2017-01-08 00:52:49
انا مغترب في السويد واريد الزواج ... كيف السبيل الى ذلك ؟

انا شاب في الثلاثين اعيش في السويد وارغب بالزواج من سورية موجودة في السويد..ولكن ...


 ولكن بسبب العزلة عن مجتمعنا لا اجد سبيل للزواج هنا بما معناه كيف بطلب بنت ومن مين وهكذا

من لديه اية افادة بهذا الموضوع ارجو اخباري


جميل 2017-01-15 18:01:58
مابتعرف كيف ؟؟؟
ولكن بسبب العزلة عن مجتمعنا لا اجد سبيل للزواج هنا بما معناه كيف بطلب بنت ومن مين وهكذا، اذا كانت هذه كلماتك وهذه حججك؟فأنت غير جدير بان تحصل فتاة ، المرأة تريد رجل واقولها مره اخرى (رجل ) ما بدها واحد موجود بل السويد و مجتمعنا وعزلة وقرف، روح رجاع ع سورية معنها هنيك في بنات و مافي عزلة وبتطلبها من بيت الجيران كمان احياننا بتأسف ع شباب سورية قال عزلة قال، دكتور نفسي حبيبي هوي بيقلك كيف ومن مين وايمتى ولماذا ولعل ولسوف ولكن،،،،،
-ألمانيا
syrian 2017-01-14 20:25:29
مستغرب
ياأخي شفت السويديات ولسا بدك سورية!! أرجوك
-سوريا
Ahmed 2017-01-14 19:34:58
اسهل منها مافي
معقولةةةةة لي عمبشوفو....انو عزلة عمتحكي عنها انا ساكن بكندا و بجي كل سنة عالسويد لعند خطيبتي انتو عندكن البنات بالسويد العربيات متل الخبز مليانيين بس عيارها القصة انك يكون معك كم فلس و تطلبلك وحدة عن طريق اهلك قرايبينك ..الخ يعني انا كل مابجي بالسويد بتفاجئ بكمية العرب الموجودين هناك ازا عمتحكي عالعزلة الاجتماعية تعال ع كندا وبتشوف اتمنى لك التوفيق
سوريا
Mr.HG 2017-01-14 11:31:38
صدق احد المعلقين
البنت العربية بشكل وقت بتصير في اوربا ما عد تلتكش باي عربي و ما عد تفكر اصلا بالزواج كل شي واصلها من مكتب العمل راتب شهري طبابة حتى التعليم المجاني و من دون ان تعمل! بينما وقت بشوفها ببلدها الوضع مختلف كتير كتير بتصير اسهل و اطرى و قنوعة!!لذاك في تعليقي السابق قلت لصاحب الرسالة انزل على البلد سوريا او اي بلد عربي فهذه اسهل طريقة! صدقوني لو كانت القوانين و المساعدات الانسانية في الدول العربية متل الدول الاسكندنافية لكنا شفنا نسبة الطلاق اكثر بكثير من اوربا!!
-سوريا
ايمن 2017-01-13 22:28:18
نصيحة
لك شو بدك بالزواج من الاساس ؟ ؟ ؟ نصيحة من اللي تورطو قبلك : بلالك هالشغلة اريحلك
-سوريا
سوري من فرانكفورت 2017-01-11 21:46:27
لا تقع بالخظأ الكبير
الخطأ الكبير هو التعميم، كأن تقول الفتيات العربيات في السوديد او في ألمانيا وصفهن كذا وكذا مافي شي اسمو فتيات عربيات بالسويد، في ريم ورنا وسناء الخ.. إذا عممت أضعت على نفسك فرصا يمكن ان تكون ذهبية ويمكن القول ان التعيم غلط، في أي مجال ما
-سوريا
Casper 2017-01-11 18:09:48
فكرة
اذا خطبة اهل غير متوفرة و حضرتك ما عندك معارف كافيه يدلوك... في صراحة...عالفيس بوك غروبات للخطبة... الناس عم تستعملها...بس يعني...ممم... هي اذا قطعت الامل من قصة الاهل و المعارف
-سوريا
سوري مغترب راجع ولست لاجئ 2017-01-11 04:16:36
إلى شاهد عيان
غلطان كتير مع احترامي ،اصابعك كلا مو متل بعضا استاذي وفي كتير شباب راقي وملتزم وولاد حلال بس بناتنا الله يصلحن هنن بنات حلال ما قلنا شي بس عم يتدللوا كتير كتير فوق الوصف واشتراطات واختراعات صراحه و طلبات وتعجيز وتفتيق و مو فارقة معن ومتل رجلن متلما كتبت بأول تعليق عم يصحلن كتير معروض فليش عدم الدلال وهاد شي طبيعي بس الحق على ولاة الأمور يلي ماعم يسعو لتزويج بناتهم و وتسهيل التوافق نحن شعب مريض صراحة لو عرفنا مضمون الزواج الحقيقي لسعينا إليه وسهلنا على بعض بس آخدين الدين بروظة
-سوريا
سوري مغترب راجع ولست لاجئ 2017-01-11 04:15:19
البنت السورية والحكي ل90% فقط 2
ثانياً : نسبة الي وصلوا لأوروبا من البنات في سن الزواج لاتتعدى العشرة بالمئة والباقي مخطوب أو متزوج . ونسبة المقبولات شكلاً المتواضعات أقل من عشرة بالمية. وبالتالي أنا لا رح أنصحك تتعلم لغة ولا تشتغل هاد أمر مفروغ منه سواء تزوجت أو لأ، بالغربة لازم البنت تخفف طلبات وتساعد زوجها وتتزوج وتستقر وتتحمل صراحة أحق البنات بالاستقدام والزواج والسترة هي بنت بلدك الي في سوريا وبنفس الوقت بتخلصها من جو الحرب والضغط النفسي وبتضل عندها تاج راسها وكل حياتها طبعاً الحكي للأصيلة فقط..ومع ذلك بيضل الزواج رزق
-سوريا
سوري مغترب راجع ولست لاجئ 2017-01-11 04:01:47
البنت السورية والحكي ل90% فقط
لأخذ العلم وعن تجربة يا أخي البنت العربية والسورية خاصة بس وصلت على السويد او على أوروبا عم تتكبر أول شي بتقلك ليش اتزوج طالما في مكتب عمل عم يدفع لي ترسيخ عاساس رح يدوم للأبد الترسيخ بتقلك بدي اشتغل بس وقت بتزوج بصير عيب تشتغل وعلى نفس المعزوفة والاسطوانة المشروخة ليش لأتزوج وبدي ادرس وعلى تنقاية واشتراطات بدها حدا يصرف عليها وكأنك بسوريا بينما هون الضرايب عم تشوي الدنيا ورح تمننك بكل شيء وماتحمل معك شيء وهاد الحال الي عم تحكي عليه مو بس انت الي عايشه بل كثيرين ، احمد ربك - يتبع
-السويد
better than political 2017-01-10 23:55:12
Approvement
To Shahed Ayaan you are absolutely right and here in Germany the Arab girls hang out with anybody but Arab guys Keep kalm and marry foriegn girl......
سوريا
bilal 2017-01-10 23:35:58
facebook groups
there are many facebook groups of syrians in Sweden, Europe, US, etc. some dedicated to single Syrians seeking husbands / wives. Keep going, I cross all my fingers you find a match!
-الولايات المتحدة
شاهد ةعيان 2017-01-09 10:46:04
ما في مجال
الشباب العرب في الديسكوهات ليلا و في المساجد نهارا مع فواصل من الاركيلة و الحشيش بينما الفتيات العرب مع الايرانيين و السويديين و يحافظن على حجابهم و لم يعد تعجبهم الفحولة العربية ....شعب مزدوج الاخلاق و ضائع انسى و صلي الجمعة و تحياتي
-سوريا
Mr.HG 2017-01-08 23:56:10
رأي مغترب
بشكل عام الحياة الاجتماعية في الدول الاسكندنافية شبه منقرضة حتى مع بعضهم هم المغتربين, ما في حياة اجتماعية بسبب الطقس يللي بولد اليأس !.و بسبب الناس مشغولين بعملهم و ما في هالوقت الكافي للعلاقات .لذلك انت لازم تنزل على البلد سوريا او اي بلد عربي و تشفلك شي وحدة من هناك و تجيبها هذه اسهل طريقة. او تروح الى الاماكن يللي بصير فيها تجمعات للجاليات العربية اثناء المناسبات و الاعياد الخ و تشفلك شي وحدة من هناك.و اذا بدك وحدة سويدة فلازم تكون جريئ و صريح و تحكي لغتها او اللغة الانكليزية.
-سوريا
ابو خالد 2017-01-08 21:16:01
تعرف على المجتمع اولا
ولماذا لا تنخرط في المجتمع وتتعلم اللغة وتحاول الحصول على عمل مناسب وفي اطار حياتك ستتعرف على فتيات كثيرات ربما سوريا او عربيات او سويديات ، يارج وسع افقك قليلا ، صحيح ان ليس من السهل الزواج بسويدية ولكن انت ذهبت الى هناك وعليك ان تنخرط في هذا المجتمع وتتعلم جيدا من اخلاقهم التي تقوم على قبول الاخر والتسامح واحترام المرأة والاهم المحبة ،نصيحة لوجه الله تعلم اللغة ثم اعمل وعندها ستجد بدل العروس عشرة
-سوريا
copy rights © syria-news 2010