مواضيع مختارة
 
جامعة دمشق: قبول طلبات الالتحاق بالدكتوراة بين 15 و30 الشهر الجاري
وزارة التعليم العالي: مبادرة لفهرسة مجلات الجامعات السورية في قواعد البيانات العالمية
التعليم العالي تحدد 6 نيسان موعداً للامتحان التقويمي لخريجي الجامعات غير السورية والخاصة باختصاص صيدلة
التربية: تنفيذ بيان لمشروع عملي حول إخلاء المدارس بحالات الطوارئ
جامعة دمشق تحدد موعد للمتخلفين عن امتحانات الراغبين بالتعاقد معها
التعليم العالي تسمح للطلاب الذين لم يتقدموا لمفاضلة العام الحالي بالتسجيل المباشر في الجامعات
   
   
 
البحث
 

   
   
 
 
موقع الجامعة الافتراضية السورية يتعرض لهجوم إلكتروني من قبل 200 شخصا
التعليم العالي

تعرض موقع الجامعة الافتراضية السورية الالكتروني يوم الأحد الماضي إلى هجوم من قبل عشرات الأشخاص في وقت واحد عبر إغراقه بالرسائل الالكترونية.


وأرسل قسم الدعم الفني في الجامعة الافتراضية رسالة إلكترونية إلى كل أقسام وطلاب الجامعة قال فيها إن "موقع الجامعة الإلكتروني تعرض للهجوم من قبل 150-200 شخصا".

وحذر القسم في رسالته المسؤولين عن الهجوم بالمساءلة وقال إنه "ستتم محاسبة الأشخاص الذين شاركوا في هذا الهجوم".

ورفض المعنيون في قسم الدعم الفني في الجامعة الافتراضية إعطاء تفاصيل عن الهجوم, فيما نفت مصادر في الجامعة حدوث الهجوم وأكدته مصادر أخرى في الجامعة نفسها.

وتشير صيغة الرسالة الالكترونية إلى أن المعنيين في الجامعة تمكنوا من تحديد هوية المهاجمين.

من جهتهم استبعد طلاب الجامعة عبر موقع طلبة الجامعة الافتراضية حدوث هجوم بهذا الحجم الكبير, وقال مهند أحد طلاب الجامعة "إن اتفاق 150 هكر بنفس الوقت للهجوم على سيرفر سيكون لهدف معين، وباعتقادي أنه لا يوجد شيء في سيرفر الجامعة يستحق أن يهجم عليه 150 هكر محترف بنفس الوقت!!".

وقال المبرمج هاني السمان لسيريانيوز إن "موقع الجامعة الافتراضية متصل بسيرفين فقط! (مخدمات) من نوع ويندوز (Microsoft-IIS/5.0, ASP.NET) الذي يسهل اختراقه"، موضحا أن "ما حدث لموقع الجامعة ليس خرقا بل هو استنفاذ لقدرة المخدمات يشار إلى أن كل طالب في الجامعة الافتراضية لديه القدرة على أن يرسل رسالة إلكترونية إلى كافة الطلاب في الجامعة في وقت واحد وهذا ما يزيد الضغط على الموقع.

وأضاف السمان أن "من المتوقع أن يكون الضغط قادما من إحدى الدول المجاورة، وهؤلاء اللذين قدرتهم الجامعة ما بين 150-200 كما قال قسم الدعم الفني في الجامعة قد لا يتجاوز عددهم الخمسة أشخاص".

وقال السمان "إذا أراد الموقع تجاوز هذه المشكلة فعليه أن يستبدل نظام تشغيل الويندوز باللينكس بالنسبة للسيرفر لأنه أكثر أمانا في حال كان نظام التشغيل ويندوز، بالإضافة إلى أن يمكن استخدام Hardware firewall  الذي يعمل على تلقي وايقاف الهجمات المباشرة على السيرفرات, او يمكن استعمال Software DDOS ATTACK من اجل تفادي اكثر الهجمات توقعا لان الكثير من المبتدئين والهوات يتسعملون برامج تعتمد على DDOS"، لافتا إلى أن هناك العديد من البرامج يمكن استخدامها لاستنفاذ قدرة السيرفر.

واستبعد السمان أن "يكون مصدر هذا الهجوم من سورية بسبب ضعف سرعة الإنترنيت".

وتعتمد الجامعة الافتراضية على الانترنت في كثير من أنشطتها التعليمية والامتحانات, وقد افتتحت في شهر أيلول من عام 2002 بهدف توفير تعليم في مستوى عالمي للطلاب، في بلدهم، بالتشارك مع جامعات عالمية معروفة من الولايات المتحدة الأميركية وكندا وأوروبا وأستراليا.

رواد بلان - سيريانيوز


 
 
2009-01-26 20:41:45


شارك بالتعليق


2010-12-13 20:23:11
صفوان
الجامعة الإفتراضية أقوى الجامعات العربية
يعني أنا بستغرب من هالتعليقات التفاهمة لي بعلقوها الطلاب ...طيب إذا شايفينها جامعة ما منيحة روحو شوفو شي جامعة تانية تحويكن...المهم هاد لي صار ما اسمو اختراق اسمو أتاك أو فلود على السيرفر وهاد ما ممكن يصير إلا إذا كان عدد الهاكر أو الكراكر أكترمن 200 وهاد النوع من الأتاك مستحيل وقفو حتى الياهو والهوتميل تعرضو لهل الشي ..والفاير وول شغلتو يعمل بلوك بس
سوريا

2009-09-02 01:15:21
راميا
لا نتزعو سمعة جامعتنا يا جماعة
المهم رح كمللكن... صارلي كمان سنيتن و نص متخرجةو ما بعرف لهلأ ما هية شهادتي..بس بالاخير بدي قول لا حول و لا قوة الا بالله العلي العظيم و سلامي للجميع
سوريا
-

2009-09-02 01:10:55
راميا
لا نتزعو سمعة جامعتنا يا جماعة
اينما كانت الجامعة الا ما يكون في بعض الاخطاء (او العديد منها) بس المشكلة مو بالجامعة يا جماعة المشكلة بما بعدها لك تفاجأنا بشغلات بتهوي بعد ما تخرجنا و منها : لحتى عدلنا وضعنا ضليت سنة و نصف و الله اعلم بيلي بدن يتوظفوا هل سيقبلونهم لانهم خريجي افتراضية ثانيا معهد التنمية الادارية وماجستيراته يريدون ان يعاملونا معاملة الجامعات الخاصة و يدرسونا موازي
سوريا
-

2009-01-30 17:42:25
شادي الفاني
هالشي طبيعي وانتو مفكرين غلط
هي ادارة الجامعة من كتر ماالطلاب بعتت اعتراضات على نظام الامتحانات الجديد فكروه هاكر مستقصد الجامعة ..انا بعد كل فحص ببعت 100 ايميل للادارة و100 ايميل للاستاذ حتى اناقشه بسلم العلامات
syria

2009-01-29 19:15:01
حازم
طالب من الجامعة قسم it
ان الجامعة تفتقر لما تدرسة وهي تكنولوجيا المعلومات اذ ان المشاكل التي تحدث في الامتحانات والايميل والموقع بشكل عام لا يمكن ان يكون لجامعة تدرس التكنولوجيا الرجاء ممن لهم القدرة على التحسين ان ينظروا بموضوع الحواسب التي انقرضت في المركز الرئيسي في الوزارة والى الموقع والاعطال وسوء التنظيم واكل حق الطالب (عينك كنت كينك) من هذه المشاكل انهم غيرو الايميل
سوريا
-

2009-01-28 19:06:48
rabeea
waaaaw
طيب اذا كان هالشي بسيط لهدرجة معناها قسم الدعم الفني والتقني اللي موجود بجامعتنا كان فاشل ولازم يتحاسب هوي مو نحاسب اللي عمل هيك
syria

2009-01-28 13:17:54
طالبة
عادي
جامعة تعبانة باللي فيها كلها تخبيص وادارة تعبانة ومشاكل امتحان وحالة فظيعة
سوريا
-

2009-01-28 09:44:09
طالب بالافتراضية
شمتان
مبارح و بعد التعليقات الرنانة بمنتدى طلاب الافتراضية, المنتدى اللي قائم على أشخاص عاديين بدخل اليوم للمنتدى و بلاقي الجملة التالية: Bandwidth Limit Exceeded The server is temporarily unable to service your request due to the site owner reaching his/her bandwidth limit. Please try again later. فتخيل يا رعاك الله
سوريا
-

2009-01-28 05:56:12
Rafat
اختراق موقع الجامعه
هي مو عملية اختراق و انما اغراق و تنفيذها بسيط ما بدوا 200 واحد بدكون تعرفوا شلون بسيطة بكل موقع في بريد الكتروني عليه مجيب آلي فعل على ميل مجاني مجيب آلي و ابعت ميل ولو فاضي للمجيب الآلي تبع الميل اللي بدك تغرقه و انتظر ربع ساعة بكون الموقع واقف سلام يا شباب
-
-

2009-01-27 22:42:00
طالب بالافتراضية
تخلف
يعني الي تابع انطلاقة الافتراضية ما كان يتوقع توصل المرحلة هي اقترح على وزارة التعليم العالي خصخصة هذه الجامعة لان الحل الوحيد لترجع للجامعة سمعتا
سورية
-

2009-01-27 22:42:37
ناهد
فضيحة
لك فضحتونا ادام العالم
سوريا
-

2009-01-27 19:15:15
Anas
شو مشان
شو مشان أنو انلطش تعليقي وانحط بالمقال دون ذكر مصدره سيريانيوز الرجاء المحافظة على مبادئ أخلاق الصحافة ومشكورين مرة تانية والرجاء التقبل بصدر رحب لأنكم مصدر ثقة... أنس تكريتي طالب في الجامعة السورية الافتراضبة
Syria
-

2009-01-27 18:05:49
عادل
هجوم قديم
الهجوم عبر الإغراق بالرسائل الالكترونية قديم جدا و بسيط و لا اعتقد انه يوجد سيرفر يتاثر بهذا النوع من الهجوم.
سوريا
-

2009-01-27 18:00:03
Tarek on
اووووووووووووف 200 هكرجي
شباب ما بعرف شو بدي قلكون بس الكلام هذا مو معقول لانو بكل بساطة عم بيقولو بالخبر انو في فئة من الجامعة نكرت الخبر وفي فئة تانية منوأكدت الصحة بصراحةاكتر مخدمات الجامعة كتير تعيسة وبشكل كبير يعني ما في داعي لهكرجية ولا شي عملوسيرفوخلص لطلاب البكالوريوس تكنولوجيا المعلومات ولهلق عم يواجهو صعوبات بالمحاضرات يعني الخبرمنشان يتغطى ضغف السيرفرات مواكترمن هيك
Syria
-

2009-01-27 16:33:51
adam
على سيرة الهكر...؟
سيدي احترق المستودع ...ما ... و هلأ فينا نشتغل ...
-
-

2009-01-27 16:00:25
web programmer
هلق هاد مفهوم الهكر برأي الجامعة؟؟؟
سلام عليكم هالكم شخص يلي باعتين هيك ايميلات سبام، اذا كانوا برأي الجامعة وإدارتها اسمهون هكر لكان شو بيسمو الشب السعودي يلي اخترق موقع مايكروسوفت 10 دقايق وموقع الياهو 29 دقيقة وسيطر على الموقعين بشكل كامل؟؟؟ يعني لو كان فايت على الداتا بيز تبع الموقع ولعبان فيها كنا قلنا ممكن يسموه هكر بس يا ريته واصل للوحة التحكم ًأصلا كل الموضوع ايميلات سبام
سوريا
-

2009-01-27 15:39:01
هاني السمان
الآراء تختلف
مرحبا اتشكر ردودكم ومداخلتكم .. الذي ليس لديه فكره عن الموضوع من الأصح ان لا يتكلم ومن لديه رأي خاص بالموضوع او له وجه نظر معينة او غاضبه يجب ارسالها للجامعة .. والموضوع عن الجامعة وليس عن هاني السمان يعني خلونا ضمن رايكم بالجامعة والخدمات اللي عم تقدمها ورايكم فيها .. والضغط كلنا بنعرف انو من ارسال البريد الداخلي الكبير ومن النظام الجديد على كلا شكرا
SYRIA

2009-01-27 15:27:28
علي
تحية إلى هاني السمان
الف تحية إلى المبرمج الكبير و القدير هاني السمان و شكراً على المعلومات المفيدة و انت معروف و اكبر من كل هالكلام يلي في بعض ***** قالوه عنك
سوريا
-

2009-01-27 14:08:16
Anas
تحية ولكن... ج2
ما قاله المبرمج هاني السمان عن Hardware Firewall هو صحيح يمكن استخدام Routers و Switches تحتوي على جدار ناري مبيت بها يتولى أمر الحماية من الـ Spam ومحاولات الاختراق عبر إغلاق المنافذالمفتوحة Ports ويمكن أيضاً من الحماية من الهجمات ذات طابع DoS Attack... يتم تدريس هذه الأمور في كورس يدعى CEH والذي يتوجب للوصول إلى المستوى المطلوب دراسة البرمجة والشبكات
Syria
-

2009-01-27 14:10:45
سوري غير شكل
هكر فاضي
بس بدي أعرف منو هالهكر الفاضي الي قرر يهجم على موقع الجامعة الافتراضية السورية يعني ما لقى جامعة بتحترم نفسها شوي
سورية
-

2009-01-27 14:02:08
Anas
تحية ولكن...
أولاً تحية لكل زملائي طلاب الجامعة ولكل القائمين عليها وللمعلقين رغم عدم اتفاقي مع بعض آرائهم إن موقع الجامعة لا يعمل بمخدم واحد ولا يعتمد على نظام تشغيل واحد فمخدمات البريد والامتحانات ونظام ISIS يعتمدون على نظام تشغيل Linux أما موقع المحاضرات والمحتوى التعليمي يعملان تحت نظام تشغيل Windows يتبع...
Syria
-

2009-01-27 13:55:32
يضربو على هالجامعات
قال
عجبتني هي فايروول للهاردوير معناتا اقرؤوا الفاتحة على الجامعة اللي عندها هيك عالم
سوريا الحبيبة
-

2009-01-27 13:52:34
طالب من الجامعة الفاضلة
شي بيضحك
هاد اللي كاتب هل المقال كأنو أخد أقوال شخص من عنا بالمنتدى تبع الافتراضية و حاطو باسم هل المبرمج هاني السمان؟؟و بعدين طلع هل الطالب اللي عنا مو عارف وين الله حاطو. و بالأخير كل الشغلة ما فيها شي هو شخص واحد سعودي حسب ما سمعنا عمل هل الشغلة مو 200 شخص!!متل ما قال الدعم الفني المحترف تبعنا>> لأنو الدعم الفني تبعنا بيكذب الكذبة بييصدقها و بخللي غير يصدقها
-
-

2009-01-27 13:51:48
hani
موقع الجامعة الافتراضية السورية يتعرض لهجوم إلكترو
أنا لحالي صرت باعت أكتر من 200 رسالة مشان أعرف شو صار بالإعتراض يلي مقدمو و بعد سنتين ما حدا رد.
syria

2009-01-27 13:18:09
الشامي
يلي بيعرف بيعرف و يلي ما بيعرف بئول هكرز
يا جماعة انا طالب بالجامعة و لو بتشوفو كيف شكل الوقع لأنو ما فيني سمي نظام لأنو مو منظم أصلا . لما بدون يبعتو أميل لكل الطلاب في مشرفة ما رح ازكر اسما ابتبعت الأميل صدقا بين ال3 مرات لحدود ال12 مرة و بالغالب ابتبعتو 6 او 7 مرات نفسو نفسو و لكل الطلاب و من غير شي الموقع بطييئ بسوريا و برات سوريا بئا حاجة اتخبو الحقائق و تتحججو و اتبهرو الموضوع لتستترو
سعودية

2009-01-27 13:12:22
ابو سمعو
والله انتو مساكين
ومين قالكم انو ما في جدار ناري للهارد وير في شي اسمو فيرووال للهارد وير وهو بيدوه بيقلل بنسبة من 20 الى 75 ب % من اي هجوم حسب اعدادت الكونفج على فكره مو صعبة تعرف شو نوع السيرفر ومن اي بلد خطوطه الخخخ في شيء اسمو هوايز whois وفي كتير اشيا واسف على الاطالة
سوريا - حلب
-

2009-01-27 12:57:29
samer
أممممممممممممممممممممممممممممممم
(بالتشارك مع جامعات عالمية معروفة من الولايات المتحدة الأميركية وكندا وأوروبا وأستراليا)أمممممممممممممممممممممممممم. مناهجا من العصر الحجري
سورية
-

2009-01-27 12:51:02
شو يعني مبرمج
111111111
المبرمج هاني السمان : من حكيك مبين انك كتير محترف "استخدام جدار فاير وول للهارد وير" حضرتك خريج معهد تصليح بوابيركاز مو
Syria
-

2009-01-27 11:12:19
طالب إلى الأبد
هجوم إلكتروني
ما في داعي لا تدفشني بوقع لحالي سؤال:بعد تقديم إعتراض على المادةفي الجامعة الإفتراضية متى سيتم الرد على الإعتراض علما أن الإعتراض مقدم منذ سنتين(عنجد)
Syria

2009-01-27 10:28:14
سنفور غضبان
أنا أكره الوندوز
يمكن طلاب السنة الأولى عم يجربوا اول درس من كتاب أمن المعلومات.. لأنه شغلة الهجوم بالبريد هي من أسخف الإزعاجات الممكنة.. احمدوا ربكم ما إجاكن شي هكرجي عن جد لأنه متل ما بتعرفوا نحنا من غير هكرجي عم نرقص
-
-

2009-01-27 10:05:47
mahmoud nahlawi
ذكاء بالتحليل وذكاء بالحلول
اذا بالتحليل طلع معهن هيك نتيجة فما غريب يطلع معهن علاج للحالة هيك حل. منتمنى من الجامعة أولا ومن سيريا نيوز ثانيا أنها تتعذب شوي وتترك المجال لناس بتعرف شو تحكي أنها تحكي .
Dubai - UAE

2009-01-27 09:49:54
1111
وين الخطة البديلة ؟؟
في هكذا مواقع يجب أن تكون هناك خطة بديلة بحيث يمكن تلافي اي ضرر على الطلاب واالنظام المخدم؟؟
منغوليا

2009-01-27 09:37:28
هاني السمان
احلى الشي انو اخترقوهم لانهم ويندوز
حبيب مين خبرك هالخبرية لا بتعرف شو صار وعم تخمن تخمين واخر شي عم تعطي نصايح انو بدلو على لينكس لانو ويندوز بيخترق طب روح اخترق مايكروسوفت معناها يافهيم احلى شي عبارة "جدار فاير وول للهارد وير" بتدل على قدرات لغوية فظيعة
SYR
-

2009-01-27 09:36:34
Green
السيدهاني السمان: من قال لك ان سيرفرات الجامعة هي ويندوز؟؟ تصيحيا لمعلومتك هي لينوكس وما ادراك ان الهجوم من الخارج؟؟
Syria
-

2009-01-27 09:30:56
وسام
معقولة!!!!
معقولة سيرفر تابع للجامعة وليس عليه firwall !!!!!!
s,vdh

2009-01-27 09:29:22
عبدالله
تزييف للحقيقية
انا طالب بالجامعة وهذا ليس هجوم كما قد تم ذكره بل هو كثرة الشاكاوي من الطلبة بسبب وضع الجامعة المتردي يوما بعد يوم وخصوصا بسبب تغيير نظام الامتحانات الخاص بالجامعة وكل طلاب الجامعة يعرف الحقيقة
Syria
-

2009-01-27 08:38:16
إياد
عوجا
يا سيدي عقبال التعليم المفتوح و خاصة الي بجامعة تشرين.. يعني موقع ممممم بشهي التوبة صرلن 6 سنين ما كانوا يعرفوا يخدموا الطلاب متل العالم , عل القليلةالامور البديهية متل مواعيد المحاضرات او مواعيد الامتحانات التكميلية او حتى رقم تيليفون شؤون الطلاب يلي اما غلط او ما بيردوا عليه ايييييه عوجا
سوريا يا حبيبتي
-

2009-01-27 07:46:53
هكر محترف
سؤال يستر على عرضكن
بس سؤال كيف عرفوا 200 هكر يعني ماشاء الله بدهن يبهروا الأمور يعني بتعرفوا إذا 200 هكر اجتمعوا بنفس الوقت موقع البينتاكون بيوقع السيرفرالي فيه ولسى الأحلى هذا الي جايبينوا وعامل حالوا فهمان بس يقرأ شو كاتب المشكله دائما بنحكي هكر ومدري شو العالم بطير عقلها تقول نووي وعلى تخبيص بهل الحكي
كندا
-

2009-01-27 07:25:42
غيور عسوريا
موقع الجامعة الافتراضية
شكراً إلك هاني السمان على معلوماتك الرائعة اللي ما منعرف من غيرك شو كنا عملنا... أخخخ!
UAE
-

2009-01-27 06:30:19
3DExpert
5 أو 200 وين المشكلة
لما قرأت العنوان فكرت شي عملية دخول لقواعد بيانات من دون إذن أو ما شابه! كل القصة أنهم عم يرسلوا رسائل و بس! و عددون 200 شخص! و ممكن يكونو 5 كمان!!! من الأفضل للجامعة تحديث السيرفرات قبل تغيير نظام التشغيل لأن المشكلة الأكبر هي في ضعف القدرة على الاستجابة من السيرفرات الحالية على ما يبدو.
U.A.E.

2009-01-27 03:09:36
بطل سورية والمهجر
من لا جامعة، والله!!!
يا سيدي، إذا الجامعة الإفتراضية مضيعين حجشة خالهون، ومو عرفانين من وين الطرق - لا عتب على باقي بلدك.. أما إذا كانت الحكاية إنو السيرفر عطاك عمرو من كم رسالة زايدين؛ يعني شو هالجامعة الإفتراضية يللي كل شغلها عالشبكة، ومو حاسبين حساب هيك كثافات؟؟ بغير هالمسلة يحيكوا...
كندا
-

2009-01-27 01:44:15
Basslk
Comment On Mr.Samman
Mr.Saman i think that your information is inaccurate about Windows, anyway i encourage to check who's the Best Network Operating System this. its Windows 2008 Server
All over
-

2009-01-27 01:21:17
محمد نور
الجامعة الاغترافية
يرجى اعادة النظر بموضوع المناهج و الاسعار فقد اصبحت جامعة اغترافية و ليس افتراضية و يجب ان يكون موقعها مجهز و مؤمن بشكل جيد فهي جامعة متصلة بجامعات عالمية و ليست مجرد معهد تعليمي .. و الله اعلم
سوريا
-

2009-01-26 23:43:35
يوسف
اكيد موو من سوريا
مامن معنا خيوو والله مافي عنا سرعه بتوصل فوق 512 م ب من دول مجاوره....
سوريا

2009-01-26 22:24:24
strangeress
what attack!
I work there and no attacj whatsoever affected the flow of work at SVU on the mentioned sunday!!!!
syria
-

 
خدمات
مواعيد التسجيل
مواعيد المحاضرات
مواعيد الامتحانات
نتائج الامتحانات