2016-12-22 17:54:47
حبيبي القديم يهددني ويبتزني بصور "فاضحة" لي

كنت على علاقة بشخص احببته بصدق ووثقت به بعد ان وعدني بالزواج، وكان يطلب مني في بعض الاحيان ان التقط صورا لي "بوضعيات خاصة"  وأنه سيحذفه فوراً من هاتفه، وانا كنت اصدقه.


وبعد مرور حوالي ال 6 اشهر على علاقتنا بدأت المشاكل وكنا نتجدال على أتفه الامور لاكتشف انه كان يخونني مع فتاة اخرى فطلبت فوراً انهاء العلاقة التي كانت بيننا.

وقبل شهر تعرفت على شاب لطيف طلب ان يتعرف على اهلي، وعندما سمع حبيبي القديم بقصة هذا الشاب، ارسل لي الصور التي كنت ارسلها له وبدأ يهددني بها ويطلب مني طلبات تعجيزية ويبتزني بشكل كبير وإلا سينشر الصور على مواقع التواصل الاجتماعي ويرسل نسخ منها للشاب ولأهلي.

ماذا افعل في مشكلتي هذه فأنا خائفة من ان يتهور وينشر الصور 


شاب سوري 2017-01-15 13:33:20
توبي ولاعاد تردي عليه انتهت القصة
طول ماانك عم تخافي وتردي عليه رح يضل يلعب فيكي ممكن يغتصبك ويدمرك اذا تركتي يتمادى,,, الحل سهل بلوك عل الفيس بوك وغيري رقمك والوتس ولاعاد تردي عليه رح يختفي لحالو. واتكلي على الله مارح يعملك شي لان اذا بيبتزك وعرفو اهلك رح ينخبص قبلك انا شب وبعرف. بس لااااا عاد تردي عليه ولا تخافي وتوبي بشان تتجوزي وتنستري..
-سوريا
ابواحمد 2017-01-10 22:50:11
يالطيف احسن شي
والله يا بنت لحلال هل ايام صعب جدا تلاقي حدا توثقي فيه وكلنا منغلط مافي انسان مابيغلط احسن شي خبري لشرطة عليه وهيك بتنحل كل قصتك بيجيبووبيكتبو تعهد ومنيح اذا طلع بيكون الله رضيان عليه اما انك تخبري اخوكي او ابوكي هون لمصيبة لكبيرة يعني رح تخيبي ظن اهلك فيكي ورح يصير مشاكل واكيد بقانون لحياة انو لشب شو ماعمل وشو ماغلط بيتم شب وماعليه لوم ورح تصيرفضيحة ويحكي يلي بيسوى ويلي مابيسوى بتمنى لك لتوفيق والله يستر عليكي وعلى امة سيدنا محمد كلها
-سوريا
marie marie 2017-01-09 13:18:09
أحييك أبو خالد
أحييك أبو خالد أنت إنسان بتملك العقل و الأخلاق
-سوريا
المحامي انس 2017-01-08 21:11:05
ارفعي شكوى ضده واكسبي الوقت
انا بنصحك تشتكي عليه ولاتخافي من موضوع الفضيحة لأنو ابن الحرام حبيبك السابق مارح يحل عنك ورح يعملك فضيحة اذا استنيتي عليه، مشان هيك سبقي عليه واشتكي انتي وخليه يندك بالحبس سنة زمان بتهمة الابتزاز وتشويه سمعتك واذا القاضي تعاطف معك بمددله الحكم سنتين زمان، ولاتقبلي بأي حل لحتى تتأكدي انو كل الصور صارو بإيدك، واستغفري ربك وان شالله تكوني تعلمتي من هالدرس.
-ألمانيا
أدم 2017-01-07 23:41:34
هذا غلطك!
"بوضعيات خاصة"!! لك ما بتستحي! أهلك ما ربوك ب تتصوري عارية وتبعتي الصور لعشيقك! غبية ولح تتحاسبي كان لازم تشغلي عقلك قبل ما تساوي هيك شي
سوريا
سامر معلول 2017-01-04 16:46:13
انصحك بالتواصل مع خالد الفيومي
انصحك بالتواصل مع شخص سوري معروف على الإنترنت يعمل في الجرائم الالكترونية ك مستشار في الانتربول اسمه خالد الفيومي صفحته Khaled Alfaiomi على الفيسبوك .. كذلك يعمل كبار مستشاري امن الحماية والمعلومات في مايكرسوفت رح يقدملك المساعده وكتب عن هذه الامور بصفحته كثيراً
سويسرا
زيد 2017-01-03 21:51:37
اسمعو من الشب
انا بعتقد انك متل معظم بنات اليوم علقتي للشب لحتى تعلق فيكي ولما شفتي واحد تاني اهتم فيكي حالتو المادية احسن رحتي بعتي لهداك بقشرة بصلة اذا مو ناوية تتجوزيه ليش لتبعتيلو. صور فاضحة ويمكن صار بيناتكم اكتر من صور نصيحتي الطمع ضر ما نفع بكرا بتخسري التنين وبتعنسي متل كل الي عم يعملو متلك ارجعي لهداك وأستري على حالك احسنلك
سوريا
قشة 2017-01-02 09:32:18
كلام ميشيل صح الى حد ما
بتصور عرفتي انك بليتي حالك بلوة عجيبة. أول شي وقبل كل شي توبي لربك استغفري واستودعيه عرضك وشرفك وربي يسترك, وادعي ينكسر موبايل هداك الكلب او ينحرق يارب آمين.. ولا توافقي عطلباته ابدا بأي حال... ومتل ماقال ميشيل اكسري موبايلك ونتفيه واخفيه وخبري اهلك انو ضاع وعليه صور وخايفة يوقع بايد شي ابن حرام, ومهم جدا جدا جدا غيري رقمك وما تعطيه ولا لأي مخلوق على وجه الارض بيخص هداك الكلب مشان ما يوصله وينقطع الاتصال معه تماما, استري حالك وما تخبري اي حدا بالموضوع عشان الله يسترك
-سوريا
Mr.HG 2016-12-31 02:56:11
بيت ابو فضيحة.,!
كل مرة بقول ما بدي ادخل على هالزاوية و بكون دخلت!. يعني شو بدها تكون مواضيعهم و مشاكلهم و عن شو؟؟ عن التطور الاجتماعي يللي سبق اوربا و امريكا و اليابان..؟؟رح تكون تفهات وبتبين حجم تخلفهم بكل شيء. عن جرائم الشرف و الذبح بداعي الشرف.و عن غشاء البكارة , شرفهم هم! .و عن المهر. و عن السفر مع محرم. وعن الامر بالمعروف والنهي عن المنكر.وووالخ هذه هي مواضيعهم..يعني الانسان بشكل عام ما فيه يستفيد منها باي شيء بس بستفيد بشغلة وحدة فقط انو بكشف جهل و تخلف العرب و المسلمين!
-سوريا
السمبيتك 2016-12-28 12:53:33
الحل
اول شي مابدي ابدا قول انتي غلطانه وو غلطتي تحملي المهم ١- اول شي استعيني بالله انوي التوبه النصوحه وعدم الرجوع اذا الله فك من هذه المشكله ٢ - الدواء من الداء بتنشر صوري بنشر صور اخواتك وامك ومركب عليهم صور على كيف كيفك وانا عندي الناس اللي بتجيب الصور ٣- اذا انت نشرت الصور انا مستعده اتحمل النتائج مهما كانت بس انت راح تتحمل غضب اهلي واخواتي .. اقل غضب فيهم اما يسجنوك او يضربوك انا يترصدو لاخواتك وانت اكيد اخواتك غالين عليك ٤- طالما بعتيله صور فا
الكويت
abo abdo 2016-12-28 11:30:41
وبشر الفلتانة بلفضيحة ولو بعد حين
الغريب في التعليقات ان الكل عم يلوم الشب ويقدم حلول خرافية شي جيبي معك تنين يكسروه وشي مابعرف شو وكانو هيي بريئة عمي انتو سالتو حالكن شو يلي بخليه يساوي هيك واذا علنت صور باعتلو لكن لواقع شو المهم هلق لاتقتليه ولا يقتلك في شي بلشرطة اسمو مكافحة الجريمة الالكترونية بتشتكي عليه بيمشي حال بس حطي ببالك قبل ما تشتكي انو انت شو مساوي معو لحتى ساوا هيك ولشرطة اذا حبستو بتحبسو شهر بس بعد ما يطلع ضمناني حالك -لهيك لاقي حل جذري لان انت شريك بلعهر
سوريا
Old Man 2016-12-28 09:01:31
الجريمة و العقاب
بصراحة انتي الي اخترتي و هي نتيجة أفعالك , هل المشكلة اذا دري فيها الشب الجديد و حتى لو قلك مو مشكلة رح تضل معلقة ببالو ليموت لانو بعد ما يتجوز رح يحس بالخازوق و رح تتكدر عيشتكون للابد , بعدين انتي مسمية القديم حبيبي , و شكلو لسى حبيبك و رح يضل حبيبك شو ما ساوى و مهما سبيتي و دعيتي عليه من جوا لسى بتحبيه , روحي رجعيلو و كملو علاقتوكون بالحرام أحسن ماتبلي هل الشب الآدمي الي مالو ذنب .
-سوريا
هزيم الرعد 2016-12-27 09:31:58
العقل نعمه
1 انتي غلطانه لانك اقمتي علاقه مع شاب من خلف ظهر اهلك ؟؟؟؟ وهذه نتيجت افعالك ؟؟؟؟ الحل بسيط اذهبي لمركز شرطه وابلغيهم وافتحي بلاغ بهذا الشاب الذي يقوم بابتزازك بالصور ؟؟؟ اتفقي مع الشرطه على ان تواعديه في مكان وهم يلقون القبض عليه بالجرم المشهود وتكون صورك في هاتفه لحظتها ؟؟؟؟ سيبدئ بتقبيل نعالك لكي تسقطي الشكوى عنه ؟؟؟؟ ولاكن اعيد واكرر انتي المخطئه وكل بنت تقيم علاقه مع شاب من خلف اهلها وبدون عقد قران بينهم يعني كتب كتاب هيا بنت (فالته وبلا اخلاق) وزباله وبلا تربيه
-سوريا
ابو خالد 2016-12-27 09:08:38
اشتكي عليه او خبري اخوكي
اذا عندك أخ شب قبضاي وبتوثقي فيه احكيلو وهو رح يتصرف ، الشب بدو شب متلو يوقف بوجهو اهم شي لاتكوني لوحدك امام قليل الضمير والأخلاق ، انتي ماعملتي شي غير طبيعي، الحب والثقة بتوصل لمراحل كتير اكتر من مجرد ارسال صور حميمة، كتير بنات وثقوا بشباب ووصل الأمر الى حد الحمل والإجهاض واحيانا جرائم الشرف ، الحب مو عيب ، بس قليل الأخلاق يلي عميبتزك لازم ياخد جزاه ، وهناك حل أخر هو اذا كان لك حدا قريب وموثوق بالأمن او الشرطة ممكن تشتكي رسمي على هالشب بتهمة الابتزاز وهي جريمة بالقانون وبيروح فيها
-سوريا
Haytham 2016-12-26 14:25:10
Hsytham
ياستي خليه ينشر اهو ثواب وخلينا نشوف ربنا يكثر حسناتك
-سوريا
ميشيل 2016-12-26 09:18:26
خطة ما تخرش المية
اول شي هاد يلي مسميتو حبيبك مبين عليه واحد ابن حرام مصفى طالما هددك معناتو يمكن ينشر. الشغلة بتكلفك انك تستغني عن موبايلك ما الك غير تكسري الموبايل وتقولي انو ضاع او انسرق وبتروحي لعند امك عم تبكي وبتمهدي الموضوع وبتقولي لاهلك انو انتي مو همك الموبايل همك الصور يلي عليه قليلون انو لما تكوني مالة كنتي تصوري حالك بلا ولا شي. طبعا لازم تساوي كل هالشي وانتي عم تبكي وتنتفي بحالك.
سوريا
هبه 2016-12-25 17:03:53
بلا
للأسف مشكلتك مزعجة كتير، ما بعتقد فيك تقولي انو مو صورك ، لأنو ما حدا بيتبلى حدا لهل الدرجة ، يمكن اذا بتشوفيه وبتقنعيه وتسمعي منو شو الهدف من هل الاذية انو مارح يستفاد شي اذا اذاكي
-سوريا
باسل 2016-12-25 13:13:35
سافري
مارح تزبط معك..اهربي برا البلد وبلشي حياة جديدة..مارح تظبط معك لاتصارحي الجد ولاترجعي للقديم....وفوتوشوب صعب..لانه شعرك وتفاصيل جسمك بتبين حقيقية..خصوصي لاهلك وخصوصي في حال وجود علامات مميزة
-سوريا
Judas 2016-12-24 07:05:34
خرجك بتستاهلي
تاني مرة لا تتعري قدام حدى قبل ما تصيري زوجته أمام الشرع و القانون.
-أنغولا
مريم 2016-12-24 00:53:58
.....
مرحبا انا برأيي بتواعديه بشي مكان وبتتفقي مع 2 زعران بتدفعيلن مصاري بيجوا يكسروه وبتاخدي الموبايل بتحذفي كل شي فيه. خلي احد يساعدك بهالموضوع حدا توثقي فيه كتير .الانكار حل جيد بس المشكلة راح يدخل الشك بقلوب اهلك والعريس. اهم شي لا تتورطي معو بشي جديد.
-سوريا
سيف 2016-12-23 23:01:13
من غشنا ليس منا
اخبري حبيبك الجديد بالحقيقة يجب ان يعرف بان زوجته لم تكن فلتانه
-سوريا
فاعل خير 2016-12-23 17:17:50
عندي الحل
اختي ضيفي شخص على الفيس اسمه الدكتور مازن Mazen Alsaeed بتلاقي صورته صورة كونان لابس قبعة مكتوب عليها 2017 هاد بيساعدك وبطلعك من المشكلة كاملة هو خبير بالانترنت والامور التكنولوجية اعتقد بيقدر يمسح الصور كلها
-سوريا
عائد من الظلمة 2016-12-23 13:10:08
عدة حلول براغماتية
أول شي طنشي ... كل الصور اليوم عبتتعدل على الفوتوشوب والفيديوات كلها مفبركة .. في حال نفذ فيكي تتبعي هالاسلوب .. اللي اثبت نجاحه على اكثر من صعيد .. أما تمتثلي لطلباتو أكيد مش حل .. بالاخير رح ينشرن رح ينشرن ..
-ألمانيا
محمود 2016-12-23 05:04:42
لا تحزني
اختي العزيزة، لا تحزني كثيرا فكل إنسان يخطء ومهما كانت تجربتك السابقة لا تكترثي لها ولكن إياك ان تحاولي إصلاح الخطاء بخطء اخر اذا أرسل حبيبك القديم صورك لحبيبك الجديد او لأهلك فعليك نكران ان هذه الصور تعود إليك وقولي انها مفبركة وإياك ان تعترفي انها لك الإنكار ثم الإنكار ثم الإنكار مهما حدث إياك ان تعترفي
-سوريا
copy rights © syria-news 2010