مواضيع مختارة
 
جامعة دمشق: قبول طلبات الالتحاق بالدكتوراة بين 15 و30 الشهر الجاري
وزارة التعليم العالي: مبادرة لفهرسة مجلات الجامعات السورية في قواعد البيانات العالمية
التعليم العالي تحدد 6 نيسان موعداً للامتحان التقويمي لخريجي الجامعات غير السورية والخاصة باختصاص صيدلة
التربية: تنفيذ بيان لمشروع عملي حول إخلاء المدارس بحالات الطوارئ
جامعة دمشق تحدد موعد للمتخلفين عن امتحانات الراغبين بالتعاقد معها
التعليم العالي تسمح للطلاب الذين لم يتقدموا لمفاضلة العام الحالي بالتسجيل المباشر في الجامعات
   
   
 
البحث
 

   
   
 
 
ما رأيك "بالتلطيش".. وعلى من يقع الحق بالقيام به.. على الفتاة أم على الشاب؟
مواضيع للحوار

يسلملي هالجسم.. يقبروني هالعيون.. ولي على قلبي شو حلوة!

وغيرها من الكلمات الكثيرة والعبارات التي نسمعها، وللأسف ألفناها، حتى أصبحت ملازمة لشوارعنا، أسواقنا، وحتى جامعتانا!؟


فالشاب الذي يمتلك وقت فراغ يملؤه بالوقوف على مدارس الإناث، لرؤية فتاة جميلة ليقوم بـ"التلطيش"!

ما رأيك بما سبق..

وعلى من يقع الحق في عملية التلطيش؟

وهل تقوم كشاب بتلطيش فتاة ما؟ ولماذا؟

وهل الفتاة تشعر بالفرح عندما تستمع إلى كلام لطيف من أحد الشباب؟

وما هي الحلول للحد من هذه الظاهرة المنتشرة في جميع الأماكن؟

سيريانيوز شباب


 
2009-12-19 21:58:34


شارك بالتعليق


2013-05-11 18:56:36
علوووش
نحنا شعب دمو خفيف
وبما انو نحنا شعب دمو خفيف وما فينا نسكت عن الجمال, الغلط ,الغرور, الظلم,.....الخ فبرأيي التلطيش شغلة طبيعية بس بأدب ها.
syria

2012-09-03 05:26:09
BLACK FALCO
شب متلي متل كل هالشباب
يا روحي لو البنت تخفف من غرورها شوي صغيرةبتنحل القصه يا غريب لأنو لو حتى كنت غريب وبدك تسأل عن محل قبل ما تفتح تمك بحرف بتطرق بهدلة أما إذا شفت وحدة وعجبتك وبدك تعترف بمشاعرك نفس القصة والسبب بغرور البنات لأنهم مامخالطين الشباب أما لومدارسنا مختلطة بتعرف على بعض أكتر وما بضل في تلطيش وبتزيد نسب النجاح بسبب التحدي الموجود من الأزل بين الشباب و الصبايا
syria

2012-07-31 00:13:27
ما ئلكون علاقة بإسمي!!!
مبينة...البنت.
البنت أكييييييييد هي صاحبة الغلاظة و البلادة و إلخ إلخ...
سوريا
-

2012-07-03 13:34:19
برّو
الطيور على اشكالها تقع
الحق على الطرفين فكل طرف لايملك من الاخلاق ما يمنعه من ايذاء الاخر ولكن برأي الشب يوضع امام اختبار اصعب من البنت التي لاتعي بتبعات ما تفعله وقد يؤدي احيانا الى تدمير عائلات واعتقد ان الحل يكمن في نشر التوعية و الثقافة بين الشريحة الشابة مع استئصال مصدر الفساد وهي العولمة التي اجتاحت بيوتنا من خلال الاعلام لذلك يجب استغلال هذه الاداة بمايتناسب مع قيمنا
سوريا
-

2012-04-25 16:45:58
أنــــــــا
الحق على البنت والشب
الحق ع البنت لأن المرأة كلها مفاتن فما بالك اذا مشيت وهي عم تتمايل أو تضحك أو ترفع صوتها أو .. والحق ع الشب لأن لو ماكان شب أقل قيمة وأقل مستوى من تلك البنت يلي بالشارع ما كان بلطشها.
Homs

2012-04-12 00:07:48
الأخلاق
الأخلاق الحسنة
يجب على الذكر والأنثى التحلي بالأخلاق الكريمة فالشاب بالعفة والفتاة بالحياء لأن الحياء يجمل الفتاة والعفاف يبعد الشاب عن الحرام وأخيراً ... على الجميع التحلي بمكارم الأخلاق ففيها النجاة
syria

2012-01-18 03:53:59
mayar
مسخرة
انا بقول انو الحق ع البنت يعني مو معقولة شب بيروح ورى البنت ويلطشها اكيد هي بكم حركة منها غمزةّّ.ضحكةّّ.مشيتها. يعني الباقي عندون بيخلو الشب بيعمول هيك مو لاني شب بحكي هيك بس لانو هاد الواقع وهاد الصح وانا بحط بنسبة 90%ع البنت واكيد نسبة كتير كبيرة الله يهديون يا رب {طالب جامعة البعث}
سوريا
-

2012-01-18 03:45:30
ميار فارس
اهمال لردجة
انا ميار طالب جامعة البعث اختصاص بترو كيمياء يعني منشان الاهمال ما بيصير نحنى طلاب شو يعني نتروك الدراسة بلمختصر المفيد الجامعة خربت ع الاخر وهاد مو لصالحنا يا شباب وصباية عم نخرب مستقبلنا بايدنا لازم نرجع متل الاولي ايد وحدة
سوريا

2011-11-02 21:06:27
واح
حكمة اليوم
يتمنعن وهن راغبات ... ويزعلن وهن طايرات من الفرحة ... ويعصبن وهن يضحكن في قلبهن ... أنا بس بدي أفهم الأغبياء يلي عم يتجوزو شو عم يشوفو بهاالبنات شي خرج الزواج
سورية
-

2011-10-20 16:51:25
مروان
دلع البنات
ولك حاج تحطو الحق ع الشب لما البنت بتمرمترتبة ولابسة وعم تتغنج بمشيتخا اي ازا بتشوفها الملائكة بدها تلطشها بقا شلون نحنا ومن عدا شي انو بتمر وعم تقول للشباب تعو لطشوني
-

2011-09-25 22:31:44
محمود
طبعا ع البنت
ع البنت لانو البنت التي تحافظ على ادبها و حشمتها لا احد يتعرض لها
-
-

2011-09-24 01:14:35
سوري و بيحب بلدو
عفكرة !!
أول شغلة الحق على المجتمع ... تاني شغلة الحل : أنو يخلصوا ربنا و يحطوا المدارس مختلطة لأنو اللي هنن خايفين منو يصير بالمدرسة (إزا بدو يصير ) رح يصير بأي مكان برات المدرسة و انتهت القصة. و أصلاً هي الشغلة هية بالنهاية نتيجة الكبت. ليش بالمدارس الخاصة (المختلطة) الشباب ما بيلطشوا البنات!
سورية الأسد
-

2011-09-15 17:35:11
نضال
لشو مكبرينا
كتير عادية وان شايف انو اصبحت اسلوب في الحياة يعني اي شب بيكلم بنت الا ما يقلا تقبريني او شو هل الحلو كلو على سبيل المزح والدعابة وبعدين هل الظاهرة قلت كتير وما بتستاهل مناقشة
سوريا

2011-09-15 13:32:59
عاشق التلطيش
انا بئلكن الحق على مين
الحق على ابو ليلى يعني كل التلطيشات يلي منستخدما مستواحة من ابو ليلى مثلا: يسلملي هالطول متل عرق الفول تسلملي هالقامة متل عرق البامة لك انشالله بنفلىء كيف مالي مشتلىء ........
سوري وافتخر

2011-09-09 18:14:45
lover aleppo
right but not
شو ما كانت لابسة البنت و شو ماكان كلام الشب هالشي ما ببرر للشب أبدا انو ما يمسك نفسو و يقلل أدب وبالنهاية عادة سيئة اجتماعيا وحضاريا
syria
-

2011-09-08 18:23:13
lama
عادي
بصراحة انا حاسة انو هالظاهرة خافة كتير مدري نحنا تعودنا عيها وما عاد حسينا فيا بس هاد شي عادي يعني لا تعطو الموضوع اكتر من حجمه ولك واذا لطش الشب البنت وقلها يا حلوة شو يعني؟؟؟؟ مع هيك في عالم عنجد مزعجة هدول اللي بيدبقوا الوحدة وبيلحقوها وبيسمعوا حكي غللللليظ هدول شي ما بينطاق
سوريا الحلوة

2011-08-29 17:43:36
حزين
صاحب الحق
صاحب الحق هو من يلتزم الصبر والأدب ويعامل الناس كما يحب ان يعاملوه بس بصراحة الله يصبرنا ع فتنة البنات وع حلاتهم هههههههههههههه‏(‏[email protected])
سوريا

2011-08-26 02:40:36
انس
تلطيش
الحق على الشب والبنت والاخص على تجار الالبسة فهمنا البنات بيحبوا الموضة بس التاجر فكر شي مرة انو يدخل قطعة بتستر مع انو باي حال هوي ربحان خلينا نعود بناتنا على ثقافة الاحتشام والاعتدال لما شب بيلطش بنت متسترة بيحقلها تضربو وتسبو وبدو قتلة بس لما بنت شبه لابسي اي اسمحولي هيي اللي بدها ضرب وابوها وامها لانو ما عندنا توعية الحمد لله
سوريا-حمص
-

2011-08-14 07:13:50
مراد علم دار سورية
أجدادنا و آبائنا
نحنا أجدادنا ما علمونا نلبس علديق و ما علمونا نمشي ورا البنات بس كمان ما علموا بناتنا يرشو البارفان و ينفخوا شفاتن و خدودن و يلبسوا عالديق لدرجة ان البنطلون صار يصيح ان انا بدي انشق بس علمونا شي واحد ان نحن اخوة في عهد الله و في حدا بيلطش اخت؟؟؟؟؟أكيد لا....و إذا في معناها قليل شرف و أخلاق و أكيد بيلزموا طمر و هوي عايش ..كلنا أخوةو شرف واحد و سوريا وحد.
سوريا و أفتخر
-

2011-08-11 09:16:06
فكرةوفن
مالا ترضاه لنفسك يجب ألا ترضاه لغيرك
عندمايطبق كل من هذه القاعدة فستتغير الكثيرمن الأمورفالشاب الذي لايقبل أن ((تلطش))أخته أوزوجته أوأي إنسانة تنتمي لعائلته يجب ألا يفعل هذاالأمر المعيب لكن علينانحن أن نعينه على غض البصر فأنا كفتاة عندماأرى ماآلت إليه الموضة أعذرالشاب ..المهمم أن الحق على الأهل في البداية والنهاية أعيدواغرس قيم الدين الصحيح في نفوس أبنائكم و من تمثل بأمريكا فلتجد مثلاأفضل
سوريا و أفتخر
-

2011-08-10 12:58:01
سوري
متلطش
السلام عليكم ياعباد الله الصالحين انا من عندي متلطش من البنات كتير بكل صدق عم احكي مع اني بحياتي مالطشت حدا او حكيت مع بنات
سورية الحبيبة

2011-08-07 11:42:18
مابلطش
ايوة هيك لكن
هلأ هوة أكيد الحق على اللتني لأنو الشب لازم يغض بصرو بس هاد ما بيعني انو البنات شريفات مكة يعني لما بتكون وحدة لابسة بنطلون كأنو مدهون دهان على جسمها على قد مو ديق ولبستلي الكنزة الكت ام صرة باينة فهي بدا لق بالصرماية والشب يلي بلطش البنت المحتشمة بلبسها ومو مكيجة ولا باخا هل بارفان ومساويتلي حواجبا ساموراي فهاد كمان بدو لق بالصرماية. (اعتدلو)
Syria

2011-08-04 17:20:37
د. ربيع
مشكلة نفسية تحتاج لعلاج
انا مارح ناقش انو الحق على مين البنت او الشب ولكن دورو ع الحل ياعيني ,,, شباب سافرت ع تركيا وسألت عن هالحالة كانت معدومة ابدا في مجتمعاتن...أما نحن ف كتيرة جدا برأيي الحل انو نجوز الشباب ,,,ياخي حتى لو بأعراس جماعية طبعا للدولة دور مهم بعد هيك بالقضاء ع هالظاهرة بس للأسف البنت ما بتسلم حتى من تلطيشات الشرطة بالبلد ياعيب الشوم تركنا دينا فضعنا ,,,, حلا تقوم القيامة ونخلص^_^
سوريا
-

2011-07-27 11:27:44
Suzanna
lbnt 7raaa !!
لك البنت حرة تلبس شو مابدها حاجة تقولوا الحق عالبنت ولبسها اي الشب اذا شاف بنت لابسة منديل وكان دايق خلقو بيلاقي فيها شي و بيلطشها !!! انا بنت محجبة و لبسي طبيعي ومستحيل اطلع من البيت من دون ما اتلطش او تزمرلي سيارة عالشارع !! بس انا مع البنت يللي قالت انو الشب عنا ما بيقدر غير ما يبين غرائزو بالشارع!خلصنااااا
syria
-

2011-07-21 14:15:08
SaMo
ليش الفلسفة و العلاك ؟؟
لك مو الحق عحد،ايمتى ما بدو الشب بيضب حالو بس القصة مو مستاهلة كلا تسلاية مالي شايفة المشكلة، أنا بالنسبة إلي ما بيدايئ ، لما أنا بلبس بنطلون ديئ حيلطشني يلي ما بدويلبس مانطو، الشباب بس عم يتسلو و هي كلمة حلوة سمعيا و امشي و بئص إيدي ازا في بنت بتتدايئ من هالشغلة بس هلأ راحت أيام التلطيش لما الشب بتعجبو بنت بيحكي معا فورا و هي يا بتفبل يا لاء حرية شخصية
syria
-

2011-07-18 14:47:05
*I.G.I*
تلطيش
سبب التطلتيش هو 95 بلمية من لبس البنات و5 بالمية من الشباب يلي هوايتون التلطيش
syria

2011-07-15 12:57:34
لوشي
التلطيش
برأي أكيد مالازم يكون عنا هيك ظاهرة لأنو عيب والشب يلي بلطش بنت مابيقبل انو أي حدا يلطش اختو أو حبيبتو وكل بنت عندها ترباي ولازم تنتبه على تصرفاتها وحركاتها يعني الحق عالطرفين
syria

2011-07-13 18:59:18
خيرو
البنت هي سبب عادة التلطيش
بصراحة انا لمن بشوف بنت لحم جسمها مبين متل الكاسيات العاريات مو بايدي غصب عني باخد فكرة سيئة عن هاي البنت انها راكدة ورا التلطيش وبدها مين يلطشها بينما لو البنت محتشمة ولبسها محترم رح احترمها غصب عني مو بكيفي لأنها فرضت احترامها علي هاد رأيي الشخصي بصراحة حتى لو اتهمني بعض الناس اني من العصر الحجري
دمشق
-

2011-07-06 08:44:32
فراس الملك-أبو جعفر
الحق عالبنت ثم البنت ثم البنت
مع احترامي لكل الاراء يلي انقالت بس برأيي أنو الحق عالبنت لانو متل ما قال أحد الأخوان أنو البنت بتحتقر الشب المحترم والمتربى واكيد ما في حدا منناكشباب بيتمنى هالشي تانيا بالله العظيم إنت يلي حاطط هالاستفتاء إذا شفت وحدة *** وبنطلونها عم يستغيث قد مانو ضيق وشي نافر وشي محجم بتلطلش ولا لاء فحاج بقى يقولو الحق عالشب
سوريا الأسد

2011-07-05 16:16:02
ريتا
شي تعودنا عليه
عنجدشي تعودناعليه بس بظن الحق على الطرفين والحق الاكبر على الشب لانو مهما تكون البنت محتشمة رح يتطلع عليهانظرة مو عادية وكمان بظن نسبةمن الشباب بلطشوا وما بتفرق معون عمر يلي عم يلطشوها
سوريا
-

2011-07-04 21:51:22
بنت
مجرد راي
الحق كلو عالشباب لانو البنت من حقا تلبس اللي بدا ياه بس انتوا عم تعتبروا انو الشب مجرد غرائز ماشية عالارض ما بيقدروا يتحكموا فيا انا ضد هالشي لانو كمية الغرائز عند الشب و البنت نفس الشي الاختلاف بطريقة التعبير بس انا ما بغفر للشب ابداء غرائزه بشكل وقح مع انو المجتمع مستسلم لهذه الناحية مجتمعنا ذكوري بحت ببررله كل شي تخيلوا حتى البنات المنقبات عم يتلطشوا
-
-

2011-06-27 21:20:57
D-A-H-M-E
حان الوقت !!!
أعتقد أنه قد حان الوقت الذي يغلق فيه هذا النقاش . شيء معيب أننا و لسنوات مازلنا نتداول هذا الموضوع . التلطيش هو شكل من أشكال التحرش الجنسي الذي يعاقب عليه القانون و يتنافى بالتالي مع المواطنة الصالحة و الشرائع السماوية و الأرضية على حد سواء . بالله عليكم ارفعوا هذا الموضوع عن النقاش فهو يعطي هذه القناة الإعلامية و التي هي وجه البلد شكلاً متخلفاً جداً .
سوريا
-

2011-06-20 01:06:54
Dark_EviL
Damas
أنا واحد من الشباب يللي بتلطش من البنات يعني الشغلة غير مرتبطة بالشب أو البنت بس أنا بدي قول إذا البنت بتحترم حالهاوأهلهاوالمجتمع المحيط فيها ما بتلبس أشيا بتخلي الواحد ياخد عنها فكرة غلط و يصير يحكي طالع نازل وإذاردت على الشب بصير يقول عليها مستشرفة و الشب كمان في حق عليه لماالبنت بتكون هيك مستفزة ما بصير يتحركشا مشان ماتعمل لحالها اهمية وفهمكم كفاية
Syria

2011-06-15 14:53:44
جاهل واومي من سوريا
مجتمع مثقف وجامعي !!!!!!!!!!!!!!! ههههههههه
اذا بدكون تعرفوالحق علا مين ببساطه خلو الشب يتخيل حالو بنت والبنت تتخيل حالها شب ويفكرو ببعض شوي . اي دين واخلاق ولتربيه بتسمح للبنت تلبس شي مغري وما تتلطش وانو شب محترم ومهذب ومتربي بيشوف بنت مو مغريه و بيلطشها ايه عنجد مثقفين بكل الطرق هههههههههههههه و عيشو حرين بس بادب واحترام لكل الطرفين
سوريا

2011-06-10 21:23:53
Dndosh
دمشق
hi
دمشق

2011-05-09 21:50:41
samoo , aboody
شي لا بد منو بكل مجتمع
يعني برأيي حاج تنظير من بعض الشباب والبنات .. متل ما شفت بعض الردود انو هي فترة وبتعدي وما رح يضل الانسان طول عمرو عم يلطش ! وبالنهاية انا رأيي انو بعض البنات بدفعو الشباب على التلطيش بلبسن وبالنهاية اغلبية البنات بحبو التلطيش بس احياناً التلطيش بيعطيها ثقة بنفسها وبحسسها انها حلوة وانيقة حتى لو كانت بشعة بس برأيي الشب يلي بحكي مع البنت بطريقة لبقة احسن
syria - aleppo
-

2011-05-07 07:27:47
الدالي
تلطيشة تحدد المصير
الموضوع ليس سوى مرض نفسي يعاني منه جميع الشباب في سن المراهقة ويكون لأسباب كثيرة وأهمها الهروب من واقع نعيشه لخيال يتصوره دون معرفة عواقبه.. كثراً ما ادى التلطيش الى تقرير مصير شباب عدة لوقوعهم في الحفرة... من خلال استجابة الفتاة للتلطيش والعيش في قصة حب تدفعهم للهاوية... وعلى من يقع الحق في عملية التلطيش؟ يقع على الفاعل ولا علاقة لأي طرف آخر...
الشام

2011-05-04 14:43:02
بنوتة امورة
ليش عم تختلفو
هلا ما بظن في شب كتب هوون الا ما بيستمتع بالتلطيش ..وانا مني وجر لمن شب بيلطشني بفرح وازا حلو ومحترم ممكن ابتسملو واكمل طريقي ..اما ازا وقح ما برد عليه
حلب
-

2011-04-07 10:27:39
طالبة جامعة
الطرفين بيشتركو
انا مع التعليقات يلي قالت انو الحق عطرفين بس ياجماعة في شباب مابيرحمو حدا يعني انا بعيني شايفة شباب عم يلطشو بنات بخماراو نسوان قد امهاتن طب شورايكون انو اولاد صف السابع صايرين بيلطشو!!!لا وفي ناس بتسلق بدن البنت سلق بلحكي الطالع النازل اي يعني والله عيب
سوريا
-

2011-04-04 18:20:50
Rose
التلطيش عادة غير اخلاقية
التلطيش صاير عادة والحق على كلا الطرفين وبعتقد الحق ع الشب اكت لانه هو من يرمي تلك السخافات وتربيته وبيئته هي التي سمحت له بذلك اما الفتاة فلا علاقة لملابسها بهذه الظاهر اللاخلاقية
Syria
-

2011-03-31 08:54:08
واحد من الناس
ايران
الحق 80% على البنت لأنها بتكون لابسة لبس بخلي الشب غصب عنه يتطلع عليها ويحكي اي شي لا على التعيين , و20% على الشب لأنه بيكون فاضي لا شغلة ولا عملة وطلعت بوجه بنت حابة تتلطش, بيقول المتل كما تدين تدان مشان هيك ما بلطش حدا أنا, اذا كانت كلمات محترمة بعتقد بتنبسط البنت أما اذا كلمة وسخة أكيد مارح تنبسط, الحل انه يخفضوا المهر مشان الشباب تقدر تتزوج
ايران
-

2011-03-30 18:11:42
sana
طااااااااااااااااااالبة بكى لو رأى ثالث ثانوي
شغلة بششششششششششششششششششعة كتيييييييييير والحق عالشباب وعالبنات وى يعني لو البنوتة محترمة حالة ماكان حدى حاكها............ بس كمان الباب مابيعرفو أنو بتلطيشن عبكونوا مصدر ازعاج ألنا وخاصة أذأ كانت لماما معنا يعني ياما بسب تلطيشن لماما صارت تقلي هلبلوز لبسيها وهالبنطال لبسيه وهاللجكيت لبسيه وهيدا لأ !!!!!!!!!! فثقالة دم كبيرة ياريت تعدوا عنا ياشباب بليز!
سورية

2011-03-29 14:07:59
من حلب
نقطة
ان التلطيش هو تعبير مجازي عن جمال فتاة بالنسبة لشاب يمكن كبته اذا كان الشاب مؤدبا و يتحول الى كلمات معسولة و مؤذية احيانااذا كان الشاب غير ملتزم بالادب و عادة ترحب الفتيات كلهن على اختلافهن بهذا التلطيش اذ انها تعبير صريح عن لفت انتباه الناس لها و هو ماتطمح له اغلب الفتيات
syria

2011-03-08 04:19:27
llllllllllllllf,s
التلطيش
هلق التلطيش كويس اذا كانتاالنية شريفة ام اذا كانت وسخة ياااااااااااااياب شو بشع بس برأي الحق على الشب والبنت كيفكن فيهاااااااااا
سوريا
-

2011-03-07 16:53:32
ali
هههههههههههههههههههههههههههههههه
مفكر حالو حلو يلي بلطش
syria

2011-02-28 23:49:10
Autumn leaf
الحق عالتفاهة
يعني أنا بشوف أنو البنت اللي ما بدها حدا يلطشها تلبس متل الخلق وأصلا كلو على بعضو التلطيش صاير للشباب المبهدلين والشراشيح والفولغير
سوريا

2011-02-27 22:01:28
عمر
انا برأيي مع احترامي لكل الصبايا
انا برأيي التلطيش شي طبيعي الشب لما يشوف بنت يعبر عن رأيو تجاه البنت بس أكيد يصغر بنظر البنت اذا كانت محترمة والبنات يلي بدهن يدايقن من هالشلة لازم يلبسن متل الخلق وهيك ماحدا يسترجي يفتح تمو انا بحياتي مالطلشت بنت بس مرة كنت ماشي بالسيارة وكان في 3 صبايا عم يوقفو تكسي وماحدا عم يوقفلهن وكانت نازلة مطر وجيت انا وقفت بجنبهن قلتلهن بدكن تكسي لونها سودة
sytia Damascus

2011-02-26 22:18:44
المطر
شباب
الحق على الشباب اللي ما عندو اخلاق توقفو عند الحد, البنات هني المظلومين شو ما كان سبب التلطيش. الشب اللي بيحترم حالو ما بيعمل تلطيش عالبنات
سوريا
-

2011-02-26 15:31:15
غازي أبو الطقم
بيبقى مجرد رأي
بالنسبة على مين الحق بهالحالة الحق. اولا:عالشب. 1-لانو كيف بتسمحلو تربيته واخلاقو يعمل هالعمل. 2- وهو الاهم بديننا في شي اسمو قرضة ودين أي بمعنى(كما تُدين تُدان)وسلامة فهمكم. ثانياً:عالبنت. 1-لأنها بحال لبست ملابس والعياذ بالله وبالاحرى ما بتلبس شي غصبن عنو بدو يلطش. 2-عندما تضحكلو وتعطيه وجه كل يوم بنط واقف يستناها. 3-والمثل بيقول لاتعطي الولد وجه.....
Syria

2011-02-19 13:34:31
fadi
والله عيب قال اسلام
والله شي بزعل الشب بجي بنطر البت بس ياااااااااحرام البنت بتضرب تقل لازم يشير حمله ضد هل الشباب والله بتجي بتسأل الشب ليش عم تلطش البنت مو عيب بقلك خليا تتستر طيب انت لا تنزل مستواك لوحده فلتانه خلي عندك شخصيه وحااااااااااج متل ما انا عندو اخت وبخاف عليها لازم انت كمان تخاف ع اختك
syria

2011-02-05 16:44:17
سمسوم
مو حضارية
الحق عالبنت وعالشب بتلاقي بنات لابسين لبس وعاملين بحالن أشكال مو بس بتلفت الشب وبتخليه يعلق عليها لك حتى نحن البنات بتاخد على عيونا بس لازم يكون الشب محترم أكتر من هيك واكتر تحضرا وكمان في شباب بلطشوا عالطالعة والفايتة الحلوة والبشعة وحتى البنت الملتزمة مابتخلص منو ..عيب وهي اسما قلة احترام وبل منحط الحق عالبطالة ومدري شو.....
حمص
-

2011-01-29 08:47:17
باسل
مغترب من اجل
واللهي الحق لا عالشب ولا عالبنت لانو الشب عاطل عن العمل بوقف على الشارع وبلطش مشان يعبي وقتو والبنت اللي بس تصير بسن ال20عنست السبب البطالة وغلاء السكن للشباب ومو بأيدهم
ليبيا
-

2011-01-20 04:00:31
مناصر الصبايا
الطلطيش
حسبنا الله ونعم الوكيل الحق عل اهل جوزو بكير بلكي ينضب بل بيت وتريح راسكم مع العلم ان الانسان عينة فاضية ماتعبيها غير اتراب
serea

2011-01-18 06:16:48
في أمريكا لا أحد يتعرض لا
في أمريكا لا أحد يتعرض لاحد بكلمة تجرح شعوره
في أمريكا لا أحد يتعرض لاحد بكلمة تجرح شعوره ولا يوجد عندهم عاده التلطيش و اذا أراد التحدث مع الأخر ترك مسافة ولايكلمه الا كلام يقبله لنفسه ألسنا نحن أحق بهذه الاخلاق
سوريا
-

2011-01-10 01:27:10
بسمة الأمل
الحقيقة المرة
سلام للجميع برأي ياشباب انو الحق ع الطرفين لأنو لما البنت بتمشي وبتدلعن بمشيتا حتما رح تفتح مجال للشب وتقولو شوفني ولطشني بينما اذا ماشية بأدبها واحترامها فهاد من النادر انو تتلطش اما الشب لمابشوف امثال هيك بنات -والعياذ بالله- يغض بصر وهيك اضمن لكلا الطرفين *وشكرا*
سوريا
-

2011-01-01 20:34:01
ميس الشيحاوي
اوووووووف
لك ااخ البشرية تطورو ولسا لاحقين هالمواضيع التافهة لك لا البنات ولا الشباب فيين يعيشو بلا تلطيش اتركو هالشعب بحالو يعني مانو شي غلط اذا ابديت اعجابك بوحدة او حتى بواحد\روحو لاقولكن شي شغلة تانية التهو فيا
سوريا
-

2010-12-23 12:30:23
moutasem
لك لهون لحقتونا
والله لا بدنا نلطش ولا بدنا نعمل شي وشو ماعملنا بنطلع سخفا لك حااااااااااااااااااجججج خلونا نفش خلقنا بالتلطيش احسن ما نفشو بشي تاني لطشو وخدو راحتكن
سوريا

2010-12-19 22:04:32
قطرة مطر
ايه شو هالموضوووووع
مع احترامي لكل الآراء .. الموضوع نسبي .. يعني ممكن بنت تحب تتلطش وممكن وحدة ما بتحب .. وما دخل اللبس أكيد .. البنت حرة بس مو حرية مطلقة بيضل في حدود .. والشب ما ضروري بس شاف بنت يئوم يئدحا ئصيدة مشان يبين حالو شي شغلة ... والبنت ما تررررد .. لأنو ازا ردت بتكون عم تعطي أهمية لشي زغير أزغر من الحشرة .... وسلااااام
الشام \ كلية التربية
-

2010-12-19 15:24:08
mohammed alabbar
no name
عادي وأكتر من عادي شو يعني أذا لطشنا بنتت هيي لابسة أواعي بدها تعرض حالها فيهن
syria

2010-12-15 18:50:22
ابو رفعت
كل الحق على ابو جانتي
كل الأطراف مسوؤلة مسوؤلية مشتركة عن هذه الظاهرة حتى مسلسل ابو جانتي اللي اظهر هذه الظاهرة كأنها ظاهرة ايجابية........ من البيوت الى الأهالي الى المدارس الى الإعلام الكل يرى و لا ينهي عن هذا الأمر فما دامت الفتاة او السيدة لا تربطنا بها صلة قرابة فأننا نرى و نطنش يعني قلة النخوة بكل بساطة
-

2010-12-07 02:40:20
MorhafAle7sas
التلطيش
التلطيش امرسيءوقداعتاد عليه للأسف الكثيرمن شبانناوحتى شاباتنا!!فالحق هنابرأييء على الشباب والصباياولكن السبب الأكبر هو المجتع الذي نعيش فيه والفهم الخاطئ لمفهوم ومضمون الحرية واللا مبالةالتي يعيشهاالكثير من شبانناحتى اصبح التلطيش يشمل الكبيرةوالصغيرةوالمتزينةوغير المتزينة والمتحجبةوغيرالمتحجبةوهذا إن دلّ على شيء فإنمايدل على انحطاط الأخلاق وسوء الترببة
Syria

2010-11-27 22:32:16
ملحم
طبــيــعي
أنا رأيي أنو التلطيش شغلة طبيعية كتير و إذا ما في تلطيش معناتا في مشكلة
سوريا
-

2010-11-27 00:16:07
Bashar kasper
أي وبعدين
شو أصعب من هيدا الشي وحياتك ماشي..بالمالكي مافي تلطييييش
damascus

2010-11-18 23:59:05
nana
???!!!!!
برايي الحق ع الاتنين البنت و الشب .يعني بس بدي افهم شو بيستفاد الشب من التلطيش؟ ومو السخيف اكتر غير البنت يللي بترد!و السبب متل ما قالو الكل قلة التربية عند الاتنين . خلونا يا شباب نكبر عقلنا ونتجه بتفكيرنا لقصص اعمق من هيك سخافة .صح؟
syria

2010-10-31 02:27:41
غوركي
زوجو الشباب بيصيروا مهذبين
وبيصيرو البنات بيفهمو انو لبس القصير و المشلح و الصرر ااباينة غير مجدية مين عندو ما بيلزمو و فهمكم كفاية
russia
-

2010-10-30 19:49:36
ناصر
الخلاصة
اذا حكى الواح بقولو حكى الواح واذا ما حكى بيقولو ما حكى وشبدو يحكي تيحكي نحنا الشباب مهدور حقنا وين ما رحنا انا لست مع التلطيش وانما تعبير عن اراء مختلفة من الناس وهنا الفتياة ليسن سخرة او ما شابه وللحد من هذه الظاهرة علينا الاخذ بالاعتبار انو وحدة سمعت كلمة من هون ولا هون انها ما ترد ويسطفل منو لذوقو وابشع من التلطيش رد البنت بلأمة متناهية وشكرا...
اللاذقية

2010-10-30 19:39:36
ناصر
رد على المواضيع والي يفهمها بيفهم والي ما ..شو بسا
لا تأسف لغدر الزمان لطالما رقصت على جسس الاسود كلاب لاتحسبنا برقصها تعلو على اسيادها فتبقى الاسود اسود والكلاب كلاب حتى لو نبحت عليها الكلاب قتبقى الاسود مخيفة في اسرها حتى لو نبحت عليها الكلاب
اللاذقية

2010-10-30 19:29:13
ناصر
مو الكل هيك
نعم لحرية الرأي لانها تعبر عن صاحبها في المرتبة الاولى فاالتلطيش ليس هوذالك الشي المعيب فعليا اذا كان ضمن الحدود المسموح بها ولكن انا لست مع التلطيش فهذه حرية التعبير عن الرأي افرادية وليس جماعية وبالتالي الانسان يحب ان يسمع كلمات رقيقة وجميلة ان كانت فتاة او شب والاثنان بشر ماني عم فرق بين الشب او البنت فالشب هون عبر عن حرية رايو ممكن انو يكون .......
اللاذقية

2010-10-29 08:33:37
أحمد
الخلاصة
التلطيش صفّّّارة إنذار تعبر عن الكبت. والحل هوبتأمين السكن للشباب الراغب بالحلال واختصار السنوات الدراسية وتوفير فرص العمل لكي لاتضطر الفتيات إلى النزول لعرض بضاعتها في الجامعات والشوارع،وبعد ذلك تمنع ملابس التحرش كما يمنع الدخان، ثم إن لوسائل الإعلام دور رئيسي في صياغة التوجهات الشعبية فالمسلسلات التي تعطي صورة عن قدوة قد تساهم في الحل
سوريا
-

2010-10-23 21:19:39
حابب شارك
تلطيش
يعني أنا بدي أعرف الشب ليش بلطش لأن أليل أدب أنا شب بس بحياتي ما لطشت ليش لأني محترم حالي روح عاجامعة وصاحب بنات ونبسط وأحلا لإلك وللبنت هيك لازم يصير البنت ريحت وأنت نتحلي يومك شوي
سوريا دمشق
-

2010-10-17 21:24:54
جيهان
على الشباب
الحق كلو على الشباب الفلتان
سورية
-

2010-10-17 02:16:25
Midooo
كبرو عقلكون
لك يا جماعة كبرو عقلكون العالم برا عم يخترع صواريخ و نحنا عم نتخانق بالحق على مين .. أنا برأيي الشب يحترم حالوا والبنت تكبر عقلها و لا تحط عقلها ب عقل شب عقلو صغير و أكيد الشب يلي بلطش هو شب سخيف والبنت يلي بتوقف عند هيك موضوع بتكون اسخف منو شكرا
سوريا
-

2010-10-16 12:57:34
حيدر الحسن
على بعض الأهل والبنات والشباب
بالدرجة الأولى يتعلق ذلك بطريقة تربية الأهل لأولادهم ثم بالدرجة الثانية على البنت ولباسها وطريقة كلامها وطريقة مشيتها ، فكما يقال البنت التي لا تمد يدها ما حدا بيستلقاها وبالوقت نفسه يتعلق بالشاب وتصرفاته وأخلاقه فالشاب لقليل التربية يلاحق البنات ويلازم أبواب المدارس وعلى فكرة يمكنك أن تجد أشكال وألوان لقعدات ثنائية في أزقة وساحات وأدراج جامعة البعث
سوريا

2010-10-14 18:11:59
Nawaro
اكيد عالبنات
يا جماعه انت شفنوا شي مره شب عم يلطش بنت عام طام هيك بدون سبب بعني تبلي اكيد ما رح يلطش الا البنت الي عامه بحالها عمايل وهي اكيد قاصده هالشي بس اذا كان غير هيك فالحق عالشب لانه اخدها عاده
سوريا
-

2010-10-10 14:36:20
شامية و افتخر
الحق ع البنت
أنا برأيي انو الحق ع البنت لأنو هي بتطلع نص بالظلط و بتطلّع ع الشباب و أحياناً بترميلون حكي ... أي مو بعيدة يعني شو عم تقولهم تعو لطشوني والسبب برأيي هو الانحلال الأخلاقي الي وصلناله بالإضافة الى الفراغ الكبير الي عم يعيشه كل من البنت و الشب بس كمان ما ننسى السبب الأساسي و الي هو الكبت الي عم نعيشه بالحياة إجمالاً ... انشالله تكو وصلت فكرتي سلام
سوريا
-

2010-10-07 03:27:04
سوري
خلونا نحترم بعض
المسؤولية ع الشباب , وأنا كشاب عمري 29 بحياتي ما لطشت بنت ولا بتصور إني راح اعملها بحياتي ؟ ليش ؟ لإنو تجاوز على حرية الآخر ومن حق أي إنسان إنو يمشي بأمان وسلام وبدون ما يزعجوا حده . الحل إنو نحترم بعض . وبلا ما نبرر التصرفات الغلط .
syria

2010-09-30 14:22:35
مواطن سوري
معا لوقف التلطيش
لو فرضنا أنو البنات بيلبسو المزلط لحتى بتلطشو فخلينا جكر فيهن ما نلطشهن ....!! و طبعا التلطيش متل ما قالو الكل هو مؤشر إلى نقص في التربية .. و فراغ عند الشب .. الحق الأكبر برأيي عالشب ... بس في ظاهرة جديدة رأيتها هي التلطيش من قبل البنات ..!! ما تم الإشارة إليها ظاهرة غريبة صرت شوفها لما بكونو مجموعة بنات و كل وحدة بتزت كلمة ... يعني في حق عالبنات
سورية
-

2010-09-27 21:19:20
أم محمد
الحق على المسبب
بتلاقي البنت طالعة على آخر طرز وبتقلك العمى شو قليل ادب احتشمي بالاول وشوفي بعدين اذا حدا قرب صوبك بس هالبنات ربي يستر عليهن بيمشوا بلا تياب ويلي بقول التياب مادخلها بكون مع احترامي غلطان لأنه الله يعين هالشباب والله يستر على بناتنا
سوريا

2010-09-26 18:01:31
lora
شباب
الحل هو في فكرة الزواج المبكر بوجود قرض لزواج الشباب بدون فائدة وفتح باب الاكتتاب علىمساكن للسكن وليس للتجارة وتحديد المهر بما يمكن الشاب من تحمله وبلا الذهب بيمشي حاله التقليد وهيك بتنحل عقد نصف الشباب يلي شايفين البنات قدامهن مو قادرين على الزواج فيكرهوا على التلطيش والنظر والبنات على البحث عن الكلمة الحلوة وشكرا
-
-

2010-09-24 23:39:28
غ
فقط في سوريا
أنا فتاة عشت طول عمري بالامارات لكن درست المرحلة الجامعية في سوريا عشت 18 سنة بالامارات و لا عمري تلطشت و عشت حتى الان في سوريا فقط ما يقارب 4 سنين و تلطشت عن ال18 ستة كلها الي عشتها بالامارات. بالامارات في ناس أشكال و ألوان الخليجي و المصري و حتى السوريين المغتربين لكن بحياتي ما سمعت كلمة منهم أما بسورياانو اشوف شب محترم فهذا شي نادر جدا و للأسف .
سوريا + الامارات
-

2010-09-23 16:57:46
عبود
يتبع
90% من بنات مجتمعنا بيفضلو أنو الشب يحفى و يجن لحتى يحكو معو، بيلاقو فيها تعزيز لثقتهون بنفسهون أنو هنن حلوين، بس المصيبة أنو هاد الشب بيلاقي أنو ما في نتيجة و بيصير يزت حكي يمين و شمال لأي بنت بيشوفها عل و عسى أنو تحكي معو هالبنت. بتمنى أنو يكون انفهم الحكي و بتمنى تقرو بين السطور.
sxiuerc
-

2010-09-23 16:54:53
عبود
حلو الموضوع و لكن
هلأ الصراحة الموضوع عجبني و هاد رأي شخصي طبعا، و عجبتني كتير من تعليقات أخواني و أخواتي مع أنو في كتير منهون لازم يكون جنبك مترجم لتفهم المغزى تبع يلي كتبوه، بس بصراحة و من وجهة نظر شخصية أنا بلاقي الحق ع الفتاة مو على الشب، هلأ طبعا كلكون رح تفكرو أنو قصدي على التياب و أنا بأكد أنو لأ الشغلة مو شغلة تياب ولا نظرات ولا شي، الشغلة هي بكل بساطة مشروحة فوق
سورية
-

2010-09-22 12:23:53
منتقبة و أفتخر
الحق عالشباب
يا جماعة الحق عالشب مية بالمية بتعروف يا جماعة أني منتقبة و الحمد لله و مع هيك ما بسلم من التلطيش ليش ياترى؟؟ هل الحق عليي برأيكون؟؟؟ ولا الحق على الشباب اللي ما عد عم يحترمو حتى المنقبااااااااااااااات ياعيب الشوم بس
سوريا
-

2010-09-22 07:46:53
محمدf
غريب الدنيا
الغريب انك تقرا انو البنات بيحبو هاد الشي ، او انو داعي الشباب هو الكبت الجنسي لا غلط مو كل البنات بتحب تسمع الفاظ مهينة بحقها او بحق انوثتهاا ولا كل الشباب عندهم المرض النفسي هاد الموضوع عم يتروجو من مسلسلات واغاني بتخليك تفكر ان الموضوع عادي والناس بتحبو بس هم ماهيك كل دول العالم عندها تشريعات صارمة ضد التحرش وبتمنى انوتصير عنا
سوريا
-

2010-09-19 03:11:14
شادن
بوافق مجهولة
انا بوافق مجهولة بالرأي،ليش الشباب بوقفوا عل المراية ساعتين مشان يجذبوا البنات بشكلن وبريحة بارفاناتن ومعظم البنات قليلات عقل مابسدقوا انو إجا شب ولطشون ،طيب بدل الشباب ما يطالعوا الحق على البنات خلي الشباب والبنات يحترموا وبرجع بقول اللي عم بصير ببلدنا سببو الطرفين وبنصح الشباب يخففوا شوي لأنو مو كل البنات سهلات كما قال تعالى: ((إن كيدكن عظيم)).
سوريا/حلب
-

2010-09-17 21:22:19
مجهولة
ما شي على الكل
يعني بس البنت محاسبة صح انا معكون انو اذا كان لبسها مبالغ فيه طبعا بدو يطلع هذا بنسبة للمحترم وشباب الطنط كتراني صاير متل البنت اعوذ بالله وقلة الادب كتراني يعني وشب يلي مو مربا يلطش الحلوة و البشعة ولا تفتكرو انو نحن البنات مبسوطين هي بنسبة للمحترمة والشب بهل الايام عم يصفون بحالو بالمراية اكتر من البنت اااااااه ليش ياترى
شام
-

2010-09-16 15:39:18
wasim`
عادي
اكيد الحق عل البنات لأنوا الشوفات يلي عم نشوفها بالطريق مو طبيعية حتى المحجبات صارو اكتر من يلي مو محجبات انا بصراحة صدفة للتطش حدى وفي كتيير من البنات بينزلو عل الطرق وعل المولات وعل الحدائق مشان يطلتشو هيك بيجسوا بأيمتهم وبيشوفوا حالهن بيفرحوا اكييييد مافي حلول لهي الظاهرة خلص صار عادي كلو عادي
syria

2010-09-07 22:48:37
fafa
يالطيف
يعني والله الشباب مابتركو حدا من شرهون يعني والله اذا لقوبنت لابسة اشود وعباية وحجاب بيبلشوفيهاوبيسمعوهاكلام ونفس الشي اذا البنت لابسة قصيروشيفون كمان بيبلشوفيهامجمل القول لاعندون لاشغلة ولاعملةبس كمان البنت لازم تحترم المجتمع الي عايشة فيه وما تلبس عالطريق وبالسوق لبس السهرة يعني الطرفين يخففوشوي
سوريا
-

2010-09-04 04:54:50
شادن
صلب التلطيش
بصراحة مو شرط البنت تلبس لباس بقصد انو تتلطش لأ أبدآ بس معظم البنات بحبوايلبسوا هيك لباس بقصد الاناقة بس برأي انو الشباب ماعم يفهموا هالشي وهنن مابدن يفهموا بس مشان يلطشوا بس مابخلي الحق كلو على الشب لانو مو كل البنات ملائكة وبالنهاية الحق على الطرفين
سوريا

2010-08-13 07:33:06
Temo
انا مع التلطيش الرقيق
بصراحةمعظم البنات بيحبو يسمعو كلمه رقيقه أوناعمه وخاصه انوا بيضللو ساعات يهتموا بشكلون وجمالون,وخاصه انومعظم البنات بدون علاقات حب بسبب ازمة ثقه بين الجنسين اللي عم تزداد,طبعاهدارأي زميلاتي بالجامعه, بس أنا ضدأي قلة زوق بالتلطيش لانوابيعبر عن تفاهه الشب وعدم احترامحالوا بالاول لنفسه وللبنت اللي ممكن تصير زوجته أوزوجة أخوه او زوجة صديق
سوري
-

2010-08-13 04:46:59
أبو عمر(صاحب النظرية النس
عاهاتك يا وطن
لك بالنسبة للتلطيش الحق عل بنت والشب بس المجتمع بيقول انو السبب من البنت اكتر من الشب و يلي عم يقول انو الشب معذور لأنو مفصول بالمدارس عن البنات خليه يشوف برا شو بيصير بالمدارس من ورا المختلط ..ويلي عم يقول انو مفتقر للزواج اي كيف بدك واحد عمرو من 16-19 سنة يأمن بيت وسيارة و طيارة و و وو ..إلخ الحل ..رجعوا ضربون و ربون متل زمان مو متلأ هلأ مايعين
سوريا

2010-08-10 15:41:12
lizof
التلطيش
الموضوع غياب الدين عن الساحةوسبب ضياع أولادنا نحناليش مامنشوف هالشي عند الغرب أو أصحاب الديانات الأخرى ، الأمر ببدأ من المنزل لأنو واجبنا كمسلمين بيفرض هالشي مع الأسف حتى الأخلاق اللي هي أبسط أمر ماعاد انوجد فلا عتب عالباقي من التعاليم الاسلامية بس اذا نحنا الأهالي اتماشينا مع المظاهر الغربية الخداعة فما عتب عالأولاد ؟!!!
syria

2010-08-07 21:53:30
f.g
اوافقك الرأي
اوافقك الرأي مغترب فهي مسؤولية مشتركة اما من الشاب او الفتاة .. لكني ارى ايضا في بعض الاحيان الفتاة هي التي تعرض نفسها لهذه المواقف
الكويت الحبيبة

2010-08-07 09:39:47
مغترب
مسؤولية مشتركة
القضاء على الفساد بجميع أشكاله واللي ما رح يتم لحتى نتخلص من عقلية (محل السندويش) في تسيير امور ، يعني هادا ابوه صاحبنا وهادا زلمة قديم وهادا عيب نشيلو ، هيك رح نضل ورا، بدنا ناس محترفةومدربين على العمل الاداري وبيعرفو شو عم يعملوا، هلأ بنفس الوقت ما رح نستنى لحتى كل هاد يصير لتنحل مشكلة التلطيش لا، هيك نماذج يستخدم معها الشدة لحين حل الموضوع جذريا
قطر
-

2010-08-07 09:25:33
مغترب
مسؤولية مشتركة
وارتفاع الأسعار وبالتالي العزوف عن الزواج ، خاصة بمجتمع متل مجتمعنا عم تنخر فيه المظاهر والشكليات وفيه مركب نقص عام بيعاني منه 99 اذا مو 100 من اناث هالمجتمع (يعني اذا بنت خالتها لبست اسوارة هيي بدها تنتين) طيب هي الاسباب كلها عم تؤدي انو في آلاف الشباب عم يبقوا بدون زواج وفي ظل غياب الوازع الديني والاخلاقي واحساس الشاب بصغر نفسه وتفاهته
qatar
-

2010-08-07 09:18:06
مغترب
مسؤولية مشتركة
أول شي بحب قول، للأسف هي الظاهرة فعلا منتشرة كتير بمجتمعناوالشباب اللي بيعملوا هيك مو بس وقتن فاضي لا وعقولهم وقلوبهم. مين المسؤول: برأيي الكل مسؤول واول شي الحكومة, لان هي الظاهرة جزء لا يتجزأ من ظاهرة الفساد (اللي ما يزال موجودرغم مكافحته) اذا بتسألني كيف ؟؟ بقللك مو الفساد هوي اهم سبب وراء ضعف الحركة الاقتصادية وقلة فرص العمل وانعدام المساواة
Qatar
-

2010-08-03 22:48:35
نبيل
التلطيش
مع الأسف الشديد ان يقوم بعض الشباب بتلطيش البنات اليس لديهم أخوات وأمهات وازواج , هل يرضون ذلك على أخواتهم ؟؟ ولماذا الكلمات النابية التي تعبر عن قلة ادب وسوء خلق
syria

2010-08-02 06:24:42
فراس باشا
فلنجعل الحوار مفيد
تكثر حالات المعاكسة في المجتمعات المدنية وتندراو ربما تنعدم في القرى وتختلف نسبتها من بلد لأخر فمثلا في امريكا اللاتينية النسبة مرتفعة جدا اما في شمال اوربا تكاد تكون معدوما .تختلف شعور الفتيات ما بين الاحساس بثقة بالنفس وعدم الشعور بالأمان جراء المعاكسة.فمنهم من يرغب ومن يعارض او حتى يخاف .وطبعا الشاب هو المسؤول ولا داعي للجبن من الصراحة...
china

2010-07-31 22:59:01
شاب عربي
تعليق
الحق على كلا الجنسين معا فكل انسان يجني ثمار عمله والعمل المقصود به هنا هو كل ما يعمله المرء من افعال وحركات وايماءات وتصرفات تلفت النظر والانتباه لهم كلاهما لديهم مشاعر واحاسيس ولكن من عرف الله عرف كيف يعبر عن ما رأته عيناه من جمال بدون المساس باخلاقيات الادب ومن لم يعرف الله تحول الى بئر ممتلىء بالاوساخ والتشوهات
قطر

2010-07-30 16:57:11
شاب سوري
مقارنة
أريد أن أطرح سؤالا: لماذا تنتشر هذه الظاهرة المرضية في بلادنا فقط و لا تنتشر في أوروبا مثلا، هل الشباب هناك فاقدون للذكورة؟ أم أنهم قد تجاوزوا مرحلة التفكير الضيق و انطلقو ليبنوا أنفسهم و مجتمعاتهم تاركين خلفهم شعوبنا تغرق في أنانيتها و غرائزها؟ نحن لن نلحق يوما بركب الحضارة التي كنا يوما روادها ما لم نتجاوز إرث أبا جهل و صحبه.
سوريا
-

2010-07-29 23:29:11
basel
تخلف
التلطيش هو عادة متخلفة بالوطن العربي وبالعالم ويلي بقول الح على البنت بيكون اكبر متخلف شو دخلكون بالبنات شودخلكون بلبسون البنات بلبسو متل مابدون بس الشباب كأنو بحياتون مو شايفين بنات يعني مافي شب مابيطلع على البنت الحلوة بس مايسمعها كلام مو منيح
syria

2010-07-29 06:41:38
Joanna Smith Noori
USA New Jersey
I believe that this is sxual harrassment and it should be illegal in Syria too, if the young man had the good manner to talk to the girle in polite manner it would be adequate for both male and female. it is very important for the female to realize that the man is at most times try to take advantage of her, therfore she should stop him and put him
USA
-

2010-07-26 09:08:12
احمد الساير
ما رأيك بالتلطيش؟
"التلطيش" عادة سيئة اعتاد شبابنا عليه في شوارع الوطن العربي ورأيي أن الحق في الأغلب وليس دائما على الفتاة بسبب سكوتها على الشاب أولا وثانيا لبس الملابس المغرية فمثلا أنا البوكمال ومن العادة السائدة هناك أن لا تسكت الفتاة على الشاب ولاتلبس ماهو مغري كما في دمشق فلم أجرؤ على "التلطيش" في البوكمال ولكن عندما انتقلت دمشق أصبحت من المحترفين.
سوريا - البوكمال
-

2010-07-24 14:26:07
ابو حمزة
بدون تعليق
بنات هالايام هيك بدن يعني اذا الشب مالطش البنت الله وكيلكن هي الي بتلطشو والبنت بتحس حالا اذا تلطشت ملكة زمانا واذا كانت يالطيفففففففففف يعني الشب شو بدو يساوي .... عم يشوف شوفات الله يجيركن (في التلفزيون وفي الشارع وفي الجامعة وفي الحدائق وفي المدرسة) والعلم عند الله الحق على مين
سوريا

2010-07-24 14:14:38
ابو حمزة
سوريا
انا برأيي الحق بشكل كامل على الفتاة لأنو يلي بدا تطلع مشلطة اييييي بدا تتلطش اجباري............. والشب ماعليه اي حق لانو اذا بدو يشوف هيك شوفات كل اليوم فبدو يحكي عل المشلطة والمحجبة .......وكلن متل بعضن
سوريا
-

2010-07-24 13:59:06
samer..
الرجاء عدم قراءة التعليق
الحق على البت يعني انا بتحدا اي شب في سورية ان يرى بنت لابسة قصير وضيق ومايلطشها ومستحيل تلاقي بنت لابسة ومحتشمة وعم تتلطش يعني كمان لازم نقدر وضع الشباب لأن عنجد وضعن كتير سيئ وصعب.... ويلي بيحسن يتحداني او يلي عندو اي نقاش بالموضوع يحكي معي عل ايميل
سورية

2010-07-23 16:05:11
chechan girl
الحل هو نحن
الحل يكمن فينا نحن هذا الجيل انا فتاة عمري 17 لكن في راسي افكار كثيرة فكل الشباب و الفتيات الان مثلي عندهم افكار و يمكن ان نسأل شاب مثلا يلطش فتاة لماذا تفعل هذا ؟الحل يكمن ايضا عند هذا الشاب ..اذا قلنا ان الوعي هوالحل فالكل ما شاء الله واعين الكبير منهم والصغير انا وحدي لايمكن انا اعطي الحل فليبدأكل شخص بمعالجة نفسه بالتعامل باحترام ليكسب احترام الغير
syria

2010-07-21 11:10:37
Syrian Girl
الحرية الشخصية هي أحد حقوق الإنسان - 4
تسألون عن الحل؟ الحل في أن يفكر كل شاب في وقع ما سيقول على فتاة تخصه، هل يقبل أن تسمع أخته أو زوجته مثل هذا الكلام، سواء كان لطيفاً أم بذيئاً. كذلك يكمن الحل في تربية أولادنا على احترام الآخرين و احترام حرياتهم و مساحاتهم الشخصية. الحل يبدأ في الأسرة منذ الطفولة المبكرة و يستمر في المدرسة و الجامعة، و يعززه قادة الرأي في المجتمع و لا سيما رجال الدين.
سورية
-

2010-07-21 11:04:51
Syrian Girl
الحرية الشخصية هي أحد حقوق الإنسان - 3
ربما آن الأوان لنعيد النظر في الكثير من المفاهيم الخاطئة و المريضة التي استفحل انتشارها في مجتمعنا، رفقاً بنا و بالأجيال القادمة من الغرق في مزيد من الجهل و التخلف. ربما يقودنا هذا النقاش إلى طرح سؤال بسيط: هل كانت الطفلة خولة ذات السنوات الأربع ترتدي ملابس فاضحة أغرت المجرمين الأربعة بالاعتداء على طفولتها؟؟ هل كانت هي المخطئة؟ فكروا بالأمر
سورية
-

2010-07-21 10:59:43
Syrian Girl
الحرية الشخصية هي أحد حقوق الإنسان - 2
ثم من قال أن الفتاة الفاضحة اللباس هي وحدها من تتعرض للمضايقات في الطريق؟ أنا أم لشابين و أتعرض للمضايقات في شتى الأماكن علماً بأنني لم أرتد في حياتي ملابس فاضحة أو ملفتة للنظر. و من يدعي أن الفتيات يسعدن بسماع الكلام اللطيف (أو البذيء أحياناً) فهو مخطئ تماماً و ربما عليه أن يسأل فتاة من عائلته المقربة عن رأيها في الموضوع قبل أن يتبرع بمثل هذا التصريح.
سورية
-

2010-07-21 10:54:46
Syrian Girl
الحرية الشخصية هي أحد حقوق الإنسان - 1
إن الحرية الشخصية و الشعور بالأمان هي حق تضمنه شرعة حقوق الإنسان، و لكن إنسان الحق في السير بأمان في الطريق. لذلك يعتبر (التلطيش) انتهاكاً لهذه الحقوق. و الحجج الواهية التي يتذرع بها بعض الشباب الذين تنم تصرفاتهم عن خلل في الشخصية ما هي إلا ستار لشعورهم بالضآلة و تنفيس لمشاعر الغضب و عدم الاستقرار التي تجول في نفوسهم.
سورية
-

2010-07-20 09:59:34
أبو فهمي بياع اللوز
الحق عالطرفين بلا نقاش
اذا سألت الشباب بقولو الحق عالبنات وبالعكس,والحقيقة أن الحق عالطرفين ولكن البنت هي التي تتحمل الجزء الاكبر من اللوم فأنا لم ارى من قبل فتاة محتشمة تتعرض للتلطيش المزعج كما تتعرض له وحدة لابسة من غير هدوم وتستشرف اذا اجتها تلطيشة من واحد ما عجبها سيارتو او عملتو وبنفس الوقت هذا لا يبرر للشب انو يفتح تمو ويطالع زبايل الدنية وتشط ريالتو ,, هذا رأيي
Syria

2010-07-20 09:25:17
omar tt
لحظة تأمل
لو يمنع البنطال الضيق كما يمنع النقاب و تسهل أمور الزواج للشباب من قناعات و أفكار فإننا لن نجد شاباً يقف أمام مدارس الشباب هذا رأيي و شكراً لقراءتكم
سوريا الأسد

2010-07-18 16:04:46
يزن داؤود
جواب شاب
برأيي الحق على المجتمع و صعب كتير تنحل هالمشكلة عنجد صارت موضة
سوريا

2010-07-15 14:50:35
goooogllle
حااااااااج تنظير
التلطيش صار عادة عند العالم بفترة من حياتو وبعدين بس يكبر عقلو بمل لهيك مانها مشكلة وحاج البنات يعملو حالون مدايقات ......
من الصين من وين يعني
-

2010-07-03 02:48:53
راما
الجواب معروف
الجواب بديهي الحق يقع على الشباب المتخلفة .. بلا اخلاق ولا رقي ومكبوتين .. ثم على الفتيات المايعات العاريات ويجب وجود شرطة اخلاقية بالشارع .. لان الوضع صاير بيقرف .. وحاجة تخلف وكبت شي بيقرف الحل يكمن .. بوعي الشباب ليصبحوا رجال رقي وباحترام الفتيات لانفسهم لانهم اصل الفساد
-
-

2010-06-27 14:19:40
مممممممم
آداب الشارع العام ..مسؤولية الحكومة
هذا اختصار شديد لحقيقة مانراه في الشارع السوري..... للأسف المؤلم اين قانون أخلاق الشارع في القانون السوري ...اين شرطة الآداب المؤدَبة حتى يكون بمقدورها حفظ الادب على مستوى الشارع .. واين الغرامات المالية الكبيرة والسجن والفلقة لقليلي الادب العام
سوريا
-

2010-06-27 14:16:50
مممممممم
آداب الشارع العام ..مسؤولية الحكومة
تدهور قيم الرجولة الى مادون الحضيض وسيطرة الفعل الفطري الذكوري الذي يتمادى احيانا الى فعل فطري حيواني يقوده للظن بإمكانية استباحة اي انثى .. تدهور وغياب شعور الاحترام بين الجنسين على مستوى الشارع السوري ..الى حدود خطيرة اجتماعيا حتى بات الرجال مجموعة من الحيوانات الشاردة بلا قيد في نظر النساء ..وكل النساء داعرات في نظر الرجال ....يتبع
سوريا
-

2010-06-27 14:15:43
مممممممم
آداب الشارع العامة ...مسؤولية الحكومة
غياب القيم الناتج عن الظهور الواضح لسيطرة البيئة المتخلفة اجتماعياً وأخلاقياً والتي تعاني من الكبت والقهر الاجتماعي وسوء التربية على مستوى الأسرة ودور التربية والتعليم ودور العبادة .
سوريا
-

2010-06-27 14:08:54
مممممممم
آداب الشارع العام ..مسؤولية الحكومة
التلطيش ...هو فعل ذكوري للاستلطاف الوقح ..الخارج عن الضوابط الأخلاقية للملطش , لعدة أسباب اولها واهمها الانحطاط الواضح للأخلاق العامة في الشارع السوري الناتج عن غياب الشرطة الأخلاقية الراقية ( المنضبطة أخلاقيا واشدد على كلمة الراقية ) لمرا قبة وضبط الشارع ........ يتبع
سوريا
-

2010-06-25 18:40:07
نبيل
التعليقات
أكيدعلىالبنات لأنوالبنات ببلدناحلوين كتيييييرولشب اذاماحكامع البنت يعني لطشها بموت من القهروكأنو الكلام معهابيزيد أيام بعمر الشب طبعاالسبب بهذه الظاهرةالسلبية يعود لأصدقاء السوءوالبيئة التي تربى الشاب أو الفتات فيها
سورية

2010-06-25 16:50:55
لولو
فلسفة
يعني الحق على الشباب عاملين حالهن مؤدبين وأنوا الحق على البنات بس إذاكان الشب متربي وما بيرضا لأخت اوام تتلطش مارح يلطش بس إذامافارق عندو شي رح يلطش ومارح يهمو والبنات لايرحو يعرضوا حالن بالشوارع مشان ما يسمعوا هيك حكي
سوريا

2010-06-24 13:34:06
غانم عادل عمرالجمعه
الحق عالطرفين
أنابرأي أنوالحق عالطرفين البنت لما تكون محتشمه بلباسها ومشيتها أكيد ماحدا راح يلطش عليها أماأذا كانت غير هيك فمن الطبيعي تتعرض لمواقف مزعجه من بعض الشباب اللي ماعندن أحساس بأنو ممكن تتعرض أختو لهيك موقف وبعدين بيساوي حالوأبو علي
سوريا

2010-06-20 18:55:51
محمد عزت
الجواب بشكل صريح
الحق على الفتاة بشكل كلي كاااااااااامل والشب معذور
سوريا
-

2010-06-18 22:14:40
dromarsu
لأصحاب الشرف فقط
أقول للفتاة : أنت جوهرة غالية و نفيسة فلا تظهري بريقك وجمالك في الشارع حتى لايخبو هذا البريق وتدنسه القذارات وأقول للشاب : تمنَى لبنات الناس ما تتمناه لأختك و أبغض لهم ما تبغضه لها و كما تدين تدان
سوريا

2010-06-17 21:53:54
jake
اختلاف كبير
في اختلاف كبير بين التلطيش بكلام حلو يلي بيدفع البنت للثقة بنفسا بطريقة اكبر وفي تلطيش بكلام ممكن ينزل من ثقة البنت وانا برأي التلطيش مهم اذا كان بيرفعلا ثقتها بس الكلام الوسخ كتير بيجرح الفتاة وبيفقدها كتير من ثقتا وحبها لنفسا
syria

2010-06-13 18:28:11
بنت
الشغلة نسبية
بالنهاية التلطيش شغلة نسبية فمثلا في بنات بحبو التلطيش و بينبسطو بس بالنسبة إلي بمقت التلطيش وهو بالنسبة إلي قلة أدب والحق الأكبر بالتلطيش على الشب لأنه بكل الأحوال لازم يكوت مؤدب
سورية
-

2010-05-25 11:56:37
مغترب
غريييييب
يعني لأنو الموضوع عن شي جنسي نوعا ما مستعدين تعلقو عليه بشي 3000000 رأي....هادا الموضوع ما لفت انتباهنا إلا لأنو بيحكي عن أمراضنا النفسية والكبت اللي عايشينو وبلشنا الحق ع الشب والحق ع البنت ....واللي ما بتنستر فيه عنا فرسان التلطيش...واللي ببتحجب نفس اللي بيلطشو بينبرو للدفاع عنا لأنها محتشمة ....إي تسلملي إنتي وأفكارك وتحليلاتك ومطالعاتك وفلسفتك
سوريا
-

2010-05-24 13:24:57
fareez
الموضوع نسبي
عادة التلطيش بيحدث لابراز المواهب يعني صديق بدو يفهم صديو انو جنتل زمانو ومافي بنت بتصعب عليه ( شوفة الحال )وهالشي بيشجع الصديق الاخر على فعل نفس التصرف
سوريا

2010-05-22 00:41:55
sara loona
التربية والأخلاق مو الرغبة والشهوات
بدي علق ع السيد حسن وبعداذنك هاد مااسمو غزل علني وشيلك من الدين والعادات والمجتمع يلي مابيلطش بيكون مربى يعني احترام,اخلاق,ذوق وأدب لأنو الواحد مابيركض ورا رغباتو بدون وعي مشان هيك رب العالمين خلقلنا العقل وبمعظم الأحيان الشب بيكون عم يتسلى ويعلق بس مو مشان يبدي اعجابو بالبنت يلي مرقت حدو مشان يملي وقتو وفراغو لازم نحترم بعض لأنو مابيهون علينابشبابنا
سورية وأصلي شامي
-

2010-05-18 01:41:16
حسن
خلينا واقعيين
طيب انابرايي كل الشباب بحبو هالشي بنات اوشباب هاد جاي من الحاجة الجنسية عند الكل شو فو برا يلي سافر ماحدا بيطلع بحدا اذا بتمر من ناحو ملكة جمال بس هون يعني خلينا واقعيين الكل بحب طبعافي بنات مابحبو هالشي لأنو بخافو وعادات وتقاليد بس بداخلن بحبو اتحدا بنت تقول لأ بعدين هو كلام حلومش مسبات اوكفرغزل علني صريح يلي مابتحب لاتطلع من البيت
syria

2010-05-15 16:05:13
مختار جامعة البعث(مرهف)
هيك وهيك
يا شباب ويا صباية والله القصة مو بالتلطييش ومو غلط الواحد يلطش بس تلطيش خفيف ومحترم وما بيدايق وهيك الطرفين بينبسطو يعني البنت بتكون فرحت بجمالها والشب بيكون فرغ هالشحنة يلي عندو ..... وبعدين مع احترامي للجميع والله الحمد لله هالايام البنات هنن يلي عم يلطشوعليي الطلاق من سوسو ياما اكلين تلطيشات من البنات بالجامعه
سوريا

2010-05-09 08:53:48
ورد الروح
مساواة
يا ترى من شي 50 سنة كانت هالظاهرة موجودة متل ما انذكر بكتير من التعليقات بكتيرمن الاحيان البنت بحركاتها عما تخلي الشب يلطشها, و مع الاسف صايرة البنت عما تلطش الشب باوقات بس الصبية المحترمة مهمهاكانت لابسة ما بعتقد تتطلش بس بتلفت نظر وانا كصبية ببعض الاوقات بتلفتني الصبيةو الشب بلبسهم و بعلق على لباسها بس بيني و بين رفقاتي
سوريا

2010-04-30 23:09:14
الحسن أبو علي
شو فهمك بالحشمة
ع فكرة ماضروري ياخد الشب ضو أخضر من البنت لحتا يلطش والشغلة مابلبس المانطو أو لبس البكيني بس شبابنا الجوعانين جنسيا واللي عم يعانو من الكبت وآثار فصل الشباب عن البنات بالمدارس اللي أنا ضدو لأنو متخلف وبيخلق حساسية أبدية بين الجنسين والعادات السيئة المنتشرة بين الشباب الفشلة هي أسباب التلطيش أنا مازعلي غير عالشباب اللي كانو من فترة مثال للنخوة والحمية وهلق صارو مثال للدناءة والغرائز الحيوانية
جامعة تشرين كلية الطب
-

2010-04-23 11:44:06
م محمد
بلا مؤاخذة
اول كلمة اريد ان اقولها ان لا نضع البارود جنب النار ونقول لماذا حدث الانفجار المهم ان الحق في التلطيش وربما التحرش على الاغلب الخلطة والزحمة المنتشرة في معظم الاماكن من الباصات حتى الجامعات والمدارس الامتحانات وو.. طبعا انا لا انفي ان قلة الدين والخلق سبباً لكن بطبع الرجل ميال الى النساء وربما قد تجد شخص يفعل هذا الشيء رغم انه غالبا مؤدب والله بيعين
سوري مقيم في السعودية

2010-04-22 13:09:40
دلوعة الشام
ماعاد حدا استحى
عنجد مابيعرف الواحد شو بدو يحكي الشب بيلطش البنت بس اذا حدا لطشلو اختو بيصير زلمة ورجال بس اتاكدو كماتدين تدان يعني حتى البنت يلي لابسة بانطو مالهاخالصة من هل الشي عنجد احسن مالشباب بالشارع لاشغلة ولاعملة غير تلطيش والشغل ببنات الناس يروحو يلاقو شي شغلة والله احسن هففففف مللتونا
سوريا
-

2010-04-21 13:26:52
بنت البلد
ماتت النخوة والحمية
انا ما بلقي اللوم على الشاب..لكن فعلا ماتت النخوة عند الرجال وانعدم الحياء عند البنت من قبل ما تخلق .. فعلا إن لم تستحي فاصنع ما شئت ..يا شاب ويا فتاة ارضى للناس ما ترضاه لنفسك ..وخلونا نرتقي بأفكارنا وتصرفاتنا عسى الله يرحمنا ويغيّر احوالنا ..بتمنى شوف مجتمعي بأحلى صورة بس إيد وحدة ما بتصفق..بس لكل امرء ما نوى ...
سوريا
-

2010-04-19 13:17:42
أبو معاذ
تحرش
كما أن التحرش من الشاب يمكن أن يكون في نظرة أو بكلمة وأحيانا"باليد وايام يكون من كبار السن لكن أيضا" ثياب الفتاة يكون أيضا" تحرش بالجنس الذكوري في أكثر الأحيان فهذا هو سبب مشاكل التحرش
سوريا

2010-04-14 16:21:08
الراقي
طب الجرة على تما
أحلى شي بالبنت خجلهاالصادق و أهلى شيئ بالشب أدبه بس يلي أنا متأكد منه أنو ما في شب بيلطش بنت إلا لما تعطيه الضوء الأخضر و ما شاء الله قديش في بنات ما عندون ضوء أحمر أصلا و شباب كتير واقفين على الإشارة و كله سببه الفراغ و الزواج المتأخر (يعني الأهل المسؤولين!!!)
سوريا
-

2010-03-31 12:16:34
شنكل شامي
الأخلاق أولا
لما البنت بتكون محشومة و بتتلطش بيكون الحق على الشب 100% أما لما بتكون مشلطة فهيي على الأغلب متوقعة أنو تتلطش (أغلبن بينبسطو بهاالشيء) بس بكل الأحوال المفروض على البنت أنو تتحشم و المفروض على الشب أنو مايلطش إذا كان فيهون أخلاق
سوريا
-

2010-03-26 19:25:39
Nw
;)
تخلف .....باينتو رح يضل و للقرن 30 :)
روسيا
-

2010-03-22 12:48:01
طوق الياسمين
التلطيش
عنجد هاد من ابشع الاساليب واهانة للمراة والشاب بس انا براي السبب بيقع مناصفة على التنين المراة مسؤلة بلباسهاالفاحش والشاب ايضا بسخافة التلطيش ووقفتو بالشارع يلي ما لها طعمة وسلام
سوريا

2010-03-21 10:02:54
معلق
ابو عنتر اذا حدا بلطش اختووندل لما يلطش للبنات؟؟؟؟
يعني كل واحد بخاف على عرضو ما بلطش بنت لانو اذا بعتبرها اختو او وحدةمن اقاربواكيد ما بيعمل هيك شي ولو بشوف شب عم يلطش اختو بصير عنتر وصاحب شرف ومبدأ انا من ناحيتي بعارضها بشدة وبعتبر كل شب بلطش بنت تافه وغير محترم وال شو خفة دم لكان بس حدا يلطش بنت ويشوفو اخوها يعتبرو خفيف دم ويروح يبوسو على خفة دمو ويربحو سفرةمصر لخفة دمو
سوريا
-

2010-03-21 02:08:37
shahd
ينعطو لطشة هل الشباب
أنا بنت وبتلطش كتير مع اني مو محجبة بس لبسي كتير محتشم يعني ما بشلط متل بائي هل البنات هل الشي خلاني اتأكد انو الحئ بالاول وبالاخير على الشباب لانو لو الشب متربي منيح ببيت أهلو و بخاف على اخواتو البنات (اذا كان عندو) ما بدني نفسو وبيحكي حكي طالع نازل!!! يعني والله لازم شبابنا يكبرو حاجي صغر مخ وتخلف !!!
سوريا
-

2010-03-20 18:26:10
عر حم
مشارك
في أغلب الأحيان تكون البادرة من قبل الشاب ولكن في بعض الأحيان نجد أن الفتاة تستفز الشاب للقيام بذلك أنا لا أقوم بهذا العمل التافه لأنني أخاف على عرضي ولا أقبل أنأؤذي عرض غيري بعض الإناث يجدن من ذلك متعة لأن ذلك يشعرها بأنوثتها وباهتمام الآخرين بها وبعضهن الآخر يقبحن هذا الفعل لانهن يجن ذلك تعدياً على كرامتهن
سوريا

2010-03-18 03:31:36
عبود السوري
يوووووووووووشو هالموضوع
يا جماعه التلطيش برئيي التلطيش او بالاحرا مو اسمو تلطيش اسمو تخفيف دم لأنو لو مو دمو سميك ما حاول يخففو بس الحق مو عليه بس البنت بتشيل شي من هذا الحق لأنو هي السبب بلبسا الفائق الروعه وغنجاتا وضحكاتا وهو مو متحمل حالو اصلا بقوم بيتفنن وبخفف دم لو كل طرف يعرف حدوده كانت انحلت بدون اي نقاش او جدل بس ؟؟
سوريا

2010-03-17 12:57:33
د0ميار
متابعة مع الاسف للاطالة
فبهيدي الاسواق منلاحظ ان اللي عم بيلطش وخصوصا الحمرا هم الشباب اللي عم يشتغلو بالمحلات واللي عملو شارع الحمرا متل الحميدية بينزلو ليجيبو الزبون فانا اضع اللوم على اصحاب المحلات الله يرحم ايام زمان كان الولد ما يشتغل لينعرف ميل اصله وفصله والناحية الثانية الشاب نفسه والفتاة يجب ان يكون باستمرا هناك ارشادات توعية بين هيدا الجيل والله يحمي سوريا والشااااام
السعودية

2010-03-17 12:52:28
د0ميار
وين ايام زماااااااااان
بالحقيقة انا مشش عايش بسوريا من 11 سنة بس من عشقي لها كل شهر لازم انزل يوم عليها اتمشى بشوارعها وشوف وجوه الناس اللي بعشقهم وبنفس الوقت بترحم ع ايام زمان وبالنسبة لموضوعنا انا بقول ان اهل الشام مظلومين كتير لان هناك دخلاء على المجتمع السوري عموما والشامي خصوصا واكيد في حلول ممكن انها تحد من هيدي الاشيا مثلا لما بكون بالحمرا او احد الاسواق الصالحية و
السعودية

2010-03-14 13:21:39
Mind Code
المشكلة بخلفيتنا الثقافية والبيئة يلي تربينا فيها؟
وأنا عم اقرا التعليقات السابقة يلي فيها بأكثرها أمور وألفاظ معيبة لاتناسب الإنسانية والعصر يلي عايشين فيه رح رد على كل من تحجج باللباس والقماش والرخص للحم وغيره... بقول للدكتورة نوال السعداوي :" إن تحجيب المرأة غلط وتعريتها غلط ... لأن كليهما يعاملان جسد المرأة كسلعة؟؟" وعملو أستفتاء بين الإناث المحجبات والمنقبات وغير المحجبات وشوفو مين بيتلطش ولا لأء
سوريا

2010-03-13 13:29:39
PhD
ثقافة المجتمع
المشكلة الحقيقية منبعها ثقافة المجتمع غير المحدد المعالم فلا تعرف هل هو مجتمع شرقي أم هو مجتمع غربي...(فمثلا من "يلطش" بنات العالم مستعد لأن يقوم"بمجازر" في حال قيام أحد ما ب "تلطيش" أمه أو أخته!!!
Syria

2010-03-12 21:41:19
bishooo
بسبب المجتمع
اول شي انا بلاقي انو التلطيش شغلة ماحلوي و فيا قلة ادب وانا بعمري مالطشت و الحق الاول والاخير على الشباب لان شبابنا بسبب عادات المجتمع و الضغط من قبل الاهل بخليون ينفجروا و لا كانوا بحياتن ما شايفين بنات وهادا سبب كل مشاكل مجتمعنا
syria-homs

2010-03-12 21:25:58
بنت من المجتمع السوري
ليش هيك
انا اعتقد ان الشاب هو المسؤل عن هذا وليس الفتاة لانه الشباب في الوقت الحاضر همون الاول البنات مهما كان شكلون او عمرون وشو ما كانوا البنات بس البنت كمان عليها حق لانها ممكن او تجاوبون او تضحكلون بس بنظري الحق الاكبر على الشباب واهل الشباب مو على البنات والمجتمع بس بااخر الاتنين عليهون حق
سوريا
-

2010-03-12 20:36:07
abdulkarim
mo khata
ana b2ool kl wa7d ow 3andoo mstwah wo bit7ml cho bey3ml fyaret cha3bna yfhm 7alow bs mo akter
libia

2010-03-11 11:35:41
مغتربة
والله بهون شنق لهالشباب يلي ماعنها ضمير
يعني شو هالمستوى يلي بيحطو حالن فيه مفكرين عم يعملو شي حلو بس كمان البنت احيانآ بيكون مستواها متلون يعني لو ماهي بتلفت النظر ومبسوطة من التلطيش ماكان حدا قرب ناحا بس العتب على القانون الذي لايحمي المغفلين وانا بشوف انو عيب الواحد يتصرف هيك ويشوف حالو اذا بيقبلها لأختو
-

2010-03-11 11:33:22
مغتربة
حرام والله
يعني والله حرام هالشباب عم تموت بأول عمرها كلووووووووووو من هالقوانين الحلوة
-

2010-03-10 16:04:14
ملكة
والله عيب على هيك اراء الشباب
مع احترامي الشديد بس في اراء شباب هن عم يقولوا على نفسهم انهم متخلفين انا عم اشوف اذا البنت لبست وتمكيجت بس ببالها الاناقة وهي واجبها الاناقة وحتى الرجال الشاب ليس له الحق في التلطيش والحرية تستدعي هكذا البنت ما عم تخلص اذا تأنقت تتلطش وغير انيقة عم يتمسخروا ويخلوا هذه البنت تمشي بطريق تاني حتى تسال المحجبات والمنقبات هن كمان عم يتعرضوا لهذه الظاهرة
سورية

2010-03-10 12:12:42
Marwa
تعقيب 2
في تلطيش كتير جارح وخارج عن الحياء واحياناً الواحد بيضطر ينزل لمستوى هدول الاشخاص ويمسح فين الأرض او يستدعي الشرطة حتى تبهدلن .
سوريا
-

2010-03-10 12:04:58
Marwa
تعقيب
يلي عم يحكي الحق على البنت باللبس غلطان تماماً لأنو من جهتي وفي كتير بنات متلي بحبو يلبسو حفر وشيال وبنتكور وهادا ما بيعني إنا بلا أخلاق لأني وغيري بنمشي على شغلنا على السريع والشاطر يلي بلحق يقلي كلمة يا حلو ، والشب يلي بحب يلطش والبنت يلي بتفرح بالتلطيش مهما كان في عندن فراغ بشخصيتن عم يعبوا بالترهات هي ...يتبع
سوريا
-

2010-03-08 15:19:59
ahm4
talteash
أنا بعتقد هناك عدة عوامل كرست التلتطيش منها الاباحية المفرطة ببرامج القنوات الفضائية والتي تساهم بتأجيج الغرائز لدى الشباب بالاضافة الى ملابس الموضة التي ترتديها بعض البنات والتي تكون اباحية كتير مما يحض بعض ضعاف القلوب من الشباب الى التلطيش , اضافة أيضا" الى تعقيد أمور الزواج في بلادنا الأمر الذي يؤخر بعض الشباب والبنات عن الزواج وعن التحصن
-
-

2010-03-06 19:06:17
محمد
لاحول ولاقوة إلا بالله العلي العظيم
آخر الزمن قربت الساعة
سوريا
-

2010-03-05 01:09:55
غضبان
أكره البنات بابا سنفور
الحق اولا و اخيرا على بنات هالايام يلي عم يشلطو و يتمايعو بقا السشباب معذورين
سيريا
-

2010-03-05 00:06:51
محمد أيمن بازرباشي
ما بتطلع المشاكل غير من البنات
يعني انا ما رح اقول انو الشباب ملائكة بس ما في حدا بشوف كنز بلا حراسة ما بياخدوا اكيد راح ياخدو ويجن عليه والبنات متل الكنز اذا هي ما عرفت حالا انو هي ذات قيمة في الحالة هي الكل بدو يطلع عليها وما حدا بيعرف شو رح يصير البنت مسوؤلة عن شكلها وجسمها بس اذا بدا تعمل متل الغرب وتعرض جسما بتصير رخيصة متلون وسهلة المنال ومالا أي قيمة عبارة عن جسد بلا هوية
سوريا - حلب

2010-03-04 12:13:56
sabrina
اعطيكون الحل؟
انا برايي انو محدا لازم يتدخل بحدا يعني البنت حرة تلبس شو ما بدها و ساعة هي عم تتمكيج مو لان بدها تتلطش يا اذكياء بس لان هي هيك حابة تطلع من البيت حلوة و مرتبة يعني شو عيب الترتيب و الاناقة ؟ و بالنسبة للشب يعني حلوة التلطيشة بس بادب يعني بلا حكي طالع نازل احسن شي لان البنت بيعجبها مين ما كانت تكون سواء واثقة من حالها او لا يعني خلونا ما نحرم حدا من شي
syria

2010-03-04 01:52:35
لطيف ع الخفيف
تعددت الاسباب والتلطيش واحد
من بعد المودة والتحية والسلام ومع احترامي لجميع الآراء ... انا برايي الحق واللوم على الشباب محدا يئول والله لابسةالصبية فري وفوئهامكياج وآخر صرعة اذا رأي بعض الشباب هيك بنت لازم تتلطش انا بئول انو اذا صادفنا هيك صبية الافضل نمشي من حدها ومانعطيها اي اهتمام احسن شي الواحد ينتر وجهوا بهيك وحدة لأن هيك بتغيظها اكتر وأكيد وئتها رح تلطشك يالله شو شايف حالك
سوريا
-

2010-03-02 14:49:24
أبو حيدر
بصراحة سببها الإثارة
لاحدى يتحسس من كلامي أنا كنت أكتر واحد لطش وطبق بنات بس الآن أنا خطبت وحبيت وحدة وبطلت التلطيش بس أحيانا بتشوف شوفات بالطريق بتخليك تطلع من تيابك نحن رجال وشباب .... عندنا غريزة جنسية ولما منشوف وحدة عاملة بحالها شي ملفت للنظر وكأنها عم تقول للناس ليكوني ولطشوني أي بدنا نلطشها ونلطش أبوها عل هالتخلفة التستر والحياء للبنت يحميها من التلطيش وشكرا
سوري وأفتخر

2010-03-02 13:53:41
فضل
السؤال غلط
مع احترامي للكاتب أنا أرى السؤال غلط الحق ما بس على الشب او البنت الحق على الاتنين مع بعض يعني البنت لا تظهر مواهبها بالمكياج و الروايح و ما تسبّل عيونا من كم كلمة وسخين و الشب يسد حلقو ولا يتطلّع , لأنو يللي بيطلع بييكون عم يدور و أكيد رج يلاقي شي يتحف البنت فيه
سوريا تاج راسي
-

2010-02-27 21:57:57
أبو أسيد
الفراغ القاتل
والله الموضوع برأي في أسباب تخضع الشاب والفتاة على التلطيش والسبب برأي المجتمع و أجهزة الاعلام فنحن نسمح للأبنائنا بمتابعة أفلام ومسلاسلات العشق والغرام وحيث أن كلا من الفتاة والشاب لا يدرون ماذا يفعلون بالمستقبل وبسبب غياب القدوة الصالحة نجد أنهم يقومون بالتلطيش فالحل العودة إلى أخلاقنا العربية والاسلامية والقدوة الحسنة
سوريا- حماة

2010-02-27 20:17:00
assma
غريب
بصراحة أنا وعم أقرأ الردود استغربت كتير من طريقة حكي البعض عفواً بس حضرتك يلي ملاقي التلطيش فن وتراث ومدري شو يا ترى لو انقال لأختك رح تسكت؟؟ بعدين أنا بشوف الحق على كلا الطرفين والخلل بيجي لما واحد من الأطراف يخل بواجبو يعني البنت لازم تكون محتشمة وماشية بأدبهاووقتها إذا قليل أدب لطشها بيكون ذنبو مو ذنبها والشب لازم يغض بصروا ويلتزم بحدود الأدب وم
سوريا
-

2010-02-26 23:46:45
samer
شو يعني
اذاوقفت عالتلطيش..مافي مشكلة..كلمتين تلاتي و بيمضو..اسماع..الشب بيلطش..اذا تجاوبت البنت..بيكمل..اذا ما تجاوبت عالاغلب بيوقف..اذا ما وقف...لازم هي تحطلو حد. السبب: شفت بنت وعجبتك..كيف بدك تشدا..اااه الحل: الحل بايد البنت :؟!
سوريا
-

2010-02-25 21:09:06
أبو الصدق بيك
القصة مشاعر مو فن ولا غلاظة
يا جماعة أنا اللي بقلبي على لساني، فالقصة لابدها تنميق حكي ولا فن ولاهم يحزنون، أي تعبير نابع من القلب رح يلاقي الصدى عند الهدف. مرة لطشت سيدة ماشية هية وجوزها قلتلها: ذوقك حلو يا مدام، قام ضحك زوجها، فرديت بس ذوقك يا استاذ أحلى. المهم ضحكوا التنين وعلامات الشكر على شفاهون... القصة بدها صدق
SYR

2010-02-25 17:55:48
جيل مريض
الله يساعد الله يعين
يا اساتذة صحي في بنات همن الوحيد كيف يتلطشو بس كمان في بنات مو هيك وما شرط البنت الملتزمة تكون محجبة او تمشي يا عاقد الحاجبين بس شباب مريض البنت اللي بتطلع فين وبتتمايع بيلطشوا و اللي ما بتعبرن بيقولوا _يقبرني التقيل _ احترت و الله يحيرني و ما لاقيت غير انو طنش احسن شي وانا بعرف حالي و المهم اني ما اعطي زبالة الشعب اهمية
هيدي بلد.......
-

2010-02-24 19:12:15
Maro
Talteeeeesh
التلطيش برأيي الشخصي شغلة مانا حلوة لا بحق البنت ولا الشب .اكيد في بنات هنن بيفتحو الباب لهيك شغلة طبعأ من خلال إيماءات اوحركات معينة والبنت بتكييف وقت بتسمع التلطيش من هيك شباب.سؤال يطرح نفسه؟يا ترى وقت واحد من الشباب بيصدف اخته عم يلطشا احدهم عالطريق رح ينبسط او يسكت ,لاواللهههههههه
syria

2010-02-21 00:01:44
الطير
الجمال
الله جميل يحب الجمال انا مغترب بالامارات ومفروض قوانين عهالامر غرامة وحبس ويطبقوها عندنا بسوريا [email protected]
-

2010-02-19 09:17:41
دايخ في زمن بايخ
التلطيش
يا شباب ويابنات المشكله فينا كلنا لانو البنت الي بدا تتلطش بتنعرف من لبسا ومن مشيتا ومن مكياجاومن طريقه ضحكتا ونظراتا وانا شخصيا بحب ازعج هيك نوعيات بس البنت المؤدبه كمان بتنعرف وانا بحب ازعج يلي بيزعجا وانا بقترح انو نفيق ونشوف العالم لوين وصلوا ويلي بدو يلطش في بكل مدينه منطقة محدده بيكون فيها بنات حابين يتلطشو يروح عليها وهيك بتنحل المشكله
سوريه
-

2010-02-19 08:31:59
ابو الغضب
التلطيش
يا شباب ويا بنات انا بدي نوه ع شغله انو البنت يلي بدها تتلطش بتنعرف من لبسا ومن مشيتا ومن طريقه ضحكتا لهيك انا شخصيا بحب ازعج هيك نوعيات لانو هي هيك بدها اما البنت المربايه فانا بزعج يلي بيزعجا وبالنهايه لازم نفيق عحالنا ونشوف وين وصلوا غيرنا وما نحكي بهالأمور
سوريه
-

2010-02-18 13:09:05
ابراهيم
اللي ستحو ماتو
يعني التلطيش عيب ومنافي لاخلاقنا وطبعا ما كل الشباب بلطشو البنات ولا كل البنات بتتلطش لانو البنت المحترمي بتحافظ ع حالها وبتفرض شخصيتها اما البنت المايعة من الطبيعي انو تتلطش وطبعا بتفرح لانو بتحس حالها مهمي طبعا في حلول بالتوعية والمنتديات الفكرية والادبية
سوريا

2010-02-17 12:36:52
mhd
التلطيش انحطاط في الاخلاق والقيم-ابن دمشق البار
التلطيش انحطاط في النفوس,فهل ياترى عندما يرى أي شاب أو شخص أمه أو أخته أو عمته أو خالتة أو أحدأقاربه المؤنثين يتلطش من شخص غريب هل يرضى بذلك؟ بالطبع لا. ويمكن أن ينجر لمشاكل لاتحمد عقباها.فلذلك يجب الابتعاد عن التلطيش لأنه آفة أجتماعية سيئة وغير حضارية وشكرا للقراء الاكارم..........
دمشق --------الفيحاء
-

2010-02-16 17:22:30
mhamad kattab
الفن الوان
التلطيش فن من الفنون بس يكون ضمن الحدود ولايمكن الحد من الظاهرة الا اذا منعنا البنات من النزول الى الشارع وهاد مستحيل والحق في التلطيش على البنت والشاب على البنت لما بتلبس احلى لبس وبتحط احلى برفان وبتنزل على الشارع وعلى الشاب لانوالظروف الاقتصادية والعائلية عبتدفعو يلطش والبنت بتكيف لما بتتلطش اذا ماتلطشة بتزعل يا حرام
سورية

2010-02-15 15:32:41
محمد الزايد
رأي
وعلى من يقع الحق في عملية التلطيش؟ على الشب 100% وهل تقوم كشاب بتلطيش فتاة ما؟ ولماذا؟ لا اقوم بتلطيش بنت, لانو مافي بنت بتستاهل التلطيش وهل الفتاة تشعر بالفرح عندما تستمع إلى كلام لطيف من أحد الشباب؟ البنات يلي عندهون عقدة نقص بحالهون , اكيد رح يفرحو بالاكلام اللطيف يلي بيسمعوه من الشباب. الحلول هي: نشر الثقافة الاجتماعية بين الاهل بشكل واضح وصريح.
سوريا
-

2010-02-13 18:20:21
عاشق التلطيش
هواية
من جهتي وانا هلق عمري 22 من وقت كنت بصف الثامن ولهق ما بقدر شوف بنت حلوة وضل ساكت لذلك انا اعتبر التلطيش فن ومتعة وفائدة البنات بيسمعولهم كلمتين حلوين بنسوهم هالعيشة المرمرة والشب بفش خلقو شوي لبين ما الله يفرجها عليه ويتجوز وينستر وبالنهاية بوجه تحية لكل البنات الحلوين والغير حلوين وبقولهم اذا الواحد حكى كلمة حلوة فيجب ان يكون الرد بمثلها او بأحسن
syria
-

2010-02-10 23:50:51
اخ يا بلدي
التلطيش البذيء
استباحة البنت و تسميعها الكلام البذيء مو من حق الشب و مو من حقه يطلع عليها أصلاً شو ما كانت لابسة و يخلي كل مين بحالو.و أنا بس حدا يسمعني كلام بذيء ببهدلو لأنو مو من حقه.ولو كان الشباب عندهون هم تاني غير الجنس ما كان صار هيك بس الجنس هاجس الشب وين ما راح و بيعتبر أنو مسمحله يعمل كلشي.لا حدا يطلع بحدا و لا حدا يحكي مع حدا و بس
syria
-

2010-02-10 10:05:48
ابو يزن
فلسفة
لطالما كان الغزل احد اركان تراث الثقافة العربية العتيدة و "التلطيش"او"المعاكسة"هي احد انواع الغزل انا ارى ان من حق البنت ان تحظى ببعض الغزل وخاصة تللك التي تمشي ولسان حالها يقول "يا ارض اشتدي ما حدى قدي"وايضا من حق الشاب ان يمارس "التلطيش" ليقول للبنت انا شايف انا مذوق انا شبابلك انا موجود بس خلو التلطيشة هادية والرد هادي وكلو كسبان
سوريا

2010-02-08 22:26:15
بشار عاشق ميلودي
عند رهف الحل
لك شو يارهف شايف أنك لمحتي مشان وظائف لخريجي الأرشاد بس والله فكرة الدورات بتفيد الشباب والبنات وأنتوا بتلاقوا شغل ما!! قد محكينا مارح يتغير شي...
دمشق

2010-02-07 07:51:15
يحيى
غريب .!!
يعني غريب فعلا الي كتبته احد المشاركات .. ان البنت تلبس شو مابدها .!!! شو نحن وين عايشين ؟؟!! يعني تخيلوا اشب يلبس شورت ويجي عالجامعة ؟! شو نحن بغابة ؟! الله المستعان
سوريا

2010-02-07 03:03:57
رهف
رح كمل حكيي ...
الحق عالبنت لما بتكون هي عبتلفت نظر والحق عالشب طبعاب75%من الحالات لان في شباب اذا البنت مفيمةبدن يحكو مابيقدرووطبعا كله بعود لتربيةالاهل وللبيئةوالرفقة..الحل تربيةالاهل وانتباهن عانتقاءرفقات ولادن وبالنسبة للبنت مراعاة لباسهاوسلوكهاحسب كل مجتمع بتكون فيه ولازم يكون في دورات توعية ممكن المرشدين النفسين بالمدارس يقوموفيا باساليب خاصةتقدر تقنع شباب هالجيل
سوريا
-

2010-02-07 02:50:45
رهف
ياريت بيكتفو بالتلطيش...؟؟
مرحبا اول شي انارهف خريجةارشادنفسي هلق بالنسبة للتلطيش صارعادةمكتسبةممكن نشوف ولدعبلطش مابيعرف ليش بس هيك شاف غيروعبيعمل اويمكن الشب بحس برجولتولمابلطش وطبعاالبنت بتاكلا..البنت ممكن تفرح لتلطيشةلطيفةتحسسابأنوثتابس الكلام التقيل بيزعج وبحسساانهاشي سلعةللعرض هاي غيرالتصرفات اللي بيعملوهاولادالشوارع اللي بتفلج..طبعاالحق عالبنت لما بتكون اوفر بلبسااو مشيتا
سوريا
-

2010-02-06 16:09:55
MR.DIE
لا تعليق
انا كمان من الشباب الي ما بيلطشوا عل بنات بل طريق بس المشكله اني في شباب كتير سئيله بيزيدوها شوي عل بنات ومع هيك في كتير بنات بتقوافق على اني هي تتلطش من اي شب كان بس هون الحق بيرجع عل الاتنين بصراحه وكل واحد بيعمل الي بيرحوا
سوريا
-

2010-02-05 20:43:12
بشار
الحق ع الحياة
أذا الشب شاف البنت بدو يلطش هيك مزاج ولأنو البنت من يوم يومها ولا شي بتفكير الشباب ولو طلعت ع القمر...باااااااي
سورية

2010-02-05 01:37:56
ayoub
على من يقع الحق في عملية التلطيش؟
لا أظن ان الشاب هو من تقع عليه عملية التلطيش لأنه أدرى بمصلحته أما الفتاة فتستحق عملية التلطيش لأنها قد تقع في متاعب بسبب عدم المراقبة
maroc

2010-02-04 18:28:20
راجم الجماجم
لعقل زينة والمحابل عا الاسطوح
متل ما الو الشباب الحق عا الاتنين الشب بلا ذوق يأنو احيانا بنت محجبة ولابسي مانطو ومن مجميعو بتتلطش ويعني ما بستغرب بعد فترة تصير البنت تلطش الشب عكل حال لك تسلمولي عها التعليقات شو نغشة وانت فايقين ورايقين وهي لطشناكون كلوكن شو بدكن تساو
سوريا
-

2010-02-04 00:00:08
شب قرفان
التخلف
يعني السبب الاول والأخير هوة تخلفنا
syria
-

2010-02-03 01:09:59
Sakalambo
شاوينة
إي هي صايرة عند كتير شباب فرض واجب إزا شافلو شي بنت يعمل حالو فالنتينو و كتير بنات بجابو على أساس مو عاجبهون بقولو "و رصاص" طبعا مع ضحكة يعني الجوز فزلكجية
سوريا
-

2010-02-02 11:03:20
شاب غاضب
كلو على البنت
لشو الحق على الشب فمثال لو شاف البنت بكامل اخلاقها وتهذيبا ممكن ايلطشا وبعدين الشب بالغريزة اذا شاف البنت مظهرة مفاتنها رح ايطلع الا اذا كان قوي الدين وللاسف هادا صار شي كتير نادر بس لولا انو البنت عم بتحط مكياج وبودرة من شان تتلطش لما كان حدا اطش حداوبقول ل لانا خصوصاالحق 100% على البنت ********
SYRIA

2010-02-02 08:16:09
بشار عاشق ميلودي
البنات مقهورين مني
هاي من جهتي لو شفت بنت محجبة أو حتي سبورت ما بلطش !!مو خوف ولا حتى تهذيب بس لأني بعرف أنو التلطيش بيعطي ثقة للبنت وما بدي أعطي ثقة لأحد وخليوهن يطقوا وأنا شايف حالي ..وما بنذل لأحد بدي روح أتفرج ع ميلودي هيتس ..قناتي المضلة بااي مع حترامي للكل
دمشق العروبة

2010-01-31 21:29:56
ميمو حافظ
الحق على الأهل اللي ما ربوا صح
ما فينا نحط الحق على طرف معين لأنو البنت المفروض تصون حالا والشب المفروض يصون نظرو أكيد كل شب عندو أمو أو اختو وبخاف عليها وقليل النخوة اللي ما بفكر انو هل البنت ممكن تكون امو أو اختو وتتعرض لنفس الموقف المحرج ... المهم الأهل وتربيتن لألنا والبذور اللي انزرعت فينا هيه اللي بتحكم تصرفاتنا بالكبر وشكرأ لكل أم أب عبربوا صح لأنو الظاهر هل الشي صار نادر
دبي
-

2010-01-31 09:45:49
العكيد
متل حلبي
في عنا متل بحلب بيقول يلي ما بيدلي زمبيلو(الدلو الذي يملئ بالماء من البئر) محدا بعبيلو
حلب
-

2010-01-31 00:24:24
يوسف
تلطيش
بصراحه 90%على البنت لانو الشب لما بشوب البنت لابسة لبس ملفت وعلى الموضة وحاطة 3كيلو بودرة هلى وجهها اكيد بدو يلطش غصب عنو
سوريا
-

2010-01-29 16:13:42
واحد منكم وفيكم
السبب واضح
السبب الرئيسي هو الانحطاط الأخلاقي والاجتماعي. الأهل انتقلوا من عدم التربية الى التربية السلبية أي تربية الطفل على الانحلال الخلقي. المناهج التعليمية لاتربي والأصدقاء يشاركون في نشر الفساد. أما بشكل مباشر فالحق عل الطرفين الشب مابلطش بنت مابدها تتلطش والبنت المستورة بلبسها ومكياجها ونظراتها وابتسامتها ماحدا بقربلها. والشب المحترم مابوقف عند مدارس البنات
سوريا
-

2010-01-29 00:01:07
غاضب
شوية ادب وشرف
ياجماعة والله مصيبتنا ما بتوقف على التلطيش لو بس تلطيش بسيطةوانتو العارفين انو في بنات محترمات وما بيقدرو يردو ولا بكلمة على الي عم يلطش وهون المصيبة الشب رح يتمادا اكتر ويقلل ادب وشرف لانو شاف البنت ضعيفة ومو قادرة تردو والبعض بيتمادى وبيتخطى الخطوط الحمرا اكيد فهمتوني انا بتمنى من كل انسان شريف بشوف هيك شي يدافع وما يسكت و اجره على الله
سوريا
-

2010-01-28 23:36:07
لانا
الحق اكيد مو عالبنت
والله انا بئول انو انتو الشباب ما دخلكن بلبس البنت ليش نشا الله البنت بدها تلبس متل ما انتوا بدكون؟ هادا لسانكون الطويل و بعدين انا بشوف كتير ناس محتشمين و بيتلطشوا ! بس بصراحة انا ما بنزعج ازا لطشني شب بس ازا كانت كلماتو ضمن حدود الادب و بعتبر هالشغلة عاادية كتير كتير التلطيش
سوريا
-

2010-01-28 17:54:00
ولاء
سؤال مابعد التلطيشة
هلأ التلطيش سببو قلة أخلاق و دين وثقافة و مابدو اتنيت يحكو فيها.. بس السؤال للملطش بعدماتطلش وتتبهدل شو بتحس ؟ وبالمستقبل (يعني وقت بدك تخطب) مابتخجل من بيت حماك وقت بدهم بسألو عنك وبيعرفوك ملطشاتي كبير وإلك زوايا مقدسة براس الحارات و موقف خاص قدام المدارس؟ و بالنسبة للبنت الملطشة مابتخافي من الشب..يعملك اللازم؟(و هي أول مرة بسمع أنو البنت بتلطش)
حلب
-

2010-01-28 07:03:10
نون
حكى
من راي وارجوالايكون صواباً التلطيش يقع الحق فيه غالباً على الشباب بصراحة لانه من يلوم البنت حتى المبرزة لكل ماهو مثير لأنه وببساطة غير مجبر عاى تلطيشها ويمكن له ان كان رجل حقيقي تطنيشها وينجرح كبرياؤها الانثويي المصطنع احسن من تشجيعها على الاستمرار يمنظر يفسره الشباب المحروم عاطفبا وفكريا على انه دعوة للتلطيش ويصير يبرر ويقول الحق على البنت.........
-
-

2010-01-27 00:03:16
محمد
بصير والله يمكن يصير أو لأ
والله انا بظن انه الحق على البنات مو لاني شب بس هذا يلي عم يصير اليوم صح واكيد انتو معي لانه البنت هيي يلي بتسمح للشب بالتلطيش
فلسطيني سوري وأفتخر

2010-01-26 02:50:01
sorgul
الوردة الحمراء
كل واحد يطلع على حالو اذا عم يلطش او عم يفكر يلطش اذا بيقبلا على حالو فلطش وخد راحتك والمثل بيقول (اذ لم تستحي اصنع ما شئت)وتذكر دائما ان الله يراك
syria

2010-01-26 00:11:11
honey
طولوا بالكم يا جماعة
مع أحترامي للسادة المعلقين بس ما في بنت ما تلطشت ولافي شب وما لطش وياسيدي خلينا نؤل بالغلط بس بالنهاية في شغلة كتير مهمة إذا كان الشب مروء بلطش وإذاكانت البنت نفس الشي لا شعوريا بتحب نلفت الإنتباه وما عرفنا اللون الأبيض حتى شفنا اللون الأسود
حمص

2010-01-25 13:36:01
مهووس نت
مابدها تنين يحكوا فيها
التلطيش صار نوع من انواع الروتين اليومي سوائا للشباب اوالصبايا ومتل ما اتكرم البعض انو الحق مو عالشب بالتحديد او ع الصبية بس فينا نقول انو وضع الشب صاير بقهر يعني عايش حياتو بنسبة 100% فراغ والفراغ هاد بيولد عندو شي مو طبيعي من الأمور السيئة انا برأي لو الشب لئا شي يعبي فراغو ويلتزم شوي دينيا والصبية تبطل تغري الشب لوعن طريق النظر رح تصيير الأامور تمام
بكل فخر سوري

2010-01-23 02:39:27
سوري
بموضوعيه
الحق لا عالشاب ولا عالبنت الحق على الظروف التي نعيش بها غلاء اسعار بطاله كبت اجتماعي كلها اسباب فبعض الشباب يحاول تفريغ طاقته واوقات الفراغ الكبيره بحياته بهذه الطريقه بما ان معظم وقته فراغ والجانب الاخر ثقافة المجمتمع بالنسبه للفتاة التي تعتبر ان كل شي بالنسبه لها ممنوع وحرام مما يجعلها تثور على التقليد ولو بابسط طريقه دون وجود ثقافة توعيه للنتائج
syria

2010-01-22 14:16:14
زاهر
كلمة حق
إذا الشب بلطش بنت محترمة حالها بالطريق فالحق على الشب أما إذا كانت البنت لابسة بلا تياب فرح تتلطش ان قالت اي اولا صح مافي شب بيرضاها لاهلو بس كمان اذا كان في صبايا بيعتقدوا بداخلون اذا ماتلطشوا مانون حلوات او انيقات وبالتالي بيعملو حركات لجذب النتباه
سوريا
-

2010-01-22 10:00:32
بوظة على الفحم
اي حاجة
لك انا مرة عم احكي على الموبايل مع صديقتي وقلتلها كذابة وللصدفة مارقين من جنبي بنتين عم يحكو مع بعض وشو فكرت العينتين اني عم احكي معها وفلت هديك الفلتة والله لا يوريكن انا كذاب يا؟؟؟ انا عم اكذب يا ؟؟؟؟ وشوفو ملافظ السعد يلي طلعت منها اي والله والله لو ؟؟؟؟ ما بتحكي هيك حكي الله وكيلكن يا شباب ما دخلني لهلأ ضميري عم يأنبني ليش ما رديت عليها
-
-

2010-01-22 02:03:29
سيرين
التلطيش؟؟؟؟؟؟؟
انا براي انو الحق بالموضوع على البنت لانو البنت لو ما بتوحي للشب انو والله تعال لطشني الشب ما بقرب عليها ولا بقيمها من ارضها وفي شباب بلطشو عالرايح والجاية وما بقولو هي محتشمة ليش نلطشها؟؟؟ المهم لطشو لانو هاد بمفهوم الرجال او الشباب رجوووولة ومعلمية
syria
-

2010-01-22 01:53:21
سيرين
الحق على الاتنين
هو بدك تجي على الحق التلطيش البنت عليها حق اكتر من الشاب لانو هي بتوحيلو انو جاية على باها تتلطش ولو ما هيك الشب ما بقرب عليها ولا بشيلها من ارضها صح ولالا
syria

2010-01-20 02:10:59
Dr.ROR
اللي ما بتزت حالها ما حدا بيستلقاها
ملو اوقات الفراغ .. وخلو الاهل يربوا صح وخلي الامهات تكسب ثقت بناتها .. وتربيهم على تلهاية دمغاهم .. ولبسوا البنات لبس مستر ... وربوهم ..على الاخلاق العالية .. ما بتلاقوا البنت بتجذب الشب ليلطشها .. وما بتلاقوا الشب .. ليلطش البنت ..( المدينة الفاضلة لأفلاطون ممكن تلاقوا كل هالشي) قال ذنب... اعوج لو حطوا بالقالي 40 سنة
الاحلام
-

2010-01-19 18:31:08
أبو العباس
التلطيش أحد وسائل الإعجاب بالجمال
يا أخي إن الله جميل يحب الجمال والحلو ما بيخبي حالو
سورية
-

2010-01-19 10:17:31
متعصبة للجنس النسائي
لك احكوا كلمة حق
بالله ليش الحق على البنت ولا شباب هل الايام مابشوفوا حالون لك صار لبسون اضرب من لبس البنت وبيرجعوا بقولوا الحق على البنت . لاء الحق مو على البنت ومن وجهة نظري البنت مابتفرح اذا تلطشت لانها بتعرف انو هل الشباب مابوشون نظر بيلطشو الرايحة والجاية
سوريا
-

2010-01-19 09:58:46
walking disaster
وين الجريمة
انامن الناس يلي مابتلطش ولابتعرف تلطش اساسا.ولابحب هالشغلة.بس وين المشكلةاذا واحدلطش عوحدة اووحدة لطشت عواحدعجبها؟يعني موضوع طبيعي وعادي اذاحدا من احدالجنسين لفت نظروحدامن الجنس الاخرموجريمة يبدي رأيو واعجابو فيه وطبعابقصد التلطيش اللطيف يلي ما بيحمل اساءة اواهانة اواذى..بدكن تجرموكلشي الو علاقة بطبيعةالانسان السليم الجنس والحب والتلطيش كمان؟سيبو هالبشر
syria

2010-01-18 22:53:26
ختيار
شيء مزعج للاسف
في الحقيقة ان هذه العادة السيئة انما تدل على ضعف اخلاقي ولا يجوز توجيه مثل هذه العبارات فقبل ان يتصرف الشاب هكذا تصرف يجب ان يقيس الأمر على نفسه ليتصور ان البنت اخته او امه او او او ومع ذلك فان اللوم لا يقع على الشاب لوحده فالفتاة التي تخرج الى الشارع متبرجة و متزينة كأنها ذاهبة الى حفل زفاف تتحمل مسؤولية فالمسؤولية تشاركية بين الشاب والفتاة
سوريا
-

2010-01-18 22:34:21
سيدة الكلمات
أن تلطش أو لا تلطش
أن تلطش أو لا تلطش ليست هذه المشكلة لو اقتصر الموضوع عالتلطيش بالطريق كنا قلنا ألف الحمد لله يا ابني أنتا وياه كل واحد يحط عقله براسه وترككم من هالحكي الفاضي أنو نتناقش بشي سخيف يعني قرر بدك تلطش لطش وإذا ما بدك إن شالله عمرك بس لا تضيع وقتك وأنت عم تحكي عن التلطيش "من الأفضل أكل التفاحة بدلا من الحديث عن التفاح نفسه" ....أحدهم
دمشق

2010-01-18 22:13:13
فتاة عصرية
مجرد رأي
بصراحة أنا برأيي الحق بتلطيش يقع على جنسين معا ولكن أحمل الفتاة مسؤولية أكثر فلولا لبسها وطريقة مشيتها وضحها الغير العاديين لما أقبل شباب على تكلم معها لكن بنفس الوقت تجد شباب لو المرأة لابسة أسود بأسود بيلطشوها بتصوري نعم الفتاة تسعد بسماع تلطيش لأننا كلنا نحب الإطراء والمديح وأنسب حل برأيي الالتزام بالأخلاق وقوانين المجتمع واللبس مناسب
سوريا الأسد
-

2010-01-14 23:43:11
venus
شباب وبنات فاضيين
أبدي رد عالأخ يلي عم يقول (انو ما فيه يشوف بنت حلوة وريحة عطرها طالعة وما يلطش)انو هاد الحكي عيب يعني ما بموت اذا بشوف وبيسكت وما في داعي يتحفنا برأيه. ممكن يكون في حق عالبنت لانو البنت لازم تتحكم بمشيتها ولبسها شوي .
syria

2010-01-14 12:15:00
rania
تلطيش!!!!
الحق عالبنت لأنه هي سبب مشكلة زيغان عين الشب بالتأكيد وقت تكون خارجة بمظهر لائق دون الرغبة لإظهار كلها على الملأ وبتتلطش بكون الحق عالشب عيدم النخوة بس وقت بتطلع مطالعة حالها بلا شي يعني ىسفة على بنات هالأيام علماً انه الشب بيحترم البنت المستورة آلاف المرات مقارنة بالبنت اللي....
syria

2010-01-13 22:19:10
latakia
شباب عينن فاضه
انا براي مافي شب محترم و بخاف الله بيلطش على بنت شو ما كانت لابسة مع انو بيلطشو على لمخمرة من فضاوة عينن بس لو هو مربى بيت اهلومنيح ما بينزل حالو لهل مستوا لوضيع بس شاطرين يحطو لحئ على لبنت وهن بيركدو على سوق لبنات وبيجهزو حالن كانو عرسن وبتلائيهن وائفين وناطرين من كل عئلن بئا لحئ على مين
سوريا
-

2010-01-13 13:08:38
مازن
التلطيش
أنا برأيي من كثر الهموم اللي براسنا بنلجأ لعملية التلطيش يعني البنت عم تستنى شي شب ليتجوزها بقى هي بالنسبة لها عملية مفيدة والشب بدو من الله شي بنت توافق على اوضاعو لإن ما عندو لا بيت ولا سيارة بقى التلطيش بزماننا هذا مثل الخطبة من خمسين سنة يا بتوافق البنت يا بترفض (تمام تمام ..هذا الكلام ) هههههههه
syria

2010-01-13 11:39:25
ammar
ما رأيك
انا شب وبحط لوم التلطيش على البنات لانو لو البنات ما عطوا الشباب وش ماكانوا الشباب لطشوهم وبعدين البنت يلي بتحب التلطيش بتبين بحكم الخبرة وانا من الشباب يلي ما بحبوا انو ايلطشوا البنات
سوريا

2010-01-12 23:00:18
A Syrian Woman
SHAME
Shame on these guys defending 'taltish' sorry no translation in English. Very uncivilised and nothing funny about it. Every girl should be free to do what she likes without verbal assaults . Let's respect each other a bit more!!
England
-

2010-01-12 12:33:51
haytham
damas
التلطيش ضمن حدود لفظية مهذبة هو تنفيس لا بد منه بالنسبة لاعمار معينة ولكنها والبنات احيانا بتلطش
syria

2010-01-10 17:56:23
R.A.K
أنا بنت ولحق ما علي
أولا الشب لما بلطش بنت معليش بس لما أختو بتلطش ما بصير وهي مشكلتنا منقبلا على بنات العالم وعلى أهلن لأ ولشب المحترم ول المتربي مابلطش لاحظو أنو الهبور بلطش بينما الجنتل بس يطلع
سوريا
-

2010-01-09 14:19:06
ابوحلب
لاتلحقني مخطوبة
1_الحق 100% على البنات اذا ابسألوني ليش الجواب هو انو مومعقول نحنا الشباب نشوف قمة الجمال والاناقة وريحة العطورات و........الخ وما يطلع من تمنا شي حلو 2_طبعا لا لانو الحمدلله ملتزم بديني يلي ما بيسمح بهالشي 3_اسالوهن مابعرف 4_البنات يلتزمو بمشيتهم وبلبسهم وبتصرفاتهم
syrian arab repuplic
-

2010-01-09 13:51:02
سامح
التلطيش وسيلة
لو ما كان التلطيش وسيلة ناجعة وعملية لتطبيق البنات ما كانوا الشباب لطشوا، رفيقي هو واحد من الملطشين وكل شهر بكون مع بنت لأنه بوقف عالطرقات وبنزل تلطيش .. لأنه بعرف تماماً انه رح توقع وحدة بالشبك ... فالتلطيش هي أداة صيد للفرائس الغبية.
سوريا

2010-01-09 07:46:54
قيس
التلطيش
السلام عليكم انا رأي بهذا الموضوع انو هذا الشي غلط وعيب لانو كل شب بدو يلطش اي بنت اولا يعتبر اختو او قريبي الو ماشي با الطريق بيقبل اي شب يلطش عليهم .لو البنت بتكون مبسوطة بهذا الكلام ما بصير عيب عااي شب يلطش البنت يلي عا الطريق وشكرا
سورية

2010-01-08 00:27:49
سالم
ظاهرة أم سنة ؟1
كل الكائنات الحية تميل بالفطرة الى تأكيد وجودها عند الطرف الآخر بطرق مختلفة هذه سنة الخالق .. وليست ظاهرة مرضية إلا عندما تشكّل انحرافاً ... وقناعتي لا يستطيع أكبر / أزعر / أن ينال من أي أنثى إلا برضاها حتى حتى لو كانا لوحدهما في أدغال افريقيا مع ملاحظة أن النساء هن المسؤولات غريزياً عن استفحال الظاهرة هذه .... والتعميم خطأ عل كل حال
-

2010-01-06 14:38:16
roro
يتركو البنات بحالهون
والله البنت اكيد مو هيي السبب لان اللي بدو يلطش بيلطش ان كانت الوحدة لابسة عباية وان كانت عجوز كركوبة والمحترم محترم ما بدو مين يفهمو شو لازم يتصرف ما حدى بيعرف شو بدهون الشباب ان كانت البنت مهتمة بحالها بيئولو عنها مزودتها وان كانت مو كتير مهتمة بحالها بيئولو عنها مهملة ومتخلفة يعني يرسولهون على بر هنن مو عرفانين شو بدهون
سوريا
-

2010-01-06 10:53:52
المغترب السوري
عادة سيئة 2
تتمة : أتابع القول لا يعتقد أحد من الشباب أن البنات والنساء تفرح لهكذا كلمات نابية كما يظن بعض الشباب المريض في هذا الزمان فالفتاة أقسى ما يزعجها هو سمع الكلمات النابية والبذيئة وأقول يا أخوتي الشباب اتقوا الله في بنات الناس كي تتقي الناس الله في بناتكم وكما قيل عامل الناس كما تحب أن يعاملوك وكما قال النبي (ص ) ( الزاني يزنى به ولو بجدار بيته )
السعودية
-

2010-01-06 10:44:47
المغترب السوري
عادة سيئة
السلام عليكم ورحمة الله وبركاته أنا برأي الحق الكبير بيوقع على الشب لأنو هو مين يتفوه بهالكلمات النابية ووالبذيئة التي تخدش الحياء وبعض الشابات ممكن يشجعوا على تلطيشهم وذلك من خلال الملابس الفضحة والضيقة ولا أقول أن هذا عذر وذريعة لكي تلطش الفتاة المهم يا أخوان عامل الناس كما يحب أن يعاملوك إذا لطشت بنت أكيد رح يجس مين يلطش أختك أو أمك أو أحد أقاربك
السعودية
-

2010-01-04 18:15:47
مرهف
راي
انا بعتقد الاثنين والاغلبة الحق على البنت والحل اعادة النظر بالتربية في البيت لو البنت ما مدت يدها الشب ماكان استلقاها
-
-

2010-01-04 01:40:32
محمد
الحل
طبعاً الحق على أخلاق الإثنين ولكن المسؤولية تقع على عاتق الفتاة أولاً . والحل موجود في القرآن الكريم بصراحة ووضوح . يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلَابِيبِهِنَّ ۚ ذَٰلِكَ أَدْنَىٰ أَنْ يُعْرَفْنَ فَلَا يُؤْذَيْن
سوريا
-

2010-01-03 23:56:19
manaf
رأي
والله الي ما بدلي زمبيلو ما حدا بيعبيلو
سوريا
-

2010-01-03 05:53:48
لطش دينار
الحق على آدم وحواء
يتساوى في هذا الشاب والفتاة بنسبة متساوية
سوريا
-

2010-01-02 19:28:06
فادي حلواني
الحق على ال2
موضوع جميل جداً في الحقيقة إن الحق على الشب بالدرجة الاولى لان لا توجد أي فتاة حالياً لا تخلو من التلطيشولو بكلام , وأعتقد بان الفتاة باستطاعتها ان تضع حداً لذك وذلك من خلال فضحها للشبوعدم السكون له إطلاقاً لان عندما تكون الفتاة قد سكتت فالشب سوف يتمادى في ذلك
حسكة
-

2009-12-31 13:39:19
Hamouzkaaa
تلطيش
انا شب و بحس الشب يلي بيلطش حتى يجذب انتباه شي بنت انو معو عقدة نقص و انو المهم عندو انو تنتبهلو ضحكتلو ولا بهدلتو كلو واحد المهم انو يبرهن لحالو انو بيئدر يتبهدل بس المشكلة انو في فئة من البنات بيحبو هادا الشي بيحسو انو هادا شي بيخليهم يحسو انو مرغوبين و الصراحة هنن سبب المشكلة لبائي البنات و ولولا هيك كانت الظاهرة مختفية
Angels
-

2009-12-31 02:04:44
شاب سوري
القصة بيتشارك فيها التنين
يعني هل المشكلة متوقفة على نوعية الشخص , يعني الملتهب جنسيا بيعمل كل شي من تلطيش ومن مصاحبة ومن ومن , كمان البنت الملتهبة جنسيا بتعمل نفس القصة , هي نوعية القوى الجنسية عند المراهق أوالمراهقة أو الشاب أو الشابة , الحل طبعا هو مساعدة الشاب على الزواج السريع حتى لا يتسبب الأمر للزنا وفي بنات وشباب كتير وصلو لهل المرحلة , أما المنظر الحظاري فهو مؤيد لأمر
syria

2009-12-30 22:20:17
طالب جامعي
الحق ع البنات
شوفوا لقلكن وقت بتكون البنت محتشمة ماحدا بقرب عليها ولما بتكون لابسة ملابس فاضحة ملابس ضيقة وتعري إلا شوي ما أحلاه الشب يضبط حالو قدام هيك موقف وأناشخصيا سألت كتير ع الموضوع وقالولي معظم البنات أنو بيلبسوا ملابس ضيقة ليعرضوا مفاتنهن والله وماأحلانا كشباب مانقوم بالتلطيش قدام هيك موقف و السلام ختام
سورية - حماة
-

2009-12-30 00:28:16
انا
اقول و عمر القراء يطول
1- للأسف انو 80% من الحق هو على الشب * 2- انا كشاب و اعترف امام الله ما بعمري لطشت بنت و عمري الان 33 سنة و متزوج من 3 سنوات لأن لا اخلاقي و لا تربيتي تسمح لي بتلطيش البنت * 3 - مااعتقد ان البنت المحترمة تفرح بالتلطيش (هذا الجواب استعنت به من اختي و زوجتي)* 4- الحل : لو كل شب قبلما يلطش بثانية فكر بأمه و اخته ما كان قال للبنت حتى لو كلمة لطيفة
بين سوريا و الكويت
-

2009-12-28 22:54:17
شب سوري
التلطيش عادة رائعة
أنا أرى أن التلطيش ومن منطلق وجهة نظري العميقة والدقيقة ضرورة مفيدة ويمليها علينا الواجب الانساني والاجتماعي لان الفتاة عندما تستمع للتلطيشة الرائعة تعتبرها وجهة نظر قيمة وعلى قولة المتل الشعبي ( لا تشوفني عم اتدرج لطشني واتفرج) المنتشر بين الشباب وشكرا للنشر
سوريا
-

2009-12-28 10:46:49
مغتربة مقهورة
التلطيش
تتمة: والحل أولاً يجب أن يكون من الداخل أي من الأسرة بتوجيه أبنائهم دينياً و خلقياً ثم من الحكومة لمن لا يرتدع فمثلاً في الإمارات لا يستطيع الشاب تلطيش البنت إن لم تشأهي حيث ترى التحريات منتشرة في المولات والمدارس و غيرهاو لذلك فإن البنت هناوالحمدلله تأمن على نفسها وللأخوة الذين لا يستطيعون مسك أنفسهم يقول عليه الصلاة والسلام" عفوا أنفسكم تعفكم نسائكم
الإمارات
-

2009-12-28 10:39:55
مغتربة مقهورة
التلطيش
التلطيش من أسوأ العادات في مجتمعنا و خاصة إذا كانت بألفاظ نابيةو الحق على الشباب في الغالب لأنهم لم يتربوا على الدين و الأخلاق وأن الله تعالى قد أمر بغض البصرالتي تؤدي إلى الفتنة ثم الحق على هذه الفتاة السافرة و لكن كما نلاحظ في مجتمعنا أن حتى الفتاة المتحجبة تتعرض للتلطيش و بكلمات فظيعة ناهيك عن تعمد البعض بلمس الفتيات عن عمد(التحرش)
الأمارات
-

2009-12-27 22:51:45
memo
قلة ترباية
كما قال الشاب العاقل التلطيش يعبر عن حالة كبت و أقترح أن تكون الشرطة موجودة أمام مدارس الفتيات وكل من يقوم بالتلطيش يحلقولو عالصفر إدام المدرسة والحل الحقيقي أن تتحشم الفتيات في اللباس وأن تصرخ في الشارع إذا بالغ أحدهم في تلطيشها من شان ياكل قتلة وما بقا يعيدها
حلب

2009-12-27 14:18:45
سيدة المطبخ
التلطشي دليل على فراغة العين
التلطيش بيدل على فراغة عين الشب الي عم يلطش لانو ما بتمرق بنت غير وبيلطشها بس انا نفسي اسال الشباب انو هنن لو عندن اخوات بنات بيرضوا حدا يلطشن والله ما شينن على المبدا الي بيقول يحق لي ما لا يحق لغيري والله يا شباب عيب عيب هالتصرفات الي بتدل على عدم تربية بالبيت وعلى فراغة عين
سوريا

2009-12-27 00:18:16
شاب عاقل
التلطيش ينافي القيم و يعبر عن كبت
لا يقوم بالتلطيش إلا الشباب "الزعران" الذين يسعون ليثبتو ذاتهم لنقص ما في الشخصية ...و هو ناتج عن كبت موجود أحد أسبابه قلة الثقافة الاجتماعية و ربما نظام فصل الجنسين في مدارسنا فلا المجتمع يرضى بإلغاء الفصل ولا الشباب يتوقفون عن "تلطيشهم" ولا هم يرضون حتى ذلك على أسرهم أي "أخته أو قريبته" هناك حق على الجنسين ..فقليل ما تتعرض فتاة ملتزمة بأخلاقهالذلك..
سوريا
-

2009-12-26 23:21:21
mad boy
الحل الناجع
اذا تعرضت الفتاة للتلطيش فعليها بالتطنيش
syria

2009-12-26 18:19:22
mohammed
عادي جداً
هلأ التلطيش امر طبيعي وموجود بكل الدول وهو مفيد لأن الشب لمن بيكون عندو وقت فراغ بيشغل هاد الوقت بالتلطيش مو أحسن ما يضل آعد لاشغلة ولا عملة والشب ما بيلطش لكل بنت بيشوفها بيلطش بس للبنات اللي مفكرين حاللهن حلوين ومدهنين وشن بالمكياج .......
سوريا - دمشق

2009-12-26 13:08:10
حسين
كلو من الفضا
وحياتكون سبب هالتلطيش كلو هو الشباب الفاضي واللي ما عندو شي يملا وقت فراغو فيهأاو لتعويض شي عقدة نقص عندو بس على كل الاحوال كلو ماشي وأجيال عم تتكرر فيها نفس القصص
الامارات
-

2009-12-24 19:33:19
مواطن
تلطيش
شخصياً لديّ كل القناعة أنا التلطيش ظاهرة طبيعية وطبيعية جداً بين كل المجتمعات وعل مدى العصور .. لكن .. سؤال : بربكم هل يستطيع أي أزعر أن يمارس التلطيش دون الضوؤدء الأخضر من الأنثى .. الأوادم محتقرون من الأنثى لانهم أوادم
سورية
-

2009-12-23 19:20:37
سها
ما رايك في التلطيش
الحقيقة التلطيش جاري و مستمر لسبب واحد وهو قلة الثقافةالاخلاقية عند بعض الشباب و بنفس الوقت عند بعض الفتيات. 
venezuela

2009-12-23 18:45:21
عبدو الميداني
الله يعطيهن العافية
يعني عنجد الله يعطيهن العافية شغلن كله مزبوط بعرف واحد مترأس الحملة عنجد ارجاني شو بيعملو وكزا
syria
-

2009-12-23 11:22:25
Alyazan
عبث غير مبرر
التلطيش لا يبرر, خطأ بكل المقاييس و قد يصل لدرجة الجريمة في بعض الحالات غالبا ما يعود السبب إلى عبثية و طيش بعض الشباب و انحطاط المبادئ عند بعض الفتيات, هذا يستلزم العقوبة و أطرف العقوبة هو ما قد يكون من البنت نفسها(إن أحشمت نفسها), على سبيل المثال فلي بنت عم تعرضت للمعاكسة بسبب خمارها(أي من قبيل اللهو المحض و السخرية) فكان الرد بعكب الحذاء !
Syria

2009-12-22 21:05:16
هانيي داتي
1
الشباب والبنات مسكين,و مغرر فيهن, خلينا نساعدن و نفهمن أنو هاشي غلط ومضر للكل,وشكراللجمعيع
سعودية
-

2009-12-22 18:19:00
طالب حقوق
مو باليد
الينات حلوين كتير وما عم نحسن نضبط حالنايعني كتير زودوهاب الاواعي المزلطة
سوريا
-

2009-12-22 14:49:33
sara loona
شباب أعمى
بالوقت يلي شبابنا بيلتهي بهالامور غيرنا بيكون عم يخطط ويدبر المكائدونحنا بعدنا عم نلطش ونتلطش اصحو وشوفو وين نحنا وهالبنت يلي بتضحك اذا تلطشت وبترفط تلم حالها وتنضب وانت يا شاب يآآدمي لوكانت اختك يلي عم تتلطش شوبيكون رأيك شوفوالعالم وين صارو ونحنا لسى منفكر بهالأشياء التافهة ومن جهتي الحق ع البنت والشب كمان يأصر لسانو لأنو عيب عليه
syria

2009-12-21 16:13:40
باسل جبر
[email protected]
هذا شي معيب وغير اخلاقي او حضاري وهو يعكس البيئه التي عاش قيها الشخص الذي يمارس هذي العاده السيئه وانا اوافق رند برأيها في بنات بتحب تتلطش بس تكون بكلمات لطيفه ولكن ماذا عن التلطيش بكلمات نابيه وحقيره تخدش الحياء بكل الاحوال هي ظاهره تاتي من الفراغ العhطفي الذي يعيشه الشاب وتزول بمجرد وجود من يملئ الفراغ وشكرا
السعوديه
-

2009-12-21 12:16:33
أبو مازوت الهلالي
تنعطى لطشه
لطشني ولا لطشتو ! مابيطلش إبن الفلاح ياعيني لالا ... التلطيش : تعبير عن مستوى من الأخلاق المتدني ! واللي بلطّش بكون مو خايف على إخواتو البنات
نسيت
-

2009-12-20 00:14:17
رند بنت الشام
عييييييييب!!
انا بشوف انو شغلةتلطيش كتير عيب ومابيعملا الا يلي ماعندو اخلاق ولاحياء ولو بيخاف على اخواتو وبيعرف الله مابعمل هيك بس المشكلة احيانا بيكون لباس البنت غير المناسب في المحل الغير مناسب هولسبب!لكن مثلاانامحجبة ولبسي ملتزم وبتلطش فيلي هو مربى ببيت اهلو مابيوفرحدالاالسبور ولالمحجبة ولالمشلطة هادبلاضافة لانو في بنات بتحب تتلطش لانوبتفكرانوهي محط اعجاب للشباب
سوريا
-

 
خدمات
مواعيد التسجيل
مواعيد المحاضرات
مواعيد الامتحانات
نتائج الامتحانات