2017-03-29 16:18:21
أحب رجلاً غامضاً لا اعرف مصدر رزقه ..ماذا افعل ؟

احببت شخص يستحق الحب والتقدير وأحواله المادية أكثر من ممتازة ومعاملته معي رائعة فهو يحترمني ويقدرني كثيراً.


والعيب الوحيد فيه انه لا يتكلم أبداً عن عمله أو يجاوب بأسلوب غير مفهوم عن مصدر رزقه كأن يقول أنه يعمل أعمال حرة، وتقدم إلى خطبتي وأنا محتارة هل أوافق على الارتباط به أم لا فهو يكسب الكثير من المال ولكن لم اعرف كيف ومن اين مصدر رزقه وخائفة أن يكون يعمل في تجارة الممنوعات، أو أنه يلعب القمار.

وبالمقابل هو شخص فضولي يحب ان يعرف كل شي عني بادق التفاصيل ويتضايق اذا لم أرد على أسئلته.

فماذا تنصحوني حتى أستطيع أن أعرف أكثر عن حياته وعن عمله فأنا أحبه ولكن مترددة بسبب هذا الغموض حول مصدر كسبه للمال.


محمد 2017-05-01 13:10:33
كشف حساب
بسيطة, ساوي متل كل العالم يللي بالامارات و اعمليله مقابلة شخصية و كشف حساب بنك. ببساطة يللي الرجل يللي بيخجل من عمله بيكون عمله غير مشروع.
-سوريا
باز 2017-04-26 06:04:01
واضحه مو بحاجه لتفسير
تاجر مخدرات راح يخطب واحدة .. فأبوها بيسأله: إنت بتشتغل ايه؟ قال له: "فنى تكييف"
أستراليا
مازن 2017-04-24 18:13:10
عمل
انا اعتقد جازما انه يعمل قوادا
-سوريا
فاعل خير 2017-04-03 00:11:16
اقبلي قبل فوات الاوان
روحي اقبلي قبل فوات الاوان إنتي شو دخلك بمصدر دخلو والله غريبة
-فرنسا
فكري شوي 2017-04-01 12:45:25
شحاد
هاد شحاد وما معو فرنك . بس في كتير عالم بيسـاجرو سيارة وبيستعارو اواعي وهو ما معو ياكل مشان يعمل نصبه هاد زواج مو قلي بطاطا بلكي طلع حرامي بتاكلي حرام ؟؟؟
-سوريا
باسل الأصلي 2017-04-01 09:44:26
إلى صاحبة السؤال
اذا سائلة على المصاري بس،، لا تتدخلي و لا توجعي راسك منين عم تجي....اذا سائلة على الحلال والحرام فلا تردي موارد الشبهة ..يعني لا تستحي و اساليه بملات وشك فلوسك حلال و لا حرام؟؟ لأنه الموضوع عندك مصيري... اعتبريه اختبار لقوة ايمانك عم تتعرض عليكي حياة رخاء و رفاهية بس لا تسألي منين،، يا بتاخديها بدون سؤال او بتسالي على شغلات غير المصاري..ساعتها بترفضي
-سوريا
رجاء كاترينا 2017-04-01 00:00:18
مالبورن استراليا
لما الأشخاص حوالينا بورجونا من هني لازم نصدقهم والسبب انه ماعمايكون صريح معك فهو خايف يخسرك أساليه بس ماتهيني اوتبيني على وجهك علامات الرفض او الاستياء، وامدحيه شوي ، وببلش يكر بالحكي ، لاتقاطعيه اسمعيلو على الاخر . وبتحصلي على جوابك . وبعدها بتقريري طبعا بتعرفي انه المصاري متل مابتجي بتروح .
سوريا
هبه 2017-03-30 19:42:18
اضعف الايمان
اضعف الايمان انك تعرفي شو بيشتغل، اسأليه بطريقة مباشرة من حقك تعرفي، وواضح من عدم قولوا شو بيشتغل انو في شي ما مظبوط، نصيحة هل الشغلة ما فيكي تطنشيها
-سوريا
ناصح 2017-03-30 16:38:32
بسيطة
عادي خلي أي أحد من العائلة أو المغارف يسأل عنه، يعني الشغلة مو اختراع العجلة
-يوغسلافيا
خالد الشامي 2017-03-29 19:48:26
نصيحة
يكون عندو مركز للعب القمار مو مشكلة , حاولي تعرفي شو بيشتغل يعني معقول رح تصيري مرتو و ما بتعرفي شو بيشتغل الزلمة ؟؟ خبري انو ما عندك مشكلة بالمصدر اذا حلال ولا حرام , فهمي منو , اذا الموضوع في خطر عليكي رفضيه اذا مافي خطر عليكي وحاببتي للرجال تزوجي , بالاخير حطي ببالك انو هلاء بيجوز هو طاير عقلو فيكي بعد خمس او عشر سنين زواج انتو الاتنين رح تملو من بعض , اذا شغلو لا يسمح بتكوين عائلة مصيركون الانفصال والندم
-سوريا
copy rights © syria-news 2010