازا مارحت رح يضل ولادك كرهانينك فا روح عالدار خليك انت مرتاح وولادك مرتاحين وهالزمن مالازم تزعل من ولادك لانو الظروف اكيد صعبة والله يهديك ويهديهن
سوريا
Mr.HG 2017-08-02 23:06:15
رأيي الشخصي احسن لك !
اولا كل ولد هو مجبور بامه و ابوه فقط و ليس بغيرهم! بس الوضع عندنا و بالمجتماعات العربية و الاسلامية يللي رح يقوم فيك هم زوجات اولادك يعني رح كل وحدة تقوم بدورها لتلبيت جميع خدماتك .و هاد غير منطقي و شي مرفوض!لان المخلوقة عندنا وقت بتتزوج مو متكفلة بخدمة الزوج و اهله! لذلك يا اما اولادك هم المجبورين فيك فقط لا غير بتلبيات جميع الخدمات لك يا اما دار العجزة افضل و هاد شي مستحيل عندنا لانو الزوج الذكر الشرقي هو الامر الناهي لكل شي و رح يكونو نسوانهم هم الضحية!
-سوريا
ابن أصل 2017-08-02 09:09:44
ياحيف
عن جد يا جماعة يا حيف وَيَا عيب انا مالي مستغرب من اولادوا بس مستغرب من التعليقات إنوا معلش وعادي وممكن تتجوز والوضع المادي للأولاد لك اذا ما النا خير بأهلنا ما النا خير بحدا عمي ألك الله والزمن دوار واحفادك رح يحطوا ابنائك في دار المسنين بس اذا هيك اولادك كل ما تملك اتبرع فيون وما تخلي شي لأولادك من ورثة. و رب العالمين رح يجازيهم
-سوريا
رجاء كاترينا 2017-08-01 03:25:17
مالبورن ، استراليا
لاتكرهوا شيءا عله خيرا لكم يمكن ترتاح بدار المسنين وتنبسط اكترً
سوريا
احمد صيني اصلي 2017-07-30 10:23:59
ليش لا
ايها الرجل العزيز لم الخوف فدار المسنين فيه ناس من عمرك وفيه رعاية طبية متخصصة اشترط عليهم الزيارات ولا تتتنازل عن اي من املاكك لا تسمع للناس الذين ينتقدون هذا العمل في كل دول العالم هناك دار للمسنين وربما تتزوج هناك ايضا لم تكتب لنا وضع اولادك الاجتماعي او المادي لكن بامكانك التصرف بحرية اكبر بدار المسنين ولاتنسى هي ليست سوى دار جماعي
-الإمارات
باسل الأصلي 2017-07-24 12:24:20
إلى صاحب المشكلة
الله يكون بالعون يا حجي...شكوتك محقة بس ما وضحت كيف صحتك و حركتك...بتقدر تروح و تقضي حاجتك لحالك؟؟ بتقدر تستحم لحالك؟ قديمه وزنك البركة؟؟ يعني بالمختصر اذا كنت قاعد عند ابنك و كان ابنك بالشغل بتقدر تقوم بحالك؟؟ و لا مرت ابنك لازم تشيلك؟؟ طبعا اذا كان عندك بيتك و معك فلوس تجيب حدا يخدمك أو اولادك بيقدروا يجيبوا حدا يخدمك و انت بتقدر تقعد لحالك فما في داعي لبيت المسنين
-سوريا
ام حمزة 2017-07-23 10:29:45
لا حول ولا قوة الا بالله
الله يكون في عونك ويسامحهم ,, ان امكن تتفاوض معهم ونبههم انو بيتك باسمك وانو الواجب عليهم ان يحفظوك بينهم وان يساعدوك بوجود ممرض يخدمك ويداوم الى جانبك الله يكرمك . ان لم يمكن , انظرالى الجانب المشرق من الموضوع قد تلتقي في الدار باصدقاء جدد يملأون فراغك ويريحونك تحادثهم ويحادثوك .. الله المستعان
-سوريا
نور الدين 2017-07-23 09:59:16
تذكرة
اولا كن عزيز النفس مهما بلغت الظروف فيك .اولادك لا يريدون ان يدخلو الجنة بسببك اعتقد يريدون قطع تذكرة لجهنم عن طريقك فا لاتقف في وجه رغباتهم بالذهاب الى جهنم . لوحالتك المادية ميسورة قليلا اسكن لوحدك واستاجر ممرضة او اي حد يرعاك في المنزل وابتعد عن اولادك فترة وسيشعرون بخطائهم بعد فترة
سوريا
واحد من الناس 2017-07-23 04:25:10
روح على دار المسنين حجي
روح على دار المسنين حجي اشرفلك من هالولاد
-سوريا
copy rights © syria-news 2010